Tesfa

በማንኛውም ዓይነት ሁኔታ ውስጥ ብትሆን የማይለይህ የክርስቶስ ፍቅር አለ። መከራ ቢሆን ወይስ ጭንቀት ፥ ስደት ቢሆን ወይስ ራብ ፥ ራቁትነት ቢሆን ወይስ ፍርሃት፥  ሰይፍ ቢሆን ወይስ ብቸኝነት ፥ ውድቀት ቢሆን ወይስ ጥርጣሬ ፥ ያለፈው ስህተት ቢሆን የራስህ ስሜት ፤  ከክርስቶስ ፍቅር አይለይህም ። ተስፋ ስታጣ ፣ ሕይወት ሲጨልምብህ ፣ ሲደክምህ ፣ ሲደክምህ፣ እንኳን የክርስቶስ ፍቅር አይለይህም ። ምክንያቱም የእርሱ ፍቅር በራሱ ማንነት ላይ እንጂ በአንተ ባሕርይ ላይ የተመሠረተ ስላልሆነ ነው ። የእርሱ ፍቅር አይለወጥም :- ትናንት እንደሚወድህ ዛሬም ባለህበት ሁኔታ ውስጥ ሆነህ ባልተለወጠ ፍቅር ይወድሃል ፥  ልክ እንዲሁ ደግሞ ለዘላለም ይወድሃል ፤ ፍቅሩ አይለይህም። ዛሬ ይህንን ፍቅር ለመቀበል ዝግጁ ነህ? ከክርስቶስ ፍቅር ማን ይለየናል? መከራ፥ ወይስ ጭንቀት፥ ወይስ ስደት፥ ወይስ ራብ፥ ወይስ ራቁትነት፥ ወይስ ፍርሃት፥ ወይስ ሰይፍ ነውን? ሮሜ 8:35 #tesfa #hope Follow Tesfa on: Instagram | Facebook | Telegram | TikTok | Youtube | Threads

ጳውሎስ ይህንን ደብዳቤ ለፊልጵስዩስ ሰዎች ሲጽፍላቸው በሮም እስር ቤት ውስጥ ሆኖ ነበር ። ሁኔታው አስደሳች አልነበረም ፤ ነገር ግን ጳውሎስ ደስታውን በሁኔታዎች ላይ የተመሠረተ አልነበረምና ደስታውን አልተነካም ። በዚያ በማይመች አስቸጋሪ ሁኔታ ውስጥ እንኳን ደስተኛ ነበር። ምክንያቱም ደስታው በጌታ ላይ ነበር። ሰው ይለወጣል፣ ሁኔታም ቢሆን ይቀየራል፤ ጌታ ኢየሱስ ክርስቶስ ግን ትናንትናም ዛሬም እስከ ለዘላለም ያው ነው። ስለዚህ ደስታህን በማይለወጠው ጌታ በእርሱ ውስጥ አድርግ ። አሁን አንተ ያለህበት ነገር ባይመች ፣ ለመደሰት የማይጋብዝ ቢሆን፣ ተስፋ ቢያሳጣ ፣ የሚረዳህ ሰው ባይኖር፣ ዙሪያህ ቢጨላልምብህም እንኳን የደስታህን ምንጭ ጌታ አድርግ እርሱ ውስጥ የማይነጠፍ ደስታን ታገኛለህ ። ይህም ደስታ ከዓለም የምታገኘው ደስታ አይደለም። ሁልጊዜ በጌታ ደስ ይበላችሁ፤ ደግሜ እላለሁ፥ ደስ ይበላችሁ። ወደ ፊልጵስዩስ ሰዎች4:4 #tesfa #hope Follow Tesfa on: Instagram | Facebook | Telegram | TikTok | Youtube | Threads

መኖሪያህ የዘላለም አምላክ እግዚአብሔር ነው። አካባቢህ ሲረበሽ፣ ዓለም ሲናወጥና የሕይወት ውጣ ውረድ ሲከብድህ የምትጠለልበትና የምታርፍበት ስፍራ አለህ። እርሱም መኖሪያህና መሸሸጊያህ የሆነው እግዚአብሔር ነው። ደክሞሃል? ወደ እርሱ ተመለስ፤ እርሱ ያሳርፍሃል። ልትወድቅ ስትቃረብም የዘላለም ክንዶቹ ከአንተ በታች ናቸው፤ ይደግፉሃል፣ ያነሱሃልም። ስለዚህ አትፍራ፤ መኖሪያህ ሁኔታህ ወይም የራስህ አቅም አይደለም፤ እግዚአብሔር ራሱ ነው። እርሱ ዘላለማዊ ነው፤ አይናወጥም፣ አይተውህም። ዛሬ እግዚአብሔርን መኖሪያህ ለማድረግ ፈቃደኛ ነህ? ዘዳግም 33:27 መኖሪያህ የዘላለም አምላክ ነው፥ የዘላለምም ክንዶች ከአንተ በታች ናቸው፤ ጠላትህን ከፊትህ አውጥቶ፦ አጥፋው፡ ይላል። #tesfa #hope Follow Tesfa on: Instagram | Facebook | Telegram | TikTok | Youtube | Threads

እግዚአብሔር ሁል ጊዜ ጸሎትን የሚሰማ እና ምላሽ የሚሰጥ አምላክ ነው። ከእርሱ ጋር ያለህን ግንኙነት ቅድሚያ በመስጠት በእግዚአብሔር ፊት በማያቋርጥ ጸሎት በፊቱ እንድትቀርብ፤ በእግዚአብሔር ሰሚነት እንድንታመን እና በሁሉም የህይወትህ ዘርፍ የእርሱን መመሪያ በመፈለግ ህይወትን እንድትመራው ዛሬ በዚህ ቃል ይነገርሀል። ለዚህ ፀሎትህን ለሚሰማ፤ ሰምቶም ለሚመልስ አምላክ ምላሽ ትሰጠዋለህ? “ጆሮውን ወደ እኔ አዘንብሏልና፣ በሕይወት ዘመኔ ሁሉ ወደ እርሱ እጣራለሁ።” መዝሙር 116:2 #tesfa #hope Follow Tesfa on: Instagram | Facebook | Telegram | TikTok | Youtube | Threads

እግዚአብሔርበ እውነት ለሚጠሩት ሁሉ ቅርብ ነው። ጸሎትህንና የልብህን ጩኸት ለመስማት ቅርብ ነው። እግዚአብሔር ከልብ ስትጠራው ይሰማሃል፤ በየትኛውም ሁኔታ ውስጥ ሆነህ መገኘቱን ስትፈልግ ያበረታሃል።በምንም ሁኔታ ውስጥ ብታልፍም፤ እርሱ ቅርብ ነው።እርሱ ጭንቀትህንና የልብህን ጩኸት ለመስማት ሁልጊዜም ቅርብ ነው። መዝሙር 145:18 እግዚአብሔር ለሚጠሩት ሁሉ፥ በእውነት ለሚጠሩት ሁሉ ቅርብ ነው። #tesfa #hope Follow Tesfa on: Instagram | Facebook | Telegram | TikTok | Youtube | Threads

አንዳንድ ጊዜ ሕይወትህ ተስፋ እንደሌለው ሊሰማህ ይችላል። ነገር ግን ጭቃው በሸክላ ሠሪው እጅ ስለተበላሸ አይጣልም፤ ሸክላ ሠሪው እንደገና ቀርጾ ሌላ ዕቃ ያደርገዋል እንጂ። የአንተም ታሪክ በዚህ ብቻ እንዲሁ ነው ። ሕይወትህ በሚወድህና በሚራራልህ በእግዚአብሔር እጅ ውስጥ ነው። አንተ የተበላሸውን ሁኔታ ብቻ ታይ ይሆናል፤ እርሱ ግን ሁሌም እየቀረጸህና እያደሰህ እንደገና ነገርህን ያስውበዋል። ዛሬም እግዚአብሔር ሕይወትህን እንዲሠራ ፈቃደኛ ነህ? ኤርምያስ 18:4 ከጭቃም ይሠራው የነበረ ዕቃ በሸክላ ሠሪው እጅ ተበላሸ፥ ሸክላ ሠሪውም እንደ ወደደ መልሶ ሌላ ዕቃ አድርጎ ሠራው። #tesfa #hope Follow Tesfa on: Instagram | Facebook | Telegram | TikTok | Youtube | Threads

በሕይወትህ ውስጥ ልዩ ልዩ ፈተናዎች ሊያጋጥሙህ ይችላሉ። ከእነዚህ ጋር ተያይዞ ጭንቀት፣ ብቸኝነትና ተስፋ መቁረጥም ሊሰማህ ይችላል። አንዳንድ ጊዜም ያለህበት ከባድ ሁኔታ የማያልፍ ሊመስልህ ይችላል። ነገር ግን የእግዚአብሔር ቃል ፈተናዎች ሲያጋጥሙህ በደስታ እንድትቀበላቸው ያስተምርሃል። ምክንያቱም የእምነትህ መፈተን ትዕግሥትን ያስገኝልሃል። እግዚአብሔርም በእነዚህ ፈተናዎች መካከል እምነትህን ያጠነክራል። ስለዚህ ዛሬ ባለህበት ሁኔታ ተስፋ አትቁረጥ፤ በእግዚአብሔር ታመን፣ በትዕግሥትም ቀጥል። እግዚአብሔር ከአንተ ጋር ነውና! ያዕቆብ 1:2-3 ወንድሞቼ ሆይ፥ የእምነታችሁ መፈተን ትዕግሥትን እንዲያደርግላችሁ አውቃችሁ፥ ልዩ ልዩ ፈተና ሲደርስባችሁ እንደ ሙሉ ደስታ ቍጠሩት #tesfa #hope Follow Tesfa on: Instagram | Facebook | Telegram | TikTok | Youtube | Threads

መልኅቅ መርከብን በባሕር ማዕበል መካከል እንዳትንሳፈፍ እንደሚያጸናት፣ አንተም በሕይወትህ ማዕበል መካከል እንዳትናወጥ የሚያጸናህ በክርስቶስ ያለህ ተስፋ ነው። አንተ የተጣልክ አይደለህም፤ ተስፋ አለህ! ተስፋ በቆረጥክበት፣ ነገህን የሚያሳይህ መንገድ ባጣህበትና ከባድ ሁኔታ ውስጥ በሆንክበት ጊዜ እንኳን፣ ተስፋህ አለ! ምክንያቱም ተስፋህ በሁኔታዎችህ ላይ ሳይሆን በክርስቶስ ላይ የተመሠረተ ነው። ማዕበሉን ብቻ አትመልከት፤ በኢየሱስ ላይ ታመን! ዕብራውያን 6:19 ይህም ተስፋ እንደ ነፍስ መልሕቅ አለን እርሱም እርግጥና ጽኑ የሆነ ወደ መጋረጃውም ውስጥ የገባ ነው፤ #tesfa #hope Follow Tesfa on: Instagram | Facebook | Telegram | TikTok | Youtube | Threads

የእግዚአብሔር የተወደደ ልጅ ለሚያምኑ አማኞች ሁሉ እውነተኛ ሰላም እንደሚሰጥ ቃል ገብቷል። ይህ ሰላም ከምድር ያልሆነ :-ከሥራ ፣ ከገንዘብ ፣ ከሰዎች እና ከየትኛውም ሁኔታ የማይመጣ ሰላም ነው። ዓለም የምትሰጠው ሰላም ጊዜያዊና በነገሮች ላይ የተመሰረተ ነው። ነገር ግን ከተወደደው ከእግዚአብሔር ልጅ የምንቀበለው ሰላም ሁኔታዎች ቢቀየሩ የማይቀየር፣ በዙሪያችን ሁሉ ቢወደቅ የማይወድቅ፣ የምታየው ተስፋና አላማ እንኳን ባይኖር የማይናወጥ ሰላም ነው። ከዚያም ኢየሱስ ልብክ እንዳይታወቅ እና እንዳትፈራ አዟል :: ስለዚህ አትረበሽ፣ ልብህ አይታወክ። በዚህ አስተማማኝ ጌታ እና እርሱ በሚሰጠው ሰላም ተማመን። #tesfa #hope Follow Tesfa on: Instagram | Facebook | Telegram | TikTok | Youtube | Threads

እግዚአብሔር አንተ ለራስህ ከምታስበው በላይ ስለ አንተ ያስባል። የምታልፍበትን ሁኔታ ያውቃል፣ ጭንቀትህንም ያያል። የሕይወትህን ውጣ ውረድ በራስህ ብቻ እንድትሸከም አይተውህም። ስለዚህ የሚያስጨንቅህን ሁሉ በእግዚአብሔር ፊት አቅርብ። በራስህ ብቻ ከመታገል ይልቅ ጭንቀትህንና ስጋትህን በእርሱ ላይ ጣል። እግዚአብሔር ስለ አንተ ያስባልና በእርሱ ታመን። 1 ጴጥሮስ 5:7 እርሱ ስለ እናንተ ያስባልና የሚያስጨንቃችሁን ሁሉ በእርሱ ላይ ጣሉት። #tesfa #hope Follow Tesfa on: Instagram | Facebook | Telegram | TikTok | Youtube | Threads

በሕይወትህ ጉዞ ውስጥ ከሁሉ በላይ አስፈላጊው እግዚአብሔር ከአንተ ጋር መሆኑ ነው። ከእግዚአብሔር ጋር እየተጏዝክ ነው? እርሱ አይተውህም፣ አይረሳህምም። በተስፋ መቁረጥህ፣ በድካምህና በጨለማህ ውስጥም ከአንተ ጋር ነው። ጭንቀትህ፣ ብቸኝነትህ ወይም የተለያዮ ሁኔታዎች ቢገጥምህም፣ በእግዚአብሔር ላይ ተማመን። ከሁሉ በላይ የሚያስፈልግህ የእግዚአብሔር አብሮነት ነው! ዛሬ ይሄን አምላክ ሕይወትህን አንዲመራህ ፈቃድህን ልትሰጥ ዝግጁ ነህ? መዝሙር 121:1-2 ዓይኖቼ ወደ ተራሮች አነሣሁ፤ ረዳቴ ከወዴት ይምጣ ረዳቴ ሰማይና ምድርን ከሠራ ከእግዚአብሔር ዘንድ ነው። #tesfa #hope Follow Tesfa on: Instagram | Facebook | Telegram | TikTok | Youtube | Threads

ዛፍ ቢቈረጥ እንኳን፣ ከውሃ ሽታ የተነሳ እንደገና ሊያቆጠቁጥና ቅርንጫፎቹን ሊያበቅል ተስፋ አለው። የተቈረጠ ዛፍ እንኳን እንደገና የማበብ ተስፋ ካለው፣ አንተም በእግዚአብሔር ተስፋ ተስፋ አለህ! ዛሬ ተስፋ በቆረጥክበት ነገር ላይ እግዚአብሔር ነገርህን አስውቦ እየሠራ እየሰራ ነው። የማታየውን እያዘጋጀ መልካም ነገር በሚያደርገው በእግዚአብሔር ብቻ ታመን። የዛኔ እንደገና ለመነሳትና ለመቀጠል ብርታት ታገኛለህ። ኢዮብ 14:7 “ዛፍ ቢቈረጥ ደግሞ ያቈጠቍጥ ዘንድ፥ ቅርንጫፉም እንዳያልቅ ተስፋ አለው። #tesfa #hope Follow Tesfa on: Instagram | Facebook | Telegram | TikTok | Youtube | Threads

ዮሴፍ በወንድሞቹ ተከድቶ ለባርነት ተሸጠ፤ በሐሰት ክስም ወደ እስር ቤት ተወረወረ። ነገር ግን በዚህ ሁሉ ውስጥ እግዚአብሔር ከእርሱ ጋር ነበር። ምሕረቱን አበዛለት፣ በእስር ቤቱ አለቃ ፊትም ሞገስን ሰጠው። አንተም ዛሬ በምታልፍበት ፈተና ምክንያት ተስፋ አትቁረጥ። የሰዎች ክህደት፣ የሐሰት ክስ ወይም የማይታይ መውጫ ያለው የሚመስል ሁኔታ እግዚአብሔር እንደተውህ እንዲሰማህ አያድርግህ: ታምነ ጠብቀው፣ የእርሱንም ጊዜ በትዕግሥት ጠብቅ። እግዚአብሔር ሊረዳህ፣ በመከራህ ውስጥ ሊደግፍህና በራሱ ጊዜ መንገድ ይከፍትልሀል። ዘፍጥረት 39:21 እግዚአብሔርም ከዮሴፍ ጋር ነበረ ምሕረትንም አበዛለት፥ በግዞት ቤቱም አለቃ ፊት ሞገስን ሰጠው። #tesfa #hope Follow Tesfa on: Instagram | Facebook | Telegram | TikTok | Youtube | Threads

የወደፊቱ ሁኔታ ሲያስጨንቅህ፣ የማታውቀው ነገር ሲያስፈራህና በሕይወትህ ውስጥ ችግሮች ሲበዙ፣ የእግዚአብሔርን ቃል መስማትና በጥበቡ መመራት ልብህን ያሳርፋል ደግሞም የእግዚአብሔርን ቃል ስትሰማና በእርሱ ስትታመን፣ በጭንቀትና በፍርሃት እንዳትገዛ ይረዳሃል። ዛሬ በፍርሃት ሳይሆን በእምነት ከእግዚአብሔር ጋር ጉዞህን ጀምር። በራስህ ማስተዋል ሳይሆን በእግዚአብሔር ጥበብ ተመራ። ቃሉን ስማ፣ በእርሱም እረፍ። ምሳሌ 1:33- የሚሰማኝ ግን በእርጋታ ይቀመጣል፥ ከመከራም ሥጋት ያርፋል። #tesfa #hope Follow Tesfa on: Instagram | Facebook | Telegram | TikTok | Youtube | Threads

አንዳንድ ጊዜ የምታልፍበት ፈተና ከአቅምህ በላይ እንደሆነና መውጫ እንደሌለው ሊሰማህ ይችላል። ነገር ግን እግዚአብሔር ታማኝ ነው። እርሱ በፈተናህ መካከል አይተውህም፤ እንድትጸና ጸጋንና ኃይልን ይሰጥሃል፣ ከፈተናውም ለመውጣት መንገድ ያዘጋጅልሃል። በፈተናው ውስጥ እንድትጸናና በእርሱ እንድትታመን ኃይልን ይሰጥሀል። ተስፋ አትቁረጥ! በእርሱ ታመን፤ በሚያስፈልግህ ጊዜ የሚረዳህ እርሱ ነው። 1 ቆሮንቶስ 10:13 ለሰው ሁሉ ከሚሆነው በቀር ምንም ፈተና አልደረሰባችሁም፤ ነገር ግን ከሚቻላችሁ መጠን ይልቅ ትፈተኑ ዘንድ የማይፈቅድ እግዚአብሔር የታመነ ነው፥ ትታገሡም ዘንድ እንድትችሉ ከፈተናው ጋር መውጫውን ደግሞ ያደርግላችኋል። #tesfa #hope Follow Tesfa on: Instagram | Facebook | Telegram | TikTok | Youtube | Threads

ለወዳጁ ሲል ሕይወቱን የሚሰጥ ሰው ሊገኝ ይችላል፤ ለጠላቱ ሲል ግን ሕይወቱን የሚሰጥ ሰው ማግኘት እጅግ ይከብዳል። ነገር ግን ገና ኃጢአተኛ ሳለህ፣ ከእግዚአብሔር ርቀህ ሳለህ፣ ክርስቶስ ስለ አንተ ሞተ። በራስህ ኃይል ከኃጢአት ነፃ መውጣት ባልቻልክበት ጊዜ፣ እርሱ ኃጢአትህን ተሸክሞ በመስቀል ላይ ሕይወቱን ሰጠ። ይህ የእግዚአብሔር ፍቅር: አንዲያ ልጁን እስከመስጠት በደረሰ መሥዋዕትነት የተገለጠ እውነት ነው። ስለዚህ በኃጢአትህ ምክንያት ከእርሱ አትራቅ፤ በንስሐና በእምነት ወደ እርሱ ቅረብ። እርሱ ይቅርታንና አዲስ ሕይወትን ይሰጥሃል። በዚህ አዲስ ሳምንት፣ ወደዚህ የማይለካ የእግዚአብሔር ፍቅር እንጋብዝሃለን! ሮሜ 5:8- ነገር ግን ገና ኃጢአተኞች ሳለን ክርስቶስ ስለ እኛ ሞቶአልና እግዚአብሔር ለእኛ ያለውን የራሱን ፍቅር ያስረዳል። #tesfa #hope Follow Tesfa on: Instagram | Facebook | Telegram | TikTok | Youtube | Threads

አንዳንድ ጊዜ እግዚአብሔር ብቻህን የምትሆንበት ቦታ ያስቀምጥሃል፤ የሚያስፈልግህ ነገር ሌላ ሳይሆን እርሱ ራሱ ብቻ እንደሆነ እስክትረዳ ድረስ ነው። በዙሪያህ ካሉ ሰዎች፣ ከሁኔታዎች፣ ከዓለም ጫጫታ፣ ርቀህ ወደ ምድረበዳ በሚወስድህ ወቅት እግዚአብሔር ከልቡ ለልብህ ሊያናግርህና ፍቅሩን በጥልቀት ሊያሳይህ ነው። ያ የብቸኝነት ወቅት የተተውክበት ሳይሆን፣ ከእርሱ ጋር ይበልጥ ህብረት የምታደርግበት ጊዜ ነው። በምድረበዳህ እግዚአብሔር አለ!። እርሱ ያፅናናሀል፣ ይመራሀል ልብህን በፍቅሩ ጠል ያረሰርስሀል። ስለዚህ በምድረ በዳህ ተስፋ አትቁረጥ፤ እግዚአብሔር ከልቡ ለልብህን በልዩ መንገድ የሚያናግርበት ስፍራ ነውና። ሆሴዕ 2:14- ስለዚህ፥ እነሆ፥ አባብላታለሁ፥ ወደ ምድረ በዳም አመጣታለሁ፥ ለልብዋም እናገራለሁ። #tesfa #hope Follow Tesfa on: Instagram | Facebook | Telegram | TikTok | Youtube | Threads

ምናልባት ዛሬ ማንም የማይረዳህ የሚመስልበት፣ በልብህ ያለውን ስቃይ በቃላት መግለጽ የሚያቅትህና እና ማረፍ የሚያስፈልግህ ጊዜ ላይ ትሆን ይሆናል። ነገር ግን በምታልፍበት ጭንቀት ውስጥ ሁሉ፤ እግዚአብሔር ይሰማሃል። ዳዊት በመከራው ጊዜ ወደ እግዚአብሔር ጮኸ፤ እግዚአብሔርም ጩኸቱን ሰማ። ስለዚህ በጭንቀት ጊዜ ወደ እግዚአብሔር ጩኽ። ልብህን በፊቱ አፍስስ፤ እርሱ ይሰማሃል። በእርሱ ተስፋ አድርግ፤ በችግር መካከልም እንኳን እምነትህን በእርሱ ላይ አጽና። 2 ሳሙኤል 22፥7- በጨነቀኝ ጊዜ እግዚአብሔርን ጠራሁት፥ ወደ አምላኬም ጮኽሁ፤ ከመቅደሱም ቃሌን ሰማኝ፥ ጩኸቴም በፊቱ ወደ ጆሮው ገባ። #tesfa #hope Follow Tesfa on: Instagram | Facebook | Telegram | TikTok | Youtube | Threads

ችግሮች ሲደራረቡብህ፣ የምታደርገው ጠፍቶህ ግራ ስትጋባ፣ በዙሪያዬህ ብዙ ጫና ሲመጣብህ፣ ብዙ አቅም ያላቸው ያግዙኛል ምትላቸው ሰዎች ሲከዱህ፣ ብዙ ካለህበት ውጥንቅጥ ሊያወጣህ የሚችል ሁኔታን ልትፈልግ ትችላለህ ነገር ግን እውነተኛና አስተማማኝ ረዳት የሚመጣው ከእግዚያብሔር ዘንድ ብቻ ነው:: ረድኤትህ ከራስህ አቅም አይደለም፣ ከሰዎችም አይደለም እንዲሁም ከሁኔታ አይደለም። ረድኤትህ ተራሮችን ፈጥሮ፣ ሰማይን የዘረጋ፣ ምድርን ካጸናው ከእርሱ ከእግዚያብሔር ዘንድ ነው። ስለዚህ አይኖችህን ትልቅ ከምትላቸው ነገሮች ላይ አንስተህ እግዚያብሔር ላይ አድርግ እርሱ ብቸኛ አስተማማኝ ረዴትህ ነው :: ለእርሱ የሚከብድ ምንም ነገር የለም። ዛሬ ይሄ ጌታ ህይወትህ እንዲመራው ለመፍቀድ ዝግጁ ነህ? መዝሙር 121:1-2 ዓይኖቼ ወደ ተራሮች አነሣሁ፤ ረዳቴ ከወዴት ይምጣ ረዳቴ ሰማይና ምድርን ከሠራ ከእግዚአብሔር ዘንድ ነው። #tesfa #hope Follow Tesfa on: Instagram | Facebook | Telegram | TikTok | Youtube | Threads

ጸጋ ማለት በራስህ ጥረት ልታገኘው የማትችለው፣ የማይገባህ እንኳ ቢሆንም እግዚአብሔር ከታላቅ ፍቅሩ የተነሳ በነፃ የሚሰጥህ ስጦታ ነው። እግዚአብሔር በሕይወትህ የሚያጋጥሙህን ፈተናዎችና ችግሮች በራስህ ኃይል ብቻ እንድትወጣቸው አልተወህም። በሚያስፈልግህ ጊዜ የሚረዳህን ጸጋ ሰጥቶሀል። ከውድቀቶችህ፣ ከድክመቶችህና ከጥፋተኝነት ስሜትህ ጋር ወደ እርሱ ብትመጣ፣ በምሕረቱ እንድትቀበልና ይቅርታን እንድታገኝ በኢየሱስ በኩል መንገድ ከፍቶልሃል። ብትወድቅ ወይም ብትሰናከል፣ ከእርሱ ልትሸሽ አይገባም። ዛሬ የምታልፍበት ሁኔታ ምንም ያህል ከባድ ቢሆን፣ ችግርህን፣ ፍርሃትህን፣ ድካምህን ሁሉ ይዘህ ወደ እግዚአብሔር ቅረብ። በክርስቶስ በኩል ወደ ጸጋው ዙፋን በእምነት የመቅረብ መብት አለህ። እርሱ የምሕረቱን ይቅርታና በድካምህ የሚደግፍህን ጸጋ ይሰጥሃል። እንግዲህ ምሕረትን እንድንቀበል በሚያስፈልገንም ጊዜ የሚረዳንን ጸጋ እንድናገኝ ወደ ጸጋው ዙፋን በእምነት እንቅረብ። ዕብራውያን 4:16 #tesfa #hope Follow Tesfa on: Instagram | Facebook | Telegram | TikTok | Youtube | Threads