TIKVAH-ETH

https://telegra.ph/Ethiopia-12-04-2 @tikvahethiopiaBOT @tikvahethiopia

#BahirDar በባሕር ዳር ከተማ ውሃ ተበክሏል እየተባለ የሚናፈሰው ወሬ #ሀሰት መሆኑን የባህር ዳር ከተማ ውሃ እና ፍሳሽ አገልግሎት ለአብመድ ገልጿል፡፡ የባህር ዳር ከተማ አስተዳደር የውሃ እና ፍሳሽ ባለሙያዎች በየዕለቱ በሁሉም ቦታዎች ማለትም (ታንከር ላይ ፣ መሥመር ላይና ቤት ለቤት በመዞር) የፊዚካል ፣ ባዮሎጂካል እንዲሁም የኬሚካል ናሙና ምርመራ ይደርጋሉ። ዛሬ እና ትናንት በተደረገው የናሙና ምርመራ ምንም ችግር እንደሌለ መረጋገጡን የከተማው ውሃ እና ፍሳሽ አገልግሎት አሳውቋል። ዛሬ ህዳር 25/2013 ውሃ ተበክሏል በሚል ሥጋት ጥቆማ በተደረገባቸው የከተማዋ አካባቢዎች ናሙና ተወስዶ ምንም አይነት ችግር አለመኖሩ ተረጋግጧል። የከተማው ውሃ በቀላሉ የሚበከል አለመሆኑ የተገለፀ ሲሆን በተለይም አጠራጣሪ በሆኑ አካባቢዎች የተጠናከረ ጥበቃ እየተደረገ ነው። ከጥቅምት 24 ቀን 2013 ዓ/ም በኋላም የጥበቃ ሥራው መጠናከሩ ተገልጿል። ሕዝቡ እውነቱን ተገንዝቦ 'ያለምንም መረበሽ' የእለት ተዕለት ተግባሩን እንዲከውን በከተማው ውሃ እና ፍሳሽ አገልግሎት መልዕክት ተላልፏል። (AMMA) @tikvahethiopiaBOT @tikvahethiopia

#MinistryOfEducation ትምህርት ሚኒስቴር ትምህርት በሁሉም አካባቢ እንዲጀመር ለማድረግ እየሰራ መሆኑን አሳውቋል። የኢፌዴሪ ትምህርት ሚኒስቴር ሚንስትር ዴኤታ አቶ ሚሊዮን ማቲዮስ ለኢትዮጵያ ቴሌቪዥን ዛሬ እንደተናገሩት በትግራይ ክልል ትምህርት ለማስጀመር ከ700,000 በላይ የአፍ እና አፍንጫ መሸፈኛ (ማስክ) ተዘጋጅቷል። ከዚህ በተጨማሪ የተጎዱ መሰረተ ልማቶችን ለመጠገን 50 ሚሊዮን ብር መያዙን አሳውቀዋል። በአማራ ክልል አጎራባች አካባቢዎች በህግ ማስከበር ሂደቱ የተጎዱ ትምህርት ቤቶችን ለመጠገን እና ስራ ለማስጀመር እየተሰራ ነው ብለዋል። @tikvahethiopiaBOT @tikvahethiopia

#FDREDefenseForce ብ/ጄነራል ተስፋዬ አያሌው በጦርነቱ አብዛኛው የሚዋጋው የህወሓት ኃይል መመታቱን ከፋና ቴሌቪዥን ጋር በነበራቸው ቆይታ ገልፀዋል። ወንጀል የሰሩ ፣ ያስተባበሩ ፣ የመሩ፣ ያሰቡ የህወሓት አመራሮች ተደብቀዋል ብለዋል። በተጨማሪም የተደበቁ ከሀገር መከላከያ የወጡ ጄነራሎች ፣ ኮሎኔሎች እንዳሉም ገልፀዋል። ብርጋዴል ጄነራል ተስፋዬ ፥ "አብዛኞቹ ኮሎኔሎች በውጊያው መሞተዋል፣ ተመተዋል፣ የተቀሩ / የተወሰኑ ሊኖሩ ይችላሉ ፤ ከጄኔራሎች ከሩቅ ሆነው ነው ሲያዋጉ የነበሩም የተወሰኑ የተመቱ አሉ ፤ በቀጣይ የምንይዛቸው የተደበቁም አሉ" ብለዋል። እየተካሄደ ያለው ዘመቻ 'የሚጠናቀቀው' በህግ የሚፈለጉት የህወሓት ቡድን አባላት ሲያዙ ወይም ሲደመሰሱ ብቻ ነው ሲሉ ተናግረዋል። @tikvahethiopiaBOT @tikvahethiopia

#TiborNagy በአሜሪካ ውጭ ጉዳይ ሚኒስትር የአፍሪካ ጉዳዮች ምክትል ሚኒስትር የሆኑት ቲቦር ናጊ ከቢቢሲ ጋር በነበራቸው ቆይታ በትግራይ ክልል ያለው ሁኔታ መሻሻል ቢያሳይም የሰብዓዊ እርዳታ ጉዳይ ትኩረት ሲለሰጠው ይገባል ብለዋል። ቲቦር ናጊ ሰብዓዊ እርዳታ በሚመለከት ለBBC የተናገሩት፦ "ግጭቱ ተባብሶ በነበረበት ወቅት አንዳንድ ቁልፍ ቦታዎችን ለመቆጣጠር ፍልሚያ በሚደረግበት ወቅት የግንኙነት መስመሮች ተቋርጠው ነበር ፤ ነገር ግን በአሁን ሰዓት ወሳኝ የሚባለው ፍልሚያ ተጠናቋል። ግጭቱ ሙሉ በሙሉ ቆሟል ማለት ግን አይደለም ፤ በዚህ ሰዓት ዋነኛው ትኩረት መሆን ያለበት ሰብዓዊ እርዳት እንዴት ወደ አካባቢው ማድረስ ይቻላል የሚለው ነው። ተመድ እና የኢትዮጵያ መንግስት እርዳታ ለሚያስፈልጋቸው ሰዎች ያልተቋረጠ የሰብዓዊ ድጋፍ ለማድረግ የሚያስችል ስምምነት ላይ መድረሳቸው ትልቅ ነገር ነው። የዚህም ስምምነት ተግባራዊነት ደግሞ ወሳኝ ነው። እርዳታ ሰጭ ድርጅቶችም ወደ አካባቢው ለመግባት ሁኔታዎች ሁሉ ሊመቻችላቸው ይገባል።" @tikvahethiopiaBOT @tikvahethiopia

#COVID19Ethiopia የባለፉት 24 ሰዓት የኮቪድ-19 ሪፖርት : • የተደረገ የላብራቶሪ ምርመራ - 6,522 • በበሽታው የተያዙ - 595 • ህይወታቸው ያለፈ - 9 • ከበሽታው ያገገሙ - 1,318 አጠቃላይ 111,579 ሰዎች በበሽታው መያዛቸው ሲረጋገጥ ፤ የ1,724 ሰዎች ህይወት አልፏል ፤ 77,385 ሰዎች ደግሞ ከበሽታው አገግመዋል። 317 ሰዎች በፅኑ ታመው የህክምና ክትትል እየተደረገላቸው ይገኛል። @tikvahethiopiaBot @tikvahethiopia

#UPDATE - በደቡብ ክልል የ2012 የ8ኛ ክፍል ክልላዊ ፈተና ከታህሳስ 7-9/2013 ዓ/ም በሁሉም ዞኖችና ልዩ ወረዳዎች እንዲሰጥ ዛሬ ተወስኗል፡፡ - ጋምቤላ ክልል የ8ኛ ክፍል ክልላዊ ፈተና ከታህሳስ 6- 8 / 2013 ዓ/ም ባለው ጊዜ እንደሚሰጥ የክልሉ ትምህርት ቢሮ ዛሬ አስታውቋል። - በሐረሪ ክልል የ8ኛ ክፍል ክልላዊ ፈተና ከታህሳስ 7-9 ቀን 2013 ዓ.ም እንዲሰጥ በክልሉ ትምህርት ቢሮ ተወስኗል። * ዛሬ በአዲስ አበባ ከተማ በ156 የመፈተኛ ጣቢያዎች 73 ሺህ 45 ተማሪዎች የ8ኛ ክፍል ክልላዊ ፈተና መውሰድ ጀምረዋል። @tikvahethiopiaBOT @tikvahethiopia

#Mekelle የኢትዮ ቴሌኮም ሰራተኞች ዛሬ ወደ መቐለ መጓዛቸውን ወ/ሪት ፍሬህይወት ታምሩ (የኢትዮ ቴሌኮም ዋና ስራ አስፈፃሚ) ለቪኦኤ ተናግረዋል። በመቐለ ያሉት የኢትዮ ቴሌኮም አገልግሎት መስጫ እቃዎች ማከማቻ ላይ ጉዳት መድረሱንና ይህም እንደሚጠገን አሳውቀዋል። ከቴሌ ታውሮች ጋር የሚያገናኙ በርካታ የፋይበር ኬብሎችም ተቆርጠዋል ይህም ይጠገናል ብለዋል ወ/ሪት ፍሬህይወት። የመቐለ ከተማን ጨምሮ በመላው ትግራይ ክልል የቴሌኮም አገልግሎት ለማስጀመር በመቐለ ያለው (core site) ጉዳት መጠን መለይት አለበት ፤ ጉዳቱ ከፍተኛ ከሆነ አገልግሎቱን ለመመለስ 'ረጅም ጊዜ' ሊወስድ እንደሚችል ተናግረዋል። በሌላ በኩል #ሽረ አካባቢ ያለ ፋይበር ኦብቲክ ከፍተኛ ጉዳት ደርሶበታል ፤ ጉዳቱ ረጅም ኪሎ ሜትር ስለሆነ ጥገናው እስካሁን #እንዳልተጠናቀቀ ወይዘሪት ፍሬህይወት ለቪኦኤ ራድዮ ጣቢያ ገልፀዋል። @tikvahethiopiaBOT @tikvahethiopia

#Mekelle የፌዴራል ፖሊስ ኮሚሽን ሀይል ዛሬ መቐለ ከተማ መግባቱን አሳወቀ። ዛሬ መቐለ የገባው የፌዴራል ፖሊስ ኮሚሽን ልዩ ኮማንዶ እና የወንጀል ምርመራ ቡድን ነው። የፌዴራል ፖሊስ ከ 'ሀገር መከላከያ ሰራዊት' ጋር በመቀናጀት በህግ የሚፈለጉ የህወሓት ተፈላጊ አባላትን ማደን መጀመሩን ገልጿል። የኮማንዶ ቡድኑ በመቐለ ከተማ በሚያደርጋቸው አሰሳዎች እና የተለያዩ ኦፕሬሽኖች እንዲሁም በወንጀል ምርመራ ቡድኑ የሚገኙ ውጤቶችን በቀጣይ ለህዝቡ ይፋ ይደረጋል ተብሏል። @tikvahethiopiaBOT @tikvahethiopia

#COVID19Ethiopia የባለፉት 24 ሰዓት የኮቪድ-19 ሪፖርት : • የተደረገ የላብራቶሪ ምርመራ - 4,298 • በበሽታው የተያዙ - 430 • ህይወታቸው ያለፈ - 6 • ከበሽታው ያገገሙ - 1,150 አጠቃላይ 110,984 ሰዎች በበሽታው መያዛቸው ሲረጋገጥ ፤ የ1,715 ሰዎች ህይወት አልፏል ፤ 76,067 ሰዎች ደግሞ ከበሽታው አገግመዋል። 331 ሰዎች በፅኑ ታመው የህክምና ክትትል እየተደረገላቸው ይገኛል። @tikvahethiopiaBot @tikvahethiopia

#UN UN በትግራይ ክልል የሰብአዊ ዕርዳታ ለማድረስ ከኢትዮጵያ መንግስት ጋር መስማማቱን እንዳረጋገጠ ዶቼ ቨለ ዘግቧል። ዛሬ የተፈረመዉ ስምምነት በትግራይ ክልል የደህንነት ስጋት በማይታይባቸው እና የፌዴራል መንግስት በሚቆጣጠራቸው አካባቢዎች የሰብአዊ እርዳታ ማድረስ የሚያስችል ነው። በዚህም በክልሉ ከሶስት ሳምንት በላይ በተደረገዉ ጦርነት ለተጎዱ የህብረተሰብ ክፍሎች ምግብ ፣ መድኃኒትና ሌሎች ሰብአዊ እርዳታዎች ማድረስ ያስችላል። UN እርዳታውን ከቀጣዩ ረቡዕ ጀምሮ ማድረስ እንደሚጀር አሳውቋል። እርዳታው ከትግራይ ክልል ውጭ በአጎራባች የአማራ እና የአፋር ክልሎች ተጋላጭ አካባቢዎች እንደሚደርስ ገልጿል። @tikvahethiopiaBOT @tikvahethiopia

#EthioTelecom በትግራይ ክልል ውስጥ ስላለው የቴሌኮም አገልግሎት ሁኔታ የተሰጠ ማብራሪያ ! @tikvahethiopiaBot @tikvahethiopia

#NBE ከነገ ጀምሮ በትግራይ ክልል ባሉ ባንኮች አካውንት የከፈቱና ከትግራይ ክልል ውጭ ያሉ ደንበኞች በያሉበት የሀገሪቱ አካባቢዎች ሂሳባቸውን ማንቀሳቀስ እንዲችሉ መፈቀዱ እና ለባንኮችም ይህ መመሪያ መተላለፉን NBE ዛሬ አሳውቋል። ይህ በፌዴራል ጠቅላይ አቃቤ ህግ በወንጀል ተጠርጥረው ሂሳባቸው እንዳይንቀሳቀስ የተደረጉ ደንበኞችን የሚመለከት አይደለም። በሌላ በኩል ፦ የፀጥታ ሁኔታ ለባንኮች አመቺ በሆነባቸው የትግራይ ክልል ከተሞች ባንኮች ተከፍተው ስራ እንዲጀምሩ ብሄራዊ ባንክ ከሚመለከታቸው አካላት ጋር እየሰራ መሆኑን አስታውቋል። የፀጥታ ሁኔታ አመቺ ባልሆነባቸው የክልሉ ከተሞች ባንኮች ተዘግተው እንደሚቆዩ NBE ለኢቲቪ ገልጿል። @tikvahethiopiaBOT @tikvahethiopia

#COVID19Ethiopia የባለፉት 24 ሰዓት የኮቪድ-19 ሪፖርት : • የተደረገ የላብራቶሪ ምርመራ - 4,968 • በበሽታው የተያዙ - 480 • ህይወታቸው ያለፈ - 3 • ከበሽታው ያገገሙ - 1,109 አጠቃላይ 110,554 ሰዎች በበሽታው መያዛቸው ሲረጋገጥ ፤ የ1,709 ሰዎች ህይወት አልፏል ፤ 74,917 ሰዎች ደግሞ ከበሽታው አገግመዋል። 330 ሰዎች በፅኑ ታመው የህክምና ክትትል እየተደረገላቸው ይገኛል። @tikvahethiopiaBot @tikvahethiopia

ወ/ሮ ኬሪያ ኢብራሂም ለመንግስት እጅ ሰጡ ! በህግ ከሚፈለጉት የህወሓት አባላት መካከል ወይዘሮ ኬሪያ ኢብራሂም ለመንግስት እጅ እንደሰጡ የአስቸኳይ ጊዜ አዋጅ የመረጃ ማጣሪያ አሳውቋል። @tikvahethiopiaBOT @tikvahethiopia

#በኢትዮጵያ_ኮቪድ19_እየተባባሰ_ነው😷 የጤና ሚኒስቴር ኮሚኒኬሽን ዳይሬክተር ዶክተር ተገኔ ረጋሳ በኢትዮጵያ የኮሮና ቫይረስ ስርጭት እየተባባሰ መምጣቱን #ለቪኦኤ ተናገሩ። ዶ/ር ተገኔ ሰው ‘አስገዳጅ መመሪያ ተነስቷል ፤ ኮሮና ቫይረስ የለም’ በሚሉ የተሳሳቱ አስተሳሰቦች እየተመራ እራሱን ለበሽታው እያጋለጠ መሆኑን ገልፀዋል። ይሁን እንጂ አስገዳጅ መመሪያውም አለመነሳቱን፣ የቫይረሱ ሥርጭትም እየተባባሰ መሆኑን ዶክተር ተገኔ አሳስበዋል። @tikvahethiopiaBOT @tikvahethiopia

#ጥንቃቄ_አይለያችሁ😷 በዓለም አቀፍ ደረጃ የኮቪድ-19 ሟቾች ቁጥር 1,477,487 ደርሷል። 63,761,928 ሰዎች በበሽታው ተይዘዋል ፤ 44,155,441 ሰዎች ከበሽታው አገግመዋል። @tikvahethiopiaBot @tikvahethiopia

#UPDATE በሽረ ከተማ የጊዜያዊ አስተዳደር ከንቲባ የሆነው መምህር ሓጎስ በርሄ ተመርጠዋል። መምህር ሓጎስ ህዝባዊ ሃላፊነታቸውን በአግባቡ ለመወጣት መዘጋጀታቸውን ለኢዜአ ገልጸዋል። ኢንጂነር ጀሚል ሙሐመድ የሽረ ከተማ ጊዜያዊ አስተዳደር ምክትል ከንቲባ ሆነው መመረጣቸው ተገልጿል። በሽረ የአቅም ግንባታ ጽህፈት ቤት ኃላፊ መምህርት ንግሥቲ ፋንታሁን ሆነው ተመርጠዋል። የትግራይ ክልል ጊዜያዊ አስተዳደር ዋና ሥራ አስፈጻሚ ዶ/ር ሙሉ ነጋ በክልሉ የተለያዩ አካባቢዎች በመንቀሳቀስ ህዝቡን እያወያዩ እንደሆነ ተገልጿል። @tikvahethiopiaBOT @tikvahethiopia

#Ethiopia የፌደራል የኤች አይ ቪ መከላከልና መቆጣጠር ጽህፈት ቤት ዳይሬክተር ጽጌረዳ ክፍሌ ፦ • የቫይረሱ ስርጭት በተለይ በልማት ቦታዎች እና ኢንዱስትሪ ፓርኮች በሚሰሩ ወጣቶች ላይ እየተባባሰ ነው። • ባለፉት ዘጠኝ ዓመታት በኤች አይ ቪ ኤድስ የሚያዙ ሰዎች ቁጥር በ75 በመቶ መቀነስ ሲገባው በ52 በመቶ ብቻ ነው የቀነሰው። • በኢትዮጵያ በየዓመቱ በአማካይ 14 ሺህ 800 ሰዎች በኤች አይ ቪ እየተያዙ ሲሆን በአሁኑ ወቅት የቫይረሱ ስርጭትም 0 ነጥብ 9 በመቶ ሆኗል። • በኢትዮጵያ በአሁን ሰዓት ከ666,200 በላይ ሰዎች ቫይረሱ በደማቸው እንደሚገኝ መረጃዎች ያሳያሉ። #ENA @tikvahethiopiaBOT @tikvahethiopia

#Hawassa ትላንት ለሊት 8:00 ሰዓት አካባቢ በሀዋሳ በተሽከርካሪ አደጋ የ2 ሰዎች ህይወት አልፏል። በአደጋው በአካል እና ንብረት ላይም ጉዳት መድረሱን የሀዋሳ ከተማ አስተዳደር ፖሊስ ለኢዜአ አስታውቋል። የሰሌዳ ቁጥሩ ኮድ 3–12020 ኢ.ት ከባድ ተሽከርካሪ ወደ ሀዋሳ ኢንዱስትሪያል ፓርክ ለጭነት ሲገባ ከአቦስቶ ከተማ እቃ ጭኖ ወደ ነገሌ አርሲ ከተማ ይጓዝ ከነበረው የሰሌዳ ቁጥር ኮድ 3 – 77038 አ.አ አይሱዙ ጋር በመጋጨታቸው አደጋው መድረሱ ነው የተገለፀው። @tikvahethiopiaBOT @tikvahethiopia

#DonaldTrump የዩናይትድ ስቴትስ ፕሬዜዳንት ዶናልድ ትራምፕ ምርጫው እንደተጭበረበረ ዳግም ተናግረዋል። ከFOX ቴሌቪዥን ጋር ባደረጉት ቃለምልልስ ጥቅምት 24 የተደረገው ምርጫ 'ሙሉ በሙሉ የተጭበረበረ ነው' ሲሉ ገልፀዋል። ይህ የትራምፕ ንግግር የምርጫ 'ውጤቱን እንደማይቀበሉ' አመላካች ነው ሲል ዶቼ ቨለ ዘግቧል። @tikvahethiopiaBot @tikvahethiopia

#COVID19Ethiopia የባለፉት 24 ሰዓት የኮቪድ-19 ሪፖርት : • የተደረገ የላብራቶሪ ምርመራ - 4,817 • በበሽታው የተያዙ - 540 • ህይወታቸው ያለፈ - 6 • ከበሽታው ያገገሙ - 4,493 አጠቃላይ 110,074 ሰዎች በበሽታው መያዛቸው ሲረጋገጥ ፤ የ1,706 ሰዎች ህይወት አልፏል ፤ 73,808 ሰዎች ደግሞ ከበሽታው አገግመዋል። 323 ሰዎች በፅኑ ታመው የህክምና ክትትል እየተደረገላቸው ይገኛል። @tikvahethiopiaBot @tikvahethiopia

#ማስታወሻ ከነገ ህዳር 22 ቀን 2013 ዓ/ም ጀምሮ በአሮጌው የብር ኖት መገበያየት አይቻልም። የአሮጌው ብር ኖት ቅያሬ ታህሳስ 6 ቀን 2013 ይጠናቀቃል። @tikvahethiopiaBOT @tikvahethiopia