FATVO.UZ | Расмий канал

“Я С ТОБОЙ РАЗВЁЛСЯ” ДЕЙИШ ТАЛОҚМИ? #талоқ ❓ 2215-САВОЛ: Рус тилида сўзлашувчиларда эр ва хотин ажрашмоқчи бўлса, эр “Я с тобой развёлся” деб ажрашар экан. Бу гапи билан талоқ тушадими? Тушса, нечта талоқ тушади? 💬 ЖАВОБ: Бисмиллаҳир роҳманир роҳим. Талоқ айтилишига кўра икки турли бўлади: сариҳ ва киноя. Сариҳ – талоқдан бошқани ифода қилмайдиган лафздир. Киноя эса талоқни ҳам, бошқа маънони ҳам ифода қилувчи лафз ҳисобланади. “Мухтасарул виқоя” китобида ушбу икки турли талоқ қуйидагича баён қилинган: صَرِيحُهُ مَا اسْتُعْمِلَ فِيهِ دُونَ غَيْرِهِ  وكِنَايَتُهُ مَا يَحْتَمِلُهُ وغَيْرَهُ “Талоқдаги сариҳ лафз – талоқдан бошқа нарсада ишлатилмайдиган сўздир. Киноя лафз – талоқни ҳам, бошқани ҳам ифодаловчи лафздир”. Саволда тилга олинган жумладаги “развёлся” сўзи икки нарса ёки икки жуфт бир-биридан ажраши, ташлаб кетиши маъносини ифодалайди. Мазкур лафз эр-хотин ўртасида фақат ажрашиш учун қўлланилади. Қолаверса, рус тилидаги савол-жавоблар, фатволарга назар ташланганда, уларда “развёлся” лафзи сариҳ экани айтилган. Демак, эр хотинига “Я с тобой развёлся”, деса, сариҳ лафз айтгани учун битта ражъий талоқ тушган ҳисобланади. Валлоҳу аълам. Ўзбекистон мусулмонлари идораси Фатво маркази. 👍YouTube 👍Instagram 👍Facebook 👍Ummalife 😎 РАСМИЙ САҲИФА ✅ УЛАШИНГ🗣

​​АЛЛОҲ ТАОЛОГА “СИЗ” ДЕБ МУРОЖААТ ҚИЛИШ #таҳорат ❓ 2214-САВОЛ: Нима учун Аллоҳ таолога “сиз” деб эмас, “сен” деб мурожаат қиламиз. “Сиз” ҳурмат маъносида ишлатиладику. 💬 ЖАВОБ: Бисмиллаҳир Роҳманир Роҳим. Аллоҳ таолога мурожаат қилишда У Зотнинг ягона эканини ифодаловчи сўзлар билан хитоб қилиш лозим бўлади. Бизнинг тилимизда эса бунга фақатгина “сен” олмоши тўғри келади. Чунки ўзбек тилшунослик қоидасига кўра иккинчи шахсда “сиз” олмоши “сен”нинг кўплик шакли ҳисобланади. Тўғри, “сиз” дейишда ҳурмат, эҳтиром маъноси бор, шу билан бирга кўплик маъноси ҳам бор. Шу сабабли “сиз” сўзини Аллоҳ таолога мурожаат қилишда қўллаб бўлмайди. Қолаверса, бизнинг диёрларда ёзилган туркий манбаларнинг барчасида Аллоҳ таолога “сен” деб ишлатилгани учрайди. Масалан, 1644-1724 йилларда яшаган тасаввуф намоёндаларидан бири ҳазрати Сўфи Аллоҳёр раҳимаҳуллоҳнинг юртимизда севиб ўқиладиган асари “Саботул ожизин”да у кишининг “сен” деб муножот қилгани учрайди: “Сан осон этмасанг андоғ саволи, Нечук кечгай ғариб бандангни ҳоли?  Деса: “ман роббук” икки абди даргоҳ, Тилимга жорий қилғил: “Роббим – Оллоҳ!   Шундай экан, Аллоҳ таолога мурожаат қилишда “сен” дейиш ҳурматсизлик эмас, балки юртимиздаги мусулмонлар қадимдан амал қилиб келаётган мурожаат, муножот услуби, тилшунослик қоидасининг тақозоси ҳисобланади. Валлоҳу аълам.

#муфтий_минбари 📹 Бировнинг қалбига ҳукм қилманг 🎙 Шайх Нуриддин Холиқназар ҳазратлари @diniysavollar

#Намоз_вақтлари «... албатта, намоз мўминларга вақти тайин бўлган фарздир» (Нисо, 103) 2026/1448 | 26 август чоршанба 📍 Вилоятлар ўртасидаги фарқлар учун 📣 @diniysavollar

#Видео #намоз 📹 Бомдоддан кейин нафл намоз ўқиб бўлмайдими? 🎙 Абдувоҳид домла Аҳмадалиев

Ўзбекистон мусулмонлари идораси Фатво маркази мутахассиси

👨‍💻 Тўлиқ ҳолда кўриш ✅ Улашинг: @diniysavollar

ҚУЛОҚ ТОЗАЛАШ САБАБЛИ ТАҲОРАТ СИНАДИМИ? #таҳорат ❓ 2213-САВОЛ: Ассалому алайкум устозлар, омонмисизлар? Борларингизга шукур. Қулоқни кавлаш, яъни тозалаш таҳоратни бузадими? 💬 ЖАВОБ: Ва алайкум ассалом. Бисмиллаҳир роҳманир роҳим. Қулоқни тозалашнинг ўзи билан таҳорат синмайди. Аммо ковлаш натижасида қулоқ ичи тирналиб, қон, йиринг ёки сув чиқадиган бўлса, таҳорат синади. “Фатово Оламгирия” китобида таҳоратни синдирувчи омиллар санаб ўтилиб, жумладан қуйидагилар ҳам айтилган: (وَمِنْهَا) مَا يَخْرُجُ مِنْ غَيْرِ السَّبِيلَيْنِ وَيَسِيلُ إلَى مَا يَظْهَرُ مِنْ الدَّمِ وَالْقَيْحِ وَالصَّدِيدِ وَالْمَاءِ لِعِلَّةٍ وَحَدُّ السَّيَلَانِ أَنْ يَعْلُوَ فَيَنْحَدِرَ عَنْ رَأْسِ الْجُرْحِ. كَذَا فِي مُحِيطِ السَّرَخْسِيِّ “Орқа ва олд пешоб йўлидан бошқа жойлардан чиқиб баданни ташқи қисмига (яъни таҳоратда ва ғуслда ювиладиган жойларга) оққан қон, йиринг, сариқ сув ва дард сабабидан оқиб чиққан сув таҳоратни бузади. Оқишнинг даражаси – санаб ўтилган нажосатлардан биронтаси яра бошидан кўтарилиб, атрофга ёйилишидир. “Муҳити Сарахсий”да шундай дейилган”. Валлоҳу аълам. Ўзбекистон мусулмонлари идораси Фатво маркази. 👍YouTube 👍Instagram 👍Facebook 👍Ummalife 😎 РАСМИЙ САҲИФА ✅ УЛАШИНГ🗣

АЁЛ КИШИ ОНА БИР УКАСИ БИЛАН БИРГА САФАР ҚИЛИШИ #маҳрам ❓ 2212-САВОЛ: Мен аёл кишиман, она бир, ота бошқа укам бор. Шу укам билан умра ёки ҳаж сафарига борсам бўладими? 💬 ЖАВОБ: Бисмиллаҳир роҳманир роҳим. Албатта, бўлади. Укангиз билан оталарингиз бошқа-бошқа бўлгани билан онангиз бир бўлгани учун у сизга маҳрам ҳисобланади. У билан сафарга чиқишингиз мумкин. “Фатово Оламгирия”да маҳрам бўлган опа-сингиллар шундай саналган: وَأَمَّا الْأَخَوَاتُ فَالْأُخْتُ لِأَبٍ وَأُمٍّ وَالْأُخْتُ لِأُمٍّ “Опа-сингилларга келсак, улар: ота-она бир опа-сингил, ота бир опа-сингил ва она бир опа-сингиллардир”. Валлоҳу аълам. Ўзбекистон мусулмонлари идораси Фатво маркази. 👍YouTube 👍Instagram 👍Facebook 👍Ummalife 😎 РАСМИЙ САҲИФА ✅ УЛАШИНГ🗣

#муфтий_минбари 📹 Сўзнинг таъсири амал қилишдадир 🎙 Шайх Нуриддин Холиқназар ҳазратлари @diniysavollar

#Намоз_вақтлари «... албатта, намоз мўминларга вақти тайин бўлган фарздир» (Нисо, 103) 2026/1448 | 25 август сешанба 📍 Вилоятлар ўртасидаги фарқлар учун 📣 @diniysavollar

#Видео #савдо 📹 Шундай музораба жоиз бўладими? 🎙 Отабек домла Мамадиев

Ўзбекистон мусулмонлари идораси Фатво маркази бош мутахассиси

👨‍💻 Тўлиқ ҳолда кўриш ✅ Улашинг: @diniysavollar

ҚЎЙ ВА ЭЧКИЛАРИ БОР ОДАМ ЗАКОТ БЕРИШДА ҚАЙСИ БИРИДАН ЗАКОТ БЕРАДИ? #закот ❓ 2211-САВОЛ: Бир одамнинг 20 та қўйи ва 20 та эчкиси бўлса, закот берадими? Агар бериши керак бўлса, қайси биридан беради? 💬 ЖАВОБ: Бисмиллаҳир Роҳманир Роҳим. Закот, қурбонлик каби масалаларда қўй ва эчкилар битта тур ҳисобланади. 20 та қўйи ва 20 та эчкиси бор одам улардан закот бериши керак бўлади. Яъни, қўй ва эчкининг нисоби қирқта бўлгани боис, иккисини умумий ҳисоблаб, закот беради. Закот беришда қўй ва эчкилардан қайси бири кўп бўлса, ўшандан берилади. Агар саволда айтилгандек иккиси ҳам тенг миқдорда бўлса, хоҳласа қўйдан, хоҳласа, эчкидан бериш мумкин. Ҳозирги вақтда эчки қўйга нисбатан арзонроқ бўлгани боис эчки беришда унинг энг қимматини, қўй бермоқчи бўлса, арзонроғини бериши мумкин. Валлоҳу аълам. Ўзбекистон мусулмонлари идораси Фатво маркази. 👍YouTube 👍Instagram 👍Facebook 👍Ummalife 😎 РАСМИЙ САҲИФА ✅ УЛАШИНГ🗣

СЎЙИЛГАН СИГИРДАН СОҒИЛГАН СУТНИ ИСТЕЪМОЛ ҚИЛИШ МУМКИНМИ? #ҳалол_ҳаром ❓ 2210-САВОЛ: Соғиб турилган сигир сўйилгандан кейин сут соғиб олинса, шу сутни истеъмол қилса бўладими? 💬 ЖАВОБ: Бисмиллаҳир Роҳманир Роҳим. Албатта, гўшти ҳалол ҳайвонларнинг сути ҳам ҳалол бўлади. Тириклигидаги сути ҳам, сўйилгандан кейин соғиб олинган сути ҳам ҳалол ҳисобланиб, уни истеъмол қилиш шаръан жоиз ҳисобланади. Бу ҳақда аллома Ибн Обидин раҳимаҳуллоҳ бундай деганлар: وكذا كلّ ما لاتحلّه الحياة حتى الإنفحة واللبن على الراجح “Тириклик унга сингмайдиган (яъни, тирик ҳайвоннинг ўлими билан ўлмайдиган) барча нарсалар ҳам шундай(пок)дир. Кучли қарашга кўра, бунга ширдон (яъни қўзи, бузоқ, улоқ кабиларни ошқозонидан олинадиган фермент) ва сут ҳам киради”. Валлоҳу аълам. Ўзбекистон мусулмонлари идораси Фатво маркази. 👍YouTube 👍Instagram 👍Facebook 👍Ummalife 😎 РАСМИЙ САҲИФА ✅ УЛАШИНГ🗣

#муфтий_минбари 📹 Сўзнинг кучи — амалда 🎙 Шайх Нуриддин Холиқназар ҳазратлари @diniysavollar

#муфтий_минбари 📹 Сўзнинг кучи — амалда 🎙 Шайх Нуриддин Холиқназар ҳазратлари @diniysavollar

#СОТУВДА 📚 Ўзбекистон мусулмонлари идораси раиси, муфтий Шайх Нуриддин Холиқназар бошчиликларидаги Фатво маркази уламоларининг “ФАТВОЛАР ТЎПЛАМИ” китобининг 1-жузи 🔹Китобни тайёрлаш жараёнида икки йил давомида юртдошларимиздан келган саволларга имкон қадар содда услубда, ҳанафий мазҳабимиздаги мўътабар фиқҳий манбаларга асосланган ҳолда жавоблар берилган. 🔸Китобхонлар ушбу китобдан таҳорат, намоз, рўза, закот, ҳаж-умра, савдо-сотиқ, ижара ҳамда ақидавий масалаларга оид кўплаб қизиқарли саволларга батафсил жавоблар топишлари мумкин. 📖Китобнинг ҳажми: 622 бет 📂Муқоваси: Қаттиқ, зарҳал 📇Нашриёт: Shamsiddinxon Boboxonov NMIU 👉Нархи: 90 000 сўм Улгурчи олувчилар мурожаат қилишлари учун: 📱+998917806633 📨 @fatvo_reception 📍 Манзилимиз 🔗 Улашинг: @diniysavollar

#Намоз_вақтлари «... албатта, намоз мўминларга вақти тайин бўлган фарздир» (Нисо, 103) 2026/1448 | 24 август душанба 📍 Вилоятлар ўртасидаги фарқлар учун 📣 @diniysavollar

#Видео #ҳаж 📹 Тавофи ифозани бажармаган кишининг ҳукми 🎙 Абдуғофур домла Ниёзқулов

Ўзбекистон мусулмонлари идораси Фатво маркази бош мутахассиси

👨‍💻 Тўлиқ ҳолда кўриш ✅ Улашинг: @diniysavollar

#муфтий_минбари 📹 Такфир фитнасига алданманг! 🎙 Шайх Нуриддин Холиқназар ҳазратлари @diniysavollar

#Намоз_вақтлари «... албатта, намоз мўминларга вақти тайин бўлган фарздир» (Нисо, 103) 2026/1448 | 23 август якшанба 📍 Вилоятлар ўртасидаги фарқлар учун 📣 @diniysavollar

#Видео #никоҳ 📹 Никоҳ вақтида гувоҳлар нечта бўлиши керак? 🎙 Устоз Ҳабибуллоҳ домла Абдулғаффор

Ўзбекистон мусулмонлари идораси Фатво маркази бош мутахассиси, Тошкент ислом институти катта ўқитувчиси

👨‍💻 Тўлиқ ҳолда кўриш ✅ Улашинг: @diniysavollar