ወግ ብቻ

ወደ ስራ ስሄድ አንድ የስልክ እንጨት ላይ የተለጠፈ ወረቀት አየሁኝ: ጽሁፉ እንዲህ ይላል “እዚህ መንገድ ላይ 50 ብር ጠፍቶብኛል: ያገኘ ሰው ካለ እባካችህን አድራሻዬ በሚቀጥለው መንገድ በቀኝ በኩል ስትታጠፉ ያለው አሮጌ ቤት ነው:: አይኔ እንደፈለግኩኝ አያይም: እድሜዬም ገፍቷል: ልጆችም የሉኝም" ይህንኑ ጽሁፍ ተከትዬ ወደ አሮጌው ቤት ስሄድ አንዲት ሴትዮ ደጃፍ ላይ ተቀምጠዋል: የእግር ኮቴየን ሰምተው "ማነው? ማን ልበል?" አሉኝ "እዚህ መንገድ ላይ 50 ብር አግኝቼ ነው: እሱን ልሰጥ ነው የመጣሁት" ብዬ መለኩላቸው አሮጊቷ እንባ ቀደማቸው - "ልጄ! እስካሁን ድረስ ከ40 በላይ ሰዎች 50 ብር መንገድ ላይ ወድቆ አገኘን ብለውኝ መጥተዋል" ቀጠሉ አሮጊቷ - "እኔ ይህንን ጽሁፍ አልጻፍኩኝም: ጽሁፍ ለመጻፍም ሆነ ለማንበብም አይኔ እሺ አይለኝም" 50 ብሩን በእጃቸው አስጨበጥኳቸው ጽሁፉን ከስልክ እንጨቱ ላይ እንድቀደው ቢነግሩኝም አላደረግኩም: የመጣውን ሰው ሁሉ ይህንኑ ነበር የሚሉት ይህንን ጽሁፍ የጻፈውን ሰው እንዴት እንዳደነቅኩት : እኚህን ሴትዮ ለመርዳት የሄደበት ርቀት በጣም ነው ያደነቅኩት ከሴትዮዋ ቤት ስወጣ አንዲት ወጣት ልጅ አስቆመቺኝ "ወንድሜ! እዚህ መንገድ ላይ 50 ብር አግኝቼ ነበር: የቤቱ አቅጣጫ በየት በኩል እንደሆነ ታውቃለህ እንዴ?" በልቤ እየሳቅኩኝ ቤቱን ጠቆምኳት ሰው መሆኛ መንገዱ ብዙ ነው !! By Zemelak Endrias መልካም አዲስ አመት @wegoch @wegoch @paappii

🔔 ውድ የቻናላችን አባላት፣ አዲስ የምስራች አለን! የተመረጡ ግጥሞችን እና ሀሳቦችን, ወጎችን የምናጋራበትን ጉዞአችንን የበለጠ ለማሳደግ እና ጽሁፎቻችንን ባማረ ሁኔታ ለማቅረብ አዲስ Substack ገጽ ከፍተናል! 📌 ግጥሞች ለማንበብ እና አዳዲስ ጽሁፎቻችን በኢሜይል እንዲደርሷችሁ ከታች ያለውን ሊንክ ተጭነው Substack ገጻችንን Subscribe ያድርጉ፡ https://substack.com/@getembicha @getem

ፋርማሲ ኮንዶም ሊገዛ ዘው ብሎ ሲገባ ፋርማሲስቷ ትልቅ ሴትዮ ሆነው ያገኛቸዋል ሽሮፕ አለ እማማ? አለ ግን ለማነው? ለብል.... ለልጄ... ለልጄ ነው ምን ሆኖብህ ነው? ከባድ ሳል ይዞት ምንም አላስተኛ አለው ለሊቱን ሙሉ ቀጥ እንዳለ ነው ያደረው ለሱ ግን ከሽሮፑ ይልቅ ሌላ የምትቀባ መድሀኒት አለች እሷ ናት የምትሻለው ቢቻልማ የሚጠለቅም ቢኖር ደስ ይለኝ ነበረ ሰውዬ ግን እርግጠኛ ነህ ሽሮፕ ነው የፈለከው? ኮንዶም ነው አደል የፈለከው? መጠየቅ አፍረህ ከሆነ አትፈረኝ ኧረ በስማም እማማ ትልቅ ሰው አይደሉንዴ? እኔ እንዲህ ያለ ነገር አርጌም አላውቅም እና ልጁን በንፋስ ነው የወለድከው? በል አሁን የትኛው ይሁንልህ? ካሉ ምን ይደረጋል መቼስ.... ከሰንሴሽኑ ሁለት ከሂወት ትረስት ደሞ ሶስት ከዛኛው ከውጪው ደሞ ሁለት ፍሬ ጨምሩልኝ ሰውዬ ለብርድ ነው ለብድ ነው የፈለከው? ኧሯ የርሶም ደሞ በዛ By Tadios Alemayehu @wegoch @wegoch @paappii

ሁሌም የሴቶች ዶርም ድረስ መጥቶ ሸኝቶኝ ሲመለስ ባለማመን ያዩታል። «ሔለን ግን ሙድ እየያዝሽብን ነዋ! ያን ሁሉ ወንድ ያባረርሽው ይሔ ፉንጋ ጋር ለመሆን ነው?» ትላለች አንደኛዋ። «እስኪ ተያት ምን ታውቂያለሽ? ራቁቱን ያዬችው እሷ!» ብላ ሌላኛዋ ታሽካካለች። እኔም አስከፋናት ብለው እንዳይደብራቸው እስቅላቸዋለሁ። ዋና ምክኒያቴን ከሚያውቁብኝ የጠረጠሩት እውነት እንደሆነ እንዲሰማቸው ባደርግ ይሻለኛል። ለሰው ባይመስልም ፉንጋው የፀሎቴ መልስ ብቻ ሳይሆን ጨለማ ክፍል ውስጥ ያገኘሁት ሻማዬ ነው። «ሔሉዬ ሌላ ቅፅል ስም ጠፍቶ ነው 'ሻማዬ' የምትይኝ?» ይለኛል። «ሻማዬ ካላልኩህ ችቦዬ ነው የምልህ...የቱ ይሻልሀል?» «አይ ሻማው ይሁን በቃ!» ይላል እየተቅለሰለሰ። አንዲት ፀበል ለፀበል የምትመላለስ ታላቅ እህት አለችኝ። ሰዎች መንፈስ ይዟት ነው እያሉ ያወራሉ። እኔ ግን ባሏን ፈትታ ከመጣች ቡኃላ የዘመድ አዝማዱን ወሬ አትችለው ብላ እንዳበደች አውቃለሁ። ከዛ ጊዜ ጀምሮ ፀሎቴ አንድና አንድ ብቻ ነው። «ጌታ ሆይ የምወደውን ሳይሆን የሚወደኝን ስጠኝ!» ለዛ ነው ሻማዬ የፀሎቴ መልስ ነው የምለው። የመጀመሪያ ቀን ሰውነቱ በላብ ተጠምቆ፣ እጁ እየተንቀጠቀጠ፣ መተንፈስ አቅቶት እየቃተተ ሲጠይቀኝ እንደማገባው ወስኜ ነበር። የግቢውን ወንዶች ሁሉ መልሼ እሱን የጠበስኩት እነሱ እንደሚሉት የተለዬ ነገር አግኝቼበት አይደለም። ሪስክ መውሰድ ስለማልችል ነው። የፈሪ ሰው ጥቅም?...ቀድሞ አያጠቃም! ግቢ ውስጥ በኔ ምክኒያት ያልደረሰበት ግፍ የለም። ለሁሉም ታዋቂ ካፕሎች ቅፅል ስም ሲሰጡ እኛን ማን ቢሉን ጥሩ ነው? "Beauty And The Beast" ሆሆ! ተረባውን ችሎ አለፍ ሲል ደግሞ መምህራኖች ግሬድ ያበላሹበታል። ጉልበተኞች ዱላ የቀላቀለበት ማስፈራሪያ ያዘንቡበታል። ዘበኞች እንኳን ባቅማቸው ያዋክቡታል። ሁሉም እንደየስልጣኑ ይበድለዋል። «ሻማዬ ከዚህ በላይ እንድትጎዳ አልፈልግም» ስለው «ቀላል ነው ብዬ አልዋሸሽም። ሽልማቴ አንቺ እንደሆንሽ ሳስበው ግን 'ኧረ ያንሰኛል ጨምራችሁ ምቱኝ' ልላቸው ሁላ ያምረኛል!» እያሳዘነ ያስቀኛል። ገፍተው ገፍተው ለራሱ ያለውን አመለካከት እንዳወረዱበት የገባኝ የአመቱ መጨረሻ ላይ ነው። እሱ ተመራቂ ስለነበር ቀጣይ አመት እንደማንገናኝ ገብቶት እያለቀሰ መጣ። «አንተም ስራ ልታገኝ የምትችለው እዚሁ አዲሳባ ነው። እኔም እዚሁ ነው የምማረው! ምን የተለዬ ነገር ተፈጠረና ነው የምታለቅሰው?» «አንድ ነገር ብቻ ቃል ግቢልኝ!» አለ አሁንም እያለቀሰ! «እሺ ምንድን ነው?» «እስክትመረቂ ድረስ የፈለግሽው ወንድ ጋር ሁኚ! ከዛ ቡኃላ ግን ተመልሰሽ ወደኔ ልትመጭ ቃል ግቢልኝ!» ምንም አላልኩትም። በቆመበት ጥዬው ሔድኩ። ምን ባደርገው ነው ሊተማመንብኝ የሚችለው? እኔስ በዚህ ደረጃ ከሚወደኝ ወንድ ውጭ ሌላ ምን እፈልጋለሁ? ከሶስት ቀን ቡኃላ የሻማዬን ልብ ያረጋል ብዬ ያሰብኩትን ትልቅ ውሳኔ ወሰንኩ። ሲያዬው አዲስ እንደተወለደ ህፃን ስቅስቅ ብሎ ማልቀስ ጀመረ። ለነገሩ እኔም ከዛ ያነሰ ግብረመልስ አልጠበኩም። ይሔንን ፊት ለዘላለም እንዳይጠፋ አድርጌ ጀርባዬ ላይ ተነቅሼለት ለቅሶ ሊበዛብኝ ነው? የሚያስቀው እንራራቃለን ብዬ ፊቱን ተነቅሼለት ሌክቸረር ሁኖ እዛው ግቢ ቀረ። የሚያሳዝነው ደግሞ ተማሪዎች በገቡ በመጀመሪያው ሳምንት ሁሉም ስለታቱዬ አወቁ። የፈሪ ትልቁ ችግር?....ምርኮኛ አያያዝ አይችልም! «ለማን ተናግረህ ነው?» ብዬ ሳፈጥበት...አብሮት ሌክቸረር ለሆነ ሰቃይ ጓደኛው ብቻ መናገሩን ነግሮ ይቅርታ ጠየቀኝ። እኔም ከተያዙ ቡኃላ መንፈራገጥ ጥቅም የለውም ብዬ ተውኩት። የግቢው አየር ባንድ ጊዜ ተገለበጠ። ሻማዬ የግቢው ቁጥር አንድ ተፈላጊ ወንድ ሆኖ ቁጭ አለ። እኔ ደግሞ ስወጣ ስገባ የተረባ መለማመጃ ሆንኩ። አንዴ ወጣቶች ተወራርደው አስገድደው ልብሴን ገልጠው፣ ታቱዬን ካዩብኝ ቡኃላ ከሀዘን የወጣሁበት ቀን ትዝ አይለኝም። ሻማዬ ሊጠብቀኝ ቀርቶ ቶሎ ቶሎ ሊያገኘኝ ራሱ ጥረት አያደርግም። እኔ ነኝ የምደውልለት። እንዲያውም አልናገርም ብዬ እንጂ አልፎ አልፎ የግቢው ታዋቂ ሴቶች ከቢሮው ሲወጡ አያለሁ። በአንድ ወቅት ሊነካኝ ከብዶት ሲንቀጠቀጥ የነበረ ሰው፤ ዛሬ መዳፉ ላይ ሲያገኘኝ ጨብጦ ሊያፈርጠኝ ሲዳዳ ባዬው...ለመረዳት ከበደኝ። የሆነ ቀን ጉዳዩን ጨራርሰን እንደተቀመጥን «ሰሞኑን መድሀኒት ስትጠቀሚ አላይሽም! ሌክቸረር ሆነ ብለሽ ልታረግዥብኝ ነውዴ?» አለኝ። በዚች ንግግሩ ታሪኬን ቀዬረው። ትምህርቴን አቋርጨ አዲስ ህይወት ጀመርኩ። ስሜንም ቀየርኩ። ታቱዬን ሙሉ ጥቁር አድርጌ "ብላክ ሆል" ነው እያልኩ መንገር ጀመርኩ። ሰላም ያለው ህይወት ለመኖር የነበረኝ አንድ አማራጭ ነበር። ሁሉንም ሰው ከህይወቴ አስወጥቼ ልጄን ማሳደግ። የዚያኔ እንደዛ ባለኝ ሰዓት ፀባዩ ሲስተካከል እነግረዋለሁ እያልኩ ያረፈድኩባት ፅንስ ነበረችኝ። አሁን አሁን ሳስበው ታሪኬ ረጅም ይመስላል እንጂ አጭር ነው። ይቺው ናት ውጣ ውረዴ! ልጄን እስካሳድግ ድረስ ሁለት ጊዜ ብቻ ነው ከቤተሰቦቼ ጋር የተገናኘሁት። እነሱም እምብዛም ሊያዩኝ አይፈልጉም። መላቀቅ ነው! ይቅሩብኝ ከነምላሳቸው! ምላስ ሽሽት ነው ነው ኑሮዬ! አልፎ አልፎ ስር እንዳይሰድ አድርጌ የወሲብ ግኑኝነት እጀምራለሁ። እነሱም ስለኔ ትንሽ ማወቅ ሲጀምሩ ጥያቸው ዲዲዲዲዲዲ! በዚህ ርዕስ ላይ ከማወራ ይሻለኛል። ልጄ በኔ መልክ ባባቷ ጭንቅላት በመውጣቷ ያገኛት ሁሉ ይወዳታል። እኔም በሷ እየተፅናናሁ እኖራለሁ። በቃ። ይሔን ሁሉ ቁጭ ብዬ የማስበው ዛሬ «አባቴ ማነው?» ብላ ጠይቃኝ ነው። ለመጀመሪያ ጊዜ ሩጨ የማላመልጣት ሰው ገጠመችኝ። የመመለስ ግዴታ እንዳለብኝ አውቃለሁ።  ግን እንዴት ነው የአ'ምሮ በሽተኛ ሳላደርጋት ስለአባቷ ልነግራት የምችለው? ተረት ላድርገው ይሆን? እምብዛም የማይንቁት...እምብዛም የማያደንቁት የ'ንደኔ አይነቷ ኖርማል ሰው ህይወት እንዴት ነው የሚተረተው? «ተረት ተረት!» «የመሰረት!» «በድድሮሮሮሮ ጊዜ አንዲት ሔለን የምትባል፤ ከብርጭቆዋ ጋር ጨለማ ክፍል ውስጥ የምትኖር ልዕልት ነበረች።» «እእእሽ» «ሁሌም ሌቦች ብርጭቆዬን ይሰርቁብኛል ብላ ስለምትሰጋ ጨለማው ያስፈራት ነበር። ከዛ አንድ ቀን ምን ብታገኝ ጥሩ ነው?» «ምን?» «ሻማ!...በጣም ደስ አላት። ሻማዋን አብርታ እያዬች ደስ አላት። 'ይቺ ሻማ እስካለች አልሰጋም' ስትል አሰበች። ሻማዋ ግን 'እጠፋለሁ' ብላ ትሰጋ ነበር። ንፋስ በመጣ ቁጥር ትንፋሿ ቁርጥ ቁርጥ ይላል። ልዕልቷም ሻማዋን ከንፋስ ለማስጣል ብላ አንድ የሞኝ ውሳኔ ወሰነች!» «ምን አደረገች?» «በብርጭቆዋ ሸፈነቻት።» «ከዛስ?» «ከዛማ ሌባ ይገባል ብላ በር በሩን እያዬች ከኋላዋ ቃቃቃቃቃቃ የሚል ድምፅ ተሰማት። ደንግጣ ስትዞር የምትሳሳላት ብርጭቋዋ ናት። ንፋስ መቋቋም አቅቷት ልትጠፋ የነበረችው ሻማ በሙቀቷ ብርጭቆዋን ሰንጥቃባታለች። ልዕልቲቱ አዘነች። ውሀ አጣጯ ቢመጣም ውሀ መጠጫ እንደሌላት እያሰበች አለቀሰች! አለቀሰች!..» እያለ የሚቀጥል ተረት! ፨፨፨ By Michel azmeraw @wegoch @wegoch @paappii

«ዛሬ አትመጭም?» «ዛሬ ማርያም ናት አልነካም!» «ነይ እኔም አልነካሽም!» «አንተማ ወንድ አይደለህ እንዴት ብሎ ያስችልሀል?» «ወንድ ልጅ አያስችለውም ያለሽ ማነው?» «ቢያስችላችሁማ መች ከፍላችሁ ትተኙን ነበር?» (ዝም ብሎ ትንሽ ማሰብ...ከአባባሏ ላይ ስትህት ማጣት...ልመናውን መቀጠል...) «ቆይ እኔ ብዙ ቀን ሳልነካ አልመለስኩሽም?» «እና በራስህ ፍላጎት ነዋ! ቤትህ መጥቼ 'አትንካኝ' ብልህ ግን ለራሴም አያሳምነኝ...አንተም የሌለብህ ሰይጣን መውጣቱ አይቀርም።» «እእእ እና ያሁኑንን ወር ስራ ብትገቢባት ማሪያም ትቀይምሻለች?» «በሀይማኖቴ አታሹፍ!» «አንቺ ነሽ'ኮ እያሾፍሽ ያለሽው። ገላሽን ሽጠሽ እያደርሽ ማሪያምን አልነካም ስትይ አታፍሪም?» «አትግማማብኝ ስልኩን እንዳልዘጋው!» «እንዳታስቢው! ዛሬ ካልመጣሽ ማሪያምን አብዳለሁ። እየቀለድኩ አይደለም። ኃላ ጨርቄን ጥዬ ያዩኝ 'ግብዳ ቁ ላ የሌለው እብድ መጣ' እያሉ ከሚዘባበቱብኝ በጊዜ መጥተሽ ተንከባክበሽ ብታስተኝኝ ይሻልሻል።» (ዝም ብላ ትንሽ ማሰብ...ከአባባሉ ላይ ስጋት ማሽተት...) «ከደረቅክ ደረቅክ ነዋ...ያለ ልብህ አትሰማም።» (በተሸነፈ ድምፅ) «እሽ ነይ አሁን ቤቱን ፏ አድርጌያለሁ። የምትወጂውን ኬክ ገዝቻለሁ። ሻወር ጥዬሽ አልገባም ብዬ ፎጣ አገልድሜ ነው የማወራሽ።» «እሽ መጣሁ። የማሪያም ፀበል ፃዲቅ ልያዝልህ?» «ግዴለም አንቺ ትበቂኛለሽ።» «አይባልም» «እሺ ሌላ ጊዜ ታመጭልኛለሽ የዛሬው ይለፈኝ።» (ስትመጣ ሻወር ወስዷል...ብቻዋን ገብታ መውሰድ...ከዛ በኃላም የባጥ የቆጡን እያወራት መዞር...ማቀፍ የለም...መሳሳም የለም...ወሬ ብቻ...መዞር ብቻ...) «በጣም የሚገርመኝ እኮ ምን እንደሆነ ታውቃለህ? 'አልመጣም' ያልኩህ ቀን እንባ ቀረሽ ልመና ነው የምትለምነኝ። ስመጣ ግን የለመንከኝን ያህል ፈጥነህ ልትነካኝ አትሞክርም። አንዳንዴማ ከነጭራሹም ሳትነካ ትመልሰኛለህ። ከዚህ የምታገኘው እርካታ ምንድን ነው? ማለቴ ይሔ እንዴት ያለ የወሲብ አይነት ነው? የወሲብ አይነት ከሆነስ ባህላችን ይፈቅደዋል ወይ? ሂሂ» «ይሔ ያስቃል።» (ሳይስቅ) «የምሬን ነው። ያስፈራኛል ይሔ አመልህ።» «በጣም የምትወጂው ነገር ምንድን ነው ማርቲዬ?» «ኬክ ነዋ እያወቅከው» «እሺ ቆይ ያልበላሻት ትንሽዬ ኬክ ፍሪጁ ውስጥ ብትኖር ሳትበያት ስለሌላ ነገር ማሰብ ትችያለሽ?» «እንዴት ብዬ?» «የኔም ነገር እንደዛው ነው። በእረፍት ቀኔ አንቺ ከሌለሽ ይጨንቀኛል። ሀሳብ ብቻውን አገኘሁት ብሎ ተመቻችቶ ይተኛብኛል። አንቺ ቤት ካለሽ ግን ስሌላ ነገር ማሰብ አልችልም። ሽፍደቴ ጣልቃ እየገባ ጭንቀቴን ሁሉ ይበትነዋል።» «ኦውውውው የምር እኔ ኬክ የምወደውን ያህል ትወደኛለህ ማለት ነው? እንባዬ መጣ ማሪያምን!» «ኧረ ብዙም ደስ አይበልሽ ላንቺ አይደለም ለገላሽ ነው እንደዛ ያልኩት።» «ሒድ! ምኑ ግማታም ነው በማሪያም? ሸ ርሙጣ!» «ምኗ ነሽ አንቺስ? መሐንዲስ!» «ማሾፍህ ነው?» «በሙያሽ ሰደብሽኝ በሙያዬ ሰደብኩሽ።» «ሰው እንዴት ሰውን 'መሐንዲስ' ብሎ ይሳደባል? መማታት እየተቻለ?» «ሃሃ ቆንጆ ተጫወትሽ አሁን...» «ግን...ግን» «እ?» «ምን አይነት ሀሳብ ቢኖርብህ ነው ይሔን ያህል ለመሸሽ መላ የምትፈልገው?» «ምንም!...ማለቴ እንዲህ ነው ተብሎ የሚነገሩ አይደሉም። ዝምብለው ተራ ነገሮች ናቸው። ብቻ አዕምሮዬ ስራ ፈትቶ አያግኙት!» «አልገባኝም?» «ለማስረዳትም የሚመቹ አይደሉም።» «አንቺ አይገባሽም ደደብ ነሽ የሚል ንቀት ባይኖርብህ የተወሰነ ልታስረዳኝ ትሞክር ነበር።» «ተንኮለኛ ነሽ እንደው። እንዴት ብዬ ልንገርሽ ማርቲዬ? አሁን ባለፈው አንቺ የቀረሽ ቀን እዚህ መታጠፊያዋ ጋ የጀበና ቡና የምትሸጠው ሳቂታዋ ልጅ የለችም? ድንገት ሀሳብ ውስጥ ገብታ ቡና ደፋችብኝ። ተናድጄ 'አቦ ይድፋሽ' ብላት 'ኧረ አሜሜሜን' አለችኝ በተማረረ ድምፅ። ደብሮኝ ዋለ። የባለፈው ባለፈው ደሞ አውሮፓ ያለችው የጎረቤቴን ልጅ እያወራኋት 'መቼ ነው የምትመጭው?' ስላት 'ሀብታም ባል ሳገባ' አለችኝ እየሳቀች። እኔ ግን ሳለቅስ አመሸሁ። የባለፈው ባለፈው ባ...» «ኧረ በቃህ! አንተ ዝም ካልኩህ 'መብራት በርቶባቸው መኪኖቹ ሲቆሙ አለቀስኩ' ትለኛለህ። ምኑ ንፍሮ ነው በማሪያም!» «ይቅርብሽ ብዬ ነበር እኮ እኔም...ራስሽ ነሽ...» «ስቀልድ ነው ተረድቼሀለሁ። ግን የጠበኩት ከድሮ ሚስትህ ጋ የተያያዘ ነገር ነበር!» (ቀጥ ብሎ እይት...ስታዬው አይኑን ስብር...) «ምን ሰምተሽ ነው?» «ምንም» «ባክሽ ታስታውቂያለሽ የሰማሽው ነገር እንዳለ!» (መስኮት መስኮት እያዬ ትክዝ..) «እሺ! ግን አይደብርህማ ቢነሳ?» «አትቅለስለሽ! ሁሌ አይደል እንዴ ልታነሽብኝ የምትሞክሪው? እኔ ሆን ብዬ ርዕስ ስለምቀይርብሽ እንጂ! በይ አውሪውና ይውጣልሽ!!» «ኧረ ማሪያምን እኔ ለዛ አይደለም። ከፈለግክ አለማውራት እንችላለን። እንዲደብርህ አልፈልግም።» «እንደሌላው ሰው ዙሪያጥምጥም አትሒጂ እንጣላለን!» «እሺ! እንትን? ማለቴ ሰራተኛዋ ቆንጆ ነበረች?« (እንደመሳቅ እያለች) «አልነበረችም። አፈር ነች!» «እና ለምን? ማለቴ?..» «ለምንም! በቂ ምክኒያት የለኝም። ሚስቴ ፊልድ ሔደች። በዕረፍት ቀኔ ብቻዬን ሆንኩ። ሀሳብ በዛብኝ። ከሀሳብ ለመውጣት ቁ ላዬን የማስቀምጥበት ጉድጓድ ፈለግኩ። ሰራተኛችንን አገኘሁ። ወጣሁባት። ሚስቴ ያዘችኝ። ተፋታን። ይሔው ቀልዬ እኖራለሁ አንገቴን ደፍቼ። እ? አሁንስ ደስ አለሽ? ወሬኛ!!» «ኧረ ተው እንደሱ አትበል በማሪያም! ሁሉም ሰው ይሳሳታል'ኮ!» «ሃሃ ይልቅ ነይና እቀፊኝ...ደስ ይበልሽ...መጨነቅ ጀመርኩ።» (ተነስታ እቅፍ...አናቱን ወስዳ ጡቶቿ ውስጥ ሽጉጥ...እሱ ተጠጋችኝ ብሎ ሰውነቷን መሳም...እሷ ጆሮው ቀረበኝ ብላ ማንሾካሾክ...) «ያለ ነው። ያጋጥማል። ሁሉም ይጥላህ። ብቻ አንተ ራስህን አትጥላ። ሁሉም ይናቅህ። ብቻ አንተ ራስህን አትናቅ። ሲያስመስሉ ነው'ጂ ተሳስቶ የማያውቅ የለም። ስለማይነግሩን ነው'ጂ ያልወደቀም የለም!!» «መውደቄ መች ከበደኝና ማርቲዬ! የጣለኝ ፈተና ትንሽነት እኮ ነው እንዲህ የሚያደርገኝ። እንደ ዝንብ ቀልሎ ያልተገኘን የሸረሪት ድር ይጥለዋል?... ...ይልቅ እሱን ተይውና ዝምብለሽ እቀፊኝ። ጥብቅ አድርገሽ ያዥኝ። እፉዬ ገላ ነኝ...ከተውሽኝ ንፋስ ይወስደኛል...» (እስኪጨራመት ድረስ አጥብቃ እቅፍፍፍ...በጣቶቿ መሀል ሾልኮ እንዳይንሳፈፍ!) ፨፨፨፨፨ By Michel Azmeraw @wegoch @wegoch @paappii

ትንሹ ጆኒ ለአስተማሪዉ እየነገረዉ ነዉ ። እኛ ቤት በጣም ትንሽ ናት ቤታችን እና እናቴ አባቴ እኔ ሁላችንም ምንተኛዉ አንድ አልጋ ላይ ነዉ ። እና ሁሌ ማታ ላይ አባቴ እንደተኛሁ እና እንቅልፍ እንደወሰደኝ ቼክ ያደርገኛል “ ተኝተሀል ?” ብሎ ሲጠይቀኝ “አይ አልተኛሁም “ እለዋለሁ። ከዛ በጥፊ ያጠናግረኝ እና ይገላምጠኛል ብሎ ነገረዉ። አስተማሪዉ ሰማዉ እና “ይኸዉል ዛሬ አባትህ ቼክ ሊያደርገህ ተኝተሀል ብሎ ሲጠይቅህ ዝም በል ትንፍሽ ሳትል እንደተኛ ሰዉ ጨፍነህ  ምንም መልስ እንዳትሰጥ “ ብሎ መከረዉ ። ከዛ በሶስተኛዉ ቀን አስተማሪዉ ህፃን ጆኒን ፊቱ አባብጦ ቀይ ሆኖ ጥግ ቆሞ ያየዋል ። አስደንግጦ “ እረ ምንጉድ ነዉ ፊትህ ምን ሆነህ ነዉ እንዲህ ያበጠዉ “ ብሎ ይጠይቀዋል። ትንሹ ጆኒም “ አባቴ ድጋሚ እንደተኛሁ ቼክ ሊያረገኝ ሲጠይቀኝ አንተ  እንደመከርከኝ እንደተኛ ሰዉ ጭጭ አልኩት ። ከዛ እናቴ እና አባቴ መንቀሳቀስ ጀመሩ እናቴ በጣም በሀይል ትተነፍሳለች እግሯንም ወደላይ እርግጫ እየሰነዘረች ድምፅ ማሰማት ትጀምራለች ። ከዛ አባቴ እናቴን “ እየመጣሽ ነዉ ?” አላት ከዛ እናቴም “ አዉ እየመጣሁ ነዉ አንተስ እየመጣህ ነወ?” ከዛ አባቴ “አዉ አዉ እየመጣሁ ነዉ “! ሲላት የትም ቦታ ብዙ ግዜ ከኔ ዉጪ ጥለዉኝ ስለማይሄዱ ስለዚህ እኔም ድምፄን አዉጥቼ “ ጠብቁኝ እኔም እየመጣሁ ነዉ “ ስላቸዉ አባቴ የሰነዘረብኝ ቡጢ ነዉ እንዲህ ያረገኝ! By Eled Aymen @wegoch @wegoch @paappii

ከራሴ የማልወደው አንድ ነገር ቢኖር አስራ ስድስት አመት ዘግይቼ መፈጠሬን ነው። በቻልኩት አቅም ላስተካክለው እሞክራለሁ። ጂንስ አልለብስም። ካኪ ሱሪ በወፍራም ሹራብ ለብሼ ጥግ ላይ እቀመጣለሁ። የዘወትር ፀሎቴ ሌላ አይደለም። "እባክህ ጌታዬ እኩያዋ አርገኝና አግብቻት ከዚህ መርዛማ ህዝብ ነጥቄ ወደ ሸዋ ልውሰዳት!!" ነው። በዚህ አመት ነው ከባለቤቷ እና ከሁለት ልጆቿ ጋር እኛ ወደምንኖርበት አከባቢ የመጡት። መልኳ፣ ፀባዩዋ እና አለባበሷ አንድ አይነት የሆነላት ሴት የማውቀው እሷን ነው። እንዲሁ ቀልብን የሚሰልብ ርግት ያለ ድባብ አላት። መንገድ ላይ ስታልፍ አባውራው ሁላ ምናምኑን በጋቢው እየሸፈነ ነው የሚያያት። ራሷን ልታጠፋ ሞክራ ከተረፈች ቡኃላ ግን ሁሉም አገለላት። እነማዬም እሷን ቡና መጥራት አቆሙ። ባሏም "ራሷን ብታጠፋ የለሁበትም" ለማለት ነው መሰል እየዞረ ስላለባት ችግር ሲያወራ ነው የሚውለው። «ምንድን ነው እንዲህ አይነት ቅብጠት? ማንም ሴት ትዳሯ በምትፈልገው መንገድ ላይሔድላት ይችላል! ራስን ለማጥፋት መሞከር ግን ትኩረት ፈላጊነት ነው።» ትላለች እማዬ ስለሷ ሲነሳ። እንዳለ ቡና ጠጭው በስምምነት ራሱን ይነቀንቃል። እኔጋ ስለምንቀራረብ እንድታብራራልኝ የማላደርገው ጥረት የለም።   «ለምንድን ነው ግን ሁሉም የሚጠሉሽ?» «ምንድን ነው እንዲህ ያስከፋሽ?» እላታለሁ። የሷ መልስ ሁሌም አንድ ነው። «ወፍ ረግማኝ!» ትለኛለች እየሳቀች። መመለስ እንዳልፈለገች ይገባኝና እተወዋለሁ። የመጣች ሰሞን ከሷ የያዘኝ የአይን ፍቅር በሽተኛ አድርጎኝ ነበር። አልበላም፣ አልጠጣም፣ አልተኛም። ትክክለኛ የዘፈን ግጥሞች ላይ ያለው ፍቅር ነበር የያዘኝ። ፍቅር አያስበላ አያስጠጣ የሚለው ያፈቀርከውን ሰው ማግኘት እንደማትችል እያወቅክ ስታፈቅረው ሳይሆን አይቀርም። በመጨረሻ ግን ተሸነፍኩ። ቀጥ ብዬ ቤቷ ገባሁ። በረንዳ ላይ ቁጭ ብላ ለወፎች ጥሬ እየመገበች ነበር። ደንግጣ ዙራ አየችኝ። ተጠግቼ ሰላም እንኳን ሳልላት «ዘርዬ እወድሻለሁ» አልኳት። ቀልዴን መስሏት ነበር። እንባዬን ስታይ ከሳቋ ላይ ግርምት ጨመረችበት። «ና እስኪ ተቀመጥ የኔ ቆንጆ!» አለችኝ! እንባዬን እየጠረግኩ ተቀመጥኩ። «ስንት አመትህ ነው?» «አስራ ስድስት» «ታውቃለሀ? እኔ ራሱኮ በጣም ነው የምወድህ!» «እውነት?» «የምሬን ነው። ይሔ ልጅ ልጄ በሆነ ብዬ እመኝ ነበር።» ኧረ ቅስሜን! «ትምህርት እንደወጣህ የቤት ስራ ምናምን ካለብህ እኔጋ እየመጣህ ስራ እሺ! ጓደኛ ትሆነኛለህ።» ከዛ ጊዜ ጀምሮ ጓደኞቼን ዞር ብዬ አይቻቸው አላውቅም። የነሱ ጭንቀት "የምወዳት ልጅ እንደወንድሜ ነው የማይህ" አለችኝ ነው። የኔ ጭንቀት "የምወዳት ልጅ እንደልጄ ነው የማይህ" አለችኝ...እኩያቸውን ይፈልጉ። ትምህርት ቤት ራሱ የምሔደው የቤት ስራ ለመቀበል ነው። እንደመጣሁ እነማዬ ሳያዩኝ ተደብቄ ዘሪቱጋ እሔዳለሁ። ስራ ጨርሳ ወደ በረንዳው ስትመጣ ከአጠገቧ ሂጄ እቀመጣለሁ። ባሏ እንደልጅ ነው የሚያዬኝ መሰለኝ ሲያዘኝ ራሱ ሰላም ሳይለኝ ነው። እኔም ለነገሩ ለሱ ሰላምታ ግድ ኑሮኝ አያውቅም። «እንዴት ግን ይሔን ሰው አገባሽው?» አልኳት የሆነ ቀን። ምንም ብጠይቃት አትደነግጥም። ርጋታዋ ሳይናድ ትመልስልኛለች። «የህልም ሽንት ታውቃለህ?» አለችኝ። በቃ እኔ ለሷ ሁሌም ህፃን ነኝ። «ኧረ አላውቅም» አልኩ አልጋ ላይ ሸንቼ ማወቄን እንዳታውቅብኝ። «ሽንት ቤት ሂደህ በስነስርዓት ልብስህን አውልቀህ ትሸናለህ...ስትነቃ ግን አልጋህ ላይ ነው የሸናኸው።» «እእእእ» አልኩ! «እንደዛ ነው የኔ ፍቅር። በኔ ቤት ሁሉን ነገር በጥንቃቄ መርጨ ጨርሻለሁ። ስባንን ያልሆነ ቦታ ላይ ነው ልቤን የጣልኩት» አሁን አሁን በአጠገቤ ሲያልፍ በሆዴ "አንተ የህልም ሽንት" እለውና ለራሴ እስቃለሁ። ዘርዬ እንደነገረችኝ ከሆነ አዲሳባ እያሉ ለመፅሔቶች አንዳንድ ፅሁፎችን ትሰራ ነበር። ሰው መስሏት ይሔን የባንክ ሰራተኛ አገባችው። ከተራ የደንበኛ አስተናጋጅነት አንስተው ማናጀር አደረጉትና ወደዚህ አዛወሩት። የሱ ኑሮ ቀጠለ። የሷ እንደነገሩ ሁኖ ቀረ። እናት መሆን አቃታት። ሚስት መሆን አጎበጣት። እነማዬ ሌላ ህልም ኑሯቸው አያውቅምና ፍላጎቷን እንደቅንጦት ቢያዩት አይገርመኝም። አንድ ቀን ማታ ዘርዬ ባልተዘጋጀሁበት ስለዛች ወፍ ታወራኝ ጀመር። «ከአስራ ስድስት አመት በፊት ባንተ እድሜ እያለሁ ይመስለኛል።» አለች በድንገት። ነቃ አልኩ። «እንዲሁ በጨዋታ ዲንጋይ ስወረውር ያንደኛዋን ወፍ ክንፍ ሰበርኩት። በኢላማዬ ደስ ብሎኝ የወደቀችውን ሒጄ ሳያት መብረር አትችልም። አሳዘነችኝ። ቤት ወሰድኳት። ዶሮዎቼ ጋር ቀላቅዬ ጥሬ እያበላሁ እስክትሞት ድረስ አኖርኳት።» «ታዲያ ምን አጠፋሽና ትረግምሻለች? የተሳሳትሽውን አስተካክለሻልኮ!» አልኩ በጭንቀት። «ሁለት ጊዜ ነው የገደልኳት። ክንፏን መስበሬ ሳያንስ የክንፏን መሰበር እንደ ችግር በማያዩ ዶሮዎች መሀል እንድትኖር አደረኳት። ሲመስለኝ እሷ ወፍ ረግማኛለች።» ከጃኬቷ ኪስ ወረቀት አውጥታ ሰጠችኝ። ላነበው ስል «ነገ ማታ እንድታነበው ነው የምፈልገው» አለችኝ። ነገ ተነስታ ልትሰወር ነው ብዬ አልጠረጠርኩም። እኔ በተኛሁበት የኔ ወፍ ዘርዬ ሰባራ ክንፏን እየጎተተች ርቃ ሔደች። ጧት ወደ ትምህርት ቤት ስሔድ የግቢያቸው በር ተከፍቶ ፊትለፊት ባዶ ቤታቸው ከመንገድ ላይ ይታያል። ተንደርድሬ ስገባ ሁለት ሰዎች እየዞሩ እያዩ ነው። ለቀው መሔዳቸውን አረዱኝ። መከዳት ተሰማኝ። ትምህርት ቀርቼ ሳለቅስ ዋልኩ። በሶስት ቀን ውስጥ አንድ ሰሞን ወደነበርኩበት በሽታ ተመለስኩ። አልበላም፣ አልጠጣም፣ አልተኛም። ከመሔዷ በፊት ወረቀት ሰጥታኝ እንደነበር ያስታወስኩት ራሱ መምሬ ሶስት ቀን በፀበል ካጠመቁኝ ቡኃላ ነው። መሔዷን እያሰብኩ ያልረሳሁት ምን አለ? አልጠበኩም ነበር! ገልጨ ሳነበው ከህመሜ ተፈወስኩ። መምሬ በመዳኔ እማዬ ስታመሰግናቸው «ሶስት ቀን መቆዬቱ ራሱ ገርሞኛል» ሲሉ ጉራቸውን ነፉ። ዛሬ በዘሪቱ እድሜ ሁኜም ያ ደብዳቤ ከኪሴ አይጠፋም። የስሜት መዋዠቅ ሲገጥመኝ አውጥቼ አነበዋለሁ። «ቻው ያላልኩህ አንተን ቻው ማለት ስለከበደኝ ነው። ደስ ትለኛለህኮ። በአንተ ውስጥ ራሴን አያለሁ። አስራ አምስት አመት ፈጥኜ ባልወለድ የማገባው አንተን ነበር። አምላኬን የምጠይቀው አንድ ነገር እኔ ያጣሁትን ሁሉ ላንተ እንዲሰጥህ ነው። ያልኖርኩትን ኑርልኝ። ስለሁሉም አመሰግንሀለሁ። ያላንተ አላልፈውም ነበር ይሔን ጊዜ።» ይላል። ዛሬ ላይ የመፅሔት አዘጋጅ ነኝ። ደስተኛ ሰው ነኝ። ጓደኞቼ «ለምንድን ነው ሰው ሁሉ ያለ ምክኒያት የሚወድህ?» «ለምንድን ነው የነካኸው ሁሉ የሚሳካልህ?» ይሉኛል። የኔ መልስ ሁሌም አንድ ነው። «ወፍ መርቃኝ!» እላቸዋለሁ እየሳቅኩ። ማብራራት እንዳልፈለኩ ይሰማቸውና ይተውኛል። ፨፨፨ By Michel asmeraw @wegoch @wegoch @paappii

"ካብ ለካብ" ++++++ (በአንድ የፈረንጅ ቲክቶክ ቪዲዮ መነሻነት የተጻፈ ቀላል ታሪክ) ------------ አልጋው ላይ ተኝቶ አጫጭር ቪዲዮዎችን እያፈራረቀ ሲመለከት ስልኩ ጠራ። የደዋይዋን ስም ሲያይ ፈገግ አለና በሁለተኛው ጥሪ አነሳው። «ሄይ የኔ ፍቅር። እንዴት ዋልክልኝ? የት ነህ?» አለችው። «ሄይ ማሬ... ቤቴ ነኝ» ብሎ መለሰላት። «ቤትህ ምን እያደረግክ?» «ምን አደርጋለሁ?…ዝም ብዬ ስልኬ ላይ ያው በቲክቶክ እየዛግኩ» «ውይ…ደብሮሃል እንዴ የእኔ ፍቅር?» «አይ ብዙ አልደበረኝም…» «ኦኬ…እኔማ የደወልኩልህ ዓለም ሲኒማ ቴአትር ልንገባ እንደሆነ ልነግርህ ነው.. ከዛ በኋላ ደሞ እራት እንበላለን ብለናል፣ ስለዚህ ዛሬ አልመጣም። አርብ ስለሆነ ፈታ ልበል ብዬ እኮ ነው» «ኦ... እሺ። ኢንጆይልኝ» ‹‹ኢንጆይልኝ ስትለኝ እንዴት ደስ እንደሚለኝ ታውቃለህ አይደል?›› ‹‹ለዛ እኮ ነው ሁሌ የምልሽ›› ‹‹ሃሃ…የራስህ ብራንድ እኮ ናት…አማእንግሊዝኛ…የእኔ ፍቅር›› ‹‹እንዲህ ካበረታታሽኝማ ሳልሰረቅ የአይምሮ ምናምን ሄጄ አስመዘግባታለሁ በቃ…›› «አይ አንተ…! ኤኒዌይ ከእራት በኋላ ደግሞ የሆነ ላውንጅ እንሂድ ማለታቸው የማይቀር ነው… ስለዚህ ስልክ ባላነሳ እንዳታስብ..ጫጫታው አያሰማም›› ‹‹አላስብም›› ‹‹ደሞ ቤቴ ድረስ የሚያደርሰኝ ሰው ስላለ ምንም ብለህ እንዳትጨነቅ » «ኦኬ ጉድ… ግን ማን ነው እቤት የሚያደርስሽ?» «ቤቲ» «ቤቲ... ?የቷ ቤቲ?» «ቤቲ ናታ! ቤስት ፍሬንዴ?» «ማ…?›› ‹‹ምን ሆነሃል? ቤቲ ጠፍታህ ነው›› ‹‹ አይ…... እ…ኖ…አልጠፋችኝም…ሶ …ቤቲ ታደርስሻለች…አ?» «አር ዩ ኦኬ የእኔ ፍቅር?›› «አይ አም ፋይን…ያልጠበቅኩት…እሷ…ማለቴ እሷስ አብራችሁ አታመሽም ወይስ...?» «ታመሻለች ግን እሷ መጠጥ አትጠጣም ስለዚህ ችግር የለውም። አትጨነቅ አልኩህ እኮ» «እ..አይ… አልተጨነቅኩም... እና አሁን ከ..ከቤ …ከቤቲ ጋር አብራችሁ ናችሁ?» «አዎ…ተገናኝተናል የሆነ ነገር ልግዛ ብላ ሱቅ ገብታ ነው። አሁን እራሱ መኪናዋ ውስጥ ሆኜ ነው የማወራህ» «ተይ እንጂ?» «አዎ…ምነው የገረመህ መሰልክ?» «አይ ምን ይገርመኛል…? ምንም አልገረመኝም አረ» «ሃሳብህ የተሰረቀ ይመስላል። ዩ አር ኦኬ አይደል?» «ኖ ኖ... ደህና ነኝ።» ለአፍታ ጸጥታ ሰፈነ። «ኦኬ ስለዚህ በቃ ፈታ ብዬ አመሻለሁ…ነገ ጠዋት ስበር ወዳንተ እመጣለሁ… ስራ አጎሳቆለኝ እኮ ሰሞኑን… እስቲ ዛሬ ይለፍልኝ።» «ተፍታቺ የእኔ ቆንጆ... ኢንጆይልኝ» «ታንኪው ናሆምዬ። እወድሃለሁ።» «እኔም እወድሻለሁ።» ናሆም ስልኩን ዘግቶ ኮመዲኖ ላይ አስቀመጠና አጠገቡ ወደተኛችው ሴት ዞረ። ሁለት ትራሶች አነባብራ ቀና ብላ ታየዋለች። «..ሰላም ናት…ካንቺ ጋር ነኝ ነው የምትለኝ » አላት ፊቱን ቋጥሮ። ሴቲቱ በሳቅ ፈነዳችና፣ «ሃሃሃ... አለ መኮንን» አለች፡፡ «ምን ያስቅሻል?» ቆጣ ብሎ ጠየቃት፡፡ «ምንም።» «ሲሪየስሊ ዋት ኢዝ ሶ ፈኒ?» ሳቋን በእጇ አግታ ታስቀር ይመስል አፏ ላይ አድርጋ፣ «አይ…እንደው ዋሸሽኝ ብለህ እንኳን ልትናገራት እንደማትችል ሳስብ ነገሩ አስቆኝ ነው…›› አለችው ከሳቋ እየታገለች፡፡ ‹‹እና ታዲያ እሱ ምኑ ነው የሚያስቀው?›› አላት አሁንም እንደተኮሳተረ፡፡ «...የሚያስቀውማ አንተም እየዋሸሃት መሆኑ ነዋ…እባብ ለእባብ ይተያያል ካብ ለካብ አለች አያቴ » ‹‹ኤጭ…እባብ ካብ ምናምን.. እስቲ ዛሬ እንኳን ይሄን ያሮጊት ተረትሽን ተወት አድርጊ…›› ብሎ በብስጭት ተስፈንጥሮ ካልጋው ተነሳ፡፡ ---- በዚህችው ቅጽበት በሌላኛው የከተማው ጫፍ ደግሞ እንዲህ ሆነ፡፡ ሰላም ስትነጋገርበት የቆየች ስልኳን ስልቻ የሚያህል ቦርሳዋ ውስጥ ጨመረችና የመኪናውን መሪ በጣቶቹ ወደ ሚቆረቁረው ወንድ ዞረች። «ጉድ ኒውስ ሃንድሰም» አለችውና ወደኋላ ደገፍ ብላ ተቀመጠች፡፡ ‹‹ተሳካልሽ አይደል?›› አላት ሳቅ ብሎ እያያት፡፡ «ድሮስ ! ዛሬ የፈለግንበት ቦታ የፈለግነውን ያህል ማምሸት ከፈለግንም ማደር እንችላለን።» ሳቁ ደመቀ። ሰከንዶች እንዳለፉ ፊቷን ጨፍገግ አድርጋ፣ «ግን ቤቲስ?» ስትል ጠየቀችው። «ስለእሷ አታስቢ…ትንሽ ቆይቼ እደውልላታለሁ፣» አላት ዘና ብሎ፡፡ ግን አሁንም ፊቷ አለመፈታቱን ሲያይ ቁኝ እጁን ወደተጋለጡ ጭኖችዋ ሰደደና፣ «አታስቢ አልኩሽ እኮ…ዋናው ያንቺ ነበር..እኔማ ከናሆም ጋር አመሻለሁ እላታለሁ አለቀ!›› ብሎ ጨመረ፡፡ By Hiwot emishaw @wegoch @wegoch @paappii

"ፖስት ፒል ግዛልኝ" የሚል የጽሁፍ መልእክት ላከችልኝ። የታዘዝኩትን ልፈፅም ፋርማሲ ተገኘሁ። ፓራስታሞል ፋላጊው ፥ ኮንዶም ሸማቹ ፥ ቬርሞክስ ገዢው... ከፋርማሲው የሚፈልጉትን ሲወስዱ ከሻጩ ፊትለፊት አቀርቅሬ ቆምኩ። "ምን ልታዘዝ?" ሲለኝ ነበር የባነንኩት። እያማጥኩ "ፖስት ፒል" አልኩ። ዛሬ ለአራተኛ ጊዜ ፖስት ፒል ገዛሁላት። አፈቅራታለሁ። ስለ እኔ ስታወራ "የቅርብ ጓደኛዬ ነው" ትላለች። "እንደ ወንድሜ ነው የማየው" ትላለች። "ከንፁህ ጓደኝነት የዘለለ ነገር የለንም" ትላለች። እኔ ግን አፈቅራታለሁ። እንደማላገኛት እያወቅኩ ሳልማት ኖርኩ። የእኔ ላደርጋት እየተመኘሁ የሌላ ስትሆን አየሁ። ናቲ በድን እንዳየ አው^ሬ ሲያንዣብብባት "ተጠንቀቂ" ያላልኳት ፈርቻት ነው። የምትፈልገውን እየነገራት ወደሚፈልግበት ነዳት። እንደሚወዳት እየተወነ ፍቅር አስያዛት። "ናቲ ያደምጠኛል" ትላለች። ናቲ አድማጭ አይደለም። በግራ ጆሮ እየሰማ በቀኙ ያፈሳል። "ጨዋታ አዋቂ ነው" ትላች። ጨዋታ አያውቅም። ቀልዶቹ ያሳቋት ስለወደደችው እንደሆነ አታውቅም። አበባና ቸኮሌት ስለላከላት "ስለ እኔ ደጋግሞ ያስባል" አለች። ስጦታዎቹ ወደ ማረ^ጃ ስፍራው መውሰጃ እንደ ሆኑ አላወቀችም። "ነፃ ሰው ነው" ትላለች። የወ^ሲብ ቀልድ የሚቀልድላት ለእቅዱ እያመቻቻት እንደሆነ አይገባትም። ናቲ ያደረገላትን ሁሉ አድርጌላት ነበር። ዋጋ አልሰጠችውም እንጂ ስጦታዎች አዝንቤላታለሁ። ቀልዶቼ በፊቷ ሞገስ ባያገኙም ላስቃት ሞክሬያለሁ። አድማጭ መስዬ ባልታያትም የምትነግረኝን ሁሉ ከልቤ ስመዘግብ ኖሬያለሁ። ልፋቴ ሁሉ "ንፁህ ጓደኛዬ" የሚል ማዕረግ ነው ያስገኘልኝ። "እንደ ወንድሜ የማይህ ጓደኛዬ ነህ" ትለኛለች። ናቲ አስመሳይ መሆኑን ልነግራት ሳስብ ቀደመኝ። ወደ መኝታ ወሰዳት። ብር አምባሯን ሰበረው። ተኝቷት ሲጠግባት ተዋት። ናቲ ሲተዋት ሳሚ ተተካ። "ሳሚ በሃዘኔ ቀን አጠገቤ ነበር" አለችኝ። "ናቲ ሲያስለቅሰኝ ሳሚ እንባዬን አበሰው" አለችኝ። ከሳሚ በፊት ያፅናናኋት እኔ ነበርኩ። ስታለቅስ እንባ ተናንቆኛል። ስታዝን አብሬያት አዝኜያለሁ። "ከሳሚጋ ተሳሳምን" አለችኝ። "እንዴት?" አልኳት። "ናቲ ያደረገብኝን በደል ሁሉ ነገርኩት። ሳለቅስ እንባዬን ጠረገ። በእቅፉ አስገባኝ። አቅፎኝ አለሁልሽ አለኝ። ከዛ..." የቅናት ጦ^ር ወ^ጋኝ። ሳቅፋት ከእቅፌ አልሸሸችም? ስታለቅስ አላፅናናኋትም? አለሁልሽ አላልኳትም? ሳሚ ይተኛታል። እስኪተዋት ድረስ ይተኛታል። ሳሚ እንደሚንቃት አውቃለሁ። "አከብርሻለሁ" ስላላት ያከበራት መሰሏታል። "እወድሻለሁ" ስላላት የወደዳት መሰሏታል። ኮን^ዶም አይጠቀሙም። ፖስት ፒልም አይገዛላትም። ይተኛታል ፥ ይሸኛታል። ከሳሚጋ ከተኛች በኋላ ፋርማሲ ሄዳ ፖስት ፒል መግዛት ያሳፍራታል። "ወ^ሲብ ፈፅሜ እየመጣሁኝ ነው። እንዳላረግዝ መድሃኒት ስጡኝ" ማለት ያሳፍራታል። ሳሚ ይተኛታል፥ እኔ ፖስት ፒል እገዛላታለሁ። ፖስት ፒል ስገዛላት እንዴት እንደተዋሰቡ እያሰብኩ እቀናለሁ። "ንፁህ ወንድሜ ነህ" ትለኛለች። "ጓደኛዬ ነህ" ትለኛች። እንደማፈቅራት ነግሬያት ባላውቅም ማፍቀሬን ታውቃለች። በወደደቻቸው ወንዶች እንደምቀና እያወቀች አትራራልኝም።በገዛ ስልጣኔ ጨክኜ ልርቃት እንደማልችል እያወቀች በስልጣኗ አታባርረኝም... ለምን አታዝንልኝም? By Tesfab Teshome @wegoch @wegoch @paappii

በወጣቶች የተቋቋመ Christ way የሚባል International church ቃል ልካፈል ገባሁ። ሙሉ ለሙሉ ወጣቶች ናቸው። ሙዚቀኞቹ ፣ ሰባኪዎቹ ፣ ዲያቆናት ፣ ዘማሪዎች ሁሉም ወጣቶች ናቸው። በየወንበሩ ተመስጠው በሚፀለዩ ሴቶች ውብት እየተዋከብኩ አንዲት የማለዳ የምንጭ ውሀ የመሰለች ልጅ ጎን ለፀሎት በተነጠፈ ጅባ ላይ ቁጢጥ ብዬ የሚካሄደውን ማስተዋል ጀመርኩ። አንድ ስድስት ሰባት መፅሀፍ ቅዱስ የያዙ ወጣቶች በየረድፉ እየዞሩ ምእመኑ ላይ እጅ እየጫኑ ይፀያሉ። አንዱ በልሳን እያወራ ወደኔ ቀረበ።እጁን ጭኖ ሊፀልይብኝ ነው ገብቶኛል። ባልወድም ልታገሰው ወሰንኩ። ግምቴ ልክ ነበር! "ዛሬ በእግርህ ትሄዳለህ" ሲል ግንባሬን ይዞ ጸለየልኝ። ምን ሆኖ ነው ብዬ ስገረም ድደገመው! In the name Jesus Christ ዛሬ በእግርህ ትሄዳለህ" ወደ ጆሮው ጠጋ ብዬ "አባት ምንም አልሆንኩም እኮ አሁንም መራመድ እችላለሁ" አልኩ። ሊሰማኝ አልወደደም። ሌላኛውም ወደኔ ቀረበ እጁን ጭኖ የልጁን ፀሎት ደገመው። "ሳይታወቀኝ ሽባ ሆኜ ይሆን ወይስ እኚህ ሰዎች ሽባ ሆኜ ታየኋቸው" እያልኩ ግራ ተጋባሁ። ለዚህም ለመጀመሪያው ያልኩት ደገምኩለት።አልሰማኝም። አንዲት ቆንጆ ሴት በከፊል ዓይኗን ጨፍና ቀረበችኝ። ልጂቱ ደስ ስለምትል ደስ አለኝ። ደስታዬን ሳልጨርስ እሷም እጇን ጭና የነሱን ፀሎት ሰለሰችኝ። እጇን ወዲያ ልወረውረው ነበር። ግን የእጇ ልስላሴና ፊት ለፌቴ ድንቅ ያለው ስድር ጡቷ ጸሎቷን ባልወደውም እንዳስጨርሳት አስገደደኝ። ጨረሰች! በንፅህ መንፈሳዊነት ጸጉሬን ዳብሳው "በርታ" ብላኝ ሄደች። ስለሰለቸኝ ወጣሁ! ስወጣ ግን ያየሁትን ነገር ማመን አልቻልኩም። ፀሎታቸው ታወሰኝ። ዛሬ በእግርህ ትሄዳለህ! ልክ ነበሩ ይኸው በእግሬ ሄድኩ! ሳይክሌን ካስቀመጥኩበት አጣሁት!! By Sintayew Addisu @wegoch @wegoch @paappii

መንገድ ላይ የጀበና ቡና የምትሸጥ ሴት ማፍቀርኮ ችግር የለውም። ችግሩ ፉክክርህ ከግንበኛ፣ ከተራ አስከባሪ፣ ከአናፂ ምናምን ጋር ነው። የማስተርስ ዲግሪ ሰርቼ...ስምንት አመት ሙሉ የባንክ ስራን ቀጥቅጨ...ያሰብኩትን ሁሉ ጨብጬ...የአልማዝ ልብ ግን ከመንገድ ወያላዎች ለይቶ አያዬኝም። «የሴት ልጅን ልብ የሚያሸንፈው ያልተጫወተ ነው» የሚለው የእማዬ ምክር እዚህ ላይ አይሰራም። በኑሮ ሰባት እጥፍ የምበልጣቸውን ሰዎች በምላስም በልጨ መገኘት አለብኝ። ችግሩ መሰሎቼ ስላልሆኑ ያ ባለጌ ሽመልስ እንደ ኮሜዲያን የሚታይበት ዳስ ውስጥ የኔ ቀልድ እጅ እጅ ይላቸዋል። አንዳንዶቹማ እያወራሁ በፈጠጣው አቋርጠውኝ ሁላ ሌላ ወሬ ይጀምራሉ። ሽመልስ ማውራት ሲጀምር ግን አልሚ ራሱ ቡና መቅዳቷን ቆም ታደርጋለች (ስትስቅ እንዳያስደፋት መሆኑ ነው። ገና ሲጀምር እንደሚያስቃት እርግጠኛ ነች።) እኔ በበኩሌ ከሚያሰቀው ነገሩ ብልግናው ስለሚበዛብኝ ሁሌ እንደተሸማቀኩ ነው። «አባቴ 'ሽመልስ' ያለኝ ከበቶቼን የሚጠብቅ እረኛ ተወለደልኝ ብሎ ነው። እኔ ደግሞ የህይወቴ ጥሪ ከዚህም በላይ ነው ብዬ ጠፍቼ መጣሁ። እረኝነት እጣፈንታዬ እንደሆነ የገባኝ ግን እዚህም መጥቼ መኪና ሳግድ ነው!» «ታዲያ የትኛው ተሻለህ...የከተማው ወይስ የገጠሩ እረኝነት?» ይለዋል አንዱ ሰው መስሎት። «ተመልሼ መግቢያ የለኝም እንጂ የገጠሩ ይሻለኝ ነበር። እዛኮ ቢያንስ ሲደብረኝ አህያ እበ*ለሁ!» ብሎ በሰላሳ አመት የሰበሰብነውን ቀልብ ይገፈዋል። የፈለገው እንስሳ ጋር ሴክስ ማድረግ ይችላል...እሱ የኔ ጉዳይ አይደለም። ችግሩ ምንም የመጀናጀኛ አየር እየሰጠኝ አይደለም። እሱ ባለበት አይደለም መጀንጀን ወሬ መጨረስ ራሱ አልቻልኩም። «ባለፈው መኪናዬ ስታክ አድርጋብኝ...» ብዬ ስጀምር «አይይ!... አሁን እዚህ ማን ስለመኪና ያውቃል ብለህ ነው?» ብሎ ያናጥበኛል። «የተፈጥሮ አድናቂ ነኝ።» ብዬ ረጅም ሳክስ ስጀምር «ቡና በስኳር እየጠጣህ የተፈጥሮ አድናቂ ነኝ ብትለኝ አላምንህም» ብሎ ባጭሩ ይቀጨኛል። አሁን አሁን ገና ከሩቅ ሳዬው እንደ ስፔን ኮርማ ተንደርድሬ ልወጋው ሁሉ ያምረኛል። ወዲያው ከሀሳቤ ብንን ስል ፍቅር የት ድረስ እንዳወረደኝ አስብና እገረማለሁ። እንዲህ አብሮ መዋል ሳያናንቀን በፊት በፊት ሽመልስ ይመቸኝ ነበር። መኪናዬን ይዤ ስመጣ ቆንጆ የፓርኪንግ ስፓት እንዳገኝ ይረዳኛል። የሆነ ቀን ከመኪናዬ ሳልወርድ «እስኪ ቡና እዘዝልኝ» አልኩት። አንዲት ቀይ ልጅ የጀበና ቡና ይዛ መጣች። ከቡናዋ ጋር ምን እንዳቀመሰችኝ አላውቅም ከዛ ቡኃላ ልክ አይደለሁም። ፈገግ ስትል ብቅ የሚለው የተነቀሰ ድዷ አብስትራክት ስዕል ይመስል በየ ደቂቃው የአንገቴን አቅጣጫ እየቀየርኩ አየዋለሁ። ፓንቷ ውስጥ ሻጥ አድርጋው የምትሔደው ሺቲ በተንቀሳቀሰች ቁጥር በዳሌዋ ሲያስገለምጠን ይውላል። ስትስቅ ድዷ...ስትራመድ ዳሌዋ! እህህ ሁኗል የኔ ኑሮ! ታዲያ እኔ እሷን...እሷ ደግሞ ሽመልስን እንደምትወድ ለመረዳት ብዙ አልፈጀብኝም። በብልግና ቀልዱ መሳቅ ብቻ አይደለም...ጭራሽ «ብልግናቸውን የማይደብቁ ሰዎች ጨዋ ነው የሚመስሉኝ» ብላ ልትደግፈው ትሞክራለች። ፍቅር የሚባለው የበሽታ አይነት ሲይዝ መጀመሪያ የሚያጠቃው መለኪያ ሚዛንህን ሳይሆን አይቀርም። ለኔ አልማዝን አለም ላይ የትም መገኘት የማትችል እንቁ አድርጎ ያሳዬኛል። ለሷ ደግሞ ሽመልስን አርብ ሮብ የሚፆም ጨዋ አድርጎ ያሳያታል። ቢሆንም...ቢሆንም! እሷን የመጥበስ እድሌ ተንጠፍጥፎ እንዳላለቀ ይሰማኛል። አንድ ጧት እንደመጣሁ አምስት መቶ ብር የሻይ ሰጠሁትና ራቅ ወዳለ ሰፈር ላኩት። አልሚን ብቻዋን አገኘኋት። «የሆነ ቆንጆ ሬስቶራንት አለ። ዛሬ የሚመችሽ ከሆነ ራት ልጋብዝሽ!» አልኳት...ስለማመድ የዋልኩት ይሔ መሆኑን ለራሴም ማመን እያቃተኝ። «ውይ ደስ ይለኝ ነበር። ግን ዛሬ አክሴቴ ከገጠር ትመጣብኛለች። ወይ ሌላ ቀን እናድርገው?» «ኧረ ችግር የለውም። ያን ያህል አንገብጋቢ ነገር አስመሰልሺውኮ!» ከረባቴን አላላሁትና መልሼ አጠበኩት። ተነስቼ ወጣሁ። ደሜ ፈልቷል። ውስጤ አላመናትም። ሽመልስ እንደመጣ «ዛሬ የት ነህ? ከስራ ስወጣ ለምን አንድ ሁለት እንልም?» አልኩት። «ውይ በጣም ደስ ይለኝ ነበር። ግን ዝናቡን እንደምመጣ ቃል ገብቼለታለሁ!» አለ የሰጠሁትን ብር አገላብጦ እያዬ! አያውቅም ብሎ ስም እየፈጠረ እንደሆነ ገብቶኛል። «ዝናቡ ዝናቡ?» «ዝናቡ ይሔ ባለፈው 'ቶሎ ባይነሳ አፉ ላይ ያለው የጠጅ ሽታ ሊያሰክረኝ ነበር' ብለህ የቀለድክበት» እውነት ለመናገር ሊያስመልሰኝ ነው የነበረው። «አስታወስኩት! ታዲያ ለምን እኔ እናንተ ጋር አልመጣም?» «ኧረ አይሆንህም!» «ግዴለም! ይልቅ ቆንጆ ጠጅ ቤት ውሰዱኝ!» ሳይመልስልኝ ጥዬው ገባሁ። ከስራ እንደወጣሁ ባኮረፈ ፊት ይዞኝ መሔድ ጀመረ። ጠጅ ቤት ከገባን ቡኃላ ከሁሉም ተነጥለን የራሳችንን ወሬ ለመጀመር ሁለት ብርሌ ነው የፈጀብን። ያለ ሰበብ እንዳልመጣሁ ገብቶታል። «አልሚን ትወዳታለሀ?» አለኝ ሌሎች እንዳይሰሙን እየተጠነቀቀ! በጥያቄው አልተገረምኩም። «ፍቅር የሰው ልክ አያውቅም ወዳጄ። ያንንም ያንንም ሲጨብጥበት በቆየበት እጁ ነው የሚጨብጥህ! መጨበጡን እንጂ ማንን እንደጨበጠ አያውቅም። እውር ነው። የሚመመራን ግን እሱ ነው። የምለው ገብቶሀላ?» «ይሔ ቢገባኝ የመኪና እረኛ ሁኜ እቀር ነበር ብለህ ነው?» «ልልህ የፈለኩት ፍቅር ደረጃ የማይለያይ ደጋሽ ነው። የመኪናውን ባለቤት ከመኪናው እረኛ ጋር ጠጅ ያስጠጣል!» ፈገግ አለ። «ተውልኝ ልትለኝ እንደመጣህ ገብቶኛል። እኔም ልልህ ነበር።» «እና ለምን አላልከኝም?» «ትርፉ ድካም ነው። እሷ የምትወደው አንተን!...ለምን ጊዜዬን አባክናለሁ?!» ከስካሬ ነቃ አልኩ። «እኔን እንዳጫዋች ነው የምታዬኝ። አንተ ስትመጣ ግን ያለባህሪዋ ቆጠብ ትላለች። እንድትወዳት ለማድረግ ትጥራለች። እኔ ምንም አይነት ሰው ብሆን ለሷ አይን አልሞላም።» እንባ አቀረረ። ይሔን ንግግር እኔ ቀድሜው ባለማለቴ ደስ አለኝ። «ይገባኛል ስሜትህ» አልኩት ውስጤ እየተፍነከነከ። ፊቴን ያዘንኩ ላስመስል ሞከርኩ ግን አልቻልኩም። የሚታየኝ የአልሚ ቀሚስ ውስጥ ገብቼ አሸሸ ገዳሜ ስል ነው። ወዲያው ጥግ ላይ የነበረው ዝናቡ እየተንገዳገደ ተነስቶ ወደኛ መጣ። «አንድ ሁለት መቶ ብር አላችሁ አንዴ?» አለን «ለምንህ?» «አሁን አይደል እንዴ ትዝ የሚለኝ? ለካስ ያቺን ቅንዝራም አልማዝን ቀጥሬያታለሁ! ህእ!» ሁለታችንም ደንዝዘን ቀረን። ደመናውን ሳናዬው ዝናቡ ከዬት መጣ? ሰማይ ሳያስገመግም መብረቁ እንዴት መታን? ብሩን ተቀብሎን ሲወጣ ባለማመን እናየዋለን። በሩ ላይ ሲደርስ ዞር ብሎ «ጠጅ እስቀምጡልኝ! ጠቅ ጠቅ አድርጊያት እመለሳለሁ» አለንና በሁለቱም አይኑ ጠቀሰን። በህመም ስሜት አይናችንን ጨፈንን። "የሴት ልጅን ልብ የሚያሸንፈው ያልተጫወተ ነው!" ፨፨፨ By Mickel Azmeraw @wegoch @wegoch @paappii

ታክሲ ውስጥ ስለገጠመኝ ሰውዬ እያዋራኋት ነው። በጣም ስላሳቀኝ መስማት እንዳልፈለገች እያወቅኩ ነው የማወራት። ለንቦጯን ብትጥልም በጨዋታው ላይ ስለተማመንኩ ወሬዬን ቀጠልኩ። ረዳቱ «ለህፃኑም ትከፍላለህ!» ሲለው ሰውዬው «አልከፍልም» ይላል! «ትከፍላለህ!» «አልከፍልም!» «ካልከፈልክ ወንበር አይዝም።» «ይይዛል!» «ከያዘ ክፈል!» «አልከፍልም!!» «ካልከፈልክ እቀፈው?!» «ይከብደኛል!» እኔ 😂 እሷ 😑 «በቦታው ብትኖሪ በጣም ነበር የሚያስቅሽ» አልኩ ሀፍረቴን እያፋፈስኩ። «ብታይ ረዳቱ ራሱ ሰውዬው እንደዛ ሲል ዙሮ ሁላችንም አዬን...የታክሲው ሰው እንዳለ አፍሮ ዝም አለ...እኔ ነኝ ያቃተኝ...'ቡፍፍፍ' ብዬ መሳቅ ስጀምር ሁሉም ያፈነውን ሳቅ ለቀቀው። ታክሲዋ በሳቅ ተሞላች! ሰውዬው ስንስቅበት የተናገረው እሱም ገባው መሰለኝ እንዴት ሽምቅቅ እንዳለ!» የሆነ ሰው ዝም ብሏችሁ ምን እንደምታወሩ ግራ ገብቷችሁ ያውቃል? «ላገባ ነው!!» ያስገርመዋል ብላ ያሰበችውን ያህል አልተገረምኩም። ያዘዘኩትን ውሀ ጎንጨት ብዬ ወሬዬን ቀጠልኩ! መጠዬቅ ፈርቼ ነውጂ I know something was off ሰሞኑን! «ብር አለው?» «አዎ።» «እድሜውስ?» «ምራቁን የዋጠ» ሳይታወቀኝ ምራቄን ዋጥኩ። ምራቁን የዋጠ ስንት አመት ማለት ነው? «ስታይው ተመቸሽ?» «መጥፎ አይመስለኝም» የመጀመሪያ ቀን አብረን ያደርን ለታ «መጥፎ አይደለህም» ያለችኝ ትዝ አለኝ። «ሽማግሌ ተላከ?» «አዎ» «ደስ ይላል!» «እእእ» ከአንድ አመት ፍቅረኛህ ጋር እንደዚህ ማውራት ህልም ይመስላል። ነገር ግን ሁለታችንም በውስጣችን መቼም እንደማንጋባ እናውቅ ነበር መሰለኝ አልከበደንም። ተነስታ ስትሔድ ልቤ ውስጥ የሆነ ሸርተት የሚል ሀዘን ተሰማኝ። አለ አይደል የሆነ የበረዶ ግግር ግምስ ብሎ ወደታች ሲወርድ? ልክ እንደዛ! ምን እንደሆነ አልገባኝም! እንድንጋባ ስንቴ ለመነችኝ! እኔም ለመጀመሪያ ጊዜ «ይቺ ልጅ አንድ አራት አመት ከታገሰችኝ አገባታለሁ» የሚል ሀሳብ በልቤ ሽው እንዲል ያደረገችው እሷ ናትና እንድትቆይ ፈልጌ ነበር። አልሆነም እንጂ! «እኔ እና አንተ ብንጋባ ነበር ትክክለኛ የአብረሀም እና የሳራ የሚሆነው» «እኔ ከሰራተኛችን ስለምወልድ?» «ስነስርዓት ይኑርህ እሺ! ባለጌ! እሱ እኮ ተገዶ ነው ያን ያደረገው» «ታዲያ ምናለበት ትዳራችሁ የአብርሀም እና የሳራ ይሁን መባሉ ቢቀር?» «ቆይ አንተ ግን ራስህን ፈልገህ ሳታገኝ ጌታውን ፈልጎ ያገኘውን አብርሀምን ልትተች ስትነሳ ትንሽ አይከብድህም?» እንዲሁ ልክ ልኬን ስትነግረኝ ነበር ድስቴ እንደሆነች ግጣሟ እንደሆንኩ የሚገባኝ። አልሆነም እንጂ። ገና እግሯን ሳዬው ነበር ያፈቀርኳት። እግሯ የምታምር ሴት ለትዳር የምትሆን ይመስለኛል። ለኔ ውስጣዊ ውበት ማለት የእግር ውበት ነው። እግሯ የሚያምር ሴት መርዛማ መሆን የምትችል አይመስለኝም። ቆንጆ እግር ክንፍ ነው...መለአክ ያደርጋቸዋል። እኛ ስንራመድ እነሱ ይበራሉ። ታዲያ አንድ ቀን በዚህ ክንፍ እንዳትበርብኝ እሰጋ ነበር። «ምን እንደሚያስለቅሰኝ ታውቃለህ?» አልኩት ግሮሰሪ ያገኘሁትን ስትሬንጀር! «ምን» አለኝ ብቻዬን ተወኝ በሚመስል ቅላፄ «እሷን ማጣቴ ምንም አልመሰለኝም። የሚያስለቅሰኝ የኔ እንዲህ ሁኖ መቅረት ነው። አይኔ እያዬ ሶስት ሴቶቼ ጥለውኝ ወደ ትዳር ገቡ። ሶስት!» ያወጣኋቸው ጣቶች ሶስት መሆናቸውን ለማረጋገጥ ደግሜ አየሁት። ሁለት ናቸው። አንዱን ጨመርኩት። «እ» አለኝ! «እ» አባባሉ እሽ ቀጥል ሳይሆን 'እ' ን የተደገፋት ነው የሚመስለው እእእእ አይነት! ገብቶኛል በቃ ተወኝ መሰለኝ የሚለው። ተናደድኩና ዝምብዬ መጠጣት ጀመርኩ። ዝም ስል እንዳኮረፍኩ ገባው መሰለኝ በጥፋተኝነት ስሜት ሊያዋራኝ ሞከረ። «ታፈቅራታለህ?» «እእእእ» «ይሔን ያህል ከፈለካት ለምን አታገባትም?» «አላገባም» «ግዴለህም አግባት!» «አላገባም!» «ስለዚህ ሌላ እንድታገባ ትፈልጋለህ ማለት ነው?» «አልፈልግም።» «እንደዛ ካልሆነ አግባታ?!» «አልችልም።» የጧቱ ሰውዬ አባባል አሁን ገና ነው የገባኝ። ክፈል...አልከፍልም...ካልከፈልክ እቀፈው...ይከብደኛል። ለካስ ከውጭ ሲታይ የሚያዝናናው ሁሉ ከውስጥ ህመም ነው። ሌላ ታግባ...አልፈልግም...እንደዛ ከሆነ አግባታ....አልችልም። አብሮኝ የሚጣጠው በውዝግቤ ተገርሞ ይስቅብኛል። የሚሰማኝ ግን ያንን አባት ስስቅበት የነበረው የራሴ ድምፅ ነው። ከህይወት ክብ ወዴት ይመለጣል? By Mickel Azmeraw @wegoch @wegoch @paappii

መሀመድ ጠዊል (ራስታው) [ ልዑል ዘወልደ ] [ 1 ] ልጅነቴን ከማስታውስባቸው ዘፋኞች አንዱ ነው ፤ መሀመድ ጠዊል ። ፀጉሬ ምኔ አድጎ እንደሱ ባወዛወዝኩ የምልባቸው ጊዜያት ነበሩ ። ሀሙስ ማታ do'ii sirbaa ላይ አይረሳም ። አላህን ሲል ሙዚቃን ትቶ በተውበት ከመመለሱ በፊት (አመታት ይሆነዋል) ባዛር ላይ ለመጀመሪያ ግዜ አየሁት ። ከካናዳ ይመስለኛል ፥ ብቻ ከረጅም ግዜ የውጪ ቆይታ መመለሱ ነበር ። ሲዘል ፥ ሲቦርቅ መድረክ ጠባዋለች ። በሚገርም ጉልበትና ሞራል ሶስት ዘፈኖችን አከታትሎ ዘፈነ ። ከሶስተኛው ዘፈን በኋላ ፥ ተወዳጇ ዘፈን መጣች "ሲ...ሲ" ፤ ይሄኔ ፥ ህዝቡም ማሜም አልቻሉም ፤ ታ...በ...ደ... ። ማሜ ይባሱን ወደ ህዝቡ መሀል ተወረወረ ። ጋርዶቹ ለአመታት የተነፋፈቁትን ህዝብና አርቲስት ለመለየት አልሆነላቸውም ። ለዘመናት ከተለየው ህዝብ ጋር ተቃቅፎ ተፋፍጎ ጨፈረ ። በመጨረሻም ፤ እወዳችኋለሁ ! ብሎ በእጁ ስሞን ተሰናበተ ። ቀጣይ መድረኩን የያዘችው ዘፋኝ ተስረቅራቂዋ ፍቅር አዲስ ነበረች ። የሆነ እንጉርጉሮዋን ጀምራ ድምጿ ወደላይ አቅጥና እያወጣች ሳለ ድንገት ማይክ ከአፏ ተመነተፈች ... (አለ ማይክ) ... ም...ሰ...ክ...ር ! ሃሃ ባንዱ እርሷን ተከትሎ ማጀቡን በድንገት አቆመ ። መድረኩም ፀጥ ሲል ሰውም ረጭ አለ ። ሁሉም በያለበት ተደናግጧል ። እንደምንም ፥ ማይኩን የቀማት ሰው ለየን ። ከርሷ በፊት ሲዘፍን የነበረው ፥ መሀመድ ጠዊል ነበር ። ሁሉም እያየው ነው ፤ በሆነ አስተያየት ፥ ይሄ ሰውዬ በቃ አልጠገበም ማለት ነው ሃሃ ... ፊቱ ግን እንደቅድሙ ልክ አልነበረም ። ጭራሽ ፥ በተጎማዘዘ የለቅሶ ፊት መድረኩ ላይ ተንበረከከ ። ምን ሊለን ነው ብለን ስንጠብቅ ... - ዋሌቴን እሺ ውሰዱት ! በአላህ ፓስፖርቴን ? ሃሃሃ @wegoch @wegoch @paappii

‎ሰራተኛ እያፈላለኩ በደላላ አንዲት  ልጅ አገኘው ‎ ‎አንገቷን እንደደፋች "ጋሽዬ እኔ የስራ ሆነ የሙያ ችግር የለብኝም ብቻ ‎ስራ እንዳልቆይ ተደግሞብኛል ፤ ሰርቼ እንዳልለወጥ አሰርተውብኛል" ምናምን ብላ ዘበዘበች ‎ ‎ ‎"ብሎ ነገር የለም እኔ ተረት ተረት አልወድም ድግምት ምናምን የለም " ብዬ ካለችው አምስት መቶ ብር ጨምሬ ቀጠርኳት ‎ ‎21 ቀን እንደሰራች ‎አንዴ ‎ ‎ጠረጴዛዬ ላይ አንገቴን ደፍቼ እየፃፍኩ አንድ ሶስቴ ስጠራኝ አልሰማ ብያታለሁ መሰለኝ ‎"ምን አባህ ይዘጋሃል ብላ" ‎ይዛው በነበረው ፔርሙዝ  አናቴን አለቺኝ ‎ ‎ተጮኸ። I think እኔ ነኝ የጮህኩት ‎ጎረቤት ተሰበሰበ ‎መቼ ፣ ማን እንደመታኝ በደንብ ያወቅኩት ከሁለት ቀን በኋላ ነው ‎ ‎መንፈስ ፣ ድግምት ፣ ተተብትቦብኛል የሚለኝ ሰው ሲገጥመኝ የጀመረውን አረፍተነገር ሳይጨረሰው ነው የማመልጠው ‎ ‎የሻሼን ፍንክት የቀመሰ ሰው በዚህ ነገር አይፈላሰፍም 😁 By Adhanom Mitiku @wegoch @wegoch @paappii

የቀድሞ የአርጀንቲና እና የቺሊ ብሄራዊ ቡድን አሰልጣኝ ሆርጌ ሳምፓሊ 🗣️: "ከእለታት አንድ ቀን ምሽት ላይ አንዲት ቆንጆ ሴት ጋር ወደ ቡና ቤት ሄድኩ። ለብዙ ሰዓት አብረን ተቀምጠን በጣም ብዙ ነገር አወራን። ስለ እራሴ የዋህ እና ደግ እንደሆንኩ ነገርኳት። ስለ ህይወቴ በደንብ አወራኋት። ከእሷ ጋር በጥልቀት ለመተዋወቅ ፈልጌ ነበር። ለጠጣነው መጠጥ እንኳን ከፍዬ ነበር።" "በዚህ ጊዜ አንድ መልከ መልካም ሰው መጥቶ ከጎናችን ተቀመጠ። ለአምስት ደቂቃ ያህል ካወራት በኋላ ነይ አላት። እሷም ምንም ሳታቅማማ ተነስታ ሄደች። በቀጥታ ወደ መጸዳጃ ቤት ወሰዳት እና ወሲብ ፈጸሙ።" "ከዚያች ምሽት ጀምሮ የኳስ ቁጥጥር ብልጫ መውሰድ ወይም ኳስ መቆጣጠር በህይወት ውስጥ ምንም እንደማይጠቅም ተገነዘብኩ።" @wegoch @wegoch @paappii

አንድ ጓድኛዬ የሁለት አመት ፍቅረኛው ታማበት ፀበል ነገር ይዟት ይሄዳል ወደ ገዳም! እንደወሰዳትም "አንተ የseyጣን ነገር ነው  መለፍለፍ  ጀመረች ሳምንት እንቆያለን" ብሎ ደወሎ አሳወቀኝ! በመጨረሻም በሳምንቱ ከፀበል መመለሱን ነገሮኝ  እንገናኝ ብሎኝ ተገናኝን... ያው እኔም እንዳገኘውት እንዴት ሆነች ተሻላት ወይ ምናምን ብየ ጠየኩት! "አዎ!...ግን  የሷን ነገር አታውራብኝ " ምናምን አለኝ ነገሩ ግራ ሲገባኝ ምን ተፈጥረ? ምናምን ስለው ...መለያየታቸውን ነገረኝ! ግራ ገብቶኝ የታመመች ልጅ ወስደህ ፀበል  አስጠምቀሃት (seytan ኬዙ ሲሻላት ) ለምን ተለያያችሁ?... ስለው እሱም ቀጠለና "ባክህ ከፀበል ስንወጣ 'ይቅርታ መለያየት አለብን አለችኝ! ራሷ...'  እኔም ደንግጨ ለምን ? ስላት ...'አንተን የሚያፍቅርህ እኔ አልነበርኩም ሰይጣኑ ነበረ " አትለኝም መሰለህ"....ብሎ ነገረኝ .... By Jah mac @wegoch @wegoch @paappi

እየመጡ ነው! (አሌክስ አብርሃም) ቦሌና መገናኛ ጫማ ልትገዙ ስትሄዱ ድንገት አግኝታችሁት እንዳትደነግጡ ከወዲሁ ልንገራችሁ። የቻይናው ብሔራዊ የሕክምና ምርቶች አስተዳደር NEO (Neural Electronic Opportunity) ጭንቅላት ውስጥ የሚቀበር ቺፕ ለገበያ እንዲውል በይፋ ፈቅዷል። በዓለም ላይ ለመጀመሪያ ጊዜ የጭንቅላት ውስጥ ቺፕ የንግድ ፈቃድ ተሰጠ ማለት ነው። (እንደፈራነው) ጦቢያዊያን ለአመታት ችብስ 666 ...ስንለው የነበረው ጉዳይ ያው እየመጣ ነው። ነገ እንደጥርስ ማስታወቂያ በተወሳሰቡ የህክምና ቃላት ታጅቦ "አስመጥተናል" የሚል ማስታወቂያ መነገሩ አይቀሬ ነው። ለጊዜው ለአካል ጉዳተኞች ረዳትነት ብቻ ይውላል ብለዋል። ያው አንድ ነገር ከተመረተ በኋላ የቴክኖሎጅውን ፍጥነት በስልክ ማየት ነው። ዝርዝሩ ይቅርብን ግን ኤሎን ማስክ 'Neuralink' ብሎ የጀመረውን ፕሮጀክት ቻይናወቹ ቀድመው ለገበያ አውለውታል።የሆነ ቀን ቱርክ ፀጉር ከቱርክ አንጎል ከቻይና አሰገጥመን ሸገር ላይ እንግሊዝኛውን ልናዶለዱለው እንችላለን። ችግሩ ሀክ ሊደረግም ይችላል የሚል ስጋት መኖሩ ነው። አስበሽዋል እናት የሰርግሽ ቀን የባልሽ አንጎል ሃክ ቢደረግ? ወጩ ጋር ተዳምሮ... @wegoch @wegoch @paappii

የጠቋር ሚስት ጓደኛዬ አዲስ ሙሽራ ነው። ገና ስድስት ወሩ ነው ካገባ። የሆነ እሁድ ጠዋት ልጠይቃቸው ቤታቸው ስሄድ ይሄን ገንገበት ጓደኛዬን ባለቤቱ “ዳዲ” እያለች ስትጠራው ሰማሁ። ተወልዳ እስክታድግ በአንድ የአምበሳ ቆዳ ጫማ እየዳከረ ያሳደጋትን የአባቷን ስም እንደቀልድ ለስድስት ወር ባሏ መስጠቷ ግርም አለኝ። አጎቴ "ሴትና የቀበሌ ቤት የኔ ነው አይባልም" የሚለው እውነት ሳይሆን አይቀርም። ቤታቸው የሄድኩት እሁድ ጠኋት ስለነበር “ቸርች ልንሄድ ስንል መጣህ” ብለው አብረን ካልሄድን አሉኝ። ላለመሄድ ብሞክርም ባለቤቱ ቆጣ ብላ “ኖህ! ወደድራፍት ቤት እንሂድ ቢሉህ መች እምቢ ትላለህ? በል ተነስ” አለችኝ። ይሄ ግምብ ራስ ባሏ ድራፍት እንደምወድ ነግሯታል ማለት ነው። ሰነድ መሻሻጥ ተጀመረ? ብዬ እያመነታሁ አብሬያቸው ሄድኩ። የወሰዱኝ ቸርች አንድ ነብይ የሚያገለግልበት አዲስ የፕሮቴስታንት ቤተክርስቲያን ነው። ጓደኛዬ ባለቤቱ በቅርቡ ጌታን እንደተቀበለች ነግሮኛል። ገና ውስጥ ገብተን አረፍ እንዳልን በከፍተኛ ድምፅ እየጮኸች ትፀልይ ጀመር። “ጌታ ሆይ ለዚህ አብሮን ለመጣው፣ ነፍሱ በሃጢአት ለታሰረችው ጎስቋላ ወንድሜ ዛሬ ድረስለት” ስትል ደነገጥኩ። ጭራሽ ስለኔ ነው ፀሎቱ? “ጌታ ሆይ” አለች ጭራሽ ተንጠራርታ እጇን ትከሻዬ ላይ ጭና። ድምጿ እየጨመረ ነው “ጌታ ሆይ፥ ዛሬ ስለዚች ነፍስ እፀልያለሁ ...” አለች። {እቺ ነፍስ የተባልኩት እኔው ነኝ} “ዛሬ እቺ ነፍስ ከስካርና ከሃጢአት ቀምበር እንድትላቀቅ እፀልያለሁ፥ እቺ ነፍስ ዛሬ ከዝሙትና ጌታ ከማይከብርበት የሃጢአት ልምምድ እንድትፈታ እፀልያለሁ” ስትል ቀና ብዬ ምእመኑን አየሁ። እኛ አጠገብ ያሉ ምእመናን ሁሉም ወደኔ እጃቸውን ዘርግተው ይፀልዩልኛል። የት ልግባ? ጭራሽ በሰው ሁሉ ፊት ሰካራም ነው። ያመነዝራል። ትበለኝ? ለምን አንደኛዋን የቲክቶክ ቪዲዮ አትሰራብኝም? ዞር ብዬ ጓደኛዬን ሳየው ሳቁን አፍኖ በቆረጣ ያየኛል። በስጋ ብገለጥበት ደስ ባለኝ። እሱ ነው አብረን በነበርን ግዜ ምንሰራውን ነገር ሁሉ ዘክዝኮ ነግሯት የሰው መሳቂያ ያረገኝ። የተወሰነ ቆይቶ ነብዩ ወደመድረክ ወጥቶ ፀሎት ማድረግ ጀመረ። ቤቱ ፀጥ አለ። አንዳንድ ሰዎች ብቻ በየመሃሉ አሜን ይላሉ። እሱም ትንሽ ከፀለየ በኋላ ... “የጌታ መንፈስ ጅብ ጋላቢ መንፈስ ያሳየኛል” አለ። የዚህ ግዜ የጓደኛዬ ሚስት ዞር ብላ አታየኝም መሰላችሁ? ምናባሽ ላርግሽ? ብላት ደስ ባለኝ። አንተ ነህ ለማለት ፈልጋ ነው? ይሄ የተረገመ ልጅ ጅብም ይጋልባል ብሏት ይሆን እንዴ? ነብዩ ቀጠለ። “በጉባኤ ውስጥ አንድ ሰው ይታየኛል። ቤተሰቦቹ ቃልቻ ነው ሚያመልኩት። እሱንም በልጅነቱ በአጋዘን ደም ያጥቡት ነበር። ዋናው የአጋንንቶች አለቃ ይጠቀምበታል” ሲል በሃዘኔታ እንደገና ዞራ አየችኝ። አረ እቺ ሴትዮ ለምን አትፋታኝም? እያልኩ ፀሎቱን መከታተል ጀመርኩ። ነብዩ ወደኔ አካባቢ ፍጥጥ ብሎ ካየ በኋላ ከመድረክ ወርዶ ቀጥ ብሎ መጣ ..... አሁንስ እኔም ፈራሁ። ስለኔ ነው እንዴ ሚያወራው? የሚል ሃሳብ ውልብ አለብኝ። ምናልባት ነፍስ ሳላውቅ ቤተሰቦቼ እንዳለው በአጋዘን ደም አጥበውኝ ይሆን እንዴ? መቸስ ሰው ማመን ከባድ ነው በዚህ ዘመን ምናምን እያልኩ ሳስብ ነብዩ አይኑን አፍጥጦ ቀጥ ብሎ እኛ ወዳለንበት መጣና እጁን አንስቶ....... የጓደኛዬ ሚስት ላይ ሲጭን ከተቀመጠችበት ወምበር ሁለት ሜትር ወደላይ ነጥራ መሬት ላይ ተነጠፈች። እግዚኦ ማህረነ ክርስቶስ። ምን ጉድ ነው? በኔ ሲስቅ የነበረው ጓደኛዬ ሚስቱ እንደዚያ ስትሆን ሲያያት ክፉኛ ደነገጠ። እኔም ምን መጣ ብዬ አንዴ ነብዩን አንዴ እሷን ማየት ጀመርኩ ነብዩ “ዋናው መንፈስ ተያዘ!” ሲል ጉባኤው በጩኸትና በጭብጨባ ተሞላ። ከዚያማ ያቺ ድምፀ ለስላሳዋ የጓደኛዬ ሚስት በሙላቱ አስታጥቄ ድምፅ ትለፈልፍ ጀመር “ተቃጠልኩ! አረርኩ!” “ማነህ?” አለ ነብዩ “ጠቋር ነኝ” “ተናገር የት ነው የያዝካት?” “ባሏ ነኝ። ከልጅነቷ አሳድጌ ነው ያገባኋት” አለ ሴጣኑ። ጓደኛዬን አየሁት ሚገባበት ጠፍቶታል። “ጭራሽ የሌላ አካልን ሚስት ነው ያገባሁት?” የሚል ይመስላል። አጋንንቱ ጭራሽ ወደሱ አፍጥጦ “አጠፋሃለሁ አንተ እርጉም ሚስቴን ነጠቅከኝ” እያለ መጮህ ጀመረ። ቺት አድርጋበት መሆኑ ነው። ጓደኛዬ እንዲሁም ፈሪ ነው ጭራሽ አሁን ከሰይጣን ጋር የግል ፀብ ውስጥ በመግባቱ ያልበው ጀመር። ያቺ መላአክ የመሰለች ሚስቱ ጭራሽ አይኗን አፍጣ በወፍራም ድምፅ ዛቻዋን ቀጠለች። “ወንድወሰን ደበበ ጊሚራው” አለችው ሌባ ጣቷን ወደሱ ጠቁማ። {ዳዲ ቀረ በቃ} ነብዩ ዝም ብሎ ያያል። “አንተን ካላጠፋሁ እኔ ጠቋር አይደለሁም” አለ መንፈሱ። ጓደኛዬ እንባ ተናነቀው። በሆዱ "Who TF did i marry?" እያለ ነው “ብዙ ግዜ በተኛህበት በገጀራ እንድትሰነጥቅህ አቅጄ ነበር። ዛሬ ይሄ ነብይ ቀደመኝ” እያለ ማጓራት ጀመረ። ጓደኛዬ እንባውን በአራት መንታ አወረደው። ምን ውስጥ ነው የገባሁት? የሚል ይመስላል። ብቻ አጋንንቱ ከነብዩ ጋር ውጣ አትውጣ እያለ ሲታገል እኔ እንደምንም ሾልኬ ወጥቼ ወደቀበሌ ጃምቦ ቤት ሮጥኩ። ከአዳራሹ ወጥቼ ጥቂት እንደሮጥኩ ሩጫዬን አቀዘቀዝኩና ወደኋላዬ ስዞር ጓደኛዬ ኮቱን ጥሎ በሩጫ ወደኔ ይመጣል። አጠገቤ ሲደርስ እያለከለከ ቆመና “ወዴት ነው ጥለኸኝ ምትሮጠው” አለኝ “እንዴ አንተስ ሚስትህን ጥለህ ወዴት ነው?” ስለው “አፍህን ዝጋ” ብሎኝ አብሮኝ ወደግሮሰሪ አመራ። አሁን ሰባተኛ ጃምቧችን ላይ ደርሰናል። “እኔ ግደሉኝ እንጂ ያቺን ሴት አምኜ እዛች ቤት አላድርም” ስላለ ተሰብስበን ወደቤቱ እንዲሄድ እየለመንነው እንገኛለን። By Noah Daniel @wegoch @wegoch @paappii

የቆሰለ ነገር ፣የከሳ ፣የኮሰመነ እንሰሳ እሚያድን አውሬ ያስጠላኛል ምቹ ግዜ እየጠበቀ ድምፁን እና ሁኔታውን የሚቀያይር ሰው ግን ያስፈራኛል። ስዩም ፦ ጓደኛው ነኝ ጓደኛዬ ግን አይደለም። ብዙኅ አሳልፈናል ። ቢሰማብኝ የማፍረውን ነገር ወይ ቢሰማብኝ ጉድ የሚያደርግብኝን ነገር አልነግረውም ። እፈራዋለሁ። ቋሚ ወዳጅ ስለሌለው እና ዋሉልኝ ያለቸውን ሰዎች ሁሉ በየምክንያቱ ስለሚተዋቸው እፈራዋለሁ ። ከጓደኞቹ X ስር ስለማይጠፋ ስሜቱን ሁሉ የተሰማው ሰዓት ስለማያንፀባርቅ አብሬው ሆኜ አይጥ ለመያዝ ትክ ብላ እንደምታደባ ድመት ነው የማየው። እሱ እንደድመቷ ትኩረት ሲያደርግ ሁኔታው እንደድመቷ አይነት አይደለም አያስታውቅበትም ። ዘና እያለ እየሳቀ ሚስጥር እየነገረ ነው ሚስጥር የሚያስወጣው ። ስዩምን እፈራው ነበረ .....! ችግር ገጠመኝ ከሁሉም በላይ አብሮኝ ሆነ ያለውን ሁሉ ሰጠኝ አሰጣጡ ስሙልኝ እዩልኝ ያለው አልነበረም በችግሬ አብረውኝ ያልነበሩትን ስወቅሳቸው እያገዘ አላባባሰብኝም... "ተዋቸው አልሞላ ብሎቸው ነው" አለኝ ....ከነሱ ጋ ሆኜ ያጣጣልኩት ስዩም አብሮኝ ቆመ .... ተፀፀትኩ ...! ከብዙ ግዜያት በኋላ ስዩምን በየወሬው እንደዚ አትመስለኝም ነበር እያልኩ እሱ ላይ ያለኝን አቋም ተናዘዝኩ አልተናደደም ሳቀ ስልከው እና ሲላከኝ እንደኩያ አይደለም እንደታናሽ ነው ሲተማመንብኝ እንደታላቅ ነው ...! እሚያግዘን እና የሚኮራብን ወዳጅ የኛ ሲሆን የሚሰማውን ምቾት አሰማኝ ከጥቂት ግዜ በኃላ ... ስራ በዛብኝ ብዬ የሰጠሁንት ላግዝ ብሎ የወሰደውን ሙሉ ውክልና ተጠቅሞ መኪናዬን ሸጦ አውሮፓ መግባቱን ከሳምንት በሆላ ሰማሁኝ ... ስስቅ ላየኝ ሰው ተታልዬ አልመስልም ነበር ... ማመን ከመጠራጠር በላይ ዋጋ ያስከፍላል ማለት ነው ?? መፍራት ከመድፈር በላይ አቅም አለው ማለት ነው ?? ኮቴ በሰማን ቁጥር እየባነንን የት ድረስ እንሄዳለን ?? የሄድንበትን መንገድ እየጠየቅን መሄድ የሰውነት እጣ ፈንታ ነው ??.... በርግጥ የግዜ ጉዳይ እንጂ ከተካደ ሰው የከዳ ሰው ያሳዝናል!! By Adhanom Mitiku @wegoch @wegoch @paappii