ادبیات سئونلر

🖊: غلامرضا مجدفر کئچدی باهار- ی عؤمروموز ایت کوره‌دن کئچن کیمین گئن کوره‌دن هاساند اولار دار کوره‌دن کئچن کیمین بئل بوکولوب، قوُلاق باتیب گؤز ده دوشوبدو چوُققورا کوند اوراغیله خسته‌جان گونده بیچین، بیچن کیمین دیشی دوشن قاری- قوجا انگی‌ده توُتمورو غذا سن‌کی حالین بیلنمه‌سن دیشلی یئییب، ایچن کیمین ایپ قیریلیب، نه‌جان چیخیر جان ییغیشیب بوغازینا داس- ی اجل ده کسمیری دوغرور دویون آچان کیمین بال و پرین یولوب فلک یوخدو توان- ی پروازی نه دوشورو دوشن کیمی نه اوُچورو اوُچان کیمین بیر بئله دردلی کیمسه‌نین دردینی هاممی آنلاماز دار دیبینه دوشن بیلر بندی آچیب، قاچان کیمین جوخه تیره باغلانان یاخشی قانار تیرین دادین قلبینه گوللـه‌لر دییب قیرمیزی گول ساچان کیمین جامده زهر شوکران راه نجات باغلانیب واخت قوُتاریب، چاتیب زامان مجبور اولوب ایچن کیمین یوک- یاپی باغلا کاروان ایندیجه سسلنر جرس یئیلاقی ترک ائدیب کؤچک، ائل اوبادان کؤچن کیمین ای کی بوُ نازلی دونیادا نعمت ایچینده اوینوسان سئچمه‌یه مایل اولما چوخ سئچمه‌لینی سئچن کیمی https://t.me/Adabiyyatsevanlar

مرتضی مجدفر کئچدی باهار- ی عؤمروموز                   این روزها دارم روی یک مجموعه از کارهای ناب پدرم که حاوی یک منظومه و قریب ۲۰ متن به صورت نثر در مورد زندگینامه دیوانگان تبریز است، کار می‌کنم. در نظر دارم این مجموعه را به‌مناسبت صدمین سال تولد پدرم که اواخر امسال خواهد بود، منتشر کنم. البته درست است که پدر سال‌هاست کوچ کرده است، ولی اعتقادم بر این است که او زنده است و در ایام تولد صد سالگی‌اش، بی‌شک، شگفتانه‌ای برایمان خواهد داشت. غزل مدرن زیر را هم، علیرغم این که در جاهای دیگر دیده بودم، در داخل این دفتر که مربوط به دیوانگان تبریز بود، یافتم./

" دومان بختیاری" گئجه‌دیر یول‌لاری چکدیم باشیما کیم بیلدی؟! سؤیله‌دیم دردیمی لال سیرداشیما کیم بیلدی؟! آیی اولدوزلاری سیغدیم ایچیمه سس‌سیزجه- یولداش اولدوم سوزولن گؤز یاشیما کیم بیلدی؟! https://t.me/Adabiyyatsevanlar

بو ایکی دیرلی کتاب کئچن ایلین سون گونلری ایشیق اوزو گوردو، تاسفله اینترنتین  اولمادیغی اوچون  واختیندا ایزله ییجیلریمیزه تانیتدیرماق امکانی اولمادی. شاعر دوستوموزا تبریک دئییب اوغورلار دیله یی ایله ،  ادبیات سئور دوستلاریمیزا بو هر ایکی کتابین آلیب اوخوماسینی  توصیه ائدیریک. آیدین ساو نشریاتی دیل و ادبیاتیمیزین قوللوغوندادیر. علاقه نمره میز : ۰۹۱۴۳۰۵۹۷۱۵       ۳۳۳۶۴۲۰۱-

بالاش آذر اوغلونون شعیری میرزاعلی اکبر "صابیره" «چالخالاندیقجا، بولاندیقجا حیات نئهره کیمی، یاغ-یاغ اۆسته چیخیر، آیرانی آیرانلیق اولور». شعری ده، شاعیری ده سیلکه‌له‌ییر دؤورو زامان، پیسی بیر یانلیق اولور، یاخشی‌سی بیر یانلیق اولور. شعر وار فیکری دایاز، وۆسعتی یوخ، سیقوتی یوخ، عؤمرو ده، شؤهرتی ده، حیسّی ده بیر آنلیق اولور. کیمی «میلّت» دئیه‌رک میلّتی قویموش لوغازا، کیمی هۆمّت ائده‌رک میلّته قوربانلیق اولور. صابیر، ای شعرمیزین، عصریمیزین نابیغه‌سی، سؤزلرین چایتک آخیب آخیری عۆمّانلیق اولور. نئچه توفان یاشاییر دریاجا صبرینده سنین، لال دایانمیش دنیزین آخیری توفانلیق اولور. شعریمیز شوروموز اۆچون اگر اولسئیدی معیار، من ده دئیردیم سن اولان قلبیده اینسانلیق اولور. https://t.me/Adabiyyatsevanlar

جعفر پورقاسم سنی چوخ سئویرَم ، بیلیرسن ، سنده ماوی گؤزله رینده لپه لر چین- چین سئوینجی  دایازدیر ، کدری درین بنؤوشه نفسلیم ، گؤزل گؤیر چین اوچماق ایسته ییرسن،اوچ منی قورتار گلسن  اوره ییمی یولونا سررَم قارا  تئلله رینی داراییب ، هوررَم لبیندن حسرتین قونچه سین دررَم باغلی پنجره نَم ، آچ منی قورتار هیجران دنیزینده اوزمک ایسته سن آیریلیق دردینه دؤز مک ایسته  سن الینی الیمدن اوزمک ایسته سن سئودالی کونلومدن قاچ ، منی قورتار وورغونام  ، سئوگینین باغین گزه رم شه وه ساچلارینا چیچک دوزه رم مئی اولوب قدحه  آستا  سوزره رم ایچمک ایسته ییر سن ،ایچ منی قورتار لیلی نین ، مجنونو اولماق ایسته سن گنجه یه یولونو سالماق  ایسته سن کونلومون شوشاسین آلماق ایسته سن حسرت کؤرپوسونو کئچ ،منی قورتار بولبول نئجه سئور!  گولو چمنده سنی چوخ سئویرم ، بیلیرسن، سنده یولونا فدایی سئچنده ، منده صمدم ، ستتارام، سئچ منی قورتار ۱۷  ،  ۱  ، ۱۴۰۵

سیاوش کسرایی بار دگر اگر به درختی نظر کنم یا از میان بیشه و باغی گذر کنم چشمم به قدّ و قامت دار و درخت نیست چشمم به روی نقش و نگار بهار نیست چشمم به برگ نیست چشمم به غنچه و گل و سبزینه‌خار نیست چشمم به دست‌های پُرِ شاخسار نیست این بار چشم من به سوی آشیانه‌هاست آنجا که می‌تپد دل نوزادِ زندگی واندر هجوم سخت‌ترین تندباد‌هاست آماجگاه تیر تگرگ و سنان برق پروازگاه خوشدلی و خانۀ بلاست چشمم به لانه‌هاست. ای جوجگان از دل توفان برآمده چشمم پی شماست!

اسماعيل اولكر نه وار كی؟! بير اوجاق تيكه جكسن، سؤندورمه يه نه وار كی؟! بير آغاج اكه جكسن سينديرماغا نه وار كی؟! دادا داد وئره جكسن! كوله اود وئره جكسن! قول-قاناد وئره جكسن! سينديرماغا نه وار كی؟! دورمادان واراجاق سان يوللاري ساراجاق سان يان-يانا دوراجاق سان! يان دورماغا نه وار كی؟! قورتولماغا بوخوودان آزاتمالي بو توودان! هاي-داد ساليب آلوودان گئن دورماغا نه وار كی؟! گولوش اولاق دوداقدا! اؤپوش اولاق ياناق دا! باخيشلاري آياق دا! دوندورماغا نه وار كی؟! گؤروش منله گؤر منی! اؤپوش منله!سار منی!. حاضيرلانميش خرمنی يانديرماغا نه وار كی؟! https://t.me/Adabiyyatsevanlar

علی اکبر ترابی (حاللاج اوغلو)                      توزلوسازیم اوخومورسان داها بو ائللره آی سوزلو سازیم! غم لریم دیرمی قونوب تئللره آی توزلو سازیم؟! بیر عومور گلمه دی بیر کلمه یالان سوز دیلیوه! سحر- آخشام اوخویاردین نه اوره کدن ائلیوه؟! نه گولردین اوجا سسله ال آتاندا تئلیوه؟! سسلیره م بس نیه دینگیلده میسن سوزلو سازیم؟! داغ کیمی بس نیه جینگیلده میسن توزلو سازیم؟! سس وئره ردین نه گوزه ل جه، سسیمه، آوازیما، دوغروسو اقبال ایدین، بولبول ایدین شن "یاز"یما، آغلاییرسان بیلیره م قلبیده ایندی "یازی" ما، گیزله نیرسن داها شعریمده منیم، سوزلو سازیم! گوروسن قیشدی هله، یوخ چمنیم، توزلو سازیم! اومودوم وار هله ده عشقیمه امداد ائده سن، باشیوی سینه مه قویماقلاریوی یاد ائده سن، دینه سن، دیندیره سن، "عاشیق"یوی شاد ائده سن، بوشلاییبسان هله لیک "زیر له بمی" سوزلو سازیم! سیلمه ییرسن اوره گیمدن بو غمی، توزلو سازیم! "#حاللاج"-ام پامبیق آتاندا باخ اوره کده هاییما، بیر تئل ایله هله ده سس وئریر، آلقیش "یای" یما، باخما او شاختایا، باخ قلبیده کی یاز- یاییما، قوی گله ایستی گونش، بیر تازا آی، سوزلو سازیم! سیلکه لن! پارلا! اوخو بیر داها، آی توزلو سازیم! https://t.me/Adabiyyatsevanlar

نادر_الهی او قاطار آلتینا آتیر اؤزونو یازیق اؤله بیلمیر آخی آجیندان او توی پالتاریندا آسیر اؤزونو اوتانا_اوتانا توت آغاجیندان https://t.me/Adabiyyatsevanlar او مهریبان آنا ،او ظالیم آنا بوغور اؤپه اؤپه آج بالاسینی سونرادا ییغیلیب ائل یانا_یانا بیر تیکه چؤره‌یین توتور یاسینی قاتیب شیرین چایا اونودوروق بیز ساکیت آغری‌لاری ،لال آجی‌لاری آمما هئچ باخمالی دئییل سوفره‌میز الیمیزدن دامیر قان دامجی‌لاری

شهرتی سرحدلردن آشان موسیقی معلیمی اوستاد دوکتور"حبیب صیرفی "ادبیات سئونلر گوزگوسونده زمان سه شنبه :1405/4/2 ساعات :9 چکیلیش: مرجان منافزاده آپاریجی :کریم قربانزاده https://t.me/Adabiyyatsevanlar

فاطمه _ ملک_ زاده ای خاک چگونه جرات کردی مژه هایِ بلندش را بریزانی؟ چشمانِ زیبایش را بپوسانی قلبِ خسته جانش را      که مامنِ  بی پناهی هایِ من بود درد دارم درد دارم      پی آر پی کرده ام درد دارم و بر قبرت ایستاده ام گریه میکنم     بادها می‌گویند روحِ او با ماست     نمی‌گذاریم آب در دلش تکان بخورد اما صدایت هنوز مثلِ یک جرقه از آن روزها مانده ست چشمانِ تو پنجره ای دو جداره ست که صدای ترسناکِ بیرون را میگیرد      سیل بندی که رویِ آب شناور ست من پر از سیل هایِ نباریده ام مثلِ طحال که گلبول هایِ قرمزِ مرده را نگهمیدارد درزِ پنجره ها را گرفته ام عشقِ ترا باد نبرِد آسمان در چشمانت خطی از خون ست صدایِ بال زدنِ لک لک ها آن دور. به رعد می مانَد ماه لابلایِ خطِ اخم ات پخش ست و از راه رفتنش پیداست که سُر خوردگیِ مهره دارد جراتم را جمع میکنم به باد چنگ بیندازم و روحِ ترا در آغوش بگیرم آبی که انگشتری طلا در آن ست به خوردم می‌دهند ترسم بریزد دوباره هذیانی شده ام چه آسیب پذیرِ دروغینی ست زندگی سرم را می شکند و در دامنم گردو می ریزد

توتقون دنیادا گنجلیییمده اؤز- اؤزومه دئیردیم، من اؤلرسم، گؤزوم قالار دنیادا سؤز توخویوب، شعیر چلنگی هؤردوم، دئدیم هله سؤزوم قالار دنیادا دؤرد عنصردن خمیرله شیب، یوغرولدوم، عاشق اولدوم، عشق اودوندا قوورولدوم کوله دؤنوب، آسمانه سوورولدوم، دئدیم نئیله ک، توزوم قالار دنیادا آنجاق منی آیاقلارا سالدیلار، گاهدان ساتیب، قول کیمی، گاه آلدیلار چوخلار منیم چینیمدن اوجالدیلار، دؤزوب، دئدیم دؤزوم قالار دنیادا!! داغلار منه، من، داغلارا چکیلدیم، داغلاشینجا اوره کلره اکیلدیم ارییب هئی، چراغلارا تؤکولدوم یاندیم، دئدیم، کؤزوم قالار دنیادا گؤی اسگییه توتولدو آغ گونلریم، هئچ بیر یئره چاتمادی سس اونلریم، جاغلانینجا طرفلریم، یؤنلریم، ساندیم توتقون گیزیم قالار دنیادا

اوشاق ادبیاتی باپ بالاجا بالیق یازان : علی صمدلی کؤچورن : علی آغ گونئيلی  -  ابرازی کتاب :‌ ژنرالین اوشاقلیغی  - ناغیللاربؤلو سیز ائله بیلمه یین کی ، بالیقلارین آتا – آناسی اولمور .بوتون جانلی لار وانسانلار کیمی بالیقلاریندا آتا – آناسی اولور. یاز گلدی ، گونشین ایشیغی دا ، ایستیسیده آرتیب – چوخالدی . آغاجلار ، بؤجوکلر ، کپنک لر قیش یوخوسیندان اویاندیلار . سولار دا ایسیندی . باهارین گلمک خبری بالیقلارادا گئدیب چاتدی .  بیر جاوان آنا بالیغی ، جاوان بیر ائرکک بالیق بور نوایله دومسوکله ییب سولارین دایازینا قوودو .  ــ  خبرین یوخدی ، باهار گلیب ، سولارین اوستو گؤر نئجه ده ایسینیب .  آنا بالیق آتا بالیغین سؤزوندن سانکی یوخودان آییلیب. اونا قوشولوب سولارین اوزونه قالخدی . دوغروداندا سولارین اوست قاتی ، آلت قاتلارا نسبتا ایستی ایدی. اونلار ایلیق سولارا باش ووروب باهاری سالاملادیلار. آنا بالیق کورو تؤتکمک اوچون ساکیت بیر گوشه آختاریردی .  بونو آتا بالیق دا حیس ائتمیشدی .  آتا بالیق اونون قاباغینا دوشوب ، بلدچیلیک ائتدی . دالغالاردان ، کولکلردن ، خرچنگلردن خلوت ساکیت بیرگوشه آختاریب تابدیلار . آتا بالیق آنا بالیغین قولاغینا پیچیلدادی : ــ   بوردان راحات یئر یوخدور، بورا گؤلدور. آنا بالیق آتانین بو سؤزلریندن سونرا اؤزکوروسونوسولارین ساکیت  بیر گوشه سینده ،سو اوتلارینین آراسینا تؤکدو. سونرادا راحات نفس آلدی، سئویندی. اؤز- اؤزونه کورسونه کئشیک چکمه یه باشلادی. آتا بالیق دا هيچ یانا ، هئچ یئره ترپنمیر، آنا ایله بیرلیکده، آییق- ساییق کئشیک چکیردی. ساعاتلار، گونلر اؤتدو، گونش اؤزگئجه یوخوسوندان اویانیر، تئللرینی سولاردایویوب-داراییر، سولاری، لپه لری ایسیدیردی. کورولر ایستیدن دولور، دولور، کؤینکلری دارلیق ائدیردی اونلارا . گؤزه ل بیر گونده  بو نازیکجه کؤینکلر پارتلادی، کیچیک بالیقلار سولارین قوینوندا گؤزلرینی ایشیقلی دونیایا آچدیلار. ایلیق سولار اونلارین ائوی، ائشییی اولدو.آتاو آنا بالیق اؤز کیچیجیک چؤمچه قویروق بالیقلارینا باخیب  سئویندیلر. ایلک گونلر آتا-آنالاریاونلاری تک بوراخیب گئتمه دیلر . اونلاری خرچنگلردن ، ییرتیجی بالیقلاردان قورودیلار . سونرادا اونلارا اوزمه یی ، سولارا باش وورماغی اؤیرتدیلر . بالاجا بالیقلار زیرک اولورلار ، دووشان بالالاری کیمی آتا- آنالاری نین آیاقلارینا دولاشیب قالمیرلار، سربست یاشاماغا جان آتیرلار. آتا وآنا بالیقلار، ائله او ساعاتجا بونوحیس ايدیرلر. اوزاقلاشیرلار. ویدالاشیرلاراونلارلا. همین بو باپبالاجا بالیقلار دا سولارا باش وورا- وورا یاشاماغا باشلادیلار . اؤزلرینه یئم آختاریر، دالغالارلا ووروشور، ییرتیجی بالیقلارین ، سو قوشلارینین هوجوملاریندان قاچیب گیزلنمه یی اؤیرنیردیلر .  گؤلون ساکیت بیر ساحیلینده ، قایالیقدا اوتوروب سولارین انگینلیکلرینه تاماشا ائدیردیم . دویماق بیلمیردیم اونون گؤزه للیییندن. بیردن کولک گوجلندی ، دالغالار چوخالدی ، بیر قدر گئری چکیلدیم . ساحیلده دالغالارین کنارا آتدیغی سولاردان کیچیجیک بیر گؤل یارانمیشدی . گؤلده کیچیک بیر بالیق چابالاییردی . اونو توتوب ایری گؤله بوراخماق ایسته دیم . او، کیچیک گؤلمجه یه باش وورور، اله گلمیردی . من فند ایشلتدیم . کیچیک گؤلمجه نین سویونو کنارا چیله ییب آزالتدیم . اونون قاچیش مسافه سی آزالدی . اونو توتوب اووجوما آلدیم .چابالادی . تئزده احمالجا سولارین بوراخدیم . باپبالاجا بالیق سولارا باش ووروب گؤزدن ایتدی . باپبالاجا بالیق دا سئویندی ، منده  https://t.me/Adabiyyatsevanlar

اوشاق ادبیاتی الیمی پیچاق کسیب دی،  دسته پیچاق کسیب دی.. یاشاسین بئله (موعللیم لری)