Mesfin mekuria @ Ambo University (WFSBSS)

‎የ12ኛ ክፍል ብሄራዊ ፈተናን ለመውሰድ ጥቂት ቀናት ብቻ ቀርተዋችኋል። ይህ ወቅት የብዙ አመታት ድካማችሁ እና የቤተሰባችሁ ተስፋ ፍሬ የሚያፈራበት ልዩ ምዕራፍ ነው። ‎ ‎አሁን ባላችሁበት በዚህ ወቅት ፍርሃት፣ ጭንቀት ወይም መጠራጠር ሊሰማችሁ ይችላል—ይህ ፍጹም ተፈጥሯዊ ነው። ነገር ግን ማስታወስ ያለባችሁ ትልቁ ነገር፡ በፈተናው ውጤታማ የሚሆነው ብዙ ያነበበ ብቻ ሳይሆን፣ በስነ-ልቦና ዝግጁ የሆነ ነው! ‎ ‎በቀሩት ጥቂት ቀናት ውስጥ ራሳችሁን በስነ-ልቦና ዝግጁ ለማድረግ እነዚህን ወሳኝ ነጥቦች ተግብሩ፡- ‎ ‎1. በራስ መተማመን ይኑራችሁ ‎በራስ መተማመን ማለት "ሁሉንም ጥያቄዎች ያለ ስህተት እመልሳለሁ" ብሎ መታበይ አይደለም፤ ይልቁኑም "ለሚሰጠው ፈተና የሚመጥን አቅም እኔ ውስጥ አለ፤ የመጣውን ጥያቄ ለመጋፈጥ ዝግጁ ነኝ" ብሎ ማመን ነው። ‎---------------- ‎ወደኋላ መለስ ብላችሁ ተመልከቱ። 12ኛ ክፍል የደረሳችሁት የ12 ዓመታት የትምህርት አቀበትና ቁልቁለትን አልፋችሁ ነው። ስንት አስቸጋሪ ፈተናዎችን አልፋችኋል፣ ስንት የማትረዱትን የትምህርት ዓይነት በትግልና በጥረት መረዳት ችላችኋል፣ ስንት ሌሊት ተጨንቃችሁ አሸንፋችኋል። ይህ አሁን የምትወስዱት ፈተና የዚያ ሁሉ ድካማችሁ ማሳረጊያ እንጂ፣ እናንተን ለመጣል የመጣ አይደለም። ያን ሁሉ አመት የተሻገረ ማንነታችሁ ይህንንም የመጨረሻ እርምጃ በድል ለመሻገር ሙሉ ብቃት አለው። ‎---------------- ‎በነዚህ ጥቂት ቀናት ውስጥ "ሁሉንም ነገር የረሳሁት ይመስለኛል" የሚል ስሜት ሊሰማችሁ ይችላል። ይህ በአብዛኛው ተፈታኞች ላይ የሚከሰት የተለመደ የስነ-ልቦና ተግዳሮት (Anxiety) ነው። ነገር ግን ማወቅ ያለባችሁ፡ አእምሯችሁ ልክ እንደ ትልቅ የመረጃ መጋዘን (Database) ነው። ስታጠኑ የነበረው መረጃ ሁሉ በአእምሯችሁ ተቀምጧል። አሁን ዝም ብላችሁ ስታስቡት የጠፋ ቢመስልም፣ ፈተናው ላይ ተቀምጣችሁ ጥያቄውን ማንበብ ስትጀምሩ፣ አእምሯችሁ በራሱ ጊዜ መረጃዎቹን ማገናኘትና ማውጣት ይጀምራል። አእምሯችሁን እመኑት! ‎----------------- ‎2. አሉታዊ የውስጥ ንግግሮችን (Negative Self-Talk) አስወግዱ ‎ ‎አእምሯችን አንዳንዴ "ፈተናው ቢከብደስ? ባላልፍስ?" የሚሉ የአስፈሪ ንግግሮችን ሊፈጥር ይችላል። በእንደዚህ አይነት ሰዓት "እስካሁን የቻልኩትን ሁሉ አድርጌያለሁ፣ የቀረውን ደግሞ በፈተናው ሰዓት በጥንቃቄ ሰርቼ አሳያለሁ" በማለት ለራሳችሁ ወደ አዎንታዊ የውስጥ ንግግር ቀይሩት። ‎ራሱን የሚያምን ሰው ግማሽ ፈተናውን ገና ሳይቀመጥ አሸንፏል። ‎------------ ‎በራሳችሁ ላይ ሙሉ እምነት የሚኖራችሁ የፈተናውን ክብደት ካለማጋነን ነው። ይህ ፈተና የእናንተን ዋጋ፣ ማንነት፣ ወይም የወደፊት የህይወት ስኬት ሙሉ በሙሉ የሚወስን አይደለም። የእውቀታችሁን የተወሰነ ክፍል መመዘኛ መንገድ ብቻ ነው። ይህንን ስታስቡ የፈተናው አስፈሪነት ይቀንስና በምትኩ ተፈጥሯዊ ብልሃታችሁና የማሰብ አቅማችሁ በነጻነት መስራት ይጀምራል። ‎ወደ መፈተኛ ክፍል ስትገቡ አንገታችሁን ቀና አድርጉ፣ በጥልቀት ተንፍሱ እና ለራሳችሁ እንዲህ በሉ፡ "ይህን ቀን ለመድረስ ደክሜያለሁ፣ ይገባኛልም፣ ውጤታማ እሆናለሁም!" ‎ ‎ከአሉታዊ እና ተስፋ አስቆራጭ ጓደኞች ጋር የምታደርጉትን ወሬ አቁሙ። በአሁኑ ሰዓት የሚያስፈልጋችሁ አበረታች ሰውና ጓደኛ ብቻ ነው። ‎ ‎3. በቂ እንቅልፍ አግኙ፡ ‎በጭራሽ እንቅልፍ አትናቁ። ፈተናው ከመድረሱ በፊት ባሉት ቀናት ቢያንስ ከ7-8 ሰዓት መተኛት አእምሯችሁ መረጃዎችን በስርአት እንዲያደራጅና በፈተና እለት ንቁ እንዲሆን ያደርገዋል። ‎ ‎4. የፈተናውን እለት በዓይነ-ሕሊናችሁ ተመልከቱት ‎በየቀኑ ለጥቂት ደቂቃዎች አይኖቻችሁን ጨፍናችሁ ፈተናው ክፍል ውስጥ በተረጋጋ መንፈስ ተቀምጣችሁ፣ ጥያቄዎችን እያነበባችሁና እየመለሳችሁ፣ ፈተናውን በደስታ አጠናቃችሁ ስትወጡ በዓይነ-ሕሊናችሁ ተመልከቱ። ይህ የስነ-ልቦና ልምምድ ፍርሃትን አጥፍቶ በራስ መተማመንን የመገንባት ትልቅ አቅም አለው። ‎ ‎#አስተውሉ ‎ይህ ፈተና የወደፊት የህይወት እጣ ፋንታችሁን የሚወስን ብቸኛ አማራጭ አይደለም! ‎ ‎አሁን ባላችሁበት ወቅት በዙሪያችሁ ያለው ድባብ፣ የወላጆች ተስፋ፣ የጓደኞቻችሁ ስሜትና የራሳችሁ የውስጥ ትግል ተዳምሮ "ይህን ፈተና ካላለፍኩ ህይወቴ አከተመለት" የሚል ከባድ ስሜት ሊፈጥርባችሁ ይችላል። ነገር ግን እውነታው ፍጹም ከዚህ የተለየ ነው። ‎ ‎ይህ ፈተና የአንድ ምዕራፍ ማጠናቀቂያ እንጂ የህይወታችሁ የመጨረሻ ማቆሚያ አይደለም! ‎ ‎📌 ፈተና እውቀትን እንጂ ማንነታችሁን አይመዝንም ‎ ‎ፈተና በተወሰኑ ሰዓታት ውስጥ የምትመልሱትን ጥያቄ እንጂ የእናንተን ሙሉ አቅም፣ ተሰጥኦ፣ መልካም ስብዕና እና ነገ ሊኖራችሁ የሚችለውን የላቀ ስኬት ሊለካ አይችልም። በፈተና ወረቀት ላይ የምታገኟቸው ቁጥሮች (ውጤቶች) የእናንተን ዋጋ አይወስኑም። እናንተ ከማንኛውም ፈተና በላይ ውድና ባለብዙ አቅም ሆናችሁ የተፈጠራችሁ ድንቅ ፍጡር ናችሁ። ‎ ‎📌 ወደ ስኬት ማማ የሚወስደው አንድ መንገድ ብቻ አይደለም ‎ ‎የከፍተኛ ትምህርት መግቢያ ፈተናን በሚገባ አልፎ ዩኒቨርሲቲ መግባት አንዱና ትልቁ የህይወት መንገድ ሊሆን ይችላል። ነገር ግን ብቸኛው መንገድ በፍጹም አይደለም። ዛሬ በአገራችንም ሆነ በአለም አቀፍ ደረጃ ትልቅ ተፅዕኖ የፈጠሩ፣ የተሳካላቸው ስራ ፈጣሪዎችን፣ የጥበብ ሰዎችን፣ የቴክኖሎጂ ባለሙያዎችንና መሪዎችን ታሪክ ብናይ... ሁሉም በአንድ መስመር ያለፉ አይደሉም። ‎ ‎👉 ዩኒቨርሲቲ ገብተው የተሳካላቸው አሉ። ‎👉 በሙያና ቴክኒክ (TVET) ስልጠና ጀምረው ዛሬ ትላልቅ ፋብሪካዎችን የሚመሩ አሉ። ‎👉 በራሳቸው ጥረትና ተሰጥኦ (ፈጠራ) ተነስተው አለምን ያስደመሙ ጥቂት አይደሉም። ‎ ‎#አትርሱ: ህይወት ሰፊ ናት፤ አንዱ በር ሲዘጋ ሌላ አስደናቂ በር መክፈት የምትችልበት ሚስጥር በፈተና ውጤት ውስጥ ብቻ ሳይሆን በናንተ የመፅናትና የመታገል መንፈስ ውስጥ ነው ያለው። ‎ ‎📌 ጭንቀትን አስወግዱና አቅማችሁን አሳዩ ‎ ‎አሁን ከእናንተ የሚጠበቀው ነገር ቢኖር የተዘጋጃችሁበትን ያህል በራስ መተማመን ፈተናውን መጋፈጥ ብቻ ነው። ጭንቀት አእምሯችሁ ያጠናውን ነገር እንዳያስታውስ እንቅፋት ይሆንበታል። ስለዚህ፡ ‎ ‎👉 በራሳችሁ እመኑ: የለፋችሁበትን ጥረት አስቡ። ‎ ‎👉 ፈገግ በሉ: የወደፊት እጣ ፈንታችሁ በፈጣሪ እና በጠንካራ ማንነታችሁና ጥረታችሁ እንጂ በፈተና ወረቀት ላይ ብቻ የተንጠለጠለ እንዳልሆነ አስታውሱ። ‎ ‎ፈተናውን በጥሩ ውጤት ማለፍ ትልቅ ደስታ ነው—ለዚህም በርትታችሁና ተረጋግታችሁ ስሩ። ነገር ግን ውጤቱ እናንተ ባሰባችሁት መንገድ ባይሆን እንኳ፣ ህይወት ገና በብዙ አዳዲስና አስደሳች አማራጮች ተሞልታ ከፊታችሁ ትጠብቃችኋለች። ‎ ‎ወደ ፈተና ክፍሉ ስትገቡ ቀና ብላችሁ፣ በሙሉ ተስፋና በራስ መተማመን ይሁን! ‎ ‎መልካም የዝግጅትና የፈተና ጊዜ ይሁንላችሁ! ‎እናንተ ከፈተናው ትበልጣላችሁ! ‎ ‎✍ መስፍን መኩሪያ ‎ ‎ይህ መልእክት ለበርካታ ተማሪዎች ይደርስ ዘንድ #ሼር ማድረግን አትርሱ

Aptitudes sample exam for grade 11 and 12

Sample mathes formula

20 Coordinate Geometry Formulas A detailed coordinate geometry formula sheet covering distance, section, midpoint, slope, line equations, circle equations, and centroid. It is helpful for quick revision and problem-solving practice. #CoordinateGeometry #MathsFormulas #GeometryRevision #StudyTips #ExamPreparation

20 Circle Geometry Theorems A complete circle geometry theorem sheet covering angles, chords, tangents, arcs, secants, and sector formulas. The diagram-based layout makes revision easier for solving circle-related problems. #CircleGeometry #GeometryTheorems #MathsNotes #CircleRules #examrevision

Chemistry video materials

All about respirations

Human Digestive systems, Biology

#የትምህርት ወይም የህይወት ስኬት በድንገት የሚመጣ እንግዳ ሳይሆን በየቀኑ የምናደርጋቸው ትናንሽ ልምዶች ውጤት ነው። ታዋቂው ጸሐፊ ስቴቨን ኮቪ (Steven R. Covey) “The 7 Habits of Highly Effective People” በተሰኘው ምርጥ መጽሐፉ ላይ ያስቀመጣቸውን መርሆች ለተማሪዎች በሚሆን መልኩ ስንመልሳቸው፣ ማንኛውንም ተማሪ ወደ ላቀ የውጤታማነት ማማ ላይ የሚያወጡ ታላላቅ መሣሪያዎች ሆነው እናገኛቸዋለን። እነዚህን 7 ልምዶች በተማሪነት ሕይወታችሁ ውስጥ እንዴት ልትተገብሯቸው እንደምትችሉና የሕይወታችሁ መመሪያ እንደምታደርጓቸው በጥልቀት እንመልከት፦ #ልማድ_አንድ (1)፦ ኃላፊነት ውሰዱ (Be Proactive) ውጤታማ ተማሪዎች የሕይወታቸውና የውጤታቸው ኃላፊነት በሙሉ በእጃቸው ላይ መሆኑን ያውቃሉ። “ፈተናው ከባድ ነበር”፣ “መምህሩ አያስተምርም” ወይም “የማጠናበት ጊዜ የለኝም” ብለው በሌሎች ወይም በሁኔታዎች ላይ እጃቸውን አይቀስሩም። ውጤት የሚያመጣው ፈተና ከመምጣቱ በፊት አስቀድሞ በመዘጋጀት ነው፡፡ ሁኔታዎችን፣ መምህራኖቻችንን፣ ሌሎች ሰዎችን፣ የትምህርት ስርአቱን፣ ሃገርን ወዘተ የሚወቅሱ ሰዎች በህይወታቸው የረባ ቁም ነገር አያከናውኑም፤ ሁልጊዜም ኃላፊነትን የሚያሸክሙት ከእነሱ ውጪ ላለ ሌላ አካል ነው፡፡ ኃላፊነትን መሸከም ስንችል ነው የህይወታችንን ጉዞ አቅጣጫ መወሰን የምንችለው፡፡ የተሸከርካሪውን መሪ ለሌላ አካል አሳልፈን ሰጥተን የምፈልገው ቦታ አይደለም የደረስኩት፤ በፈለኩት ፍጥነት አይደለም እየተጓዝኩ ያለሁት ወዘተ ልንል አንችልም፤ ብንልም ዋጋ የለውም፡፡ የጉዞውን አቅጣጫ፣ ፍጥነት እና አድራሻ የሚወስነው አሽከርካሪው ነው፡፡ ልምዳችን መውቀስ፣ ጣት መጠቆም፣ ራስን መከላከል ወዘተ ከሆነ እውነቱን ለመናገር የሚወቀስ ነገር ማግኘት አይከብድም፡፡ ዘወትር የእናቴ መቀነት አደናቅፎኝ ነው ማለት ህይወታችን ባለህበት እርገጥ እንዲሆን በር ወለል አድርጎ ይከፍታል፡፡ ስለዚህ በትምህርታችንም ሆነ በወደፊት የግልና የስራ ህይወታችን ለውጥ ለማምጣት፣ ወዘተ ሁልጊዜም ለገዛ ራሳችን ህይወት ሙሉ ኃላፊነት እንውሰድ፡፡ ለራሳችን፣ ለወላጆቻችን፣ ለመምህራኖቻችን የገባ ነውን ቃላችንን የምናከብር፤ ፤ በገዛ ራሳችን ጥረት የምንፈልገውን ማንኛውንም ዓይነት ውጤት እጃችን ለማስገባት መጓዝ ያለብንን ያህል ርቀት መጓዝ የምንችል እንሁን፡፡ ይህን የመጀመሪያውን ልማድ ከወደዳችሁት ሌሎቹንም ልማዶች በተከታታይ የማካፍላችሁ ይሆናል። #ወላጆች #መምህራን ይህን መልእክት ለልጆቻችሁ ለተማሪዎቻችሁ አድርሱልኝ።

Important chemistry videos

Biology video