ግጥም ብቻ 📘

በልቤ ያለዉን- መዉደዴን ገልጬ- ልነግርሽ እልና፤ ሐረግን መሰካት -ንግግር ማሳመር - መች አዉቅበትና፤ ብችልማ ኖሮ ልክ እንደገጣሚ ቃላትን መደርደር፤ ስንኝ አዋቅሬ እገጥምልሽ ነበር ጉድ እስኪባል 'ባገር። አወይ ልቤ ሞኙ- ቀን ከሌት ሳይታክት-አንቺኑ ያስባል፤ እንደ ዳዊት መፃ'ፍ-በቀን ሰባት ጊዜ- ስምሽን ይደግማል። አይንሽን አያየሁ- ፍቅሬን ለመናገር -ድፍረትን ስላጣሁ፤ እንደዉ በዝምታ- ሁሉንም ብታዉቂዉ-  እያልኩ አስባለሁ ። በልቤ ሰሌዳ- በፍቅር የፃፍኩሽ-የመጀመሪያዬ፤ ቃላት ያጣሁልሽ-የተሸነፍኩልሽ -በህይወት ጉዞዬ። አንቺ ማለትማ......... ስርኩል የማያሻሽ - ለገፅታሽ ዉበት-  አንዳች ማዳመቂያ ፤ የአምላክ ጥበቡ - የእጆቹ ስራ -አንቺ መደነቂያ። ለጉድለቴ ሙላት-  ህይወቴ እንድትሆኚ -ለደከመዉ ጎኔ፤ እግዜርን ለመንኩት አንቺን እንዲሰጠኝ ማረፊያ ለአይኔ ። .................................................. ✍️ዔደን ታደሰ @topazionnn @getem @getem

ጥርስ አለኝ ተብሎ ሲሳቅ አይዋልም አይን እንባ ስላለዉ አይዘረገፍም ለሚሳቅለት ሰዉ ለእንባም ቦታ አለዉ ለመዉቀስም ጊዜ ለመልስም ቀን አለዉ አንዳንዴም…………. ፈገግ ተብሎ በጥርስ ይለቀሳል እንባ እያወጡ በአይንም ይሳቃል የሚያዉቁትን ሁሉ ……. የታዘቡት ሁሉ………. አፍ ስላለ ብቻ አይዘከዘክም የጭንቅ የምጥ ቀን ዘላለም አይዘልቅም አንዳንዴም………. በዝምታ ብቻ የልብ ይተረካል አዉቀነዋል ያልነዉ ስንተነፍሰዉ ቀን ቀንን ሲወርሰዉ እድሜያችን ሲያበስለዉ ሚዛን ላይ ሲቀመጥ ከገለባ ይቀላል ያለወቅቱ ሲሆን ያስተዛዝበናል።          By ትዝታ ወልዴ @getem @getem @Tizita21

ለስጦታ ሥዕል ማሳል ምትፈልጉ በ +251984740577 ይደውሉ። ወይም @gebriel_19 ላይ አናግሩኝ @seiloch @seiloch

( ሠርግና ሞት ) ========== ይኸው ሆይሆይታ ነው ይኸው እስክስታ ነው ዳንኪራው ደማምቋል ዛሬ እናንተ መንደር አንቺ ስትዳሪ .. የእኔ ልብ ያለ አዛኝ ያለ አልቃሽ ሊቀበር እሰይ ያለም ይሁን ኑሮሽ በሳቅ ይሙላ የኔም ዕምባ አይጉደል ሠርግና ሞት ወትሮስ አይለዩም አይደል ! by kiyorna @getem @getem @paappii

ያ...ወጣት ከጉባኤው መሃል.. ከአዳራሹ ጥግ ከምዕመኑ ጀርባ አንድ ወጣት ይታያል ከራሱ ያደባ ነፍስ አልባ ገላ መንፈስ እየጠማው ከህዝቡ ነጠላ እግዚያር አልባ በድን ገላን ይዞ የሚፍጨረጨረው ከምዕመኑ ጋራ ስሜት ለመጋራት፣ በራሱ ዓለም ነው ወኔን የሚጭረው በድን ይዞ አካል ስጋ የእግዚያር ዓለም ለሱ መቼ ነጋ አ..ል..ነ..ጋ..ም። እዚያ ከመቅደሱ ስግዱ  ሲል ድንገት፣ ዲያቋኑ ተነስቶ ሁሉም ሰው ሲያለቅስ፣ ለነፍሱ ተደፍቶ የመንፈሱ ሙላት፣ በቅጡ ያልገባው እንዴት? ለምን? የሚል ለነፍስ የሚነባው አንድ ወጣት ይታያል፣ ከምዕመኑ ጀርባ ሃሳብ የሚንጠው፣ ከራሱ ያደባ። ትላንት የነበረው... ሁሉም እልል ሲል፣ ታሪኩን እያወሳ ትላንቱ የጠፋው፣ እራሱን የረሳ አምላኩን እንኳን ማወደሻ ሽርፍራፊ ትላንት፣ ታሪክ ማስታወሻ ከልቡ ከረጢት፣ ፈትቶ ሚበረብር አንድ ወጣት ይታያል ማነኝ በሚል ጭጋግ፣ ነፍሱ ምትሸበር። እዚያ ከመቅደሱ ቅዱስ መንፈስ መጥቶ ሲያርፍ በነፍስ አካል ሲርከፈከፍ ህዝቡ ሃሴት ሲጭር፣ ሰማይ ሲሄድ በመንፈሱ አንድ ወጣት ይታያል ብቻውን የቀረ፣ እዚያው ከመቅደሱ። እራሱን የታዘበ አካል ስጋው የለዘበ ማነኝ ያለ ገላ፣ ያዘነ ከነፍሱ መንፈሱን የገፋ፣ የቀረ ከራሱ ከመስኮቱ ታክኮ፣ መገኘቱን ያጣ አንድ ወጣት ይታያል መሄድ የሚቃጣ። ¶ መሽቶ ነግቶ፣ በሳምንቱ የሱ ስፍራ ከመስኮቱ አካል ስጋው እያነባ ሰውነቱ' ከሰው ጀርባ አንድ ወጣት ይታያል፣ እግዚያሩን ሚጠብቅ እስከ በደል ጉድፉ ሙት አካል ነኝ ያለ እስኪጎድል ሰልፉ " እስከመቼ ሲሉት እስካገኘው ያለ አንድ ጭፍርር ወጣት መስኮቱ ጋር አለ። እስከ መች? እስካገኘው By semere @getem @getem @getem

ሀሳብ ጠፋኝ የ ጭንቀቴን ረሳሁት የሞት ሞቴን ውድቅ አልኩኝ ካንቺ ገላ ድብቅ አልኩኝ ካንገትሽ ስር ጠረንሽን አጣጣምኩት በስሜት ናጥኩ እንደ ንስር ሊቀ ጠባብቶቹ እነ አባ ተዋናይ አነሱብኝ በአለም ድንበር እኔ ደቂቅ ጠባቡ ልጅ ባንገትሽ ነው ልቤ ሚበር በጠረንሽ በመዓዛሽ ፈውስ አገኘሁ ለጭንቀቴ አረፍኩብሽ ባካላቴ ያንቺን ያህል አያብብም አበባ እንኳን ሺህ ቢታገል ከጫፍሽ ጋር ሲያስተያዩ ሁሉም ጥሬ ሁሉም ግልገል ንብ አታርፍም አበባ ላይ ይህን እውነት አለም ይሰማ ከማር ሚበልጥ ማሯን ሰራች ከከንፈርሽ እሷም ቀስማ ጥፍጥ የሚል የተለየ ከከንፈርሽ ማር ተገኘ አለም ይስማ አለም ይስማ ከማር ይልቅ ማር ተገኘ ከከንፈሯ ካፏ ድንበር ንብ ቀሰማት ተሯሩጦ አንዱ ሲወደቅ አንዱ ሲበር አለም ይስማ አለም ይስማ ፈውስ አገኘሁ ካንገቷ ስር አንዴ ስስብ ሺ የሚያበር አለም ይስማ አለም ይስማ ይህ ምላሴ ማርን ናቀ እሷን ስሞ ተራቀቀ ጣፈጥሽኝ ዮኒ       ኣታን @yonatoz @getem @getem @getem

የሳቅ ትርጉም ========= ጥርሴ ጋቢዬ ነው ሽፍን የሚያረገኝ፣ ማዘኔን ደብቆ ከሰው ሚሸፍነኝ። ሳቄ ሁለት መልኩ አጃቢ ለሀዘን፣ አጃቢ ለደስታ፣ የኑሮዬን ቀለም አድማቂ ፈገግታ። እኔጋ ሲሆን ነው ደግሞ የወደድኩት፣ ያወኩት። ሰው ጋ ሲሆን ቅኔ ስውር ነው ትርጉሙ፣ ስቆ ሚወዳጀኝ ልክ እንደወንድሙ። ስንት አስመሳይ አለ የእሾህ አበባ፣ በሳቅ ተሸፍኖ ወዳጅ ላይ ሚያደባ። ስንት አስመሳይ አለ የሳቅ ጭንብል ያለው፣ ከሰው መደበቂያ ከለላ የሆነው፣ ታዲያ ይህን ስረዳው፣ የሳቅ ትርጉም ብዙ የማውቀው አንዱን ነው፣ እሱም የኔን ሳቅ ነው። @abela_black @getem @getem @getem

አለቀለት ያሉት ------------------------- ከጅረት አጠገብ ፥ ቆሞ የኖረ ዛፍ መብረቅ ገነደሰው አሁን ድልድይ ሁኖ፥ ያሸጋግራል ሰው :: “አለቀለት” ያሉት፤ ተልኮው መች አልቆ ቆሞ የጠቀመ፥ መላ አያጣም ወድቆ። By በእውቀቱ ስዩም @getem @getem @paappii

❞ስናርስ የከረምን❝ ገበያ ብንገባ ፣ በአገር ዋጋ ማን ይገዛን ነበር ፣ ቀለልን እንደ ቀጋ ወለላ የጠፋን ፣ ተመጠን በደጋ ስናርስ የከረምን ፣ ለሰሃራ ስንተጋ የተነቀሰብን ዜሮ ዶላር ዜሮ ዜጋ ኢምንት ማይቆጠር ሳይኮ የተወጋ ማህተብ አለብን ፣ ከደረታችን ደረት ዋጋ ቢስ የሚል ፣ ነጭ ተረት ተረት አወይ ዘንድሮስ ፣ የ'ኛው ተወዶ እኛው ረከስን ፣ በ'ኛው ተነግዶ እረክሰናል እንደማገዶ የ'ሳት'ራት ነነ ማንን ምን ገዶ አወይ ተሽጠናል ግን ማን ይገዛናል!? By ናትናኤል_አበበ @getem @getem @paappii

መቅደስ ===== የሳምኩሽ ለት ያረከስኩሽ መስሎ ተሰማኝ፣ ሀጢያቴን አይቶ አምላክ አንቺን እንዳይቀማኝ። ካገኘው ሴት ሁሉ ከንፈሬ እያረፈ፣ በስሜት ስብጥር ስንቴ እንዳላደፈ፣ አንቺ ላይ ሲያርፍ ግን ራሱን ተፀየፈ። ነብስሽ የተዋበች የዋህ ውብ የሆነች፣ አንደበትሽ ጣፋጭ ከማር የጣፈጠች። እርጋታ ፈገግታሽ ልብን የሚማርክ፣ የንዴትን እሳት ማርኮ የሚያንበረክክ። አካላትሽ ሲያዩት እጅጉን ያሳሳል፣ ከጥጥ ከደመና እልፍ ይለሰልሳል። የነካሽም እጄ እንዴት ያረክስሻል፣ የሀጥ ሰው ጥሪ ገነት መች ያስገባል፣ ያለንስሃ ግን የኔ እግር ተገኝቷል። ከገነት ደጃፉ፣ ከነጭ ወተት ጎርፉ። ከምንጭ ውሀ መርካት፣ ከመና ቁርስ እራት። ሁሉን ከምትሆኚ ተገኘሁ ካንቺ ቤት፣ ገላዬን ልታጠብ ይለቀኝ እንደሆን፣ መፅሀፈ ህይወት መቅደስ ናቹ ብሎን። እንዴትስ ሳልነፃ ልግባ ወደልብሽ፣ የኔ የማደፍ ወግ አያደርስ ከደጅሽ። ይህንን እያሰብኩ ጎትታ ብታቅፈኝ፣ በማይፀየፍ ልብ አቅፋ ብትስመኝ፣ ያለፍርድ ኩነኔ በፍቅሯ ተያዝኩኝ፣ ጫማዬን ሳላወልቅ ከልቧ አደርኩኝ፣ ገባሁኝ። @abela_black @getem @getem @getem

ውልብታ (በእውቀቱ ስዩም) በደራው ጎዳና፤ ብቅ ብትይ ደንገት ተበደርኩኝና የሎጥን ሚስት አንገት ዞሬ ባስተውልሽ ፤ ድፍርስ አይኔ ጠራ፤ ማየት ፍዳን ሳይሆን፤ ጽድቅን እየጠራ፤ ፈገግታሽ አንደ ህልም የሁዋሊት ያስኬዳል፤ በዚህ መጠን ማማር፤ በህግ ይፈቀዳል ? @getem @getem @paappii

በጭንቋ ቀን ምጧ ደርሶ   ላብ አጥምቋት ፊቷ ርሶ          ማርያም ማርያም እያለች....... ስሟን ስትጠራ እርሷን ስትማፀን  ትገላግላት ዘንድ በእንባ ስትለምን    በልደቷ ቀን መታሰቢያ.....      ሰምታ ጸሎት ስለቷን ማርያም ማረቻት እናቴን በዛች ቅፅበት ስሟን ሰማሁ ደጋግሜ ምስሏን አየሁ             እንዴት ዉብ ናት .....❤ ✨✨✨✨✨✨ ✍️ዔደን ታደሰ 01/02/19 @ediwub @getem @getem  

@mypoems396 @getem @getem @getem

. . . የደጄ ፈረስ ፥ ሀሙስ ሚመጣው ጊዜ እንደሚቀር ፥ ከወደ ኋላው ልክ እንደጭራው የክረምት ወዳጅ ፥ በጋ እንደሚያብል ባረጀ ሰሞን ፥ ወጥቶ እንደሚጣል ያወቀ አይመስለም ፥ ቀን አኳኋኑ በሌት ዘፈኑ ያሳዝነኛል ፥ እኔ ከአሁኑ ©ሲራክ ወንድሙ @getem @getem @getem

መስቃ (በእውቀቱ ስዩም) ተፈጥረን በጎግ ማጎግ ምድር በሰላም ተኝተን አናድር፤ ሀውልታችችን የቃየን ድንጋይ ስማችን ሽብሩ፤ ኢጄታ ፣ ገላጋይ ነፍስ ሳናውቅ፤ ከነፍሰ ገዳይ ተዋውቀን ከመርባታችን ተላልቀን በጥይት ተገበያይተን በፈንጅ ወረዳ፤ ሰኞ ማክሰኞ ተጫውተን፤ ጎልማሳው ከሚስቱ ፅዋ ፣ ተጎንጭቶ ሳይረካ ከጫጉላ ወደ ጫካ የወጣቱ፤ ለጋ ጣቱ፤ ከቃታ ጋር ተጣብቆ የብር ቀለበት የት አውቆ፤ የጅራፋችን ድምጽ፤ በጥይት ድምጽ ተለውጦ ሞፈራችን ተፈልጦ ካረስነው ትልም በላይ፤ የቆፈርነው ምሽግ በልጦ በሙሉ ልብ ለመሞት ፤ በግማሽ ልብ አኖራለን ፤ ደረት መትተን ጥለን፣ ገድለን፤ ደረት ደቅተን እንቀብራለን፤ ጎረቤቶቻችን ሁሉ፤ ያምባ ጉዋሮ ቤት ሆነው መኖራችንን ተቀናቅነው፤ ቤት ለእምቦሳ ብንላቸው፤ ወይፈን ሆነው እያደሩ ወደ ስስ ብልታችን ፣ ቀንዳቸውን እየወደሩ፤ እሳት አንጫጫር ብለው ገልና ፍም ተውሰው በየለቱ ሲጋብዙን፤ እሳተ ጎመራ ጠንስሰው፤ የመላእክት ጭምብል ለብሰው እንኩዋን ከሰው ካውሬ ብሰው፤ @getem @getem @getem

ህይወትህ በሙሉ እሾህ ቢበዛበት፣ ወጥመድ ብቻ ቢሆን አንተ ያለፍክበት። እንደትሞኝ መቼም ተስፋ አትቁራጥ ደርሶ፣ ስኬት ከቶ አይቀርም ጠፍቶ ሀዘን ለቅሶ። እንኳንስ የሰው ልጅ ባለብዙ ጣጣ፣ ጌታም አልተመቸው ምድራችን ሲመጣ። @getem @getem @paappii

❞ማህሌተ-ሸማ❝ በቀጭን ጥልፍ ፣              ላይ ታች ተጣመረ ቀይ በርኖስ ዘምዝሞ ፣             ደም መንፈስ ደመረ ፈታይ በፈተለው ፣             በእንዝርት ቁጭት ጥጥ ነዳፊ በደቦ ፣             ባጠረቃው ለወጭት አንዛሪ ደዋሪ ፣           በተሳተፉበት ሸማኔ እርካቡን ፣           ባፈራረቀበት ማህሌተ-ሸማ ፣           ይኸው ድር ከማጉ ለገላየ ሽፋን ፣           አይመስልም ህዳጉ ፈፅሞ ያልተፃፈበት ፣             ቀለም በሀረጉ በህዳግ የተሞላ ፣             ጥለት ስጉ ጥጉ ግና ይናገራል... ዘርፍ ተሸልሞ ፣             በላዩ እንደ ቅጠል ሲል ያዘም'ራል አባትህ አዳም ፣             ይሄን ለብሶ ነበር። ቡልኮ ያጎነጸፈኝ ፣              የፅንፌ ፅንፈኛ ደጉ ሳምራዊ              ንስ ወደረኛ #ናትናኤል_አበበ @getem @getem @getem

እንዴት መተው አቅቶን፡             ራሱ ገመድ ያስረናል? የሸሸነውን ጭለማ፡             ዳግም መጋፈጥ ያምረናል?! እንዲህ ሆኗል ሰዉ ሁሉ፣ አይጥልም ጥሎም ላ'መሉ። በጣር በምጥ ያመለጠውን፡           ያን አበሳ ያን አዘቅቱን፣ ይከፍትና አስገብቶ፡           ያለምደዋል አዲስ ቤቱን! እንዲህ ሆኗል አለሙ፣ ቀይሮም ያው ነው ቀለሙ። ድባቴ የሚባል ደባል ያመጣል ከየትም ስቦ ያሞቀው ነገር ይመስል ደስታ ላይ ሃዘን ደርቦ! እንዲህ ሆኗል ብስለት ልኩ፣ ደረቅ ቁስል እያከኩ። (ለመሆኑ ምን ማለት ነው?) ካለበት መጣራት : መልሶ መላልሶ፣ የረሱትን እምባ : የረሱትን ለቅሶ??! @mypoems396 @getem @getem @getem

ይለቀሳል በሐዘን ፥ ባይኖርም አባባይ ዕንባም አይገደውም ፥ ይወርዳል እንደ አባይ ደስታ ግን ሰው ይሻል አብሮ የሚያሳስቀው ፥ አጃቢ ተከታይ ሲዳር ሚዜ ሚሆን ፥  ሲዘፍን ተቀባይ ። ሰው በደስታ ድሎት ቦታ አልበቃ ብሎት ሲሆን ሐሴት ባሴት ከአጀብ ተነጥሎ ፥ ተደብቆ በሌት መች ያቅታል ማዘን ፥ በሲቃ ማቃሰት ? ይልቅ የሚከብደው ፥ ለብቻ መደሰት ። By Habtamu Hadera @getem @getem @paappii

ያ ጊዜ የምንለው መስከር'ም በቃኝ ሲል ጥቅምት ሲገባ እናያለን ሁሌም ህዳር የሚያፈራ ሌላ ውብ አበባ የእኔ ጥያቄ ግን? ሰላም የሀገሬን ጡት                 መቼ ነው የሚጠባ? By ይክበር ፀጋዬ @getem @getem @paappii