🇸🇦ሐምዱ ቋንጤ🇵🇸

✍️ የአቡበክር ኢማን ግን……………   "የውሙ ሪዳ አላህ ዲኑን በአቡበክር ጠብቋል" ሲባል እንዲሁ ኖርማል ክስተት ያለፈ ነው ኣ የሚመስለን??? ተመልከት…………    ነብዩﷺ የሞቱበት ዕለት ሰሓቦች በሕይወታቸው አንድም ቀን ገጥሟቸው የማያውቅ የሆነ ድንጋጤ፣ ሀዘንና ፍርሀት ያዩበት አስፈሪ ቀን ነበር። የረሱልﷺ ሞት በታወጀ ጊዜ ሁሉም ሰሓቦች በተለያየ የሀዘንና የድንጋጤ ስሜት ተውጠው፣ ግራ ተጋብተውና ተረብሸው የሚሆኑት የሚያደርጉት ጠፍቷቸው ዋልለው ነበር። ሁሉም ተደናግጦና ተረብሾ በየፊናው የሆነው ቢሆንም በጥቅሉ የሁሉም ሁኔታ ይህ ይመስል ነበር;   "ዝናባማ በሆነው ቀን: ምድረበዳ በሆነ ግጦሽ ላይ: ያለ እረኛ ተትተው: ተኩላ የከበባቸው የፍየል መንጋ" ይመስሉ ነበር። ግራ መጋባት…… መደናበር…… ድንጋጤ…… ሀዘን…… ስጋት…………    እነ ዑስማንና ዓልይ ምን እንደሚሉ ምን እንደሚሰሩ ጠፍቷቸው በዝምታ ተውጠው አንደበታቸው ተሳስሯል።   የረሱልﷺ የቅርብ ወዳጅና ሙዓዚን የነበረው ቢላል ሌላው ይቅርና ራሱን አረጋግቶ በስርዓት እንኳ አዛን ማድረግ ተስኖታል።   ከሰሓባዎች ውስጥ የረሱልﷺ መሞት ሲሰማ እጁን አንስቶ አላህ ሆይ ዐይኔ ከረሱልﷺ በኋላ ሌላ እንዲያይ አትፍቀድለት ብሎ በዝያኑ ቅፅበት ዐይኑን የታወረ አለ።   ብዙ ባላገሮች፣ እስልምና ውስጥ ጠልቀው ያልገቡ ዘላኖች "ረሱል ከሞቱማ…………" ብለው ባልተጠበቀ ፍጥነት ከእስልምና ወጥተው ወደ ክህደት ገብተዋል።    ከፊል አንሷሮች "ረሱል ﷺ ከሞቱማ እሳቸው አጅበው የመጡት ሙሓጂሮች ወደ መካቸው ሊመለሱ ነው፤ መዲናም ልትራቆት ነው" በሚል ስጋት ነገሩ ውጥንቅጡ ከመውጣቱ በፊት ብለው አጀንዳ ይዘው ስብሰባ ተቀምጠዋል።    ያ……… መንገድ ላይ እንኳ ሸይጧን የሚሸሸው አንጋፋው ዑመር አል_ፋሩቅ "ረሱልﷺ አሁን አልሞቱም: ወደ ጌታቸው ሄደው ነው: ተመልሰው ይመጣሉ። እሳቸው ሙተዋል የሚል ከሰማሁ አንገቱን ነው የምበጥስለት" እያለ ሰይፉን መዞ መሸለል ይዟል።   እንኳንስ የሰው ልጅ ተራራ እንኳ በሚንቀጠቀጥበት በዚህ ከባድ ሁኔታ ላይ;   አላህ በተከበረው ቃሉ ከሌሎች ለየት አድርጎ {የረሱል ባልደረባው} ብሎ የጠቀሰው አቡበክር ሲዲቅ ወንድ ሆኖ ፅናት እንኳ የሚገረምበት ፅናት ፀንቶ እስልምናና ሙስሊሞችን ታደገ!!    "ረሱልﷺ ላይ አላህ ሁለት ሞት አልፃፈባቸውም፤ የተፃፈባቸው አንዱ ሞታቸው ይኸው ሙተውታል።   እሳቸው ሲያመልክ የኖረ ከነበረ እሳቸው ሙተዋል፧ አላህን ሲያመልክ ለነበረ አላህ ሕያው ነው አይሞትም" ብሎ ታሪካዊ በሆነ ንግግር ቦታውን ስቶ የነበረው የሰሓቦች ልብ ወደ ቦታው እንዲመለስ መንገዱን ከፈተላቸው። ሲነገር ሲወራ ቀላል ነው…………   ክስተቶች ሲከሰቱ ነው የወንዶች ማንነት የሚፈተሸው። በወዳጁ ሞት ራሱን የሚስት አለ። በአባቱ ሞት ሕይወቱን የሚበትን አለ። በእናቱ ሞት ተስፋውን የሚያጨልም አለ። በልጁ ሞት ተስፋ ቆርጦ ሕይወት የምትደብረው አለ። ኪታቦቹ ተቃጥለውበት አእምሮ የሚቃወስ አለ። በጣም ብዙ ብዙ ነገር…………   ምንም ነገር ከመከሰቱ በፊት: ምንም ነገር ቢከሰት: ምን ዓይነት ሰው መሆን እንዳለብህ ሁሌም ከራስህ ጋ ተነጋገር!! https://t.me/hamdquante

✍️

✍️ የምትገላለጥ ሴት; ወንዶችንም ሴቶችንም ነው የምትፈትነው!! ወንዶች…………   መሰተር የነበረበት ሰውነቷ ገልጣ እያሳየች በማማለል፤ በምትጠቀመው የሽቶ ጠረን በመወስወስና በመሣሠሉት ትፈትናለች። ሴቶች……………     የትኛዋም ሴት በባህሪዋ መዋብና መጋጌጥ ትፈልጋለች። የአላህ ሸሪዐ ጠብቃ ስሜቷን አሸንፏ የነበረችዋ ጥቡቅ ሴት: ተገላልጣ የምትዞረዋን በምትመለከት ጊዜ እሷም ወደዝያ ነገር እንድትገባ ፊትና ትሆንባታለች። በዚህም…………    ተገላልጠውና ተቀባብተው የሚሄዱ ሴቶች ወንጀል እጅግ የገዘፈ ይሆናል!!

⚰ አሟሟትህም እንደ አስተኛኘትህ ነው!! ውዱእ አርገህ፤ ከገራልህም ሰግደህ፤ አዝካርህን ብለህ ከተኛህ;   ለፈጅር ሰላት: አላህ ካገራልህም ለለይል ሰላት ስትነሳ የምታገኘው ነሻጣና ደስታ አለ አይደል??? ልክ እንደዛው……………    በዒባዳ እና በንፁህ ልብ ሞተህ ከሆነ የቂያማ ዕለት ስትቀሰቀስ ሰላማዊና ደስተኛ ሆነህ ትነሳለህ!! በተቃራኒው……………    አንዳንድ ጊዜ ደክሞህ ምናምን ገፍላ ይጫጫንህና የመኝታ አዝካር ሳትል ከተኛህ: ወይም አላህ ይጠብቀንና በወንጀል ላይ ሆነህ እንቅልፍ ከወሰደህ ለፈጅር ስትነሳ የሚያሳስርህ ዱካክ አለ አይደል?? ምን አልባት ፈጅር ሊያስመልጥህ ሁላ ይችላል። ልክ እንደዚሁ…………    በወንጀልና በመዘናጋት ላይ ሆነህ ሞት የወሰደህ እንደሆነ የቂያማ ቀን ስትቀሰቀስ ሁኔታ እንዲሁ የተረበሸና የፀፀት ይሆናል። https://t.me/hamdquante

✍ ተወስኗል እኮ!! ለምንድን ነው ምንጨናነቀው?? .

⚔️والله إني لأجد ريح الجنة للشيخ الفاضل:     أبي_مالك_صابر_اللحجي           رحمه الله https://t.me/hamdquante

⚔️الموقف الشرعي           من جهاد الرافضة لفضيلة الشيخ……    أبي_عبدالرحمن_يحيى_الحجوري`     حفظه الله https://t.me/hamdquante

📖{وَيَسْأَلُونَكَ عَنِ الْجِبَالِ فَقُلْ يَنسِفُهَا رَبِّي نَسْفًا}   {ስለ ተራራዎችም ይጠይቁሃል: "ጌታዬ መበታተንን ይበታትናቸዋል" በላቸው።} የምድር ችካል የሆኑ ግዙፍ ተራራዎች የሚበታትነው አላህ: አንተም ላይ የተጫኑ ማነቆዎች የመበታተን ጥበብ አለው። ብቻ ግን አንተ የእሱ ሁን!! https://t.me/hamdquante

🫵 አሁን ያንተ መኖር ኖረ ይባላል ወይ?? እንዲህ ያለ ጁሙዐ አንድም ቀን ሳታይ?? የሆነው ሆኖ ከጥቅምት 🥰🥰 እስከ ህዳር 🥰 ሦሥት ዓይነት የዋጋ አማራጭ ያለው ልዩና የደመቀ የዑምራ ፓኬጅ ተዘጋጅቷል!! ዛሬ ነገ እያልክ ምዝገባው ሳይጠናቀቅብህ አሁኑኑ ደውል። ምንም ዓይነት እንግልትና ሙኻለፋ የሌለበት ስርዓቱን የጠበቀ ዑምራ ፈፅመህ ትደሰታለህ ኢንሻ አላህ!! ✈️የለምለም ትራቭል የሙዕተሚሮች እርካታ!! 🫱0911674580 🫱0911904297 🫱0922448888

✍ ነብያቶች እየተቻኮሉ እኛ የምንፈራው ለምን ይመስልሃል??!! እናታች ዓኢሻ ባስተላለፈችው ረሱልﷺ እንዲህ ይላሉ፦ 📚«لا يموتُ نبيٌّ حتى يُخيَّر بين الدنيا والآخرة»   «አንድ ነብይ በዱንያ እና በአኼራ መሃል ሳያስመርጡት በፊት አይሞትም።»   ማብራሪያው በተመሣሣይ ሐዲሶች እንደመጣው አንድ ነብይ አጀሉ በደረሰ ጊዜ መለከል መውት ወደሱ ይመጣና «በዚች ዱንያ ላይ ትቆያለህ?? ወይስ ወደ አኼራ መሻገር ትፈልጋለህ???» ብሎ ይጠይቀዋል። ስለ ዱንያ ምንነትና ስለ አኼራ ጉዳይ ከሁሉም የሰው ልጆች በበለጠ የሚያውቁት ነብያቶች ናቸውና ምርጫ ቀርቦለት በዱንያ ላይ መቆየትን የመረጠ አንድም ነብይ የለም። ሁሉም ወደ አኼራ ሄደው ጌታቸውን ተገናኝተው ጌታቸው ዘንድ ያላቸው ነገር ለማግኘት ይጓጓሉና የሁሉም ምርጫ «ውሰደኝ» ነበር።   በነብዩ ሙሳﷺ ታሪክ ላይ ብንመለከት እንኳ፧ መለከል መውት መጀመሪያ ላይ ምርጫ ሳያቀርብለት ሕይወቱን ሊነጥቀው መጣ። ሙሳም መለክ ይሁን ሌላ አላወቀም ነበርና ጉዳት ሊያደርስበት የቀረበው ሰው መስሎት ለመለከል መውት በቡጢ ዐይኑን ደረገመለት። በዚህ ጊዜ መለከል መውት ወደ ጌታው ተመልሶ «አላህዋ ሞት ወደ ማይወድ ባሪያህ ልከኸኝ ዐይኔን አጥፍቶኛል» ብሎ ስሞታ አቀረበ። አላህም የመለከል መውት ዐይኑን መለሰለትና; {በል አሁን ሂድና መዳፉን በበሬ ጀርባ ላይ እንዲያሳርፍ ጠይቀው: እጁ በነካው እያንዳንዱ ፀጉር ዓመት ይሰጠዋል: በዚህ ልክ ከመኖርና አሁን ከመሞት አማርጠው} አለው።   መለከል መውት ወደ ሙሳ ተመልሶ ከጌታው የቀረበለትን አማራጭ ነገረው። ሙሳም «ይህንን ሁሉ ከኖርኩኝ በኋላስ?» አለ «ከዝያማ ሞት ነው» አለው መለከል መውት። ሙሳ «እንግዲያውስ አሁኑኑ ውሰደኝ» አለው።   ረሱልﷺ የመሞቻ ህመማቸው በታመሙ ጊዜ ዓኢሻ ዘንድ ባሉበት; «اللَّهم الرفيق الأعلى» «አላህ ሆይ! እላይ ካሉ መልካም ባልደረቦች ጋ» ሲሉ ሰማቻቸውና አላህ እያስመረጣቸው እንደሆነ ገባት።    እሷም በውስጧ; إذاً لا يختارنا እኛማ አይመርጡንም፧ "አላህ እዚህ ከመቆየትና ወደሱ ከመሄድ እያስመረጣቸው ከሆነ እኛማ አይመርጡንም" አልኩኝ ትላለች።     የሁሉም ነብያት ምርጫ ተመሣሣይ ነው =>አሁኑኑ ሙቶ አላህን መገናኘት!!   ይህ ማእሱም የሆኑ ነብያቶች ብቻ ሳይሆኑ እንደኛው የተለያዩ ስሜቶች ያሉባቸው: ነገር ግን ለአላህ ያላቸው ፍራቻ ሌሎች ፍላጎታቸው ያስረሳቸው ደጋግ የአላህ ባሮች ፍላጎትም ነው። በጣም ጥንቁቅ ሆነው ለአላህ ሸሪዐ እጅ እግር ሰጥተው በመኖራቸው: ከዛሬ ነገ ፈጥነው ጌታቸውን መገናኘት እንጂ እዚህ በደከረተችው ዱንያ መቆየት አይፈልጉም ነበር። ከመልካም ቀደምቶች ስለ አንዱ ሲወራ እንዲህ ይላሉ;   "ሞት ከዝያ ምሶሶ ስር እንደተቀመጠ ባውቅ ተሽቀዳድሜ እሄድለት ነበር" ይላል። ስለ ሌላኛው ሲናገሩ ደግሞ;   "ነገ ትሞታለህ ቢባል ሲሰራው ከነበረው ዒባዳ ላይ ምንም ነገር መጨመር አይችልም ነበር" ይላሉ። ምክንያቱም፦    ሁሌም ዛሬ መሞትን ስለሚያስብ መስራት የሚችለውን ሁሉ ይሰራል። መስራት ከሚችለው ምንም ያስቀረው ነገር ስለሌለ "ነገ ልትሞት ነው" ቢባል የሚጨምረው ነገር አይኖረውም።    እነርሱ ለሞት እንዲህ እየተቻኮሉ እኛ ሞት የምንፈራው ለምንድን ነው???   ሁሉም ራሱን ያውቃላ፤ ሁሉም ስራውን ያውቃላ። እንዴት ይሙት?? ምን ይዞ ይሙት??   ከእኛ አንዳችን ሞቱ እንደቀረበ ቢያውቅ እኮ እንደ ሙሳﷺ በቆዳ ፀጉር ብዛት ዓመት ሊሰጠው ይቅርና አምስት ደቂቃ ዐስር ደቂቃ ይሰጠኝ ብሎ ነበር ሚያለቅሰው። ቢያንስ ቢያንስ ተውበት አርጎ ምህረት ሊጠይቅ። ግን አይሆንም!! ግን አይቻልም!! እንደ ነብያቶች…………    አጀላችን ሲደርስ የሚያስመርጠን መለክ የለምና ምን አልባት አሁን…… ምን አልባትም ነገ…… ምን አልባትም ሰሞኑ ሊያስመርጠን ሳይሆን ሩሓችን ሊያወጣ መለከል መውት መምጣቱ አይቀሬ ነው። ⚫️ሞት እየፈራን ኖረን…… ሲመጣ ከመደንገጥ አሁኑኑ ተዘጋጅተን እንሰነቅ!! 🖊ሐምዱ ቋንጤ ከፉርቃን ሰማይ ስር!! https://t.me/hamdquante

✍ 👇👇👇

✍     ህንድ ሀገር ማስተር ያለው ዶክተር ላም እያመለከ፣    ኣሜሪካ ውስጥ የምርምር ፕሮፌሰር ሆኖ "ዐለምን ድንገት የተፈጠረ ግኡዝ እንጂ ፈጣሪ የለውም" ብሎ እየተከራከረ፣   የወሕይ ምንጭ መፍለቂያ በሆነችዋ ሓረም ውስጥ ተወልዶ አድጎ እስልምና ማለት ምን ማለት እንደሆነ ሳያውቅ እያረጀ፣   ስንት ቁርኣን እና ሓዲሶች ሀፍዞ እያነበነበ በኹራፋት እና በሽርክያት የሚጨማለቅ ሁሉ እያየህ……… አንተ ግን፦    ከሂፍዙ፣ ከቴክኖሎጂው፣ ከምርምሩ በጣም ርቀህ ያለህ ከመሆንህም ጋ:   አላህ ምድር ዘርግቶ ሰማይ ላቆመበት፣ ዱንያ እና አኼራ ለፈጠረበት እስልምና መርቶህ ስታይ ወደ አላህ መዳረሻው ሂዳያ የሚወፍቀው አላህ ብቻ መሆኑን ትገነዘባለህ!! https://t.me/hamdquante

🤲

✍   ከረዥም ዓመታት ልጅ የማጣት ስቃይ በኋላ አላህ የሰብሩን ፍሬ: የዱዐው ውጤት: የዐይኑ ማረፊያ የሆነ ልጅ ሰጠው። ለኢብራሂም ኢስማዔል; ዓለይሂማ ሰላት ወሰላም።   ግና: ከብዙ ዓመታት ያለ ልጅ የመኖር ስቃይ በኋላ ህመሙን ያስረሳው ዘንድ የተሰጠው ልጁ እያጫወተ እና እየሳመው፤ ሲስቅና ሲቦርቅ እያየው፤ በአባትና ልጅ ፍቅር እየተፍለቀለቁ በእቅፉ ያሳድገው ዘንድ አልተፈቀደለትም። ፈፅሞ ሊያምፀው በማይችለው ጌታው ትዕዛዝ ጨቅላው ህፃን ከእናቱጋ ሰውም ይሁን አዝርት በሌለበት ምድረ_በዳ በረሀ ላይ ወስዶ እንዲያስቀምጣቸው ታዘዘ።    የተቋጠሩ ቴምሮችና ቲንሽዬ ውሀ ብቻ አስቀምጦላት ልጇን አሳቅፏት ወደመጣበት ለመመለስ የእግር ጉዞ ጀመረ። ለመፍራትም ለመደንገጥም ጊዜ አልነበራትም: ምክንያቱም ምን እየተደረገ እንደሆነ ገና አልገባትም ነበር። ብቻ ያ የሚሳሳላት የሚንከባከባት ኢብራሂም: የዓመታት ዱዐው ውጤት የሆነው፤ ዐይኑን እንኳ ሞልቶ ሊያየው የሚሳሳለትን ኢስማዔል አስቀምጦላት ያለማንም ጠባቂና ከለላ በበረሀ ትቷት ሲሄድ ግራ ገብቷታል። "ኢብራሂም" ስትል ተጣራችው: መልስ አልሰጣትም። "ኢብራሂሂሂም" ብላ በድጋሚ ተጣራችው: ስለደበረችው ሳይሆን ምን ብትጠይቀኝ ምን ልላት ነው በሚል ስጋት አሁንም ዝም አላት። "ኢብራሂሂሂሂሂም" ብላ ለሦሥተኛ ጊዜ ተጣራች: ከዝምታ ሌላ መልስ አልነበረውም።    አሁን የነገሩን ቁልፍ መጫን ፈለገች "آلله أمرك بهذا" "አላህ ነውን ይህንን ያዘዘህ? አለችው። ፊቱን ሳያዞር እንደዛው ጀርባው ሰጥቷቸው በቆመበት "አዎን!!" አላት።   አሁን ከግራመጋባት ወጥታ የረቡል ዓለሚን ትዕዛዝ እየተፈፀመ እንደሆነ አወቀች። ስጋቱም፣ ፍርሃቱም፣ ጭንቀቱም ረሳችው። በሷዲቆች መዝገብ በደማቅ ቀለም የተፃፈው ዘመን ተሻጋሪው አባባል እዚህ ጋ ነው የተናገረችው። "إذا لا يضيعنا" "ከሆነማ አላህ አይተወንም!!"    ተምሩና ውሀው አለቁ። የበረሀ ረሀብ የኢስማዔል ጉሮሮ ማድረቅ፤ የእናቱን ጨጓራ ማንኳኳት ጀመረ። ምድር ከመስፋቷም ጋ ጠበበቻት። የሚበር ወፍ እንኳ በማይታይበት በረሀ ብትጮህ ብትሮጥ የሚደርስላት ሰው እንደሌለ እርግጠኛ ብትሆንም: ሰበብ የማድረስ ግዴታዋን ለመወጣት "ሰፍዋ" ና "መርዋ" በሚባሉ ተራሮች መሃል ወደዚህ ወደዝያ መሮጥ ጀመረች። አንዴ ስትሮጥ ምንም እንደሌለ አይታ ነበር እኮ፤ ግን ያለችው ቃላቶች በማይገልፁት ጭንቅ ውስጥ ነውና የሆነ ነገር ካገኘሁ በሚል ተስፋ ሰባት ጊዜ ተመላልሳ ሮጠች።    የአላህ ትዕዛዝ መሆኑን በተነገራት ጊዜ: ሁሉም ነገር ከልቧ አውጥታ "አይተወንም!!" ብላ የተመካችበት ልዕለ ሀያሉ አላህ አልተዋትም። አጋዥ ላከላት። ከአጋዥም: የሰማይ መለኮች ንጉስ የሆነው ጅብሪል ዓለይሂ ሰላምን ነው። ጅብሪል ተልኮ ምን የሚሰራ ይመስልሃል??....    ጅብሪል ቁርስና ምሳ ወይም የሳምንት አስቤዛ እንዳይመስልህ ይዞላት የመጣው። ከልጇ አጠገብ ቁጭ አለና ነብያት ተተካክተው፤ ክፍለዘመናት ተገለባብጠው፤ ትውልድ ከትውልድ ተቀያይሮ; ዛሬም ድረስ ሳያልቅ ሳይጎድል የዓለም ህዝብ ጠጥቶ የሚረካበትን ዘምዘም ቆፈረላት። በዚህም አላበቃም; ቦታውን እየጠቆማት "እዚህ ቦታ የአላህ ቤት አለ: ይህ ልጅና አባቱ የሚገነቡት" አላት።     ኢስማዔልም አደገ፤ ካዕባም ተገነባ፤ የኢብራሂምም ጥሪ ከጫፍ እስከ ጠረፍ ተሰማ፤"የሰው ልቦች ልብ ወዲህ እንዲዘነበል አድርግ" ያለው ዱዐዉም  ልቦች ወደ ሐረም መዘንበል ብቻ ሳይሆን በሸውቅ እንዲነዱ በማድረግ በተግባር ታየ። ስለ ሐረም ሳስብ ሁሌም ልቤን የሚያንኳኩ ሁለት ነጥቦች፦     አንደኛው; የኢስማዔል እናት አጋዥ ረዳት ፍለጋ በበረሀ ስትኳትን አንድም ሰው ማየት አልቻለችም ነበር፤ ያ ቦታ ዛሬ ላይ የጠጠር መጣያ እስከማይገኝ ድረስ በሙስሊሞች ተጨናንቆ በግፊያ ይርመሰመሱበታል። እሜቴ ሐጀር አንድ ሰው እንኳ ያጣችበት መካ: ዛሬ ላይ "ከዚህ ሀገር ከዚህ በላይ ሰው ወደ ሐረም እንዳይመጣ" ተብሎ የቁጥር ገደብ ሊጣልበት በቃ። ላ ኢላሃ ኢለሏህ!!     ሁለተኛው; በየትኛውም የዓለም ክፍል በዓመት አንድ ጊዜ እንኳ ታይቶ የማይታወቅ የህዝብ ስብስብ: ዓመቱን ሙሉ ለሀያ አራት ሰዓት ኸልቅ የሚሰባሰብባት መካ ስትመሠረት እዚህ ቦታ ቀድማ በማረፍ የቆረቆረችው አንዲት ሴት ናት: ኡሙ ኢስማዔል!!    እነዚህ ሁለቱ ነጥቦች ሳስብ አላህ በዕልቅናው ከማጥራት ሌላ የምለው ይጠፋኛል ሱብሃነሏህ!! 🤲አላህ ሆይ! ደግመህ ደጋግመህ ጥራን🤲 🖊ሐምዱ ቋንጤ ከፉርቃን ሰማይ ስር!! https://t.me/hamdquante

✍️ በዚህ ምድር የሚራመድ እያንዳንዱ ሰው የየራሱ የሆነ የፈተና ታሪክ አለው።    ፈተናው ምን አልባት ለሰዎች በግልፅ የሚታይ ሊሆን ይችላል፧ አልያም በእሱና በጌታው መሃል የተደበቀ ሊሆን ይችላል። ከፈተና ድኖ የሚኖር ማንም የለም።    አንድ ሰው ግን የፈተናው አላማ ሲረዳና የዚች ሀገር ቆይታ ቲንሽና መሸጋገሪያ ብቻ መሆኑን ሲገነዘብ ልቡ ይረጋጋል።   ለመታገስ የሚጥር አላህ ያስታግሰዋል!!

⚔️  "كيف يُبعث الشهداء؟" للشيخ الفاضل……   أبي_مالك_صابر_اللحجي 🤲رحمه الله🤲 👇👇👇👇👇

✍️   መታገዝም መመራትም ከአላህ ብቻ ነው!! 📖﴿اهْدِنَا الصِّرَاطَ الْمُسْتَقِيمَ﴾    {ቀጥተኛውን መንገድ ምራን} ይህ አንቀጽ………    አንድ ባሪያ የደስታና የሰላም መንገድ ማግኘት የሚችለው ወደ በቀጥተኛው መንገድ በጓዝ ብቻ እንደሆነ፧ በቀጥተኛው መንገድ መጓዝ የሚችለውም ጌታውን ሲመራው ብቻ እንደሆነ ይገልፃል።   ጌታውን መገዛት የሚችለው: በእሱ እገዛ ብቻ እንደሆነው ሁሉ => በቀጥተኛው መንገድ መፅናት የሚችለውም እሱ ሲመራው ብቻ ነው!!       /ኢማም ኢብኑል ቀይም/ 📖الوصايا المنهجيَّة:450 👇👇👇👇👇 https://t.me/hamdquante

✍️    በጁሙዐ ቀን ከሚደረጉ ሱንናዎች 🚿 ገላ መታጠብ፤ 🥼ከልብሶች ይበልጥ የሚያምረውን መልበስ፤ ⚱ ሽቶ መጠቀም፤ 🎋 የጥርስ መፋቂያ መጠቀም፤ 🌴በረሱልﷺ  ላይ ሰለዋት አብዝቶ ማውረድ፤ 🕌በጊዜ ወደ መስጂድ መሄድ፤ 📖 ቁርኣን መቅራት፤ 🕋 ኢማሙ ሚምበር ላይ እስከ ሚወጣ ድረስ የተቻለን ያህል መስገድ፤ 👂ኹጥባ ፀጥ ብሎ ማዳመጥ፤ 🤲 ዱዐ ላይ መበርታት {ምክንያቱም ጁሙዐ ቀን ዱዐ የማይመለስበት የሆነ ሰዓት አለ}‼️ https://t.me/hamdquante

✍️ በጉዳዩ ክብደት ሳይሆን በአላህ ፍቃድ ብቻ መሆኑ ከሚያሳዩ ነጥቦች…………… 🔥ደጃል አል_አዕወር፦ ካለው ጉልበት፣ አቅም፣ ሰራዊትና አስፈሪነት ጋ ወደ ሁለቱ ሐረሞች መግባት አይችልም። 🔥የሐበሻው ሙፍሲድ፦ እንደማንኛውም ሰው ተራ ሰውና ደካማ ከመሆኑም ጋ ሐረም ጥሶ ይገባል። መግባት ብቻም ሳይሆን የተከበረው ካዕባ አንድ በአንድ ያፈራርሰዋል።     በጉልበትና በችሎታ ቢመዘን በዙ_ሱወይቀተይንና በደጃል መሃል ያለው ሰፊ ልዩነት አስቡት። ሆኖም ግን ጉልበተኛው ደጃል ማድረግ ያልቻለው ደካማው ዙ_ሱወይቀተይን ይፈፅመዋል። ⛔️ምክንያቱም፦   ወሳኙ ነገር የጉዳዮቹ ክብደት ላይ ሳይሆን የአላህ ፍቃድ ነው!!

✍️ ኢማን……………   መልካም ስራ በመስራት ይጨምራ ል።   መጥፎ ስራ በመስራት ይቀንሳል።   መልካም ስራ ባለመስራትም ይቀንሳል። /ከሸይኽ ደርስ/