EOTC Books ⛪️

ለኦርቶዶክሳውያን ወጣቶች እና ምእመናን መልእክት .! 1) ኦርቶዶክሳዊ ክርስቲያን የሆነ ፈጽሞ መሳተፍ የለበትም! ኦርቶዶክሳዊ ክርስቲያን የሆነ ሰው "ኢሬቻ" በተሰኘው የዋቄፈታ ሃይማኖታዊ የአምልኮ ሥርዓት ላይ ፈጽሞ መሳተፍ የለበትም። ምክንያቱም የኦርቶዶክስ ነገረ-ሃይማኖት አስተምህሮ እና የዋቄፈታ አምልኮ እሳቤ ልዩነታቸው እንደ ሰማይና ምድር የራቀ ነው። የክርስቲያኖች አምላክ እና በዋቄፈታ እምነት "አምላክ" የሚሉት ፈጽሞ አንድ አይደሉም። ስለዚህ ሃይማኖትህ ካልሆነ በኢሬቻ የአምልኮ ሥርዓት ላይ ምን ያንከራትትሃል? ምን ያደክምሃል? ➯ ኦርቶዶክሳዊ ክርስቲያን ሆኖ በዋቄፈታ ሃይማኖታዊ አምልኮ ላይ የሚሳተፍ ካለ አምላኩን እንደካደ ይቆጠራል። በኢሬቻ የአምልኮ ሥርዓት ላይ የሚሳተፍ ሰው "በዋቄፈታ ሃይማኖት የማመልከው አምላክ የእኔም አምላክ ነው" እያለ ነው። በአንድ ጊዜ "ኦርቶዶክሳዊ ክርስቲያን ነኝ" እያሉ፣ በሌላ በኩል ደግሞ "የዋቄፈታ ሃይማኖታዊ አምልኮ ተከታይ ነኝ" ማለት አይቻልም። ➯ አንተ ሰው ሆይ፤ ወይ ሰይጣንን ምረጥ ወይም እግዚአብሔርን ምረጥ! እስከመቼስ በኹለት ጌቶች ትገዛለህ? ከክርስትና ውጭ የሆነ የዋቄፈታ ሃይማኖት ተከታይ ነኝ የሚል ሰው እንደፈለገ መሆንና አምልኮውን መፈጸም መብቱ ነው። ነገር ግን ኦርቶዶክሳዊ ክርስቲያን የሆነ ምእመን በዚህ ሃይማኖታዊ በዓል ላይ ፈጽሞ መገኘትም ሆነ ሥርዓቱን መፈጸም የለበትም። በኢሬቻ ሃይማኖታዊ ሥርዓት ላይ የሚሳተፍ ኦርቶዶክሳዊ ክርስቲያን ፈጽሞ ሊኖር አይገባም፤ ምክንያቱም ክርስቲያን የሆነ ሰው አምላኩ በማይመሰገንበት የሌላ እምነት ሥርዓት ላይ መገኘት ተገቢ ስላልሆነ። ስለዚህ ኦርቶዶክሳዊ ክርስቲያን የሆነ ሰው ፈጽሞ፣ ፈጽሞ መሳተፍ የለበትም። አንዳንዶቻችን እስኪ ልብ እንግዛ! 2) በኢሬቻ ሥርዓተ አምልኮ ላይ ካህናት ለምን ይሳተፋሉ? በኢትዮጵያ ኦርቶዶክስ ተዋሕዶ ቤተ ክርስቲያን ውስጥ ቀሳውስት ሆነው ሳለ፣ በኢሬቻ ሥርዓተ አምልኮ ላይ የሚሳተፉ ካህናት አምላካቸው ማን እንደ ሆነ ለይተው ያወቁ አይመስሉም። ምዕመናንን በጎችን እንዲጠብቁ ኃላፊነት የተሰጣቸው እረኞች፣ "ዋቄፈና" በተሰኘው ሃይማኖታዊ አምልኮ ላይ የሚሳተፉ ከሆነ፣ እነሱኑ ራሳቸውን ከገቡበት ማጥ ሊያወጣቸው የሚችል ሌላ እውነተኛ እረኛ ያስፈልጋቸዋል። ስለሆነም፣ በየሀገረ ስብከቱ የሚገኙና "ሁለት ጌቶችን የሚያመልኩ" ካህናትን በማጣራት መገሰጽ፣ አልፎ ተርፎም በቃልና በጽሑፍ ማስጠንቀቂያ መስጠት ይገባል። የትምህርት ክፍተት ያለባቸውን ካህናት ደግሞ ከስህተታቸው እንዲታረሙ የነገረ መለኮቱን ልዩነት እያነጻጸሩ ማስረዳትና ማስገንዘብ ያስፈልጋል። ነገሩ ሁሉ የተምታታባቸውን ምዕመናን በኢሬቻ ሥርዓተ አምልኮ ላይ እንዳይሳተፉ መጠበቅ ሲገባ፣ እረኛ የተባለው ካህን ራሱ በሽተኛ ከሆነ ግን የተሸከመውን "መንፈሳዊ ቫይረስ" ለሌላው ከማጋራት ወደኋላ አይልም። በመሆኑም አንድ እግራቸውን በኦርቶዶክስ ቤተ ክርስቲያን፣ ሌላ እግራቸውን ደግሞ በኢሬቻ ሥርዓተ አምልኮ ላይ የሚያደርጉትን አካላት አደብ ማስገዛት ተገቢ ነው። በነገራችን ላይ ንቁና ጠንካራ የቤተ ክህነት መዋቅር ቢኖረን ኖሮ፣ እንደ ቄስ በላይ መኮንን እና መሰል ካህናትን አደብ ማስገዛት ይቻል ነበር። ስለዚህ "በኢሬቻ ሥርዓተ አምልኮ ላይ ካህናት ለምን ይሳተፋሉ?" ብለን በጽኑ መጠየቅ ይኖርብናል። ከ©መምህር ዮሴፍ ፍስሐ ፔጅ የተወሰደ።

ማስታወቂያ ! አባቶቻችን ለዘመናት ሲጠቀሙበት የነበረው የተሰወረ የጥበብ እና የመድኃኒት ምስጢር!🌿📜 ​በዘመናዊ ሕክምና ያልተገኙ፣ በባህላዊ እና በመንፈሳዊ ጥበብ ውስጥ የተሸሸጉ የመፈወስ ሚስጥሮች ምን ያህል እንደሆኑ ያውቃሉ? ​አባቶቻችን ከተፈጥሮ እፅዋት፣ ከእምነት እና ከተፈጥሮ ሕግጋት ጋር በመስማማት ሕመሞችን የመፈወስ እና ራስን የመጠበቅ ታላቅ ጥበብ ነበራቸው። ይህ ጥበብ ሳይጠፋ ለትውልድ እንዲተላለፍ በዲጂታል ኮፒ ተዘጋጅቶ ቀርቦልዎታል። ​📘 "መጽሐፈ መድኃኒት - የአባቶች የጥበብ መጽሐፍ" (E-Book - PDF) ​በዚህ ጥንታዊና ድንቅ መጽሐፍ ውስጥ የሚያገኙት፦ ​የተለያዩ የተፈጥሮ እፅዋት ለተለያዩ ሕመሞች ያላቸው የመፈወስ አቅም ​የአባቶቻችን የጤና፣ የስነ-ልቦና እና የመንፈሳዊ ጥበብ ምስጢሮች ​በቤትዎ ውስጥ ሊጠቀሙባቸው የሚችሉ ባህላዊና ተፈጥሯዊ የመፍትሔ መንገዶች። ​🛷 የልዩ እድል ማስታወቂያ! ይህንን የጥበብ መጽሐፍ በስልክዎ ወይም በኮምፒዩተርዎ ላይ በቀላሉ ይዘው ለማንበብ የመጀመሪያዎቹ 13 አዛዦች ልዩ ቅናሽ ያገኛሉ። ​📲 አሁኑኑ የራስዎን PDF ኮፒ ለማዘዝ፦👇 https://ye-buna.com/ethioyared?ref=product_detail&product=6a214d01bead7_ethioyared

🕊 † በስመ አብ ወወልድ ወመንፈስ ቅዱስ አሐዱ አምላክ ፡፡ አሜን፡፡ † [ † እንኩዋን ለአበው ቅዱሳን ኤዎስጣቴዎስ አኖሬዎስና ማር ያዕቆብ ዓመታዊ የዕረፍት በዓል በሰላም አደረሳችሁ † ] † 🕊 አቡነ ኤዎስጣቴዎስ ረባን 🕊 † ሐዋርያዊው ጻድቅ ኢትዮዽያዊ [ኤርትራዊ] ሲሆኑ በዓለም ደረጃ የሚታወቅ አገልግሎት ያላቸው አባት ናቸው:: በመካከለኛው ዘመን የኢትዮዽያ ታሪክ የኤወስጣቴዎስንና የተክለ ሃይማኖትን ያህል ስሙ የጐላ ጻድቅ አይገኝም:: ጻድቁ በ፲፻፪፻፷፭  ዓ/ም አካባቢ እንደ ተወለዱ ሲታመን ወላጆቻቸው ክርስቶስ ሞዐ እና ስነ ሕይወት ይባላሉ:: የጻድቁ የመጀመሪያ ስም ማዕቀበ እግዚእ ነው:: ኤዎስጣቴዎስ የተባሉ በሁዋላ ነው:: ገና ከልጅነታቸው መንፈሰ እግዚአብሔር አድሮባቸዋልና ለዚህ ዓለም ግድ አልነበራቸውም:: ከመምሕር ዘንድ ገብተው ቅዱሳት መጻሕፍትን ተምረው ዲቁናን ተቀብለው ያገለግሉ ገቡ:: በዲቁና አገልግሎታቸው ስሉጥ በመሆናቸውም የዘመኑ አበው 'ዳግማዊ እስጢፋኖስ' እያሉ ይጠሯቸው ነበር:: ከዚያ በወጣትነት እድሜአቸው ምናኔን መርጠው: ጾምና ጸሎትን ከስግደት ጋር አዘወተሩ:: እንዲህ ባለ ሕይወት ሳሉ አንድ ቀን ለስም አጠራሩ ጌትነት ይሁንና መድኃኒታችን ኢየሱስ ክርስቶስ ወደ አቡነ ኤዎስጣቴዎስ ዘንድ መጣ:: በዘባነ ኪሩብ በግርማው ቢያዩት ደነገጡ:: ጌታ ግን "ወዳጄ ኤዎስጣቴዎስ! ገና ከእናትህ ማሕጸን መርጬሃለሁ:: ከኢትዮዽያ እስከ አርማንያም ሐዋርያ ትሆን ዘንድ ሹሜሃለሁ:: 'ዘኪያከ ሰምዐ ኪያየ ሰምዐ.. አንተን የሰማ እኔን ሰማ አንተን እንቢ ያለ እኔን እንቢ አለ" ብሏቸው ባርኩዋቸው ዐረገ:: ጻድቁ ፈጣሪያቸውን ስለ ስጦታው እያመሰገኑ ቅስናን ተቀብለው ስብከትን ጀመሩ:: ስም አጠራራቸውም ፈጥኖ በሃገሪቱ ተሰማ:: በየቦታው እየዞሩ ያላመነውን አሳምነው እያጠመቁ: ያመነውን በሥርዓተ ቤተ ክርስቲያን እያጸኑ: ሕይወተ ገዳምን እያስፋፉ ኖሩ:: አሁን ኤርትራ ውስጥ የሚገኘውንና እርሳቸው የመሠረቱትን ገዳም ጨምሮ ለገዳማዊ ሕይወት መስፋፋት አስተዋጽኦ አድርገዋል:: በገዳማቸውም አባ አብሳዲን ጨምሮ በርካታ አርድእትን አስተምረዋል አፍርተዋል:: አቡነ ኤዎስጣቴዎስ በተለይ የሚታወቁት ቀዳሚት ሰንበት እንዳትናቅ [እንድትከበር] ባደረጉት ጥረት ነው:: ደግሞም ተሳክቶላቸዋል:: ቅርብ ጊዜ ከምናየው የድፍረት ሥራ በቀር በሃገራችን ፪ቱም ሰንበቶች ክቡር ናቸው:: አቡነ ኤዎስጣቴዎስ ፪ ጊዜ በእግራቸው ተጉዘዋል:: መሔዳቸው ግን ለመሳለም ብቻ አይደለም:: ይልቁኑ የወንጌል ዘርን እየዘሩ ፍሬውንም እየለቀሙ እንጂ:: እርሳቸው መቼም ሐዋርያዊ አገልግሎታቸውን ቸል አይሉምና:: በመጨረሻ ሕይወታቸውም በገዳማቸው ላይ ደቀ መዝሙራቸውን አባ አብሳዲን ሹመው ለአዲስ ጉዞ ተነሱ:: እኩሎች ልጆቻቸውን በገዳማቸው ትተው እኩሎችን አስከትለው ጉዞ ወደ አርማንያ ተደረገ:: በመንገድም ወደ ባሕረ ኢያሪኮ ሲደርሱ የሚሻገሩበት መርከብ አጡ:: ድንቅ አባት ናቸውና በእምነት አጽፋቸውን አውልቀው ባሕሩ ላይ ጣሉት:: በላዩ ላይም በትእምርተ መስቀል አማትበው ተቀመጡበት:: ደቀ መዛሙርቶቻቸውም ባሕሩ ላይ በተነጠፈው ኩታ ላይ ከበው ተቀመጡ:: ከሰማይም ጌታችን ወርዶ በመካከላቸው ቆመ:: ሚካኤል በቀኝ ገብርኤልም በግራ ቆሙ:: ጻድቁ ደግሞ ልጆቻቸውን ያስተምሯቸው ይተረጉሙላቸው ገቡ:: በመካከል ግን አንዱ [የማነ ብርሃን ይሉታል በቅኔ ቤት] በመጠራጠሩ እርሱ የተቀመጠባት ብቻ ተቀዳ ሰጠመ:: በሁዋላ ግን ጻድቁ ተመልሰው አውጥተው ከሞት አስነስተውታል:: በዚህም ምክንያት 'ዘአደወ ባሕረ-ማዕበልን የተሻገረ' ይባላሉ:: አቡነ ኤዎስጣቴዎስ በአርማንያ ለዘመናት ሰብከው ሕይወተ ገዳምን አስፋፍተው ብዙ ተአምራትን ሠርተው በተወለዱ በ፹ ዓመታቸው በ፲፻፫፻፵፭ ዓ/ም በዚህች ቀን ዐርፈዋል:: በብዙ ዝማሬ በመቅደሰ መርምሕናም ተቀብረዋል:: ዛሬ በኢትዮዽያ ኤርትራ ግብጽና አርማንያ ይከብራሉ:: † 🕊 አቡነ አኖሬዎስ ጻድቅ 🕊 † / ገድላቸውን እዚህ 👇 ያገኙታል https://ye-buna.com/ethioyared?ref=product_detail&product=6a195ff289e14_ethioyared / ✅ እኒህ ኢትዮዽያዊ ጻድቅ 'ታላቁ አኖሬዎስ' ይባላሉ:: በዚህ ስም ከሚጠሩ አባቶች ዋነኛው እኒህ ናቸው:: ተወልደው ያደጉት ሙገር አካባቢ ሲሆን ዘመኑም ፲፬ ኛው መቶ ክ/ዘመን ነው:: ወላጆቻቸውም ሰላማ እና ክርስቶስ ዘመዳ ይባላሉ:: ጻድቁ ከአቡነ ተክለ ሃይማኖት ደቀ መዛሙርት አንዱ ናቸው:: በወንጌል ትምሕርት ከመሞላታቸው ባሻገር ፍጹም መናኝ ስለ ነበሩ እጅግ ደፋር ነበሩ:: የትኛውንም ስሕተት ፊት ለፊት ይናገሩም ነበር:: አቡነ ተክለ ሃይማኖት ሲያርፉ ጌታ "በአንተ ፈንታ አኖሬዎስ ቀሪ ጣዖት አምልኮን ያጠፋል" ብሎ ነግሯቸው ነበር:: ይኸውም አልቀረ ጻድቁ ከ፲፪ ቱ ንቡራነ እድ እንደ አንዱ በተመረጡ ጊዜ በደበቡ የሃገራችን አካባቢ ክርስትናን አስፋፍተዋል:: ደብረ ጽጋጋ ገዳምንም የመሠረቱ እርሳቸው ናቸው:: ዛሬ 'ኑራ ሑሴን' እየተባለ ታሪኩ ጠልሽቶ የሚነገርለት ዋሻ የጻድቁ በዓት ነው:: አቡነ አኖሬዎስ ፪ ቱን ነገሥታት [ዓምደ ጽዮንንና ሰይፈ አርእድን] በመገሰጻቸው ብዙ ፈተና ደርሶባቸዋል:: ጻድቁ ብዙ ፍሬ አፍርተው በዚህ ቀን ዐርፈዋል:: † 🕊 ማር ያዕቆብ ግብጻዊ  🕊 † በግብጽ ገዳማት ውስጥ በ፬ ኛው መቶ ክ/ዘመን ተነስተው ካበሩ ቅዱሳን አንዱ ማር ያዕቆብ ነው:: ቅዱሱ ከተባረከ ቤተሰብ ተወልዶ በሥርዓቱ አድጐ ገና በልጅነቱ ከመምሕሩ ጋር መንኗል:: ከገድሉ ጽናት የተነሳ ሰይጣን በግልጽ ይፈታተነው ነበር:: በተለይ ለ፯ ዓመታት ያህል ይደበድበው መሬት ላይ ይጐትተው በጥፊ ይመታው ነበር:: እርሱ ግን በጸሎቱ መብረቅ አውርዶ አባርሮታል:: በበርሃው ምንም የሚበላ ነገር ባለ መኖሩ የዱር እንስሳትን ወተት ከደቀ መዛሙርቱ ጋር ይጠጣ ነበር:: ቅዱሱ ሰማዕት ለመሆን ሞክሮም ነበር:: ማር ያዕቆብ ገድሉና ተአምራቱ እጅግ ብዙ ከመሆኑ የተነሳ ስሙ ከፍ ከፍ ብሏል:: እስኪ ጊዜውና እድሉ ካለዎት መጽሐፈ ስንክሳር ላይ የተጻፈውን ገድሉን እንዲያነቡ ልጋብዝዎት:: ጻድቁ ያረፈው በዚሁ ዕለት ነው:: አምላከ ቅዱሳን ወዳጆቹ ካሉበት ጉባኤ እንደ ምሕረቱ ታላቀነት ያድርሰን:: በረከታቸውንም ይሙላልን:: 🕊 [ † መስከረም ፲፰ [ 18 ] ቀን የሚከበሩ ዓመታዊ የቅዱሳን በዓላት ] ፩. አቡነ ኤዎስጣቴዎስ ረባን ፪. አቡነ አኖሬዎስ ዓቢይ ፫. ማር ያዕቆብ ግብጻዊ ፬. ቅዱስ ዕፀ መስቀል ፭. ቅድስት እሌኒ ንግሠት ፮. ቅዱስ ቶማስ ሐዋርያ ፯. ቅዱስ መርቆሬዎስ ካልዕ [ሰማዕት] ፰. ቅዱስ ቶማስ ሰማዕት ፱. ቅዱስ ኤፍሬም ሰማዕት ፲. አባ ፊልሞስ ፲፩. ቅዱስ ሰልሖን ሰማዕት ፲፪. ቅዱስ አክሳኤልስ ሰማዕት ፲፫. ቅዱስ ይስሐቅ ሰማዕት ፲፬. ቅዱስ እስጢፋኖስ ቀሲስ ፲፭. ቅዱስ ነኪጣ ሰማዕት ፲፮. አባ ፊላታውዎስ መንክራዊ ፲፯. አባ ኖብ ባሕታዊ ፲፰. አባ አትናቴዎስ ሊቀ ዻዻሳት ፲፱. ፷ ሰማዕታት [ማሕበረ ቅዱስ አቦሊ] [ † ወርሐዊ በዓላት  ] ፩. ቅዱስ ፊልዾስ ሐዋርያ ፪. ቅዱስ ያዕቆብ ሐዋርያ [ከ፸፪ቱ አርድእት] " እናንተ የምድር ጨው ናችሁ . . . እናንተ የዓለም ብርሃን ናችሁ:: በተራራ ላይ ያለች ከተማ ልትሠወር አይቻላትም . . . መልካሙን ሥራችሁን አይተው በሰማያት ያለውን አባታችሁን እንዲያከብሩ ብርሃናችሁ እንዲሁ በሰው ፊት ይብራ::" [ማቴ.፭፥፲፫-፲፮] † ወስብሐት ለእግዚአብሔር † † ወለወላዲቱ ድንግል † † ወለመስቀሉ ክቡር †          †              †               † ▬▬▬▬▬ ▬▬▬ ▬▬▬▬▬ 💖                   🕊                    💖

Paid Ads  🖥📢  🤝   የስኬት ምስጢር -

ዐዲስ መጽሐፍ

ሕይወትዎን ወደ ተሻለ ደረጃ ለማሸጋገር፣ ጊዜዎን በአግባቡ ለመምራት እና አእምሮአዊ ጥንካሬዎን ለማሳደግ ዝግጁ ነዎት? በዶ/ር ካሌብ የተጻፈው «የስኬት ሚስጥር» መጽሐፍ፣ አላማዎን ግብ ለማድረስ የሚረዱዎትን ወሳኝ እና ተግባራዊ መመሪያዎችን አዘጋጅቶ ቀርቦልዎታል! ➯ በዚህ መጽሐፍ ውስጥ ምን ያገኛሉ? የጊዜ መሪነት (Time Leadership): ጊዜዎን እንዴት በአግባቡ በማቀድና በመጠቀም የዕለት ተዕለት ምርታማነትዎን (Productivity) ማሳደግ እንደሚችሉ። የሥነ-ልቦና ጥንካሬ (Psychological Strength): አእምሮዎን ለስኬት በማዘጋጀት (Mindset)፣ ፍርሃትንና ተስፋ መቁረጥን አሸንፈው ጠንካራ ስብዕና የሚገነቡበት መንገድ። አመራርነት እና ህይወትን ማመጣጠን (Leadership & Life Balance): በማህበራዊ፣ በስራ እና በግል ህይወትዎ መካከል ፍጹም ሚዛን በመጠበቅ ወደ ተሻለ የመሪነት ደረጃ የሚደርሱበት ሚስጥር። ➯ ይህ መጽሐፍ ለማን የተዘጋጀ ነው? በህይወታቸው ትልቅ ለውጥ እና ስኬት ለሚመኙ፣ ጊዜያቸውን በአግባቡ መምራት ለሚፈልጉ፣ የአእምሮ እና የሥነ-ልቦና ጥንካሬያቸውን ማሳደግ ለሚሹ፣ ለተማሪዎች፣ ለወጣቶች፣ ለባለሙያዎች እና ለስራ ፈጣሪዎች። ✨  ዛሬውኑ ያንብቡት፤ የህይወትዎን አቅጣጫ በራስዎ እጅ ይለውጡ! 👉 አሁኑኑ ለመግዛትና ለማውረድ ታች ባለው አዝራር ይጠቀሙ! 👇 https://ye-buna.com/ethioyared?ref=product_detail&product=6ab8f1874d96e_ethioyared