Ministry of Urban and Infrastructure 🇪🇹🇪🇹

የሀገራችንን የቤት ልማት ፕሮግራም አቅጣጫ በከፍተኛ ደረጃ የመቀየር ኃይል አለው። ቴክኖሎጂን ከሀገራዊ ርዕያችን ጋር አጣምረናል፤ መሰል በተግባር የተገለጡ ስራዎቻችን ደግሞ ለሀገር የሚገባውን ፈጣን እድገት እውን ለማድረግ በትክክለኛው አቅጣጫ ላይ በቁርጠኝነት እየተጓዝን መሆናችንን በተግባር አሳይቷል !

የዜጎችን አቅም ያማከለ የመኖሪያ ቤት ግንባታ አማራጭን ማስፋት ይገባል - ወ/ሮ ጫልቱ ሳኒ ከዚህ በፊት በተለመደው የመኖሪያ ቤት አሰራር ሒደት በከተሞች ያለውን የቤት አቅርቦት ችግር መፍታት አይቻልም አሉ የከተማና መሠረተ ልማት ሚኒስትር ጫልቱ ሳኒ፡፡ ጠቅላይ ሚኒስትር ዐቢይ አሕመድ (ዶ/ር) እጅግ ዘመናዊና ፈጣን የቴክኖሎጂ ግብዓቶችን በመጠቀም የተገነቡ ቤቶችን የሚያሳይ የግንባታ ሳይት በዛሬው ዕለት ጎብኝተዋል፡፡ ወ/ሮ ጫልቱ ሳኒ ጉብኝቱን አስመልክተው በሰጡት ማብራሪያ÷ የለውጡ መንግሥት ለከተሞች እድገት በሰጠው ትኩረት ዘርፈ ብዙ ትሩፋት መገኘቱን ገልጸዋል፡፡ በተለይም በተከናወነው ሥራ ከተሞች የድህነት፣ የመልካም አስተዳደር ችግርና የሥራ አጥነት መገለጫ ናቸው የሚለውን አሉታዊ ትርክት መቀየር መቻሉን አመልክተዋል፡፡ አሁን ላይም ከተሞችን የብልጽግና ማሳያ ለማድረግ በቁርጠኝነት እየተሰራ እንደሚገኝ ነው ሚኒስትሯ የተናገሩት፡፡ ለአብነትም አዲስ አበባን ጨምሮ በ67 ከተሞች እየተተገበረ የሚገኘው የኮሪደር ልማት ከተሞችን ጽዱ፣ ምቹና ለኑሮ ተስማሚ አድርጓል ብለዋል፡፡ በከተሞች የመኖሪያ ቤት ችግርን ለመፍታት ሚኒስቴሩ ለመጀመሪያ ጊዜ የቤቶች ፖሊሲን በማጽደቅ ለመተግብር እየሰራ እንደሚገኝም ጠቁመዋል፡፡ ዘመኑን የዋጀና የዜጎችን የእድገት ፍላጎት የሚመጥን የቤት አቅርቦት ለማሟላት በቅንጅትና በቁርጠኝነት መስራት እንደሚገባ አስገንዝበዋል፡፡ በተለመደው የቤት አሰራር ሒደት የቤት አቅርቦት ችግርን መፍታት እንደማይቻል ጠቁመው÷ የተለያዩ የግንባታ አማራጮችን መተግበር እንደሚያስፈልግ ገልጸዋል፡፡ ባለፉት 16 እና 17 ዓመታት 160 ሺህ ገደማ የሚሆኑ የጋራ መኖሪያ ቤቶችን ብቻ መገንባት መቻሉን አንስተው÷ በአሁኑ ወቅት ባለፉት አምስት ዓመታት ግን 1 ነጥብ 2 ሚሊየን ቤቶች መገንባታቸውን አብራርተዋል፡፡ እነዚህ ቤቶች በዜግነት አገልግሎት፣ በበጎ ፈቃድ፣ በማህበራዊ ተሳትፎና በተለያዩ አማራጮች መገንባታቸውን አመልክተዋል፡፡ አሁንም በከተሞች የመኖሪያ ቤት እጥረት ከፍተኛ ተግዳሮት በመሆኑ መንግሥት ልዩ ትኩረት ሰጥቶ እየሰራ ይገኛል ነው ያሉት፡፡ በዚህ መሰረትም የዜጎችን የመግዛት አቅም ያማከለ የመኖሪያ ቤት ግንባታ አማራጭን ማስፋት እንደሚገባ አጽንኦት ሰጥተዋል፡፡ ተጀምረው የማያልቁ የመኖሪያ ቤት ግንባታዎችና ዜጎችን ለከፍተኛ እዳ የሚዳርጉ ፕሮጀክቶች እንዳይኖሩ ሰፊ ጥናት መደረጉን ተናግረዋል፡፡ እጅግ ዘመናዊና ፈጣን የቴክኖሎጂ ግብዓቶችን በመጠቀም በርካታ ቤቶችን ለመገንባት ከሚመለከታቸው አካላት ጋር በቅንጅት እየተሰራ ነው ብለዋል፡፡ ለአብነትም የ3ዲ ኮንክሪት ህትመት፣ የቅድመ ዝግጅት ቀላል የአረብ ብረት ግንባታና የኮንቴይነር መኖሪያ ቤቶች የላቁ የግንባታ ዘዴዎች በጥምረት ጥቅም ላይ እየዋሉ መሆኑን አመልክተዋል፡፡ የተገጣጣሚ ብረት የቤት ግንባታና ሌሎች መሰል የቴክኖሎጂ ግብዓቶችን በመጠቀም የመኖሪያ ቤቶችን ተደራሽነት ለማስፋት በቁርጠኝነት እንደሚሰራም አስገንዝበዋል፡፡ #FMC

ከእርሻ እስከ ፍርድ ቤት፣ ከመንገዶች እስከ የመንግሥት አገልግሎት ሰጪ ተቋማት ኢትዮጵያ ቀልጣፋ፣ ተደራሽ እና ዜጎችን ማዕከል ያደረጉ አገልግሎቶችን የሚሰጥ የዲጂታል ሥነ-ምህዳር እየገነባች ነው። #PMOEthiopia

የሚኒስትሮች ምክር ቤት ስብሰባችንን ተከትሎ፣ እጅግ ዘመናዊና ፈጣን የቴክኖሎጂ ግብዓቶችን በመጠቀም የተገነቡ ቤቶችን የሚያሳይ የግንባታ ሳይት ጎብኝተናል። በዚህ ሳይት ሦስት የላቁ የግንባታ ዘዴዎች በጥምረት ጥቅም ላይ ውለዋል፤ የ3ዲ ህትመት(3D printing)፣ የቅድመ-ዝግጅት ቀላል የአረብ ብረት ግንባታ እና የኮንቴይነር መኖሪያ ቤቶች ናቸው። እያንዳንዳቸው ግንባታዎች ትክክለኛውን ቴክኖሎጂ ስንጠቀም ፍጥነት እና ጥራት እርስ በእርስ የማይጋጩ መሆናቸውን ያረጋገጡ ሲሆን፤ ጥራታቸውን የጠበቁ መኖሪያ ቤቶችን ከወራትና ከዓመታት ይልቅ በጥቂት ቀናት እና ሳምንታት ውስጥ ሰርቶ ማጠናቀቅ እንደሚቻል የታየበት ህያው ምስክር ናቸው። ‎ይህ አይነቱ የላቀ ፈጠራ በየትኛውም የሀገሪቱ ክፍል በቀላሉ ሊተገበር፣ ሊደገም እና ሊስፋፋ የሚችል በመሆኑ የሀገራችንን የቤት ልማት ፕሮግራም አቅጣጫ በከፍተኛ ደረጃ የመቀየር ኃይል አለው። ቴክኖሎጂን ከሀገራዊ ርዕያችን ጋር አጣምረናል፤ መሰል በተግባር የተገለጡ ስራዎቻችን ደግሞ ለሀገር የሚገባውን ፈጣን እድገት እውን ለማድረግ በትክክለኛው አቅጣጫ ላይ በቁርጠኝነት እየተጓዝን መሆናችንን በተግባር አሳይቷል!

በመንግሥት አገልግሎትና አስተዳደር ሪፎርም አውድ ውስጥ “ምቹ የሥራ አካባቢ” ማለት ሠራተኞች ሥራቸውን በብቃት፣ በደህንነት፣ በቅንነት እና በከፍተኛ መነሳሳት እንዲያከናውኑ የሚያስችል አካላዊ፣ ድርጅታዊ እና ሥነ-ልቦናዊ ሁኔታ ነው። የምቹ የሥራ አካባቢ ዋና መገለጫዎች ✅ 1. ተስማሚ የሥራ ቦታ በቂ የቢሮ ቦታ ንፁህና ደህንነቱ የተጠበቀ አካባቢ በቂ መብራት፣ አየር እና የመቀመጫ ዕቃዎች ✅ 2. የሥራ መሳሪያና ቴክኖሎጂ ኮምፒዩተር፣ ኢንተርኔት እና አስፈላጊ ሶፍትዌሮች ዘመናዊ የመረጃ አያያዝ ሥርዓት ✅ 3. ግልጽ አመራርና ተጠያቂነት ግልጽ የሥራ ድርሻ ፍትሃዊ የአፈጻጸም ግምገማ ግልጽ የውሳኔ አሰጣጥ ✅ 4. የሰራተኞች ክብርና ተሳትፎ ሀሳብ የመስጠት ነፃነት የቡድን ሥራ ባህል አድልዎ የሌለበት አሰራር ✅ 5. የአቅም ግንባታ ስልጠናዎች የሙያ እድገት ዕድሎች የእውቀት ልውውጥ ✅ 6. የሥራ መነሳሳት እውቅናና ሽልማት የሠራተኛ ደህንነትና ደስታ ፍትሃዊ የሥራ ሁኔታ በሪፎርም አውድ ውስጥ ዓላማው ምቹ የሥራ አካባቢ መፍጠር የመንግሥት ተቋማትን ቀልጣፋ፣ ውጤታማ፣ ግልጽ እና ለዜጎች ተጠያቂ ለማድረግ ነው። ይህም የአገልግሎት ጥራትን ያሻሽላል፣ የሠራተኞችን ቅልጥፍና ያሳድጋል እና የተቋማትን አፈጻጸም ያጠናክራል። ይህንን ተግባራዊ ለማድረግ በሚኒስቴር መ/ቤቱ የተጀመረው ምቹ የስራ አካባቢ የመፍጠር ስራ ያለበትን ደረጃ በአመራሩ ተጎብኝቷል።

በኮንስትራክሽን ዘርፍ ሲሰጥ የነበረው ስልጠና ተጠናቀቀ አዳማ፣ ግንቦት 28 ቀን 2018 ዓ/ም (ከመልሚ) በኮንስትራክሽን ኢንዱስትሪ ዘርፍ በተለያየ ርዕሰ ጉዳይ ላይ ለህንጻ ስራ ተቋራጮች፣ ለሙያ ማህበራትና ለአማካሪዎች ሲሰጥ የነበረው የአቅም ግንባታ ስልጠና ተጠናቀቀ። የኮንስትራክሽን ኢንዱስትሪ ልማት መሪ ስራ አስፈፃሚ ለዘርፉ ተዋናዮች የአቅም ግንባታ ስልጠና መስጠት በእቅድ አቅዶ ከሚሰራቸው ስራዎች መካከል በዋናነት የሚጠቀስ እንደሆነ ለመረዳት ተችሏል። ከዚህ ጋር በተያያዘ በሚኒስቴር መስሪያ ቤቱ የኮንስትራክሽን ኢንዱስትሪ ልማት መሪ ስራ አስፈፃሚ ኢንጅነር ሙሉዓለም ደበበ እንዳሉት የኮንስትራክሽን ኢንዱስትሪ ከፍተኛ ሀብት የሚንቀሳቀስበት እና ሰፊ የስራ እድል የሚፈጠርበት እንደመሆኑ መጠን መንግስት እና የግሉ ዘርፍ በጋራ ተቀናጅቶ በመስራት እና የተለያዩ ቴክኖሎጂዎችን በመጠቀም  የተሻለ ስራ ለመስራት የሚያስችል እንቅስቃሴ እንዳለ ተናግረዋል። የኢትዮጵያ ኮንስትራክሽን ዳታ ማኔጅመንት ሲስተም አጠቃላይ የኮንስትራክሽን መረጃዎችን የሚይዘው በቀጣይ ዓመት ተግባራዊ እንደሚደረግም ገልጸዋል። የአዲስ አበባ ቤቶች ምክትል ቢሮ ሃላፊ ኢንጅነር መኮንን ጥበቡ(ዶ/ር) በበኩላቸው በእያንዳንዱ ግንባታ የሚስተዋሉ ብክነቶች በመለየት ማረም ያስፈልጋል። እንደ አዲስ አበባ ከተማ የወሰን ማስከበር እና የፋይናንስ ችግሮች እየተቀረፉ ነው ብለዋል። የህንጻ ስራ ተቋራጮች እና የሙያ ማህበራት እንዲጠናከሩ ፕሮጀክቶች ከውጭ ኮንትራክተር ይልቅ ለሀገር ውስጥ ቢሰጥና ከስራው ጋር ተያያዥነት ያላቸው የአቅም ግንባታ ስልጠናዎች ቢሰጡ የተሻለ ለውጥ ማምጣት ይቻላል የሚል እና ሌሎችም ሀሳቦች ተሳታፊዎቹ አንስተዋል።

#PMO

በካይዘን ጽንሰ ሀሳብ እና በስራ ላይ በሚከሰቱ ብክነቶች ዙሪያ በኮንስትራክሽን ዘርፍ ለተሰማሩ አመራሮች እና ባለሙያዎች ስልጠና ተሰጠ አዳማ፣ ግንቦት 27 ቀን 2018 ዓ/ም (ከመልሚ) በከተማና መሰረተ ልማት ሚኒስቴር የኮንስትራክሽን ኢንዱስትሪ ልማት መሪ ስራ አስፈጻሚ በዘመናዊ የኮንስትራክሽን ስራ ላይ ደህንነት እና በካይዘን ጽንሰ ሀሳብ ዙሪያ በኮንስትራክሽን ዘርፍ ለተሰማሩ የህንጻ ስራ ተቋራጮች፣ የሙያ ማህበራትና አማካሪዎች በአዳማ ከተማ የአቅም ግንባታ ስልጠና እየተሰጠ ነው፡፡ የስልጠናው ዓላማም በካይዘን እና አተገባበር ላይ የተሟላ አረዳድ መፍጠር፣ የስራ ባህልን በማሻሻል የሰራተኞች የስራ ተነሳሽነት መጨመር እና በማያቋርጥ የለውጥ ጎዳና ተቋማትን መገንባት እንዲሁም የስራ ላይ ደህንነትን ትኩረት መስጠት እንደሆነ በመድረኩ ተገልጿል። በካይዘን የልዕቀት ማዕከል አማካሪ እና ተመራማሪ የሆኑት ወ/ሮ ገነት ደበበ የካይዘን ጥልቅ ዕይታን አስመልክተው ካይዘን ማለት የማያቋርጥ ቀጣይነት ያለው ለውጥ ማምጫ፣ አሳታፊ፣ የበርካታ ጥቃቅን ለውጦች ድምር ውጤት እና ያለ ከፍተኛ መዋለ-ነዋይ የሚሰራ እንደሆነ ተናግረዋል። ካይዘን ያሉ ነባራዊ ሁኔታዎችን ቴክኖሎጂዎችን፣ የአስተዳደር መመሪያዎችን የአሰራር ሂደት ደረጀዎችን ቀጣይነት እንዲኖራቸው እና በእየ ጊዜው አቅማቸውን ከፍ እንዲል ማሻሻያ ማድረግ እንደሆነ አያይዘው ተናግረዋል። በካይዘን የልዕቀት ማዕከል አማካሪ እና ተመራማሪ የሆኑት አቶ ደረጄ አራጌ በበኩላቸው በስራ ቦታ የሚታዩ ብክነቶችን መለየት እና መከላከል በሚል ርዕሰ ጉዳይ ላይ ባደረጉት ገለጻ እንዳሉት በኮንስትራክሽን ኢንዱስትሪው በስራ ሂደት የሚያጋጥሙ አላስፈላጊ ወጪዎችን እና ለስራው ምንም አይነት ዕሴት የማይጨምሩ ነገሮችን ማስወገድ ያስፈልጋል ብለዋል። በሰራተኛው ላይ የአካል ጉዳት መድረስ፣ በድርጅቱ ላይ የሚከሰቱ የንብረት ውድመቶች እና ስራው ከተጠናቀቀ በዋላ በተጠቃሚው ላይ የሚደርሱ ጉዳቶች ከብክነት መካከል ተጠቃሽ እንደሆኑ አቶ ደረጄ አክለው ገልጸዋል። በነገው ዕለትም የስራ ቦታ ማደራጀት እና የስራ ቦታ ደህንነት በሚሉ ርዕሰ ጉዳዮች ላይ ትኩረት ያደረገ ስልጠና እንደሚሰጥ ከስልጠናው መርሀ ግብር ለመረዳት ተችሏል።

የመንግሰት አገልግሎትና አስተዳደር ሪፎርም የብቃት ማእቀፍ የዝግጅት ምዕራፍ ስራ ተገመገመ ቢሾፍቱ፣ ግንቦት 27 ቀን፣ 2018 ዓ.ም (ከመልሚ) የሚኒስቴር መስሪያ ቤቱ አመራሮችና የብቃት ማዕቀፍ ንኡሳን ኮሚቴዎች እንዲሁም የፈደራል ሲቪል ሰርቪስ ኮሚሽን አመራር በተገኙበት በመንግሰት አገልግሎትና አስተዳደር ሪፎርም የዝግጅት ምእራፍ ስራዎች ተገምግመዋል። የከተማና መሠረተ-ልማት ሚኒስቴር ሚኒስትር ክብርት ወ/ሮ ጫልቱ ሳኒ ሪፎርሙን አስመልክተው በ11 ወራት ውስጥ በተለያዩ ኮሚቴዎች የተከናወኑ ዋና ዋና ተግባራትን በእጅጉ አድንቀው እንደተቋም ማከናወን ሲገባ ባልተከናወኑ ቀሪ ስራዎች ላይ ትኩረት በማድረግ ማጠናቀቅ እንደሚገባ አሳስበው እስካሁን ያልተፈቱ ተግዳሮቶችን ከተቋሙ የቴክኒክ ኮሚቴና ከሲቪል ሰርቪስ ኮሚሽን ጋር በጋራ ተናቦና ተረዳድቶ ለመፍታት ከምንጊዜውም በላይ እየተሠራ እንደሆነ ገልጸዋል፡፡ በሪፎረሙ አማካኝነት መንግስት የሀገሪቱ ዜጎች የጣሉበትን አደራ በትክክልና በታማኝነት ለመወጣት የድጅታል አሰራር እውን ማድረግ ነው ያሉት ክብርት ሚኒስትሯ የከተማ ነዋሪዎችን ፈጣንና ቀልጣፋ አገልግሎት በመስጠት ከፍተኛ ርካታን በማረጋገጥ ዘላቂነት ያለው ተቋም ገንብቶ ሀገርን ለማሻገር፣ ነጻና ገለልተኛ የሆነ፣ ተጠያቂነት የሰፈነበት፣ ምቹ የሥራ አካባቢን መፍጠር ነው። በዚህ ሪፎርም ሥራ ከፍተኛ አስተዋጽኦ እያበረከቱ ለሚገኙ የተቋሙ አመራችና ባለሙያዎች ክብርት ሚኒስትሯ ከፍተኛ ምስጋና አቅርበዋል፡፡ ሪፎርሙ የተቋም ግንባታ ሀገርንና ትውልድን የሚያሻግር መሆን እንደሚገባው ክብርት ሚኒስትሯ ጠቅሰው ተቋሙ የተለያዩ ዓለማትን የሪፎርም ተሞክሮ በመውሰድ የከተማ ነዋሪዎችን መሠረታዊ ችግር በዘላቂነት የሚፈታ ሪፎርም እንደሆነ ተናግረዋል ፡፡ በሌላ በኩል የኢትዮጵያ ሲቪል ሰርቪስ ኮሚሽን የክትትልና ድጋፍ ቡድን አባላት እንደተናገሩት ተቋሙ ያዘጋጀውን የብቃት ማዕቀፍና የአደረጃጀት የሰነድ ዝግጅት የአባላቱን ትጋትና ብቃት አድንቀው ቀሪ ሥራዎች ላይ ከፍተኛ አመራሩም ይሁን በጥናት ላይ እየተሳተፉ የሚገኙ ኮሚቴዎች ሲቪል ሰርቪስ ኮሚሽን ባስቀመጠው የጊዜ ገደብ መሠረት ሥራዎች በአስቸኳይ ተጠናቀው ወደተግባር መግባት እንደሚገባ ተናግረዋል።

የቀድሞ የኬንያ ፕሬዝዳንት ኡሁሩ ኬንያታ እና የስራ ባልደረቦችን በማግኘቴ ታላቅ ደስታ ይሰማኛል። የተከበሩ ኡሁሩ ኬንያታ የሚመሩትና 73 አባላት የያዘውን የአፍሪካ ህብረት የምርጫ ታዛቢ ልዑክ፤ ለዲሞክራሲ ግንባታ ሂደታችን ላበረከቱት አገልግሎትና አስተዋጽኦ የላቀ ምስጋናችንን እናቀርባለን። ‎ ‎ዲሞክራሲያዊ ሂደቶች ከአኅጉራችን ነባራዊ ሁኔታና ተሞክሮ ጋር የተጣጣሙ እንዲሆኑ ለማድረግ አፍሪካዊ ተቋማት ቁልፍ ሚና ይጫወታሉ። የምርጫ ሂደታችንን ለመደገፍ በመላው ሀገሪቱ ታዛቢዎችን በማሰማራት የምርጫ ታዛቢ ልዑኩ ላደረገው ያልተቆጠበ ጥረት እውቅና እና አድናቆት እየሰጠን፣ የምልከታውን የተሟላ ውጤት እንጠብቃለን።

የአውሮፓ ኅብረት አባል ሀገራት፣ ካናዳ፣ ኖርዌይ እና ስዊዘርላንድ በጋራ ባወጡት መግለጫ ግንቦት 24/2018 ዓ.ም የተካሄደውን 7ኛውን ጠቅላላ ምርጫ ያደነቁ ሲሆን፤ ለኢትዮጵያ ብሔራዊ ምርጫ ቦርድ፣ ለፖለቲካ ፓርቲዎች፣ ለእጩዎችና ለሲቪል ማኅበራት ለምርጫው ስኬት ላበረከቱት አስተዋጽኦ እንዲሁም ለአፍሪካ ኅብረትና ለኢጋድ የምርጫ ታዛቢነት ሚና እውቅና ሰጥተዋል። #GCA