EBS TV

አዲስ አበባን ጨምሮ በሀገር አቀፍ ደረጃ የተከበረው የ2019 ዓ/ም የመስቀል ደመራ በዓል በሰላም ተከብሮ መጠናቀቁን የኢትዮጵያ ፌደራል ፖሊስ አሳውቋል። ቪድዮ ፦ ከማኅበራዊ ሚዲያ @tikvahethiopia

📸 የ2019 ዓ.ም የመስቀል ደመራ በዓል በአዲስ አበባ መስቀል አደባባይ ! መስከረም 16 ቀን 2019 ዓ/ም Photo Credit - etv&AMN @tikvahethiopia

መልካም የመስቀል ደመራ በዓል ይሁንላችሁ ! መልካም በዓል ! #TikvahEthiopiaFamily❤️ @tikvahethiopia

#ደመራ2019 የኢትዮጵያ ኦርቶዶክስ ተዋሕዶ ቤተክርስቲያን ፦ " ጌታችን ቅዱሳት እጆቹን የዘረጋበት፣ ክቡር ደሙን ያፈሰሰበት፣ በደመ ወልደ እግዚአብሔር የከበረ፣ መርገመ ሥጋና መርገመ ነፍስ የተሻረበት፣ የጥል ግድግዳን ያፈረሰበት፣ ጥንተ ጠላታችን ዲያብሎስ ድል የተነሣበት የጌታችን አምላካችን መድኃኒታችን ኢየሱስ ክርስቶስ መስቀል የተገኘበት በዓል እየተከበረ ይገኛል። " ፎቶ፦ የኢኦተቤ ቴሌቪዥን መስከረም 16 ቀን 2019 ዓ/ም @tikvahethiopia

#EOTC #ደመራ2019 የኢትዮጵያ ኦርቶዶክስ ተዋሕዶ ቤተ ክርስቲያን የ2019 ዓ/ም ደመራን በዓል አስመልክቶ መልዕክት አስተላልፋለች። ቤተክርስቲያኗ እንደተለመደው ሁሉ ልጆቿ የደመራ በዓልን ለማክበር ሲመጡ የቤተ ክርስቲያን ሥርዓት የሆነውንና የአደባባይ በዓላት ሲከበሩ ተለይታ የምትታወቅበትን #ነጭ_ልብስ ለብሰው እንዲገኙ መልዕክት አስተላልፋለች። ከሥርዓት የወጡና ልዩነትን የሚፈጥሩ አለባበሶችን ማስወገድ እንደሚገባ አፅንኦት ሰጥታ ገልጻለች። በተለይም የዚህ ዓመት በዓለ መስቀል የሕንድ ማላንካራ ኦርቶዶክስ ቤተ ክርስቲያን ፓትርያርክ ብፁዕ ወቅዱስ ባስልዮስ ማርቶማ ማቴዎስ ሣልሳዊ ከብፁዓን ሊቃነ ጳጳሳት ጋር በተገኙበት የሚከበር በመሆን የተለየ ድምቀት ይሰጠዋል ተብሏል። ከዚህም በላይ በዓሉ ዓለም አቀፋዊ ትኩረት እንዲያገኝ ያደርገዋል። በመሆኑም መላው ምዕመኑ ፦ - አለባበሱ ፣ - ዝማሬው ፣ - አጠቃላይ እንቅስቃሴው ሁሉ በሥርዓት የሚከናወንና ሰላምን የሚሰብክ ሊሆን እንደሚገባ ቤተክርስቲያኗ መልዕክት አስተላልፋለች። የመስቀል ደመራ ማክበሪያ ሥፍራዎች አካባቢ ፍተሽ ስለሚኖርም ምዕመኑ ቀድሞ አውቆ ተባባሪ እንዲሆን አደራ ብላለች። ይህ በእንዲህ እንዳለ፥ በአዲስ አበባ ከተማ ብቻ መስቀል አደባባይን ጨምሮ  ከ2,657 በላይ በሆኑ ቦታዎች ላይ ደመራ ተደምሮ በዓሉ እንደሚከበር ተነግሯል። በመላው ሀገሪቱም የኢትዮጵያ ኦርቶዶክስ ተዋሕዶ ቤተክርስቲያን ምዕመናን በተገኙበት በተለያዩ ሃይማኖታዊ ስርዓቶች ይከበራል። ፎቶ ፦ ፋይል ቲክቫህ ኢትዮጵያ መስከረም 15 ቀን 2019 ዓ/ም @tikvahethiopia

" ... ወዴት እንሂድ ? ለማንስ አቤት እንበል ? " - አቶ ካሳሁን ፎሎ የኢትዮጵያ ሠራተኞች ማህበራት ኮንፌደሬሽን (ኢሠማኮ) በአሠሪና ሠራተኛ ጉዳዮች ላይ ለሚያነሳቸው ጥያቄዎች ከአንዳንድ የመንግሥት መሥሪያ ቤቶች ምላሽ እንደማያገኝ ገለጸ። ኢሠመኮ እንደገለጸው፣ ለመንግሥት ተቋማት የሚጽፋቸው ደብዳቤዎች ምላሽ አያገኙም፤ ስልክ ሲደወልም ኃላፊዎች ስልካቸውን አያነሱም ፤ መልዕክት ሲላክም ምላሽ አይገኝም። የኢሠማኮ ፕሬዚዳንት አቶ ካሳሁን ፎሎ እንደተናገሩት፣ ለሠራተኞችና ለአሠሪዎች ጉዳይ ምላሽ መስጠት የመንግሥት ተቋማት ኃላፊዎች ግዴታ ነው። ነገር ግን አንዳንድ ባለስልጣናትና ኃላፊዎች ጉዳዮችን በእውነት፣ በመርህና በሕግ መሠረት ከመመለስ ይልቅ በራቸውን እንደሚዘጉ ገልጸዋል። " ይሆናልም አይሆንምም አይሉም፤ ለመነጋገርም በፍጹም አይፈልጉም " ሲሉ አቶ ካሳሁን ተናግረዋል። " ሁሉንም ነገር ወደ ጠቅላይ ሚኒስትሩ ጋር መውሰድ አለብን ወይ ? " ሲሉም ጠይቀው፣ እያንዳንዱ መሥሪያ ቤት ለኢሠማኮ ብቻ ሳይሆን ለሚያቀርቡለት ማንኛውም ጉዳይ ለሌላውም ተገቢውን ምላሽ መስጠት እንዳለበት ገልጸዋል። " የኢንዱስትሪ ሰላሙ እንዳይናጋ ወዴት እንሂድ ? ለማንስ አቤት እንበል ? " ሲሉም ጥያቄ አቅርበዋል። ከመንግሥት ተቋማት በተለየ መልኩ የግል ተቋማት ኃላፊዎች ለኮንፌደሬሽኑ ጥያቄዎች ምላሽ እንደማይነፍጉ አቶ ካሳሁን ገልጸዋል። ኢሠማኮ ምላሽና ማብራሪያ ለመስጠት የሚተባበሩ ጥቂት የመንግስት ተቋማትም እንዳሉ ጠቁሟል። ከእነዚህም መካከል ፦ - የጠቅላይ ሚኒስትር ጽሕፈት ቤት፣ - የከንቲባ ጽሕፈት ቤት፣ - የውጭ ጉዳይ ሚኒስቴር እና የሴቶችና ማህበራዊ ጉዳይ ሚኒስቴርን ጠቅሷል። ኮንፌደሬሽኑ እንደሚለው፣ በአሠሪዎችና በሠራተኞች መካከል ጤናማ የሥራ ግንኙነት እንዲኖርና የኢንዱስትሪ ሰላም እንዳይናጋ፣ መንግሥታዊ ተቋማት ለሚያቀርብላቸው ጥያቄዎች ተገቢውን ምላሽ መስጠት ይገባቸዋል። ይህ መረጃ ባለቤትነቱ የሸገር ኤፍ ኤም 102.1 ሬድዮ ጣቢያ ነው። #ShegerFM @tikvahethiopia

#UAE " ለኢትዮጵያ ሉዓላዊነት፣ ለህዝቧ አንድነት፣ የግዛት አንድነት፣ ጸጥታ፣ ደህንነትና መረጋጋት የማያቋርጥ ድጋፍ እናደርጋለን " - የተባበሩት አረብ ኢሚሬቶች የተባበሩት አረብ ኢሚሬቶች (ዩኤኢ) ህወሓት/TPLF እና ከእሱ ጋር የተባበሩ የታጠቁ ኃይሎች በኢትዮጵያ የፌዴራል ኃይሎች ላይ ጥቃት መፈጸማቸውን ገልጻ ድርጊቱን አወገዘች። በተጨማሪም፣ ህወሓት በትግራይ የተለያዩ የአውሮፕላን ማረፊያዎችን መቆጣጠሩን እና በአጎራባች አፋር እና አማራ ክልሎች ወታደራዊ ግጭት መባባሱን አጥብቃ እንደምታወግዝ ይፋ አድርጋለች። የዩኤኢ የውጭ ጉዳይ ሚኒስትር ሼክ ሻክቡት ቢን ናህያን አል ናህያን፣ እነዚህ ክስተቶች የኢትዮጵያን አንድነት፣ ሉዓላዊነት እንዲሁም ጸጥታና መረጋጋት አደጋ ላይ የሚጥሉ መሆናቸውን ገልጸዋል። ሚኒስትሩ ዩኤኢ ከኢትዮጵያ መንግሥትና ሕዝብ ጎን ሙሉ በሙሉ እንደምትቆም ገልጸው፣ በኃይል ወይም በትጥቅ ትግል የኢትዮጵያን ሕገ-መንግሥታዊ ሥርዓት ለመቀየር የሚደረግ ማንኛውንም ሙከራ እንደማትደግፍ ገልጻለች። ዩኤኢ ለኢትዮጵያ ሉዓላዊነት፣ ለህዝቧ አንድነት፣ የግዛት አንድነት፣ ጸጥታ፣ ደህንነትና መረጋጋት የማያቋርጥ ድጋፏን እንደምትሰጥ ሼክ ሻክቡት ገልጸዋል። ሚኒስትሩ በተጨማሪም ግጭቱ አስቸኳይ እንዲቆም እና የተባባሰው ውጥረት እንዲረግብ አሳስበዋል። በተጨማሪም ሲቪል ሰዎችን መጠበቅ፣ ተጨማሪ ጥቃትና ግጭት እንዳይፈጠር መከላከል እንዲሁም የፕሪቶሪያ የሰላም ስምምነትን ማክበር አስፈላጊ መሆኑንም አስገንዝበዋል። ችግሮች በውይይትና በሰላማዊ መንገድ እንዲፈቱ ቅድሚያ መሰጠት እንዳለበትም ሚኒስትሩ ገልጸዋል። ዩኤኢ በኢትዮጵያ ዘላቂ ሰላምና መረጋጋት ለማረጋገጥ የሚደረጉ ጥረቶችን ሁሉ እንደምትደግፍ ሼክ ሻክቡት አረጋግጠዋል። በተለይም የኢትዮጵያ ደህንነትና መረጋጋት እንዲጠበቅ እና በአፍሪካ ቀንድ ደህንነትን የሚያሰጋ ተጨማሪ ግጭት እንዳይፈጠር ጥረቶች እንደሚጠናከሩ አሳውቀዋል። ቲክቫህ ኢትዮጵያ መስከረም 15 ቀን 2019 ዓ/ም @tikvahethiopia

የፌዴራል ቴክኒክና ሙያ ሥልጠና ኢንስቲትዩት 11 ተጨማሪ የሥልጠና ዘርፎችን በማካተት ምዝገባ እያከናወነ መሆኑን ገለጸ። 👉 የተቋሙን መስፈርት የሚያሟሉ የመደበኛ ተማሪዎች ምዝገባ እስከ መስከረም 25/2019 ዓ.ም ድረስ ይቆያል ተብሏል። የፌዴራል የቴክኒክና ሙያ ሥልጠና ኢንስቲትዩት የዘመኑንና የወደፊቱን የገበያ ፍላጎት ያማከሉ ናቸው ያላቸውን አዳዲስ የሥልጠና መስኮችን በማካተት የተማሪዎች ምዝገባ እያከናወነ እንደሚገኝ ገለጸ። ኢንስቲትዩት እነዚህን ተጨማሪ የስልጠና መስኮች ያስተዋወቀው ከመስከረም 14/2019 ዓም ጀምሮ ክፍት የሚሆን የመረጃ ሳምንትን ይፋ ባደረገበት መርሃ ግብር ላይ ነው። ተቋሙ ላለፉት ከ15 ዓመታት በላይ በቴክኒክና ሙያ ዘርፍ ብቸኛው ከፍተኛ የትምህርት ተቋም ሲሆን፣ በአሁኑ ወቅት • በመጀመሪያ ዲግሪ (ደረጃ 6) በ29 ፕሮግራሞች፣ • በሁለተኛ ዲግሪ (ደረጃ 7) በ23 ፕሮግራሞች እንዲሁም  • በሦስተኛ ዲግሪ (ደረጃ 8 / ፒኤች.ዲ) በ2 ፕሮግራሞች ሥልጠና በመስጠት ላይ ይገኛል። በተለይም በ2018 ዓ.ም ደግሞ የዓለም ገበያ የክህሎት ፍላጎትን ያገናዘቡ ናቸው የተባሉትን 11 መስኮች ማለትም :- - ባዮሜዲካል ቴክኖሎጂ፣ - የሳይበር ደህንነት፣ - አርቴፊሻል ኢንተለጀንስ (AI)፣ - ኢንተለጀንት ሮቦቲክስ፣ - ፕላስቲክ ቴክኖሎጂ - ሆርቲካልቸር - ኢንቴሪየር ዲዛይን እና ፊኒሺንግ - ሌዘር ፕሮዳክት - በTVET ሊደርሺፕ እና ማኔጅመንት - በማኑፋክቸሪንግ - ፋሽን ዲዛይን እና በአዳዲስ ኢነርጂ ተሽከርካሪዎች ቴክኖሎጂ ዘርፍ የፈጠራና የወደፊት የሥልጠና መስኮች (Emerging Skills) ተቀርጸው ወደ ተግባር መግባታቸው ተገልጿል። ሥልጠናው 50 በመቶ የንድፈ-ሀሳብ እና 50 በመቶ የተግባር ልምምድ እንዲሆን በተሟሉ ወርክሾፖች የተደገፈ ነው የተባለ ሲሆን ተቋሙ በ16 ሳተላይት ካምፓሶችና በ2 ማዕከላት አማካኝነት ከ 10 ሺ በላይ ተማሪዎችን ተቀብሎ ለማሰልጠን ዝግጁ መሆኑን አሳውቋል። ኢንስቲትዩቱ ከቻይና እና አልጄሪያ ዩኒቨርሲቲዎች ጋር በጥምረት የዲግሪ ፕሮግራሞችን ከመስጠት ባሻገር፣ በየዓመቱ ከ300 በላይ ለሚሆኑ የደቡብ ሱዳን፣ ሶማሊያ እና ሌሎች የጎረቤት ሀገራት ዜጎች ነፃ የሥልጠና ዕድል እየሰጠ መሆኑን አሳውቋል። የተቋሙን መስፈርት የሚያሟሉ የመደበኛ ተማሪዎች ምዝገባ እስከ መስከረም 25/2019 ዓ.ም ድረስ እንደሚቆይ የፌዴራል ቴክኒክና ሙያ ሥልጠና ኢንስቲትዩት ይፋ አድርጓል። ቲክቫህ ኢትዮጵያ አዲስ አበባ መስከረም 15 ቀን 2019 ዓ/ም @tikvahethiopia

#Tigray በትግራይ ክልል የስልክ እና ኢንተርኔት አገልግሎት ዛሬ ተቋርጧል። ሮይተርስ ፤ አራት ስለ ጉዳዩ የሚያውቁ ሰዎችን እና የዲፕሎማቲክ ምንጭ ዋቢ በማድረግ እንደዘገበው የስልክ እና የኢንተርኔት አገልግሎት እንዲቋረጥ ያደረጉት የህወሓት መሪዎች ናቸው። ምንም እንኳን ህወሓት በይፋ ያለው ነገር ባይኖርም አንድ ከህወሓት ጋር ቅርበት ያላቸው ምንጭ " ህወሓት ነው ያቋረጠው " የሚለውን መረጃ አስተባብለዋል። ህወሓት ኔትዎርኩን እንዳቋረጠ የገለጹ የሮይተርስ ምንጭ፤  " የሞባይል እና የኢንተርኔት አገልግሎት እንዲቋረጥ ያዘዘው የመንግሥት ወታደሮች በውጊያ ድሮኖችን ሲጠቀሙ የሞባይል ኔትዎርኮችን እንዳያገኙ የተጠቀመበት ስልት አካል ሳይሆን አይቀርም " ብለዋል። ይህ በእንዲህ እንዳለ ቲክቫህ ኢትዮጵያ ያነጋገራቸው የስምረት ፓርቲ አመራር ኮሚዩኒኬሽን ጽ/ቤት ኃላፊ አቶ ሐለፎም ንርኣ " የስልክ እና ኢንተርኔት ግንኙነት (ኔትዎርክ) እንዲቋረጥ ያደረገው ህወሓት ነው " ብለዋል። " ካሁን በፊትም ትግራይ ክልል ላይ ካለው ዋናው መስሪያ ቤት ሄደው ነበር የቆረጡት። ቆርጠው በክልሉ ባሉ ከተሞች እንዳይሰራ፣ እዛው ያሉበት ከተማ ግን እንዲያገናኝ አድርገውት ነበር በ2013 ዓ/ም " ሲሉ አስታውሰዋል። " ስለዚህ ስለሚያውቁት ቴሌም በየብራንቹ መቆጣጠሪያ ስላለው እሱን ነው ያጠፉት " በማለት አሁን የተዘጋበትን መንገድ አስረድተዋል። " የሳፋሪኮምም ከዚህ ጋር የተያያዘ መስሏቸው ነበር። ግን ለብቻው ነው " ብለዋል። " ዛሬ ግን 'በአስቸኳይ እንድትዘጉት' ብለዋቸዋል " በማለት ተናግረዋል። " ህወሓት የኔትወርክ አገልግሎት እንደሚዘጋ እየተናገረ ቆይቷል። 'በቅርብ ቀን እንዘጋዋለን' እያሉ ነበር " ሲሉም አስታውሰዋል። " ለዚህ የኔትዎርክ ማቋረጥ እንደ ዋና ምክንያት የሚያቀርቡት አንዱ ' በውስጣችን/በመካከላችን ለፌደራል መንግስት ጥቆማና መረጃ የሚሰጡ አካላት እየተበራከቱ መጥተዋል ' " የሚል ነው። " በሌላ በኩል ' በድሮን ጥቃት እየደረሰ ያለው ጉዳት በኢንተርኔት የሚታገዝ ነው '  በሚል ነው የኢንተርኔት እና ስልክ አገልግሎት የማቋረጥ እርምጃ የወሰዱት " ሲሉ አቶ ሓለፎም የተናገሩት። " እንደሚዘጋ አስቀድመውም እያወሩ ስለነበር እኛም ለአንዳንዶቹ የኛ ሰዎች እየተናገርናቸው ነበር " ሲሉም አክለዋል። " የቴሌ ኔትወርክ ሲዘጋ የሳፋሪኮም አልተዘጋም ነበር። ነገር ግን ሳፋሪኮምንም የጸጥታ አካል የሆኑትን እነፍስሃ ማንጁስንና አንድን ሌላ አካል ወደ ዋናው መስሪያ ቤታቸው ሄደው እንዲዘጉት አዘዋል። ቴሌ ከተዘጋ በኋላ ሰዎች በሳፋሪኮም ለመጠቀም ሲም ካርድ ለማውጣት ዛሬ ወረፋ ይዘው ነበር። ግን የሳፋሪኮምንም ሊዘጉት ስለሆነ 'አትክሰሩ አቁሙ' ተብሏል " ብለዋል። "' ዛሬ ሳፋሪኮም ይዘጋል። ከዛሬ እንዳያልፍ' ተብሏል " ሲሉም ያጣሩትን መረጃ ተናግረዋል። ቲክቫህ ኢትዮጵያ መስከረም 15 ቀን 2019 ዓ/ም @tikvahethiopia

#AddisAbaba #ደመራ ከነገ ረፋድ 5:00 ሰዓት ጀምሮ መንገዶች ይዘጋሉ። ነገ መስከረም 16 ቀን 2019 ዓ/ም በመስቀል አደባባይ በሚከበረው የመስቀል ደመራ በዓል ምክንያት መንገዶች ለተሽከርካሪዎች ዝግ እንደሚሆኑ የአዲስ አበባ ፖሊስ ዋና ጠቅላይ መምሪያ አስታውቋል። ከረፋድ ከ5:00 ሠዓት ጀምሮ እስከ መርሀ ግብሩ ፍፃሜ ድረስ ፦ - ከ 22 ማዞሪያ ወደ መስቀል አደባባይ ቅዱስ ዑራኤል አደባባይ ላይ እና ታች - ከቦሌ ኤርፖርት  ወደ መስቀል አደባባይ ደንበል ወይም ኦሎምፒያ  ላይ እና ታች - ከጎፋ ፣ በታቦት ማደሪያ ወደ ለገሃር መብራት ቂርቆስ ቤ/ክርስቲያን መስቀለኛ - ከሜክሲኮ አደባባይ ወደ መሰቀል  አደባባይ ለገሃር መብራት - ከለገሃር ቴሌ ወደ ስታዲየም ንግድ ባንክ ክቡ ህንጻ መስቀለኛ - ከቸርቸል ጎዳና ፣ በአምባሳደር  ወደ መስቀል አደባባይ ሐራምቤ መብራት ላይ - ከአራት ኪሎ ፣ በውጭ ጉዳይ ሚ/ር ወደ መስቀል አደባባይ ብሔራዊ ቤተ መንግሥት መስቀለኛ - ከካዛንቺስ መብራት ወደ  መስቀለኛ መቅረዝ ሆስፒታል የሚወስዱ መንገዶች ለተሽከርካሪ  ዝግ   ይሆናሉ። ነገ ከንጋቱ 12:00 ሰዓት ጀምሮ በተገለፁት መንገዶች ላይ ለአጭርም ሆነ ለረጅም ጊዜ ተሽከርካሪ አቁሞ መሄድ ተከልክሏል። ህብረተሰቡ የፖሊስን አገልግሎት ለማግኘትም ሆነ ጥቆማ ለመስጠት  በ01-11-11-01-11 እና በ990 ነፃ የስልክ መስመር መጠቀም እንደሚቻል ፖሊስ  መልዕክቱን አስተላልፏል፡፡ መስከረም 15 ቀን 2019 ዓ/ም @tikvahethiopia

ምደባ ይፋ ሆነ።   በ2018 ዓ.ም የሁለተኛ ደረጃ ትምህርት መልቀቂያ ፈተና ወስደው በሪሚዲያል (Remedial) መርሃ ግብር የመግቢያ ውጤት ላስመዘገቡ እና በ2019 ዓ.ም በትግራይ ክልል በሚገኙ የመንግሥት ዩኒቨርሲቲዎች ለተመደቡ ተማሪዎች ምደባ ይፋ መሆኑን ትምህርት ሚኒስቴር አሳውቋቃ።   በሪሚዲያል (Remedial) መርሃ ግብር የከፍተኛ ትምህርት ተቋማት መግቢያ ውጤት ያስመዘገቡ ተማሪዎች የተመደቡበትን ዩኒቨርሲቲ በሚከተለው ማስፈንጠሪያ (Link) በመግባት መመልከት ይችላሉ። 👉 https://student.ethernet.edu.et/view-placement ቅሬታ ለማቅረብ፡ https://student.ethernet.edu.et/complaints ተጠቀሙ ተብሏል።   በሌላ በኩል፤ በዝውውር በጊዜያዊነት ከትግራይ ክልል ውጪ ወደሚገኙ ሌሎች የመንግሥት ዩኒቨርሲቲዎች የተመደቡ አዲስ ገቢ ተማሪዎች የተመደቡበትን ዩኒቨርሲቲ በሚከተለው ማስፈንጠሪያ (Link) በመግባት መመልከት እንደሚችሉ ተገልጿል።   👉 https://student.ethernet.edu.et/view-placement   እንዲሁም በትግራይ ክልል በሚገኙ ዩኒቨርሲቲዎች ሲማሩ የነበሩ ነባር ተማሪዎች በጊዜያዊነት የተመደቡበትን ዩኒቨርሲቲ በ https://student.ethernet.edu.et/university-transfer/ ማስፈንጠሪያ በመግባት የራሳችሀውን ፋይዳ (የመለያ ቁጥር) በመጠቀም መመልከት እንደሚችሉ ትምህርት ሚኒስቴር አሳውቋል። #MoE መስከረም 15 ቀን 2019 ዓ/ም @tikvahethiopia

#AddisAbaba ሞተር ብስክሌት ማሽከርከር ላልተወሰነ ጊዜ ተከለከለ። ከዛሬ ከመስከረም 15 ቀን 2019 ጀምሮ ባለሁለት እግር ሞተር  ብስክሌት በአዲስ አበባ ማሽከርከር እንደተከለከለ የአዲስ አበባ ፖሊስ ዋና ጠቅላይ መምሪያ አሳውቋል። " አንዳንድ ወንጀል ፈጻሚዎች ሞተር ብስክሌትን በመጠቀም የቅሚያ እና የስርቆት ወንጀል ሲፈጽሙ ተይዘው ምርመራ እየተጣራባቸው ይገኛል " ብሏል። " ወንጀል ፈጻሚዎች ከቦታ ቦታ ለመዘዋወር  እና የተሰረቁ እቃዎችን ለማጓጓዝ ሞተር ብስክሌትን በብዛት ይጠቀማሉ " ሲል ገልጿል። ቁጥራቸው ቀላል የማይባል የሞተር ብስክሌት አሽከርካሪዎች የትራፊክ ደንቡን እንደማያከብሩ በተለይ ፦ - ቀይ መብራትን መጣስ፣ - ሌሎች ተሽከርካሪዎችን በመግጨት ማምለጥ፣ - ሄልሜት ሳያደርጉ ማሽከርከር፣ - የተፋፋቀ እና ለእይታ አስቸጋሪ የሆኑ የሠሌዳ ቁጥሮችን መጠቀም በአሽከርካሪዎቹ በስፋት የሚስተዋሉ የደንብ ጥሰቶች መሆናቸውን ፖሊስ አመልክቷል። ወንጀልን ለመከላከል እና በሞተር ብስክሌት አሽከርካሪዎች የሚፈጸምን የደንብ ጥሰት ለመቆጣጠር ከዛሬ ከመስከረም 15 ቀን 2019 ዓ/ም ጀምሮ ከኮድ 4 እና ከፖሊስ ሞተር ብስክሌት ውጭ  በአዲስ አበባ ከተማ ባለ ሁለት እግር ሞተር ብስክሌት ማሽከርከር መከልከሉን ፖሊስ አሳቋል። የሞተር ብስክሌት አሽከርካሪዎች እና ባለ ንብረቶች የተባለው እንዲያከብሩ ፤ ነገር ግን ይህንን ማሳሳቢያ በሚተላለፉ ላይ ህጋዊ እርምጃ እንደሚወስድ ማስጠንቀቂያ ተላልፏል። #AddisAbabaPolice መስከረም 15 ቀን 2019 ዓ/ም @tikvahethiopia

የአዲስ አበባ ከተማ አስተዳደር የእሳት እና አደጋ ስጋት ሥራ አመራር ኮሚሽን በመስቀል ደመራ በዓል ወቅት ህብረተሰቡ ከአደጋ እንዲጠነቀቅ አሳሰበ። በየመስቀል ደመራ በዓል ወቅት፥ ህብረተሰቡ ከእሳት እና ኤሌክትሪክ ፍጆታ መጨመር፣ ከመዝናናት እንቅስቃሴ አንፃር በጥንቃቄ ጉድለት ሊደርሱ ለሚችሉ አደጋዎችን ቀድሞ ትኩረት በመስጠት ጥንቃቄ እንዲደረግ በቲክቫህ ኢትዮጵያ በኩል አሳስቧል፡፡ ከኮሚሽኑ የአደጋ ስጋት ቅነሳ ዘርፍ አቶ ሰሎሞን መኮንን፣ ለመስቀል ደመራ የሚሆነው ችቦ እርጥብ ሆኖ አልነድ ሲል በፈሳሽ ነዳጅ በማራስ ከማቀጣጠል መቆጠብ አንዱ የጥናቃቄ መንገድ መሆኑን አስገንዝበዋል። አቶ ሰለሞን አክለው ባስተላለፉት መልዕክት ፦ - ችቦ በቤት ውስጥ ሲለኮስነ በቤት ወስጥ የሚገኙ ምንጣፎች እና መጋረጃዎች እንዳይቀጣጠሉ መጠንቀቅ፣ - ዘመናዊ ችቦ ወይም ርችት ሲለኮስ የአጠቃቀም ጥንቃቄ ማድረግ፣ - ርችቱ ተወርውሮ ሲሄድ በአካባቢው በሚገኙ በሳር ክምር፣ የሳር ክዳን ባላቸው ጎጆ ቤቶች፣ ነዳጅ ማደያ ዴፖዎችና ማደያ ጣቢያ ላይ እንዳያርፍ የጥንቃቄ መመሪያዎችን ተግባራዊ ማድረግ፣ - የመስቀል ደመራ የሚደመርበት ስፍራ ከነዳጅ ማደያ፣ ከኤሌክትሪክና ስልክ ምሰሶዎች እና መስመሮች የራቀ መሆኑን ማረጋገጥ፣ - ደመራ ተለኩሶ ተቀጣጥሎ ካለቀ በኋላ በውሃ ማጥፋት፣ - በምግብ ማብሰያ አካባቢ የኤሌክትሪክ ምድጃዎች፣ የቡታ ጋዝ፣ የጧፍ እና ከሰል ምድጃዎችን በአግባቡ እና በጥንቄ መጠቀም፣ - ሻማ እና ጧፍ በሚጠቀሙበት ወቅት ከተቀጣጣይ ነገር ማራቅ፣ - ጠጥቶ አለመሽከርከር፣ ለመዝናናት ገደብ መስጠት እንደሚገባ አሳስቧል። እነዚህ ሁሉ ጥንቃቄዎች ተደርገው በአጋጣሚና ባልታወቀ ምክንያት በቤትም ሆነ በአቅራቢያ አካባቢ የእሳት እና ሌሎች አደጋዎች ቢከሰቱ ማህበረሰቡ በኮሚሽኑ አደጋ ጥሪ መቀበያ መስመሮች ፈጥኖ እንዲያሳውቅ ተጠይቋል። #ማስታወሻ፥ ለእሳትና ድንገተኛ አደጋዎች፣ ለወላድና የድንገተኛ ህክምና እና አምቡላንስአገልግሎትበነፃ መስመር 939፣ በቀጥታ መስመሮች 011155 53 00/011156 86 01 በመደወል ኮሚሽኑ ይገኛል። ቲክቫህ ኢትዮጵያ አዲስ አበባ #TikvahEthiopiaFamilyAA @tikvahethiopia

#France ፈረንሳይ በሰሜን ኢትዮጵያ፣ በትግራይ ክልል የተፈጠረው ሁኔታ እየተባባሰ መምጣቱ እጅግ እንዳሳሰባት ገለጸች። ፈረንሳይ የህወሓት ኃይሎች በትግራይ መቐለ ፣ አክሱምና ሽረ አውሮፕላን ማረፊያዎችን በኃይል መያዛቸው አውግዛለች። እንዲሁም በአፋርና አማራ ክልሎች በህወሓት የተፈጸሙ ጥቃቶችን እንደምትወግዝ ገልጻለች። ፈረንሳይ ሁሉም ተዋጊ ወገኖች ለሲቪሎች ሕይወት ሲባል ከፍተኛ ጥንቃቄና እጅግ የላቀ ራስን መግዛት እንዲያሳዩ ጠይቃለች። በተጨማሪም ግጭቱ ወደ ቀጠናዊ መባባስ እንዳይደርስ መከላከል አስፈላጊ መሆኑን ገልጻለች። ፈረንሳይ ዓለም አቀፍ የሰብዓዊ ሕግ በጥብቅ እንዲከበር ያላትን ቁርጠኝነት በማረጋገጥ ሁሉም ወገኖች ሲቪሎችን የመጠበቅና ሰብዓዊ እርዳታ እንዲደርስ የማድረግ ግዴታ እንዳለባቸው አስታውሳለች። ሰብዓዊ እርዳታን መከልከል፣ ሲዘዋወር መገደብ ወይም ማጥቃት ተቀባይነት የሌለው መሆኑንም ገልጻለች። ፈረንሳይ ውጥረቱን ለማርገብ ተዓማኒና ውጤታማ የሆነ መንገድ እንዲፈጠር ድጋፍ እንደምታደርግ ገልጻ፣ በአፍሪካ ሕብረትና በልዩ ተወካዩ ኦሉሴጉን ኦባሳንጆ የሚመራውን የሽምግልና ሂደት እንደምትደግፍ አሳውቃለች። ይህም የፕሪቶሪያ ስምምነት በተግባር ውጤታማ ሆኖ እንዲተገበር ያለመ መሆኑን ገልጻለች። ቲክቫህ ኢትዮጵያ መስከረም 14 ቀን 2019 ዓ/ም @tikvahethiopia

#Update : ለ18 ሰዓታት ያህል የተመደቡላቸው ጠባቂዎች በሙሉ በሌላ ተቀይረው ቤተሰቦቻቸው ወደ ቤት መግባት ሆነ መውጣት እንዳይችሉ ሆነው የቆዩት የቀድሞው የትግራይ ክልል ጊዜያዊ አስተዳደር ፕሬዚዳንት ጄነራል ታደሰ ወረደ ሙሉ በሙሉ በቁጥጥር ስር ውለው ወዳልታወቀ ስፍራ መወሰዳቸውን ታውቋል። ለቀድሞ ፕሬዜዳንቱ ቅርበት ያላቸው አንድ ምንጭ  ዛሬ መስከረም 14 ቀን 2019 ዓ.ም ከሰዓት በኃላ ለቲክቫህ ኢትዮጵያ በሰጡት መረጃ ፥ " ጀነራሉ ከመኖሪያ ቤታቸው ወደ አልታወቀ ቦታ በታጣቂዎች ተወስደዋል " ብለዋል። " የትግራይ ኃይሎች የመረጃ ደህንነት ኃላፊ የነበሩት ኮሎኔል ተወልደ ገ/ትንሳኤ እና ሌሎቸ ከፕሬዜዳንቱ ቅርበት ያላቸው ግለሰቦችም በተመሳሳይ ወደ አልታወቀ ቦታ ተወስደው ታስረዋል " ሲሉም ጠቁመዋል። ቲክቫህ ኢትዮጵያ መስከረም 14 ቀን 2019 ዓ/ም @tikvahethiopia

#Tigray የትግራይ ክልል ዋና ከተማ መቐለ ነዋሪዎች ረቡዕ ዕለት የተቀሰቀሰው ጦርነት ሊባባስ ይችላል በሚል ፍራቻ ምግብ እና ሌሎች መሠረታዊ ዕቃዎችን በብዛት መሸመት መጀመራቸውን ሮይተርስ ዘገበ። ቃላቸው በስልክ ቃላቸው የሰጡ ነዋሪዎች ፥ " አስፈላጊ ይሆናል ያልነውን ሁሉ እየገዛን ነው " ብለዋል። ለደህንነቴ ስለምሰጋ ስሜ አይገለጽ ያሉ ነዋሪ ፥ " ሁሉንም መሠረታዊ ፍላጎቶች ለማግኘት ወይም ለመግዛት እጅግ አስቸጋሪ እየሆነ መጥቷል፤ ሁኔታዎች ልክ እንደ ባለፈው ጦርነት ጊዜ ሊሆን ይችላል የሚል ስጋት አለን " ሲሉ ገልጸዋል። በተጨማሪም በመቐለ ጎዳናዎች ላይ የፀጥታ አካላት እንደሚንቀሳቀሱ፣ የድሮን ድምጽ እንደሚሰማ ተናግረው የምግብ ሸቀጦች ሊጠፉ ይችላሉ ብለው እንደሚሰጉ ተናግረዋል። በዓዲግራት ከተማ የሚኖሩ ሌላ ነዋሪ ሰዎች በፍርሃት የምግብ ሸቀጦችን በብዛት በመግዛታቸው ሱቆች ባዶ መሆናቸውን ገልጸዋል። " የሱቆች መደርደሪያዎች ባዶ በመሆናቸው የምግብ እጥረት እየተባባሰ ነው፤ እንዲሁም የአስፈላጊ መድኃኒቶች እጥረት አለ፤ ዋጋቸውም ቢሆን እጅግ በጣም ውድ ነው " ሲሉ ተናግረዋል። የሁለቱም ነዋሪዎች ወጣቶች በግዴታ ወደ ጦርነቱ እንዲቀላቀሉ ሲደረጉ መመልከታቸውን እና ይህም በሕዝቡ ዘንድ ስጋት መፍጠሩን ለሮይተርስ ተናግረዋል። ሮይተርስ/ቢቢሲ መስከረም 14 ቀን 2019 ዓ/ም @tikvahethiopia

" እየተጠባበቁ መበቃቀል በዝቷል፣ በክልሉ እየተበራከተ ለመጣው ግጭትና ጥቃት የፀጥታ መዋቅሩ ወገኝተኝነት እና የደቡብ ሱዳን ታጣቂዎች ከፍተኛ አስተዋፆ አለው " - የጋምቤላ ክልል ነዋሪዎችና የፖሊስ የመረጃ ምንጮች 👉 " ትናንት በነበረው ተኩስ 13 ሰዎች ሲሞቱ 8 ሰዎች ቆስለዋል ፤ ሁለት ሰዎች ደግሞ የደረሱበት አይታወቅም " - ‎የጋምቤላ ክልል ፖሊስ ኮሚሽነር ‎ ‎በቅርቡ በጋምቤላ ክልል አቦል ወረዳ ከጋምቤላ ከተማ ወደ ኑዌር ዞን በፀጥታ ሃይሎች ታጅበው ሲጓዙ በነበሩ የህዝብ ተሽከርካሪዎች ላይ በተፈጸመ ተኩስ 16 ሰዎች መገደላቸውንና ከ50 ሰዎች በላይ መቁሰላቸውን መዘገባችን ይታወሳል። ‎ ‎ይህን ጥቃት ተከትሎ በተፈጸመ ጥቃት በትናትናው ዕለት በክልሉ ኢታንግ ልዩ ወረዳ የ13 ሰዎች ሲገደሉ 8 ሰዎች መቁሳላቸውንና 2 ሰዎች ደግሞ የት እንዳሉ ማወቅ እንዳልተቻለ የጋምቤላ ክልል ፖሊስ ኮሚሽነር ዶሮ ካሩ ለቲለክቫህ ኢትዮጵያ ተናግረዋል፡፡ ነዋሪዋችና የፖሊስ መረጃ ምንጮች ምን አሉ ? ቲክቫህ ኢትዮጵያ የጋምቤላ ከተማ ነዋሪና ሁለት የፖሊስ ምንጮችን አናግሯል። በጋምቤላ ክልል እየተበራከተ ለመጣዉ ተደጋጋሚ ጥቃቶችና ግድያዎች የክልሉ ፀጥታ መዋቅር ውስጥ ያሉ አንዳንድ አባላት ለወጡበት ብሔር ወገንተኛ መሆን ዋነኛ ምክንያት ነው ብለዋል። ክልሉ ከደቡብ ሱዳን በሚዋሰንባቸዉ አከባቢዎች የደቡብ ሱዳን ባንዲራ የያዙ አካላት መታየታቸውንም ጥቃቱ በተፈፀመባቸዉ አከባቢዎች ከሚኖሩ ቤተሰቦቸው መስማታቸውን ለቲክቫህ ኢትዮጵያ አስረድተዋል፡፡ " እየተጠባበቁ መበቃቀል ከጊዜ ወደ ጊዜ በክልሉ እየተበራከተ መጥቷል " ያሉ የፖሊስ የቲክቫህ ኢትዮጵያ የመረጃ ምንጮች በ08/1/2019 ዓ/ም ከተፈፀመው የተሽከርካሪዎች ላይ ጥቃት አንድ ቀን አስቀድሞ በጋምቤላ ከተማ በሚገኘዉ የባሮ ወንዝ ድልድይ ላይ በጥበቃ ስራ ላይ የነበረ አንድ የፖሊስ አባል በጥይት ተመቶ መገደሉን ገልጸዋል፡፡ ይህን ተከትሎ በማግስቱ በፀጥታ ሃይል ታጅበው በመጓዝ ላይ በነበሩ የህዝብ ማመላለሻ ተሸከርካሪዎች ላይ ጥቃት መፈጸሙን ገልጸዋል። እኚሁ የፖሊስ ምንጮች ባሳለፍነው ዓመት ፖሊስ በሚፈጠሩ አለመግባባቶች ውስጥ በብሔር ወገንተኝነት እየቆመ በማስቸገሩ ሁሉም የፖሊስ እና አድማ ብተና አባላትና አመራሮች የተሃድሶ ስልጠና እንዲወስዱ ቢደረግም በሚፈለገዉ ልክ ውጤት አላመጣም ብለዋል። ፖሊስ ኮሚሽነሩ ምን አሉ ? ቲክቫህ ኢትዮጵያ የጋምቤላ ክልል ፖሊስ ኮሚሽነር ዶሩ ካሩን አነጋግሯል። እሳቸው በሰጡት ቃል መስከረም 8/2019 ዓ/ም በፀጥታ ሃይሎች ታጅበው ከጋምቤላ ከተማ ወደ ኑዌር ዞን በመጓዝ ላይ በነበሩ ተሽከርካሪዎች ላይ ጥቃት ተፈፅሞ የ12 ሰዎች ህይወት ማለፉንና ከ50 በላይ ሰዎች መቁሰላቸውን ገልጸዋል። በዚህ ጥቃት መነሻ ያቄሙ አካላት በሶስተኛዉ ቀን መስከረም 12/2019 ዓ/ም በኑዌርና አኝዋክ ዞኖች መካከል በሚገኘው የኢታንግ ልዩ ወረዳ አዋሳኝ አከባቢ ከኑዌር ዞን በመጡ በርከት ባሉ የታጠቁ አካላት በተከፈተ ተኩስ የ13 ሰዎች ሕይወት ሲያልፍ 8 ሰዎች መቁሰላቸዉንና 2 ሰዎች ደግሞ የደረሱበት አለመታወቁን ለቲክቫህ ኢትዮጵያ አስረድዋል፡፡ በስራ ላይ እያለ ስለተገደለዉ የፖሊስ አባል ምን አሉ ? በስራ ላይ እያለ ስለተገደለዉ የፖሊስ አባል መገደል ትክክለኛነት በቲክቫህ ኢትዮጵያ የተጠየቁት ኮሚሽሩ በባሮ ድልድይ ላይ በመደበኛ የጥበቃ ስራ ላይ የነበረ የፖሊስ አባል በተቀመጠበት በጥይት ተመቶ መገደሉን አረጋግጠው የጥቃት አድራሹ ማንነት እስካሁን አልተለየም ብለዋል፡፡ ስለ ፀጥታ መዋቅሮች የብሔር ወገንተኝነትስ ምን አሉ ? ኮሚሽነር ዶሮ ካሩ ከዚህ ቀደም በዚህ ተግባር የተሳተፉ የፀጥታ መዋቅር አባላትና አመራሮች በመኖራቸዉ አስፈላጊዉ እርምጃ እየተወሰደ ቆይቶ በኋላም የሰራዊት አባላትና አመራሮች የተሃድሶ ስልጠና እንዲወስዱ መደረጉን አንስተዋል። በሰሞነኛው በክልሉ እየተከሰተ ባሉ የፀጥታ ችግሮች ተሳታፊዎች ይኖራሉ ያሉት ኮሚሽነሩ የፀጥታው ሁኔታው ሲረጋጋ እርምጃዉ ተጠናክሮ ይቀጥላል ብለዋል፡፡ ስለ ደቡብ ሱዳን ታጣቂዎችስ ኮሚሽነሩ ምን አሉ ? " የደቡብ ሱዳን ባንዲራ የያዙ የታጠቁ ሃይሎች በሰሞነኛዉ ጥቃት ታይተዋል " ስለሚለዉ መረጃ በቲክቫህ ኢትዮጵያ የተጠየቁት ኮሚሽነሩ " አዎ ሊኖሩ ይችላሉ " ያሉ ሲሆን " ጥቃት አድራሾቹ የታጠቋቸዉ የጦር መሳሪያዎች መደበኛ የጸጥታ አባላት የሚታጠቋቸው አይደሉም " ብለዋል። ቲክቫህ ኢትዮጵያ መስከረም 14 ቀን 2019 ዓ/ም @tikvahethiopia

ባደረበት ሕመም በሕክምና ሲረዳ ቆይቶ ትናንት ከዚህ ዓለም በሞት የተለው የአንጋፋው ድምጻዊ ግርማ ነጋሽ ስርዓተ ቀብር ቤተሰቦቹ፣ ወዳጆች ፣ የሙያ አጋሮቹ እና አድናቂዎች በተገኙበት በቅድስት ሥላሴ ካቴደራል ተፈጽሟል። #ኢብኮ @tikvahethiopia

#Ethiopia #KGM #SouthKorea የደቡብ ኮሪያው KGM እና በUK ተቋቁሞ በአሜሪካ እና ኢትዮጵያ በኢንቨስትመንት ዘርፍ የተሰማራው B&C Group በኢትዮጵያ የኤሌክትሪክ መኪና መገጣጠሚያ ፋብሪካ ለማቋቋም የስትራቴጂክ ትብብር ስምምነት ተፈራርመዋል። ስምምነቱ በደቡብ ኮሪያ፣ ሴዑል የተፈረመ ሲሆን፣ የመገጣጠም ሥራው በቀጣዩ ዓመት ለመጀመር ታቅዷል። በመጀመሪያው ዓመት 1,000 መኪናዎችን፣ በሁለተኛው ዓመት ደግሞ አቅሙን ወደ 3,000 መኪናዎች ለማሳደግ ዕቅድ ተይዟል። ፕሮጀክቱ የኢትዮጵያን የመኪና መገጣጠም ኢንዱስትሪ ለማሳደግና በSUV እንዲሁም በሌሎች ምርቶች የሚታወቀው የደቡብ ኮሪያው አውቶሞሊል አምራች KGM ወደ ኢትዮጵያና የአፍሪካ ገበያ እንዲገባ ለማስቻል ያለመ ነው። መስከረም 14 ቀን 2019 ዓ/ም @tikvahethiopia

#Ethiopia #Dangote #Djibouti ጠ/ሚ ዐቢይ አህመድ (ዶ/ር) ዛሬ በጅቡቲ ተገኝተው፣ ከጅቡቲ ፕሬዝዳንት ኢስማኤል ኦመር ጊሌ እና ከዳንጎቴ ግሩፕ መስራች አሊኮ ዳንጎቴ ጋር በመሆን ጅቡቲ ዳመርጆግን ከኢትዮጵያ ደወሌ የሚያገናኝ አዲስ የነዳጅ ማስተላለፊያ ቧንቧ መስመር ፕሮጀክትን ይፋ ማድረጋቸውን ገልጸዋል። ፕሮጀክቱ በሁለቱም ጫፎች የሚገነቡ የነዳጅ ማከማቻ ተርሚናሎችን ያካተተ ሲሆን፣ በኢትዮጵያ ኢንቨስትመንት ሆልዲንግ እና በዳንጎቴ ግሩፕ ትብብር እንደሚተገበር አመልክተዋል። እንደ ጠቅላይ ሚኒስትሩ ገለጻ፣ ፕሮጀክቱ የነዳጅ ማጓጓዣ ወጪንና መዘግየትን በመቀነስ የኢትዮጵያን የኃይል ዋስትና ለማጠናከር እንዲሁም በኢትዮጵያና ጅቡቲ መካከል ያለውን የንግድ መስመር የበለጠ ፈጣንና ዘላቂ ለማድረግ ያግዛል። ፕሮጀክቱ ከነዳጅ ማጓጓዣ መሠረተ ልማት ባለፈ፣ የአፍሪካውያንን ኢንቨስትመንትና የጋራ ልማት ለማሳደግ የታለመ ሰፊ ኢንቨስትመንት መሆኑን ጠቅላይ ሚኒስትሩ ገልጸዋል። መስከረም 14 ቀን 2019 ዓ/ም @tikvahethiopia