ABDII SABAA

Eeyyee ni kafala hojjedhaa Teelebirriin baafadhaa. ASBEKS 🤖 https://t.me/Asbeksbot/start ⚡️ @AsbeksPlatform

Humni Nageenyaa Tigraay Iddoowwan Hedduu To'achuu Beeksise; Hoggantoonni TPLF Gara Eertiraatti Baqachuun Dhaga'ame Humni Nageenyaa Tigraay (Tigray Peace Force) ibsa haaraa baaseen, waraana guyyoota saddeet dura Fulbaana 12 eegaleen, har'a Fulbaana 20, bara 2019 haleellaa raawwatame qofaan iddoowwan hedduu humnoota TPLF irraa bilisa baasuu isaa ifoomseera. Iddoowwan to'ataman kunniinis: Magaalaa Maayicaaw, carcar, Makoonii, Xaa'idaa Mayidaa, Hadaa Algaa, Kikiftoo, Hugumbirdaa, Haashangee, Waarabaayyee, fi Maay Maa'idoo (guutummaatti) yoo ta'an, waraanni kun amma ammaattis itti fufaa akka jiru humnichi ibseera. Haaluma wal qabateen, Raayyaan Ittisa Biyyaa naannoo Tigraay keessatti hojii seera kabachiisuu fi to'annoo isaa cimsatee itti fufuun, gara magaalaa guddoo naannichaa Maqaleetti imalaa yeroo jirutti, hoggantoonni TPLF biyya gadhiisanii ba'uun isaanii dhaga'ameera. Ragaaleen bahaa jiran akka agarsiisanitti, hoggantoonni kunneen kaleessa waaree booda gara magaalaa daangaa Eertiraa Sanaafeetti seenaniiru. Torban darbe naannawa Raayyaa, Allaamaaxaa fi Saqoxaa keessatti sochiin waraanaa TPLF deebi'ee haareffamuu hordofuun Raayyaan Ittisa Biyyaa tarkaanfii waraanaa fudhachuu eegaleera. Hoggantoonni garee kanaa sababa imala baqaa irra turaniif guyyootaaf odeeffannoo tokko osoo hin kennin callisanii turaniiru. Gareen kun yeroo jalqabaatiif kaleessa galgala ibsa baaseen “sirna karoora sanyii duguuggaa qabu waliin wal'aansoo gochuun of-ittisaa jirra" jechuun ibsus; qabatamaan lafarratti haalli jiru garuu faallaa kanaa ta'uu fi Raayyaan Ittisa Biyyaa yeroo gara Tigraay seenu hawaasa irraa simannaa ho'aan akka taasifameef gabaafameera. SABA GUDDAA WAAN TAANEEF, MIIDIYAA GUDDAATU NUUF MALA! MIIDIYAA @ABDII_SABAA

ODUU GAMMACHIISAA: Ayyaana Irreechaa Sababeeffachuun Hir'ifama Gatii Beeksisa Miidiyaa Abdii Sabaa Irratti %80 Taasifneerra! Baga Ayyaana Irreechaa, ayyaana aadaa, tokkummaa, nagaa fi araaraa, kan bara kanaan nagaan isin gahe! Ayyaana guddaa fi kabajamaa kana sababeeffachuun, maamiltootaa fi hordoftoota keenya kabajamoo ta'aniif kennaa addaa qopheessinee jirra. Tajaajilaa fi oomishaalee keessan beeksifachuuf hir'ifama gatii guddaa dhibbantaa 80 (%80) taasifnee akka jirru gammachuudhaan isin beeksifna. Oomishaafi Tajaaila keessan beeksifachuuf hayyama daldalaa qabaachuun kan isinirraa eegamu yommuu ta’u @abdiisabaadm irratti ragaawwan qulqullina tajaajila keessanii mirkaneessan erguun harra itraa eegaktanii carraa kanatti fayyadamuu ni dandeessu. Carraa addaa kanatti fayyadamuun ayyaanicha caalaatti ho'isaa! Irreechi kan nagaa, kan badhaadhinaa, kan jaalalaa fi kan tokkummaa akka isiniif ta'u hawwina. Baga ittiin isin gahe! SABA GUDDAA WAAN TAANEEF, MIIDIYAA GUDDAATU NUUF MALA! MIIDIYAA @ABDII_SABAA

ODUU HATATTAMAA: Finfinnee fi Naannawa Isheetti Diroonii Balaliisuun Yeroo Hin Murtoofneef Dhorkame Tajaajilli Odeeffannoo fi Nageenya Biyyaalessaa har'a irraa eegalee yeroo hin murtoofneef magaalaa Finfinnee fi naannawa isheetti diroonii kamiyyuu balaliisuuf heyyamni akka hin kennamne beeksise. Tajaajilichi ibsa dhimma itti fayyadama diroonii fi wantoota balali'an biroo ilaalchisee baaseen, dhorkaan kun yeroo hin murtoofneef guutummaatti hojiirra akka oolu ifoomseera. Akka ibsa tajaajilichaatti, "Akkuma yeroo kaanii, magaalaa Finfinnee fi naannawa isheetti diroonotaa fi wantoota balali'an biroo socho'an to'achuuf teeknooloojii farra-diroonii (anti-drone) qindaa'aa ta'etti fayyadamuun hordoffii fi to'annoon cimaan taasifamaa jira," jedheera. Akeekkachiisa kenname kana cabsuun diroonota balaliifaman kamiyyuu adda baasuun, fageenya ykn olka'iinsa kamiyyuu irra yoo jiraatanis butuun (hack gochuun) bakka barbaadametti akka qubatan taasisuun, akkasumas iddoo ooftotni ykn namoonni balaliisan sun jiran sirriitti adda baasuun to'annoo jala oolchuun tarkaanfiin seeraa cimaan kan irratti fudhatamu ta'uu dhaabbatichi akeekkachiiseera. Kanaan dura qaamoleen sababa hojiitiif diirooniitti fayyadamuu barbaadan; kaayyoo balalichaa, iddoo itti balaliisan, gosa diiroonichaa fi lakkoofsa moodelaa caqasuun dursanii Tajaajila Odeeffannoo fi Nageenya Biyyaalessaatti iyyachuun heyyama argachaa akka turan dhaabbatichi yaadachiiseera. Haa ta'u malee, nageenya bu'uuraalee misoomaa ijoo fi taateewwan biyyaalessaa qaamolee dhimmi ilaallatu waliin ta'uun eegsisuuf itti gaafatamummaa qabu bahuuf jecha, heyyama kennuu dhiisuu fi dhorkaa balalii kana yeroo hin murtoofneef hojiirra oolchuu isaa himeera. SABA GUDDAA WAAN TAANEEF, MIIDIYAA GUDDAATU NUUF MALA! MIIDIYAA @ABDII_SABAA

Paayileetonni Wal Loluun Inni Tokko Albeedhaan Waraanamuun Gabaafame Xiyyaara 'Flydubai' lakkoofsa balalii FZ1073 fi gosa Booying 737 ta'uun Dubaay irraa gara Tel Aviivitti imalaa ture keessatti, qilleensa irra osoo jiranii paayileetota gidduutti walitti bu'iinsa cimaan uumamuu isaatiin xuyyaarichi dirqamaan buufata xiyyaaraa Tabuuk kan biyya Sa'uudii Arabiyaatti qubachuun isaa gabaafame. Yeroo balalii kana keessatti, paayileetii gargaaraa fi paayileetii muummee gidduutti waldhabbiin uumame gara lolaatti kan cee'e yoo ta'u, paayileetiin gargaaraan kun xiyyaaricha kuffisuuf yaalii gochuun paayileetii muummee albeedhaan waraanee madeessuu isaa ibsameera. Gocha kanaan wal qabatee, xiyyaarichi yeroo gabaabaa keessatti fageenya (feet) kumaatamaan lakkaa'amu hatattamaan gadi bu'uun balaa nageenyaa hamaa uumee ture. Balaa tasaa uumame kana hordofuun, imaltoonni fi hojjettoonni keessa xiyyaarichaa gidduu lixuun paayileetii haleellaa raawwate kana to'annoo jala oolchuu danda'aniiru. Xiyyaarichis erga qunnamtiin addaan citee fi dhiphinni hamaan uumamee booda nagaan Sa'uudii Arabiyaatti qubachuu kan danda'e yoo ta'u, imaltoonni 100 ol keessa turan hundis nagaan jiraachuu mirkanaa'eera. Paayileetiin miidhame yaalii fayyaa argachaa kan jiru yoo ta'u, sababni bu'uuraa fi haalli walitti bu'iinsa kanaa qoratamtaa jira. SABA GUDDAA WAAN TAANEEF, MIIDIYAA GUDDAATU NUUF MALA! MIIDIYAA @ABDII_SABAA

Allaamaaxaan akka hin qabamneef dargaggeessa Tigraay meeqaatama erga ficcisiisanii booda Geetaachoo Raddaag jechammoo gadhiisanii ba’anii? Jarri kun ummata Tigraayiif tuffii akkamii qabuu laata?

Aadde Adaanach Abeebee Kantiibaa Magaalaa Finfinnee Ta'uun Kakuu Raawwatan SABA GUDDAA WAAN TAANEEF, MIIDIYAA GUDDAATU NUUF MALA! MIIDIYAA @ABDII_SABAA

Aadde Adaanach Abeebee Irra Deebi'uun Kantiibaa Magaalaa Finfinnee Ta'uun Muudaman Manni Maree Magaalaa Finfinnee yaa'ii hundeeffama mootummaa bulchiinsa magaalattii fi baniinsa marsaa 4ffaa har'a gaggeessaa jiruun, Aadde Adaanach Abeebee irra deebi'uun Kantiibaa Magaalaa Finfinnee taasisuun filatee muudeera. Yaa'iin idilee dhimma hundeeffama mootummaa kana irratti xiyyeeffate kun, Galma Walgahii Mana Marichaa kan Siidaa Injifannoo Adwaatti argamutti haala ho'aan taa'amaa jira. Haaluma kanaan, kantiibattiin muudama haaraa kana fudhachuun bulchiinsa magaalattii waggoota itti aananiif akka hoogganan itti gaafatamummaan guutuun kennameeraaf. Sirni muudamaa fi hundeeffama bulchiinsa haaraa kun raawwii hojiiwwan magaalattii gara fuulduraatiif murteessaa akka ta'e ibsameera. SABA GUDDAA WAAN TAANEEF, MIIDIYAA GUDDAATU NUUF MALA! MIIDIYAA @ABDII_SABAA

TPLF Magaalaa Allaamaaxaa Kan Gadhiiseef "Obbo Geetaachoo Raddaa Gadda Abbaa Isaanii Akka Dhaqqabaniifi" Jechuun Ibsa Kenne Addi Bilisummaa Uummata Tigraay (TPLF) humni waraanaa isaa magaalaa Allaamaaxaa nagaan gadi lakkisuu isaa ilaalchisee ibsa haaraa baaseera. Akka ibsa gareen kun miidiyaaleef ifoomsetti, sababni isaan magaalattii osoo waraanaatti hin seenin gadhiisanii ba'aniif wal-diddaa dhiheenya kana uumame irraa bilisa ta'uun, Gorsaa Muummee Ministiraa fi Pirezidaantii duraanii Bulchiinsa Yeroo Naannoo Tigraay kan ta'an Obbo Geetaachoo Raddaa, abbaan isaanii waan boqotaniif sirna gaddaa fi boo'ichaa isaanii akka dhaqqabataniif haala mijeessuuf ta'uu beeksiseera. TPLF ibsa isaa kanaan, "Nuti Allaamaaxaa kan gadhiisneef Geetaachoofi; inni yoo nu ganes nuti isa hin gannu. Kaayyoon isaa kan hin gargaarre yoo ta'eyyuu, nuti garuu isatti hin hammaannu," jechuun ibseera. Dabalataanis, maanguddoon kabajamaan abbaan isaanii waan boqotaniif, Obbo Geetaachoon bakka sanatti argamuun haala nagaan gadda isaanii akka xumurataniif jecha magaalattii nagaan gadi lakkisnee baaneerra jechuun gareen kun haala yeroo ammaa naannichatti uumameen wal qabatee yaada isaa uummataaf ibseera. SABA GUDDAA WAAN TAANEEF, MIIDIYAA GUDDAATU NUUF MALA! MIIDIYAA @ABDII_SABAA

Magaalaa Finfinnee Naannoo Gabaa Markaatootti Balaan Ibiddaa Ka'uun Ibsame Magaalaa Finfinnee, iddoo gabaa Markaatoo naannoo addaa 'Xaasaa Taraa' jedhamee waamamutti har'a galgala balaan ibiddaa mudachuu isaa gabaafame. Gabaan Markaatoo yeroo irraa gara yerootti balaa ibiddaatiif irra deddeebi'amee saaxilamaa kan jiru yoo ta'u, dhiheenya kana iddoo sanatti balaan ibiddaa hamaan ka'uun qabeenya irratti mancaatii guddaa geessisee akka ture ni yaadatama. Jiraattonni naannichaa balaan kun mudachuu isaa kan eeraan yoo ta'u, qaamoleen dhimmi ilaallatu hatattamaan iddoo sana gahanii sochii eegalaniiru. Balaan kun naannoo buufata poolisiitti kan ka'e yoo ta'u, konkolaattoonni ittisa balaa fi ogeeyyiin hatattamaan gara iddoo sanaa imaluun ibiddicha dhaamsuu fi to'achuuf hojjechaa jiru. SABA GUDDAA WAAN TAANEEF, MIIDIYAA GUDDAATU NUUF MALA! MIIDIYAA @ABDII_SABAA

Eeyyee ni kafala hojjedhaa Teelebirriin baafadhaa. ASBEKS 🤖 https://t.me/Asbeksbot/start ⚡️ @AsbeksPlatform

Viidiyoo Ediitingii (Video Editing) Bilbila Harkaa Qofaan Baradhaa! Viidiyoowwan qulqullina olaanaa qaban bilbila harkaa keessan qofaan akkamitti akka 'edit' gootan barachuu ni barbaadduu? Carraa gaarii dhiyaate kana fayyadamaa! Dandeettii kana horachuuf ulaagaan barbaadamu bilbila harkaa (Smartphone) qabaachuu qofa yoo ta'u, kaffaltii baay'ee xiqqaa ta'e, qarshii 199 qofaan barnoota kana guutummaatti argachuu ni dandeessu. Ogummaa yeroon kun barbaadu kana horachuuf carraa kanaan fayyadamaa! Barnoota kana amma eegaluuf liinkii asii gadii kana tuqaa: 👇👇👇 https://fulbek.com/learn/video-editing-f9b9b1ef barnooti kun @Abdii_Sabaa_University tiin isniif qophaa'e. SABA GUDDAA WAAN TAANEEF, MIIDIYAA GUDDAATU NUUF MALA! MIIDIYAA @ABDII_SABAA

Eeyyee ni kafala hojjedhaa Teelebirriin baafadhaa. ASBEKS 🤖 https://t.me/Asbeksbot/start ⚡️ @AsbeksPlatform

AMMEE: Caffeen Oromiyaa Caasaa Haaraa Naannichi Godinaalee Jaha (6) Qofa Akka Qabaatu Taasisu Raggaasise Yaa'ii hundeeffamaa Caffeen Oromiyaa har'a gaggeesseen, labsiin haaraan caasaa bulchiinsa naannoo Oromiyaa bifa haaraan gurmeessuu fi godinaalee digdamii tokko (21) turan gara godinaalee jaha (6) qofaatti dachaasu sagalee guutuun ragga'eera. Labsiin kun seenaa bulchiinsa naannichaa keessatti yeroo jalqabaatiif godinaaleef raamii seeraa fi angoo murtoo kennuu guutuu kan kenne ta'uun ibsameera. Haaluma kanaan, caasaan haaraan kun kallattii irratti hundaa'uun naannicha deebisee kan gurmeessu yoo ta'u, godinaaleen haaraan kunis Godina Bahaa, Dhihaa, Giddugaleessaa, Kibbaa, Kibba Lixaa fi Kibba Bahaa jechuun maqaan kennameeraaf. Labsiin kun gurmaa'insa, angoo fi hojii qaamolee raawwachiiftuu godinaalee, aanaalee fi gandootaa ifatti murteessuuf kan bahe akka ta'e ifoomeera. Wixinee labsii haaraa kana ilaalchisuun miseensota Caffeetiif ibsa bal'aa kan kennan Hogganaa Biiroo Haqaa Oromiyaa Obbo Guyyoo Waariyoo, labsiin kun riifoormiiwwan hunda-galeessa naannicha keessatti eegalaman itti fufsiisuuf kan qophaa'e ta'uu hubachiisaniiru. Tajaajiloonni naannoo Oromiyaa keessatti kennaman gara caasaa gadiitti bu'aa jiraachuu kan eeraan hogganichi, caasaan godinaalee haaraan kun haala gurmaa'insaa, to'annoo fi hordoffiitiif baay'ee mijaawaa ta'uu ibsaniiru. Dabalataanis, labsiin kun waajjiraalee godinaalee jahan kana jalatti argaman ifatti kan kaa'ee fi angoo murteessummaa olaanaa godinaaleef kan kennu yoo ta'u, sirna mootummaan naannichaa ijaaru deeggarsa seeraatiin guutummaatti akka cimu kan taasisu akka ta'e eeraniiru. SABA GUDDAA WAAN TAANEEF, MIIDIYAA GUDDAATU NUUF MALA! MIIDIYAA @ABDII_SABAA

Eeyyee ni kafala hojjedhaa Teelebirriin baafadhaa. ASBEKS 🤖 https://t.me/Asbeksbot/start ⚡️ @AsbeksPlatform

Tigraayitti Akkawontii Cufame Akkamitti Banattu: Baankiin Daldalaa Itoophiyaa Maamiltoota Herreegni Baankii Isaanii Naannoo Tigraayitti Cufameef Dameewwan 12 Finfinneetti Ramade Sababa rakkoo nageenyaa kaaba biyyattiitiin wal qabatee herreegni baankii maamiltootaa dameewwan Baankii Daldalaa Itoophiyaa naannoo Tigraayitti argaman keessatti ugguramee ykn cufamee ture akka gadhiifamuu fi tajaajila kennu, baankichi dameewwan filataman kudha lama (12) magaalaa Finfinnee keessatti qopheessuu isaa ifoomseera. Akka ibsa baankichaatti, tarkaanfiin kun maamiltoota sababa dhabamuu tajaajilaatiin rakkachaa turaniif furmaata hatattamaa kennuu fi gara tajaajila idilee isaaniitti akka deebi'an taasisuuf kan yaadamedha. Haaluma kanaan, maamiltoonni kanaan dura naannoo Tigraayitti herreega baankii banatanii turan hundi, tajaajila herreega isaanii uggurame kana bansiifachuu fi sochoosuuf qaamaan argamuun dameewwan magaalaa Finfinnee keessatti ramadaman kanneen akka damee Finfinnee, Qaallittii, Taklahaymaanoot, Nifaas Silk, Sharaatan, Kiiloo Ja'a (6 Kilo), CMC, Tafarraa Daggifee, Marii, Xamanjaa Yaazhii, Teelee Madhaani'aalamii fi damee Xoor Hayiloochii deemuun tajaajilamuu akka danda'an baankichi hubachiiseera. SABA GUDDAA WAAN TAANEEF, MIIDIYAA GUDDAATU NUUF MALA! MIIDIYAA @ABDII_SABAA

Raayyaan Ittisa Biyyaa Magaalaa Alaamaaxaa Qaxxaamuruun Gara Makoonii fi Maayicaawutti Imalaa Jiraachuu Ibsame Viidiyoon socho'aan dhiheenya bahe akka agarsiisutti, Raayyaan Ittisa Biyyaa Itoophiyaa kaleessa magaalaa Alaamaaxaa qaxxaamuruun gara kallattii magaalaa Makoonii fi Maayicaawutti socho'aa jira. Jiraattonni magaalaa Alaamaaxaa humnoota nageenyaa mootummaatiif simannaa ho'aa kan taasisan yoo ta'u, raayyichi magaalattii keessa yeroo dheeraaf osoo hin turin qaxxaamuree gara fuulduraatti imala isaa itti fufuu isaa gabaafameera. Yeroo ammaa kana walitti bu'iinsa haaraa kaaba Itoophiyaatti deebi'ee dhalate hordofuun, naannichatti dhiphinnii fi yaaddoon nageenyaa hamaan uumamee akka jiru maddeen ni eeru. Gama biraatiin, humnoonni TPLF iddoowwan to'atanii turan gadhiisuun gara naannoo Tigraay, keessumaa kallattii magaalaa Maqaleetti deebi'aa fi socho'aa akka jiran ragaaleen ni agarsiisu. SABA GUDDAA WAAN TAANEEF, MIIDIYAA GUDDAATU NUUF MALA! MIIDIYAA @ABDII_SABAA

Obbo Shimallis Abdiisaa Irra Deebi'uun Pirezidaantii Naannoo Oromiyaa Ta'uun Muudaman; Caffeen Muudama Kaabinee Haaraa Raggaasise Yaa'iin idilee 1ffaa waggaa 1ffaa bara hojii 7ffaa Caffee Oromiyaan taa'amaa jiru, Obbo Shimallis Abdiisaa irra deebi'uun Pirezidaantii Mootummaa Naannoo Oromiyaa taasisuun filatee muudeera. Yaa'iin kun haasawaa fi gabaasa dhiyaate hordofuun, muudama qaamolee raawwachiiftuu naannichaa haaraa pirezidaantichaan dhiyaate hunda guutummaatti raggaasiseera. Akkaataa labsii haaraa bahe lakkoofsa 267/2019 bu'uura godhachuun, namoonni ja'a (6) sadarkaa itti aanaa pirezidaantiitti muudamaniiru. Isaanis; Obbo Abduurahmaan Abdallaa, Obbo Masfin Malaakuu, Dr. Rashaad Kamaal, Dr. Mangistuu Baqqalaa, Obbo Ahimad Idiriis fi Obbo Ahimad Haajii ta'uun Caffeef dhiyaatanii ragga'aniiru. Gama biraatiin, muudamtoonni sadarkaa hogganaa biirootti muudaman; Dr. Tolaa Bariisoo Hogganaa Waajjira Pirezidaantii, Obbo Guyyoo Waariyoo Hogganaa Biiroo Haqaa, Dr. Abdulaaziiz Daawud Hogganaa Biiroo Maallaqaa, Obbo Tasfaayee Tuluu Hogganaa Biiroo Galiiwwanii, Dr. Abdii Yuuyaa Hogganaa Biiroo Karooraa fi Misoomaa, Dr. Bultoosaa Hirkoo Hogganaa Biiroo Barnootaa, akkasumas Piroofeesar Natsaannat Warqinah Hogganaa Biiroo Fayyaa ta'uun muudamaniiru. Dabalataanis, Obbo Tashoomaa Booggaalaa Hogganaa Biiroo Qonnaa, Dr. Namarraa Gabayyoo Hogganaa Biiroo Misooma Albuudaa fi Inarjii, fi Obbo Taarraqanyi Bulultaa Hogganaa Biiroo Intarpiraayizii fi Indastirii ta'uun ragga'aniiru. Akkasumas kaabineewwan hafan; Dr. Adaaree Asaffaa Hogganaa Biiroo Daldalaa fi Inveestimantii, Aadde Masarat Asaffaa Hogganaa Biiroo Lafaa, Aadde Sa'aadaa Abdurahmaan Hogganaa Biiroo Dubartootaa fi Hawaasummaa, Obbo Xilaahuun Warquu Hogganaa Biiroo Misooma Magaalaa, Dr. Aayaantuu Guuttataa Hogganaa Biiroo Kalaqaa fi Teeknooloojii, Aadde Ildaanaa Suleeymaan Hogganaa Biiroo Tuurizimii, Obbo Tijaanii Naasir Hogganaa Biiroo Nageenyaa, Aadde Roozaa Biyyaa Hogganaa Biiroo Aadaa fi Ispoortii, Injiinar Girmaa Raggaasaa Hogganaa Biiroo Jallisii fi Horsiisee Bulaa, Injiinara Habiib Qumbii Hogganaa Biiroo Daandii fi Loojistiksii, fi Injiinara Maariyaa Gutaa Hogganaa Biiroo Bishaanii ta'uun guutummaatti Caffeetiin mirkanaa'eera. SABA GUDDAA WAAN TAANEEF, MIIDIYAA GUDDAATU NUUF MALA! MIIDIYAA @ABDII_SABAA

Kaffaltiin Qormaata Ba'iinsa Yuunivarsiitii Qarshii 750 irraa gara Qarshii 2,000tti Ol Guddate Tajaajilli Madaallii Barnootaa fi Qormaataa kaffaltiiwwan tajaajila adda addaatiif kaffalaman fooyyessuun danbii haaraa baaseera. Haaluma kanaan, kaffaltiin qormaata ba'iinsa yuunivarsiitii (Exit Exam) kanaan dura qarshii 750 ture gara qarshii 2,000tti ol guddateera. Kaffaltii kana keessaa qarshiin 500 kaffaltii galmeef, qarshiin 1,500 immoo kaffaltii qormaataatiif kan oolu yoo ta'u, lammiilee biyya alaatiif immoo doolaarii 100 akka kaffalan murtaa'eera. Dabalataanis danbii haaraa kanaan, kaffaltiin qormaata seensa sagantaa digrii lammaffaa (NGAT) lammiilee Itoophiyaatiif qarshii 3,500 (galmeef 500 fi qormaataaf 3000), lammiilee alaa immoo doolaarii 100 akka ta'u murtaa'eera. Galmeen qormaata kutaa 12ffaa lammiilee biyya keessaaf qarshii 950 fi lammiilee alaaf doolaarii 100 ta'eera. Akkasumas, madaalliin gahumsaa fi heyyama ogummaa lammiilee Itoophiyaatiif qarshii 3,500 (galmeef 1,000 fi qormaataaf 2,500), lammiilee biyya alaatiif immoo doolaarii 150 akka kaffalan ta'eera. Tajaajilawwan ragaa barnootaa waliin wal qabatanis fooyya'iinsi kaffaltii taasisameera. Ragaa barnootaa bakka buusuuf lammiilee biyya keessaaf qarshii 600 fi alaa doolaarii 115, ragaa bakka buusuu fi mirkaneessuuf qarshii 900 fi doolaarii 170, ragaa qulqulleessuuf ykn mirkaneessuuf qarshii 400 fi doolaarii 75, dogoggora qubee maqaa sirreessuuf qarshii 700 fi doolaarii 130, akkasumas tiraanskiriipii ofiishiaalaa erguuf lammiilee biyya keessaaf qarshii 750 fi lammiilee alaaf doolaarii 50 akka kaffalan murtaa'eera. Kana malees, ragaa bu'aa qormaataa dhimma qorannoof dhaabbilee barbaadaniif qorannoo tokkoof qarshii 10,000 (dhaabbilee biyya alaatiif doolaarii 1,875), namoota dhuunfaaf immoo lammiilee biyya keessaaf qarshii 1,000 fi alaa doolaarii 190 akka kaffalamu ifoomeera. Meeshaalee madaallii tajaajilaniin irra deebi'anii fayyadamuuf baasii waliigalaa irraa dhibbantaa 5, meeshaa madaallii haaraa qopheessuuf immoo dhibbantaa 10 kaffaltiin akka raawwatamus danbichi ni agarsiisa. Tarreeffamni kaffaltii haaraa kun Danbii lakkoofsa 593/2018 ttiin kan ifoome ta'uun ibsameera. SABA GUDDAA WAAN TAANEEF, MIIDIYAA GUDDAATU NUUF MALA! MIIDIYAA @ABDII_SABAA

Eeyyee ni kafala hojjedhaa Teelebirriin baafadhaa. ASBEKS 🤖 https://t.me/Asbeksbot/start ⚡️ @AsbeksPlatform