Kiçik və Orta Biznesin İnkişafı Agentliyi - KOBİA

KOB-lar üçün iqlim maliyyələşdirilməsi üzrə seminar keçiriləcək Azərbaycanda elan edilmiş “Yaşıl dünya naminə həmrəylik ili” çərçivəsində Kiçik və Orta Biznesin İnkişafı Agentliyi (KOBİA) və İslam Ölkələri üzrə Statistik, İqtisadi, Sosial Araşdırmalar və Təlim Mərkəzinin (SESRIC) əməkdaşlığı çərçivəsində 9-10 iyul tarixlərində KOB subyektləri üçün “İslam Əməkdaşlıq Təşkilatına (İƏT) üzv ölkələrdə KOB-ların yaşıl iqlim maliyyələşdirilməsi vasitəsilə gücləndirilməsi” mövzusunda seminar keçiriləcək. Onlayn formatda və ingilis dilində təşkil olunacaq tədbirin məqsədi İƏT-ə üzv ölkələrdə fəaliyyət göstərən mikro, kiçik və orta biznes subyeklərinin iqlim maliyyəşməsində rolunun artırılmasına töhfə vermək, onların bu prosesdə fəal iştirakını təşviq etməkdir. Ətraflı - https://bit.ly/3L7lNTB

Vahid bəyannamə sistemi - biznes üçün uğurlu həll Azərbaycan iqtisadiyyatının inkişafı istiqamətində müəyyənləşdirilmiş hədəflər biznesin fəaliyyətinin stimullaşdırıcı alətlərlə dəstəklənməsini şərtləndirir. Özəl sektorun, xüsusilə də kiçik və orta sahibkarlığın iqtisadi artım və məşğulluğun başlıca mənbəyinə çevrilməsi üçün işgüzar mühitin əhəmiyyətli dərəcədə yaxşılaşdırılması mühüm çağırışlardandır. Bunun üçün də biznesin təşviqi mexanizmlərinin iqtisadi səmərəsinin artırılması həyata keçirilir. Ətraflı - vergiler.az

Sahibkarları Kiçik və Orta Biznesin İnkişafı Agentliyinin (KOBİA) təşkilatçılığı və müvafiq dövlət qurumlarının iştirakı ilə iyul ayında keçiriləcək sahəvi və maarifləndirici görüşlərdə iştirak etməyə dəvət edirik. Ətraflı - https://bit.ly/4bQlnMV

Qida duzu istehsalında artım qeydə alınıb Bu ilin yanvar-may aylarında ölkədə 34,1 min ton qida duzu istehsal olunub ki, bu da ötən ilin eyni dövrünün göstəricisini 18 faiz və ya 5,2 min ton üstələyir. Dövlət Statistika Komitəsinin hesabatına əsasən, cari ilin aprel ayı ilə müqayisədə isə mayda istehsal həcmində 9,7 faiz və ya 700 ton artım qeydə alınıb. May ayında 7,9 min ton qida duzu istehsal olunub. İyun ayının 1-nə hazır məhsul ehtiyatı 2 min ton təşkil edib.

Türkiyə Azərbaycandan idxal edilən bəzi məhsullara gömrük rüsumunu azaldıb İyulun 1-dən etibarən Türkiyə Azərbaycandan idxal etdiyi məhsulların bəzi kateqoriyalarına gömrük rüsumunun həcmini azaldıb. Türkiyə Prezidenti Rəcəb Tayyib Ərdoğanın imzaladığı müvafiq sənədin mətni “Resmi Gazete”də dərc olunub. Türkiyə hökumətinin müvafiq rüsum cədvəlinə əsasən, Azərbaycandan idxal edilən heyva, tut, dəmirdən hazırlanan yarımfabrikatlar və s. kimi məhsulların gömrük tariflərinə yenidən baxılıb. Yeni idxal qaydalarına uyğun olaraq, Azərbaycandan tut və heyva idxalı üzrə tarif 7,7 faiz müəyyən edilib, dəmir və poladdan hazırlanmış bəzi məhsul növləri üzrə gömrük prosedurlarında isə 11,3 faizdən 15 faizədək rüsum tutulacaq. Eyni zamanda, Azərbaycandan idxal olunan plastik borulara, şlanqlara, eləcə də ərintisiz alüminium təbəqələrə və lövhələrə tətbiq edilən əlavə gömrük rüsumları ləğv edilib. Bununla yanaşı, illik 15 min hektolitr kvota çərçivəsində Azərbaycan şərabları da dövlət rüsumundan azad edilib. Qərarın tələblərinin icrası Türkiyənin Ticarət Nazirliyinə həvalə edilib. (AZƏRTAC)

Rəqabət Məcəlləsi qüvvəyə minib Bu gündən Azərbaycan Respublikasının Rəqabət Məcəlləsi qüvvəyə minib. Məcəllə ölkədə əlverişli biznes mühitinin inkişafı, təsərrüfat subyektlərinin sayı və iqtisadiyyata cəlb olunan investisiyaların artması üçün geniş imkanlar yaradacaq.