Endi mavjud! Telegram Tadqiqoti 2025 — yilning asosiy insaytlari 
9 616
Obunachilar
-124 soatlar
-267 kunlar
+2030 kunlar
Postlar arxiv
#Зодрӯз муборак
Ҳайрат Шанбезода, адиб ва рӯзноманигори тоҷик 4 июли соли 1933 таваллуд шудааст.
Ӯ хатмкардаи факултаи таъриху филологияи Донишгоҳи миллии Тоҷикистон буда, фаъолияти худро аз муаллимӣ дар мактаби ба номи Кирови Хоруғ оғоз кардааст. Баъдан беш аз 20 сол ходими адабии рӯзномаи “Маориф ва маданият” буд. Шанбезода аз соли 1987 ҳамчун муҳаррири калони нашриёти “Адиб” фаъолиятро оғоз намудааст. Ӯ соли 1989 ба узвияти Иттифоқи нависандагон пазируфта шуд.Номбурда муаллифи маҷмӯаҳои “Сарез”, “Ғазалҳо”, “Ситораи дур” буда, бештар ашъори лирикӣ месуруд. Pressa.tj
Ҷасади ҳамсари Алишер Мирзонабот, собиқ раиси ВМКБ пайдо шуд
Кумитаи ҳолатҳои фавқулодаи Тоҷикистон рӯзи 3-юми июл хабар дод, ки ҷасади Амина Амонуллоева, ҳамсари Алишер Мирзонабот дар ҳудуди ноҳияи Шамсиддин Шоҳин пайдо ва аз дарёи Панҷ берун оварда шудааст. Ҷустуҷӯи ҷасади духтари 2-солааш идома дорад.
Ба иттилои манбаъ, ҷасади ҳамсари ӯ дар ҳудуди Афғонистон пайдо шуда, ба марзбонони тоҷик супурда шудааст.
“Ташхиси пурраи тиббӣ муайян кард, ки он Амина Амонулоева оилаи Алишер Мирзонабот, собиқ раиси ВМКБ мебошад”, - навиштааст Кумитаи ҳолатҳои фавқулода.
+6
Навгониҳои электронӣ дар самти рақамикунонии хизматрасониҳои андоз
Гузаштан ба иқтисоди рақамӣ талаботи давру замон буда, бо супориши Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон имрӯзҳо раванди рақамикунонӣ дар тамоми соҳаҳои ҳаёти мамлакат босуръат идома дорад. Яке аз чунин соҳаҳои ҳаётан муҳим андоз ва андозбандист.
Кумитаи андози назди Ҳукумати Ҷумҳурии Тоҷикистон солҳои охир дар самти рақамикунонии хизматрасониҳои андоз ва ҷорӣ намудани технологияҳои нави рақамӣ ба дастовардҳои зиёде ноил гаштааст ва имрӯз дар меҳмонхонаи Crowne Plaza Dushanbe бо иштироки масъулини Кумитаи андоз, намояндагони ассотсиатсияҳои соҳибкорӣ, кормандони ташкилоту муассисаҳои мухталиф ва андозсупорандагон маросими рӯнамоии дастовардҳои нави Кумитаи андоз дар самти рақамикунонӣ баргузор гашт.
Тафсилоти бештар дар Pressa.tj
‼️ Як маҷрӯҳи садамаи Ваҳдат рухсат шуд, вазъи ду нафари дигар вазнин аст
Яке аз чаҳор маҷрӯҳи садамаи пурқурбонии рӯзи 2 июл дар шаҳри Ваҳдат аз беморхона мураххас шудааст. Вазъи саломатии ду нафари дигар ҳамоно вазнин арзёбӣ мешавад ва як маҷрӯҳи дигар барои идомаи табобат ба беморхонаи «Истиқлол»-и Душанбе интиқол ёфтааст.
Дар байни 11 қурбонии садама як писарбачаи 6-сола низ будааст. Синни дигар фавтидагон аз 19 то 61 сол мебошад. Аксари онҳо сокинони ВМКБ буда, дар миёни ҳалокшудагон инчунин ду сокини ноҳияи Ёвон ва як сокини ноҳияи Данғара низ ҳастанд.
Ёдовар мешавем, ки садама субҳи 2 июл дар деҳаи Элоки шаҳри Ваҳдат рух дод. Тибқи иттилои Вазорати корҳои дохилӣ, мошини боркаши «Дулан» бинобар аз кор мондани системаи боздоранда ба ду автомашинаи дигар бархӯрда, боиси ҳалокати 11 нафар ва захмӣ шудани 4 кас гардид. Тафтиши ҳодиса идома дорад.
Президенти Тоҷикистон Эмомалӣ Рамҳон ва ҳайати ҳамроҳонаш бо ҳузур дар Мусаллои Теҳрон, маҳалли видоъ бо Алии Хоманаӣ ва хонаводаи ӯ, ба пайкари онҳо адои эҳтиром гузоштанд.
3.07.2026
#Хабари_рӯз
Ҷазои ду сокини Душанбе барои пахши маводҳои ғайриахлоқӣ ва алфози қабеҳ дар шабакаҳои иҷтимоӣ
🚨 Пирамарди 73-сола дар садамаи нақлиётӣ дар Душанбе ҷон бахт
Рӯзи 2 июл дар хиёбони Рӯдакии шаҳри Душанбе садамаи марговари нақлиётӣ рух дод.
Ба иттилои милитсияи пойтахт, Шакаров Мирзошариф, ронандаи автомашинаи тамғаи BYD, ҳангоми ҳаракат бехатарии роҳро таъмин карда натавониста, Ғафуров Қ., сокини 73-солаи шаҳри Душанберо пахш кардааст.Дар натиҷаи ҳодиса пиёдагард ҷароҳатҳои вазнин бардошта, дар беморхона ба ҳалокат расид. Аз рӯи ин ҳодиса тафтишот идома дорад.
+2
Беҳном Разоқӣ Шаҳидӣ: Бисёр чизро метавон иваз кард, аммо Ватанро ҳаргиз!
Беҳном Разоқӣ Шаҳидӣ бо ҷиу-ҷитсу Тоҷикистон дар ҷаҳон муаррифӣ мекунад.«Ман дар Шветсия таваллуд шудаам, аммо Тоҷикистон Ватани ман аст. Падару модарам аз кӯдакӣ ба ман меомӯзонданд, ки инро ҳеҷ гоҳ фаромӯш накунам», – мегӯяд варзишгар. Тафсилоти бештар дар PRESSA.TJ
Адои эҳтироми Аҳмад Масъуд, раҳбари муқовимати Афғонистон ва ҳайати ҳамроҳонаш ба пайкари раҳбари шаҳиди Эрон Оятуллоҳ Сайид Алии Хоманаӣ
🇹🇯🇮🇷 Президенти кишвар Эмомалӣ Раҳмон вориди шаҳри Теҳрон шуданд.
03.07.2026
📌 Дар Душанбе ду нафар барои пахши маводи ғайриахлоқӣ ва алфози қабеҳ дар шабакаҳои иҷтимоӣ ҷазо гирифтанд
Кормандони Раёсати ВКД дар шаҳри Душанбе нисбати ду сокини пойтахт барои нашри маводи дорои муҳтавои ғайриахлоқӣ ва истифодаи алфози қабеҳ дар шабакаҳои иҷтимоӣ чораҳои маъмурӣ андешиданд.
Ба иттилои милитсия, Ҷумабоева Ҳилола, сокини 18-солаи Душанбе, бо гумони пахши аксҳо ва наворҳои дорои хусусияти ғайриахлоқӣ ва гузаронидани пахшҳои мустақим бо истифода аз суханони қабеҳ дастгир шудааст.
Гуфта мешавад, ки ӯ қаблан низ барои чунин амалҳо ба ҷавобгарӣ кашида шуда буд. Бо қарори суд нисбаташ 5 шабонарӯз ҳабси маъмурӣ таъин гардид.
Ҳамчунин, Толибзода Ҷонон, сокини 31-солаи Душанбе, барои нашри наворҳои дорои алфози қабеҳ ва таҳқиромез дар саҳифаи Instagram-и худ ба ҷавобгарии маъмурӣ кашида шуд. Суд ӯро 624 сомонӣ ҷарима кардааст.
Эмомалӣ Раҳмон ба Эрон сафар кард
🇹🇯🇮🇷 Субҳи имрӯз, 3 июл, Президенти Тоҷикистон Эмомалӣ Раҳмон ба шаҳри Теҳрони Ҷумҳурии Исломии Эрон сафар намуд.
Дар дафтари матбуоти президент гуфта шудааст, ки сафар хусусияти корӣ дорад.
Қаблан сафорати Эрон дар Душанбе хабар дода буд, ки Эмомалӣ Раҳмон дар маросими расмии видоъ ва эҳтиром бо пайкари раҳбари пешини Ҷумҳурии Исломӣ ширкат хоҳад кард. Ин маросим имрӯз баъд аз абед дар Теҳрон баргузор мешавад.
Дар сафар президентро вазири корҳои хориҷӣ, ёвари президент оид ба робитаҳои хориҷӣ, вазири энергетика ва захираҳои об, раиси Кумитаи дин ва танзими ҷашну маросим ва дигар шахсони расмӣ ҳамроҳӣ мекунанд.
📌 Дар оромгоҳи Муҳсин Муҳаммадиев санги ёдгорӣ гузошта шуд
Дар оромгоҳи Муҳсин Муҳаммадиев, яке аз маъруфтарин футболбозони таърихи Тоҷикистон, санги ёдгорӣ насб карда шуд.
Ӯ 1 январи соли 2026 пас аз бемории тӯлонӣ дар шаҳри Маскав даргузашта буд.
Муҳаммадиев зодаи шаҳри Душанбе буда, ҳамчун яке аз беҳтарин ҳамлагарони футболи тоҷик шинохта мешуд. Ӯ дар ҳайати дастаи «Помир»-и Душанбе маҳорати худро нишон дода, баъдан дар чанд бошгоҳи маъруфи собиқ Иттиҳоди Шӯравӣ ва Русия бозӣ кардааст.
🏆 Пас аз анҷоми фаъолияти бозигарӣ, ӯ ба ҳайси мураббӣ ва роҳбари футбол фаъолият кард. Аз ҷумла, директори варзишии бошгоҳи «Рубин»-и Қазон буд, сармураббии тими миллии Тоҷикистон ва роҳбари дастаи «Истиқлол»-и Душанбе фаъолият намуда, бо ин даста қаҳрамонии кишвар ва Суперҷомро ба даст овард.
📌 Роҳбарияти Вазорати тандурустӣ аз маҷрӯҳони садамаи марговари Ваҳдат аёдат кард
Муовини аввали вазири тандурустӣ ва ҳифзи иҷтимоии аҳолии Тоҷикистон Саломуддин Юсуфӣ ҳамроҳ бо гурӯҳи мутахассисон ба шаҳри Ваҳдат рафта, аз вазъи осебдидагони садамаи вазнини нақлиётӣ, ки субҳи 2 июл рух дод, дидан кард.
🚑 Намояндагони вазорат дар Беморхонаи марказии шаҳри Ваҳдат бо ҷараёни табобати маҷрӯҳон шинос шуда, ба табибон барои идомаи муолиҷаи онҳо тавсияҳои зарурӣ доданд.
❗️Ёдовар мешавем, ки дар натиҷаи садамаи марговар дар деҳаи Элоки шаҳри Ваҳдат 11 нафар ҷон бохта, 4 нафари дигар ҷароҳат бардоштанд.
✅ Вазорати тандурустӣ мегӯяд, вазъи маҷрӯҳон ва раванди табобати онҳо таҳти назорати доимии ин ниҳод қарор дорад.
#Зодрӯз муборак
Музаффар Бурҳонов, ҳунарманди балети тоҷик ҷашни мавлуд дорад. Ӯ 3 июли соли 1941 ба дунё омадааст.
Музаффар Бурҳонов, яке аз ситораҳои ҳунари балети тоҷик буда, солҳои шӯравӣ ҳамроҳ бо ҳамсар ва шарики рақсиаш Малика Собирова балети Тоҷикистонро дар ҳудуди Иттиҳоди Шӯравӣ ва ҷаҳон шӯҳратёр кардааст.
Солҳои 1961-1980 раққоси балет ва минбаъд сарбалемейстери Театри давлатии академии опера ва балети ба номи Садриддин Айнӣ буд. Баъди марги Малика Собирова дар соли 1982 Музаффар Бурҳонов аз рақсу ҳунарнамоӣ ба омӯзгорӣ пардохт, дар Театри операву балети ба номи Айнӣ шогирдони навро тарбия кард ва дар солҳои 1990-ум бо оилааш ба Аврупо кӯчид.
Ӯ дар беш аз 30 намоишнома нақш офаридааст. Соли 1972 аввалин балети худ – “Темурмалик”-ро ба саҳна гузошт. Худ дар намоишномаҳои зиёде нақш офарида, “Кӯли қувон”, “Алибобо ва ғоратгарон”, “Суруди кӯҳсорон”, “Ҳазору ак шаб” барин намоишномаҳоробӣа саҳна гузоштааст.
Сулҳ неъматест, ки тамоми миллатҳову давлатҳо ба он ниёз доранд
Сулҳи тоҷикон сулҳи якрӯза, яксола ё барои як даҳсола нест, балки сулҳест барои имрӯзу фардою фардоҳои дигар. Сулҳ пойдорӣ, номдорӣ ва бардавомии миллату давлат аст. Ин сулҳ ҳушдор медиҳад, ки инсон бе сулҳу суботу ваҳдат ва бе амният вуҷуд дошта наметавонад. Сулҳи мо, тоҷикон аз сабақҳои омӯзандаи таърих ва фарҳанги миллатамон ибтидо мегирад.
Қобилҷон ХУШВАХТЗОДА, президенти Академияи миллии илмҳои Тоҷикистон, академик
Журналисти тавоно
Дар нашриёти «Ирфон» асари тозаэҷоди рӯзноманигор Хуршед Атовулло бо номи «Блогер» чоп шуд. Асар аз ҳашт қисса иборат аст.
Мавзуи мубориза ба муқобили ҷиноят, пешгирӣ кардани ҷинояткорӣ, ба сифати қаҳрамони мусбат ба ҷойи аввал баровардани кормандони мақомоти қудратӣ диққати хонандаро ҳангоми мутолиа ҷалб менамояд.
Тафсилоти бештар дар PRESSA.TJ
