Abdu & Hasu

#የሰይዲና_ኸድር_ቅዳሜ ሸይኽ አሕመድ አል-ሪፋዒ (ረ.ዐ) በኢራቅ ይኖሩ የነበሩ የታወቁ ታላቅ ወሊይ ናቸው። ገና በወጣትነታቸው ጊዜ በዒባዳ እና በዙህድ (አለምን በመተው) ተጠምደው ሳለ፣ አንድ ምሽት እጅግ ለየት ያለ መንፈሳዊ ህልም/መገለጥ አዩ። በእይታቸው (ካሽፍ) እራሳቸውን በታላቅ በረሃ ውስጥ አገኙት። በዚያም አረንጓዴ አልባሳት የለበሱ፣ ፊታቸው እንደ ጨረቃ የሚያበራ ታላቅ ሰው ተገናኙ። እርሳቸውም ሰይዲና ኸድር (ዐ.ሰ) ነበሩ። ሰይዲና ኸድርም (ዐ.ሰ) ለሸይኽ አሕመድ አል-ሪፋዒ እንዲህ አሏቸው፡

«አሕመድ ሆይ! ዛሬ በነቢዩ (ሰ.ዐ.ወ) ዘንድ ታላቅ የዲዋን ስብሰባ አለ። ነገር ግን ወደዚህ መጅሊስ ለመግባት ትልቅ 'ፈተና' አልፈህ መግባት አለብህ።»

ሸይኽ አሕመድ አል-ሪፋዒም፡ «ፈተናው ምንድን ነው?» ብለው ጠየቁ። ሰይዲና ኸድርም (ዐ.ሰ) እንዲህ አሏቸው፡

«ይህ መጅሊስ የልብ ንጽህናቸውን ጨርሰው ትህትናን የለበሱ አውሊያዎች ብቻ የሚገቡበት ነው። ሂድና ከእኔ ይበልጥ የተዋረደና ዝቅተኛ ፍጡር የለም ብለህ በልብህ አምነህ ተመለስ።»

ሸይኽ አሕመድ አል-ሪፋዒ ወደ አካባቢያቸው ተመልሰው ፍጥረታትን ሁሉ ይመለከቱ ጀመር። ሰዎችን፣ እንስሳትንና ነፍሳትን ሁሉ ሲያዩ፡ «እገሌ ከእኔ ይበልጣል፣ ይህ ፍጡር ከእኔ ይሻላል» እያሉ የራሳቸውን ነፍስ እጅግ ዝቅ አደረጉ። በመጨረሻም በበሽታ የተጠቃች እና የተጣለች አንዲት ውሻ አገኙ። «እቺማ ከእኔ ትሻላለች፤ አላህ የፈጠራት ፍጡር ናት፣ እኔ ደግሞ ወንጀለኛ ነኝ» ብለው በመተው ባዶ እጃቸውን፣ በፍጹም ትህትና እና እራሳቸውን ምንም እንዳልሆኑ አድርገው ወደ ሰይዲና ኸድር (ዐ.ሰ) ተመለሱ። ሰይዲና ኸድርም (ዐ.ሰ) ሲያዩአቸው ፈገግ ብለው፡

«አሕመድ ሆይ! ያችን ውሻ ከእኔ ትሻላለች ብለህ ብትመጣ ኖሮ ከዲዋኑ ትወጣ ነበር! አሁን ግን የራሰህን ነፍስ ሙሉ በሙሉ ሰብረሃታልና መገረዣው ተፈታልህ» አሏቸው።

ሰይዲና ኸድር (ዐ.ሰ) እጃቸውን ይዘው ወደ ነቢዩ (ሰ.ዐ.ወ) ታላቅ ዲዋን አስገቧቸው። በዲዋኑ ውስጥ ነቢዩ (ሰ.ዐ.ወ) በታላቅ ኑር ተከበው ተቀምጠዋል። በዙሪያቸውም አቡበክር፣ ዑመር፣ ዑስማን፣ ዐሊይ (ረ.ዐ) እና የየዘመኑ ታላላቅ ቁጥቦች ተሰብስበዋል። ነቢዩ (ሰ.ዐ.ወ) ሸይኽ አሕመድ አል-ሪፋዒን ሲያዩአቸው፡

«እንኳን ደህና መጣህ የኔ ልጅ! አንተ በትህትናህ ምክንያት በአውሊያዎች ላይ አለቃ ሆነሃል» አሏቸው።

ከዚያም ነቢዩ (ሰ.ዐ.ወ) እጃቸውን ዘርግተው ባረኳቸው። ሰይዲና ኸድርም (ዐ.ሰ) በዚያው መጅሊስ ላይ የሸይኽ አሕመድ አል-ሪፋዒን መንፈሳዊ ልብስ (ኺርቃህ) አለበሷቸው። *አላሁመ ሷሊ አላ ሩሂል ውጁድ፤ ወአላ ሰይዲና ኸድር! #አባ_ደዋም @abduftsemier @abduftsemier

#ለይለተል_ጁሙኣ ታላቁ ሸይኽና የጁነይድ አል-በግዳዲ አጎት የሆኑት ሰሪይ አስ-ሰቃጢ (ረዐ) ከለይለተል ጁሙዓ በረካ ጋር ተያይዞ ይህንን ታሪክ ይተርካሉ፡ በአንድ የጁሙዓ ምሽት ሸይኽ ሰሪይ አስ-ሰቃጢ በባግዳድ መስጂድ ውስጥ በዒባዳና በዚክር ላይ ሳሉ፣ አንድ ወጣት ወደ መስጂዱ ገባ። ወጣቱ ቀደም ሲል በከተማው ውስጥ በወንጀል፣ በኃጢአትና ባለመታዘዝ የሚታወቅ ነበር። ሆኖም በዚያች የጁሙዓ ምሽት ወጣቱ በተሰበረ ልብ ወደ መስጂዱ ጥግ ሄዶ በስግደት (ሱጁድ) ላይ ወደቀ። በሱጁድ ውስጥ ሆኖም በከፍተኛ ስብራት እያለቀሰ እንዲህ ሲል አላህን ይለምን ነበር፡ "ያ አላህ! ይህች ምሽት የጁሙዓ ምሽት ናት፤ የምህረትህና የራህመትህ በር ክፍት የሚሆንበት ሰዓት ናት። እኔ በሰራሁት ወንጀል ተጸጽቼ ወደ አንተ መጥቻለሁ። በዚች የከበረች ምሽት ራህመትህ ካላገኘኝ ወዴት እሄዳለሁ?" ሸይኽ ሰሪይ አስ-ሰቃጢ የወጣቱን ለቅሶና እውነተኛ ተውበት ተመልከተው አስደነቃቸው። ወጣቱ ሌሊቱን በሙሉ ሲጸልይና ሲያቅስ አድሮ በሱብሒ ወቅት ወጣ። በሚቀጥለው ምሽት ሸይኽ ሰሪይ በሕልማቸው አንድ ድምፅ (ሀቲፍ) ሰሙ፤ ድምፁም እንዲህ አላቸው፡ "ያ ሲሪይ! ያንን ወጣት አየኸውን? በዚያች የጁሙዓ ምሽት ባደረገው እውነተኛ ተውበትና በተሰበረ ልቡ ምክንያት አላህ እሱን ብቻ ሳይሆን፣ በዚያች ምሽት በዚያ መስጂድ ውስጥ የነበሩትን ሰዎች በሙሉ በሱ ምክንያት ምህረት አድርጎላቸዋል!" የአባባ የጁሙኣ ሰለዋት ስጦታ اللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى كُلِّ نَبِيٍّ، وَعَلَى سَيِّدِنَا أَبِي بَكْرٍ وَعَلَى كُلِّ وَلِيٍّ، وَعَلَى سَيِّدِنَا عُمَرَ وَعَلَى كُلِّ تَقِيٍّ، وَعَلَى سَيِّدِنَا عُثْمَانَ وَعَلَى كُلِّ سَخِيٍّ، وَعَلَى سَيِّدِنَا عَلِيٍّ وَعَلَى كُلِّ رَضِيٍّ، وَعَلَى سَيِّدِنَا جِبْرِيلَ وَعَلَى كُلِّ مَلَكٍ (عَشْرَ مَرَّاتٍ). #አባ_ደዋም @abduftsemier @abduftsemier

#ለይለተል_ጁሙኣ አንድ ቀን አቡ ሰኢድ አቡል-ኸይር ከተማሪዎቻቸው ጋር በመሆን የሸይኽ አቡ ሀሰን አል-ኻርቃኒን መንደር ለመጎብኘት ይጓዛሉ። አቡ ሰኢድ በዘመናቸው ታላቅ፣ ዕውቀታቸው የገነነና በብዙ ሰዎች ዘንድ የሚታወቁ ሊቅ ነበሩ። አቡ ሀሰን አል-ኻርቃኒ ደግሞ በዝምታቸው፣ በኢኽላሳቸው እና በልባቸው ስብራት የሚታወቁ ድንቅ ወሊይ ነበሩ። አቡ ሰኢድ ከተማሪዎቻቸው ጋር አቡ ሀሰን ዘንድ ደረሱ። ሁለቱ አሪፎች ሲገናኙ፣ አቡ ሰኢድ አክብሮታቸውን ለማሳየት በዝምታ ተቀመጡ። አቡ ሀሰንም ምንም አልተናገሩም። በመካከላቸው ረጅም ዝምታ ሰፈነ። ተማሪዎቹ በመገረም «ለምን አይወያዩም? ለምን ስለ ተሰውፍና ስለ ማዕሪፋ አይነጋገሩም?» ብለው በልባቸው አሰቡ። በመጨረሻም ጉብኝቱ አብቅቶ አቡ ሰኢድ ሊሸኙ ሲነሱ፣ ተማሪዎቻቸው «ዑስታዝ ሆይ! እርስዎ የዓሊሞች አባት ነዎት፣ እርሳቸውም የታላቅ መንፈሳዊ ማዕረግ ባለቤት ናቸው። ነገር ግን ምንም ሳትነጋገሩ ሙሉውን ጊዜ በዝምታ አሳለፋችሁት፤ ይህ እንዴት ሆነ?» ብለው ጠየቋቸው። አቡ ሰኢድ አቡል-ኸይር እንዲህ ሲሉ መለሱ፦ «እኔ የሚናገርና የሚሰብክ ሰው ነኝ፤ እርሳቸው ግን አላህ ዘንድ የሚሰማና የሚኖር ሰው ናቸው። እርሳቸው ባሉበት ቦታ የኔ ቃል ምንም ዋጋ የለውም።» አቡ ሀሰን አል-ኻርቃኒም ተማሪዎቻቸው ተመሳሳይ ጥያቄ ሲጠይቋቸው እንዲህ አሉ። «እርሳቸው ሙሉ በሙሉ የብርሃንና የዕውቀት ባህር ናቸው። እኔ ደግሞ በዚያ ባህር ውስጥ የጠፋሁ ጠብታ ነኝ። ጠብታ ደግሞ በባህር ፊት ስለራሷ አታወራም።» #አቤት_ትልቆቹ😍😍 የአባባ የጁሙኣ ሰለዋት ስጦታ اللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى كُلِّ نَبِيٍّ، وَعَلَى سَيِّدِنَا أَبِي بَكْرٍ وَعَلَى كُلِّ وَلِيٍّ، وَعَلَى سَيِّدِنَا عُمَرَ وَعَلَى كُلِّ تَقِيٍّ، وَعَلَى سَيِّدِنَا عُثْمَانَ وَعَلَى كُلِّ سَخِيٍّ، وَعَلَى سَيِّدِنَا عَلِيٍّ وَعَلَى كُلِّ رَضِيٍّ، وَعَلَى سَيِّدِنَا جِبْرِيلَ وَعَلَى كُلِّ مَلَكٍ (عَشْرَ مَرَّاتٍ). #አባ_ደዋም @abduftsemier @abduftsemier

#የሰይዲና_ኸድር_ቅዳሜ "የወደድከኝ የወደድኩህ ሁሉ ሰላትን አደራ! የዕሮብን መጅሊስ፤ የሰይዲ ከድር መጅሊስ ... እንዳተው ካፊር ምንስ መጅሊስ አለው?" ሰይዲ አቡል ጀበል #አባ_ደዋም @abduftsemier @abduftsemier

ለመላው ኢትዮጵያውያን እና የኢትዮጵያ ወዳጆች ሁሉ መልካም አዲስ አመት ይሁንልን። አዲሱ አመት የሰላም፣ የጤና፣ የበረካና የደስታ አላህ ያድርገው!! በአዲሱ አመት አንቱን ይዘናል፤ እድገት ሽልማት ከእጇ ከጅለናል፤ መውሊዱ በኛ ይፈሰስ ይታደስ፤ በመውሊዱ ከብረን ከሁሉ እንንገስ። @abduftsemier @abduftsemier

#ለይለተል_ጁሙኣ ከዕለታት አንድ ቀን ሼሁ ስለ መህዲ ዘመን ሲያስተምሩ ከሙሪዶች አንዱ "እሱ የሚመጣው በጦር መሣሪያ እና በደም መፋሰስ ነውን?" ብለው ጠየቋቸው። ሸይኹም እንዲህ ሲሉ መለሱ፦ "አይደለም፤ የመህዲ መምጣት የምድር ጥበብ አልቆ የሰማይ ኑር (ብርሃን) የሚገለጥበት ነው። በዚያች በለይለተል ጁሙዓ ለሊት፣ አለም ሁሉ በጨለማ እና በጭንቅ ተውጣ ሳለች፣ ከመካ የካዕባ ግድግዳ በስተጀርባ አንድ የብርሃን አምድ ወደ ሰማይ ይወጣል፤ ያ ብርሃን የጦር መሣሪያ ሳይሆን የልቦች መብራት ነው።" በዚያች ለሊት በዓለም ዙሪያ የሚገኙ 313 ታላላቅ የአላህ ወዳጆች (አውሊያዊች እና ኑቀባዎች) በተለያዩ የአለም ክፍሎች ተኝተው ሳለ፣ በሕልማቸው ወይም በመንፈሳዊ ጥሪያቸው (ሃቲፍ) አንድ ድምፅ ይሰማሉ፦ "ጊዜው ደርሷል፤ ወደ ሐረም ተሰብሰቡ!" እነዚህ 313ቱ ሰዎች ያለምንም አውሮፕላን ወይም ምድራዊ ማጓጓዣ፣ በ'ጠይ አል-አርድ' (ምድርን በጥቅል የማሳለፍ መንፈሳዊ ምሥጢር) በቅጽበት ከመካ ካዕባ ፊት ለፊት ይሰበሰባሉ። ኢማሙ መህዲ በካዕባ እና በኢብራሂም መቃም መካከል ቆመው ሳለ፣ የመጀመሪያውን የጁሙዓ አዛን ያወጣሉ። ያ አዛን በሰው ጆሮ ብቻ ሳይሆን በሁሉም ፍጥረታት ልብ ውስጥ ይስተጋባል። የሱፊዎቹ ትረካ እንደሚለው፣ ያንን አዛን የሰማ የሰው ልጅ ሁሉ በውስጡ የነበረው ጥላቻ፣ ምቀኝነት እና የዱንያ ፍላጎት በቅጽበት ይረግፋል፤ ይልቁንም የፍቅር እና የሰላም ስሜት በምድር ላይ ይነግሣል። የአባባ የጁሙኣ ሰለዋት ስጦታ اللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى كُلِّ نَبِيٍّ، وَعَلَى سَيِّدِنَا أَبِي بَكْرٍ وَعَلَى كُلِّ وَلِيٍّ، وَعَلَى سَيِّدِنَا عُمَرَ وَعَلَى كُلِّ تَقِيٍّ، وَعَلَى سَيِّدِنَا عُثْمَانَ وَعَلَى كُلِّ سَخِيٍّ، وَعَلَى سَيِّدِنَا عَلِيٍّ وَعَلَى كُلِّ رَضِيٍّ، وَعَلَى سَيِّدِنَا جِبْرِيلَ وَعَلَى كُلِّ مَلَكٍ (عَشْرَ مَرَّاتٍ). #አባ_ደዋም @abduftsemier @abduftsemier

#የሰይዲና_ኸድር_ቅዳሜ <ሹዐቡል ኢማን> በተሰኘው መፀሀፋቸው ኢማም አል-በይሀቂ፡ ሰይድና ኸድር እና ነብዩ ሙሳ ሲለያዩ ሰይዲ ኸድር ለሙሳ የመከሯቸውን ምክር ይገልፃሉ፦ «ሁልጊዜ ፈገግታን አሳይ፤ ያለ ምክንያት አትሳቅ።» «ያለ ጥቅም አትቆጣ፤ ቁጣህ የአላህ ፍላጎት ብቻ ይሁን።» «አስፈላጊ ካልሆነ በቀር አትጓዝ፤ አላህን ሳታስታውስ እና ሳትጠቅም አትቀመጥ።» «ሰዎችን በጥቅማቸው እንጂ በስህተታቸው አትመዝናቸው። ሰዎችን ከምትወቅስ ይልቅ የራስህን ስህተት ለማረም ተጋል።» «ዱንያን እንደ ድልድይ ቁጠራት፤ በእርሷ ላይ እለፍባት እንጂ አትገንባት። ልብህን ከቁሳቁስ ጋር አትሰር፤ ልቡ ከዱንያ ጋር የታሰረ ሰው አላህን የመፍራት ጥበብ ይሸሸዋል።» «እውቀትን ለሰዎች ለማውራት ብቻ አትማር፤ ተግባር ላይ ለማዋል ተማረው። እውቀት ያለ ስራ እንደ ደረቅ ዛፍ ነው—ፍሬ አይሰጥም፣ ጥላም አይሆንም።» «ምላስህን ካልጠበቅከው ልብህን ያበላሸዋል። ልቡ የተበላሸ ሰው ደግሞ የመንፈሳዊነትን ጣዕም ማወቅ አይችልም።» *አላሁመ ሷሊ አላ ሩሂል ውጁድ፤ ወአላ ሰይዲና ኸድር! #አባ_ደዋም @abduftsemier @abduftsemier

#ለይለተል_ጁሙኣ መካና መዲና በ19ኛው ክፍለ ዘመን (በ1800ዎቹ) በኦቶማን ኢምፓየር አስተዳደር ስር በነበሩበት ወቅት፣ በመካ የመውሊድ በዓል ዝግጅት የሚጀመረው ረቢዕ አል-አወል ወር እንደገባ ሲሆን፤ በ12ኛው ሌሊት የመካው አሚር (ሸሪፍ)፣ የኦቶማን አካባቢ አስተዳዳሪዎች፣ የሐረም ኢማሞች፣ ቃዲዎች (ዳኞች) እና ህዝቡ በሙሉ በመስጂደል ሐራም ይሰበሰባሉ። ከዒሻ ሶላት በኋላ ሁሉም በአንድ ላይ ሻማዎችን እና ፋኖሶችን በማብራት በቡድን ወደ ነቢዩ (ሰ.ዐ.ወ) የልደት ቦታ ያመራሉ፤ ይህም ስነ-ስርዓት "መርከብ" በመባል ይታወቃል። በወቅቱ በነቢዩ ልደት ቦታ ላይ በተገነባው ሕንፃ ውስጥ ታላላቅ ዑለሞች (ሊቃውንት) እና ቁርዓን ቀሪዎች ይቀመጣሉ። የነቢዩን አወላለድ፣ አስተዳደግ እና መልካም ጸባያት የሚያወሱ ድርሳናት (በተለይም የኢማም አል-በርዘንጂ የመውሊድ ኪታብ) በዜማ ይነበባሉ። በበዓሉ ሌሊት እና በሚቀጥለው ቀን ለድሆች፣ ለሀጅ እና ዑምራ ተሳላሚዎች ከፍተኛ መጠን ያለው ምግብ፣ ስጋ እና ጣፋጮች ይ ታደሉ ነበር። ሀብታሞችና ነጋዴዎች ቤቶቻቸውን በማስጌጥ እንግዶችን ይጋብዙ ነበር። በመዲና ደግሞ የአከባበሩ ማዕከል ቀጥታ መስጂድ አል-ነበዊ (የነቢዩ መስጊድ) ነበር። በ12ኛው ሌሊት ከመግሪብ ሶላት በኋላ በነቢዩ መስጊድ ውስጥ የሚገኙት መብራቶችና ሻማዎች በሙሉ ይበራሉ። የመስጊዱ ወለል በጥሩ ምንጣፎች ይሸፈናል፤ የዑለሞች እና የሙሪዶች ክበብ (ሐልቃ) ይዘጋጃል። በታዋቂ ቁርዓን ቀሪዎች ጣፋጭ ድምፅ ቁርዓን ከተቀራ በኋላ፣ የነቢዩን ውዳሴ የሚያነሱ መንዙማዎችና ሰለዋቶች በጋራ ይወርዳሉ። በተለይም የበርዘንጂ መውሊድ ሲነበብ የነቢዩን የልደት ወቅት የሚያታውሰው ክፍል ("መሃል አል-ቂያም") ሲደርስ ህዝቡ በሙሉ ለክብራቸው በመቆም ሰለዋት ያወርድ ነበር። በኦቶማን ዘመን የነበሩት የሐረም ጠባቂዎች (አጋዎች) በበዓሉ ቀን ልዩ ባህላዊ አልባሳታቸውን ለብሰው ሰልፍ በመውጣት ለህዝቡ አጥርተው የተዘጋጁ እጣኖችን እና የኦሮንጅ አበባ ውኃ (ማእ ወርድ) ይረጩ ነበር። የሁለቱም ከተሞች ጎዳናዎች፣ ሱቆች እና የመኖሪያ ቤቶች ደጃፍ በመብራቶችና በባንዲራዎች ይሸለሙ ነበር። ህፃናት አዳዲስ ልብሶችን ይለብሳሉ፤ በየመንገዱ ጣፋጭ ምግቦችና መጠጦች በነፃ ይሰራጩ ነበር። የበዓሉ ዕለት ከተማዋ ሙሉ በሙሉ በደስታ፣ በዚክር እና በሰለዋት ድምፅ ትሞላ ነበር። የአባባ የጁሙኣ ሰለዋት ስጦታ اللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى كُلِّ نَبِيٍّ، وَعَلَى سَيِّدِنَا أَبِي بَكْرٍ وَعَلَى كُلِّ وَلِيٍّ، وَعَلَى سَيِّدِنَا عُمَرَ وَعَلَى كُلِّ تَقِيٍّ، وَعَلَى سَيِّدِنَا عُثْمَانَ وَعَلَى كُلِّ سَخِيٍّ، وَعَلَى سَيِّدِنَا عَلِيٍّ وَعَلَى كُلِّ رَضِيٍّ، وَعَلَى سَيِّدِنَا جِبْرِيلَ وَعَلَى كُلِّ مَلَكٍ (عَشْرَ مَرَّاتٍ). #አባ_ደዋም @abduftsemier @abduftsemier

አሰላሙ አለይኩም ወራህመቱላሂ ወበረካትሁ መርከዙል ኢትቃን ኦላይን መድረሳ የ ቃኢደቱል ኑራንያ ደረስ የጨረሱ ውድ እና እንቁ ተማሪዎቹን በቀን 22 ማለትም ዛሬ ማታ እለተ ጁምዓ ከምሽቱ 2:30 ጀምሮ ተማሪዎቹን ስለሚያስመርቅ በ እለቱ እንዲገኙ እና የፕሮግራሙ ታዳሚ እንዲሆኑ በክብር ጠርተኖታል ። የክብር ኡስታዞች ✅ኡስታዝ ሙዓዝ ✅ኡስታዝ አብዱል ፈታህ ✅ኡስታዝ አንዋር ✅ኡስታዝ አብዱ ረህማን ✅ኡስታዝ አቡ ሙጃሂድ ✅ኡስታዝ አቡ አብደሏህ ይገኙበታል ቦታ በኢሞ ቤታችን ቀን ጁምዓ ቀን ነሃሴ 22 ስአት ከምሽቱ 2:30 መርከዙል ኢትቃን  ኦላይን የቂርአት ማዕከል ከታች ባለው ሊንክ ወደ ኢሞ ቤታችን ጎራ በማለት ይህን ልዩ ፕሮግራም ትታደሙ ዘንድ በክብር ጠርተነዎታል 👇👇👇👇👇👇 We're talking about እነሆ በጉጉት ሲጠበቅ የነበረው የቃኢዳቱ ኣልኑራኒያ ደርስ የእህቶቻቸን ምርቃን ዛሬ ማታ 2:30ሲል ይጀምራል🐪🐐🐐🐓🐓🔪. Click the link to join us! https://imo.onelink.me/RAdY?af_dp=imo%3A%2F%2Fbig_group%2F%3Fshare_id%3D_3p5fJJF2jLCppsH5O%26actionType%3Daction_type_voice_room%26shareFrom%3Dshare&af_web_dp=https%3A%2F%2Fimo.im&from=other https://t.me/alif_jema

#የሰይዲና_ኸድር_ቅዳሜ ከእለታት አንድ ቀን ሠይዲ አባራሙዝ ከተወሰኑ ሙሪዶች ጋር በተቀማመጡበት አንድ ገሪብ የሆነ ሰው ወደ ኸልዋ መጥቶ ገባ... ጌቶችን አውራድ እንዲሰጡት ጠየቀ.. እሳቸውም አሁን የምትለው ዚክር (አውራድ) የለህምን? ሲሉ ጠየቁት ... አለኝ አላቸው:: ምን ትላለህ? አሉት <እኔ አንድ እላለው... አንተ አንድ ትላለህ... እኔ ያልኩት ይቀራል ...አንተ ያልከው ይሆናል::> ይህንን ነው የምለው አላቸው፤ በቃ እሱ ይበቃሀል አሉት:: ሰውዬው ተነስቶ ወጣ... ከአፍታ ቆይታ በኋላ ለሙሪዶቻቸው ያሁኑን ሰውዬ አውቃችሁታል? በማለት ሸኾች ጠየቁ ... አረ በፍፁም አላወቅነውም አሉ ፤ ሰይድና ኸድር ነው ሲሏቸው ለመዘየር ይሁን ለማየት እንጃ እየተራወጡ ፍለጋ ወጡ... ከመሀል አንዱ ፍለጋ የወጡ ሰዎችን ሁኔታ አይቶ "ሊዘይሩት የመጡለት እዚሁ አጠገባቸው እያለ ለመዘየር የመጣውን ፍለጋ ይወጣሉ?" ሲል ግርምታውን ተናገረ:: ፍለጋ የወጡ ሰዎችም በአራቱም አቅጣጫ ፈልገው አጥተውት ተመለሱ:: *አላሁመ ሷሊ አላ ሩሂል ውጁድ፤ ወአላ ሰይዲና ኸድር! #አባ_ደዋም @abduftsemier @abduftsemier

#ለይለተል_ጁሙኣ በታላቁ ነብይ ሙሐመድ (ሰ.ዐ.ወ) ውልደትና ታላቅነት ዙሪያ የተለያዩ ሊቃውንት የተናገሯቸው ንግግሮች፦ ኢማም አል-ቡሲሪ፦ "የነቢዩ (ሰ.ዐ.ወ) ውልደት የላቀ መሆኑን ተፈጥሮአቸው ይመሰክራል፤ መጀመሪያቸውም ሆነ መጨረሻቸው በብርሃን የተዋበ ነው። ውልደታቸው ለዓለም ሁሉ የምስራች፣ የደስታና የእፎይታ ምንጭ ሆኖ መጣ።" ሸይኽ አብዱልቃድር አል-ጂላኒ፦ "አላህ በመጀመሪያ የፈጠረው የነቢዩን (ሰ.ዐ.ወ) ብርሃን ነው። ያ ብርሃን የእውቀት፣ የእዝነትና የፍጥረታት ሁሉ መነሻ ነው። የሳቸው ወደዚች ምድር በሰው ልጅ ቅርጽ መምጣት ደግሞ አላህ ለፍጥረታቱ የለገሰው ትልቁ እዝነት ነው።" ኢብኑ አጣኢላህ አል-እስከንደሪ፦ አላህ ለፍጥረታቱ ብዙ ጸጋዎችን ሰጥቷል፤ ነገር ግን በትልቁ ያነሳውና የመነዳበት ጸጋ የነቢዩ ሙሐመድ (ሰ.ዐ.ወ) መላክ ነው። ውልደታቸው የታሪክ አጋጣሚ ሳይሆን የፍጥረተ ዓለም የመንፈስ ህይወት የተበሰረበት ታላቅ ቀን ነው።" መውላና ጃላሉዲን ሩሚ፦ "ሙሐመድ (ሰ.ዐ.ወ) የፍቅርና የእዝነት ባህር ናቸው። የሳቸው ውልደት የዓለምን ጨለማ የበተነ፣ የልቦችን ዝገት ያጠራና ሰዎችን ወደ አላህ መንገድ የመራ ታላቅ የብርሃን ወጋገን ነው።" ኢማም አሊይ አል-ሀበሺ፦ "የነቢዩ (ሰ.ዐ.ወ) ውልደት በሰማይም በምድርም ታላቅ ደስታ የተበሰረበት ነው። ያ ቀን የረህመት በሮች የተከፈቱበት፣ የጨለማ መጋረጃዎች የተገፈፉበትና የፍቅር ብርሃን በዓለም ላይ የፈሰሰበት ልዩ ዕለት ነው።" የአባባ የጁሙኣ ሰለዋት ስጦታ اللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى كُلِّ نَبِيٍّ، وَعَلَى سَيِّدِنَا أَبِي بَكْرٍ وَعَلَى كُلِّ وَلِيٍّ، وَعَلَى سَيِّدِنَا عُمَرَ وَعَلَى كُلِّ تَقِيٍّ، وَعَلَى سَيِّدِنَا عُثْمَانَ وَعَلَى كُلِّ سَخِيٍّ، وَعَلَى سَيِّدِنَا عَلِيٍّ وَعَلَى كُلِّ رَضِيٍّ، وَعَلَى سَيِّدِنَا جِبْرِيلَ وَعَلَى كُلِّ مَلَكٍ (عَشْرَ مَرَّاتٍ). #አባ_ደዋም @abduftsemier @abduftsemier

ሼር የማድረግ ጥሪ/ቻሌንጅ በጉጉት ሲጠበቅ የነበረው አዲሱ የኢስላሚክ የስነልቦና አገልግሎት የሚሰጥ የቴሌግራም ቻናል ተከፈተ - እውነተኛ የህይወት ታሪኮች - የስነልቦና ምክሮች ፣ ጥያቄዎች እና አገልግሎቶችን ያገኛሉ። - ስለ ኢስላማዊ ሳይኮሎጂ ይማራሉ። ለሁሉም በማጋራት የሙስሊሙ ኡማ ጤና የሚጠበቅበትን ይህን ቻናል እናሳድግ ለወዳጅ ዘመድ ማጋራት አይርሱ join ለማለት 👇👇 https://t.me/usmanic_psychology

#መውላዬ የዛሬዋ ቀን (ረቢዑል-አወል 6) በዓለማችን ታሪክ ውስጥ ትልቅ መንፈሳዊና ሥነ-ጽሑፋዊ አሻራ ያሳረፉት የመውላና ጀላሉዲን ሩሚ የልደት ቀን ናት። ሩሚ የተወለዱት በ604 ዓ.ሂ. በበልኽ ከተማ ሲሆን፣ ሩሚ መጀመሪያ ላይ የታወቁ የሸሪዐና የፊቅህ ሊቅ ነበሩ። ከሸምሰ-ተብሪዚ ጋር ያደረጉት ጉዞ ከደረቅ እውቀት ወደ ጥልቅ የመንፈስ ፍቅር ያሸጋገራቸው ትልቅ መታጠፊያ ሆነ። እውቀትን በልብ ፍቅር አምቀው ማቅረባቸው እስከ ዛሬ ድረስ ሕያው ያደርጋቸዋል። ° ሰዎችን በሃይማኖት፣ በቋንቋ ወይም በዘር አይለያዩም ነበር። በሥጋ የመጣን ማንኛውንም ሰው በፈጣሪ ፍቅርና እኩልነት ይመለከቱ ነበር፤ "ኑ! መንገድ የሳታችሁም ብትሆኑ ኑ!" የሚለው ጥሪያቸው የዚሁ ማረጋገጫ ነው። ° ታላቁ ሥራቸው "መስነቪ"፣ የሰውን ልጅ ውስጣዊ ስቃይ፣ ፍለጋና ተስፋ በጥበብ የሚተነትኑ ናቸው። ሕመምንና ስቃይን ሳይቀር ወደ ፈጣሪ መቃረቢያ መንገድ አድርገው ያሳያሉ። «ከመጥፎና ከክፉ ነገሮች ባሻገር አንድ ትልቅ ሜዳ አለ... እዚያ እንገናኝ! ነፍስ እዚያ ሳር ላይ ስትጋደም፣ ዓለም ስለምታወራው ነገር ማሰብን ትተዋለች፤ ‘እኛ’ እና ‘እነሱ’ የሚሉት ቃላት እንኳ ትርጉም ያጣሉ።» ​«ቁስልህ እኮ የመብራት ብርሃን ወደ አንተ የሚገባበት ቦታ ነው... አትዘን፤ የምታጣው ማንኛውም ነገር በሌላ መልክ ተመልሶ ይመጣልሃል፤ የምትፈልገው ነገር እኮ አንተንም እየፈለገህ ነው...>> <​ባሕር አይደለህም በአንድ ጠብታ ውስጥ ያለህ፣ አንተ ሙሉ ባሕር ነህ—በአንዲት ጠብታ ውስጥ የተሰወርክ!​ ትላንት ብልህ ነበርኩ — ዓለምን ለመለወጥ ሞከርኩ፤ ዛሬ ግን ጥበበኛ ነኝ—ራሴን መለወጥ ጀመርኩ።> #አባ_ደዋም @abduftsemier @abduftsemier

#የዘመኑ_ንጉስ   አልሀምዱሊላህ ለዚህ ለተከበረው ወር ደርሰናል፤ በዚህ ወር የሰጠንን ስጦታ ቆጥረን አንጨርሰውም የስጦታው ሁሉ ስጦታ ካኢናቱን ሁሉ ለእርሳቸው ሲል ያስገኘላቸው ታላቁ ነብይ  مُحَمَّد ﷺ  የተወለዱበት ወር ነው     ❤️የዛሬዋ ቀን ረቢዕ 3ደግሞ እጅግ ትልቅ ቀን ነው የብዙሀኑ የጉራጌ ህብረተሰብ ከመብረቅ አምልኮ ወጥቶ ወደ ዲነል ኢስላም ለመምጣት ሰበብ የሆኑት, ከጉራጌም አልፈው ለመላው ሀበሻ ብርሃን የሆኑት, ሲራቸውን ከኸለቃቸው ኻሊቃቸው ውጪ ማንም ያላወቀው የቃድሪያን ጦሪቃ ፍንትው አድርገው ያዛኸሩ ተከትብው የተያዙ 286 ኪታቦችን ለዑማው ያበረከቱ ቸር ለጋሹ ታላቁ የአብሬት ሸይህ ሸምሰዲነል አብሬትይ (አበል ራሙዝ ) ቀደሰሏሁ ሲረሁ የተወለዱበት ቀን ነው:: #አልሀምዱሊላህ #ሸፈኣ_ያረሱለሏህ #አባ_ደዋም @abduftsemier @abduftsemier

#ለይለተል_ጁሙኣ ታላቁ መሪና የልብ ዐሪፍ አቡ ዐብዱል-ራህማን አል-ሱለሚ (ረሒመሁላህ) ከቀደሙት ዓሪፎች የዘገቡት አስደናቂ መንፈሳዊ ታሪክ፡ በአንድ ወቅት በበስራ ከተማ የሚኖሩ አንድ አቡበክር አል-ዋሲቲ የተባሉ ታላቅ አሪፍ ስለ ረቢዑል አወል ወር እና ስለ ጁሙኣ ምሽት ታላቅነት ሲያስተምሩ፣ አንድ ሙሪዳቸው እንዲህ ሲል ጠየቃቸው፡ "ሸይኼ ሆይ! የረቢዕ ወር የመንፈስ ጸደይ ነው፤ ለይለቱል ጁሙኣ ደግሞ የሳምንቱ ንግሥት ናት። እነዚህ ሁለቱ የተባረኩ ጊዜያት በአንድ ላይ ሲገናኙ መንፈሳዊ ሚስጥሩ ምንድን ነው?" ሸይኹም ፈገግ ብለው እንዲህ ሲሉ መለሱለት፡ "በአንድ ወቅት ታላቁ አሪፍ ማዕሩፍ አል-ኸርኺ (ረሒመሁላህ) በሕልማቸው የነቢያት አለቃ የሆኑትን ነቢዩን (ሰ.ዐ.ወ) አዮቸው።ነቢዩም (ሰ.ዐ.ወ) እንዲህ አሏቸው፡ ‘ማዕሩፍ ሆይ! በአመቱ ውስጥ በፀደይ ወራት በምድር ላይ አበቦችና ለምለም ተክሎችን እንደሚፈኩ ሁሉ፣ በረቢዕ ወር የምትመጣው ለይለቱል ጁሙኣ ደግሞ በተኙት የአማኞች ልብ ውስጥ ያለውን የእዝነት እና የፍቅር ዘር ታነቃቃለች። በዚህች ምሽት አንድ ሰው እጁን ወደ ሰማይ ዘርግቶ በኔ ላይ ሶለዋት አውርዶ፣ «አላህ ሆይ! በሐቢብህ (በወዳጅህ) መወለድ ወር እና በዚች በለይለቱል ጁሙኣ እዝነትህ ልቤን አዲስ አድርግልኝ» ብሎ የጠየቀ እንደሆነ፤ አላህ ያንን ልብ በጭራሽ አይመልሰውም፤ የደረቀችውንም መንፈሱን እንደ እንደ ጸደይ ያለመልማታል’ አሉት።" የአባባ የጁሙኣ ሰለዋት ስጦታ اللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى كُلِّ نَبِيٍّ، وَعَلَى سَيِّدِنَا أَبِي بَكْرٍ وَعَلَى كُلِّ وَلِيٍّ، وَعَلَى سَيِّدِنَا عُمَرَ وَعَلَى كُلِّ تَقِيٍّ، وَعَلَى سَيِّدِنَا عُثْمَانَ وَعَلَى كُلِّ سَخِيٍّ، وَعَلَى سَيِّدِنَا عَلِيٍّ وَعَلَى كُلِّ رَضِيٍّ، وَعَلَى سَيِّدِنَا جِبْرِيلَ وَعَلَى كُلِّ مَلَكٍ (عَشْرَ مَرَّاتٍ). #አባ_ደዋም @abduftsemier @abduftsemier

#የሽግግር_ዘመን! ታላቁ ሱልጣን ሰላሃዲን አዩቢ ቁድስን ከመስቀላውያን እጅ ነፃ ለማውጣት በሚዘጋጅበት ወቅት፣ በዙሪያው ያሉ በርካታ ተፎካካሪ መንግስታት፣ የውስጥ ክፍፍሎች እና የመስቀላውያን ጠንካራ ምሽጎች ትልቅ ስነ-ልቦናዊና ፖለቲካዊ ጫና ፈጥረውበት ነበር። በወቅቱ ሰላሃዲን ሌሊቱን ሙሉ በሶላት፣ በዱዓ እና በዕቅድ ያሳልፍ ነበር። በአንድ የሰኞ መዳረሻ ሌሊት እንቅልፍ ሲወስደው የሚከተለውን ታላቅ መናም አየ፡ በሕልሙ በታላቁ የአል-አቅሷ መስጂድ ግቢ ነቢዩ ሙሐመድ ሰ.ዐ.ወ) ከሶሃቦቻቸው ከሚወዳቸው ሰይዲ ጀይላኒ ጋር ተቀማምጠው ያያል፤ ሰላሃዲን ወደ ነቢዩ (ሰ.ዐ.ወ) ቀርቦ ሰላምታ ሲያቀርብ፣ ነቢዩ (ሰ.ዐ.ወ) በፈገግታ ተቀብለው የአል-አቅሷን መስጂድ ቁልፍ በእጁ ያኖሩበታል። “ያ ሳላሃዲን! አላህ ይህንን የተቀደሰ ቦታ በእጅህ ነፃ ያወጣዋል፤ የፅናትና የፍትህ ሰው ሁን” የሚል መልእክትና ማበሰሪያ (ቡሽራ) ሰጡት። *እነሆ በዛሬዋ ቀን በሰፈር 27 589 ሂጅራ የዛሬ 860 አመት ነበር እኚህ ታላቅ መሪ የተሻገሩት። አል-ፋቲሃ #አባ_ደዋም @abduftsemier @abduftsemier

ወልቂጤ፣ ከአዲስ-አበባ 150 ኪ.ሜ ያህል ትርቃለች። ለተከታታይ ትውልድ ምንጭ ሆኖ ያገለገለውን፣ የቃጥባሬ ማዕከልን አቅፋ ይዛለች። ቃጥባሬ፣ የሼህ ዒሳ ሁላዊ ግምዳይ፣ የልህቀታቸው አደባባይ። እርሳቸው ታላቅ ተምሳሌት፣ ዕውቅ ሙቀረብ፣ ደሚቅ ሊቅ፣ የጀግንነት ምልክት፣ የአያሌ ተዓምራት ቁንጮ፣ የደግነት አምባ፣ የመልካምነት ጉልላት፣ ሊቀ-ሊቃውንት - የቃጥባሬ ታዛ፣ ደማሙ ሼህ ዒሳ ሀምዛ። የትውልዶች መሪ፣ የሊቃውንት አስተማሪ፣ የምዕመናን አስከባሪ፣ የማህበረሳባን አቅኝ፣ በተለይም በዘመናቸው በጉራጌ የገነኑ በርካታውን ጠርበው እያስተካከሉ፣ ከፈሰሱበት እያቃኑ የመሩ፣ ሰበ-አዊ ብርሀን ናቸው። የድንቅ ታሪክ ባለቤት፣ የሀገር አባት፣ የማንነት ቁጥራት፣ የዕውቀትና የስልጣኔ መነሻና ድራሾት ነበሩ። ሼኽ ዒሳ-ቃጥባሬ ከሼኽ አህመደ-ዳንይ ምሩቃኖች መካከል ተጠቃሹ ናቸው። በመሀል አዲስ አበባ የመጀመሪያውን መስጂድ፣ ኑር መስጂድ (አሁን በኒን) ታግለውና ህዝቡን አስተባብረው ያሠሩ ሼኽ ዒሳ ነበሩ። የቃጥባሬ ሸይኽ የሆኑት ሸይኽ ኢሳ ሀምዛ ማህበረሰቡ  ወደ አላህ (ሱብሐነሁ ወተዐላ) እንዲቀርብ የነብያችን (ሰለላሁ አለይሂ ወሰለም) ፍቅር እንዲኖረው በዲን ጉዳይ እንዲመካከር ካበጁዋቸው መገናኛ መንገዶች አንዱ ሳምንታዊው የኢስነይን ፕሮግራም ነው።  በመቃመ ኸድር ደረጃ ላይ ያለ ሰው የሚያገኘው እውቀት በድካም ወይም በንባብ የሚገኝ ሳይሆን፣ «ወዐለምናሁ ሚን ለዱና ዒልማ» (ከእኛ ዘንድ የሆነን እውቀት አስተማርነው) በሚለው የቁርኣን አንቀጽ መሠረት የሚሰጥ ነው። ኢማም ጋዛሊ እንደሚሉት፣ ይህ እውቀት እንደ ምንጭ ውሃ ከልብ ውስጥ የሚፈልቅ እንጂ እንደ ኩሬ ከውጭ የሚቀዳ አይደለም። በዚህ ማዕረግ የተጎናጸፉ አውሊያኦች ከሰይድና ኸድር የሚወርሱት ሌላው ባህሪ «ጠይዩል አርድ» (ርቀትና ቦታ የመታጠፍ/የመቀነስ ምስጢር) ነው። በአንድ ጊዜ በበርካታ ቦታዎች መገኘት ወይም ረጅም መንገድን በቅጽበት ማቋረጥ የመቃመ ኸድር ቁሳዊ እና መንፈሳዊ መገለጫ ተደርጎ ይወሰዳል። በመቃመ ኸድር ያለ መንፈሳዊ ሰው በአላህ ፈቃድ በሰው ልጅ ሕይወት፣ በችግሮች እና በክስተቶች ውስጥ ምስጢራዊ ማስተካከያ የማድረግ (ተስሪፍ) አቅም ይሰጠዋል። ለምሳሌ የኸድር መርከቧን መብሳት ወይም የወጣቱን ህይወት ማለፍ በወቅቱ አስከፊ ቢመስልም፣ ወደፊት የሚመጣን ትልቅ መከራ ለመታደግ የተደረገ መንፈሳዊ ጣልቃ ገብነት ነበር። ያ መውላ ሰሊ ወሰለም አላ ሙሐመድ፤ ወከዛ አላ ሰይድና ኸድር! #ዱስቱር_ያ_ቃጥባሪዩ #አባ_ደዋም @abduftsemier @abduftsemier