ABC News Afaan Oromoo

Maawurisiiyoo Poocheetiinoon leenjisaa Maanchiister Yuunaayitiid ta’uun muudaman Finfinnee, Sadaasa 4, 2019 – Maawurisiiyoon Poocheetiinoon leenjisaa Maanchiister Yuunaayitiid ta’uun muudamaniiru. Leenjisichi Roobii dhufuu eegalee Itti gaafatamummaa kilabichaa ifatti kan fudhatu ta’uu Maanchiister Yuunaayitiid beeksiseera. Poocheetiinoon kan dura Tootenhaam, Cheelsii fi PSG dabalatee kilaboota garaa garaa fi Garee Biyyaalessaa Ameerikaa leenjisuun isaanii ni yaadatama. 💙°°°°°💚°°°°°❤️°°°°👇👇 @drhoneliat12em💌

Daayrektarri Olaanaa duranii OBN Obbo Gizaachoo Gabbisaa Du'aan Addunyaa kanarraa boqotan Finfinnee, Sadaasa 4, 2019- Daayrektarri Olaanaa duranii OBN Obbo Gizaachoo Gabbisaa Du'aan Addunyaa kanarraa boqotaniiru. Obbo Gizaachoo Gabbisaa, waggaa muraasaan dura dhibee isaan mudateen yaalamaa turuun dandamachuu dadhabanii, du'aan addunyaa kanarraa boqotan. Obbo Gizaachoon Dhaabbata Raadiyoofi TV Oromiyaa keessatti ripportaraa hanga gulaalaatti, Biiroo Kominikeeshinii Oromiyaa fi Waajjira Paartii Badhaadhinaa damee Oromiyaatti I/G Damee Sanqunnamtii fi Yaada Ummataa, ta'uunis tajaajilaniiru. ‎Obbo Gizaachoo Gabbisaa Ebla 2014 irraa eegaluun ammoo, Daayirektara Ol’aanaa OBN ta’uunis tajaajilaniiru. 💙°°°°°💚°°°°°❤️°°°°👇👇 @drhoneliat12em💌

BILIYEENARA SAGAAGALUMMAAF DHAABBATE OFII KEESSAA ARIYAME: Hoji-Geggeessaan Olaanaan Dhaabbata 'Nvidia' Jensen Huang Sagaagalummaa fi Shakkii Basaasummaa Chaayinaatiin Walqabatee Dhaabbata Ofii Hundeessanii Guddisan Gadiidhiisan; Eelon Maask "Isa Qacaruun Anaaf Kabaja Guddaadha" Jedhan! ⠀ Hoji-geggeessaan olaanaa (CEO) fi hundeessaan dhaabbata teeknooloojii fi 'AI' addunyaa irratti sadarkaa duraa irra jiru 'Nvidia' kan ta'an Jensen Huang, haadha warraa isaanii irratti sagaagaluu (cheating) fi dubartii basaastuu mootummaa Chaayinaati jedhamtee shakkamtu waliin hariiroo iccitii uumuu isaaniitiin walqabatee, dhaabbata waggoota 33'f ofii ijaaranii guddisan har'a ifatti gadiidhiisaniiru. Jensen Huang bara 1993 umrii isaanii waggaa 30tti dhaabbata 'Nvidia' kan hundeessan yoo ta'u, dhaabbaticha gara gatii doolaara tiriiliyoona 4.2 oliitti guddisuun addunyaa teeknooloojii 'Artificial Intelligence' (AI) dhuunfachiisaniiru. Haa ta'u malee, qorannoo fi dhiibbaa boordii dhaabbatichaa hordofuun har'a aangoo isaanii gadiidhiisuuf dirqamaniiru. ⠀ Kufaatiin hoogganaa cimaa kanaa kan eegale, gaazexaan 'The New York Times' fi dhaabbanni FBI Ameerikaa Jensen Huang dubartii 'Alice Huang' jedhamtu, kan dhaabbata 'Megaspeed' keessa hojjettuu fi Ministeera Nageenya Biyyaalessaa Chaayinaatiif basaastuu ta'uun shakkamtu, waliin hariiroo jaalalaa dhoksaa qabaachuu isaanii erga saaxilanii boodadha. Mootummaan Ameerikaa dubartiin kun tooftaa jaalalaatiin (honeytrap) hoogganaa kanatti dhiyaachuun chiipsiiwwan 'AI' Ameerikaan Chaayinaatti akka hin gurguramne dhorkite karaa naannawaatiin argachuuf yaalaa turte jedhee shakka. Jensen Huang Dilbata darbe haadha warraa isaanii irratti dogoggora raawwachuu (cheating) amanuun hojjettoota isaanii dhiifama kan gaafatan yoo ta'u, Pireezidaant Doonaald Tiraampitti garuu dubartiin sun basaastuu ta'uu ishee quba akka hin qabne himanii turan. ⠀ Haa ta'u malee, galgala kaleessaa qorannoo biraa ba'een Jensen Huang dubartii basaastuu Chaayinaa jedhamte sana qofa osoo hin taane, hojjettuu dhaabbata 'Nvidia' isaan jala jirtu kan maqaan ishee Kimberly Powell jedhamtu (Itti-aantuu Pireezidaantii Damee Fayyaa Nvidia) waliinis hariiroo sagaagalummaa lammaffaa qabaachuun isaanii saaxilameera. Saaxilamuu dhimmoota lamaanii kana hordofuun gatiin gabaa dhaabbata 'Nvidia' doolaara biiliyoona 600 oliin kan gadi bu'e yoo ta'u, boordiin dhaabbatichaa walga'ii hatattamaa taa'uun hoogganaa kana aangoo irraa kaasuuf murteessuu hordofee, Jensen Huang har'a ganama fedhii isaaniitiin aangoo gadiidhiisaniiru; bakka isaaniis Colette Kress hoji-geggeessituu yeroo ta'uun muudamteetti. ⠀ Gama biraatiin, hoogganaan cimaan addunyaa teeknooloojii jijjiire kun dhaabbata ofii ijaare keessaa ari'amuuf jedha oduun jedhu akkuma dhaga'ameen, abbaan qabeenyaa addunyaa Eelon Maask deeggarsa guddaa agarsiisaniiru. Fuula 'X' (Twitter duraanii) irratti gaaffii "Eelon maaloo Jensen qacari" jedhuuf Eelon Maask deebii hatattamaa kennaniin, "Isa qacaruun (waliin hojjechuun) anaaf kabaja guddaadha" (That would be an honor) jechuun, ogeessa cimaa kana dhaabbilee isaanii kanneen akka Tesla, SpaceX ykn xAI keessatti simatanii waliin hojjechuuf qophii ta'uu isaanii addunyaaf ifoomsaniiru. 💙°°°°°💚°°°°°❤️°°°°👇👇 @drhoneliat12em💌

“Waggoota Shan Keessatti Manneen Jireenyaa Ijaarree Ummata Keenyaaf Kennuuf Waadaa Seennerra” – Ministira Muummee Abiyyi Ahimad (PhD) ** Ministirri Muummee Abiyyi Ahimad (PhD), waggoota shan keessatti manneen jireenyaa ijaaranii ummataaf dabarsuuf waadaa galuu isaanii ibsan. Ministirri Muummee ergaa karaa miidiyaa hawaasaa isaaniin dabarsaniin, ummanni hanqina mana jireenyaatiin rakkoolee fi yaaddoo isa mudatan sirriitti akka hubatan ibsaniiru. Manneen jireenyaa qulqullinaafi sadarkaa isaanii eeggatanii, gatii madaalawaan dhiyaatan mijeessuun galma misoomaa qofa osoo hin taane, itti gaafatamummaa fi imaanaa lammiilee irratti qaban ta’uu hubachiisaniiru. Xiyyeeffannoon mootummaa inni guddaan bu’aa qabatamaa galmeessisuu, dhiibbaa hanqina mana jireenyaa ummata irra jiru salphisuu fi maatiiwwan guutuu biyyattii keessatti argamaniif sadarkaa jireenyaa fooyya’aa ta’e uumuu ta’uu Ministirri Muummee Abiyyi Ahimad (PhD) ergaa isaanii keessatti ibsaniiru. 💙°°°°°💚°°°°°❤️°°°°👇👇 @drhoneliat12em💌

🚨𝐌𝐀𝐔𝐑𝐈𝐂𝐈𝐎 𝐏𝐎𝐂𝐇𝐄𝐓𝐓𝐈𝐍𝐎 waggaa 2 fi walakkaaf Man United leenjisuuf mallatteesse. 💙°°°°°💚°°°°°❤️°°°°👇👇 @drhoneliat12em💌

HIMANNAAN KEENIYAATTI MEETTAA IRRATTI DHIYAATE MANA MURTIITTI DEEBI’EE ILAALAMAA JIRA ⠀ Finfinnee, Sadaasa 12, 2026: Kaampaaniin Meettaa (Meta), kaampaaniiwwan Feesbuukii fi Inistaagiraam yeroo waraanni Kaaba Itoophiyaatti gaggeeffamaa turetti qabiyyee jibbiinsaa fi waamicha jeequmsaaf kakaasu miidiyaa hawaasaa isaa irratti akka tamsa’u hayyameera jechuun himannaan irratti dhiyaate Mana Murtii Olaanaa Keeniyaa keessatti irra deebi’ee ilaalamaa jiraachuun gabaafame. ⠀ Himannaan kun lammiilee Itoophiyaa lama, Abrahaam Ma’aarag fi Fissihaa Takilee, akkasumas dhaabbata mirgoota namoomaa Keeniyaa Kaatiibaa Inistiitiyuut (Katiba Institute) waliin ta’uun Mudde 14, 2022 Mana Murtiif dhiyaate. ⠀ Himattoonni kun sirni algooriizimii (algorithm) Feesbuukii qabiyyee jibbiinsaa, waamicha haleellaa fi jeequmsa kakaasu dabalee tamsaasuun miidhaa namoomaa qaqqabsiiseera jechuun Meettaa himataniiru. ⠀ Keessumaa Abrahaam Ma’aarag, ergaawwan jibbiinsaa fi odeeffannoon dogoggoraa abbaa isaa Piroofeesar Ma’aarag Amaaree irratti xiyyeeffate Feesbuukii irratti tamsa’uun ajjeechaa isaaf sababa ta’uuf dhimmicha wajjin walqabata jechuun himannaa keessatti dhiyeesseera. Abbaan isaa, Yuunivarsiitii Baahir Daaritti barsiisaa Keemistirii kan turan yoo ta’u Sadaasa 2021 ajjeefaman. ⠀ Himatamaan lammaffaa Fissihaa Taklees hojii mirgoota namoomaa irratti hojjechaa tureen walqabatee Feesbuukii irratti ergaawwan jibbiinsaa fi doorsisa du’aa isa irratti xiyyeeffatan tamsa’aa turuu himateera. ⠀ Meettaan himannaan kun Mana Murtii Keeniyaatti ilaalamuu hin qabu jechuun falmii dhiyeessee ture. Haa ta’u malee, Manni Murtii Olaanaa Keeniyaa Ebla 3, 2025 murtii kenneen mormii kaampaanichi dhiyeesse fudhachuu dide. Dhimmichi gaaffiiwwan seeraa fi mirgoota namoomaa bu’uuraa ilaallatu waan of keessaa qabuuf, himannaan sun akka itti fufu murteesse. ⠀ Akkasumas, dhimmichi gaaffiiwwan seeraa bal’aa fi murtii abbootii seeraa hedduu barbaadu waan kaasuuf, dhaddacha abbootii murtii hedduu qabuun akka ilaalamuuf karaa baneera. ⠀ Hojii to’annoo qabiyyee Feesbuukii biyyoota Sahaaraa Kibba Afrikaa keessatti tamsa’an Naayiroobii irraa raawwachaa kan ture Meettaan, dhaabbata Sama jedhamu waliin hojjechaa ture. Haa ta’u malee, dhaabbatichi Bitootessa 2023 hojii to’annoo qabiyyee kana dhaabeera. ⠀ Gabaasa Teek Poolisii Pirees Sadaasa 11, 2026 maxxanseen akka ibsameetti, Manni Murtii Olaanaan Keeniyaa Sadaasa 12, 2026 Meettaan ragaa dabalataa himattoonni galmee isaanii irratti dabaluuf gaafatan irratti mormii dhiyeesse dhaggeeffata. ⠀ Himattoonni Meettaan sirna to’annoo qabiyyee isaa Afrikaa keessatti akka fooyyessu, keessumaa qabiyyee Afaan Oromoo, Amaariffaa fi Tigiriffaan tamsa’an sirnaan to’achuuf ogeeyyii gahaa akka ramadu gaafachaa jiru. Akkasumas, miidhamtootaaf beenyaa kaffaluu fi itti gaafatamummaa kaampaanichaa akka mirkaneessu gaafataniiru. ⠀ Adeemsi seeraa kun itti gaafatamummaa dhaabbileen teeknooloojii gurguddoon addunyaa qabiyyee miidhaa geessisuu danda’u miidiyaa hawaasaa isaanii irratti tamsa’aniif qaban, akkasumas nageenya namootaa fi mirgoota namoomaa eeguu keessatti gahee isaanii irratti gaaffiiwwan seeraa bal’aa kaasaa jira. 💙°°°°°💚°°°°°❤️°°°°👇👇 @waf37fspainbv💌

Sharariitonni 3,000 Ol Ta’an Kaalsii Xuraawaa Keessa Dhokfaman Buufata Xiyyaaraa Peeruutti To’ataman Finfinnee, Sadaasa 12, 2026: Hojjettoonni gumurukaa fi to’attoonni bineensota bosonaa Peeruu, sharariitota gurguddoo (tarantulas) hedduu kaalsiiwwan fakkaattii maqaa qaban keessa dhokfamanii gara Jarmanii seeraan ala geeffamuuf turan Buufata Xiyyaaraa Idil-Addunyaa ‘Jorge Chávez’, Liimaa keessatti to’ataniiru. Gabaasni kun lakkoofsi sharariitotaa 3,000 ol ta’an kun imaltoota sadii kan lammiilee Jarmanii lamaa fi lammii Poolaandii tokkoon daddabarfamuuf shakkaman yoo ta’u, haa ta’u malee lakkoofsi sirrii bineensotaa, eenyummaa imaltootaa akkasumas, haalli isaan ittiin qabaman maddoota walaba ta’aniin hin mirkanoofne. Akka odeeffannoo dhiyaateetti, hojjettoonni gumurukaa shaanxaa imaltootaa gara Jarmanii imaluuf qophaa’an yeroo sakatta’an, kaalsiiwwan keessaa sochii shakkisiisaa arganii shaanxaa banan. Sana booda sharariitonni sadarkaa guddinaa adda addaa qaban keessa jiraachuu isaanii argan jedhame. Kooraa Suu’aarez, ogeettii Tajaajila Bosonaa fi Bineensota Bosonaa Biyyaalessaa Peeruu (SERFOR), sharariitonni argaman sanyiiwwan adda addaa ta’uu fi muraasni isaanii saayinsiidhaan guutummaatti kan hin ibsamne jedhamuun ibsite. Akkasumas, bineensonni kun naannolee Juunín, Looretoo, Kaajamarkaa, Kuuskoo fi La Libertad irraa kan funaanaman ta’uun isaanii himameera. Gatiin sharariitota kanaa gabaa Awurooppaa irratti tokkoon tokkoon isaanii Yuuroo 500, jechuunis tilmaamaan doolaara Ameerikaa 560, ga’uu danda’a jedhameera. Tilmaamni kun gatii gabaa yaadame irratti kan hundaa’uu fi gatiin dhugaa fi waliigalaa isaanii hin mirkanoofne. Akka tilmaamaatti garuu Yuuroo miliyoona 1.5 ykn doolaara miliyoona 1.7 ol ta’uu danda’a jedhameera. Poolisiin Peeruu imaltoota sadan to’annaa jala oolchuun, daddabarsa seeraan alaa bineensota bosonaa fi yakka naannoo waliin walqabatu irratti qorannoo gaggeessaa jira. Shakkamtoota keessaa tokko qorataa sharariitotaa beekamaa ta’uu isaa gabaasni tokko kan agarsiisu yoo ta’u, kaayyoon bineensota kana fuudhanii deemuu galii maallaqa dhuunfaa kuufachuu, qorannoo irratti geggeessuuf fayyadamuu ykn daldala bineensota mana keessaa ta’uun isaa adda hin mirkanoofne. Yeroo ammaa, sharariitonni to’ataman kun gara giddugala eegumsaa fi kunuunsa bineensotaa hayyama qabuutti dabarfamuuf qophaa’aa jiraachuun kan himame yoo ta’u, haalli isaanii dhumaa fi bakka itti geeffaman garuu ifatti hin ibsamne. 💙°°°°°💚°°°°°❤️°°°°👇👇 @waf37fspainbv💌

Dooktar Fitsuum Daayrektera Olaanaa fi Ofiisar Muummee Garee Baankii Addunyaa waliin mari’atan Finfinnee, Sadaasa 3, 2019 – Ministirri Ministeera Maallaqaa fi Mariisiiftuu Olaantuun COP32 Dooktar Fitsuum Asaffaan, Daayrektera Olaanaa fi Ofiisara Muummee Garee Baankii Addunyaa Paaskaal Donohoo waliin mari’ataniiru. Dooktar Fistuum Yaa’ii 31ffaa Qabeenya Qilleensaa Mootummoota Gamtoomanii Turkiyyee Antaaliyaatti gaggeeffamaa jiru cinaatti marii waloo kana gaggeessaniiru. Dhimmoota Qophii COP 32 fi tumsa qaamolee lamaan gidduu jiru cimsanirratti mari’ataniiru. Dabalataan Konkolaattoota Ekeltirikaa, Faayinaansii qabeenya qilleensaa, raawwii fi deebii jijjiirama qabeenya qilleensaa, akkasuma dhimmoota gadi lakkifama Kaarbaniirratti mari’achuu isaanii ragaan fuula COP32 irraa argame ni mul’isa. 💙°°°°°💚°°°°°❤️°°°°👇👇 @waf37fspainbv💌

Dooktar Geediyoon Ministira Eegumsa Naannoo Ruwaandaa waliin mari’atan Finfinnee, Sadaasa 3, 2019 – Ministirri Ministeera Dhimma Alaa fi Pireezidaantiin COP32 Dooktar Geediyoon Xiimootiwoos Ministira Eegumsa Naannoo Riippaabilika Ruwaandaa Dooktar Barnaadeet Araakwiiyyee waliin mari’ataniiru. Tumsa qophii COP 32 fi Dhimmoota waloo dursa barbaadanirratti mari’ataniiru. 💙°°°°°💚°°°°°❤️°°°°👇👇 @waf37fspainbv💌

Obbo Barakat Fissahaatsiyoon Daayrektera Dhaabbata Tumsa Idil Addunyaa waliin mari’atan Finfinnee, Sadaasa 3, 2019 – Ministirri Ministeera Tarsiimoo Biyyaalessaa obbo Barakat Fissahaatsiyoon Daayrektera Dhaabbata Tumsa Idil Addunyaa Dooktar Paabiloo A. Viiyeeraa waliin mari’ataniiru. Obbo Barakat Fissahaatsiyoon Yaa’ii COP31 Turkiyyee Antaaliyaatti gaggeeffamaa jiru cinaatti marii waloo Paaviiliyoonii Itiyoophiyaa gaggeessaniiru. Yaa’ii 32ffaa Qabeenya Qilleensaa Mootummoota Gamtoomanii Itiyoophiyaan bara dhufu keessummeessituuf tumsa tarsiimawaa cimsuuf marii gaggeeffame ta’uu ragaan fuula COP 32 irraa argame ni mul’isa. Dhaabbatichi hariiroo bara dheeraa Itiyoophiyaa waliin qabu caalmaatti cimsuuf qophii COP32‘f tumsa barbaachisu kan taasisu ta’uu mirkaneessan Dooktar Paabloon. 💙°°°°°💚°°°°°❤️°°°°°👇👇 @waf37fspainbv💌

"Waadaa Galuu Biras Darbuun Gara Tarkaanfii Faayinaansii Saffisaatti Ce'uun Ni Barbaachisa" #Abiy_Ahimad Finfinnee, Sadaasa 11, 2026: Ministirri Muummee #Itoophiyaa Abiy Ahimad (Phd), Yaa’ii Hoggantoota COP31 Turkiin keessummeessaa jirtu irratti ergaa dabarsaniin, yeroo ammaa kana waadaa galame qofa irratti daanga'anii hafuu dhiisanii, gara tarkaanfii hatattamaa faayinaansii haala qilleensaa salphaatti dhaqqabamaa ta'etti ce'uun akka barbaachisu waamicha taasisaniiru. Dabalataanis, sirna akeekkachiisa dursaa fi dandeettii dandamachuu hawaasa saaxilamoo ta’anii ijaaruu irratti xiyyeeffannoo akka socho'uun barbaachisu gaafataniiru. "Itoophiyaan falaasama Ida'amuutiin qajeelfamtee, sagantaa Ashaaraa Magariisaa (Green Legacy) jalatti biqiltuu biiliyoona 56 ol dhaabdee jirti; akkasumas misooma anniisaa haaromfamuu fi misooma magaalaa itti fufiinsa qabu bal’inaan babal’isaa jirtiis" jedhaniiru. Ministirri Muummee Abiy Ahimad, Itoophiyaan pirezidaantummaa COP32 itti aanu yeroo fudhattu, ajandaawwan dursa kennamaniif kanneen biroo guutummaatti tarkaanfachiisuu akka itti fuftu fi addunyaa guutuu simachuuf qophii ta’uu ishee mirkaneessaniiru. Walgahii kana cinattis, hoggantoota Baarbaadoos, Fiinlaand, Noorweey, Qaaxaar, Iraaq, Somaaliyaa fi Bootosiwaanaa waliin marii hidhata biyyoota lamaanii geggeessaniiru. Mariwwan kunneen tumsa misoomaa fi invastimantii, akkasumas nageenyaa fi tasgabbii naannichaa irratti kan xiyyeeffatan yoo ta’u, marichi bu’aa qabeessa ta’uun isaas ibsameera. 💙°°°°°💚°°°°°❤️°°°°👇👇 @waf37fspainbv💌

Itiyoophiyaan yaa’ii COP32 milkaa’inaan gaggeessuuf kutannoo qabdi- Dooktar Geediyoon Xiimootiwoos Finfinnee, Sadaasa 2, 2019 – Ministirri Ministeera Dhimma Alaafi Pireezidantiin COP32 Dooktar Geediyoon Xiimootiwoos Itiyoophiyaan yaa’ii COP32 milkaa’inaan gaggeessuuf kutannoo qabaachuu mirkaneessaniiru. Dooktar Geediyoon Xiimootiwoos ‘UNFCCC’ jalatti walga’ii hoggantoota jila garee biyyoota miseensa Arabaa irratti affeeramaniiru. Miseensonni garichaas adeemsa COP32 irratti hoggansa Itiyoophiyaa fi Pireezdaantii filatamaa COP32 irraa amantaa qabaachuu ibsaniiru. Dabalataanis Itiyoophiyaafi biyyoonni miseensa garee Arabaa hariiroo waggoota dheeraafi cimaa qabaachuu eeraniiru. Dooktar Geediyoon Xiimootiwoos gamasaaniin, kutannoofi qophaa’ummaa Itiyoophiyaan qaamolee hunda waliin walitti dhiyeenyaan hojjechuun COP32 milkaa’inaan qopheessuuf qabdu garichaaf mirkaneessaniiru. 💙°°°°°💚°°°°°❤️°°°°👇👇 @waf37fspainbv💌