ပြည်သူ့အတွက် ဟစ်တိုင်သတင်းစုံ ဂျာနယ်

လျှပ်စစ်ကဏ္ဍ ရင်းနှီးမြှုပ်နှံမှုအခွင့်အလမ်းများ ချပြဆွေးနွေးပွဲ နိုဝင်ဘာပထမပတ်တွင် ကျင်းပမည် နေပြည်တော်၊ အောက်တိုဘာ ၁၁ လျှပ်စစ်နှင့် စွမ်းအင်ဝန်ကြီးဌာနက လျှပ်စစ်ကဏ္ဍနှင့်ပတ်သက်သည့် ရင်းနှီးမြှုပ်နှံမှုအခွင့်အလမ်းများ ချပြဆွေးနွေးပွဲကို လာမည့် နိုဝင်ဘာလ ပထမပတ်တွင် နေပြည်တော်၌ ကျင်းပသွားမည်ဖြစ်ကြောင်း သိရသည်။ အဆိုပါဆွေးနွေးပွဲကို နိုင်ငံသားလုပ်ငန်းရှင်များအနေဖြင့် လျှပ်စစ်နှင့် စွမ်းအင်ကဏ္ဍတွင် ရင်းနှီးမြှုပ်နှံမှုများ တိုးမြှင့်ဆောင်ရွက်လာစေရန် ရည်ရွယ်ကျင်းပခြင်းဖြစ်သည်။ ဆွေးနွေးပွဲတွင် လျှပ်စစ်နှင့် စွမ်းအင်ဝန်ကြီးဌာနအတွင်း ရင်းနှီးမြှုပ်နှံနိုင်မည့် အခွင့်အလမ်းများနှင့် နိုင်ငံတော်အစိုးရက အားပေးကူညီမည့် အစီအစဉ်များကို PowerPoint Presentation များ၊ ရုပ်ပုံကားချပ်များနှင့် 3D Model များ အသုံးပြုကာ ရှင်းလင်းတင်ပြဆွေးနွေးသွားမည်ဖြစ်ကြောင်း သိရသည်။ #SittNaing