Buxgalteriya || Accounting Stuff ||📘

Оператив ижарага капитал қўйилма #фойда_солиғи АБС компания офис мақсадларида бинони оператив ижарага олган. Ушбу бинони таъмирлаш учун компания ўз маблағлари ҳисобидан 300 млн сўм сарфлаган. Мазкур харажатлар ижарага берувчи томонидан қоплаб берилмайди. Мазкур ҳолатда ушбу харажатлар фойда солиғи мақсадларида чегириладими? Жавоб: Дастлаб ушбу сарфлар жорий таъмирлаш ёки реконструкция эканини аниқлаш лозим. Реконструкцияга оид сарфларга СКнинг 306 моддасини, жорий таъмирлашга нисбатан эса СК 309 моддасини қўллаш лозим. ✅ Реконструкция сарфлари СКнинг 305 моддасига мувофиқ, ижарага олинган амортизация қилинадиган активларга капитал қўйилмалар қуйидаги тартибда амортизация қилинади: ижарага олувчи ижарага берувчининг розилиги билан амалга оширган, қийматининг ўрни ижарага берувчи томонидан қоплаб берилмайдиган капитал қўйилмалар ижарага олувчи томонидан амортизация қилинади. Мазкур ҳолатда бундай капитал қўйилмаларни алоҳида ҳисобда акс эттириш ва ушбу сарфлар бино таснифига жавоб бермаслиги туфайли 15% ставкада (Бошқа гуруҳларга киритилмаган амортизация қилинадиган активлар) амортизация қилиб борилиши лозим. Ушбу амортизация суммалари ижарага олинган бинодан фойдаланиш даврида объектдан фойдаланиш мазмунига кўра даромад олиш билан боғлиқ ҳолда фойдаланилса, чегириладиган харажат ҳисобланади. ✅ Жорий таъмирлаш сарфлари СКнинг 309-моддасига мувофиқ, ижарага олинган активларни таъмирлаш учун амалга оширилган харажатлар қайси ҳисобот (солиқ) даврида амалга оширилган бўлса, ўша ҳисобот (солиқ) даврида ҳақиқий чиқимлар миқдорида харажатлар жумласига киритилади. Бундай харажат ижарага олинган объектдан фойдаланиш мазмунига кўра даромад олиш билан боғлиқ ҳолда фойдаланилса, чегириладиган харажат ҳисобланади. @auditor_team

Илон Маскнинг йиғилишга оид қоидалари #мулоҳаза Қуйида Илон Маскнинг йиғилишга оид 6 та қоидаси келтириб ўтилган. Ушбу қоидалар йирик ва ўрта бизнес субъектларида фаолият олиб бораётган бухгалтерлар ва молия директорлари учун фойдали бўлиши мумкин. 1️⃣ Катта йиғилишлардан қочинг Илтимос, барча катта йиғилишларни тўхтатинг, агар улар бутун аудитория учун фойдали эканлигига ишончингиз комил бўлмаса. 2️⃣ Агар йиғилишда сизнинг фойдангиз тегмаса, йиғилишни тарк этинг Агар йиғилишда қатнашишингиз бирор қийматга эга бўлмаса, уни тарк этинг. Йиғилишни тарк этиш қўполлик эмас, аксинча, бошқаларнинг вақтини беҳуда ўтказиш қўполликдир. 3️⃣ Буйруқлар занжирини унутинг Вазифани бажариш учун зарур бўлган энг қисқа йўл орқали ҳаракатланиш керак. 4️⃣ Аниқ бўлинг, ақлли эмас Йиғилиш қатнашчиларига ақилли гаплар билан бошини қотирманг, аксинча аниқ ва лўнда гапиринг. 5️⃣ Тез-тез ўтказиладиган йиғилишлардан воз кечинг Тасаввур қилиб кўринг, йилига қанча вақтни бехуда йиғилишларга сарфламоқдасиз. Бунинг натижаси компания ресурсларини самарасиз сарфлашингизни кўрсатади. 6️⃣ Соғлом фикрдан фойдаланинг Умуман олганда, ҳар доим соғлом фикрни йўлбошчи сифатида танланг. Агар компания қоидасига риоя қилиш маълум бир вазиятда кулгили бўлса, уни ўзгартириш керак. @auditor_team

Маркетплейс билан ишлаш ҳисоби #мулоҳаза Бугун кўпчилик инсонлар товарларни маркетплейс орқали ҳарид қиладилар. Маркетплейсни содда қилиб интернетдаги бозор дейиш мумкин. Бу бозорда жуда кўп кичик ва ўрта бизнес субъектлари ўз товарларини сотмоқдалар. Бу ерда сотувчи ва маркетплейс ўртасидаги шартнома айнан воситачилик шартномаси форматида тузилади. Сотувчи томонида бериладиган ўтказмалар қуйидагилардан иборат: 1️⃣ Товарларни маркетплейс омборига ўтказилганда Д-т 2960 К-т 2910 – мазкур операцияда омбор ўзгаришини акс эттирилади. Товарларга эгалик ҳуқуқи сотувчида сақланиб қолинишини билдиради. 2️⃣ Товарлар маркетплейс орқали сотилганда Д-т 4010 К-т 9020 / Д-т 9120 К-т 2960 – мазкур стандарт ўтказма товарлар харидорга сотилгандан маркетплейснинг ҳисоботи/электрон реестр орқали акс этирилади. 3️⃣ Маркетплейс ўз хизмат ҳақига сотувчига хисоб-варақ фактура тақдим этганда Д-т 9410 К-т 6990 – мазкур ўтказма бўйича маркетплейсдан қарздорлик юзага келади. Бу қарздорлик маркетплейсдан олинадиган 4010 счети билан ўзаро ҳисоб китоб қилинади. Чунки маркетплейс сотувчига ўз хизмат ҳақини ушлаб қолган ҳолда пул маблағларини ўтказиб беради. 4️⃣ Пул маблағлари сотувчига келиб тушганда Д-т 5110 К-т 4010 - одатда маркетплейс сотувчи олишга ҳақли бўлган пул маблағларини товарлар қайтарилиши мумкин бўлган даврда (масалан 10 кун) ўзида сақлаб туради. 5️⃣ Ўзаро ҳисоб-китоб қилинганда Д-т 6990 К-т 4010 – мазкур ўтказма якуний ўтказма ҳисобланади. Ушбу ўтказмаларда сотувчи ҚҚС тўловчи бўлгандан кирувчи ҚҚС суммасини ҳисобга олиш имконияти билан қўшимча ўтказма берилади. @auditor_team

❗️Бугун барча ходимлар 1 соат вақтли кетиши керак! Меҳнат кодекси 187-моддасига биноан, байрам (ишланмайдиган) кунлари арафасида кундалик иш (смена) муддати барча ходимлар учун камида бир соатга қисқартирилади. Эртага 9 май — Хотира ва қадрлаш куни. Дам олиш куни сифатида белгиланган байрам. Демак, бугун, 8 май куни барча ходимлар 1 соат вақтлироқ уйига кетиш ҳуқуқига эга. 👉 @yuristlar_maslahati 👈

#qonunchilikdagi_yangiliklar Toʻqimachilik sanoat zonalari direksiyalari va ularda tashkil etiladigan korxonalar ayrim soliqlardan ozod etiladi “Toʻqimachilik va tikuv-trikotaj sanoatini rivojlantirishni yangi bosqichga olib chiqish chora-tadbirlari toʻgʻrisida”gi Prezident Farmoni qabul qilindi. 👉 PF-71-son, 01.05.2024-y. Farmonga koʻra: 🔹2026-yil 1-yanvarga qadar toʻqimachilik sanoat zonalari direksiyalari va ularda tashkil etiladigan korxonalar quyidagi soliqlardan ozod etiladi: ▫️mol-mulk soligʻi; ▫️yer soligʻi; ▫️suv resurslaridan foydalanganlik uchun soliq. 🔹2024-yil 1-maydan 2026-yil 1-maygacha barqarorlik reytingida “A” va undan yuqori toifada boʻlgan toʻqimachilik va tikuv-trikotaj yoʻnalishidagi tadbirkorlarda: ▫️soliq tekshiruvlari oʻtkazilmaydi (jinoiy ishlar doirasida oʻtkaziladigan tekshiruvlar bundan mustasno), ▫️QQS summasi oʻrnini qoplash (qaytarish) 1 kun muddatda tekshiruvlarsiz amalga oshiriladi. ______ #новое_в_законодательстве Дирекции текстильных промышленных зон и созданные в них предприятия освобождаются от уплаты некоторых налогов Принят Указ Президента "О мерах по выведению на новый этап развития текстильной и швейно-трикотажной промышленности". 👉 №УП-71 от 01.05.2024 г. В соответствии с ним: 🔹до 1 января 2026 года дирекции текстильных промышленных зон и созданные в них предприятия освобождаются от уплаты: ▫️налога на имущество; ▫️земельного налога; ▫️налога за пользование водными ресурсами. 🔹с 1 мая 2024 года до 1 мая 2026 года в деятельности субъектов предпринимательства текстильного и швейно-трикотажного направления категории "А" и выше рейтинга устойчивости: ▫️налоговые проверки не проводятся (за исключением проверок, проводимых в рамках уголовных дел); ▫️возмещение (возврат средств) суммы НДС субъектам предпринимательства данной категории осуществляется без проверок в однодневный срок. Тelegram |Facebook |Youtube| Instagram |X| Threads

Дивиденд учун солиқни ҳисоблашга асос протоколми ёки тўлов? #мулоҳаза АБС компания 2021 йил декабр ойида ушбу йилнинг 3 чораги якунлари бўйича фойдасини тақсимлаш тўғрисида қарор қабул қилган. Лекин, мазкур дивидендлар 2021 йилда тўланмаган. Солиқ кодексининг 483-моддасига мувофиқ 2022 йил 1 апрелдан ЎзРнинг резидентлари ва норезидентлари бўлган жисмоний шахсларнинг (акциядорларнинг) акциялар бўйича дивидендлар тарзидаги даромадлари жисмоний шахслардан олинадиган даромад солиғидан озод қилиниши белгиланган. Мазкур норма юқорида тўланмаган дивиденд 2022 йил 1 апрелдан кейин тўланган тақдирда қўлланадими? Жавоб: Ха. Дивидендлар тўлов манбаида солиққа тортилади (СК .343-модда). Бунда ушбу дивидендларни тўлаш тўғрисидаги қарор санаси аҳамиятга эга эмас. @auditor_team

Ҳинд файласуфи ва руҳий лидерларидан бўлган Ошо шундай деган эди: “Ҳаётдаги энг катта қўрқув бошқаларнинг фикри олдидаги қўрқувдир. Сен оммадан қўрқмайдиган пайтдан бошлаб ўзингни қўй каби эмас шердай ҳис қилишни бошлайсан. Юрагингда озодлик деган ҳайқириқ жўш уришни бошлайди.” Биз кўп нарсаларни бировларнинг гапи деб қиламиз, бировларнинг гапи учун ўзгаришга ҳаракат қиламиз, бировларнинг фикри учун ўзимизни турли усулларга соламиз. Ана бўлди энди одамлар мени кўрганда “оооо” дейди деб ўйлайди, ана энди ҳамманинг кўзига кўрсатиб қўяман деб ўйлаган пайтимизда ҳаммасини ютқизиб бўлган бўламиз, чунки биз ҳеч ҳам тугамайдиган пойгага кириб бўлган бўламиз. Ҳаётимиз эса ана шу пойгада қандай ўтиб кетиб қолганини ҳам билмай қоламиз. @bektoshkhatamov

Таъсисчи ўз улушини корхона балансидаги асосий восита хисобидан олиб чиқиб кетса қандай солиқ оқибатлари келиб чиқади. Корхона балансидаги асосий воситалар корхона таьсисчисига улуши хисобидан берилса, Солик кодекси 239-моддасига асосан қўшилган қиймат солиғи хисобланади. Солик кодекси 298-моддасига асосан балансдаги автотранспорт воситасини корхона таьсисчисига улуши хисобидан чикиб кетишидан олинадиган даромадлар фойда солиғи базасига қўшилади ва солиқ хисобланади. @best_accounting_outsourcing

#imtiyoz ✅ Chakana savdo va umumiy ovqatlanish sohasidagi tadbirkorlar 1 foizlik ijtimoiy soliq stavkasini qanday qo‘llaydi? 2022-yil 1-apreldan 2025-yil 1-yanvargacha quyidagi sohalarda xizmat koʻrsatuvchi tadbirkorlik subyektlari ijtimoiy soliqni 1% stavkada toʻlaydi: ▫️ chakana savdo va umumiy ovqatlanish; ▫️ mehmonxona (joylashtirish) xizmatlari; ▫️ avtotransportda yoʻlovchi va yuk tashish; ▫️ transport vositalarini taʻmirlash va texnik xizmat koʻrsatish; ▫️ kompyuter xizmatlari; ▫️ maishiy texnika taʻmirlash; ▫️ agro va veterinariya xizmatlari; ▫️ koʻngilochar markazlarda xizmat koʻrsatish. ❗️Bunda ushbu xizmatlarni koʻrsatishdan olinadigan daromad umumiy daromadning kamida 60 foizini tashkil etishi lozim. ❌ Agar xodimlar sonini yashirish faktlari aniqlansa, imtiyoz bekor qilinadi. Soliq hisobotida imtiyoz qanday qoʻllaniladi? JShODS va ijtimoiy soliq hisob-kitobining 011-satrida “Ijtimoiy soliq” ustunida Mehnatga haq toʻlash bilan bogʻliq boʻlgan daromadlar summasi (masalan, 1 mln soʻm) koʻrsatiladi. Hisob-kitobning "Ijtimoiy soliq" ustuni 050-qatorida umumbelgilangan stavka (12%) koʻrsatiladi. 1-ilovaning “Ijtimoiy soliq hisoblanmaydigan toʻlov turlari” 040-qatorida “Normativ-huquqiy hujjatlarga muvofiq ijtimoiy soliqning pasaytirilgan stavkalari” boʻyicha imtiyoz belgilanadi: Soliq kodeksi 20-qism, 483-modda (imtiyoz kodi 104045). “Imtiyoz summasi” ustunida daromadning umumiy summasi (1 mln soʻm), “Pasaytirilgan stavka boʻyicha soliq summasi” ustunida esa 1% stavka hisobga olingan holda summa koʻrsatiladi (1 mln so‘mdan 1 % = 10 ming soʻm). Shundan soʻng, Hisob-kitobning "Jami hisobot davrida toʻlanishi lozim boʻlgan jismoniy shaxslardan olinadigan daromad soligʻi, ijtimoiy soliq va SHJBPHga badallar summasi" 090-qatorida imtiyozlar hisobga olingan holda soliq summasi aks etadi. Тelegram |Facebook |Youtube| Instagram |Twitter | Threads

“Dentons” халқаро юридик фирмаси юристи, адвокат Нодирбек ХУДОЙҚУЛОВ: “Ўзбекистонга келадиган чет эллик инвесторларни энг кўп хавотирга соладиган омил – бу солиқ қонунчилигининг беқарорлиги. Муттасил ўзгариб туради, йилига юздан ортиқ ўзгартириш киритилади: қандайдир нормалар қўшилади, бекор қилинади, яна киритилади... Мижозларимиз ҳайрон: нега сизларнинг қонунларингизда стабиллик йўқ, деб. Масалан, инвестор 100 млн доллар сармоя тикмоқчи. Сўрайди: “Фалон иш билан шуғуллансам, қанча солиқ тўлашим керак бўлади, қанча фойда оламан?” Ўша пайтдаги қонунчилик бўйича ҳисоблаб берамиз. Ишни бошлайди. Орадан ҳеч қанча вақт ўтмай солиқ турлари, миқдорлари ўзгаради ёки кечагина амалда бўлган имтиёз бекор бўлади!.. Менинг жуда кўп кейсларим шунақа ҳолатлар билан боғлиқ”. (Мақоланинг тўлиқ матнини “Advokat” журналининг 2-сонида ўқинг). Манба 👉@yuristkadr

#Бизнес_солиқ АДВОКАТЛАРГА СОЛИҚ ҚАНДАЙ ҲИСОБЛАНАДИ? Ассалому алайкум саволим Адвокатлик бюроси кандай соликлар тулайди ва унинг солик солиш объекти деб нима тушунилади, масалан жами шартнома буйича курсатган хизмат хакими ёки ундан ижара ва бока туловлар чегириб ташланадими шу буйича туликрок маълумот керак эди. Жавоб учун олдиндан рахмат 📍ЖАВОБ: Солиқ кодексининг 477-моддаси биринчи қисмига асосан Адвокатлар ҳайъати, адвокатлик фирмалари ва адвокатлик бюролари фаолиятнинг нотижорат ташкилотлар сифатида адвокатлар томонидан ҳуқуқий ёрдам кўрсатиш билан боғлиқ қисми бўйича ижтимо солиқ ва тўлов манбаида ушлаб қолинадиган солиқлар тўловчиси ҳисобланадилар. Кодексининг 478-моддасига асосан Адвокатлар томонидан юридик ёрдам кўрсатганлик учун олинадиган гонорарлар суммаларига ушбу моддада назарда тутилган хусусиятлар ҳисобга олинган ҳолда, Кодекснинг ХIII- бўлимида белгиланган тартибда жисмоний шахслардан олинадиган даромад солиғи солинади. Адвокатнинг даромадлари жисмоний шахслардан олинадиган даромад солиғи солиш объектидир. Адвокатнинг даромади адвокат томонидан юридик ёрдам кўрсатилганлиги учун олинган сумма билан адвокатлар ҳайъатларини, адвокатлик фирмаларини ва адвокатлик бюроларини сақлаб туриш учун ўтказиладиган маблағлар суммаси ўртасидаги фарқ сифатида аниқланади. Солиқ базаси адвокатнинг даромадидан унинг даромадида ҳисобга олинадиган ижтимоий тўлов чегириб ташланган ҳолда аниқланади. Саволингизни: @yuristgamurojaat гa қолдиринг 👉 @yuristlar_maslahati 👈

Кечиктирилган иш ҳақи учун фоиз ундириш тартиби. Камбағалликни қисқартириш ва бандлик вазирлиги кечиктирилган иш ҳақи учун кечиктирилган ҳар бир кунга МК 333-моддаси бўйича компенсация тўлаш ҳақида содда қилиб тушунтириш берди. 👉@yuristkadr

#Бизнес_солиқ Сизда мол-мулк солиғи миқдори кўпайиб кетган бўлса, мулкни ўзингиз қайта баҳолатишга ҳақлисиз. Солиқ кодексининг 412-моддасига асосан Агар объектнинг 1 кв. метри қиймати белгиланган энг кам қийматдан паст бўлса, солиқ тўловчи кўчмас мулк объектлари қийматини мустақил баҳолашни амалга оширишга ҳақли. Бунда мустақил баҳолаш натижалари, шу жумладан солиқ тўловчи томонидан ўтган икки йилда ўтказилган мустақил баҳолаш натижалари солиқ базаси сифатида эътироф этилади. Изоҳ: Мол мулк солиғининг объектларга нисбатан солиқ базаси 1 кв. метр учун мутлақ миқдорда белгиланган энг кам қиймати қуйидагича 👉 Тошкент шаҳрида — уч миллион сўм; 👉 Нукус шаҳрида ва вилоят марказларида — икки миллион сўм; 👉 бошқа шаҳарларда ва қишлоқ жойларда — бир миллион икки юз минг сўм; Саволингизни: @yuristgamurojaat гa қолдиринг 👉 @yuristlar_maslahati 👈

Биз тамомлаган институт хам тамом булди ...

Фойда солиғини кимлар 7,5 % тўлаши мумкин? Солиқ кодексининг 337-моддасида қандай корхоналар фойда солиғи ставкасини икки баробар камайтириб тўлаши келтирилган. Булар: - Товар ва хизматларнинг электрон савдосини амалга оширувчи солиқ тўловчилар; - 2022 йил 1 сентябрдан кейин илк маротаба фойда солиғи тўлашга ўтган айланмадан олинадиган солиқ тўловчилар. Булар фойда солиғи тўлашга ўтган йилдан кейинги йилда бир йил давомида солиқни 2 баробар кам тўлайди. Масалан, 2023 йил октябр ойида фойда солиғи тўлашга ўтган айланмадан солиқ тўловчи 2024 йил давомида агар жами даромади 10 млрд сўмдан ошмаса, фойда солиғини 7,5% ставкада ҳисоблайди. 2024 йилда фойда солиғи тўлашга ўтган айланмадан солиқ тўловчи эса 2025 йил давомида 7,5 ставкада ҳисоблайди. - 2022 йил 1 сентябрдан кейин жами даромади жорий солиқ даври мобайнида илк марта ўн миллиард сўмдан ошган солиқ тўловчилар — жорий солиқ даври ва кейинги солиқ даври мобайнида, башарти пасайтирилган солиқ ставкаси қўлланиладиган солиқ даврларида жами даромади юз миллиард сўмдан ошмаса. @avantaj_buxgalteriya

Биз билан хамкорлик килган яна бир корхона 99 балл рейтинги билан ААА тоифага киритилди.