የኡስታዝ ሱልጣን ኸድር የትምህርት መድረክ (official)

የተከበሩ ዶ/ር ሸይኽ ሷሊሕ ሲንዲ (አላህ ይጠብቃቸው) እንዲህ ብለዋል፦ «የሸይኹል ኢስላም (ኢብኑ ተይሚያ) እና የኢብኑል ቀይምን ኪታቦች እንዲሁም የነጅድ ሰለፊይ የደዕዋ መሪዎችን (ኢማሞችን) ኪታቦች ማንበብን አዘውትር፤ በ‹አድ-ዱረር አስ-ሰኒያህ› ውስጥ፣ በሸይኽ ዐብዱል-ለጢፍ ኢቢን ዐብዱር-ረሕማን ኢቢን ሐሰን ድርሰቶች ውስጥ፣ ወይም የአባታቸው ኪታቦች፣ ወይም የሸይኽ ሱለይማን ቢን ሰሕማን ኪታቦች፣ ወይም ከእነሱ ውጪ ባሉ የደዕዋው መሪዎች ኪታቦች ውስጥ ያሉትን (አንብብ)፤ እነዚህ እጅግ ታላላቅ ኪታቦች ናቸው፣ በተለይም የተውሒደል ዒባዳህን ጥርት አድርጎ ሳያወሳስቡ በሚገባ በማስረዳት ረገድ። የሸይኹል ኢስላምና የኢብኑል ቀይም ኪታቦችን በተመለከተ ደግሞ፣ እነዚህ የዒልም ፍለጋህን ያሳጥሩልሃል፤ ይህ በጉዳዩ ላይ ልገልጽበት የምችለው እጅግ አጭሩ አገላለጽ ነው፣ የዒልም ፍለጋህን ያሳጥሩልሃል፣ ከዒልም ጉዳዮች ውስጥ ዋናውን ቁም ነገር እና ምርጡን ይሰጡሃል፤ እንግዲህ አንተ የእውቀት ፈላጊ ሆይ! ይህቺ ለአንተ የምሰጣት ምክሬ ናት።» ◄ [«ቀዋዒዱ አህሊስ-ሱንነቲ ወል-ጀማዐህ ፊል-ኢማኒ ቢ አስማኢላሂ ወ ሲፋቲህ» ከተሰኘው የትምህርት ኮርስ የተወሰደ]

"أعظم الناس خذلاناً من تعلق بغير الله" "ከሰዎች ውስጥ በህይወቱ በጣም ስንኩል ማለት፤ ከአላህ ውጭ ባለ አካል ልቡን ያንጠለጠለ ሰው ነው።" ✍ ኢብኑል ቀዪም

የሸይኽ ሙሐመድ ኣደም አል-ኢትዮጲ ታሪክ ባጭሩ 1.ውልደት እና እድገት ታላቁ የሐዲስ ሊቅ ሸይኽ ሙሐመድ ኢቢኑ  ዓሊ ኢቢን ኣደም ቢን ሙሳ አል-ኢትዮጲ አል-ወለዊ ናቸው። በኢትዮጵያ ወሎ ውስጥ በ1366 ሂጅሪያ አካባቢ ተወለዱ። ያደጉት በዕውቀት እና በደግነት በታወቀ ቤተሰብ ውስጥ ሲሆን፣ ቁርኣንን በሕፃንነታቸው ከአባታቸው ከሸይኽ ዓሊ ኢቢን ኣደም እና ከሌሎች የ አካባቢው اኡለማዎች ዘንድ ቀሩ። በመቀጠልም በዚያ ዘመን ከነበሩ ታላላቅ መሻይኾች ዘንድ የእስልምና እና የአረብኛ ቋንቋ ኡሉሞችን በታወቁት የትምህርት ሥርዓቶች ተከታትለዋል። 2. ስደት እና በመካ ማረፍ ሸይኹ ወደ ሳዑዲ ዓረቢያ በመጓዝ በቅድስቲቱ መካ ከተማ ከመስጂደል ሐራም አጠገብ ተቀመጡ። በመካ በሚገኘው "ዳሩል ሐዲስ አል-ኸይሪያ" ውስጥ በመምህርነት ያገለገሉ ሲሆን፣ በሐረም ግቢም ለዕውቀት ፈላጊዎች የትምህርት ፕሮግራሞችን ያካሂዱ ነበር። ሕይወታቸውን በሙሉ የነቢዩን (ሰለሏሁ አለይሂ ወሰለም) ሐዲስ በማስተማር እና መጻሕፍትን በመጻፍ ለዲን አገልግሎት ጊዜያቸውን ሰጥተዋል። 3. የስለፍያ አቂዳቸው እና መንሃጃቸው ሸይኽ ሙሐመድ ኣደም አል-ኢትዮጲ በጠራው የስለፍያ እምነት (አቂዳ) እና በሐዲስ ባለቤቶች መንገድ ላይ ባላቸው ጽናት ይታወቃሉ። ይህም በትምህርቶቻቸው እና በማብራሪያዎቻቸው ላይ በግልጽ ይታያል፦ የአላህን ስሞች እና ባህሪያት ማረጋገጥ (ኢስባት)፦ አላህ ለራሱ ያረጋገጣቸውን እና መልእክተኛው (ሰለሏሁ አለይሂ ወሰለም) ያረጋገጡላቸውን ስሞችና ባህሪያት ያለ ማዛባት (ታሕሪፍ)፣ ያለ ማስተባበል (ተዕጢል)፣ እንደ ምንነት ያለ መመስል (ተክዪፍ) እና ከፍጡራን ጋር ያለ ማመሳሰል (ተምሲል) ያረጋግጣሉ። ተቃራኒ አንጃዎችን ማረም፦ በማብራሪያዎቻቸው እንደ ጀህሚያህ እና ሙዐጢላ ያሉ የተሳሳቱ የከላም (የፍልስፍና) አንጃዎችን እምነት በመቃወም፣ የሰሃባዎችን እና የታቢዒዮችን መንገድ አብራርተዋል። የሐዲስ ሊቃውንትን መንገድ መከተል፦ በትክክለኛ ማስረጃዎች ላይ መመካት፣ የቀደሙት ሠለፎች ያላለፉበትን አለመቀበል፣ እና የሐዲስ ሰንሰለቶችን (ኢስናድ) በጥልቀት በመመርመር የእምነት እና የፊቅህ ጉዳዮችን ከቁርዓን እና ከሐዲስ ጋር ማያያዝ። 4. ዋና ዋና ድርሰቶቻቸው ሸይኽ በርካታ አጋዥ እና ጥልቅ የሆኑ ዑሉሞችን የያዘ ኩቱቦችን ትተው አልፈዋል፦ ዘኺረቱል ዑቅባ ፊ ሸርሒል ሙጅተባ፦ የኢማም ነሳኢን የሐዲስ ስብስብ (ሱነን) ያበራሩበት ሰፊ እና የሐዲስ ኢንሳይክሎፒዲያ የሆነ ኪታብ ነው። መሻሪቁል አንዋር ወል አል-ወሃጃህ፦ የሱነን ኢብኑ ማጀህ ማብራሪያ። ቁረቱ ዐይኒል ሙሕታጅ፦ የሶሒሕ ሙስሊም መግቢያ ማብራሪያ። ኢስዓፉ ዘዊል ወጠር፦ በሐዲስ እውቀት (ሙስጠላሕ) ዙሪያ የተዘጋጀው የሱዩጢ አልፊያ ማብራሪያ። በሰዋስው (ነሕው)፣ በኡሱል አል-ፊቅህ እና በ ዑሉሙል ሐዲስ  ዙሪያ የተፃፉ ሌሎች በርካታ ድርሰቶች እና ስነ-ግጥሞች (መንዙማት) አሏቸው።

ከመሳሰል አልፎ ዘፈን የሆነው ዘመናዊው ነሺዳ! በሰለፎች  ዘንድ «ነሺዳ» ወይም «ሁዳእ» (የመንገድ ላይ እንጉርጉሮ) ማዳመጥ በምንም መልኩ አሁን እንደምናየው የዘፈን ልማድ አልነበረም። ይልቁንም በተወሰኑ አጋጣሚዎችና ለአጭር ጊዜ  “መዝናናት” በሚያስፈልግበት ወቅት ብቻ የሚደረግ እንጂ የዘወትር ልማዳቸው ወይም የቀልባቸው ዋና ቀለብ አልነበረም። በሰለፎች ዘንድ ነሺዳ የሚደመጥባቸው ሁኔታዎች፦ በሥራና በአሰልቺ ጉዞ ጊዜ ብቻ መወሰኑ፦ እንጉርጉሮ የሚባለው ድካምን ለማቃለልና መንፈስን ለማነቃቃት ሲባል ብቻ ነበር፤ ለምሳሌ በኸንደቅ ቁፋሮ፣ በነቢዩ  ሰለሏሁ አለይሂ ወሰፀም መስጅድ ግንባታ ወቅት፣ ወይም በበረሃ ጉዞ ላይ የግመል ተጓዦችን ለማበራታት ይደረግ ነበር። ቀላልና ድንገተኛ (ያልተዘጋጀበት) መሆኑ፦ ከሰለፎች (ቀደምት ደጋግ  የዲን አበዎች)አንዳቸው ያለ ምንም "ተከሉፍ"(አለመጨናነቅ)፣  የድምፅ አጣጠል እና ፈሰት ስለጠና ሳይወስዱ፣ ዜማን ሳያወሳስቡ፣ ድምፅን ለማለዘብ ሳይሞክሩና ምንም ዓይነት የድምፅ መሣሪያ ሳይጠቀሙ አንድ ወይም ሁለት ስንኝ ያንጎራጉሩ ነበር። የዘፈን ቅርፅ የሌለው መሆኑ፦ ሰዎችን ሰብስቦ ማስዳመጥ፣ «ሙንሺድ» የሚባል የተለየ የሙያ ዘርፍ አለመኖሩና እራሳቸውን ለእንጉርጉሮ ስራ አለመመደብ፣ ወይም ለዚሁ ተብሎ ልዩ ፕሮግራም ማዘጋጀት በነሱ ዘንድ አልነበረም። ሰለፎች ነሺዳን የዘወትር ልማድ የማድረግ አመለካከታቸው፦ የቀልብ ዋና ቀለብ ቁርኣን መሆኑ፦ የእነሱ የዘወትር ልማድና ቀልባቸው ለማለዘብ አዘውትሮ ቁርኣንን ማንበብ፣ አላህን ማውሳት (ዚክር) እና ሸሪዓዊ እውቀትን መቅሰም ብቻ ነበር። በአንፃሩ ዛሬ ላይ ያሉ የዘመናዊው ነሺዳና የዘፈን መመሳሰል፦ ➡️​ የድምፅ መሣሪያዎችና የዲጂታል «ሳውንድ» አጠቃቀም ➡️​ የዘፈኖችን ዜማና የአቀራረብ ስልት ቀጥታ መኮረጅ ➡️​ የግጥሞች ይዘት ወደ ፍቅርና ስሜታዊነት ማደል ➡️​ የቪዲዮ ክሊፖችና የሙንሺዶች የኮከብነት አባዜ 🔴 ከዚህ በመቀጠል ጥቂት ከሰለፎች አንደበት የተገኙ ጥቅሶችን (ኑቁላቶች) ላጋራችሁ፦ ወሰን ከማለፍ ማስጠንቀቃቸው፦ በእስልምና ሊቃውንት ዘመን (በፉቀሃዎች) (እንደ «ተግቢር» ያሉ በድቤ የታጀቡ እና በዜማ የተዘጋጁ እንጉርጉሮዎች) ብቅ ሲሉ አበክረው ኮንነዋል። ኢማም ሻፊዒይም (رحمة الله عليه) ደግሞ፦ «በበግዳድ ከቁርኣን የሚያዘናጋና ዚንዲቆች (መናፍቃን) የፈጠሩትን '“ተግቢር”' የሚባል ነገር ትቼ ወጣሁ» ብለዋል። የኢማሙ አሽ–ሻፊዒ ደረሳ የሆኑት አቡ አብዲላህ(ኢማም አሕመድ) ተጠየቁ? አሕመድ ቢን ሐንበል ስለ «ተግቢር» (በዜማ ስለሚደረግ እንጉርጉሮ) ተጠይቀው፦ «አዲስ የመጣ ቢድዓ (ፈጠራ) ነው» አሉ። « የደረቀ ቀልብን ያረሰርሳል እኮ» ተብለው ሲጠየቁ፦—–ይህ ብዥታ አላህ እኛንም እነሱንም ይቅር ይበለንና አብዛኞቹ የሚያነሱት መከራከሪያ ነጥብ  ነው—እሳቸውም፦ «ከነሱ ጋር አትቀማመጡ» አሉ። !!! የሸይኹል ኢስላም ኢብኑ ተይምያህ (ረሒመሁላህ) በኢማም አሽ-ሻፊዒይ ንግግር ላይ የሰጡት አስተያየት እጅጉን ያሰደንቃል!፤ እንዲህ ብለዋል፦

«ይህ የኢማም አሽ-ሻፊዒይ የላቀ እውቀትና የእስልምና  ጥልቅ ግንዛቤ የመጣ ነው፤ ምክንያቱም ቀልብ ግጥሞችንና ስንኞችን አዘውትሮ ማዳመጥ ከተለማመደና በእነሱ መዝናናትን ካበዛ፣ ቁርኣንንና አንቀጾቹን ከመስማት መሸሽና መራቅ ይፈጠርበታል።»

እንዲሁም ብለዋል፦

«ኢማም አሽ-ሻፊዒይ (ረ ዲየላሁ ዐንሁ) "ይህ በመናፍቃን የተፈጠረ ነው" ማለታቸው፣ በእስልምና መሠረቶች ላይ ጥልቅ እውቀት ያለው ኢማም ንግግር ነው፤ ምክንያቱም ይህን መሰሉን ስማዕ (ዜማ/ነሺዳ) ከመጀመሪያውኑ የመረጡትና ወደ እሱ የተጣሩት በመናፍቅነት የተጠረጠሩ ሰዎች እንጂ ሌላ አይደለም።»

ኢማም አጥ-ጠርጡሺይ (ረሒመሁላህ) «ተሕሪሙስ-ሰማዕ» በተሰኘው መጽሐፋቸው ላይ እንዲህ ብለዋል

፦ «አላህ እኛንም እነሱንም ቅኑን መንገድ ይምራንና፣ ከሙስሊም ወንድሞቻችን የሆኑ አንዱ ጭፍራ ሸይጧን ያንሸራተታቸው፣ ዘፈንን፣ መዝናኛን፣ "ጠቅጠቃን" እና "ተግቢርን" በመውደድ አእምሯቸውን ያሳታቸው መሆኑ ደርሶናል። ወደ አላህ የሚያቃርብ የዲን አካል አድርገው ያመኑበት ሲሆን፣ በሙስሊሞች ስብስብ ፊት ይፋ አድርገውታል፤ የሙእሚኖችንም መንገድ ተቃርነዋል፣ የፊቅህና የዲን ሊቃውንትንም ተፃርረዋል

። » በአጠቃላይ፣ ሰለፎች ነሺዳን እንደ ተቋቋመ የመዝናኛ ኢንዱስትሪ ወይም የዘወትር ልማድ አያውቁትም ነበር፤ ይልቁንም ቀልብ በቁርኣን ከመጠመድ እንዳይወጣ መጠኑን የጠበቀ አልፎ አልፎ የሚደረግ መዝናኛ ብቻ ነበር። ይህም (ነሺዳ ማዳመጥ) ሱሰኝነት፣ ፍቅርና መዝናኛ "ለህው" ሊሆን ይችላል—አላህ ይጠብቀንና—ቀልቡም ቢሆን የዚያን የሚያፍቅረው ሙንሺድ (አዝማሪ) ድምፅ ካልሰማ በቀር አይረካም። በተለይ ሴቶች በተቃራኒ ፆታ ፈተና፣ ድምፅ በመማረክ ፈተና ውስጥ ይወድቃሉ። ልክ ዘፈን ላይ እንዳለው። የሙንሺዱ ድምፅ ከጆሮዋ ሲርቅ ነፍሷ ወደ እሱ ትጓጓለች፣ ትጠበባለች፤ ሁኔታውም ልክ እንደ ሰካራም ይሆናል። የስነ-ልቦናው ሀኪም የሆኑት አሕመድ ቢን አብደልሐሊም—ኢብኑ ተይምያ—እንዲህ ብለዋ

ል፦ «በሚያስደስቱና በሚያወዛውዙ ድምፆች መስከር ልክ በሚያሰክሩ መጠጦች እንደ መስከር ሊሆን ይችላል፤ አላህን ከማስታወስና ከሶላት ያዘናጋቸዋል፤ ቀልቦቻቸውን የቁርኣንን ጣፋጭነት፣ ትርጉሙን መረዳትና መከተልን ይከለክላቸዋል፤ በዚህም አላህ ዘንድ "ከአላህ መንገድ ሊያሳስቱ አላስፈላጊ ወሬዎችን (ላህወል ሐዲስ) የሚገዙ" የተባሉትን ሰዎች የሚመሳሰሉ ይሆና

ሉ።» ኢብኑል ጀውዚይ (ረሒመሁላህ) ደግሞ «ተልቢሱ ኢብሊስ» በተሰኘው መጽሐፋቸው ላይ እንዲህ ብለ

ዋል፦ «የስማዕ (የዜማ/ነሺዳ) ፍቅር የብዙዎችን ልብ ተቆጣጥሮታል፤ በመሆኑም ቁርኣንን ከማንበብ ይልቅ እሱን አስበለጡት፤ ቁርኣንን ሲቀራ የማይለዝበው ቀልባቸው እሱን ሲሰሙ ይረሰርሳል። ይህም በውስጣቸው በጥልቀት ከተቀመጠ ሸህዋ(ስሜትና) ከአሸናፊ ባህሪያቸው የተነሳ እንጂ ሌላ አይደለም፤ እነሱ ግን ከዚህ የተለየ ይመስላ

ቸዋል።» ስለዚህ አላህ ይጠብቅህና አላስፈላጊና ዋጋ የሌላቸውን ነገሮች ተወና ወደ መልካም ሥራዎች ተጣደፍ፤ ጊዜህንም በሚጠቅምህ ነገር ላይ አውለው፤ አላህ በደነገገልህ ዒባዳዎችም ወደ እሱ ተቃረብ። ንግግሬን በሸይኹል ኢስላም ኢብኑ ተይምያህ (ረሒመሁላህ) ድንቅ ንግግር ልቃጭ ወደድኩ፤ እንዲህ

ብለዋል፦ ፦ «ባህታዊ (ዐቢዶች)፦ በውጫዊና በውስጣዊ በደነገገው ንግግርና ሥራ አላህን ከተገዙ፣ አላህ መልእክተኛውን የላከበትን የመልካም ንግግርና የጽድቅ ሥራ ጣዕም ከቀመሱ፤ ከእነዚያ ቢድዓ ከሆኑና ቁርዓን ከማዳመጥ ከሚያስወጡ እንደ "ተግቢር" እና መሰል ስማዖች—ሰዎች ከፈጠሯቸው የተለያዩ ዚክሮችና ዊርዶች—የሚያብቃቃ የጠራ መንፈሳዊ ሁኔታን፣ የላቀ ደረጃንና ታላቅ ውጤትን ያገኛሉ። እነዚህ የፈጠራ እንጉርጎሮዎችን  የፈጠሩ ሰዎች አላህ ከደነገገው ነገር ላይ ያላቸው ቁርጠኝነት በመቀነሱ የተነሳ  ነው አዲስ ከፈጠሯቸው ተጨማሪ የአምልኮ ዓይነቶች(ቢድዓዎች)ላይ

የተዘፈቁት። » ስላረዘምኩትና ምናልባትም ጠንከር ያለ አቀራረብ ከሆነ ይቅርታ እጠይቃለሁ፤ ምክንያቱም ወንድሜ ላንተ መልካምን ስለሚመኝልህ ነው። አቡ ሑዘይፋ/ሱልጧን ከድር

ኢስላማዊ ነሺዳ በብዙ ዘመናዊ ቅርጾቹ ከመጀመሪያው ሸሪዓዊ ፅንሰ ሀሳብ እና እሴት ዓላማው የወጣ ሲሆን፤ ከተፈቀደ የመዝናኛና የሞራል ማነቃቂያ መንገድነት ተቀይሮ የንግድ ዘፈንን ወደሚመስል የመዝናኛ ኢንዱስትሪነትና ቁርዓንን ማዳመጥን ወደ መጋፋት ተሸጋግሯል። ይህን እውነታ የሚክድ ሰው አላህ ልቦናውን ያጨለመበትና በስሜቱ የታወረ ሰው ብቻ ነው።

🪶 ኢማም አን-ነወዊይ እንዲህ ይላሉ፦ «የጠዋትና የማታ አዝካሮችን ሙሉ በሙሉ ለመተግበር እድሉን (ተውፊቅን) ያገኘ ሰው፤ ይህ ከአላህ የተሰጠው ትልቅ ፀጋና ችሮታ ነው፤ ለርሱም የምስራች እንለዋለን! ሁሉንም አዝካሮች ማለት ያልቻለ (የተሳነፈ) ሰው ደግሞ ከአጫጭር አዝካሮች መካከል የፈለገውን — አንድ አዝካር እንኳ ቢሆን — አጠር አድርጎ ያድርግ (ይበቃዋል)!» ‏📚المصدر : كتاب الأذكار (١٥٧).

*سؤال صريح..* *لو عرضت حياتك ڪاملة بڪل تفاصيلها ڪ فيلم...* *هل تستطيع مشاهدته مع أهلك..؟ وعرضه أمام الناس..؟!* *إذا ڪان الجواب ( لا )* *فأحسن انتاج الفيلم لأنه سيعرض يوم القيامه .* *ولا تجعل الله اهون الناظرين لك.* *وتخشي الناس والله أحق أن تخشاه.*

ምስጋና ለአላህ ይሁን! የአህሉሱና ወልጀማዐህ ከኩቱቦች በዐቂዳ፣ በፊቅህ)እና በስነ-ምግባር (ሱሉክ) ዘርፎች በተሟላ እና በተደራጀ መልኩ ይገኛሉ፤ እነሱም ከሌሎች አህሉል አህዋእ መጻሕፍት ሁሉ የሚያብቃቁ ናቸው። የስሜትና "የፊክር" ባለቤቶች የሚወጡ ኩቱቦችን ለመመልከት ዝም ብሎ በስሜታዊ ጉጉት ወይም በራሱ ላይ ባለው ከመጠን ያለፈ እምነት (ትዕቢት) የሚተማመን ሰው፣ በገዛ ኩራቱና ድፍረቱ ምክንያት ለፈተና ተዳርጓል። نسأل الله السلامة والعافية! والسلامة لا يعدلها شيء.

ሰባሑል ኸይር!🌷 ተጠበሃል? ነገሮች ተወሳስበውበሃል? ተጨናነቀሃል? እንግዲያውስ! ​አይዞህ! እሱኮ የ"ፈረጃው" (ከጭንቀት መውጫው)የመጀመሪያዋ ምልክት ነውና አብሽር! የፈረጃው ብርሃን የሚፈነጥቀው መንገዶች ሁሉ ሲዘጉ እና ሁኔታዎች የተወሳሰቡ እና ጨለማ ሲሆኑ ነው። ​ይህም ደግሞ የአላህ (አዘወጀለ) ደንብ (ሱንና) ነው! ​{ መልእክተኞቹ [የሕዝቦቻቸውን ማመን] ተስፋ በቆረጡ እና (መልእክተኞቻቸው ከሐዲዎችን በማጥፋትና ምዕመናንን በማዳን ረገድ የገቡላቸው ቃል )በእርግጥም የተዋሹ መሆናቸውን ባሰቡ (በጠረጠሩ)ጊዜ (ለመልክተኞች)እርዳታችን መጣላቸው...} 📚 [ዩሱፍ: 110]

ኢላሂ! ከ አንተ ሌላ ወደ ማንኛውም ፍጡር አታስጠጋን፤ በ አንተ የጠነከርን፣ በ አንተም ከዓለማት ሁሉ የተብቃቃን አድርገን። ኣሚን!

በኡስታዝ ሱልጣን ከድር…[{حفظه الله }] ✍ 🔸ሸይኽ ዑሰይሚን(ረሂመሁላህ) እንዲህ ብለዋል፦ "እኛ የምንለው ፦ ሰለፍ ማለት አህሉ ሱና ማለት ነው፣ የአህሉ ሱና መገለጫ ከነሱ ውጭ ለማንም አይሆንም።በጭራሽ! "አህሉ ሱና ወልጀማኣ ሲባል (ሰለፍዬች፣አሽኣሪዬች እና ማቱሪዲዮች ናቸው።" የሚል ተሳስቷል። ይህ ስሕተት ነው!! ሁሉም አህሉ ሱናህ ሊባሉ ይችላልን? ከሐቅ በኋላ ጥመት እንጂ ሌላ የለም። አንዱ ሌላኛው ላይ ምላሽ እየሰጠ እንዴት ሆኖ ሁሉም አሕሉ ሱና ሊሆኑ ይችላሉ? ይህ ሊሆን ፈፅሞ አይቻልም፣ምናልባት ሁለት ተቃራኒ ነገሮችን በአንድ ላይ ማሰባሰብ ከተቻለ እንጂ!! ከነዚህ አንጃዎች አንዱ ብቻ ነው አህሉ ሱና ሊሆን የሚችለው። እሱ ማነው? አሽኣሪያ? ወይስ ማቱሪዲያ? ወይስ ሰለፊያ? ሱናን የገጠመ እርሱ አሕሉ ሱና ነው፣ሱናን የተፃረረ እርሱ አሕሉል ቢድዓ ነው። እኛ የምንለው ፦ ሰለፍ ማለት አህሉ ሱና ማለት ነው ከሰለፊዮች ውጭ የአህሉ ሱና መገለጫ ከነሱ ውጭ ለማንም አይሆንም።በጭራሽ!" 【"ሸርሑ ዐቂደቱ አልዋሲጢያ"(1/33_34)】 (የመክተበቱ ጠበሪያ ህትመት አንደኛ ዕትም) https://telegram.me/sultan_54

قال الشيخ العلامة زيد المدخلي رحمه الله “وقهـــوةُ البُنِّ للأبــــدانِ مُنْعِشـــةٌ … مذاقُهَـــا مُمتــعٌ كالبُرِ والعسلِ رفيقــةُ العُمْرِ في الأسفـارِ مُؤنسةٌ … كنفحةِ المِسْكِ إن فاحتْ بلَا جدلِ وبُغْيةُ النَّفـسِ في الإصْبَاح مُبهجةٌ … تَسُرُّ إلْفًا مَتَى جــاءَتْ على مَهَلِ ِيـا حبَّذا الشِرْبَ إنْ صاغتهُ ماهِرةٌ … لِتُكْرِمَ الضَّيْفَ مِـنْ آتٍ ومُرْتحِــل في كُــلِّ بيتٍ لَهَــا ذِكْرٌ ومَنْقَبَــــةٌ … تُضَاحِكُ الخِلَّ إينَاســاً بِـــلا خَطَـلِ تقولُ مرحى وطول الوقتِ بَاسِمَةٌ … تُعِيدُ مَرْحَى رَفيــعَ القَـــدْرِ والمُثُلِ لا عيب فيهــا ومِنْ غَوْلٍ مُبَرَّأَةٌ … فاشْربها صِرْفًا ولا تخشى من العِلَلِ” ___ ■الشيخ العلامة زيد بن هادي المدخلي رحمه الله ■المنظومات الحسان(الديوان المليح) لزيد بن هادي المدخلي – ص 343 ط الأولى، دار الميراث النبوي.€___ የጤና ባለሙያዎች በአጠቃላይ በቀን እስከ 400 ሚሊግራም ካፌይን ወይም አራት ባለ 8 አውንስ ስኒ ቡና መጠጣት ምንም ጉዳት እንደሌለው ይናገራሉ። ከዚህ በላይ መጠጣት ግን የጤና ችግሮችን ሊያስከትል ይችላል። ✅ የቡና ጥቅሞች: የአልዛይመር እና የፓርኪንሰን በሽታን ይከላከላል። ለልብ እና ለጉበት ጤና ጠቃሚ ነው። አንዳንድ የካንሰር አይነቶችን ተጋላጭነት ይቀንሳል።

«ሱኒይ» (የሱና ተከታይ) ማለት ስሜታዊ ፍላጎቶች፣ ቢድዐዎችና የተለያዩ የጥመት አንጃዎች በተወሱ ጊዜ፤ ወደ አንዱም አያዘነብልም፣ ለማናቸውም ወገንተኝነትን (ተዐሱብን) አያሳይም፤ ይልቁንም በቁርኣንና በትክክለኛው የነቢዩ  ﷺ ሱና ላይ ብቻ ይጸናል።» አቡበጀር ኢብኑ ዐያሽ

አንዳንዶቹ  እጅግ ወሰን ያለፈ አድናቆት እና ለዘመናዊ ግለሰቦች ባላቸው ስሜታዊ ተፅዕኖ መሸነፍ የተነሳ፤ ከነቢዩ ﷺ ባልደረቦች (ሶሃቦች) ይልቅ ለኋለኞች የበለጠ እንዲያደሉ እና እንዲቆረቆሩ ያደርጋቸዋል።