Rost24 | Расмий канал

Марказий Осиё давлатларига ташқи кучлар томонидан босим бўлмоқда – Виктор Махмудов Ўзбекистон Президенти ҳузуридаги Хавфсизлик кенгаши котиби Виктор Маҳмудов Марказий Осиё давлатларига ташқи кучлар томонидан босим ўтказилаётганини маълум қилди. Унинг таъкидлашича, ташқи кучлар Марказий Осиё давлатларининг миллий манфаатларини ҳисобга олмаган ҳолда танлов қилишга мажбурлашмоқда. “Ўзбекистон Марказий Осиё минтақасига ташқи сиёсатнинг устувор йўналиши сифатида қарайди ва бу маконда тинчлик, хавфсизлик ва ишонч ўрнатиш бўйича саъй-ҳаракатларни амалга оширмоқда. Афсуски, Марказий Осиёга ҳаракат қилаётган ташқи кучлар миллий манфаатларни инобатга олмасдан танлов таклиф этишмоқда”. Ушбу сўзлар хавфсизлик масалалари бўйича Олий вакилларнинг Санкт-Петербургдаги “Экспофорум” доирасида ўтаётган XII халқаро йиғилишида В. Махмудов томонидан айтилди. ROST24.uz | Telegram | Facebook | Instagram | YouTube

Асосий йиллик ставка 14% миқдорида ўзгартиришсиз қолдирилди Марказий банк бошқаруви 2024 йил 25 апрелдаги йиғилишида асосий ставкани йиллик 14 фоиз даражасида сақлаб қолиш тўғрисида қарор қабул қилди. ROST24.uz | Telegram | Facebook | Instagram | YouTube

Адлия вазирлигининг оромгоҳи қимматбаҳо спиртли ичимликлар сотиб олди Бир йил олдин махсус ахборот порталига жойлаштирилган давлат харидига кўра, Адлия вазирлиги ҳузуридаги Конвенцион марказ давлат муассасаси томонидан жами 207 млн 260 минг сўмга чет элда ишлаб чиқарилган спиртли ичимликлар (вино, ароқ, виски, ликер, мартини, ром, бренди ва ҳоказолар) харид қилингани айтилмоқда. Ичимликнинг энг арзони ҳар бир донаси 292 минг сўм, энг қимматининг ҳар бир донаси 400 минг сўмдан харид қилинган. Адлия вазирлигига қарашли «Конвенцион марказ» ДМ — Бўстонлиқ туманида жойлашган «Олмос» дам олиш маскани ҳисобланади. Юқоридаги давлат хариди амалга оширилган ва шартнома тузилган даврда Авазхон Баҳодирович Тожихонов мазкур марказ раҳабари сифатида фаолият юритган экан. У шундан сўнг, 2023 йил 30 октябрь куни Маданият вазирининг биринчи ўринбосари лавозимига тайинланган. ROST24.uz | Telegram | Facebook | Instagram | YouTube

✅️#Рост_ҳикматлар Бутун коинот бир - бирига меҳр - муҳаббат риштаси билан боғлангандир. Меҳр улашишни ўрган! У муҳаббатнинг барчасига қалбингда жой борлигини кўнглинг англаб етсин! МУҲАББАТСИЗ ИНСОНДАН ДУНЁ ҚЎРҚАДИ, БУНИ УНУТМА! ✍️Жалолиддин Румий 🌸Кунингиз хайрли ўтсин! ROST24.uz | Telegram | YouTube

Британия чекланмаган миқдорда ҳамшираларни ишга таклиф қилмоқда Бу ҳақида Ўзбекистон камбағалликни қисқартириш ва бандлик вазирлиги ҳамда Британиянинг «NEU Professionals» агентлиги вакиллари иштирокида бўлиб ўтган матбуот анжуманида маълум қилинган. Номзодларга қўйиладиган талаблар: • Инглиз тилини билиш; • тиббиёт техникуми дипломи; • махсус сертификат; • судланмаган бўлиш. Имтиҳондан муваффақиятли ўтган номзодларга виза, суғурта, авиа чипта ва Британияда дастлабки икки ойлик яшаш харажатлари қоплаб берилиши ҳам айтилмоқда. ROST24.uz | Telegram | Facebook | Instagram | YouTube

“Толибон” илмий асарларни турк ва ўзбек тилларига таржима қилишни тақиқлади Aamaj News ахборот агентлигининг хабар беришича, Толибон Олий таълим вазирлиги илмий асарларни турк ва ўзбек тилларига таржима қилишни тақиқлаган. Вазирлик Афғонистон шимолидаги университетларнинг ўзбек ва турк тили ва адабиёти бўлимларига хорижий илмий асарларни пушту ва форс тилларига таржима қилишни топширган. Шу вақтгача ўзбек ва турк тили ва адабиёти профессор-ўқитувчилари илмий унвон олиш учун хорижий илмий асарларни ўзбек тилига таржима қилишаётган эди. Эслатиб ўтамиз, Толибон Форсга қарши позицияси кучайиши ортидан форс тилидаги барча расмий ҳужжатларини пушту тилига ўзгартирган эди. Оқибатда эса форс маданиятига оид асарлар ҳам йўқ қилинди. ROST24.uz | Telegram | Facebook | Instagram | YouTube

Энергетика вазирлиги яна ваъда берди. Бу сафар узоқроқ муддатга “3-4 йилдан кейин электр ва газ таъминоти бўйича ҳеч қандай муаммо бўлмайди деб ваъда бера оламиз” — Энергетика вазирлиги матбуот котиби. Ўзбекистонда 2027-2030 йилларгача электр энергияси ва табиий газ етказиб беришдаги узилишлар муаммоси тўлиқ ҳал этилади. Бу ҳақда Энергетика вазирлиги матбуот хизмати раҳбари Ҳасан Тошхўжаев 22 апрел кунги матбуот анжуманида маълум қилди. “Лекин барибир соҳада қилиниши керак бўлган ишлар ниҳоятда кўп. Бу дегани, нарх ошди ва биз бир зумда истеъмолчиларга сифатли, узлуксиз, барқарор электр энергияси етказиб берамиз дегани эмас. Айтиб ўтганимдек, бир йилда катта маблағ эвазига 18-20 фоиз ишни амалга оширган бўлсак, олдимизда яна камида 3-4 йиллик иш турибди. 3-4 йилдан кейин – 2027-2030 йилларгача, насиб қилса электр энергияси етказиб беришда ҳам, табиий газ етказиб беришда ҳам ҳеч қандай муаммолар бўлмайди деб ваъда бера оламиз”, – деди Ҳ.Тошхўжаев. ROST24.uz | Telegram | Facebook | Instagram | YouTube

Ўзбекистонлик тадбиркорлар Япония тажрибаси асосида ўқитилади “Бизнесни ривожлантириш банки” АТБ ва Ямагата университети билан ўзаро келишувга мувофиқ, 10 минг нафар ўзбекистонлик тадбиркор Япония тажрибаси асосида ўқитилиши белгиланган. Бу ҳақида “Бизнесни ривожлантириш банки” томонидан ташкиллаштирилган матбуот анжуманида айтилди. Батафсил: rost24.uz/uz/news/1851 Реклама ROST24.uz | Telegram | Facebook | Instagram | YouTube

✅️#Рост_ҳикматлар Дўстлар орасидаги тушунмовчилик улар орасига учинчи одам тушмагунича у қадар кучли бўлмайди. ✍️Ромен Роллан 🌸Кунингиз хайрли ўтсин! ROST24.uz | Telegram | YouTube

Британия ташқи ишлар вазири Тошкентда ош тайёрлашни ўрганмоқда Британия ташқи ишлар вазири Дэвид Кэмерон Ўзбекистонга Марказий Осиёнинг барча давлатлари ва Мўғулистонга расмий ташрифи доирасида келди. У Тошкентга ташрифи давомида Ўзбекистон ташқи ишлар вазири билан шерикчилик тўғрисидаги декларация, шунингдек, инфратузилма соҳаларидаги ҳамкорлик бўйича англашув меморандумини ҳам имзолади. ROST24.uz | Telegram | Facebook | Instagram | YouTube