የሙሂ ማስታወሻዎች

በዓለም ላይ ሁሉም ነገር ያረጃል ሁሉም ነገር! የሴት ልጅ ልብ ሲቀር! የሴት ልጅ ልብ ልጅ እንደሆነ ይቀራል። ሴት ልጅ ፀጉሯ ሊሸብት ይችላል ነገር ግን ልቧ ምን ግዜም ልጅ ነው። ዙለይኻን ተመልከቱ በርሷና በዩሱፍ መካከል ረጅም የእድሜ ልዩነት አለ ከመሆኑም ጋር አላህ(አዘወጀለ)እንዲህ ሲል ይገልፀዋል         قَدْ شَغَفَهَا حُبًّا" "በእርግጥም ፍቅሩ ወደ ልቧ ጥልቅ ገብቷል።" አጂብ ምን አይነት ያማረ አገላለፅ ነው።! ምክንያቱም የሴት ልጅ ልብ አያረጅም ምን ግዜም በፍቅር እንደተሞላ ይቆያል። እናም ውዱ ወንድሜ ሃላልህን በእዝነት፣ በፍቅርና እንክብካቤ፣ በመልካም ንግግር ልትይዛት ይገባል። ረሱል ፋጡማት ወደ ቤት ሲገቡ ጭንቅላቷን ይስሟት ነበር ለምንድን ነው? ፍቅራቸውን ሊገልፁላት ነው። የአላህ ሰላት እና ሰላም በሳቸው ላይ ይውረድባቸው። በጥቅሉ የሰው ልጅ ፍቅርን ይጠማል። ነብዩ(ሰለላሁ ዓለይሂ ወሰለም)እንዳሉት "እናንተ የወሰዳችኋቸው በአላህ አደራ ነው"  እናም ሚስትህን ሰላም እንዲሰማት አድርግ ምክንያቱም ባንተ ሰላም በተሰማት ሰአት ባንተ እርግጠኛ ትሆናለች። የሃላል ትዳር ሁሌም ነፃነት አለው! የሃራም ፍቅር ግን ሁሌም ሰቀቀን ነው ምክንያቱም ስርቆት ነው። ታዲያ በሃላል ተጋብቶ መደሰት እያለ ለምን ወደ ሃራም እንሄዳለን።? መጋባትስ ካልቻልን ለምን መንገዱን አንዘጋውም ለምን የጭንቀት ህይወት እኖራንለን። የሃራም ግኑኝነት የብዙ መጥፎ ነገሮች በር ነው። ብዙ ዋጋም ያስከፍለናል ምን አልባትም አግብተንም ቢሆን መዘዙ ላይለቀን ይችላል። ምክንያተም መሰረቱ ሃራም ነው።! ፍቅር እውነት ነው በሰው ልጅ ውስጥ አለ። እኛ እየከለከልን ያለነው በፍቅር ስም ስለሚሰሩት የሃራም ግኑኝነት ነው። ትክክለኛ ፍቅር በትዳር ውስጥ ነው ያለው። እናም ውድ እህት ወንድሞቸ ይሄ ስሜት በልባችሁ ላይ ሲፈጠር ቶሎ ወደ ትዳር እንቀይረው። በተለያዩ ምክንያቶች አሁን ላይ ወደ ትዳር መቀየር ካልቻልን መንገዱን ዘግተን ወደ አላህ በመቃረብ ተውበት እናድርግ። ከተፃፍ ለኛ ከመሆን ውጭ አማራጭ የለውም በትክክለኛው ሰዓት እንገናኛለን ካልተገናኘንም ለኛ ኸይር ነው። የሃራም መንገድ የተፃፍወን እንዲቀየር አያደርገውም እንደውም ሊያበላሸው ነው ሚችለው። በአላህ የተመካች ነፍስ ሁሌም የተረጋጋች ናት። ባረከላሁ ፊኩም የሙሂ ማስታወሻዎች      Share @sun_flowere https://t.me/sun_flowere