News Of Myanmar

နိုင်ငံတော်တည်ငြိမ်ရေးနှင့် နယ်မြေအေးချမ်းသာယာရေးအတွက် စစ်ဆင်ရေးတာဝန်များကို ထမ်းဆောင်ခဲ့သည့် ရှေ့တန်းပြန် နိုင်ငံ့သားကောင်း တပ်မတော်သားများအား သောင်းသောင်းဖြဖြ ဂုဏ်ပြုကြိုဆို ဧပြီ ၆၊ ၂၀၂၆ နိုင်ငံတော်တည်ငြိမ်ရေးနှင့် နယ်မြေအေးချမ်းသာယာရေးအတွက် ရခိုင်ပြည်နယ် ကျောက်ဖြူမြို့နယ် ဒေသတစ်ဝိုက် နယ်မြေလုံခြုံရေးတာဝန်များကို ထမ်းဆောင်၍ ပြန်လည်ရောက်ရှိလာသော ရှေ့တန်းပြန် နိုင်ငံ့သားကောင်း တပ်မတော်သားများအား ဂုဏ်ပြုကြိုဆိုခြင်းကို ယနေ့ညနေပိုင်းတွင် ရန်ကုန် တိုင်းဒေသကြီး လှည်းကူးမြို့နယ် ရဲမွန်တပ်မြို့ရှိ နယ်မြေခံတပ်ရင်း၌ပြုလုပ်ရာ ရန်ကုန်တိုင်းစစ်ဌာနချုပ်တိုင်းမှူး ဗိုလ်မှူးချုပ် တင်မင်းလတ်နှင့် တာဝန်ရှိသူများ၊ မြန်မာနိုင်ငံရဲတပ်ဖွဲ့ဝင်များ၊ မြန်မာနိုင်ငံစစ်မှုထမ်းဟောင်းအဖွဲ့ဝင်များ၊ ဌာနဆိုင်ရာ တာဝန်ရှိသူများနှင့် ဒေသခံပြည်သူများ ပါဝင်တက်ရောက်ဂုဏ်ပြုကြိုဆိုကြသည်။ တိုင်းဒေသကြီးနှင့် ပြည်နယ်အသီးသီးရှိ တိုင်းရင်းသားပြည်သူများ စိတ်အေးချမ်းသာစွာ နေထိုင်လုပ်ကိုင်စားသောက်နိုင်ရေးနှင့် အသက်အိုးအိမ်စည်းစိမ်ဥစ္စာ လုံခြုံမှုရှိစေရေး၊ နိုင်ငံတော်တည်ငြိမ်ရေး၊ နယ်မြေအေးချမ်းရေးအတွက် ရှေ့တန်းစစ်မျက်နှာများတွင် စစ်ဆင်ရေးတာဝန်များကို နေ့မအားညမနား စွမ်းစွမ်းတမံ တာဝန် ထမ်းဆောင်ခဲ့သော ရှေ့တန်းပြန်တပ်မတော်သားများအား တိုင်းမှူးနှင့် တက်ရောက်လာကြသူများက အောင်သပြေခက်များဖြင့်လည်းကောင်း၊ အိုးစည် ဒိုးပတ် အတီး၊ အမှုတ်၊ အက၊ အခုန်များဖြင့်လည်းကောင်း ဝမ်းမြောက်စွာ သောင်းသောင်းဖြဖြ ကြိုဆိုဂုဏ်ပြုခဲ့ကြပြီး တိုင်းမှူးက အောင်ပွဲရရှေ့တန်းပြန် တပ်မတော်သားများအား ဂုဏ်ပြုချီးမြှင့်ငွေများ ပေးအပ်ခဲ့ကြောင်း သတင်းရရှိသည်။ NOM

အမေရိကန် ပူးတွဲစစ်ဦးစီးချုပ်များဥက္ကဋ္ဌ ဗိုလ်ချုပ်ကြီး ဒန် ကိန်း (Dan Caine) က အမေရိကန်အောက်လွှတ်တော် လက်နက်ကိုင်တပ်ဖွဲ့များဆိုင်ရာ ကော်မတီတွင် ပြုလုပ်သည့် ကြားနာပွဲအတွင်း အီရန်နိုင်ငံအတွင်းသို့ ဝင်ရောက်ခဲ့သည့် အမေရိကန် ကယ်ဆယ်ရေးတပ်ဖွဲ့များနှင့် အထူးတပ်ဖွဲ့များ ကြုံတွေ့ခဲ့ရသည့် အခြေအနေနှင့် ပတ်သက်၍ ၎င်းက အောက်ပါအတိုင်းပြောကြားခဲ့သည်။ "သေနတ်အသေးစား ဒါမှမဟုတ် ရိုင်ဖယ်သေနတ် ကိုင်ဆောင်ထားတဲ့ အီရန်နိုင်ငံသားတိုင်းဟာ ကျွန်တော်တို့ကို တပ်ဖွဲ့တွေကို ဝိုင်းဝန်းပစ်ခတ်ခဲ့ကြတယ်" NOM

ရှမ်းပြည်နယ် (တောင်ပိုင်း)၊ ဆီဆိုင်မြို့နယ်တွင် TNLA အကြမ်းဖက်အဖွဲ့နှင့် PDF အကြမ်းဖက်အဖွဲ့တို့ ထောင်ထားသည့် မိုင်းတစ်လုံးအား နင်းမိပေါက်ကွဲခဲ့မှုကြောင့် အပြစ်မဲ့အမျိုးသမီးတစ်ဦး ဒဏ်ရာရ NOM ဧပြီ ၇၊ ၂၀၂၆ ရှမ်းပြည်နယ် (တောင်ပိုင်း)၊ ဆီဆိုင်မြို့နယ်ပြည်သူ့ဆေးရုံသို့ ဧပြီလ ၅ ရက်နေ့ မွန်းလွဲ ၃ နာရီ ၁၀ မိနစ်အချိန်၌ မိုင်းပေါက်ကွဲစထိမှန်ဒဏ်ရာဖြင့် အမျိုးသမီးတစ်ဦးရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေး၍ ဖြစ်စဉ်အား စိစစ်ခဲ့ရာ နေ့လယ် ၁၂ နာရီအချိန်၌ ဆီဆိုင်မြို့နယ်၊ နောင်ဘိုကျေးရွာနေ ဒေါ်နန်းခမ်းဘို့ (၃၀) နှစ်သည် နောင်စကာကျေးရွာအနီး ရွှေတဂူဘုရားရှိ အင်ကြင်းတောအတွင်း အင်ကြင်းရွက်များခူးနေစဉ် TNLA အကြမ်းဖက်အဖွဲ့နှင့် PDF အကြမ်းဖက်အဖွဲ့ထောင်ထားသည့် မိုင်းတစ်လုံးအား နင်းမိပေါက်ကွဲခဲ့မှုကြောင့် ၎င်းတွင် မိုင်းပေါက်ကွဲစ ထိမှန်ဒဏ်ရာများရရှိခဲ့ခြင်းဖြစ်ကြောင်းသိရသည်။ NOM

အရှေ့အလယ်ပိုင်း​၏ အကြီးဆုံး ရေနံဓါတုစက်ရုံသည် အီရန်ပဲ့ထိန်းဒုံးကျည်များဖြင့် တိုက်ခိုက်ခံရပြီး မီးများလောင်ကျွမ်းနေ ဆော်ဒီနိုင်ငံရှိ အရှေ့အလယ်ပိုင်း၏ အကြီးဆုံး ရေနံဓာတုစက်ရုံ ဖြစ်သော ဆော်ဒီအခြေခံ စက်မှုလုပ်ငန်းကော်ပိုရေးရှင်း (SABIC) ကို အီရန်က ပဲ့ထိန်းဒုန်းကျည်များဖြင့် တိုက်ခိုက်ခဲ့သဖြင့် စက်ရုံတွင် မီးများလောင် ကျွမ်းလျက်ရှိသည်။ အဆိုပါစက်ရုံသည် ဒူးပွန့် (DuPont)၊ ဘီအေအက်စ်အက်ဖ် (BASF) နှင့် ဆိုင်နိုပက်ခ် (Sinopec) တို့ပြီးလျှင် ကမ္ဘာပေါ်တွင် စတုတ္ထမြောက် အကြီးဆုံး ရေနံဓာတု ထုတ်လုပ်ရေးစက်ရုံဖြစ်သည်။ NOM

အွန်လိုင်းလိမ်လည်မှု (Telecom Fraud) နှိမ်နင်းရေးနှင့် တရားမဝင် ဝင်ရောက်သူများ ဖော်ထုတ်ပြည်နှင်ခြင်း။ NOM

မင်းဘူးမြို့နယ်တွင် PDF အကြမ်းဖက်အဖွဲ့ထောင်ထားသည့် မိုင်းပေါက်ကွဲမှုကြောင့် ဆေးခန်းပြရန် သွားသည့် သားအဖနှစ်ဦး ဒဏ်ရာရ NOM ဧပြီ ၇၊ ၂၀၂၆ မကွေးတိုင်းဒေသကြီး၊ မင်းဘူးမြို့နယ်၊ စကုတိုက်နယ်ဆေးရုံသို့ ဧပြီလ ၅ ရက်နေ့ နံနက် ၉ နာရီ ၁၅ မိနစ်အချိန်၌ မိုင်းပေါက်ကွဲစထိမှန်ဒဏ်ရာဖြင့် အမျိုးသားတစ်ဦးနှင့် အမျိုးသမီးတစ်ဦးတို့ရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေး၍ ဖြစ်စဉ်အား စိစစ်ခဲ့ရာ နံနက် ၅ နာရီခွဲအချိန်၌ မင်းဘူးမြို့နယ်၊ ညောင်ကိုင်းကျေးရွာနေ ဦးညွန့်ဝင်း (၅၅) နှစ်သည် ၎င်း၏သမီးဖြစ်သူ မကြည်လဲ့လဲ့ဝင်း (၂၃) နှစ်နှင့် အတူ ဆေးခန်းပြရန် စကုတိုက်နယ်ဆေးရုံသို့ ဆိုင်ကယ်ဖြင့် ထွက်ခွာလာစဉ် ပေါင်းရွာကျေးရွာအနီးအရောက် လမ်းဘေးမှ PDF အကြမ်းဖက်အဖွဲ့ ထောင်ထားသည့် မိုင်းတစ်လုံး ပေါက်ကွဲခဲ့မှုကြောင့် ၎င်းတို့နှစ်ဦးတွင် မိုင်းပေါက်ကွဲစထိမှန်ဒဏ်ရာများ ရရှိခဲ့ခြင်းဖြစ်ကြောင်းသိရသည်။ NOM

အီရန်စစ်တပ်က ကူဝိတ်ရှိ အယ်လ်-အာဒိုင်ရီ Al-Adairi အခြေစိုက်စခန်းအား ဒရုန်းများဖြင့် တိုက်ခိုက်ခဲ့သည့် ဂြိုဟ်တုဓာတ်ပုံများ ထုတ်ပြန်၊ အမေရိကန်စစသား ၁၅ ဦးဒဏ်ရာရ အီရန်အစ္စလာမ်မစ်သမ္မတနိုင်ငံ စစ်တပ်၏ ပြည်သူ့ဆက်ဆံရေးဌာနက အမေရိကန်၏ အယ်လ်-အာဒိုင်ရီ အခြေစိုက်စခန်းကို တိုက်ခိုက်ရေးဒရုန်းများနှင့် ပစ်မှတ်တိကျဒရုန်းများဖြင့် ထိမှန်ခဲ့သည့် ဂြိုဟ်တုဓာတ်ပုံများကို ထုတ်ပြန်ခဲ့သည်။ အီရန်စစ်တပ်မှ ရန်သူဖြစ်သော အမေရိကန်ကျူးကျော်သူတို့၏ အယ်လ်-အာဒိုင်ရီ အခြေစိုက်စခန်းကို ဒရုန်းများဖြင့် စစ်ဆင်ရေးပြုလုပ်ခဲ့ပြီးနောက် သတ်မှတ်ထားသော ပစ်မှတ်များကို ထိမှန်မှုနှင့် ပျက်စီးဆုံးရှုံးမှု အခြေအနေများကို ပြသသည့် ဂြိုဟ်တုဓာတ်ပုံများ ထွက်ပေါ်လာခြင်းဖြစ်သည်။ အစီရင်ခံစာအရ ကူဝိတ်ရှိ အယ်လ်-အာဒိုင်ရီ အခြေစိုက်စခန်းအတွင်းရှိ နေရာ (၈) ခု ထိမှန်ခဲ့ပြီး ယင်းတို့တွင် နေထိုင်ရာဧရိယာ၊ အဆောင်များ၊ စက်ကိရိယာ သိုလှောင်ရုံများ နှင့် ရဟတ်ယာဉ် ပြုပြင်ထိန်းသိမ်းရေး ဂိုဒေါင်များ ပါဝင်ကြောင်း ဓာတ်ပုံများက ဖော်ပြနေသည်။ အဆိုပါ အခြေစိုက်စခန်းကို အဟန့်အတားမရှိ တိကျစွာ တိုက်ခိုက်နိုင်ခြင်းမှာ အဆိုပါစခန်း၏ လေကြောင်းရန်ကာကွယ်ရေးစနစ် (AD) မှာ ဒုံးကျည်များ လုံးဝကုန်ခမ်းသွားခြင်း (သို့မဟုတ်) ပျက်စီးသွားခြင်းကို ညွှန်ပြနေသင်္ည။ တိုက်ခိုက်မှုအတွင်း အမေရိကန် စစ်သား ၁၅ ဦး ဒဏ်ရာရရှိခဲ့ကြောင်း CBS News က ဖော်ပြထားသည်။ NOM

အမေရိကန်ပိုင်ပစ္စည်းများ တိုက်ရိုက်ထိမှန်ခြင်း - ယူအေအီးရှိ ဟပ်ဘ်ရှန် အန်ဂျီအယ်လ် (Habshan NGL) စက်ရုံနှင့် ဓာတ်ငွေ့ဆိုင်ရာ အဆောက်အအုံများအပြင် ဘာရိန်းနိုင်ငံရှိ စစ်ဘက်ဆိုင်ရာကို အထောက်အကူပြုနေသော ဒေတာစင်တာ (Data Center) တစ်ခုတို့မှာ မကြာသေးမီက တိုက်ခိုက်မှုများအတွင်း ပြင်းထန်စွာ ပျက်စီးသွားခဲ့သည်။ NOM

ပြည်ထောင်စုသမ္မတ မြန်မာနိုင်ငံတော်‌၊ ရွေးကောက်တင်မြှောက်ခြင်းခံရသော သမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် ထံ မြန်မာနိုင်ငံဆိုင်ရာတရုတ်ပြည်သူ့သမ္မတနိုင်ငံ သံအမတ်ကြီး က လာရောက်ဂါရဝပြုတွေ့ဆုံ ဧပြီ ၆၊ ၂၀၂၆ NOM

ယမန်နေ့က ယူအေအီး (UAE) နိုင်ငံရှိ ရေနံနှင့် သဘာဝဓာတ်ငွေ့ဆိုင်ရာ အဆောက်အအုံ ၃ ခု မီးလောင်နေသည်ကို ဂြိုဟ်တုဓာတ်ပုံများတွင် တွေ့ရ ယူအေအီးအစိုးရဘက်က ဒုံးကျည်များကို ကြားဖြတ်ဟန့်တားနိုင်ခဲ့သည်ဟု ပြောဆိုထားသော်လည်း အာဆတ်ဘ် Asab၊ ဘူဟာဆာ Bu Hasa နှင့် ဟပ်ဘ်ရှန် Habshan ဒေသရှိ စက်ရုံများသည် အီရန်၏ ဒုံးကျည်ထိမှန်မှုများကို ခံခဲ့ရသည်။ NOM

ဖြူးမြိို့ယ်တွင် မီးရထားသံလမ်းစောင့် အမျိုးသားတစ်ဦးကို PDF အကြမ်းဖက်အဖွဲ့က သေနတ်ဖြင့် ပစ်ခတ်သတ်ဖြတ်သွား NOM ဧပြီ ၇၊ ၂၀၂၆ ပဲခူးတိုင်းဒေသကြီး၊ ဖြူးမြို့နယ်၊ ကညွတ်ကွင်း အနောက် (၂) ရပ်ကွက်နေ မီးရထားသံလမ်းစောင့်ဖြစ်သူ ဦးမြင့်စန်း (၆၃) နှစ်သည် ဧပြီလ ၅ ရက်နေ့ နံနက် ၉ နာရီ ၂၀ မိနစ်အချိန်၌ အဆိုပါရပ်ကွက်ရှိ မီးရထားသံလမ်းမိုင်တိုင်အမှတ် (၂၀၀/၁)၊ မီးရထားသံလမ်းကင်းအမှတ် (၈) ၌ ကင်းစောင့်နေစဉ် PDF အကြမ်းဖက်သမားနှစ်ဦးရောက်လာပြီး သေနတ်ဖြင့် ပစ်ခတ်သတ်ဖြတ် သွားခဲ့သဖြင့် ၎င်းတွင် ကျည်ထိမှန်ဒဏ်ရာများရရှိကာ သေဆုံးသွားခဲ့ကြောင်းသိရသည်။ NOM

ရမည်းသင်းမြို့နယ်၊ အင်တိုင်းကျေးရွာရှိ နေအိမ်တစ်ခုမှ ရွှေလက်စွပ် ၃ ကွင်း၊ ရွှေဆွဲကြိုး ၁ ကုံး နှင့် ဖုန်း ၁ လုံးတို့အား PDF အကြမ်းဖက်အဖွဲ့က လုယက်ယူဆောင်ရုံသာမကာ အဆိုပါနေအိမ်ရှိမိသားစုဝင်များအားသေနတ်ဖြင့် ပစ်ခတ်ခဲ့သဖြင့် အပြစ်မဲ့ပြည်သူတစ်ဦးသေဆုံးပြီး တစ်ဦးဒဏ်ရာရ ဧပြီလ ၅၊ ၂၀၂၆ ဧပြီလ ၅ ရက်နေ့ နံနက် ၈ နာရီအချိန်၌ မန္တလေးတိုင်းဒေသကြီး၊ ရမည်းသင်းမြို့နယ်၊ အင်တိုင်းကျေးရွာတွင် သေနတ်ဖြင့် ပစ်ခတ်ခံရ၍ အမျိုးသားတစ်ဦးသေဆုံးကာ တစ်ဦးကျည်ထိမှန်ဒဏ်ရာရရှိခဲ့ကြောင်း သတင်းအရ လုံခြုံရေးတပ်ဖွဲ့ ဝင်များက သွားရောက်စစ်ဆေး၍ ဖြစ်စဉ်အား စိစစ်ခဲ့ရာ ဧပြီလ ၄ ရက်နေ့ ည ၁၂ နာရီခွဲအချိန်၌ အဆိုပါကျေးရွာနေ ဦးဇော်မင်း (၄၅) နှစ်သည် ၎င်း၏ဇနီးဖြစ်သူ ဒေါ်စိုး (၅၆) နှစ်၊ အစ်ကိုဖြစ်သူ ဦးဇော်မိုး (၄၇) နှစ်၊ မရီးဖြစ်သူ ဒေါ်မျိုးမျိုး (၄၀) နှစ်တို့နှင့်အတူ နေအိမ်တွင်ရှိနေစဉ် PDF အကြမ်းဖက်သမားနှစ်ဦးရောက်ရှိလာပြီး ၅ မူးသားခန့်ရှိ ရွှေလက်စွပ် ၁ ကွင်း၊ ၁ မတ်သားခန့်စီရှိ ရွှေလက်စွပ် ၂ ကွင်း၊ ၅ မူးသားခန့်ရှိ ရွှေဆွဲကြိုး ၁ ကုံး၊ ဖုန်း ၁ လုံးတို့အား လုယက်ယူဆောင်၍ သေနတ်ဖြင့် ပစ်ခတ်သွားခဲ့သဖြင့် ဦးဇော်မင်းတွင် ကျည်ထိမှန်ဒဏ်ရာများရရှိကာ သေဆုံးသွားခဲ့ပြီး ဦးဇော်မိုးတွင် ထိခိုက်ဒဏ်ရာများရရှိခဲ့၍ သေဆုံး/ ဒဏ်ရာရရှိသူများအား ရမည်းသင်းခရိုင်ပြည်သူ့ ဆေးရုံကြီးသို့ ပို့ဆောင်ထားရှိကြောင်းသိရသည်။ NOM

သမ္မတ ထရန့်၏ ပြောကြားချက် "ကျွန်တော့်မှာသာ ရွေးချယ်ခွင့်ရှိမယ်ဆိုရင် ဘာလုပ်ချင်လဲသိလား? အီရန်ဆီက ရေနံတွေကို သိမ်းပိုက်လိုက်မှာပေါ့။ ဘာလို့လဲဆိုတော့ အဲဒီမှာ သိမ်းဖို့အဆင်သင့်ရှိနေတာပဲလေ။ သူတို့ဘက်ကလည်း ဘာမှပြန်လုပ်နိုင်မှာ မဟုတ်ဘူး။ ဒါပေမဲ့ စိတ်မကောင်းစရာက အမေရိကန်ပြည်သူတွေက ကျွန်တော်တို့ (အမေရိကန်တပ်ဖွဲ့တွေ) ကို အိမ်ပြန်လာစေချင်ကြတာပဲ။ တကယ်လို့သာ ကျွန်တော့်အပေါ်မှာပဲ မူတည်မယ်ဆိုရင်တော့ ကျွန်တော် အဲဒီရေနံတွေကို သိမ်းယူမယ်။ ပြီးတော့ ပိုင်ဆိုင်အောင်လုပ်မယ်။ အဲဒီကနေ ငွေတွေအများကြီး ရှာပစ်လိုက်မှာ။” NOM

ပြည်ထောင်စုသမ္မတမြန်မာနိုင်ငံတော်၊ ရွေးကောက်တင်မြှောက်ခြင်းခံရသော သမ္မတ၊ နိုင်ငံတော်လုံခြုံရေးနှင့်အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် ထံသို့ ရုရှားဖက်ဒရေးရှင်းနိုင်ငံ စိန့်ပီတာစဘတ်အုပ်ချုပ်ရေးမှူး မစ္စတာ အလက်ဇန်းဒါး ဘယ်ဂ်လော့ထံမှ ဝမ်းမြောက်ကြောင်းသဝဏ်လွှာ ပေးပို့

ပြည်ထောင်စုသမ္မတမြန်မာနိုင်ငံတော်၊ ရွေးကောက်တင်မြှောက်ခြင်းခံရသော သမ္မတ၊ နိုင်ငံတော်လုံခြုံရေးနှင့် အေးချမ်းသာယာရေးကော်မရှင် ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် ထံသို့ ကမ္ဘောဒီးယားနိုင်ငံ ဘုရင်မင်းမြတ် ပရယ်ဘတ် ဆမ်ဒက် ပရယ် ဘိုရိုနစ် နိုရိုဒွန် သီဟာမိုနီ ထံမှ ဝမ်းမြောက်ကြောင်းသဝဏ်လွှာ ပေးပို့

စက်သုံးဆီများဖြန့်ဖြူးရောင်းချပေးနေသည့် အခြေအနေအသိပေးထုတ်ပြန်ခြင်း နိုင်ငံတော်၏ စွမ်းအင်သုံးစွဲမှုတွင် ဓာတ်ဆီ၊ ဒီဇယ်ဆီ၊ ရေနံဓာတ်ငွေ့ရည် (LPG) စသည့် ရေနံထွက်ပစ္စည်းများသည် ၂၉ ရာခိုင်နှုန်း ပါဝင်ပြီး သယ်ယူပို့ဆောင်ရေးကဏ္ဍ တွင် အဓိကအသုံးပြုလျက်ရှိပါသည်။ သယ်ယူပို့ဆောင်ရေးကဏ္ဍတွင် သုံးစွဲနေသည့် ဓာတ်ဆီ၊ ဒီဇယ်ဆီများ၏ ၉၇ ရာခိုင်နှုန်းသည် ပြည်ပမှ ဝယ်ယူတင်သွင်းနေရခြင်းဖြစ်သည့်အတွက် ယခုကဲ့သို့ ကမ္ဘာတစ်ဝန်း စက်သုံးဆီအခက်အခဲများ ဖြစ်ပေါ်လာချိန်တွင် ဝယ်ယူတင်သွင်းမှုကို အားပြုနေရသည့် မိမိတို့ကဲ့သို့နိုင်ငံများအနေဖြင့် လွန်စွာခက်ခဲစေသည့် အခြေအနေတစ်ရပ်ကို ရင်ဆိုင်နေကြရပါသည်။ နိုင်ငံတော်အနေဖြင့် စက်သုံးဆီအခက်အခဲကို ဖြေရှင်းရန်အတွက် စီမံခန့်ခွဲမှု နည်းလမ်းများ၊ ဒီဂျစ်တယ်နည်းပညာအခြေပြု ရောင်းချသည့်စနစ်များဖြင့် ကြပ်မတ်ထိန်းကျောင်းလျက်ရှိရာ နိုင်ငံတော်၏ စက်သုံးဆီတင်သွင်းမှု၊ ဖြန့်ဖြူးရောင်းချမှုတို့ သည် စည်းစနစ်မှန်ကန်သည့် လမ်းကြောင်းပေါ်သို့ ရောက်ရှိလာခဲ့ပြီး စက်သုံးဆီ သုံးစွဲမှုကို သိသာစွာလျှော့ချနိုင်ခဲ့ပါသည်။ ၂၀၂၆ ခုနှစ် ဖေဖော်ဝါရီလ ၂၀ ရက်နေ့မှ ယနေ့ထိ စာရင်းများအရ နေ့စဉ် ပျမ်းမျှ စက်သုံးဆီသုံးစွဲမှုသည် ၃.၅၄ ဂါလန်သန်းမှ ၂.၅ ဂါလန်သန်းသို့ ကျဆင်းလာခဲ့သည်ကို တွေ့ရှိရပါသည်။ ယင်းသို့ နေ့စဉ် ပျမ်းမျှသုံးစွဲမှုနှုန်း ၂၉ ရာခိုင်နှုန်း လျှော့ချနိုင်ခြင်းသည် တစ်ရက်လျှင် နိုင်ငံခြားငွေသုံးစွဲမှု အမေရိကန်ဒေါ်လာ ၆ သန်းခန့် သက်သာစေမည် ဖြစ်သည့်အပြင် အရံဆီသိုလှောင်နိုင်မှု ၁၀ ရက်စာ ပိုမိုသိုလှောင်လာနိုင်မည်ဖြစ်ပါသည်။ နိုင်ငံတော်အနေဖြင့် စက်သုံးဆီများကို နှစ်စဉ်တန်ချိန် ၅ သန်းခန့်တင်သွင်း နေရသဖြင့် အမေရိကန်ဒေါ်လာ သန်း ၅၀၀၀ ကျော်သုံးစွဲရမည်ဖြစ်ရာ ယခုကဲ့သို့ စက်သုံးဆီကို စနစ်တကျသုံးစွဲလာနိုင်ပါက နှစ်စဉ်အမေရိကန်ဒေါ်လာ သန်း ၂၀၀၀ ခန့်  လျော့နည်းသက်သာစေမည်ဖြစ်ပါသည်။ နိုင်ငံတော်တွင် စက်သုံးဆီဖူလုံမှုအနေဖြင့် ဓာတ်ဆီ ရက် ၄၀ နှင့် ဒီဇယ် ၅၀ ရက်ခန့်ရှိပြီး ဧပြီလအတွင်းသင်္ဘော ၂၆ စင်း ထပ်မံတင်သွင်းရန် စီမံထားရှိပြီးဖြစ်ပါသည်။ ထို့အပြင် မိတ်ဆွေနိုင်ငံများမှ တင်သွင်းရန် ရေရှည်အစီအမံပြုလုပ်ပြီး ဝယ်ယူ ရရှိနိုင်ရေးကိုလည်း ချိတ်ဆက်ဆောင်ရွက်လျက်ရှိပါသည်။ ပြည်သူများအနေဖြင့် စွမ်းအင်ဝန်ကြီးဌာနမှ ထုတ်ပြန်သည့် သတင်းများကိုသာ ယုံကြည်ပြီး ပူးပေါင်းဆောင်ရွက်ကြရန် အထူးလိုအပ်ပါသည်။ အခြေအမြစ် ခိုင်လုံမှုမရှိသည့် သတင်းများဖော်ပြခြင်း၊ ပြည်သူများစိုးရိမ်ကြောင့် ကြမှု မြင့်တက်စေရန် ရည်ရွယ်သည့် ခေါင်းစဉ်များတပ်၍ ဖော်ပြခြင်းတို့ကို ပြုလုပ်နေသည့် မီဒီယာများကိုလည်း စွမ်းအင်ဝန်ကြီးဌာနမှ ဆက်သွယ်၍ သတိပေးလျက်ရှိပါသည်။ ပြည်သူများအနေဖြင့် ထုတ်ပြန်ထားသည့် စက်သုံးဆီဝယ်ယူနိုင်မည့် စည်းကမ်းများအတိုင်း လိုက်ပါဆောင်ရွက်ခြင်း၊ စက်သုံးဆီအရောင်းဆိုင်များအနေဖြင့်လည်း QR Code ဖြင့် ရောင်းချမှုအပေါ် ထပ်မံလိုအပ်လာပါက အရေးပေါ် ဆီဖြည့်တင်းခွင့် ရရှိ နေခြင်း ရှိနေသည့်အတွက် ကြောင့်ကြကင်းစွာ ရောင်းချဝယ်ယူကြပါရန်နှင့် အခက်အခဲများရှိပါက Call Center များသို့ ဆက်သွယ်အကြောင်းကြားခြင်းဖြင့် ပူးပေါင်းဆောင်ရွက်ကြပါရန် အသိပေးထုတ်ပြန်အပ်ပါသည်။ စွမ်းအင်ဝန်ကြီးဌာန

ပြည်ထောင်စုသမ္မတမြန်မာနိုင်ငံတော်၊ ရွေးကောက်တင်မြှောက်ခြင်းခံရသော သမ္မတ၊ နိုင်ငံတော်လုံခြုံရေးနှင့်အေးချမ်းသာယာရေးကော်မရှင် ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် ထံသို့ ကာဇက်စတန်သမ္မတနိုင်ငံ၊ သမ္မတ မစ္စတာ ကာစင်ဂျိုမတ် တိုခါယက်ဗ် ထံမှ ဝမ်းမြောက်ကြောင်းသဝဏ်လွှာ ပေးပို့ NOM

အီရန်စစ်တပ်၏ သတင်းထုတ်ပြန်ချက် လွန်ခဲ့သည့် နာရီပိုင်းအတွင်း အီရန်စစ်တပ်သည် အာရပ်ရှ်-၂ (Arash-2) တိုက်ခိုက်ရေးဒရုန်းများကို အသုံးပြု၍ အယ်လ်-ခါ့ဂျ် (Al-Kharj) အခြေစိုက်စခန်းနှင့် အယ်လ်-အဒိုင်ရီ (Al-Adairy) စခန်းတို့ကို ပစ်မှတ်ထားတိုက်ခိုက်ခဲ့သည်။ ကူဝိတ်နိုင်ငံမြောက်ပိုင်းတွင် တည်ရှိသော အယ်လ်-အဒိုင်ရီ စခန်းသည် အမေရိကန်မြေပြင်တပ်ဖွဲ့များ၊ အထူးတပ်ဖွဲ့များနှင့် နိုက်တ် စတောကားစ် (Night Stalkers) ရဟတ်ယာဉ်တပ်ဖွဲ့များကို ဖြန့်ကြက်ထားရှိရာနေရာဖြစ်ပြီးအဆိုပါစစ်စခန်းများမှ အမေရိကန်တပ်ဖွဲ့များသည် အီရန်နိုင်ငံ အစ္စဖာဟန် (Isfahan) တောင်ပိုင်းတွင် မကြာသေးမီက ဖြစ်ပွားခဲ့သော စစ်ဆင်ရေးတွင် အဓိကအခန်းကဏ္ဍမှ ပါဝင်ခဲ့သည်။ NOM

ယီမင်နိုင်ငံဘက်မှ ပျံသန်းလာသည့် ဒရုန်းတစ်စင်းကို တွေ့ရှိခဲ့ပြီးနောက် အစ္စရေးအမျိုးသားတစ်ဦးသည် အီလတ် (Eilat) မြို့ရှိ ဟိုတယ်တစ်ခုပေါ်မှ ခုန်ချကာ မိမိကိုယ်ကိုယ် အဆုံးစီရင်သွားခဲ့သည်။ NOM

ဂျပန်စီရင်စုတစ်ခုကတရားမဝင်အလုပ်သမားများအကြောင်းသတင်းပေးကဆုချမည့်အစီအစဉ်စတင် NOM တိုကျိုမြို့၏ အရှေ့မြောက်ဘက်ရှိ အီဘာရာကီစီရင်စုသည် ၂၀၂၆ ဘဏ္ဍာရေးနှစ်တွင် တရားမဝင်နိုင်ငံခြားသားအလုပ်သမားများကို ငှားရမ်းသည့်လုပ်ငန်းများကို သတင်းပို့သူများအား ယန်း ၁၀,၀၀၀ ခန့် ပေးချေမည့် ဆုလာဘ်စနစ်တစ်ခုကို မိတ်ဆက်ရန် စီစဉ်ထားသည်။ ယင်းစီရင်စုသည် ဂျပန်နိုင်ငံ၏ စီရင်စု ၄၇ ခုတွင် တရားမဝင်နိုင်ငံခြားသားအလုပ်သမားအရေအတွက် အများဆုံးစံချိန် လေးနှစ်ဆက်တိုက်တင်ထားသည်။ အစီအစဉ်အရ၊ ဖမ်းဆီးမှုဖြစ်သည်နှင့်ဆု ကြေးပေးချေမှုကို စတင်မည်ဖြစ်သည်။