Ministry of Urban and Infrastructure 🇪🇹🇪🇹

የሚኒስቴር መ/ቤቱ   ተጠሪ ተቋማት የ2019 በጀት ዓመት አቅድ እና የመጀመሪያው ሩብ ዓመት እቅድ አፈጻጸም ላይ ውይይት ተካሄደ አዲስ አበባ፣ ጥቅምት 27 ቀን 2019 ዓ/ም(ከመልሚ) የከተማና መሰረተ ልማት ሚኒስቴር  ተጠሪ ተቋማት (የኢትዮጵያ ኮንስትራክሽን ባለስልጣን፣ የኮንስትራክሽን ማኔጅመንት ኢንስቲትዩት እና የኢትዮጵያ መንገዶች አስተዳደር )  የ2019 በጀት ዓመት አቅድ እና የመጀመሪያው ሩብ ዓመት እቅድ አፈጻጸም ሪፖርት እንዲሁም በፌዴራል መንግስት ህንጻዎች ፕ/ጽ/ቤት የተሰሩ እና  በሂደት ላይ ያሉ ስራዎች ቀርበው  ውይይት ተካሄዷል። በውይይቱም በእያንዳንዱ እቅድና ሪፖርት የስራ ባህሪያቸውን መሰረት ያደረጉ ዋና ዋና ጉዳዮች  ተካተው የቀረቡ ሲሆን ትኩረት የሚሹ ጉዳዮች፣ ያጋጠሙ ችግሮች፣ የተወሰዱ መፍትሄዎች እና መሰል አንኳር መሰረታዊ ጉዳዮች በሩብ ዓመቱ ሪፖርት ላይ ተካተዋል ። የከተማና መሰረተ ልማት ሚኒስቴር ሚኒስትር ክቡር ሙሐመድ አብዱራህማን(ኢ/ር) የቀረበው እቅድና ሪፖርት መሰረት አርገው የተነሱት ጉዳዮች በትኩረት  የሚታይ በመሆኑ በቀጣይ የሚሰሩ ስራዎችን በመለየት ከክልሎች  እና ከባለድርሻ አካላት ጋር በተናበበ እና በተቀናጀ መንገድ ወደ ተግባር መግባት ያስፈልጋል ብለዋል። የኢትዮጵያ መንገዶች አስተዳደር ዘርፍ አስመልክተው  የፋይናንስ እና የካሳ ክፍያ ጉዳዮች ማህበራዊ ቀውስ እንዳይፈጥሩ በፕሮጀክቶች ላይ ያሉ ችግሮች የተለያዩ አማራጮች በመውሰድ መፍታት ያስፈልጋል በሚል ክቡር ሚኒስትሩ አያይዘው ተናግረዋል። የከተማና መሰረተ ልማት ሚኒስቴር የመሰረተ ልማት ዘርፍ  ሚኒስትር ዴኤታ ክቡር  አብዱልፈታህ ሺህ ቢሂ(ዶ/ር) የቀረቡት ሰነዶችን መነሻ በማድግ ቅድሚያ የሚሰጠውን ጉዳይ መለየት፣ ለምንሰራቸው ስራዎች መረጃ መያዝ፣ በሁለተኛው ሩብ ዓመት የፌዴራል ፕሮጀክቶች ወደ መስመር ማስገባት እና የግል ሴክተሮች በማበረታታ የህዝብ ሀብት ለታለመለት ዓላማ ማዋል ይኖርብናል ብለዋል። የኮንስትራክሽን ዘርፉን የማያግዙ ቴክኖሎጂዎች መጠቀም፣ ከውጭ የሚገቡ የኮንስትራክሽን የግንባታ ግብዓቶችን በሀገር ውስጥ እንዲመረቱ ማድረግ፣ ፕሮጀክቶችን በጥራት እና በተያዘላቸው ጊዜ እንዲጠናቀቁ እና ስራዎቻችን ሰው ተኮር በማድረግ ረገድ ሚኒሰቴር መስሪያ ቤቱ የሚችለውን ድጋፍ ያደርጋል በማለት ሚኒስትር ዴኤታው አክለው ተናግረዋል።

‎“ለዕድገት መምራት” በሚል መሪ ቃል ዛሬ መካሔድ በጀመረው 2ኛው የአፍሪካ የፖለቲካ ፓርቲዎች ጉባኤ ላይ በመገኘት ንግግር አድርጌያለሁ። የአፍሪካ መዲና የሆነችው አዲስ አበባ ይህንን ታላቅ አህጉራዊ መድረክ ማስተናገዷ ለሁላችንም ታላቅ ኩራት ነው። ‎ ‎በመደመር እሳቤ እየተመራን፤ ሕዝባዊ አንድነትን፣ ተጠያቂነትንና አካታች አስተዳደርን ማረጋገጥ የፖለቲካ አመራር የዜጎችን ሕይወት እንዲያሻሽል የሚያስችሉ ወሳኝ መሠረቶች ናቸው። ይህም ፓርቲዎች ከምርጫ ውድድር ባለፈ አሻግረው እንዲመለከቱ፣ በመንግሥት ለውጦች የማይቀያየሩ፣ ብሔራዊና ቅድሚያ በሚሰጣቸው የረጅም ጊዜ ጉዳዮች ላይ የጋራ መግባባት እንዲፈጥሩ እና ለሀገር ጥቅም በጋራ እንዲሠሩ ይጠይቃል። ‎ ‎በሌላ በኩል፣ ተተኪው ትውልድ ኃላፊነቶችን እየወሰደ የሚያድግበትን ዕድሎችን እያገኘ እንዲሄድ ለማድረግ መዋዕለ ንዋይ ማፍሰስ እጅግ ወሳኝ ጉዳይ ነው። ኢትዮጵያ በአፍሪካ አመራር የልህቀት አካዳሚ በኩል የምትሰጠውን ሥልጠና በአህጉሪቱ ለሚገኙ የፖለቲካ ፓርቲዎች ክፍት ማድረጓን ትቀጥላለች። ‎ ‎ለሕዝባችን የተሻለ መጻኢ ዕድል የመገንባት ኃላፊነታችን ሊቀጥል ይገባል!

በሪልእስቴት ዘርፍ ለመሰማራት ፍላጎት ያለው የጃፓን ኩባንያ ለቅድመ- ኢንቨስትመንት ጥናት  በሚኒስቴር መ/ቤታችን ውይይት አደረገ አዲስ አበባ፣ ጥቅምት 26 ቀን 2019 ዓ/ም (ከመልሚ)በሀገራችን የሚስተዋለውን የመኖሪያ ቤት ችግር ለመፍታት የተዘረጋውን የቤት ልማት አማራጭ ተጠቅሞ በኢትዮጵያ የሪል እስቴት ኢንቨስትመንት ልማት ለመሰማራት ፍላጎት ያለው የጃፓን ኩባንያ በሀገሪቱ ስላለው ምቹ የኢንቨስትመንት ሁኔታ ለማረጋገጥና ቅድመ-ጥናት ለማድረግ በማሰብ ወደሀገራችን ገብቷል፡፡ Fudosn Joho Bank Co.Ltd የተባለው ድርጅት ፕሬዚዳንት Mr. Tosihiro Onodera ኩባንያቸው በሪልእስቴት ዘርፍ ለመሠማራትና ከሌሎች አቅም ካላቸው ኩባንያዎች ጋር በመጣመር በጋራ መስራት እንደሚፈልግ ገልጸው አሁን በኢትዮጵያ በዘርፉ ያለውን ምቹ የኢንቨስትመንት ዕድል ለማጥናት እንደሆነ ገልጸዋል፡፡ በሪልእስቴት ልማትና በአጠቃላይ በቤት ልማት ዘርፍ ስላሉ የተቀረጹ ፖሊሲዎችና ቢሮክራሲውን ለማሳጠር በቴክኖሎጂ ታግዘው እየተሰሩ ስላሉ ስራዎች፤ የውጭ ኢንቨስትመንትን በስፋት ለመሳብ የተቀረጹ የህግ ማዕቀፎችንና የፖሊሲ ማሻሻያዎችን፤ በመንግስት የተነደፉ የቤት ልማት አማራጮችንና የተያዙ ዕቅዶችን በተመለከተ በሚኒስቴር መ/ቤቱ የቤቶች ልማት መሪ ስራ አስፈጻሚ፣ በአቶ ፀጋዬ ሞሼ ገለጻና ማብራሪያ ተደርጎላቸዋል፡፡ ፕሬዚዳንቱ ስለተደረገላቸው አቀባበልና ስለተሰጣቸው ማብራሪያ አመስግነው በቀጣይ ከኢንቨስትመንት ኮሚሽን ጋር ለመነጋገርና የመስክ ጉብኝት ለማድረግ ዕቅድ እንዳላቸው ገልጸዋል፡፡

በከተማና መሠረተ ልማት ሚኒስቴር የቤቶችና ከተማ ልማት ዘርፍ  የ2019 በጀት ዓመት እቅድ እና የ1ኛው ሩብ ዓመት ሪፖርት ላይ ከዘርፉ ሚኒስትር ደኤታ ጋር ውይይት ተካሄደ አዲስ አበባ፣ ጥቅምት 25 ቀን 2019 ዓ/ም (ከመልሚ)በከተማና መሰረተ ልማት ሚኒስቴር በቤቶችና ከተማ ልማት ዘርፍ ስር የሚገኙ መሪ ስራ አስፈጻሚዎች ስራ ክፍላቸውን  የ2019 በጀት ዓመት እቅድና የ1ኛው ሩብ ዓመት እቅድ አፈጻጸም ሪፖርት ላይ ከዘርፉ ሚኒስትር ደኤታ ጋር ውይይት ተካሄዷል። ሪፓርት የቀረበባቸው የቤቶች ልማት ፣የከተማ መሰረተ ልማት እና የሪል ፕሮፐርቲ ግብይት፣ ግመታና ፍቃድ መሪ ስራ አስፈጻሚ  ናቸው። ለቀጣይ የስራ ጊዜ ዘርፉን በመረዳት እና ውጤታማ ስራ ለመስራት የሚያስችል ውይይት ተካሄዷል። በከተማና መሰረተ ልማት ሚኒስቴር የቤቶችና ከተማ ልማት ዘርፍ ሚኒስትር ዴኤታ ክቡር አቶ ብርሃኑ ዘውዴ ከዘርፋ  የስራ ክፍሎች የቀረቡ እቅድና ሪፓርት መሰረት አርገው ሀሳብ ሰጥተዋል። ሁለተኛው እና ሶስተኛው ሩብ አመት ቁልፍ የትግበራ ምዕራፎች ሲሆኑ በመደመር መንግስት የእያንዳንዱ ዜጋ ችግር መፍታት የሚያስችሉ ጉዳዮች በእቅድ ውስጥ በማካተት ቅኝት የሚደረግበት እና የእቅድና ሪፖርት ስራዎች ተመጋጋቢ ማድረግ ያስፈልጋል ብለዋል፡፡ ከክልሎች፣ ከከተማ አስተዳደርና፣ እና  ከዘርፎች  ጋር በተያያዘ የማናበብ ስራዎች መስራትና የተለየ ትኩረት የሚፈልጉ ስራዎችን በመለየት ሚኒስቴር መስሪያ ቤቱን የሚመጥኑ ስራዎች መስራት ይገባል ብለዋል ክቡር ሚኒስትር ደኤታው ፡፡

በባሌ ዞን የክረምት እርሻ አፈጻጸምን ተመልክተናል። በዘንድሮው ክረምት ከፍተኛ የዝናብ እጥረት ሥጋት የነበረ ቢሆንም በመንግሥትና በሕዝብ የቅድመ ዝግጅት ሥራ መልካም የሚባል አፈጻጸም ተመዝግቧል። ኢኮኖሚያችን አይበገሬ ሆኖ ሰው ሠራሽና ተፈጥሯዊ ፈተናዎችን እንዲቋቋም፣ ቀድሞ መዘጋጀትና አማራጮችን ማስፋት የግድ ነው።

የፌዴራል ጠቅላይ ፍ/ቤት የህንጻ ግንባታ የደረሰበት የአፈጻጸም ደረጃ በመንግስት ከፍተኛ የስራ ኃላፊዎች ተጎበኘ አዲስ አበባ፣ ጥቅምት 24 ቀን 2019 ዓ/ም (ከመልሚ)አራት ኪሎ፣ ባሻ ወልዴ ችሎት አካባቢ በመገንባት ላይ የሚገኘው የፌዴራል ጠቅላይ ፍ/ቤት የህንጻ ግንባታ ፕሮጀክት የፌዴራል ጠቅላይ ፍ/ቤት ፕሬዚዳንት ክቡር አቶ ቴዎድሮስ ምህረት በተገኙበት በከተማና መሠረተ-ልማት ሚኒስቴር፣ የመሠረተ-ልማት ዘርፍ ሚኒስትር ዴኤታ፣ በክቡር አብዱልፈታህ ሺህ ቢሂ (ዶ/ር) ተጎበኘ፡፡ በከተማና መሠረተ ልማት ሚኒስቴር ስር ባለው የፌዴራል የመንግስት ህንጻዎች ግንባታ ፕሮጀክት ጽ/ቤት በይርጋለም ኮንስትራክሽን ኃ. የተ. የግል ማህበር በመገንባት ላይ ያለው አንደኛው የህንጻ ክፍል ተጠናቆ ካለፈው ዓመት ጀምሮ አገልግሎት መስጠት የጀመረ ቢሆንም የቀሪ ሁለት የህንጻው ክፍሎች የግንባታ ሂደት የደረሰበትን ደረጃ በመገምገም ቀጣይ አቅጣጫዎችን ለማስቀመጥ ያለመ የስራ ጉብኝት ነው በዛሬው ዕለት የተካሄደው፡፡ በመስክ ምልከታው ተገኝተው ግንባታው የደረሰበትን ደረጃ ተዘዋውረው የጎበኙት ክቡር ሚኒስትር ዴኤታ፣ አብዱልፈታህ ሺህ ቢሂ (ዶ/ር) የስራው አፈጻጸም በጥሩ ደረጃ ላይ እንደሚገኝ ገልጸው ቀሪው ስራ ከወር ባልበለጠ ጊዜ ውስጥ ተጠናቆ ርክክብ እንዲደረግና ተቋሙ የሚጠበቅበትን ተልዕኮ በተሟላ መልኩ ማከናወን እንዲችል ጥረቱ ተጠናክሮ እንዲቀጥል አቅጣጫ አስቀምጠዋል፡፡

ለሁለንተናዊ ብልጽግና - ሁለንተናዊ ዝግጁነት ያለው አመራር የኢትዮጵያን ሥልጣኔ ለመገንባት እንችል ዘንድ ሁለንተናዊ ብልጽግናን ማረጋገጥ አለብን፡፡ ሁለንተናዊ ብልጽግና ማለት ቁሳዊና መንፈሳዊ ብልጽግና፣ ባህላዊና ሞራላዊ ብልጽግና የተሸመኑበት ብልጽግና ነው፡፡ ለዚህ ደግሞ አመራሩ ሁለንተናዊ ዝግጁነት ያስፈልገዋል፡፡ በአካል የዳበረ፣ በሞራል የጠነከረ፣ በዕውቀት የተሳለ፣ በጥበብ የበሰለ እንዲሆን ይጠበቅበታል፡፡ በተለይም በሀገር ፍቅር ስሜትና በሕዝብ ተቆርቋሪነት መንፈስ ግዴታዎቹን እንዲወጣ የሀገር አደራዋ ጥብቅ ነው፡፡ ወታደራዊ ሳይንስ፣ ልምድ እና ሕይወት የሰውን ልጅ ዓላማና ሰብእና በመቅረጽ ረገድ ተወዳዳሪ የለውም፡፡ የሰው ልጅ በአካልም፣ በመንፈስም፣ በሥነ ምግባርም፣ በአፈጻጸምም ዲሲፕሊናዊ እንዲሆን በማስቻል ለዘመናት ትውልድን ሲያዘጋጅ ኖሯል፡፡ ውጫዊና ውስጣዊ ማንነቱ የሠመሩለት ሰብእና በመቅረጽም ታላላቅ መሪዎችን አፍርቷል፡፡ ግዳጅን በብቃት መፈጸም፣ በዐርበኝነት መንፈስ አገልግሎት መስጠት፤ የሥራ ዲሲፕሊንን መቅረጽ፤ የጋራ ግብን በጋራ ማሳካት፤ ወትሮ ዝግጁነት፤ በተዋረድ አመራርን ማፍራት፤ ኃላፊነትና ተጠያቂነት፤ ከላይ እስከ ታች በመናበብ ዓላማን መፈጸም፣ እና የመሳሰሉት ከወታደራዊ ሳይንስና ልምድ ሊወሰዱ የሚችሉ ዕሴቶች ናቸው፡፡ የመደመር መንግሥት አመራሮች በሁርሶ ወታደራዊ ማሠልጠኛ ሥልጠና በመውሰድ ላይ ናቸው፡፡ የመደመር ሥልጣኔ ታላቁ ስትራቴጂን ተግባራዊ ለማድረግ እንዲቻል፣ ከወታደራዊ ሳይንስና ሕይወት የምንቀስማቸው ዕውቀቶች፣ ክሂሎቶች እና ልምዶች አሉን፡፡ በተለይም ደግሞ በአንድ ሰዋሰው መግባባት፣ ሥነ ምኅዳርን በሚገባ መጠቀም፤ በተከታታይ ሕዝብን ለዓላማና ለተግባር ማነጽ፤ ለሕዝብ የገባነውን ቃል በሚገባ አከናውኖ መጨረስ፤ ከታች እስከ ላይ ያለውን መዋቅር ለሀገራዊ ዓላማ ማሣለጥ፤ ሀገርን በባለ አደራነት መምራት፤ ለምንምና ለማንም የማትበገር ጽኑ ሀገር መገንባት፤ ተተኪ ትውልድን ማፍራት እና የሀገርን ደኅንነት ምንጊዜም ማረጋገጥ የሚሉትን የስትራቴጂውን ሐሳቦች በተገቢው መንገድ ለመረዳትም ሆነ ለማስፈጸም ወታደራዊ ሥልጠናው የማይናቅ ሚና ይጫወታል፡፡ ወታደሮች ዒላማ፤ ሲቪሎች ደግሞ ዓላማ አላቸው፡፡ የሁለቱም ግብ ድልን ማስመዝገብ ነው፡፡ ሁለቱን ዲሲፕሊኖች በማገናዘብ ዒላማውንም የሚመታ፤ ዓላማውንም የሚያሳካ ትውልድ እንፈጥራለን፡፡

ዛሬ የመጀመሪያዎቹ 26 የከተማ አውቶብሶች ከነዳጅ ወደ ተፈጥሮ ጋዝ ተለውጠው ሥራ ላይ በመዋላቸው የተሰማኝን ደስታ መግለጽ እፈልጋለሁ። ባለፉት ጥቂት ወራት የተፈጥሮ ጋዝ ምርትን ከሚመረትበት ስፍራ ወደ አዲስ አበባ የማጓጓዝ፣ የጋዝ ማደያዎችን የማዘጋጀት እና የከተማ አውቶብሶችን ወደ ተፈጥሮ ጋዝ የመለወጥ ሰፊ ሥራዎች ሲከናወኑ ቆይተዋል። ይህ ታሪካዊ እርምጃ በነዳጅ ግዢ ላይ የሚወጣውን ከፍተኛ የውጭ ምንዛሬ በከፍተኛ ደረጃ ያስቀራል። በተጨማሪም የሕዝብ ትራንስፖርት የሥራ ማስኬጃ ወጪን በመቀነስ የዜጎችን የጉዞ ታሪፍ በግማሽ ያቃልላል። በነዳጅ የሚሰሩ ተሽከርካሪዎችን በራስ አቅም ወደ ተፈጥሮ ጋዝ የመለወጡ ተግባር ደግሞ የሀገር ውስጥ አቅምንና የቴክኖሎጂ ሽግግርን በተግባር ያረጋገጠ ነው። በቀጣይም በነዳጅ ላይ ያለንን ጥገኝነት ሙሉ በሙሉ ለማስቀረት እና ሀገር ውስጥ እያመረትን ያለነውን የተፈጥሮ ጋዝ በስፋት ጥቅም ላይ ለማዋል የሚያስችሉ 400 አዳዲስ በተፈጥሮ ጋዝ የሚሰሩ አውቶብሶች በቅርቡ ወደ ሀገር ውስጥ ይገባሉ። በምግብ፣ በቤት እና በትራንስፖርት ዘርፎች ላይ ተጨባጭ ሥራዎችን በማከናወን በዜጎች ሕይወት ላይ መሠረታዊ ለውጥ ለማምጣት የተጀመሩት አበረታች ጥረቶች ተጠናክረው ይቀጥላሉ።

The 3rd Russia-Africa Summit Remark

The Ethiopia–Russia Bilateral Meeting; Elevating Longstanding Relations!

ከፕሬዚዳንት ቭላድሚር ፑቲን ጋር በኢትዮጵያና በሩሲያ መካከል ያለውን የቆየ ግንኙነት ይበልጥ ማጠናከር በሚቻልባቸው መንገዶች ዙሪያ ፍሬያማ የሁለትዮሽ ውይይት አካሂጃለሁ። ውይይታችን በኒውክሊየር ኃይል፣ በጤናና ንግድ ዘርፎች ያለውን ትብብር እንዲሁም በጋራ ፍላጎት ላይ የተመሰረቱ የሁለትዮሽ እና የባለብዙ ወገን ጉዳዮችን ያካተተ ነበር። በተጨማሪም፣ ለውይይት፣ ለጋራ መግባባት እና ለኢትዮጵያ-ሩሲያ ግንኙነት ቀጣይነት ያለው እድገት ያለንን የጋራ ቁርጠኝነት የሚያሳየውን የመደመር መጽሐፌን የሩሲያኛ ዕትም ለፕሬዚዳንት ፑቲን አበርክቼላቸዋለሁ።

ታላቅ ሃገር ነን፣ታሪካዊ ሃገር ነን፤ በዚያው ልክ አቅም መገንባትና ዝግጅት ያስፈልጋል!

The Medemer Book in Russian; indigenous and cross-border Ethiopian philosophy!

ዛሬ የመደመር መጽሐፍ ወደ ሩሲያኛ ቋንቋ ተተርጉሞ ለንባብ በቅቷል። በተዘጋጀው የመጽሐፉ የምረቃ መርሃ ግብር ላይ በአካል ተገኝቼ በመካፈሌም ታላቅ ደስታና ኩራት ተሰምቶኛል። ይህ ታሪካዊ ስኬት የመደመር ፍልስፍና ከኢትዮጵያ አገር በቀል እውቀት ተነስቶ ዛሬ ላይ ድንበር በመሻገር ወደ መላው ዓለም እየሰፋ መሄዱን የሚያሳይ ህያው ማረጋገጫ ነው። ከዚህ በፊት መጽሐፉ ከአገር ውስጥ ቋንቋዎች በተጨማሪ በእንግሊዝኛ፣ በቻይንኛ እና በአረብኛ ቋንቋዎች ተተርጉሞ ለብዙኃን አንባቢያን መድረሱ ይታወሳል። አሁን ደግሞ የኢትዮጵያ ሀሳብ ድንበር ተሻግሮ በሰፊው የሩሲያኛ ተናጋሪ ደጃፍ መድረሱ የፍልስፍናውን ዓለም አቀፋዊ ተደራሽነትና ዲፕሎማሲያዊ ፋይዳ ይበልጥ ያጎለብተዋል። ይህ እርምጃ የመደመርን ፍልስፍና፣ እሴቶችና ሀሳቦች ከኢትዮጵያ አልፈው ለሌሎች ሕዝቦች የሚደርሱበትን አዲስ ዕድል ከመፍጠሩም በላይ፣ ኢትዮጵያ ለዓለም የምታበረክተው የራሷ የበሰለ ሀሳብ እንዳላት በተግባር የሚያሳይ ነው። ሩሲያ ለብዙ ኢትዮጵያውያን የሥነ ጽሑፍና የዕውቀት መማሪያ ምድር ሆና እንዳገለገለች ሁሉ፣ አሁን ደግሞ የኢትዮጵያ ሀሳብ በሩሲያኛ ቋንቋ ለሩሲያ አንባቢያን መድረሱ የዕውቀት ልውውጡን ሙሉ ያደርገዋል። ለዚህ ስኬት መሳካትና ለመጽሐፉ ዝግጅት ከፍተኛ አስተዋጽኦ ያበረከቱትን የሩሲያ ቱዴይ (RT) የመገናኛ ብዙሃን ባለሙያዎች እና አመራሮች ያደረጉትን ጥረትና ትጋት በከፍተኛ ደረጃ አደንቃለሁ። ይህ አዲስ ታሪካዊ ምዕራፍ የኢትዮጵያን የበለጸጉ አገር በቀል እውቀቶች፣ ባህሎችና ፍልስፍናዎች በዓለም አቀፍ መድረክ ላይ ይበልጥ ለማስተዋወቅና በሕዝቦች መካከል ጠንካራ የባህልና የሃሳብ ድልድይ ለመገንባት የሚኖረው ሚና እጅግ ከፍተኛ ነው።

ዛሬ የመደመር መጽሐፍ ወደ ሩሲያኛ ቋንቋ ተተርጉሞ ለንባብ በቅቷል። በተዘጋጀው የመጽሐፉ የምረቃ መርሃ ግብር ላይ በአካል ተገኝቼ በመካፈሌም ታላቅ ደስታና ኩራት ተሰምቶኛል። ይህ ታሪካዊ ስኬት የመደመር ፍልስፍና ከኢትዮጵያ አገር በቀል እውቀት ተነስቶ ዛሬ ላይ ድንበር በመሻገር ወደ መላው ዓለም እየሰፋ መሄዱን የሚያሳይ ህያው ማረጋገጫ ነው። ከዚህ በፊት መጽሐፉ ከአገር ውስጥ ቋንቋዎች በተጨማሪ በእንግሊዝኛ፣ በቻይንኛ እና በአረብኛ ቋንቋዎች ተተርጉሞ ለብዙኃን አንባቢያን መድረሱ ይታወሳል። አሁን ደግሞ የኢትዮጵያ ሀሳብ ድንበር ተሻግሮ በሰፊው የሩሲያኛ ተናጋሪ ደጃፍ መድረሱ የፍልስፍናውን ዓለም አቀፋዊ ተደራሽነትና ዲፕሎማሲያዊ ፋይዳ ይበልጥ ያጎለብተዋል። ይህ እርምጃ የመደመርን ፍልስፍና፣ እሴቶችና ሀሳቦች ከኢትዮጵያ አልፈው ለሌሎች ሕዝቦች የሚደርሱበትን አዲስ ዕድል ከመፍጠሩም በላይ፣ ኢትዮጵያ ለዓለም የምታበረክተው የራሷ የበሰለ ሀሳብ እንዳላት በተግባር የሚያሳይ ነው። ሩሲያ ለብዙ ኢትዮጵያውያን የሥነ ጽሑፍና የዕውቀት መማሪያ ምድር ሆና እንዳገለገለች ሁሉ፣ አሁን ደግሞ የኢትዮጵያ ሀሳብ በሩሲያኛ ቋንቋ ለሩሲያ አንባቢያን መድረሱ የዕውቀት ልውውጡን ሙሉ ያደርገዋል። ለዚህ ስኬት መሳካትና ለመጽሐፉ ዝግጅት ከፍተኛ አስተዋጽኦ ያበረከቱትን የሩሲያ ቱዴይ (RT) የመገናኛ ብዙሃን ባለሙያዎች እና አመራሮች ያደረጉትን ጥረትና ትጋት በከፍተኛ ደረጃ አደንቃለሁ። ይህ አዲስ ታሪካዊ ምዕራፍ የኢትዮጵያን የበለጸጉ አገር በቀል እውቀቶች፣ ባህሎችና ፍልስፍናዎች በዓለም አቀፍ መድረክ ላይ ይበልጥ ለማስተዋወቅና በሕዝቦች መካከል ጠንካራ የባህልና የሃሳብ ድልድይ ለመገንባት የሚኖረው ሚና እጅግ ከፍተኛ ነው።