ar
Feedback

لا تقع ضحية للمخادعين! تيليمتريو يكتشف ويُميّز هذه القنوات 👉 إذا كنت تريد رؤية العلامة، اشترك

Sheger Press️️

Sheger Press️️

الذهاب إلى القناة على Telegram

Official channel of sheger press Contact @Birukepromo

إظهار المزيد

📈 نظرة تحليلية على قناة تيليجرام Sheger Press️️

تُعد قناة Sheger Press️️ (@sheger_press) في القطاع اللغوي الأمهرية لاعباً نشطاً. يضم المجتمع حالياً 35 722 مشتركاً، محتلاً المرتبة 7 084 في فئة الأخبار والوسائط والمرتبة 1 048 في منطقة إثيوبيا.

📊 مؤشرات الجمهور والحراك

منذ تأسيسه في невідомо، حقق المشروع نمواً سريعاً وجمع 35 722 مشتركاً.

بحسب آخر البيانات بتاريخ 20 نوفمبر, 2026، تحافظ القناة على نشاط مستقر. خلال آخر 30 يوماً تغيّر عدد الأعضاء بمقدار -424، وفي آخر 24 ساعة بمقدار -12، مع بقاء الوصول العام مرتفعاً.

  • حالة التحقق: غير موثّقة
  • معدل التفاعل (ER): يبلغ متوسط تفاعل الجمهور 14.70‎%. وخلال أول 24 ساعة من النشر يحصد المحتوى عادةً 10.27‎% من ردود الفعل نسبةً إلى إجمالي المشتركين.
  • وصول المنشورات: يحصل كل منشور على متوسط 5 252 مشاهدة. وخلال اليوم الأول يجمع عادةً 3 669 مشاهدة.
  • التفاعلات والاستجابة: يتفاعل الجمهور بانتظام؛ متوسط التفاعلات لكل منشور يبلغ 19.

📝 الوصف وسياسة المحتوى

يصف المؤلف القناة بأنها مساحة للتعبير عن الآراء الذاتية:
“Official channel of sheger press Contact @Birukepromo”

بفضل وتيرة التحديث المرتفعة (أحدث البيانات بتاريخ 21 نوفمبر, 2026) تحافظ القناة على حداثتها ومستوى وصول مرتفع. وتُظهر التحليلات تفاعلاً نشطاً من الجمهور، ما يجعلها نقطة تأثير مهمة ضمن فئة الأخبار والوسائط.

35 722
المشتركون
-1224 ساعات
-1217 أيام
-42430 أيام
أرشيف المشاركات
ለታላቁ ሩጫ በኢትዮጵያ ለተሽከርካሪ ዝግ የሚሆኑ መንገዶች ይፋ ተደረጉ በርካታ የሀገር ውስጥና የውጪ ሀገራት ተሳታፊዎች፣ አምባሳደሮች፣ ተጋባዥ አትሌቶች የሚታደሙበት መነሻና መድረሻውን መስቀል አደባባይ ያደረገው ታላቁ ሩጫ በኢትዮጵያ ያዘጋጀው የሩጫ ውድድር ህዳር 13 ቀን 2019 ዓ/ም በአዲስ አበባ ይካሄዳል፡፡ ውድድሩ ተጀምሮ እስከሚጠናቀቅ፡- *ከኦሎምፒያ አደባባይ ወደ መስቀል አደባባይ (ኦሎምፒያ አደባባይ ) *ከጥላሁን አደባባይ ወደ ሳንጆሴፍ መብራት (ጥላሁን አደባባይ ) ለከባድ ተሽከርካሪ አጎና ሲኒማ *ከአፍሪካ ህብረት መብራት ወደ ሜክሲኮ አደባባይ (ጥይት ቤት መስቀለኛ ) *ከፓርላማ መብራት ወደ ኮንሰን መታጠፊያ (ፓርላማ መብራት ) *ከኮንሰን መታጠፊያ ወደ ቅዱስ ገብርኤል (ኮንሰን መታጠፊያ ) *ከጥይት ቤት ወደ ቅዱስ ገብርኤል በጀርባው (ጥይት ቤት መታጠፊያ ) *ከሴቶች አደባባይ ወደ ካዛንቺስና ካዛንቺስ ቶታል (ሴቶች አደባባይ ) *ከ22 አደባባይ ወይም ዘሪሁን ህንፃ ወደ ቅዱስ ዑራኤል አደባባይ (ዘሪሁን ህንፃ መስቀለኛ ) *ከፒኮክ አዲሱ መንገድ ወደ ዑራኤል አደባባይ (ፒኮክ መብራት) *ከጋዜቦ አደባባይ ወደ ደንበል (ጋዜቦ አደባባይ) *ከቅዱስ ቂርቆስ ቤ/ክርስቲያን መስቀለኛ ወደ ለገሃር መብራት (ቅዱስ ቂርቆስ ቤ/ክርሰቲያን ) *ከላንድ ማርክ ሆስፒታል መታጠፊያ ገነት ሆቴል ወይም ወደ ገነት መብራት (ላንድ ማርክ ሆስፒታል መስቀለኛ) *ከጠማማ ፎቅ ወደ ሜክሲኮ አደባባይ (ጠማማ ፎቅ መስቀለኛ ) *ከአፍሪካ ህብረት መብራት ወደ ሜክሲኮ አደባባይ (ሜክሲኮ ጥይት ፋብሪካ መስቀለኛ ) *ከፈረሰኛ መብራት ወደ ጨፌ ሜዳ (ፈረሰኛ መብራት ) *ከሞላ ማሩ መስቀለኛ ወደ ጌጃ ሰፈር (ጌጃ ሰፈር መስቀለኛ ) *ከከፍተኛ ፍ/ቤት አደባባይ ወደ ሜክሲኮ አደባባይ (ከፍተኛ ፍ/ቤት አደባባይ) *ከሠንጋ ተራ 40/60 ወደ ሠንጋ ተራ መብራት (ሠንጋ ተራ 40/60 መታጠፊያ) *ከጎማ ቁጠባ መብራት ወደ ብ/ቲያትር (ጎማ ቁጠባ መብራት) *ከሜትሮሎጂ መታጠፊያ ወደ ፖስታ ቤት መብራት (ሜትሮዎሎጂ መታጠፊያ ) *ከጥቁር አንበሳ ሼል ወደ ኢምግሬሽን (ጥቁር አንበሳ ሼል) *ከጎላ ቅዱስ ሚካኤል መስቀለኛ ወደ ኢምግሬሽን (ጎላ ቅዱስ ሚካኤል መስቀለኛ) *ከቴዎድሮስ አደባባይ ወደ አገር አስተዳደር መብራት (ቴዎድሮስ አደባባይ) ከንጋቱ 11:30 - ሰዓት ጀምሮ ውድድሩ እስከሚጠናቀቅ የተጠቀሱት መንገዶች የሚዘጉ ሲሆን በተጨማሪም በተገለፁት መስመሮች ላይ ዛሬ ቅዳሜ ከምሽቱ 12:00 ሰዓት ጀምሮ ለአጭርም ይሁን ለረጅም ጊዜ ተሽከርካሪ ማቆም የተከለከለ መሆኑን የአዲስ አበባ ፖሊስ ዋና ጠቅላይ መምሪያ አስታውቋል።
21 نوفمبر, 09:26

የመላእክት አለቃ ቅዱስ ሚካኤል ልመናችንን ይስማን፤ምልጃ እና ረድኤቱም አይለየን🙏 ቅዱሳት መጻሕፍት እንደሚነግሩን የመላእክት ሁሉ አለቃቸው ቅዱስ ሚካኤል በፈጣሪው ኃይል ብዙ ድንቆችን ሠርቷል፡፡ ከመጀመሪያው ሰው አዳም ጀምሮ እስከ ዛሬ ድረስ አምነው ለሚጠሩት ረዳት ነው፡፡ በመዝሙር 33÷7 እደተጻፈው ዘወትርም ያድናቸው ዘንድ በሚፈሩት ሰዎች ዙሪያ ይሠፍራል፡፡ እግራችን እንዳይሰናከል ዘወትር ይጠብቀናል፡፡ የቅዱስ ሚካኤል ስሙ ድንቅ ነው፡፡ ነቢዩ ቅዱስ ዳንኤል እንደተናገረው ከእርሱ በቀርስ የሚያጸና ማን አለና! ለሕዝቡም የሚቆም ታዳጊ መልአክ ነው፡፡ ይህ ድንቅ መልአክ ከሺህ ዓመታት በፊት በሮም ከተማ ይህንን ድንቅ ተአምር መስከረም ዘጠኝ ቀን መሥራቱን ቤተ ክርስቲያን ትመሰክራለች፡፡ በቀድሞው የሮም ግዛት 'ሩፍምያ' የምትባል ከተማ ነበረች፡፡ ይህች ከተማ በእምነታቸው ጠንካሮች የሆኑ ጥቂት ክርስቲያኖችና በርካታ ኢአማንያን ተቀላቅለው የሚኖሩባት ናት፡፡ በተለይ ደግሞ የቤተ ክርስቲያኗ መጋቢ ፍጹም የእምነት ሰው ነበር፡፡ በቦታው የቅዱስ ሚካኤል ቤተ ክርስቲያን በመኖሩም ብዙ ተአምራት ይደረግ ስለነበር ተበለጥን የሚል ስሜት የተሰማቸው አሕዛብ “ዮናናውያን”ይሕንን ቤተ ክርስቲያን ለማጥፋት ተማማሉ፡፡ በቀጥታ ሔደው ቢያፈርሱት ወይም ቢያቃጥሉት በሕግ እንደሚጠየቁ ያውቃሉና በሥጋዊ ጭንቅላታቸው ዘዴ ያሉትን መከሩና ወሰኑ፡፡ በከተማዋ ዳር የሚያልፍ አንድ ትልቅ ወንዝ አለ፡፡ በሞላ ጊዜ ያገኘውን ሁሉ ጠርጐ የሚወስድም ነበር፡፡ ታዲያ ክፋተኞቹ ሌሊት ሌሊት እየተነሱ የሚሔድበትን መንገድ ዘግተው ወደ ቤተ ክርስቲያኑ አቅጣጫ መንገድ ከፈቱለት ከቀናት በኋላ ከባድ ዝናብ በዚህች ቀን ጣለ፡፡ ወንዙ ትልቅ ነውና ያገኘውን ሁሉ እያገላበጠ ደረሰ፡፡ በወቅቱ በቅዱሱ መልአክ ቤተ መቅደስ ውስጥ ከመጋቢው በስተቀር ሰው አልነበረምና አስፈሪ ድምጽ ሰምቶ ሲወጣ ወንዙ እየደነፋ ወደ ቤተ ክርስቲያኑ እየመጣ ነው፡፡ ከደቂቃዎች በሁዋላ ቤተ ክርስቲያኑ እንዳልነበረ እንደሚሆን የተረዳው መጋቢ በታላቅ ድንግጤ ውስጥ ወደቀ፡፡ እርሱ አንድ ተስፋ ነበረውና ወደ ውስጥ ገብቶ በመላዕክት አለቃ በቅዱስ ሚካኤል ምስለ ስዕል ፊት ወድቆ ተማጸነ፡፡ ታላቁ ወንዝ ቤተ ክርስቲያኑን ጠርጎ የሚወወስደው ከሆነም የሚሆነውን ነገር ለመቀበልና ከዚያም ላለመውጣትም ወሰነ፡፡ ትንሽ ቆይቶ በታላቅ ኃይል ወንዙ ደረሰ፡፡ በዚህ ጊዜ የመላዕክት ሁሉ አለቃቸው ለጠራውም ፈጥኖ የሚደርሰው ቅዱስ ሚካኤል በግርማ ከሰማይ ወርዶ በወንዙ ፊት ቆመ፡፡ መጋቢውንም "ጽና አትፍራ፣ እኔ ካንተ ጋር ነኝና" ብሎት በያዘው የብርሃን በትረ-መስቀል መሬትን አንድ ጊዜ መታት፡፡ በዚያች ቅጽበትም ትልቅ ሸለቆ ተፈጠረ፡፡ በአስፈሪ ሁኔታ ሲመጣ የነበረው ወንዝም በሸለቆው ውስጥ አልፎ ሔደ፡፡ የሚገርመው ነገር የመላዕክት አለቃ ቅዱስ ሚካኤል ሸለቆው የተፈጠረው ከቤተ ክርስቲያኑ በታች መሆኑ ነው፡፡ ቤተክርስቲያኑ ግን ጸንቶ ቆመ፡፡ መጋቢውም እግዚአብሔርንና ቅዱስ ሚካኤልን አመሰገነ፡፡ ቅዱስ ሚካኤል መጋቢውን ባርኮት በክብር ዐረገ፡፡ በማግስቱ ክርስቲያኖቹ ይህንን አይተው ደስ አላቸው፣ መልአኩንም አከበሩት፣ አሕዛብ ግን አፈሩ፡፡ ራሳቸውን ለእግዚአብሔር ያስገዙ ገዳማውያንና ቅዱሳን ጸሎታቸው ኃይልን ታደርጋለች፡፡ ገዳማቸውን እየደገፍን በዓታቸውን እያጸናን የበረከታቸው ተሳታፊ እንሁን፡፡ ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም ኢትዮጲያ ንግድ ባንክ 1000442598391 ወይም አቢሲኒያ ባንክ 141029444 የገዳሙ ስልክ ቁጥር:-0918077957 ወይም 0938644444
21 نوفمبر, 09:26

photo content
21 نوفمبر, 09:26

በባድሜ አካባቢ ከባድ ውጊያና የአየር ጥቃት መፈጸሙ ተዘገበ ​አብዛኛው የትግራይ ክልል አካባቢዎች ወደ መደበኛ ሰላማዊ እንቅስቃሴ እየተመለሱና የጊዜያዊ አስተዳደሩ መዋቅር እየተዘረጋ ቢሆንም፣ በሰሜን ምዕራብ አቅጣጫ በባድሜ ዙሪያ በከባድ መሣሪያ የታገዘ ውጊያ መቀጠሉን ቢቢሲ፣ ሮይተርስ እና ዶቼ ቬለ ዘግበዋል። ​ወደ ኤርትራ ግዛት የገባው የህወሓት ታጣቂ ኃይል ከኤርትራ ጦር ጋር በመሆን በአካባቢው ወታደራዊ እንቅስቃሴ እያደረገ መሆኑን ምንጮች ሲያመለክቱ፣ በኢትዮጵያ መከላከያ ሠራዊት በኩልም በድሮን ቅኝት የታገዘ የአየር ጥቃት መፈጸሙ ተገልጿል። ​ከዚህም ባሻገር፣ በተፈጠረው የጸጥታ ክፍተት ከማረሚያ ቤቶች የተለቀቁ ፍርደኞች ለአካባቢው ነዋሪዎችና ለኅብረተሰቡ ደኅንነት ስጋት መሆናቸውን ዘገባዎቹ አክለው ገልጸዋል።
21 نوفمبر, 01:14

እንኳን ለሊቀ መላእክት ቅዱስ ሚካኤል አመታዊ ክብረ በዓል አደረሳችሁ፤አደረሰን🙏 ቅዱስ ሚካኤል የልባችሁን መልካም መሻት ይሙላላችሁ🙏 የስሙ ትርጓሜም “እንደ እግዚአብሔር ያለ ማን ነው” ማለት ሲሆን የ7 ሊቃነ መላዕክት አለቃቸው ነው ቅዱ ሚካኤል። ልበ አምላክ ቅዱስ ዳዊት በመዝሙር 33÷7 “የእግዚአብሔር መልአክ በሚፈሩት ሰዎች ዙሪያ ይሰፍራል ያድናቸውማል” ይለናል፡፡ ከእግዚአብሔር ዙፋን ስር ትዕዛዝ በወጣ ግዜ ኪሩቤል ተቀብለው ለሱራፌል ያስተላልፋሉ፤ ሱራፌልም ለሚካኤልና ለገብርኤል ለሩፋኤልም ያደርሳሉ፡፡ ሚካኤል ለፍጥረቱ በጎም ይሁን ክፉ ትዕዛዙን ይፈጽሙ ዘንድ መላዕክትን ያዛቸዋል፤ መላዕክቱም ሁሉ አቤቱ የእጅህን ስራ አታጥፋ እያሉ ቀንና ከማታ ይለምናሉ። በዓለም ፍፃሜም ስለህዝቡ የሚቆመው ሚካኤል ይነሳል። በማለት በምዕራፍ 12÷1 ጽፎልናል፡፡ በራዕይ 8÷3 “የቅዱሳኑ ፀሎት ከዕጣኑ ጢስ ጋር ከመልአኩ እጅ ወደ እግዚአብሔር ፊት ወጣ” ተብሎ እንደተጻፈውም መላዕክት የቅዱሳኑን ጸሎት ወደ እግዚአብሔር ያሳርጋሉ፡፡ አይሁድ ጌታን ሲሰቅሉት መልአኩ ቅዱስ ገብርኤል በአይሁድ ስራ አዝኖ በቁጣ ሰይፉን አወጣ፤ ቅዱስ ሚካኤል ግን በእግዚአብሔር ትዕግስት ተገርሞ፣ ፈጣሪን ፍጡራን ሰቀሉት እያለ በአርምሞና በትዕግስት አያቸው ይላል ድርሳኑ። ቅዱስ ሚካኤል ሰኔ 12 ቀን ዲያቢሎስን አሸንፎ በምትኩ ሊቀ መላዕክት ሆኖ የተሾመበትና አፎምያንም የረዳበት ቀን ስለሆነ በታላቅ ሥርዓት ይከበራል። ህዳር 12 ሕዝበ እስራኤልን በክንፎቹ ጥላ ከበረሃው ፀሐይ ከልሎ ከግብጽ ምድር እየመራና እየጠበቀ ከንዓን ያገባበት ዕለት ነው። መላዕክቱ በክንፋቸው የእግዚአብሔር ስም ስለተፃፈበት ህዝቡን ይጠብቃሉ፤ የመላዕክቱን ስም የመጨረሻውን ፊደል ስናይ ኤል ብሎ ይጨርሳል፡፡ ሚካ-ኤል ገብር-ኤል ኡራ-ኤል፡፡ ይህም “ስሜ በሱ ላይ ነውና” እንደሚል የእግዚአብሔር የምህረት ስም ስለሆነና በክንፎቻቸው ስለተፃፉ መላዕክቱ ይጠብቁናል። “በመንገድህ ሁሉ ይጠብቁህ ዘንድ መላእክቱን ስለአንተ ያዛቸዋል፤ እግርህም በድንጋይ እንዳይሰናከል በእጆቻቸው ያነሱሃል” ተብሎም በመዝሙር 90÷11 ተጽፋልና አህዛብን ጭምር ያለጊዜያቸው እንዳይሞቱ መላዕክት ይጠብቋቸዋል፡፡ በትንቢተ ዳንኤል 10÷13 እና 10÷21 ደግሞ የስሙ ትርጉም እግዚአብሔር ዳኛዬ ነው የተባለው ነብዩ ቅዱስ ዳንኤልም ስለ ቅዱስ ሚካኤል እንዲህ ሲናገር ከዋነኞቹ አለቆች አንዱ ሚካኤል ሊረዳኝ መጣ፣ በተዘጋ ጉድጓድ ሲያጽናናው ደግሞ “ከሚካኤል በቀር የሚያጽናናኝ የለም” አለ፡፡ ገዳማውያን የሚያደርጉት ጸሎትና የሚያቀርቡት መስዋዕት በእርሱ ምልጃ ያርጋልና ገዳማቸውን እየረዳን በዓታቸውን እያጠናን የበረከታቸው ተካፋይ እንሁን፡፡ ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም ኢትዮጲያ ንግድ ባንክ 1000442598391 ወይም አቢሲኒያ ባንክ 141029444 የገዳሙ ስልክ ቁጥር:-0918077957 ወይም 0938644444
21 نوفمبر, 00:59

photo content
21 نوفمبر, 00:59

ቻይና የኤሌክትሪክ የጥርስ ብሩሽ ሠራች የቻይና ተመራማሪዎች (በፔኪንግ ዩኒቨርሲቲ) ጥርስን ስንቦርሽ ትናንሽ የኤሌክትሪክ ፍሰቶችን የሚያመነጭ አዲስ የጥርስ ብሩሽ ሠርተዋል። የተለመደው ብሩሽ ሲታጠፍ ኤሌክትሪክ የማያመነጭ ሲሆን፣ ይህ አዲስ ብሩሽ ግን በልዩ ፖሊመር (polymer) የተሠሩ ፀጉሮቹ ሲታጠፉ ኤሌክትሪክ ያመነጫሉ፤ ይህም የባክቴሪያዎችን ሽፋን የሚጎዱ እና እድገታቸውን የሚቀንሱ ነገሮችን ይፈጥራል። ባትሪ ወይም ቻርጅ የማያስፈልገው ይህ ብሩሽ የተለመደውን መቦረሽ ከተጨማሪ የባክቴሪያ መከላከል ጋር በማዋሃድ ዕለታዊ የአፍ ንጽሕናን ለማሻሻል ይረዳል። የጥርስ ወይም የድድ ችግር ባለባቸው 115 ሰዎች ላይ በተደረገ የሦስት ወር ሙከራ፣ ብሩሹን የተጠቀሙት የጥርስ ንጣፍ (plaque)፣ የድድ እብጠት እና የደም መፍሰስ በእጅጉ እንደቀነሰላቸው ታይቷል። ተመራማሪዎቹ በሙከራው ወቅት ምንም ዓይነት ሕመም፣ የመደንዘዝ ስሜት ወይም ሌላ የጎንዮሽ ጉዳት እንዳልተከሰተ ገልጸዋል። @Seledadotio @Seledadotio
20 نوفمبر, 09:31

የቅዱስ ሚካኤል ምልጃ እና ረድኤት አይለየን🙏 በጾርዓ ከተማ የሚኖር፣ ከዳን ወገን የሆነና ሚስቱም መካን የነበረች ማኑሄ የሚባል አንድ ሰው ነበረ፡፡ የእግዚአብሔር መልአክም ለሴቲቱ ተገልጦ “እነሆ ትጸንሻለሽ፤ አሁንም ተጠንቀቂ፤ የወይን ጠጅን የሚያሰክርም ነገር አትጠጪ፥ ርኩስም ነገር አትብዪ፤ ወንድ ልጅም ትወልጃለሽ፤ ልጁም ከእናቱ ማኅፀን ጀምሮ ለእግዚአብሔር የተለየ ናዝራዊ ይሆናልና በራሱ ላይ ምላጭ አይድረስበት፤ እርሱም እስራኤልን ከፍልስጥኤማውያን እጅ ማዳን ይጀምራል” አላት። ሴቲቱም ለባልዋ የሆነውን ሁሉ ነገረችው፡፡ ማኑሄም የተላከው ሰው ዳግመኛ ወደኛ ይምጣ፤ ብሎ ወደ እግዚአብሔር ለመነ። እግዚአብሔርም የማኑሄን ድምፅ ሰማ፤ መልአኩም ሴቲቱ በእርሻ ውስጥ ተቀምጣ ሳለች እንደገና ተገለጠላት፤ ማኑሄ ግን አልነበረም። ሴቲቱም ፈጥና ሮጠች፤ ባልዋንም ጠራችው። ማኑሄም “ከዚህች ሴት ጋር የተነጋገርህ አንተ ነህን? ቃልህ በደረሰ ጊዜ የልጁ ሥርዓት ምንድን ነው? አለው። መልአኩም ማኑሄን “ሴቲቱ ከነገርኋት ሁሉ ትጠንቀቅ፣ በማለት ለሴቲቱ የነገራትን ደገመለት፡፡ ማኑሔም “የፍየል ጠቦት እስክናዘጋጅልህ ድረስ፤ እባክህ ቆይ” አለው። መልአኩም የሚቃጠለውንም መሥዋዕት ማዘጋጀት ብትወድድ ለእግዚአብሔር አቅርበው” አለው። ማኑሄም “ነገርህ በደረሰ ጊዜ እንድናከብርህ ስምህ ማን ነው?” አለው፡፡ መልአኩ “ስሜ ድንቅ ነውና ለምን ትጠይቃለህ?” ብሎ መለሰለት። ማኑሄም የፍየሉን ጠቦትና የእህሉን ቍርባን ወስዶ በድንጋይ ላይ ለእግዚአብሔር አቀረበው። መልአኩም በመሠዊያው ነበልባል ውስጥ ወደ ሰማይ ዐረገ፤ ማኑሄና ሚስቱም በግምባራቸው በምድር ተደፉ። ማኑሄም የእግዚአብሔር መልአክ መሆኑን አወቀ። ሶምሶን ከተወለደ በኋላም የእግዚአብሔርም መንፈስ በጾርዓና በኤሽታኦል መካከል ባለው በዳን ሰፈር ውስጥ ሊያነቃቃው ጀመረ። ይህ ሶምሶንና ወላጆቹን የረዳው ኃያሉ መልአክ ቅዱስ ሚካኤል ነው፡፡ ታላቁ አለቃ ቅዱስ  ሚካኤል ዛሬም ገዳማውያንን በተጋድሏቸው ሁሉ እየተራዳ አብሯቸው ይኖራል፡፡ ስለ ክርስቶስ ፍቅር ዓለምን ትተው ወጥተዋልና ጸሎታቸው ኃይልን ታደርጋለች፡፡ ገዳማቸውን እንደግፍ በዓታቸውን እናጽና፡፡ ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም ኢትዮጲያ ንግድ ባንክ 1000442598391 ወይም አቢሲኒያ ባንክ 141029444 ለበለጠ መረጃ:- 09 38 64 44 44/0918077957
20 نوفمبر, 09:28

photo content
20 نوفمبر, 09:28

"ህዳር ሲታጠን" በሚል ሰበብ ቆሻሻ ማቃጠል በሕግ የተከለከለ ነው! የአዲስ አበባ ከተማ የአካባቢ ጥበቃ ባለስልጣን በመጪው ህዳር 12 የሚከበረውን "ህዳር ሲታጠን" አስመልክቶ ጥብቅ ማሳሰቢያ አስተላ
"ህዳር ሲታጠን" በሚል ሰበብ ቆሻሻ ማቃጠል በሕግ የተከለከለ ነው! የአዲስ አበባ ከተማ የአካባቢ ጥበቃ ባለስልጣን በመጪው ህዳር 12 የሚከበረውን "ህዳር ሲታጠን" አስመልክቶ ጥብቅ ማሳሰቢያ አስተላልፏል፡፡ ለዓመታት የተለመደው ቆሻሻን አቃጥሎ የማጽዳት ተግባር በአካባቢ ላይ ከፍተኛ ብክለት እያስከተለ በመሆኑ ድርጊቱ ፍጹም የተከለከለ መሆኑ ተገልጿል፡፡ ከባለስልጣኑ የተላለፉ ዋና ዋና ነጥቦች፡- ማቃጠል አይቻልም፡ በህዳር 12 ቀን "ህዳር ሲታጠን" ነው በሚል ማንኛውንም ዓይነት ቆሻሻ ሰብስቦ ማቃጠል በሕግ የሚያስጠይቅ ተግባር ነው። ይህንን እገዳ ለማስፈጸም የደንብ ማስከበር ባለሙያዎች ዝግጅታቸውን ያጠናቀቁ ሲሆን፣ ህጉን ተላልፎ ቆሻሻ ሲያቃጥል የተገኘ አካል ላይ እርምጃ ይወሰዳል፡፡ ቆሻሻን ከማቃጠል ይልቅ፣ በእለቱ የአዲስ አበባ ጽዳት አስተዳደር በሁሉም ሰፈሮች ተንቀሳቃሽ የቆሻሻ መሰብሰብ አገልግሎት ስለሚሰጥ ቆሻሻን ለእነርሱ ማስረከብ ይጠበቅብዎታል። ስለሆነም ኅብረተሰቡ አካባቢውን እና አየሩን ከመበከል በመቆጠብ ባህሉን ከብክለት ነጻ በሆነ መንገድ እንዲያሳልፍ ጥሪ ቀርቧል፡፡
20 نوفمبر, 08:07

ኬንያ እስከ 40,600 ብር ደሞዝተኛን ከግብር ነፃ ልታደርግ ነው ፤ ኢትዮጵያስ ምን ታስባለች? ሰሞኑን በኬንያም ሆነ በኢትዮጵያ የደሞዝተኛውን ሕይወት የሚመለከቱ ጉዳዮች በስፋት እየተነሱ ይገኛሉ። ኬንያ ከብር 40,138 እስከ ብር 40,622 ድረስ "ዝቅተኛ ደሞዝ" የሚያገኙ ዜጎቿን ከገቢ ግብር ነፃ ለማድረግ እያሰበች ነው። ኢትዮጵያስ? ኬንያ አሁን ላይ በወር እስከ 24,000 የኬንያ ሺሊንግ ወይም በብር ~29,822 የሚያገኙ ሠራተኛ በየወሩ የ2,400 ሺሊንግ ወይም በብር ~ 3,030 የግብር ቅናሽ (Personal Relief) ምክንያት የገቢ ግብር አይከፍልም። በ2026 መጨረሻ ላይ ኬንያ ለፓርላማ ልታቀርብ ባቀደችው "Pay As You Earn (PAYE)" በሚል መጠርያ በተሰየምው ፖሊሲዋ መሰረት ከግብር ነጻ የነበረውን የ29,822 ብር ደሞዝ~ከ40,138 እስከ~40,622 የኢትዮጵያ ብር ለማሳደግ ተዘጋጅታለች:: ኢትዮጵያ በGDP እንደገና ስሌት GDP rebasing የ2017 ዓ.ም. ኢኮኖሚዋን በ24.03 ትሪሊዮን ብር (201.42 ቢሊዮን ዶላር) በማሳደግ የኬንያን ኢኮኖሚ በ55.9 ቢሊየን ዶለር በመብለጥ ከአፍሪካ 5ኛ ሀገር ሆናለች። ይህ የ59.2% ጭማሪ በተጨባጭ የኢኮኖሚ እድገት ላይ የተመሰረተ ሳይሆን የስሌት ዘዴና የመረጃ መሠረታዊ ለውጥና ሽግሽግ በማድረግ የተፈጠረ ነው። የኢትዮጵያ በGDP ቁጥር መመንደግ የዜጎቿን ኑሮ መመንደጉን አይደለም ፈቀቅ ማለቱን እንኳን እንደማያረጋግጥ እየተነገረ ነው። በተቃራኒው ኢትዮጵያ ኬንያን ጨምሮ ከ50 የአፍሪካ ሀገሮች በGDP ልቃ ብትገኝም በደሞዝ መጠን ማነስና ከታክስ ነጻ በሆነ የደሞዝ መኮማተር ላይ የምትገኝ መሆኗ አሌ የሚባል አይደለም። ይህንን ተከትሎ ሰሞኑን እንደሚናፈሰው መሰረታዊ ጥያቄው ኢትዮጵያ እንደ ኬንያ የዝቅተኛ ደመወዝተኛ ሰራተኞቿን የግብር ጫና መቀነስ፣ ከዋጋ ንረት ጋር የተጣጣመ የገቢ ፖሊሲ.... መንደፍና የግዢ አቅማቸውን የማሳደግ ፖሊሲ አላት ወይስ የGDP to TAX ምጣኔ ማሽቆልቆልን ማዕከል አድርጋ የደሞዝተኛውን ሕይወት የሚፈታተን አዳዲስ የአስተዳደር፣ የአገልግሎት፣ የገቢና የወጭ ግብሮችን ትጥላለች ? መልሱን በሂደት የምናየው ይሆናል !!!!        Via፦ ሙሼ ሰሙ             
20 نوفمبر, 00:06

እናታችን ቅድስት ድንግል ማርያም ከክፉ ነገር ሁሉ ትከልለን፤ ምልጃዋ እና ረድኤቷም አይለየን🙏 ነቢየ እግዚአብሔር ቅዱስ ኢሳይያስ በትንቢቱ ምእራፍ 7÷14 “እግዚአብሔር ምልክት ይሰጠናል ድንግል በድንግልና ጸንሳ በድንግልና ትወልዳለች ስሙንም አማኑኤል ብላ ትጠራዋለች፡፡ ትርጓሜውም እግዚአብሔር ከእኛ ጋር ሆነ ማለት ነው፡፡ እርሱም ድንቅ መካር ኃያል የእግዚአብሔር ልጅ ይባላል አለቅነትም በጫንቃው ላይ ይሆናል።” አለን፡፡ በመሆኑም እመቤታችን የአምላክ እናት የእግዚአብሔር እናት ትባላለች። በ325 ዓ.ም በጉባኤ ኒቂያ በነበረው የሲኖዶስ ውይይት ላይ በአደባባይ ተከራክረው ከሐዲያንን ካሳፈሩ 318 ሊቃውንት አንዱ የቆጵሮሱ ሊቀ ጳጳስ ቅዱስ ኤጲፋንዮስ የጌታችንን መለኮታዊ ባህርይ ለሚጠራጠሩ አርዮሳውያንና በተዋሕዶ ሰው ሆኖ መክበሩን ለሚክዱ የተዋሕዶን ምሥጢርና ቅድስት ድንግል ማርያም የመለኮት እናት ስለመሆኗ ሲያስተምር “ኢየሱስ ክርስቶስ ሰውና አምላክ በተዋሕዶ የከበረ ነው አለ፡፡ በአምላክነቱ መለኮታዊ ባሕርይ ቢኖረውም እንደ ሰውነቱ ከእመቤታችን ከቅድስት ድንግል ማርያም ያለ ወንድ ዘር ተፀንሶ በድንግልና ተወልዷል።ድንግል ማርያም ጌታን ከመፅነሷ በፊት በፀነሰች ጊዜ ከፀነሰችም በኋላ፤ እንዲሁም ከመውለዷ በፊት በወለደችም ጊዜ ከወለደችም በኋላ ድንግል ናት። ይህንንም እግዚአብሔር ስለገለጸለት ከአበይት ነቢያት መካከል አንዱ ቅዱስ ሕዝቅኤል በምዕራፍ 44÷1-4 “ወደ ምስራቅ ወደሚመለከተው በር አመጣኝ ይህ በርም ዝግ ነበር፣ የሠራዊት ጌታ እግዚአብሔር ገብቶበታልና ለዘላለም ዝግ ሆኖ ይኖራል።” አለኝ ይላል፡፡ ምስራቅ ያላት ድንግል ማርያምን ነው ፀሐይ ከምስራቅ እንዲወጣ ጨለማውንም ዓለም ብርሃን እንዲያደርግ፤ ፀሐየ ጽድቅ ክርስቶስም ከአማናዊት ምስራቅ ከድንግል ማርያም ተልወዶ በኅጢያት ለጨለመው ዓለም የጽድቅ ብርሃን ሆኖ ተገልጧልና፡፡ ቅዱስ ጳውሎስም በገላትያ 4÷4 እንደጻፈው የዘመኑ ፍጻሜ በደረሰ ጊዜ እግዚአብሔር ያለ ወንድ ዘር ከቅድስት ድንግል ማርያም ከአምላክ እናት የተወለደውን አንድያ ልጁን ላከልን፣ እርሱም የእኛን ባህርይም ባህርይ አድርጎ ተወለደ። ልጆችም ስለሆንን እግዚአብሔር አባት ብለን የምንጠራበት የልጅነት መንፈስ ሰጠን፡፡ እመቤታችንም በሕቱም ድንግልና ይህን ጌታ ወለደችልን፡፡ ገዳማውያንም ይህችን እናት ዘወትር አማልጅን ይሏታል፡፡ ገዳማቸውን እደግፍ በዓታቸውን እናጽና፡፡ ድጋፍ ለማድረግ፦ሙትአንሳ  ማር  ቅዱሰ ሚካኤል አንድነት  ገዳም ኢትዮጲያ ንግድ ባንክ 1000442598391 ወይም አቢሲኒያ ባንክ 141029444 የገዳሙ ስልክ ቁጥር:-0918077957 ወይም 0938644444
20 نوفمبر, 00:04

photo content
20 نوفمبر, 00:04

አሳዛኝ ክስተት‼️ በኮልፌ የህንፃ መደርመስ አደጋ ተከሰተ‼️ በህዳር 9/2019 ዓ.ም. ከሌሊቱ 9 ሰዓት አካባቢ፣ በአዲስ አበባ ኮልፌ፣ ቀራንዮ ወረዳ 03፣ ከግራር ወደ ስልጤ ሰፈር በሚወስደው መንገድ፣ ከኑር ካፌ ከፍ ብሎ በመሠራት ላይ የነበረ ህንፃ ተደርምሷል። ህንፃው የመሬት ወለሉን ጨምሮ የመጀመሪያና ሁለተኛ ፎቆቹ ለንግድና ለመኖሪያ አገልግሎት ውለው እንደነበር ተገልጿል። በአደጋውም በሰው ህይወትና በንብረት ላይ ጉዳት ደርሷል። በህንፃው ውስጥ የነበሩ ሰዎች ስንት እንደሞቱ ወይም እንደተጎዱ እስካሁን እየተጣራ ነው። ይህ አደጋ የግንባታ ጥራትና የቁጥጥር ሥርዓት ጉዳይን በአስቸኳይ እንድንመለከት ያሳስባል። የግንባታ ደረጃና ደህንነት መስፈርቶችን የማያሟሉ ሥራዎች በተገቢው ሁኔታ መቆጣጠር አለባቸው።
19 نوفمبر, 08:32

የመላእክት አለቃ ቅዱስ ሚካኤል ልመናችንን ይስማን፤ምልጃ እና ረድኤቱም አይለየን🙏 ቅዱሳት መጻሕፍት እንደሚነግሩን የመላእክት ሁሉ አለቃቸው ቅዱስ ሚካኤል በፈጣሪው ኃይል ብዙ ድንቆችን ሠርቷል፡፡ ከመጀመሪያው ሰው አዳም ጀምሮ እስከ ዛሬ ድረስ አምነው ለሚጠሩት ረዳት ነው፡፡ በመዝሙር 33÷7 እደተጻፈው ዘወትርም ያድናቸው ዘንድ በሚፈሩት ሰዎች ዙሪያ ይሠፍራል፡፡ እግራችን እንዳይሰናከል ዘወትር ይጠብቀናል፡፡ የቅዱስ ሚካኤል ስሙ ድንቅ ነው፡፡ ነቢዩ ቅዱስ ዳንኤል እንደተናገረው ከእርሱ በቀርስ የሚያጸና ማን አለና! ለሕዝቡም የሚቆም ታዳጊ መልአክ ነው፡፡ ይህ ድንቅ መልአክ ከሺህ ዓመታት በፊት በሮም ከተማ ይህንን ድንቅ ተአምር መስከረም ዘጠኝ ቀን መሥራቱን ቤተ ክርስቲያን ትመሰክራለች፡፡ በቀድሞው የሮም ግዛት 'ሩፍምያ' የምትባል ከተማ ነበረች፡፡ ይህች ከተማ በእምነታቸው ጠንካሮች የሆኑ ጥቂት ክርስቲያኖችና በርካታ ኢአማንያን ተቀላቅለው የሚኖሩባት ናት፡፡ በተለይ ደግሞ የቤተ ክርስቲያኗ መጋቢ ፍጹም የእምነት ሰው ነበር፡፡ በቦታው የቅዱስ ሚካኤል ቤተ ክርስቲያን በመኖሩም ብዙ ተአምራት ይደረግ ስለነበር ተበለጥን የሚል ስሜት የተሰማቸው አሕዛብ “ዮናናውያን”ይሕንን ቤተ ክርስቲያን ለማጥፋት ተማማሉ፡፡ በቀጥታ ሔደው ቢያፈርሱት ወይም ቢያቃጥሉት በሕግ እንደሚጠየቁ ያውቃሉና በሥጋዊ ጭንቅላታቸው ዘዴ ያሉትን መከሩና ወሰኑ፡፡ በከተማዋ ዳር የሚያልፍ አንድ ትልቅ ወንዝ አለ፡፡ በሞላ ጊዜ ያገኘውን ሁሉ ጠርጐ የሚወስድም ነበር፡፡ ታዲያ ክፋተኞቹ ሌሊት ሌሊት እየተነሱ የሚሔድበትን መንገድ ዘግተው ወደ ቤተ ክርስቲያኑ አቅጣጫ መንገድ ከፈቱለት ከቀናት በኋላ ከባድ ዝናብ በዚህች ቀን ጣለ፡፡ ወንዙ ትልቅ ነውና ያገኘውን ሁሉ እያገላበጠ ደረሰ፡፡ በወቅቱ በቅዱሱ መልአክ ቤተ መቅደስ ውስጥ ከመጋቢው በስተቀር ሰው አልነበረምና አስፈሪ ድምጽ ሰምቶ ሲወጣ ወንዙ እየደነፋ ወደ ቤተ ክርስቲያኑ እየመጣ ነው፡፡ ከደቂቃዎች በሁዋላ ቤተ ክርስቲያኑ እንዳልነበረ እንደሚሆን የተረዳው መጋቢ በታላቅ ድንግጤ ውስጥ ወደቀ፡፡ እርሱ አንድ ተስፋ ነበረውና ወደ ውስጥ ገብቶ በመላዕክት አለቃ በቅዱስ ሚካኤል ምስለ ስዕል ፊት ወድቆ ተማጸነ፡፡ ታላቁ ወንዝ ቤተ ክርስቲያኑን ጠርጎ የሚወወስደው ከሆነም የሚሆነውን ነገር ለመቀበልና ከዚያም ላለመውጣትም ወሰነ፡፡ ትንሽ ቆይቶ በታላቅ ኃይል ወንዙ ደረሰ፡፡ በዚህ ጊዜ የመላዕክት ሁሉ አለቃቸው ለጠራውም ፈጥኖ የሚደርሰው ቅዱስ ሚካኤል በግርማ ከሰማይ ወርዶ በወንዙ ፊት ቆመ፡፡ መጋቢውንም "ጽና አትፍራ፣ እኔ ካንተ ጋር ነኝና" ብሎት በያዘው የብርሃን በትረ-መስቀል መሬትን አንድ ጊዜ መታት፡፡ በዚያች ቅጽበትም ትልቅ ሸለቆ ተፈጠረ፡፡ በአስፈሪ ሁኔታ ሲመጣ የነበረው ወንዝም በሸለቆው ውስጥ አልፎ ሔደ፡፡ የሚገርመው ነገር የመላዕክት አለቃ ቅዱስ ሚካኤል ሸለቆው የተፈጠረው ከቤተ ክርስቲያኑ በታች መሆኑ ነው፡፡ ቤተክርስቲያኑ ግን ጸንቶ ቆመ፡፡ መጋቢውም እግዚአብሔርንና ቅዱስ ሚካኤልን አመሰገነ፡፡ ቅዱስ ሚካኤል መጋቢውን ባርኮት በክብር ዐረገ፡፡ በማግስቱ ክርስቲያኖቹ ይህንን አይተው ደስ አላቸው፣ መልአኩንም አከበሩት፣ አሕዛብ ግን አፈሩ፡፡ ራሳቸውን ለእግዚአብሔር ያስገዙ ገዳማውያንና ቅዱሳን ጸሎታቸው ኃይልን ታደርጋለች፡፡ ገዳማቸውን እየደገፍን በዓታቸውን እያጸናን የበረከታቸው ተሳታፊ እንሁን፡፡ ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም ኢትዮጲያ ንግድ ባንክ 1000442598391 ወይም አቢሲኒያ ባንክ 141029444 የገዳሙ ስልክ ቁጥር:-0918077957 ወይም 0938644444
19 نوفمبر, 08:32

photo content
19 نوفمبر, 08:31

በኢትዮጵያ በሰዓት 57 ያለጊዜያቸው የተወለዱህፃናት ህይወት ያልፋል ያለጊዜያቸው የሚወለዱ ህፃናት ከፍተኛ ቁጥር ከሚያስመዘግቡ 5 አገራት ኢትዮጵያ አንዷ ናት። በአገራችን ከሚወለዱ 1ሺህ ህፃናት 25ቱ ህይወታቸው እንደሚያልፍ ተገልጿል። በህይወት ከሚወለዱ 10 ህፃናት መካከል ደግሞ አንዱ ያለጊዜው የሚወለድ ነው። የዓለም ጤና ድርጅት እና የአጋር ድርጅቶች ሪፖርት እንደሚያሳየው፥በ2020 በዓለም አቀፍ ደረጃ ወደ 13.4 ሚሊየን የሚገመቱ ሕፃናት ያለጊዜያቸው ወይም ከ37 ሳምንታት እርግዝና በፊት ተወልደዋል። ያለጊዜው መወለድ ዕድሜያቸው ከ5 ዓመት በታች ለሆኑ ሕፃናት ሞት ዋነኛው መንስኤ ሲሆን፥በየዓመቱ ከ9 መቶ ሺህ እስከ 1 ሚሊየን የሚጠጉ ሕፃናት ያለጊዜው በመወለድ በሚመጡ ውስብስብ የጤና እክሎች ምክንያት ይሞታሉ። በአገራችን በየዓመቱ 1ሺህ 3መቶ 59 ያለጊዜያቸው የተወለዱ ህፃናት ህይወታቸው ያልፋል። ይህ የተባለው በኢትዮጵያ ለ13ኛ ጊዜ በዓለምአቀፍ ደረጃ ደግሞ ለ16ኛ ጊዜ እየተከበረ በሚገኘው “ዓለምአቀፍ ቀናቸው ከመድረሱ በፊት የተወለዱ ጨቅላ ህፃናት ቀን” ነው። በአገራችን የጨቅላ ህፃናት ሞት የመቀነስ ፍጥነቱ ዝቅ ያለ መሆኑ ተገልጿል። ነገርግን በፈረንጆቹ 2030 ከ1ሺህ ህፃናት 25 የነበረውን ሞት ወደ 12 ለማድረስ ዕቅድ መኖሩን በጤና ሚኒስቴር የጨቅላ ሕፃናትና ሕፃናት ጤና ዴስክ አስተባባሪ አቶ መለስ ሰለሞን ተናግረዋል። በአገራችን በየዓመቱ 4መቶ 96 ሺህ ህፃናት ያለጊዜያቸው ይወለዳሉ። በሕይወት የሚተርፉ ሕፃናት ለመማር እክሎች፣ ለዕይታ እና ለመስማት ችግሮች፣ ለዕድገት መዘግየት፣ እንዲሁም በጉልምስና ዕድሜ እንደ ስኳር በሽታ እና የልብ ሕመም ላሉ ሥር የሰደዱ በሽታዎች የመጋለጥ ዕድላቸው ከፍተኛ ነው። የዘንድሮው ዓለምአቀፍ ቀናቸው ከመድረሱ በፊት የተወለዱ ጨቅላ ህፃናት ቀን “ ለጨቅላ ህፃናት ክትትል እና እንክብካቤ የወደፊት ህይወትና አቅም በመሆኑ መዋዕለ ነዋይ ይመድቡ” በሚል መሪ ቃል እየተከበረ ነው።
19 نوفمبر, 08:17

የኤልኒኖ ክስተት እና የዓለም አቀፍ ነዳጅ ዋጋ መናር በ2027 በኢትዮጵያ ምጣኔ ሀብትና የምግብ ዋስትና ላይ ከፍተኛ ስጋት ደቅነዋል ተባለ ​በፈረንጆቹ 2027 የሚከሰተው ጠንካራ የኤልኒኖ የአየር ንብረት ክስተት እና በመካከለኛው ምሥራቅ ግጭት ሳቢያ የናረው የዓለም ነዳጅ ዋጋ በኢትዮጵያ ምጣኔ ሀብትና የምግብ ዋስትና ላይ ከባድ ጫና ሊያሳድሩ እንደሚችሉ ዓለም አቀፉ የምግብ ፖሊሲ ምርምር ኢንስቲትዩት (IFPRI) ባወጣው አዲስ ጥናት አስጠነቀቀ። ጥናቱ እንዳመለከተው በሁለቱ ተደራራቢ ቀውሶች ምክንያት የሀገሪቱ አጠቃላይ የሀገር ውስጥ ምርት (GDP) ከተጠበቀው ዕድገት ከ0.4 በመቶ እስከ 1.1 በመቶ ሊቀንስ ይችላል። ለዚህ የምጣኔ ሀብት መቀዛቀዝ ዋነኛው ምክንያት በኤልኒኖ ሳቢያ የሚከሰተው የዝናብ እጥረትና የድርቅ አደጋ መሆኑ ተመላክቷል። ​በተለይም በደረቃማ ደጋማና ቆላማ አካባቢዎች የሚኖረው የግብርና ምርታማነት በከፍተኛ ሁኔታ እንደሚቀንስ የተተነበየ ሲሆን፣ በኢራን ጦርነትና በሆርሙዝ የባህር ሰርጥ መዘጋት ምክንያት የጨመረው የነዳጅና የማዳበሪያ ዋጋ ደግሞ የኑሮ ውድነቱን ያባብሰዋል። በዚህም ሳቢያ የዜጎች የመግዛት አቅም በአማካይ በ1.9 በመቶ እንደሚቀንስ ጥናቱ ያሳያል። ምንም እንኳን የነዳጅ ዋጋ መጨመር በአጠቃላይ የሀገር ውስጥ ምርት ላይ የሚኖረው ቀጥተኛ ተጽዕኖ አነስተኛ ቢሆንም፣ የሸቀጦችን ዋጋ በማናር ዜጎችን ለባሰ ችግር እንደሚዳርግ በጥናቱ ተመላክቷል። ​እነዚህ ምጣኔ ሀብታዊ ጫናዎች በቀጥታ በዜጎች ሕይወት ላይ ከባድ ጠባሳ እንደሚጥሉ የተገለጸ ሲሆን፣ በ2027 ተጨማሪ 905 ሺህ ዜጎች ከድህነት ወለል በታች እንዲወድቁ እና 2.8 ሚሊዮን ሰዎች ደግሞ ለምግብ እጥረትና ለተመጣጠነ ምግብ እጦት እንዲጋለጡ ሊዳርግ ይችላል ተብሏል። ከዚህ አደጋ ውስጥ ከ57 በመቶ በላይ የሚሆኑት ለድህነት የሚዳረጉት እና 76 በመቶ የሚሆኑት ለምግብ እጥረት የሚጋለጡት በገጠር አካባቢ የሚኖሩ ዜጎች ሊሆኑ እንደሚችሉ በጥናቱ ተመላክቷል። ​የምግብ ዕርዳታ ፍላጎቱ በተለይም ከሰኔ እስከ ነሐሴ 2019 ዓ.ም ባለው ጊዜ ውስጥ ከፍተኛ ደረጃ ላይ እንደሚደርስ ጥናቱ ይተነብያል። በሀገሪቱ አንዳንድ አካባቢዎች የሚታዩ ግጭቶች እና የዓለም አቀፍ ለጋሾች የሰብዓዊ ዕርዳታ ቅነሳ ችግሩን ይበልጥ ሊያወሳስቡት እንደሚችሉ የጠቆመው ኢንስቲትዩቱ፣ መንግሥትና ዓለም አቀፍ የረድኤት ድርጅቶች አስቀድመው ጠንካራ የቅድመ ዝግጅት ሥራዎችን እንዲያከናውኑ አሳስቧል።
18 نوفمبر, 23:41

ቅዱስ ገብርኤል ከክፉ ነገር ሁሉ ይከልለን፤ የልባችንን መልካም መሻትም ይሙላልን🙏 “እኔ በእግዚአብሔር ፊት የምቆመው ገብርኤል ነኝ” 🙏 የራማው ልዑል፣ መጋቤ ሐዲስ ሊቀ መላዕክት ቅዱስ ገብርኤል በሉቃስ 1÷19 “እኔ በእግዚአብሔር ፊት የምቆመው ገብርኤል ነኝ” ብሎ መገኛ ስፍራውንና እግዚአብሔር የሰጠውን ክብር በይፋ ያወጀ መልአክ ነው፡፡ ገብርኤል ማለት የእግዚአብሔር ኃይል ነው ማለት ነው። ቅዱስ ገብርኤል ድንቅ መልእክቶችን በማድረስና የተረበሹትን በማረጋጋት ይታወቃል፡፡ ነገደ መላክት በሰማይ አምላካቸው ተሰውሮባቸው ማን ፈጠረን ብለው በተጨነቁ ጊዜ ያረጋጋቸው እርሱ ነው፡፡ በክብሩ ከፍ ብሎ በመፈጠሩ መላዕክትን እኔ ነኝ የፈጠርኳችሁ ብሎ ሊያስት የሞከረውን የሀሰት አባት የያኔው (ሳጥናኤል) ጠላት ዲያብሎስ ተከራክሮ የረታው እርሱ ቅዱስ ገብርኤል ነው፡፡ እግዚአብሔርን የሚያመለኩና የሚገዙ እንዲሁም ለእርሱ ከብርን በመስጠት ያሉ ሁሉ ከነገር እንኳን አንዳች እንደማይጎድላቸው በዘመናት መካከል ተመልክተናል፡፡ መላእክት የሰው ልጆች አፍቃሪና ወዳጅ ናቸው፡፡ ከእነዚህ አንዱ የአምላክና የሰው ልጆች ወዳጅ መልአኩ ቅዱስ ገብርኤል ነው፡፡ ይህንም ህጻኑ ቅዱስ ቂርቆስንና እናቱ ቅድስት ኢየሉጣን ከእሳት ሲያድን አይተነዋል፡፡ ዳግመኛም የፋርስ ንጉሥ የነበረው ናቡከደነፆር እግዚአብሔር አምላክ ምድሪቱንና ሕዝቡን እንዲያስተዳድር ቢፈቅድለት በትዕቢት ተሞላ፡፡ በዳንኤል 3፥1 እንደተጻፈው “ሁሉን በኃይሌ አደርጋለሁ፣ በማስተዋል ጥበቤም የአሕዛብን ድንበሮች አርቃለሁ፣ ሀብታቸውንም እዘርፋለሁ፣ የሚቀመጡባቸውንም ከተሞች አናውጣለሁ፣ በእጄም ዓለምን ሁሉ እንደ ወፍ ቤት እሰበስባለሁ፣ እንደ ተተወ እንቁላልም እወስዳቸዋለሁ፤ ከእኔም የሚያመልጥ የለም፤ የሚቃወመኝም የለም” በሚል ትዕቢት ቁመቱ ስድሳ ክንድ፣ ወርዱም ስድስት ክንድ የወርቅ ጣዖትን አሠርቶ በባቢሎን አውራጃ በዱራ ሜዳ ላይ አቁሞ ያልሰገደለት እንዲገደል አዋጅ አስነገረ፡፡ አናንያ፣ አዛርያ፣ ሚሳኤል የተባሉ ሦስት ሕጻናት በንጉሡ ፊት ቆመው “ንጉሥ ሆይ እኛ የምናመልከው አምላክ በሰማይ አለ፡፡ ከሚነድደው ከእቶኑ እሳት ያድነን ዘንድ ይችላል፤ ከእጅህም ያድነናል፡፡ ንጉሥ ሆይ! ይህም ባይሆን አማልክትህን እንዳናመልክ ላቆምኸውም ለወርቁ ምስል እንዳንሰግድ ዕወቅ” ባሉ ጊዜ ወደ እቶን እሳት ሲጣሉ ደርሶ ያዳናቸው ቅዱስ ገብርኤል ነው፡፡ ናቡከደነጾርም ተገርሞ እነሆ ሰሦስት ሰዎ በእሳቱ ላይ ጥለን ነበር እኔ ግን አራት ሰዎች አያለሁ፣ የአራተኛውም መልክ የአማልክትን መልክ ይመስላል አለ፡፡ ቅዱስ ገብርኤል የአምላክ ባለሟል ነው፡፡ ለካሕኑ ለቅዱስ ዘካርያስ እንደነገረው በእግዚአብሔር ፊት መቆሙ ታላቅ ባለሟል መሆኑን የሚያሳይ ነውና፡፡ ገዳማውያን እናቶችና አባቶቻችን ሊቀ መላአኩ በእግዚአብሔር ፊት በቆመ ጊዜ እንዲያማልዳቸው በዘወትር በጸሎታቸው ተግተው ይጠሩታል፡፡ ከበረከታቸው እንድንካፈል ገዳማቸውን እንደግፍ በዓታቸውን እናጽና፡፡    ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም ኢትዮጲያ ንግድ ባንክ 1000442598391 ወይም አቢሲኒያ ባንክ 141029444 ለበለጠ መረጃ:- 09 38 64 44 44/0918077957
18 نوفمبر, 23:37

photo content
18 نوفمبر, 23:37