ادبیات سئونلر

اوشاق ادبیاتی شیرین لایلا لار https://t.me/Adabiyyatsevanlar

اوشاق ادبیاتی شعیر :میرزاعلی اکبر طاهیرزاده"صابیر" دیکلمه سوگند نطقی"اسکویی" https://t.me/Adabiyyatsevanlar

اوشاق ادبیاتی یاخشیلیغی اونوتمایین چیچانلار  یازان : علی صمدلی کؤچورن : علی آغ گونئيلی  -  ابرازی کتاب :‌ ژنرالین اوشاقلیغی  - ناغیللاربؤلومو ایرفان ، سیچانلاری مطبخده اؤز گؤزوایله گؤرموشدو. بیری  بؤیوک ، بیری کیچیک ایدی . یقین آنا – بالا ایدیلر . آنا قاباقدا ، بالاسی ایسه اونون آردینجا گئدیردی، ائح، یازیق سیچانلار مطبخ ده نه تاپیب یئسینلر کی . ایرفانین آناسی مطبخی گونده ان آزی اوچ دفعه‌‌سیلیب‌ سوپوروردو. یقین کی ، سیچانلار آجیندان گزیردیلر. ایرفانی گؤره ن کیمی قاچیب گؤزدن ایتیردیلر. ایرفان آناسیندان ننه سیندن خلوتی مطبخده کی ایستولون آلتینا قوروچؤره ک تیکه سی قویدو. سحر هامی دان تئز دوروب مطبخه قاچدی . چؤره ک قیرینتیسی یئرینده یوخ ایدی . یقین کی، اونو سیچانلار یئمیشدی . ایرفان بونا چوخ سئویندی . بس نییه گؤرونموردولر . بلکه مندن قورخوردولار . من کی ، اونلارا یاخینلیق ائتدیم . چؤره ک وئردیم . مطبخ بوش اولان کیمی ایرفان اورایا قاچیر ، کونجده ایلشیب سیچانلارین یولونوگؤزله ییردی . « آها ، گلدیلر. یئنه ایکی دنه دی لر . اؤزلری دیر کی ، وار آنا – بالا .باخ .ینه آنا قاباقدا گئدیر . بالادا اونون آردینجا . یعقین یئنه یئمک آختاریرلار. ایندی جه سیزه یئمک وئره رم » ایرفان قاچیب سویودوجودان ایکی فال کالباس کسیب گتیردی . اونلارین کئچدییی یولون اوستونه قویدو و سونرا گؤزله دی . او ، گؤزله ییردی کی ، ا.نلار کالباسی نئجه یئیجکلر.  ایرفان فیکیرلشیردی ، سیچانلار نییه سئومیرلر ، گؤره سن ؟ اونا تله قورورلار ، زهر وئریرلر، ائولرده سیچانلاری قیرماق اوچون خوصوصی پیشیک ساخلاییرلار . یادینا دوشدوکی، سیچانلار بیر دفعه آناسی نین چکمه لرینی گمیریب زای ائتمیشدیلر. او ، اؤز – اؤزونه دئدی ، ــ  آج قالاندا البته ائدرلر . اونلارین یئمک پایینی وئریر ، هئچ نَیَه توخونمازلار .  ایرفانین چکمه لری آیاغینی سیخیردی . بو تزه و ایستی قیش چکمه سینی هر گون اونا تاکید له گئیدیریردیلر . ایرفان هر گون اونونلا فوتبال اویناییردی . آنجاق چکمه داغیلیب کؤهنلمک بیلمیردی . ایرفان نه قدر چالیشیردی  بو چکمه دن جانینی قورتارا بیلمیردی . ایندی اونون خیالیندان بیر فیکیر کئچدی . نه یاخشی اولاردی ، چکمه لریمی چیچانلار آپارایدیلار . اونا  تزه چکمه آلاردیلار. اؤزو ده آیاغینی سیخمایان چکمه ، ائح ، چیچانلارین او بویدا چکمه لره گوجو چاتارکی ، بیرده کی، چکمه لر سیچانلارین نه یینه لازیمدی . ائح ، هئچ اولماسا دیدیشدیریب ائدردیلر . گئجه هامی یاتمیشدی . ایرفان یاتاغیندان قالخیب مطبخه کئچدی ، ایشیغی یاندیردی . گؤزلرینه اینانمادی . سیچانلار مطبخ ایستولونون آلتیندا دایانیب مادیم – مادیم اونا باخیردی . سانکی اونلار دئییردی : ــ  سن بوگونلر بیزی یاددان چیخارمیسان ، یئمه یه هئچ نه وئرمیرسن . ایرفان اونلارا جاواب وئردی :  ــ  ائح ، فوتبالدان یورغون گلیرم ، یادیما دوشمور کی ، سیزه یئمک وئرم .  ــ  نه یاخشی ایندی یوخودان اویاندین؟  ایرفان اؤز – اؤزونه فیکیرلشدی : ــ  گؤره سن یوخودان نه یه اویاندیم ؟ آیاغینین آغریسی یادینا دوشدو :  ــ  آیاقلاریمین آغریسیندان . ــ آیاقلارین نییه آغریییر؟  ــ  آیاق قابیلاریمدان . آیاقلاریمی سیخیر .  ــ ائح ، اونلارین چاره سی بیزده .  سیچانلار بونو دئیَن کیمی قالخیب گئتدیلر . ایرفان آیاق قابیلارینی گتیریب سیچانلار اوتوران یئره قویدو و گئدیب یاتدی . سحر آیاق قابیلارینی گئینده گؤزلرینه اینانمادی . هر ایکیسینین ایچینی سیچانلار گمیرمیشدی . ایندی آیاغینا نئجه ده راحات اولوردولار . ایرفان اؤز ـ اؤزونه :  ــ  دئمک سیچانلار دا یاخشیلیغی اونوتمورلار ، ـ دئدی .    https://t.me/Adabiyyatsevanlar

اوشاق ادبیاتی هرهفته پنجشنبه گونو ادبیات سئونلر کانالیندا . اوشاق ادبیاتینا دایر یازیلارینیزی بیزه گوندرین https://t.me/Adabiyyatsevanlar

صفحه ای از مجلد چهارم- مقدمه ی         «فرهنگ ساوالان» زبان کنگرلی-سومری نیای زبان های ترکی: Kengerli-Sumerian language: the ancestor of the Turkic language Kengerli-sumerische Sprache: der Vorfahr der Turksprachen فهم بهتر زبان کنگرلی-سومری از طریق زبان‌های پروتو-ترکی و ترکی اشاره:  این  بخش در اصل خلاصه و برداشتی از یک پایاننامه دکترا است که توسط «Dr. İbrahim»  نوشته شده است. ما برداشتی خلاصه گونه و با کم کردن مواردی و افزودن موارد دیگر، مفید و  مناسب دیدیم در این فرهنگ- «فرهنگ ساوالان» قرار دهیم. دانشگاه گلی‌شیم، بخش گردشگری، استانبول، ترکیه ترجمه با اندکی دخل و تصرف و خلاصه چکیده: این پایان ‌نامه به بررسی ارتباطات کیهانی، زبانی و فرهنگی میان زبان‌ های کنگری-سومری و ترکی می‌پردازد و هدف آن غنی‌ سازی درک ما از میراث زبانی و فرهنگی کهن کنگرلی-سومری است. در این تحقیق، اصطلاح «ایمولوژی-İmology» معرفی می‌شود که از واژه کنگری-سومری IM» 𒅎» مشتق شده است. این واژه به معنای «خاک رس» است و به طور گسترده به «نشانه‌ها» و کتیبه‌های روی لوح ‌ها اطلاق می‌شود. ایمولوژی  به بررسی این نشانه ‌ها در قالب منطقی و ساختاری می‌پردازد. با تحلیل جامع شامل مقایسه ‌های صرفی، نحوی و معنایی و همچنین بررسی ریشه‌شناسی برخی واژگان در بافت اجتماعی-فرهنگی آن‌ها، این  پژوهش  شباهت‌های قابل توجهی میان زبان‌های کنگری-سومری و ترکی نشان می‌دهد. نتایج این تحقیق، نگرش سنتی به زبان کنگری-سومری به‌عنوان یک زبان منزوی را به چالش می‌کشد. با بهره‌گیری از روش‌های زبان‌شناسی تطبیقی و تلفیق شواهد تاریخی، اخترشناسی، باستان‌شناسی و زبانی، پژوهش استدلالی قوی برای ارتباط معنادار و غیرتصادفی میان زبان‌های کنگرلی-سومری و ترکی ارائه می‌دهد. این تحقیق نه تنها درک متداول از انزواگرایی زبان کنگری-سومری را زیر سؤال می‌برد، بلکه مسیرهای تازه‌ای برای کاوش در پیچیدگی‌های ارتباطات در میان‌دوران باستان میان‌رودان باز می‌کند. قایناق: آکا دمی مشکین https://t.me/Adabiyyatsevanlar

آذاندان قاباق اوروج آچانلارین سایی یوز قات آذاندان سونرا اوروج آچانلاردان چوخ ایدی، اوروج آچمایا افطار قوناق ایدیق، آذاندان قاباق چایلاشانلار چایلاشدیلار، پاپیریز چه کنلر پاپیریزلارینی چکدیلر،ایکی قوتو زولبیه- بامیه هاوادا گئتدی هامی آذانی گوزله ییردی تویوق پیلوودا وئرسینلر بدنه هله آللاه و اک... دئمه میش دیلر بولودلاریدا سووردولار، رمضان حاقی آذان قورتولمامیشدی میز اوسته ده زیر زیبیلدن باشقا هئچ نه یوخویدو... آذاندان قاباق اوروج آچانلارین سایی یوز قات آذاندان سونرا اوروج آچانلاردان چوخ ایدی. https://t.me/Adabiyyatsevanlar

نه لر گوردوم دونیادا...

سعید چانتاسینی یوخاریدان گؤتوروب آچدی، ایچینده‌کی پالتارلاری کنارا آتدی، کؤهنه بیر شرف چیخاردی. - بو، قارداشیمین سون یادیگاریدیر. آغ‌دره‌دن دؤیوش یولداشی گتیرمیشدی. قانلی شرفی... او اؤلن گون بو شرف بوینوندا اولوب. اوندا آنام اونو یایدا دا، قیشدا دا بوینوندان آچمادی. قان لکه‌سینی سیغاللادی اوخشادی. قارداشیم... آنامین یئگانه اوغلویدو... - بس سن؟ - من... «اون‌ایکی نفرلیک قوروپدان بئش نفر ده شهیدلیک ذیروه‌سینه یوکسه‌لیب  ساغ قالانلار گئری چکیلمه‌دن شوشا ایستیقامتینده ایره‌لیله‌ییبلر. - من آنامین دوغما اوغلو دئییلم... - سعید گؤزلرینی یومدو، او گئجه‌نین قوخوسو یئنیدن بورنونا دولدو - من آلتی یاشیندا ایدیم...  حیطیمیزده مین پارتلادی. بیزیم ائو کوله دؤندو،  عائله‌‌مدن مندن باشقا هئچ کیم ساغ قالمادی. اوغلو شهید اولان نازیله خالا اؤزونو تهلوکه‌‌یه آتیب منی یانغینین ایچیندن چیخاردی. ائوینه آپاردی. من دینیب دانیشمیردیم. حکیملر دئییردی کی، آغیر تراوما آلیب. بلکه ده هئچ دانیشا بیلمه‌دی. نازیله آنام گئجه‌لر ایشیغی سؤندورموردو «قورخما» - دئییردی - «من وارام». بیر ده گؤردوم  دانیشا بیلیرم. دئدی کی، آللاه اوغلومو آلدی، آمّا قارشیما سنی چیخاردی... عیسی جییرلی گیجگاهینی اوووشدوردو. مایورون باخیشلاریندا درین بیر چات یارانمیشدی. - شهید آناسی‌نین گؤزلرینه باخاراق بؤیوین آدامام من - سعید دوداقلارینی سیخدی - من قورخاق اولا بیلرم - یوخ - الؤوستین اوزو ایلک دفعه‌ جدّی‌لشدی - سن قورخاق دئییلسن، بو آغرینین ایچیندن دوغولان آدام هئچ واخت قورخاق اولا بیلمز. - بو خالقین باغریندا نه قدر فاجعه‌‌لر یاتیر - لئیتئنانت قالالی اوزونو پنجره‌یه توتدو. - هه، آغریلی حادثه‌‌دیر.  گؤزیاشارداجاق قدر - چاووش باباگیل لئیتئنانتین گؤزونون یاشارماسینا ایشاره ائتدی. - منیم گؤزلریم سولانیر. آرواد دئییلیک کی، هر اؤلوم خبرینه آغلایاق - لئیتئنانت اوزونو یانا توتدو. - کیشیلر آغلامادیغینی دئین آدام فاجعه‌‌نین نه اولدوغونو بیلمیر - باباگیل ایصرارلا دئدی. - دئمک فاجعه‌‌نین نه اولدوغونو بیلمیرم... - لئیتئنانتین سسی تیتردی -  بایاق دئدینیز کی... - ۱۹۹۲ده خوجالیدا نئجه اولا بیلردیم... هامی اونا طرف چئوریلدی - من... اورادا اولموشام. او گئجه‌دن ساغ قالان اوشاقلاردان بیرییم. منی قارین آلتیندان چیخارمیشدیلار... آتام دا... آنام دا... او گئجه گولله‌لندی. طيّاره‌نین اوغولتوسو اورک دؤیونتولرینی سسسیزلییه بوغموشدو. لئیتئنانت داوام ائتدی: - سیز دئییرسینیز، هر کس اؤز تورپاغی‌نین قوخوسونو تانیییر... من تانیمیرام. من یادداشیمی ایتیرمیشم. دوشمندن بونون اینتیقامینی آلماغا گئدیرم. بلکه اوندا ایتیردیییم آدامی- اؤزومو تاپارام... - بو دفعه‌ اودمالیییق. باشقا یولو یوخدور. ۲۰ ایلین آغریلارینی آنجاق بو جور اووودا بیلریک - مایور دان‌یئری سوکوتو پوزدو. طيّاره‌ ائنیش ائدنده سعید مایورا یاخینلاشدی. دریندن نفس آلدی، ائله‌بیل اؤزونو دئیه‌جه‌یی سؤزه حاضرلاییردی: - مایور، نئجه دئییم بیلمیرم... آمّا من گئری دؤنمه‌لییم. آنام اوچون گئری دؤنمه‌لییم. اگر او منی ده ایتیرسه  یاشایا بیلمز. مایورون دوداقلاریندا آنلاشیلماز تبسّوم گؤروندو. «کینایه ائدیر» دئیه سعید آنی دوشوندو. - بیز هامیمیز اینتیقام آلماغا گلمیشیک اوغول - یوردلاریمیزین، دوستلاریمیزین، گنجلیییمیزین، آغریلاریمیزین، خاطیره‌لریمیزین اینتیقامینی. سنی او، شعورآلتی اولاراق اؤز اوغلونون اینتیقامی کیمی بؤیودوب. بو سنین یوکوندور، سن گئری قاییدا بیلمزسن! «ناخجیواندان قاراباغا یولا دوشن قوروپون قالان اوچ دؤیوشچوسو شوشا اوغروندا قهرمانجاسینا ووروشوب: ایکیسی شهید اولوب، بیری آغیر یارالی خلاص ائدیلیب. اون ایکی نفرین هامیسی وطن اوردئنی ایله تلطیف اولونوب. ژورنالیست مقاله‌نین سون نقطه‌‌سینی قویوب قارشیسینداکی آداما باخدی: - سیز ناخجیواندان یولا چیخان همین قوروپدان یئگانه ساغ قالان دؤیوشچوسونوز. هم ده ان گنج و ان تجروبه‌سیز. بس هئچ قورخمادینیز؟ آدام آستاجا کؤینه‌یی‌نین آلتیندان قانی قوروموش شرفی چیخاریب ماسانین اوستونه قویدو. بارماغی ایله قان لکه‌سینه توخوندو. - من شهید آناسی‌نین بؤیوتدویو عسگرم. من قورخا بیلمزدیم..   https://t.me/Adabiyyatsevanlar

- اوشاقلار آغلاییردی. اونا گؤره چیخاردیم - قورقود چایینی قورتوملادی. - ائله ده غیرعادی ایش دئییل. پئچئنیئدن(بالاجا شیرنی-کوکی) بیر دیشلک آلیب علاوه‌ ائتدی: - عاقیل! دانیشما اوخو، بلکه سون اوخوماغیندیر... «... فوضولی ایستیقامتینده گئدن توققوشمالاردا قورقود پیریلی و عاقیل داداشلی شهید اولدو. سون گولله‌لرینی یارالی سلاحداشلارینا سیپر ائده‌رک آتدیلار». - هر شئی آللاهین الینده‌دیر. آللاه ایسته‌سه بو طيّاره‌ ایندی یئره چیرپیلار. - بیر اوتوراجاق قاباقدا اَیلشمیش تانری‌وئردی دئدی. طيّاره‌ سیلکه‌لندی، سعیدین رنگی قاچدی. - داغین اوستوندن کئچیریک، هاوا اوینادی - بایاقدان کاپیتان ایله دؤیوش تاکتیکیندن دانیشان مایورون سانکی صحبتی ده لنگر ووروب ایستیقامتینی دَییشدی. - چتینی داغلار بیتنه قدردیر... - لئیتئنانت داشقین هوسولو پیچیلدادی. - داغلار بیتنده ده درد بیتمیر. آمّا اؤیرشیرسن - تهلوکه‌‌سیزلیک کمرلرینیزی باغلایین، کسکین هاوا بوشلوغو زوناسینا داخیل اولوروق. پیلوتون(خلبان) سؤزو بیتمه‌میش طيّاره‌ قفیل آشاغی ائندی. سعید آیاغا قالخیب استولیارا(صندلی) ساریلدی. - منیم نفسیم چاتمیر... - اوتور یئرینه! -  مایور دان‌یئری سرت سسله دئدی. - آیاقدا قالماق داها تهلوکه‌‌لیدیر! - هئچ کیم یئریندن قالخماسین! سول طرفده تضییق(فشار) کسکین دَيیشیر... - پیلوتون تلاشلی سسی گلدی. طيّاره‌ یئنه بوشلوغا دوشدو. بیر نئچه ثانیه‌ سونرا پیلوت ساکیتلشدی: - تهلوکه‌‌ سوووشدو. کمرلر باغلی قالسین. سعید دریندن نفس آلدی، تانری‌وئردی الینی گؤیه قالدیردی. - موحاریبه‌‌یه گئدیرسینیز، طيّاره‌ قضاسیندان قورخورسونوز؟ - عیسی جییرلی اورتایا سؤز آتدی - اؤلومه گئدیرسینیز، کورورتا یوخ. - مگر موحاریبه‌‌ده هامی اؤلور؟ - سعید آستادان سوروشدو. - کاپیتان هوسولو اوّلکی موحاریبه‌‌دن ساغ چیخیب - الؤوست کاپیتان طرفه ایشاره ائتدی- دئمه‌لی هامی اؤلمور. - ساغ قالدیق دئیه گوناهکاریق؟ -  کاپیتانین سسی بوغولدو. - من بئله دئمه‌دیم. - یوخ، دوز دئدین... اؤلمه‌دیییم اوچون گوناهکارام. او تورپاقدا اؤلمه‌لییدیم. اؤله بیلمک ده بیر شرفدیر... - ساکیت اول، دوستوم... اؤلمک اوچون هله واخت وار - مایور دان‌یئری دئدی - داشلی دؤیوشونده بیزیم ساغ قالماغیمیز گوناه دئییل. - داشلی دؤیوشو؟ او دؤیوشه ان جسور دؤیوشچولر قاتیلمیشدی...  هامیسی دا کؤنوللو - الؤوست دیللندی. مایور دان‌یئرینین سسی آغیرلاشمیشدی: - بیز خانلیق طرفده گئدیردیک، موقع‌لر قاریشمیشدی. دومان چؤکوردو، بیر آدامی ایکی مئتر اوزاقدان سئچمک اولموردو. اللرینی بیر- بیرینه سیخدی. - بؤلویوموزدن ۱۸ نفر ایدیک. آخیرینجی دفعه‌ دوزولوشده گؤردوم هامیسینی. سونرا آتش باشلادی. بیز ساغا سوروشدوک. موقع‌یمیزی دَيیشدیک. بو زامان مرمی دوشدو -  یادیما گلیر، تورپاق دا، گؤی ده بیردن-بیره قاپ‌قارا اولدو. او توز-دومان چکیلنده بیرجه نادیری گؤردوم. یارا آلمیشدی. ساغ آیاغی...  تامام قان ایچینده‌یدی سسی تیتردی. - اونو چیینیمه آلدیم. ۵۰ مئتر سورودوم. بیردن ائله بیر پارتلاییش اولدو کی، قولاقلاریم کار اولدو، هئچ نه ائشیتمیردیم. آمّا حیسّ ائدیردیم کی،  تورپاق اوستومه یاغیر... مایور دوداغینی دیشلدی. - گؤزوموزو هوسپیتالدا(خسته‌خانا) آچدیق... - مایورون سسی بیر آنلیق بوغولدو، ائله‌بیل سؤزلر بوینونا دولاندی. - نادیر آیاغینی ایتیرمیشدی...  منیم ایسه قلپه(ترکئش) اورگییمین یانیندان بیر میلیمتر آرالی کئچمیشدی. مایور سوسدو. طيّاره‌نین محرّک‌لرینین اوغولتوسو ایچینده الؤوست کاپیتانین ال آغاجی‌نین سسینی ائشیتدی- مئتالین(دمیر) یئره چوخ یونگول توخونوشونو. - من ائله دئمه‌دیم کاپیتان - الؤوست آرام-آرام سانکی سؤزلری دقتله سئچه‌رک دئدی - بو وضعيّتده دؤیوشه قاتیلماق اؤزو قهرمانلیقدیر. سول طرفده، پنجره کناریندا اَیله‌شن عسگر آستا-آستا دیرسه‌گی ایله یانینداکینا توخوندو‌ - یادیمدادیر... - دئدی - او مایور وار ها... گیجگاهیندا قلپه قالمیشدی. او پارتلاییشدان سونرا تئز-تئز هوشونو ایتیریردی... حتی اؤزونه قصد ائتمیشدی... «آغیر آرتیللئرییا(توپخانا) آتشی زامانی مایور دان‌یئری و کاپیتان هوسولو گئری چکیلمه امرینه باخمایاراق یارالی عسگرلری ترک ائتمه‌دیلر. موقعی دوشمنله بیرلیکده پارتلادیلدی...» سعید تلفونونو چیخاردی. - آنام مندن نیگاران قالاجاق. اونا یازمالییام کی... - بسدیر، آنا اوشاغی - عیسی جییرلی عصبیلشدی - ووروشماغا گئدیرسن،  یوخسا اوشاق باغچاسینا؟ - یوخ من قورخمورام، ساده‌جه آنام نیگاران قالماسین دئیه... - آنانی دا اؤزونله آپارسایدین... - من قورخاق دئییلم. سیزه ثبوت ائده‌جه‌یم!

اون ایکی یولچو حئکایه :گونئل ناطیق کوچورن:ویدا حشمتی حاضیرلایان:ادبیات سئونلر  «تاریخده بیر گون: وطن موحاریبه‌‌سی‌نین ۳-جو گونونده ناخجیواندان قاراباغا اون ایکی نفرلیک بیر قوروپ یولا دوشدو. بو گونو چوخدان گؤزله‌ییردیلر. وطن ده اونلاری...» -«شوشانین داغلاری، باشی دومانلی...» - گیزیر الؤوست(alovsət) آستا سسله زومزومه ائتدی: - گؤره‌سن ایندی ده او داغلاردا دومان گزیر؟ - شوشانین داغلاری چوخ واخت دومانلی اولور، - مایور دانیئری دیللندی: - چونکی او داغلار دومانی اؤزونه ساخلاییر... ناخجیوان داغلارینین دومانی گون چیخان کیمی داغیلیر... - شوشادا اولموسونوز؟ - هه، اولموشام -  مایور یایلیغینی چیخاریب آلنینی سیلدی. - «اوزونده ایللرین یورغونلوغو وار» -  الؤوست دوشوندو: - منیم باشیم هرله‌نیر -  گنج عسگر سعید آتابیلی دیللندی - ائله‌بیل هاوا آزلیق ائدیر. - طيّاره‌ قالخاندا اولور - کاپیتان نادیر هوسولو ساکیت سسله دئدی - کئچه‌جک. گنج عسگر یاخاسی‌نین بیر-ایکی دویمه‌سینی آچیب دریندن نفس آلدی. - سیزده ده بئله اولور؟ - بیزیم تضییقیمیز(فشار) دؤیوشده قالخیر اوغول - کاپیتانین اوزونده یاریمچیق تبسّوم اوینادی. - طيّاره‌ نه‌دیر کی... - بیلمیرم، بئله‌لرینی نییه موحاریبه‌‌یه گؤندریرلر؟ - چاووش عیسی جییرلی اؤز اؤزونه دئییندی. - آغ‌جییرلرین یئری دئییل اورا. - سن دئیه‌سن عسگرلییینی یئنی چکمه‌یه گلمیسن - الؤوست اوزونو گنج عسگره توتدو. - هه، من آران رایوندانام  ناخجیوانا دوشموشم. سونرا دا خواهش ائتدیم  منی جبهه‌یه یازدیلار. آمّا... ائوده‌کیلر بیلمیر. اونسوز دا اینانمازدیلار. آنام همیشه دئییر کی، «سعید تولکودن ده قورخور» - تولکودن بیلمیرم، آمّا طيّاره‌دن قورخورسان، - الؤوست گولدو. - من دؤیوشوب گؤستره‌جم کی، قورخاق دئییلم! - ائله‌بیل کینویا چکیلمه‌یه گلیب - عیسی جییرلی اؤز-اؤزونه دئییندی. - تجروبه‌سیزلیک قورخاقلیق دئییل - مایور دان‌یئری آرایا گیردی. - بیرینجی موحاریبه‌‌ده بئله بیر عسگر واردی. اوشاقلار ساتاشیردی اونا. دؤیوشده یارالینی چیخاردی. سونرا سلاحینی اونوتدوغونو گؤروب گئری قاییتدی. «گئتمه» دئدیلر. دایاندی... دؤنوب الینی یئللدی... و او آندا توستو ایچینده یوخ اولدو. سوکوت چؤکدو. - او واخت خوجالیدا دا بئله حادثه‌‌ اولوب -  لئیتئنانت(نظامی رتبه- استوار) داشقین قالالی دئدی. - اورادا اولموسونوز؟ - بیری سوروشدو. - لئیتئنانت قالالی ۳۳ یاشیندادیر. ۱۹۹۲-جی ایلده خوجالیدا نئجه اولا بیلردی؟ - عیسی جییرلی عصبیلشدی - دوشونجه‌سیز سواللار وئریرسینیز. - سیز هاردانسینیز لئیتئنانت؟ - باکیدانام - لئیتئنانت قالالی دئدی و حیسّ ائدیلمه‌دن یومروغونو دویونله‌دی «جبراییل اوغروندا گئدن آغیر دؤیوشلرده لئیتئنانت داشقین قالالی شهید اولدو. یارالی عسگری کوره‌یینده چیخارارکن سنایپئر(تک‌تیرانداز) گولله‌سینه توش گلدی». - من اوددوغوم تورپاغین قوخوسونو چوخدان اونوتموشام - کاپیتان هوسولو آستاجا دئدی. -  کاپیتان هوسولو، سیز قاراباغدانسینیز ائله‌می؟ - عسگر فرید سوروشدو. - بلی... اوشاقلیغیم شوشادا کئچیب. داغلارین اته‌یینده. او کؤهنه دؤنگه‌لرده - سونرا؟ - سونرا دومان بیزی آلداتدی. ائله بیلدیک چکیله‌جک... چکیلمه‌دی. شوشانی دا ایتیردیم، قوخوسونو دا. ایندی اورا دؤیوشمه‌یه یوخ، ایتیردیییم قوخونو تاپماغا گئدیرم. آرایا سوکوت چؤکدو. یالنیز محرّک‌ین(موتورون) اوغولتوسو ائشیدیلیردی. - صبریم چاتمیر، بیر آن اؤنجه قاراباغا چاتیب دوشمنین باشینی ازمک ایسته‌ییرم - گیزیر عیسی جییرلی دیشلرینی سیخاراق سؤیلدی - توووز دؤیوشلرینده ان یاخین دوستومو ایتیردیم. قیصاص بو گون‌ایمیش. یانینداکی عسگر اونون تیترک اللرینه باخیب: «دؤیوشده کونتوزییا آلیب»(پاتلامادان یارانان بئیین خسارتی) - دئیه دوشوندو. - یادیندادیر قورقود، نغمه دره‌سینده نئجه اوخویوردوق؟ - باش چاووش عاقیلین دردی تزه‌لندی:- «جنّتیم قاراباغ...  نغمه‌لر گولوستانی‌سان،  سئوگی داستانی‌سان...» - سنی جانین اوخوما، قوی قاراباغلی بالاسی اوخوسون - گیزیر قورقود دیللندی و مئتال(دمیر) تکرلری شاققیلدایان سئرویس آراباسینی سورن ستواردئسسا(طیاره ده‌کی قادین مهماندار)یا سسلندی - منه قارا چای وئرین. حربی حکیم مردانلی پاکئت چایی آچان قورقودون سویولموش قولونا باخیب قاشلارینی چاتدی: - قوللارین نه یامان یانیب. جدّی یارادیر- -کئچیب گئدیب - قورقود لاقئید دیللندی - پیس آداما هئچ نه اولمور. - شروردا ائولرین بیرینده یانغین اولموشدو، بو اوغلان ایکی اوشاغی یانغیندان چیخاریب - باش چاووش عاقیل دئدی. -  اؤزو توستودن زهرلنیب، اون گون کومادا قالدی...

چرشنبه گونو ادبیات سئونلر کانالیندا اون ایکی یولچو حئکایه :گونئل ناطیق کوچورن:ویدا حشمتی حاضیرلایان:ادبیات سئونلر https://t.me/Adabiyyatsevanlar

بوغوق بیر سس مئشه‌ده عکس صدا وئردی: « او بیری قولونو کس! اوبیری قولونوکس!» جللاد بوراخدیغی بالتانی یئردن گؤتوررکن، میدانا کؤلگه‌لری یاخینلاشان گؤیلردن: قیشقیردی بیر بؤیوک و شانلی کئچمیشین خاطیره‌سی! بیردن بالتا محبوسون الینده پاریلدادی!    https://t.me/Adabiyyatsevanlar

بؤیوک تورک شاعری ناظم حکمت و تورک دونیاسی... پروفسور، دکتر علی قافقازییالی چئویرن: (م. صفا) * دؤردونجو حیصّه اشغالچی قوّه‌لره مدافعه‌لر / ناظم استانبولدا دسته لیدری    سلطان‌ احمد میتینگ‌لری...   مای‌ آی‌نین 15-ینده ازمیرین یونانلار طرفیندن اشغالی، خبرین چاتدیغی بوتون تورک تورپاقلاریندا اولدوغو کیمی، پایتختده ده، د رئاکسییالارا سبب اولدو و سلطان احمدده آردیجیل اولاراق میتینقلر تشکیل ائدیلدی و بونلاردان بیرینجی‌سی ۲۳ مای ۱۹۱۹-جو ایلده اولدو. تورک آنالاری طرفین‌دن تشکیل ائدیله‌ن بو میتینقلر، امپریالیست گوجلرین قلبینه قورخو سالان تورک قادینلارینین قرارلی سسی ایدی.      شعرلری ایله ملّی شاعرلر سیراسینا قوشولان گنج شاعر ناظم حکمت بوتون بو میتینقلرده اشتراک ائتمیشدیر. ۱۳ یانوار ۱۹۲۰-جی ایل، چرشنبه آخشامی گونو، گون اورتا نامازیندان سونرا کئچیریلن دؤردونجو میتینقه تئزدن گئدیب کورسونون یانیندا یئر آلمیشدیر. او، سون میتینق تأثّراتلارینی کمال سولکره بئله ایضاح ائتمیشدیر.  حمدوللاه صوبحی هیجانلی چیخیشینی کسکین بیر جمله ایله بیتیردی. درحال اطرافینا باخدی و گؤزلرینی منیم دایاندیغیم یئره چئویردی. اورادا پاپاق گئیینمیش بیر خانیم دایانمیشدی. اونا فرانسیزجا مراجعت ائتدی؛ هامیمیز تعجّب‌لندیک. معلوم اولدو کی، قادین فرانسیزدیر و تورکجه آز بیلیر. اونو کورسویه دعوت ائتدی. قادین اولجه تورکجه دانیشدی: آزادلیق سنین حاقّین‌دیر. مباریز‌ن حاقلی‌دیر. من فرانسیز اولسام دا، استانبولون اشغالینا قارشییام.      بو چیخیش چوخ بؤیوک تأثیر باغیشلادی. سلطان احمد میدانی، بلکه ده، اوّللر هئچ ائشیتمه‌دیگی آلقیشلارلا دولو ایدی.    اشغالچی قوّه‌لره قارشی آنادولوداکی ملّی مقاومت حرکاتینی دستکله‌ین تشکیلاتلار و حرکتلر استانبولدا دا، یاییلدی. ناظم حکمت ایشغال‌چی قوه‌لره قارشی یارادیلان بو مقاومت گروپلاریندان بیرینین لیدری ایدی.      استانبولون اشغالیندان درین تأثیرله‌نن ناظم حکمت شخصی و عائله پروبلئملرینی کنارا قویاراق اؤلکه‌سینین آجیناجاقلی وضعیّتینه دقّت یئتیریر. شعرلری ایله خالق آراسیندا وطنپرورلیک و قهرمانلیق حسّ‌لرینی اویاتماغا چالیشیردی. او، مشهور «قیرخ حرامی‌لرین اسیری» حماسی پوئماسینی یازیب. بو پوئمادا او، تورکیه‌نی پارچالایان دولتلری قیرخ اوغرویا، تورک ملّتینی و وطنینی ایسه اللری و آیاقلاری زنجیرلنمیش بیر محبوسا بنزه‌دیر. اوغرولارین باشچی‌سی محبوسلاردان بیرینین قوللارینین کسیلمه‌سینی امر ائدیر. بو کسیلمیش قول بالکانلاری تمثیل ائدیر. اوغرولارین باشچی‌سی قیشقیریر: «او بیری قولونو دا کسین!» ، یعنی آنادولونون دا، کسیلمه‌سینی ایسته‌ییر. ائله بو آندا «اسیر» جلّادین الیندن بالتانی قاپار!  قیرخ حرامی‌لرین اسیری،    گئنیش بوداقلاردان سیزان گئجه کؤلگه‌سی ایله،  مئشه‌ده اسَن کولکلرین سسی ایله،  بو آخشام هر چیچک اؤز رنگینی ایتیره‌نده: قهر‌مان بیر اسیرین قوللاری کسیله‌جک... بو، ربّینی قانیندا تاپان شانلی بیر دؤیوش‌چودور...  او، غرورلو، یوکسک آلنیندا اودلو بیر بایراغین  -کؤلگه‌سینی هئچ واخت یئره ائندیرمه‌دن داشی‌ییب...  سسینی اوجالداندا اؤلکه‌لر داغیلاجاق‌دی.  آلتی یوز ایگیرمی ایل بیر ایشیق اوغروندا ووروشدو،  اما بیر گون کافیرلرین علینه دوش‌دو...  ایندی قیرخ اوغرو اونو ازمک ایسته‌ییر،  اگر او، بو سون آخشام، ربّینی اوره‌یینده تاپماسا،  مئشه‌ده‌کی هر چیچک رنگینی ایتیره‌نده، تک بیر ضربه ایله مین دفعه کسیلن قول‌لاری کسیله‌جک! اورادا- بورادا، آلوو کولکده اوچور.  قارا آغاجلیقلاردان پارلادی مشعل‌لر... توستولو قیرمیزیمتیل پاریلتی مئشه‌نین اوزرینه کؤلگه سالیر.  قولدورلار شانلی اسیرلری ایله گلیرلر... آغاج‌سیز بیر میداندا بؤیوک کؤتوکلر یانیردی:  قولدورلارین قارانلیق اوزلری ایدینلانیردی... کیچیک بیر اوتاق کیمی، خزه وورموش بیر داشی،   اؤرتوماق اوچون تاخت-ا چئویره‌ن قولدورلارین باشی،  نسه میزیلداندی، بعضی امرلر وئردی،  سونرا بوغوق بیر سسله دئدی: گلین، اونلاری اؤلدورون!...  قولدورلار یاواش-یاواش گئری چکیلدیکجه، گئنیش، هوندور بیر کؤلگه ایر‌ه‌لی چکیلدی...  آلوو کوله‌یی ایله بورونج بیر اوز پاریلداییردی. یوکسک غُرورلو آلنی و گئنیش چیینلری ایله،  قوللاری کسیله‌جک  قهرمان اسیر بودور...   نه دوداقلاری ساری، نهگؤزلرینده قورخو، بیر دمیر هیکل کیمی سس‌سیزجه اورادا گؤزله‌ییر... نهایت، بوتون کؤتوکلر کؤز ییغینینا چئوریلنده،  قولدورلاردان بیری ایر‌لیله‌ییب قیشقیردی: «قوللارینیز کسیله‌جک، حاضر اولون...»  قاران‌لیقدا بالتانین پولادی پاریلداییردی.  قورو بیر سس ائشیدیلدی، سونرا قان داملالاری فیشقیردی، آتشدن توستو دامجیلاری قالخدی: ایندی شانلی اسیرین یالنیز بیر قولو وارایدی..

چرشنبه گونو ادبیات سئونلر کانالیندا بؤیوک تورک شاعری ناظم حکمت و تورک دنیاسی...  پرفسور. دکتر علی کافکاسیالی نوبل آکادمیک یایینجیلیک کتاب، آنکارا، 2023  چئویرن: مجید تیموری فر (م. صفا)    https://t.me/Adabiyyatsevanlar

صمد وورغون آذربایجان چوخ کچمیشم بو داغلاردان دورنا گوزلی بولاقلاردان ائشیتمیشم اوزاقلاردان ساکت آخان آرازلاری سینامیشام دوستی، یاری ... ائل بیلیرکی، سن منیمسن یوردوم، یووام، مسکنیمسن آنام، دوغما وطنیمسن! آیریلارمی کونول جاندان؟ آذربایجان، آذربایجان! من بیر اوشاق، سن بیر آنا، اودور کی، باغلیام سانا هانکی سمته، هانکی یانا هی اوچسام دا یووام سنسن، ائلیم، گونوم، اوبام سنسن! فقط سندن گن دوشنده، آیریلیق مندن دوشنده، ساچلاریما دن دوشنده، بوغار آیلار، ایللر منی، قیناماسین ائللر منی داغلارینین باشی قاردیر، آغ ئورپگین بولوتلار دیر، بویوک بیر کچمیشین واردیر، بیلینمه ییر یاشین سنین نه لر چکمیش باشین سنین دوشدون اوغورسوز دیللره، نحس آیلارا، نحس ایللره، نسل لردن نسل لره کچن بیر شهرتین واردیر اوغلون، قیزین بختیاردیر ... هی باخیرام بو دوزلره، آلاگوزلی گونددوزلره، قارا خاللی آغ اوزلره، کونول ایستر شعر یازا، گنجله شیرم یازا- یازا ... بیر طرفین بحر خزر، یاشیل باش سونالار گزر، خیالیم دولانار گزر، گاه موغانی، گاه ائلداری، منزل اوزاق، عمر یاری! سیرا داغلار، گن دره لر، اورک آچان منظره لر، جیران قاچار، جویور مه لر، نه چوخدور اویلاغین سنین! آرانین، یایلاغین سنین! کچ بو داغدان، بو آراندان، آستارادان، لنکراندان، آفریقادان، هندوستاندان قوناق گلیر بیزه قوشلار، ظلم الیندن قورتولموشلار ... بویرلرده لیمون ساری، اگیر، سالیر بوداقلاری داغلارینین دوم آغ قاری یارانمیشدر قارلی قیشدان، بیر سنگردیر یارانیشدان لنکرانین گلی رنگ- رنگ، یوردوموزین قیزلاری تک، دمله چایی، توک ویر گورک، آنامین دلبر گلینی! یادلارا آچما الینی! ساری سنبل بیزیم چورک، پامبوغمیز چیچک- چیچک، هر اوزومدن بیر شیره چک سحر- سحر آج قارینا قوت اولسون قوللارینا مین قازاخدا کوهلن آتا، یالمانینا یاتا- یاتا آت قان تره باتا- باتا گوگ یایلاقلار بئلینه قالخ، کپز داغدان گوگ گوله باخ! ای آزادگون، آزاد انسان، دویونجا ایچ بو بهاردان! بیزیم خاللی خالچالاردان سر چنارلار کولگه سنه آلقیش گونش ئولکه سنه! کونلوک کچیر قاراباغدان، گاه بو داغدان، گاه اوداغدان، آخشام اوستو قوی اوزاقدان هوالانسین خانین سسی، قارا باغین شکسته سی گوزل وطن، معنان درین، بشیگیسن گوزللرین! عاشق دییه ر سرین- سرین، سن گونشین قوجاغیسان، شعر، صنعت اوجاغیسان ئولمز کونول، ئولمز اثر، نظامی لر، فضولی لر! الین قلم، سینه ن دفتر، دی گلسین هرنه یین واردیر، دییلن سوز یادگاردیر بیر دون بیزیم باکی یه باخ، ساحللری چراغ- چراغ، بوروقلارین هایقیراراق نعره سالیر بوز چوللره، ایشیقلانیر هر داغ، دره نازلاندیقجا سرین کولک، ساحللره سینه گرک، بیزیم باکی- بیزیم اورک! ایشیقدادیر قوت سوزی، سحرلرین اولکر گوزی گوزل وطن! اوگون کی، سن آل بایراقلی بیر سحردن الهام آلدین، یاراندیم من گولور تورپاق، گولور انسان قوجا شرقین قاپیسی سان! دینله منی، گوزل وطن! بیرسوز گلیر اورگیمدن: خلقیمیزین عشقیله سن گوله جکسن هر بیز زمان، آذربایجان، آذربایجان! https://t.me/Adabiyyatsevanlar

تعجیل خروج علی باباچاهی علی باباچاهی هم درگذشت (جراید تهران) او برای من از بس که خودش را و از ساختمانی بلند/ تا سطح زمین خفه می‌کرد از بس که خودش را - من چه کنم؟ تو خودت میل جدایی داشتی! اهل نمی‌دانم کجاها بود و خیلی اصیل و سربه‌هوا هم و مرا هم که تا آن سر خوابی که برایش دیده بودم دوست داشت پشه‌کوره‌ی فرضاً روی روسری‌اَم را با سنگ صدمنی بکشد و بعد از این‌که به گلدسته‌ی مسجد و نگاه اگر به شاخه‌گلی می‌کنم از طرف تو بوی تیمارستان می‌دهد. -علی! من یه الف‌بچه بودم که برادرانم صندوقچه‌ای ساختند و مرا در آب انداختند و تو از زور خنده/ بعداً که غصه خوردی اول‌تر از همه مردی - بسم الله الرحمن الرحیم مرحوم مغفور فعلا در گور / سعید فقید علی باباچاهی نه از نخل کسی دانه‌ی خرمایی/ گاهی و خدا را که در چشم‌های تو که می‌دید خفه می‌کرد خودش را هم اهل فسق و فجور/ چه جور هم / وَ نبود مرا به خانه ببر / و دیگر هیچ کلمات مطلقه؟ / نامحرم‌اَند از صیغه‌ی ماضی/ راضی که نه با مضارع و مستقبل البته فقط / وَ دیگر هیچ قانع / وَ قاطع ته کفشش قطعاً / از خط‌کشی‌های خیابانی ( گلایه از تو ندارم که از خدای تو) / وَ از کوچه‌های تو دارم البته می‌گذرم / زنگِ آخرِ سمتِ راست عقل/ فقط اهل عقل بود تا به شما / به تو برسد یک‌سره تا آن سرِ دیگر خودش فرفره‌ی کاغذی  آن‌قدر دورِ دور خودش می‌چرخد چرخان‌چرخان همی‌رود تا لب گور وقار؟ قطار قطار موهایش  را حتا رنگ نمی‌کرد/ به‌جز در آسیاب و از باغ تو یک میوه نمی‌چید/ بجز در خواب فیلسوفی تمام‌عیار فیلِ فیل موی هیچ خرسی را برای زوجه یا محبوبه‌ی محبوبش به غنیمت و نمی‌کند سر هیچ خروس بی‌محلی را هرچه بگویم کم است باز این چه ماتم است. و من این طوری هم با بازماندگانم  / بازی می‌کنم و اول‌تر از همه با تو که بازی ِ در زیر این ملافه‌ی خیلی سفید چشم و گوش تو را / به روی من البته خیلی باز می‌کند و تو یه الف‌بچه‌ای هنوز مگه نه؟ / یه الف‌بچه - خب که چه؟ https://t.me/Adabiyyatsevanlar