Edu.uz

Samarqandda “Kelajak tadbirkori Expo–2026” yarmarkasi bo‘lib o‘tdi Samarqand shahrida aholi va yoshlarning bandligini ta’minlash, ularni zamonaviy kasblarga yo‘naltirish hamda tadbirkorlik tashabbuslarini qo‘llab-quvvatlashga qaratilgan “Kelajak tadbirkori Expo–2026” kasb, bandlik va tadbirkorlik imkoniyatlari yarmarkasi o‘tkazildi. Unda ishtirokchilarga mavjud bo‘sh ish o‘rinlari, talab yuqori bo‘lgan kasblar, biznesni yo‘lga qo‘yish va rivojlantirish, shuningdek, moliyaviy ko‘mak hamda imtiyozli kreditlardan foydalanish imkoniyatlari taqdim etildi. Batafsil... 👉 На русском 👉 In English #KelajakTadbirkoriExpo2026 #Bandlik #Yoshlar Facebook | Instagram | YouTube | Telegram

🇺🇿🇺🇿🇺🇿🇺🇿🇺🇿🇺🇿 #Dayjest #Sport O‘zbekiston Respublikasi davlat mustaqilligining 35 yilligi munosabati bilan oliy ta’lim muassasalarida professor-o‘qituvchilar, ishchi-xodimlar hamda talabalar o‘rtasida “Mustaqillik kubogi” sport musobaqalari o‘tkazilmoqda.

◀️O‘zbekiston davlat jahon tillari universitetida basketbol va voleybol sport turlari bo‘yicha bahslar tashkil etildi; ◀️Buxoro davlat universitetida voleybol sport turi bo‘yicha musobaqalar o‘tkazildi; ◀️Toshkent davlat iqtisodiyot universitetida bir qator sport turlari bo‘yicha “Mustaqillik kubogi-2026” musobaqalari tashkil etildi. ◀️O‘zbekiston xalqaro islomshunoslik akademiyasida futbol sport turi bo‘yicha bahslar tashkil etildi; ◀️Farg‘ona davlat universitetida stol tennisi, shashka, shaxmat, darts va o‘q otish sport turlari bo‘yicha musobaqalar o‘tkazildi; ◀️Jizzax davlat pedagogika universitetida futbol sport turi bo‘yicha bellashuvlar bo‘lib o‘tdi; ◀️Andijon qishloq xo‘jaligi va agrotexnologiyalar institutida tennis sport turi bo‘yicha musobaqalar o‘tkazildi; ◀️Navoiy davlat konchilik va texnologiyalar universitetida mini-futbol, shaxmat va stol tennisi sport turlari bo‘yicha bahslar tashkil etildi; ◀️Samarqand davlat pedagogika institutida mini-futbol sport turi bo‘yicha musobaqalar o‘tkazildi;

Facebook | Instagram | YouTube | Telegram

#Mustaqillik35 #Eʼtirof 🇺🇿 Mustaqillikning 35 yilligi munosabati bilan soha vakillariga esdalik nishonlari topshirildi O‘zbekiston Respublikasi mustaqilligining 35 yilligi munosabati bilan Oliy ta’lim, fan va innovatsiyalar vazirligida tantanali tadbir bo‘lib o‘tdi. Unda Oliy ta’lim, fan va innovatsiyalar vaziri Qo‘ng‘irotboy Sharipov ishtirok etib, O‘zbekiston Respublikasi Prezidentining tegishli Farmoniga muvofiq ta’sis etilgan “O‘zbekiston Respublikasi mustaqilligining 35 yilligi” esdalik nishonlarini soha rivojiga munosib hissa qo‘shib kelayotgan vazirlik, tizim tashkilotlari va oliygohlarning bir guruh vakillariga tantanali ravishda topshirdi. Tadbirda ta’lim va ilm-fan sohasini rivojlantirish, yosh avlodga zamonaviy bilim va ko‘nikmalar berish, ilmiy salohiyatni yuksaltirish hamda mamlakatimiz taraqqiyotiga munosib hissa qo‘shish yo‘lida samarali mehnat qilayotgan soha vakillarining xizmatlari alohida e’tirof etildi. “O‘zbekiston Respublikasi mustaqilligining 35 yilligi” esdalik nishoni bilan taqdirlangan barcha yurtdoshlarimizni samimiy muborakbod etamiz! 💐Ularga mustahkam sog‘liq, oilaviy xotirjamlik, mas’uliyatli va sharafli faoliyatida yangi yutuq hamda muvaffaqiyatlar tilaymiz! Facebook | Instagram | YouTube | Telegram

Soliqlar — kelajagimiz uchun To‘lagan soliqlaringiz ta’lim, sog‘liqni saqlash, yo‘llar va zamonaviy davlat xizmatlarini rivojlantirishga sarflanadi. Soliqni o‘z vaqtida to‘lash — yurtga g‘amxo‘rlik ko‘rsatishdir! Facebook | Instagram | YouTube | Telegram

🟥🟥🟥🟩🟩🟩 📚 Kitob o‘qib, qimmatbaho sovg‘alarga ega bo‘ling! 🏛 Oliy ta’lim, fan va innovatsiyalar vazirligi huzuridagi Talaba va o‘quvchilarning ijtimoiy faolligini oshirish markazi “Kitobxon yoshlar ligasi” onlayn tanlovinining 2026-yilgi 3-mavsumini e’lon qiladi. 📚 Tanlovda qatnashish uchun ishtirokchilar @kitobtanlovbot orqali ro‘yxatdan o‘tib, 12-sentabrga qadar (rasmdagi) 3 ta kitobni o‘qishi va ular asosida tuzilgan testlarni yechishi kerak bo‘ladi.

✅Tanlov g‘oliblari quyidacha taqdirlanadi:

🔵1-o‘rin (1 nafar) – Noutbuk (core i5); 🔵2-o‘rin (2 nafar) – Smart televizor 43; 🔵3-o‘rin (3 nafar) – Samsung planshet; 🔵4-o‘rin (4 nafar) – Lenovo planshet; 🔵5-o‘rin (5 nafar) – Smart televizor 32;

✅“Eng faol targ‘ibotchi” nominatsiyasi:

🔵1-o‘rin (1 nafar) – Samsung planshet; 🔵2-o‘rin (2 nafar) – Lenovo planshet; 🔵3-o‘rin (3 nafar) – Smart televizor 32; 🔖 Tanlovda faol qatnashgan ishtirokchilar rasmiy, QR kodli elektron sertifikat bilan taqdirlanadi. ➡️Tanlov nizomini o‘qish Kitob o‘qing, testlarni ishlang. Tanlovda yuqori natijaga erishib, g‘oliblar qatoridan o‘rin egallang.

#Qonunchilik_yangiliklari ❗ Kichik va mikro GESlar uchun kadr tayyorlash dual ta’lim tizimi asosida yo‘lga qo‘yiladi

📣 Prezidentning “Mamlakatda kichik va mikro gidroelektr stansiyalari tarmog‘ini rivojlantirishning navbatdagi chora-tadbirlari to‘g‘risida”gi 2026-yil 19-avgustdagi PQ-298-son qarori qabul qilindi.

🖋Qarorga ko‘ra, 2026/2027-o‘quv yilidan: ➖ Oliy ta’lim tashkilotlarida kichik quvvatli yashil energiya yo‘nalishlari, jumladan, kichik gidroenergetika bo‘yicha yuqori malakali kadrlar tayyorlash dual ta’lim tizimi asosida yo‘lga qo‘yiladi. ➖ Talabalarni nazariy bilim bilan birga amaliy ko‘nikmalar bilan ta’minlash maqsadida energetika tizimidagi korxonalar, shu jumladan, kichik gidroenergetika obyektlari talabalar amaliyoti uchun baza sifatida belgilanadi. ➖ Oliy ta’lim, fan va innovatsiyalar vazirligi hamda Energetika vazirligi hamkorligida soha bo‘yicha ilmiy-amaliy seminarlar, forumlar va hududiy targ‘ibot tadbirlari muntazam tashkil etiladi. ➡️Yangi tartib kichik va mikro gidroenergetika sohasi uchun zamonaviy bilim va amaliy ko‘nikmalarga ega mutaxassislarni tayyorlash, oliy ta’lim bilan ishlab chiqarish o‘rtasidagi hamkorlikni kuchaytirishga xizmat qiladi. Facebook | Instagram | YouTube | Telegram

#KelajakTadbirkori #Sharhsiz Samarqandda o‘tayotgan “Kelajak tadbirkori Expo–2026” kasb, bandlik va tadbirkorlik imkoniyatlari yarmarkasidan videolavha. Batafsil: https://gov.uz/edu/news/view/211130 Facebook | Instagram | YouTube | Telegram

📢 Toshkent shahridagi oliygohlarda yangi oʻquv yilidan darslar soat 08:00 da boshlanadi

2026/2027-oʻquv yilidan boshlab Toshkent shahrida joylashgan oliy taʼlim tashkilotlarida birinchi smenadagi oʻquv mashgʻulotlari soat 08:00 da boshlanadi.

🔰Mazkur tartib poytaxtda transport oqimini samarali tashkil etish, ertalabki va kechki tigʻiz vaqtlarda yoʻllardagi yuklamani kamaytirish hamda taʼlim jarayonini yanada maqbul tashkil etishga qaratilgan. ➡️ Xususan, dars mashgʻulotlarining ertaroq boshlanishi oliy taʼlim tashkilotlariga qatnaydigan talabalar va professor-oʻqituvchilarning harakatlanish vaqtini oqilona rejalashtirish, kun davomida taʼlim jarayonini samarali tashkil etish hamda shahardagi transport vositalari oqimini maqbullashtirishga xizmat qiladi. ⤵️Shuningdek, mazkur tartib kunduzgi va kechki taʼlim shakllarida tahsil olayotgan talabalar uchun oʻquv kunini toʻgʻri rejalashtirish, mashgʻulotlar va boshqa oʻquv faoliyati uchun vaqt imkoniyatlarini kengaytirishga xizmat qiladi. ❇️Yangi oʻquv yiliga tayyorgarlik jarayonida Toshkent shahridagi oliy taʼlim tashkilotlari rahbarlari, professor-oʻqituvchilar, pedagoglar hamda talabalar mazkur tartibni inobatga olishlari soʻraladi. ✅Taʼlim tashkilotlarida oʻquv mashgʻulotlarini belgilangan vaqtda boshlash, oʻquv jarayonini tegishli ravishda tashkil etish hamda talabalar uchun zarur shart-sharoitlarni taʼminlash boʻyicha tegishli choralar koʻriladi. ☝️Eslatib oʻtamiz, mazkur tartib 2026/2027-oʻquv yilidan boshlab Toshkent shahrida joylashgan oliy taʼlim tashkilotlarining birinchi smenasidagi oʻquv mashgʻulotlariga taalluqlidir. Facebook | Instagram | YouTube | Telegram

#KelajakTadbirkori Samarqandda “Kelajak tadbirkori Expo–2026” kasb, bandlik va tadbirkorlik imkoniyatlari yarmarkasi boʻlib oʻtmoqda Bugun, 27-avgust kuni Samarqand shahrida aholi va yoshlarning bandligini ta’minlash, ularni zamonaviy kasblarga yo‘naltirish hamda tadbirkorlik tashabbuslarini qo‘llab-quvvatlash maqsadida “Kelajak tadbirkori Expo–2026” kasb, bandlik va tadbirkorlik imkoniyatlari yarmarkasi o‘tkazilmoqda. Mazkur tadbir Markaziy bank, Milliy bank, Oliy ta’lim, fan va innovatsiyalar vazirligi, Samarqand viloyati hokimligi, Yoshlar ishlari agentligi, Savdo-sanoat Palatasi va Kambagalikni qisqartirish va bandlik vazirligi hamkorligida tashkil etilmoqda.

Yarmarkaning asosiy yo‘nalishlaridan biri — “Ishga marhamat” ko‘rgazmasi. Mazkur hududda mahallalarda bandligi ta’minlanmagan aholi va yoshlar uchun mavjud bo‘sh ish o‘rinlari taqdim etilib, fuqarolar ish beruvchi tashkilotlar vakillari bilan bevosita muloqot qilish imkoniyatiga ega bo‘lmoqda. Suhbatlar davomida ishga joylashish bo‘yicha dastlabki kelishuvlarga erishish ko‘zda tutilgan.

Batafsil: https://gov.uz/edu/news/view/211130 👉 На русском 👉 In English Facebook | Instagram | YouTube | Telegram

#Qonunchilik_yangiliklari 📝 Kasbiy ta'lim tashkil️otlarida o‘qishni ko‘chirish yoki qayta tiklash tartibi qanday? 2026-yil 20-avgustdagi 450-son Hukumat qarori bilan kasbiy ta'lim tashkilotlari o‘quvchilarining o‘qishini ko‘chirish va qayta tiklash tartibi belgilandi. “Kasbiy ta'lim tashkilotlari o‘quvchilari o‘qishini ko‘chirish yoki qayta tiklash hamda umumiy o‘rta ta'lim tashkilotlarining 10-sinf o‘quvchilari o‘qishini texnikumlarga ko‘chirish bo‘yicha davlat xizmatlarini ko‘rsatish” tartibi tasdiqlandi. Facebook | Instagram | YouTube | Telegram

#Mustaqillik_35 Mustaqillik — xalqimizga o‘z kelajagini o‘z qo‘li bilan bunyod etish, milliy qadriyatlarini asrash, ilm-fan va ma’rifat orqali dunyoda munosib o‘rin egallash imkonini bergan bebaho ne’mat. 35 yillik tarix — faxrimiz. Bugungi imkoniyatlar — mas’uliyatimiz. Yangi O‘zbekiston kelajagi — bilimli yoshlarimiz qo‘lida! Facebook | Instagram | YouTube | Telegram

Prezident Mustaqillik bayrami arafasida davlat mukofotlari topshirdi Prezident Shavkat Mirziyoyev ishtirokida mamlakatimiz mustaqilligining 35 yilligi munosabati bilan yuksak davlat mukofotlariga sazovor boʻlgan bir guruh vatandoshlarimizni taqdirlash marosimi boʻlib oʻtdi. Facebook | Instagram | YouTube | Telegram

#Mustaqillik_35 Oʻzbekiston Respublikasi Mustaqilligining 35 yilligi muborak boʻlsin! Yagona Vatan, yagona xalq bo‘lib, yangi hayot va kelajak yaratamiz! Oʻzbekiston Respublikasi Mustaqilligining 35 yilligi muborak boʻlsin, aziz vatandoshlar! Facebook | Instagram | YouTube | Telegram

Saida Mirziyoeva Xitoy parlamenti rahbari bilan uchrashdi Oʻzbekiston Respublikasi Prezidenti Administratsiyasi rahbari Saida Mirziyoeva Xitoy Kommunistik partiyasi Markaziy qoʻmitasi Siyosiy byurosi Doimiy qoʻmitasi aʼzosi, Butunxitoy xalq vakillari kengashi Doimiy qoʻmitasi raisi Chjao Letszi bilan uchrashdi. Samimiy va mazmunli muloqot chogʻida Oʻzbekiston va Xitoy oʻrtasida soʻnggi yillarda jadal rivojlanib borayotgan doʻstona va strategik sheriklik munosabatlarining bugungi holati hamda istiqbollari muhokama qilindi. Tomonlar davlatlarimiz rahbarlarining izchil va samarali muloqoti ikki tomonlama munosabatlarni yangi bosqichga olib chiqayotganini taʼkidladilar. Xususan, parlamentlararo hamkorlikni yanada kengaytirish masalalariga alohida eʼtibor qaratildi. Uchrashuvda transport, savdo, taʼlim va madaniyat sohalaridagi hamkorlikni rivojlantirish, aniq qoʻshma loyihalarni amalga oshirish hamda erishilgan kelishuvlarni izchil hayotga tatbiq etish yuzasidan fikr almashildi. Saida Mirziyoeva Xitoy tomonining Oʻzbekiston bilan hamkorlikni yanada chuqurlashtirishga boʻlgan intilishini yuqori baholab, ochiq va mazmunli muloqot uchun Chjao Letsziga minnatdorlik bildirdi. Facebook | Instagram | YouTube | Telegram