Allaev Uz

Asaxiydan "kutubxona" toʻplamini xarid qilib, bu boʻshliqni toʻldiring. Artikul: T30253

Қўл остимизда бир менежер бор. Ўзимиздан чиққан бир яхши укамиз. Уни имкониятини, максимуми ва минимумини яхши биламиз. У яхши бола, у ўзимизники, у билан ҳамма нарса ҳозиргидек давом этади. Қайсидир нуқтада омади келиб яхши натижа бўлмаса, ўртача ҳозирги ҳолат ундаги максимумнинг 80 фоизи. Бизда компанияга ташқаридан қиммат менежер олиб келиб, нимадир каттароқ нарсага ундаб кўриш имкони бор. Ташқаридан келган яхши бўлиши, ҳозиргидан 2-3 маротаба яхшироқ натижа қилиши эҳтимоли бор. Лекин, ўхшамаса ҳам ҳозиргидан катта эҳтимол билан ёмон бўлмайди. Шунақа ҳолатда ресурс ва имкон бўлса, ақлли раҳбар камида ундаб кўради. Натижа зўр бўлиб кетса яхши, ўхшамаса ҳам ҳозиргидан ёмон бўлмайди.

Ҳаётда ўз ўрнини топиш учун ҳамма ҳар хил нарсани айтади. Кимдир устоз кўришни, кимдир дарс олишни, кимдир подкаст кўришни, яна кимдир ҳужжатли фильмларни. Манга ўхшаганлар китоб ўқишни айтишади. Лекин, асос нима десангиз, асос ўрганишда. Ўрганиш янгиликнинг, янги марраларга эришишнинг, ўзини кашф қилишнинг асосидир. Шу учун ҳам жамиятимизда ўрганиш, ўрганишга интилиш қадриятга айланиши, ҳар бир одам ўрганишни, доим изланишни ўзининг қадрияти деб билиши муҳим деб ўйлайман. Ўрганиш қадриятга айланган жамият энг зўр бўладими, ривожланиб кетадими деган саволга аниқ жавоб йўқ, Чунки энг зўр ва ривожланиш фақат ўрганишга эмас, тарихий, ҳудудий факторларга, тасодифларга ҳам боғлиқ. Уларни кўп қисмини биз назорат қилолмаймиз ҳатто. Лекин, ўрганишни қадрият қилган, уни авлоддан-авлодга ўтказган жамият келадиган синовга қарамасдан дунёда ўз ўрнини топади. Омади келиб қолса, осмонга учади. Ўзимизда ҳам, фарзандларимизда ҳам доимий ўрганишни шахсий қадрият даражасига олиб чиқишимиз зарур. Ўрганмаса, изланмаса, ўсиш ва ўзгариш сезмаса ўзини ёмон ҳис қиладиган даражага келиб олишимиз керак. Ўрганиш китобдан бўладими, видеодан бўладими, устоздан бўладими ёки ҳаммаси бир-бирини тўлдирадими, фарқи йўқ. Ўзимиздан кейин яхшироқ жамият қолдириш учун ўрганишни қадриятга айлантириш зарур. Натижаси яхши бўлишидан умид қилиб, лекин сабаби устида доимий ишлаб, ўрганишдан, ўзгаришдан тўхтамайдиганларни шу учун ҳам ўзгача ҳурмат қиламан.

Ҳозир Европа 1976 йилдан бери энг иссиқ ёзни ўтказмоқда. Бу иқлим шароитларига мослашмаган давлатда анча қийинчиликлар яратмоқда. Бизда маълум эркинликларга Европаликлар, айниқса французлар ҳавас билан қарашади. Масалан, кондиционерлардан фойдаланиш ҳуқуқи. Бу борада французлар экологлар, бюрократлар, шаҳарсозлар ва амалдорлар томондан жуда чеклаб қўйилган. Бизга ўхшаб французлар шунчаки буюртма қилиб кондиционер ўрнатолмайди. Бу учун аввало ҳокимиятдан (мерия) ва уй жойни бошқарадиган ташкилотдан рухсат олиш керак. Кўп қаватли уйлар учун бу деярли имконсиз чунки кондиционер уйнинг ташқи кўринишини бузиб қўяди деб ҳисоблашади. Иккинчи томондан, аксар шаҳарлар марказларидаги бинолар тарихий бинолар ҳисобланади ва уларда ҳар қандай ўзгариш қилиш қатъий тақиқланади. Ундан ташқари экологлар кондиционерларни табиатга зарар деб билишади учун максимал қаршилик қилишади. Шу учун ҳам ҳатто 40 градусда ҳам французлар чидашга мажбур. Уйларнинг ҳатто 20 фоизи ҳам кондиционерлар билан жиҳозланмаган. Бу фақат кўп қаватли уйларга деб ўйласангиз адашасиз. Ҳатто ўз ҳовлингизда ўрнатиш учун ҳам мериядан рухсат олиш керак. Мерия бўлса сиз ўрнатадиган кондиционер ҳовлини ташқи кўринишига таъсир қилмаслиги, шовқин қўшниларни безовта қилмаслиги ва яна бир қатор деталларни текшириб кўради. Яқинда ўқиган бир мақоламда айтилишича уйдан 500 метр ҳудудда черков ёки тарихий ёдгорлик бўлиши ҳам мумкин эмас экан. Сиз бир қанча ҳужжат тўплаб, чоп этиб, ойлаб кутиб рухсат олсангиз ҳам, масалан арзонгина 3 299 000 Сўмга кондиционер харид қилиб ўрнатолмайсиз. Аввало кондиционерлар турли хил божлар сабаб қиммат, ундан ташқари кондиционерни ўрнатиш бир неча кун вақт олади. Франция қонунлари бўйича кондиционер фақат лицензияга эга усталар томонидан ўрнатилади. Уларни топиб, навбатга туриб узоқ муддат кутиш керак бўлади. Кўпинча кондиционерни ўрнатиш харажатлари 1000 евродан ошиб кетади. Биз учун оддий бўлган нарса, Францияда узоқ бюрократик қиммат азобли жараён. Ўрнатгандан кейин ҳам бу муаммолардан қутулмайсиз. Масалан, ичкаридаги ҳаво ташқаридагидан 8 градусдан ортиқ фарқ қилмаслик керак деган аҳмоқона норма бор. Дейлик, ҳозир Парижда 40 градус бўлса, сиз ичкарида ҳавони қонун бўйича 32 даражадан пастга туширмаслигингиз керак. Шунчаки қонун бўлса керак десангиз, шу кунларда бир нечта хусусий боғчаларда айнан шуни назорат қилиб чиқишибди. Ундан ташқари бино ичида ҳаво 26 даражадан паст бўлиши ҳам қонунан тақиқланади. Сиз бино ичида ҳаво 26 даражага тушганда кондиционерни ўчиришга мажбурсиз. Хуллас, жазирамада биз учун оддий нарса бўлган кондиционерда салқинда нафас ростлаганда, бу французлар учун эришиш қийин бўлган катта комфорт эканлигини эслаб қўйинг)) Реклама: Фақат ишончли ва синовдан ўтган, сифат ва кафолатдан келиб чиқиб сараланган кондиционерларни бўлса уйдан чиқмасдан Asaxiy дан харид қилинг.

Табиий офатлар ёмон, уларни камбағал мамлакатда бўлиши янада ёмон. Ҳар сафар ўзи шундоқ ҳам қийналиб юрган мамлакатларда нимадир офат бўлса, худонинг бу куни ҳам одамлар бошида бор экан деб қоламан. Чунки у мамлакатларда фожиа оддий давлатларга нисбатан бир неча маротабага аянчлироқ авж олади. Масалан, Туркия ва Сурияда зилзила бўлганда, мани Сурияликларга кўпроқ раҳмим келганда. Уларга на халқаро ҳамжамият, на ўз ҳукумати Туркияга ёрдам қилгандек ёрдам қилмасди. Ҳозир, Венезуеладаги зилзила видеоларини кўриб қолиб, бечора одамларнинг бошига бу ҳам бор экан деб қўйдим.

Eng ogʻir kasblardan biri, tez tibbiy yordam xodimlari haqida yaxshi kino ishlashibdi. #tavsuyu

Ҳар бир хонадонда "кутубхона" бўлсин ғояси билан элликталик китоб тўпламини оммалаштиришда давом этмоқдамиз. Олдинроқ, видеода тўплам таркибида турли йўналишларни қамраб олишга алоҳида эътибор берганимиз ҳақида айтиб ўтгандим. Тўпламдаги китоблар рўйхатини йўналишлар бўйича ажратиб чиқдик: Классик жаҳон адабиёти: 1. Жорж Оруелл: 1984 2. Жорж Оруелл: Молхона 3. Дениел Киз: Элжернонга аталган гуллар 4. Жером Селинжер: Жавдарзордаги халоскори 5. Рей Бредбери: Фаренгейт бўйича 451º 6. Эрнест Хемингуей: Тўқчилик ва йўқчилик 7. Иоганн Волфганг Гёте: Фауст (2025) 8. Тара Вестовер: Талаба Замонавий жаҳон адабиёти: 9. Эрве Ле Теллие: Аномалия 10. Пауло Коело: Алиф 11. Светлана Алексиевич: Чернобил таваллоси 12. Ден Браун: Рақамли қалъа 13. Девид Бах, Жон Девид Манн: Латте омили 14. Жеймс Хедли Чейз: Ярим миллион долларли қилмиш 15. Пауло Коело: Алкимёгар 16. Николас Спаркс: Ҳаёт қадри 17. Ато Ҳамдам, Леонид Чигрин: Япон зобити 18. Марсел Брион: Менким, Фотиҳ Темур Ўзбек адабиёти: 19. Жавлон Жовлиев: Қўрқма 20. Ўткир Ҳошимов: Икки эшик ораси 21. Мунаввара Усмонова: Бир кун... 22. Хайриддин Султон: Осмони фалакларда 23. Диёра Муродходжаева: Нозик оҳанг 24. Абдулла Қодирий: Ўткан кунлар 25. Носиржон Жўраев: Имзо 26. Чўлпон: Кеча ва кундуз 27. Менгнор Олломурод: Пайғамбар ороли тилсими 28. Мушоира этади давом... 29. Ўлмас Умарбеков: Одам бўлиш қийин 30. Абдулла Қодирий: Меҳробдан чаён Аҳлоқ ва маърифат: 31. Юксак одоблар ва раббоний сифатлар мусулмоннинг 30 ҳулқи 32. Жон Г. Миллер: СОС! Савол ортидаги савол 33. Озод Мўмин: Мўжиза инсон – Ҳазрати Имом Бухорий 34. Стивен Р. Кови: Муваффақиятли инсонларнинг 7 кўникмаси 35. Браян Трейси: Самарадорликнинг 21 йўли Илмий-оммабоп, тарих ва сиёсат: 36. Жозеф Ромм: Иқлим ўзгариши 37. Сун Тзу: Уруш санъати 38. Генри Марш: Озор берма 39. Малколм Гладвелл: Зукколар ва ландавурлар 40. Лариса Буракова: Грузия муваффақиятга қандай эришди 41. Клаус Шваб: Тўртинчи саноат инқилоби 42. Барбара Оукли: Рақамлар учун яралган идрок 43. Бо Беннетт: Мантиқий хато 44. Кал Нюпор: Диққат: чалғитувчи дунёда муваффақият сирлари Бизнес ва психология: 45. Жеймс Клир: Атом одатлар 46. Марк Менсон: Бефарволикнинг нозик санъати (юмшоқ муқова) 47. Френк Беттжер: Муваффақият сирлари 48. Роберт Киёсаки: Бой ота, камбағал ота 49. Френк Беттжер: Кеча омадсиз – бугун муваффақият қозонган савдогар 50. Питер Тил, Блейк Мастерс: Нолдан бирга Тўплам сотуви давом этмоқда. Эслатиб ўтаман, 50та китобни чегирма нархда 1 199 000 Сўмдан харид қилиш мумкин. Уни ҳатто олтига бўлиб, устамасиз 200 000 Сўмдан олти ой давомида тўлаб бориш мумкин. Тўплам: https://asaxiy.uz/product/super-chegirma-ellikta-mashhur-kitob-1-199-000-sum

Олег Тинков ва Тинкофф банкнинг собиқ ходимлари Мексикада асос солган рақамли банк "Plata" ҳақида ҳужжатли филм чиқибди. Платани анчадан бери кузатиб келаман чунки уруш сабаб боридан айрилган жамоа оёққа туриб, қайтадан яна бир неча миллиардлик банк қуришди. Кўриш: https://youtu.be/pWwQmikOoqg?si=fyofg1LNDrWHnx07

Нималар бўлаяпти-а? Бошидан тушунтириб бераман. Ҳозир Мексикада тонг отмади. Хуллас ўғлим Исфандиёрнинг видеоси бутун дунёда тарқаб кетибди, барча машҳур нашрлар видео ҳақида ёзишди. Ҳозир меҳмонхонага телефон қилишиб мени уйғотишди, ФИФА расмийлари, BBC, CNN хуллас мен таниган ва танимаган барча учрашишмоқчи. Америкадаги брендлар, спорт ва болалар компаниялари боғланишмоқда. Ўзи нима бўлаётганига ақлим шошиб қолди. Нашрлар асосан Ўзбекистон ҳақида, ўғлимнинг футболга қизиқиши, Ўзбекистондаги футбол ҳаёти ҳақида сўрашмоқда. Қўлдан келганча жавоб бериб турибмиз. Мана бу карикатура фильм эса эронлик машҳур карикатурачи Hamid Saxari томонидан қилинибди. Бир видео Ўзбекистонимизни бунчалик машҳур қилиб юборади деб ўйламаган эдим. Ўғлим эканлиги эса ота сифатида унинг учун ўзгача ғурур бермоқда. Ҳаммангизга раҳмат катта. @bektoshkhatamov

Манга ҳаётдаги адолатсиздек туюладиган қонуниятлардан бири йирик ишларнинг натижаси жуда секин келишидир. Бугун бошлаган тўғри ҳаракатимизни ҳақиқий мевасини кўриш учун баъзан 10-20 йил керак бўлади. Масалан, тарбияда 10 ёшли болага сингдирилаётган қадриятлар, характер ёки қилинган хатоларнинг асорати у улғайиб, мустақил қарорлар қабул қила бошлагандагина очилади. Соғлиқ ёки молиявий масалаларда ҳам худди шундай: мунтазам нотўғри овқатланиш ёки самарасиз харажатларнинг зарари йиллар ўтиб, вазиятни ўнглаш ўта қийинлашган пайтдагина яққол кўринади. Бир марта ёғлик ош еб, керагидан ортиқ спиртли ичимлик ёки шакарга бой ичимлик билан одам шу заҳоти семириб ёки носоғлом бўлиб қолмайди. Шунга ҳам ҳеч нарса қилмайдику деб ўйлаймиз. Кичик харидлар ҳам шунақа. Уларнинг ҳар бири алоҳида сизни молиявий эркинликда узоқлаштирмайди. Хато қилиб қўйиб, "майли" деб ўтиб кетган кичик лаҳзаларимиз йиғилиб, бир куни қимматга тушади. Қимматга тушган кўринганда бўлса, афсус қилиш кеч бўлади. Лекин бунинг энг фожиали жиҳати бошқа ерда. Энг ёмони – одам тўғри йўлда бўла туриб, тезкор натижа кўрмагани учун ортга қайтишидир. Дейлик, соғломлашиш ва формага кириш учун ҳафтасига 3-4 марта залда оғир тош кўтаришни ёки янги, йирик халқаро лойиҳа устида ишлашни бошладингиз. 3-4 ой ўтади, сезиларли ўзгариш йўқ. Баъзан 3-4 йил ўтади ва "бўлмаяпти шекилли, буни фойдаси йўқ экан" деб ҳаммасини ташлаб, бошқа йўналишга ўтиб кетамиз. Аслида эса мутлақо тўғри йўналишда эканлигимизни, шунчаки пишиб етилиш жараёни давом этаётганини тушунмаймиз. Буни англаб етганимизда эса аллақачон кеч бўлган, пойдевор бузилган бўлади. Ҳазил гап бор-у, тўққизта аёл билан ётиб бир ойда туғдириб бўлмайди. Бизнес ва ҳаётда ҳам ҳақиқий катта натижалар ёки зарарлар муддат ўтишини талаб қилади. Ўша машҳур “Мураккаб фоиз эффекти” *(Тҳе compound effect) сезиларли натижа бергунча фойдали ишни давом этишга ёки зарарлисини тўхтатишга сабримиз ва иродамиз етмайди. Бизнес қурасизми, касб ўрганасизми, молиявий масалами, фарзанд тарбиялайсизми ёки соғлиқми — қоида битта, фойдали ёки зарарлигидан қатъий назар жиддий масалаларда натижасини кўриш учун муддат керак. Зарарга ишлаган ҳолатда, адолатсиз томони шундаки, йиллар йўқотилган ҳолатда натижани тўғрилаш умр талаб қилади ёки умуман орқага йўл бўлмайди. Масалан, фарзанд тарбиясида орқага йўл йўқ, соғлиқ масаласида кеч бўлган бўлиши мумкин, молиявий масалада имкон қўлдан чиққан бўлиши мумкин. Натижа кеч келиши битта адолатсизликдек туйилса, иккинчи ўзи тўғри ёки нотўғри йўлда эканлигингизни баҳолаш қийинлиги ва сабр етмасдан тўғри йўлдан чиқиб кетиш бошқа адолатсизликдек туйилади.

Эсингизда бўлса, маҳкумлар китоб ўқиб жазони камайтириши ҳақида айтилган эди. Шуни тартиби тасдиқланибди. Энди, китоб ўқиб, ҳар бир ўқилган китоб учун жазони 3 кунга камайтирса бўлар экан. Лекин, бу бир йилда 30 кундан ошмаслиги керак. Бир йилда 10та китоб дегани. Китобнинг ҳақиқатдан ўқилганлигини аниқлайдиган махсус тест шаклланар экан. Ҳар бир китоб бўйича 25та тест бўлади. Ҳар бир тестга 4 бал берилади. 70 бал олган одам, китоб ўқиган ҳисобланади. Қайси китоблар ўқиш керак эканлигини 1 январгача Республика Маънавият ва ма'рифат маркази белгилаб берар экан. Қамоқдагиларга китоб ўқиш учун қўшимча мотивация.

Профессионал футболни 25 ёшда бошлаган ва 40 ёшида ЖЧ афсонасига айланган дарвозабон ҳақида. Кеча футбол олами навбатдаги мўъжизага гувоҳ бўлди. Жаҳон чемпионати дебютанти Кабо-Верде терма жамоаси дунё грандларидан бири Испанияни 0:0 ҳисобида тўхтатиб қолди. Бу тарихий очконинг бош қаҳрамони терма жамоа дарвозабони Возинья (асл исми Жозимар Жозе Эвора Диас) бўлди! Кеч бошланган карьера: Кўпчилик юлдузлар 25 ёшида фаолиятининг чўққисига чиққан бўлса, Возинья 25 ёшигача ҳаваскорлар футболида юрган. Фақат шу ёшдан кейингина Анголанинг "Прогрессо" клубида илк профессионал шартномасини имзолаган. Трансфер қиймати Испанияга қарши ўйиндан олдин унинг трансфер нархи бор-йўғи 50 000 еврога баҳоланаётган эди ва Европада деярли ҳеч ким уни танимасди. Энг қизиғи Испания билан ўйиндан олдин Инстаграмда 50 минг обуначиси бўлган, ҳозирда унинг обуначилари 6,5 миллионга яқинлашиб қолди. Ўзим ҳам обуна бўлиб қўйдим. Футбол шунақа спорт, биринчи марта Жаҳон чемпионатига чиқиб ҳам катта натижалар қилса бўлади. Қизиғи ўйин Атлантадаги Атланта (Мерседес Бенз) стадионида бўлди, айнан шу стадионда 27 июнь куни Ўзбекистон ва Конго ДР ўйини бўлиб ўтади. Бизникилар ҳам шунақа матонат кўрсатишларини тилаб қоламиз. @bektoshkhatamov

Безоснинг ота-онаси миллиардер эканлиги биласизми? Шунақа инстаграм видео ва постлар кўп. Гўёки ота-онаси пули бўлмаса, Безос бой бўлолмасди. “Безономика” китобига рақамларни ўрганиб таҳлил қиломман. Жефф Безоснинг ота-онаси унинг илк инвестори бўлгани рост. Лекин, реаллик чиройли пост ва инстаграм видеолардагидан анча фарқ қиларкан. 1995 йилда Безос ҳеч ким ишонмасада Амазонга асос солади. Унда Безоснинг ўзининг молиявий аҳволи ҳам яхши бўлмаган. Шунда, ота-онаси компаниясига нафақалари учун йиққан пулнинг катта қисмини, аниқроқ рақамда 245 000 АҚШ доллари сармоя киритишади. Нафақа учун йиғим қанақа эканлиги, АҚШда бу сумма қанчалик катта эканлигини у ердаги иқтисодий реалликни билганлар яхши билишади. Ундан кейин янада қизиқ жойи бошланади. Бу пул шунчаки ўғлимнинг бизнесига деб бериб унутилмайди. Улар 245 000 доллар эвазига компаниянинг расман 6 фоиздан бироз камроқ улушини олишган. Безос уларга юзма-юз ўтириб, бизнес ўхшамаслиги, пул куйиб кетиши эҳтимоли 70 фоиз атрофида эканини айтган. Шунга қарамай, улар рози бўлишган. Бугунги кунда уларнинг айнан шу сармоядан орттирган бойлиги 10 миллиарддан 30 миллиард долларгача баҳоланади. Бу тарихда ҳужжатлаштирилган энг муваффақиятли таваккал венчур сармоялардан биридир. Бу шунчаки молиявий муваффақият эмас, балки оилавий ажойиб ҳикоя: бутун бир оила ҳеч қандай кафолат бўлмаган ишга ишониб, ўз хавфсизлигини (жамғармасини) хавф остига қўйган. Ва Жефф Безос бу ишончни оқлаган.

Elliktalik kitob to'plami deyarli qog'oz narxida sotilmoqda. Buni solishtirgan, kitoblar sifatini ko'rgan va tushungan odam biladi. 100 AQSH dollariga 50ta kitob to'plami, unga ketadigan logistika, marketing va mehnat xarajatlari bilan o'zingiz chiqarib olishingiz qiyin ham emas. Muhimi, mana shu to'plamni endi "har bir xonadonda kutubxona bo'lsin" degan yirikroq harakatga aylantirmoqchimiz. Maqsadimiz, haqiqatdan ham har bir xonadonda kitob burchagi bo'lishi. Shu uchun ham 2026-yil oxirigacha 1 199 000 so'm narx ushlab qolinadi. Biznes tilida jamoamizga KPI: Har bir xonadonda kitob burchagi bo'lishiga erishish. Shu maqsadda targ'ibotga yordam uchun bloger, influanser va faollarni hamkorlikka chaqiraman. Hamkorlik masalasida telegramdan @asaxiymedia profiliga yozsa bo'ladi. Yaxshi ishga hissa qo'shish, sababchi bo'lish, bizni missiyaga qo'shilish imkoni bor. Umid qilaman, har bir xonadonda kitob burchagi bo'ladigan, ko'z har kuni kitobga tushadigan, olib varoqlaydigan kunlarga yetamiz. Mana shu kabi vazifalarni uddalashimizga hissasi tegayotgan Xalq banki jamoasi va Asaxiy investorlariga alohida minnatdorchilik bildirib o'taman.

Ellikta kitobdan iborat to'plamni obunachilar orasida ko'pchiligi xarid qilgan bo'lsa kerak. Lekin, to'plam tarixi qanday boshlanganini bilasizmi? Bir haftaga deb qilingan aksiya qanday qilib yillar davomida yashab qolganini va muvaffaqiyatli mahsulotga aylangani tarixini videoda gapirib berdim. Youtubeda ko'rish: https://youtu.be/z_BqIn6VeH8?si=skIotntGO0hwpGRe Hozirda to'plamga 0x0x6 aksiya ketmoqda, ya'ni ustamasiz nasiyaga olish va olti oy davomida bo'lib to'lash mumkin. Xarid qilish: asaxiy.uz/u/6a2920e8c1195 PS: Xalq banki bilan muhim hamkorliksiz, ularning sezilarli ko'magisiz bu kabi aksiyalar ancha kam bo'lardi. Bu uchun bank jamoasiga alohida rahmat.

Putinning Rossiya iqtisodiyoti har doimgidanda yuksalayotganligi haqida gapini oʻqib qolib, propaganda haqida mashhur hazil esimga tushdi: Venesuelada bir avlod alishmasdan maoshlar 120 bolivardan 7 million bolivarga yetdi.

Kreativ reklama kanalida Profi Universitetini mana bu reklamasini ko'rib qoldim. Reklama kreativligidan tashqari undagi xabar aniqligi, zamonga mos tarzda oliy ta'limdan kutuvlar o'zgarayotgani ham manga yoqdi. G'oya egasiga ofarin!

2022-yil Twitterda Sam Altman ChatGPT degan xizmat paydo boʻlganini eʼlon qiladi va dunyo oʻzgaradi. Sam Altman yozgan tvit: “Bugun biz ChatGPT’ni ishga tushirdik. U bilan shu yerda gaplashib ko‘ring: chat.openai.com” Qanaqadir Raj: “Ambitsiya va g‘oya menga yoqdi, lekin hozirgi texnologiyani hisobga olsak, menimcha, bu sizlarning hozirgacha bo‘lgan eng yomon mahsulot konseptingiz.” Esingizdan chiqarmang, hayotda siz butun umr mana shunaqa Rajlarga duch kelasiz. Va yomoni ular koʻpincha begonalar emas, atrofingizdagilar yoki yaqinlaringiz boʻlib chiqishi mumkin.

Koʻp guvoh boʻlaman, bizneslar oʻzining asosiy ishi qolib ketib, mijozga kerak boʻlib qoladi deb boshqa narsalar va funksiyalar qoʻshish bilan ovora boʻlib ketadi. Tajribada xizmat ilovasiga kalkulyator qoʻshib qoʻyganini koʻrganman hatto. Biznes nima uchun yaratilgani eng muhimi boʻlishi zarur. Bu haqida Adizes juda sodda tilda yaxshi yozgan edi: Tashkiliy natijadorlik — bu tashkilotning o'zi qaysi maqsad yo'lida yaratilgan bo'lsa, o'sha maqsadga erishishini anglatadi. Sharikli ruchka yozsagina natijador hisoblanadi. Ammo ruchka yozmasa-yu, u bilan qulog'ingiz orqasini qashlay olsangiz-chi? Agar u aynan shu maqsad uchun yaratilgan bo'lsa, unda uni ruchka emas, qashlagich deb atash kerak. Stul haqida nima deyish mumkin? Ustida o'tira olsangizgina, stul haqiqiy stul bo'la oladi. Lekin nega uni sigir deb atash mumkin emas? Bemalol, faqat u sut bersagina shunday atashingiz mumkin. — Agar men sigirning ustida o'tira olsam, nega uni stul deb atamasligim kerak? — deb so'radi mendan bir talaba. — Chunki sigir ustida o'tirish uchun yaratilmagan, — deb javob berdim men. Shuni yana bir bor ta'kidlaymanki, bu dunyodagi hamma narsa, mutlaqo barcha narsa ma'lum bir maqsad bilan yaratilgan. Lampa yorug'lik beradi, pechka issiqlik ta'minlaydi va hokazo.