𝐕𝐚𝐫𝐝𝐚𝐭𝐮𝐥 𝐉𝐚𝐧𝐧𝐚𝐡🥀

Агар отанг вафот этса, насиҳат ҳам вафот этади. Агар аканг вафот этса, ўнг қўлинг кесилгандай бўлади. Агар онанг вафот этса, нуринг ўчади. Агар синглинг ёки опанг вафот этса, табассуминг кетади. Агар дўстинг вафот этса, кўз нурингдан айрилгандек бўласан. Хаёт жуда қисқа! Уни гина-кудурат, адоват, ҳасад, мунофиқлик қилиш, қариндош ва яқинлар билан алоқани узишга сарфлаб юбориш асло тўғри эмас. Ҳар бир иш эртага хотирага айланади. Шундай экан, табассум билан юринг, ёмонлик қилганларни кечиринг. Ахир, қачон бу дунёни тарк этишимизни билмаймиз-ку. @Vardatul_jannah🥀

Сиз аёл кишиларнинг айримларини асло рози қилаолмайсиз. Чунки: Яратган уларга қош берди. Улар уни териб ташлаб, ўзлари хоҳлагандек чизиб, бўяб оладилар; Яратган уларга ҳусн берди. Улар у ҳуснга ҳам рози бўлмай, юзларини ўзлари хоҳлаган шаклга ўзгартириб олмоқдалар; Яратган уларга лаб, бурун, кўз ато этти. Улар бу неъматларга шукр қилиш ўрнига, лабларини шишириб, бурунлари кичрайтириб, кўзларини каттайтириб оладилар; Яратган уларга тирноқ берди. Рози бўлишмайди бу тирноққа. Устидан ўзлари хоҳлаган сохта тирноқни ёпиштиришади; Яратган уларга маълум ранг ва шаклдаги соч берди. Улар керак бўлса унинг рангини ўзгартиришади, керак бўлса уни кесиб ташлаб, сохтасини улаб олишади; Яратган уларга қадди-қомат берди. Улар унга ҳам рози бўлмай, сунъий нарсалар билан айрим аъзоларини каттартирмоқчи бўлишади; Улар ҳатто Яратган берган неъматга рози бўлишмайди-ю, эрининг берганларига рози бўлармиди ажабо?! Аллоҳ сақласин... @Vardatul_jannah🥀

Баъзилар менда фақатгина ачиниш ҳисси уйғатади холос. Шунинг учун ҳам фақатгина ачинаман… @Vardatul_jannah🥀

Маломат аҳли сизни нишонга олганида қалбга малҳам бўладиган энг яхши жумла: “Инсон маломат қилганлари бошига келмагунча вафот топмайди”, деган жумладир. Ушбу шиорни синиқ қалбимизга босганча йўлимизда давом этмоқдамиз… Аллоҳ маломатчиларни, маломат қилган нарсалари ила синамагунча жонларини олмасин! Амийн! Осиё Абдулазим қизи @Vardatul_jannah🥀

Аллоҳ сизга кўп яхшиликлар эшигини очиб қўйгани, сизни дунё неъматлари билан сийлаб қўйгани, нима сўрасангиз бергани сизнинг яхшилигингиз аломати эмасдир. Катта кетманг! Булар ҳаммаси Аллоҳнинг марҳаматли Зот эканлигининг нишонасидир. Чунки У Зотнинг неъматларига бадал ўлароқ инсоннинг ҳеч бир амали етмайди. Роббимни муҳаббатини қозонишга арзигулик амалларим, фазилатларим бисёр дея катта кетган обиддан, гуноҳларимни кўп бўлишига қарамай чорасиз эмасман, Аллоҳ мени ҳам яхши кўради деб яхши гумон қилган осий афзалдир Роббнинг даргоҳида… Осиё Абдулазим қизи @Vardatul_jannah🥀

Агар сизнинг хаётингизда, сиз унга ёмонлик қилсангиз ҳам, нафсига оғир иш қилсангиз ҳам, сизга душманлик қилмайдиган, аввалгидек қолишни уддалайдиган битта бўлса ҳам чин, содиқ дўст бўлса, билингки сиз бахтлилардансиз. У инсонни этагига маҳкам ёпишинг, осонликча қўйиб юборманг. Чунки бундай инсонлар дунёга жуда кам келади… Келажакда ундан нима ёмонлик келиб қолар экан деб гумон қилганингиз инсонлардан эса қўлдан келганча узоқ туринг. Осиё Абдулазим қизи @Vardatul_jannah🥀

Бугун жума, Росулуллоҳ соллоллоҳу алайҳи васалламга саловат йўллашни унутманг! Ибн Жавзий роҳимаҳуллоҳ дейдилар: Аллоҳ сизларни раҳм қилсин, шуни билингки, саййидимиз Расулуллоҳ соллаллоҳу алайҳи васалламга саловот айтишда ўнта каромат бордир. Улар: 1. Маликул Жаббор – Аллоҳнинг саловот айтиши. 2. Набиййул мухтор – Пайғамбаримизнинг шафоат қилишлари. 3. Малоикатул аброр – фаришталарга эргашиш борлиги. 4. Мунофиқ ва кофирларга мухолиф бўлиш, уларга зид келиш. 5. Хато ва гуноҳларнинг маҳв бўлиши, ювилиши. 6. Ҳожат ва эҳтиёжларни раво бўлиши. 7. Зоҳирий ҳолат ва сиру асрорларни нурланиб, ёришиши. 8. Жаҳаннамдан нажот топиш. 9. Роҳат ва қарор топиш ҳовлиси – жаннатга кириш. 10. Моликул Ғаффор зот – Аллоҳнинг саломига мушарраф бўлиш бор эканидир. “Бўстонул воизийн” асаридан. @Vardatul_jannah🥀

Дадангизни кўп-кўп йўқланг, дуоларини олинг, чунки орангизда “Дада” деса йиғлаб юборишидан қўрқиб, дадаси ҳақида гапирмай юрадиганлар бор… @Vardatul_jannah🥀

Об-ҳавога қараб эмас, Роббингизни оятига қараб кийининг! Кўзни тийиш мавсуми бошланди… @Vardatul_jannah🥀