Savdo-sanoat palatasi

Жамоатчилик кенгаши: янги таркиб 👍 Ўзбекистон Республикаси Президентининг 2026 йил 27 августдаги 175-сон Фармонига асосан, Президент ҳузуридаги Тадбиркорликни қўллаб-қувватлаш бўйича жамоатчилик кенгашининг янгиланган таркибига 40 нафар аъзо киритилди. Улар орасида турли соҳаларда фаолият юритаётган тадбиркорлар, жамоатчилик фаоллари, иқтисодчилар, ҳуқуқшунослар ва соҳавий экспертлар жамланган. Бундай кенг қамровли таркиб тадбиркорлар манфаатларини ҳимоя қилиш, уларнинг муаммолари ва таклифларини ўрганиш ҳамда жамоатчилик фикри асосида амалий ечимлар ишлаб чиқишга хизмат қилади. ✔️ Жамоатчилик кенгашига Ўзбекистон Савдо-саноат палатаси раиси Даврон Вахабов раислик қилади. 🕊Telegram 📱Instagram 📱Facebook 📺Youtube

Айрим имтиёзларнинг амал қилиш муддатлари узайтирилади 📃 Фармонга кўра, қуйидаги имтиёзларнинг амал қилиш муддатлари узайтирилади:   ◾️уч, тўрт ва беш юлдузли меҳмонхона қуришга субсидиялар бериш муддати 2029 йил 1 январга қадар;   ◾️ меҳмонхона ва бошқа жойлаштириш воситаларининг мол-мулкига солинадиган солиқ ва ер солиғи бўйича солиқ ставкаларига нисбатан 0,1 коэффициентни қўллаш муддати 2030 йил 1 январга қадар; ◾️ туризм соҳаси субъектлари учун импорт қилинадиган автобус, электробус ва микроавтобуслар учун божхона божидан озод этиш муддати 2028 йил 1 январга қадар.   🗓 2027 йил 1 январдан:   ◾️Ўзбекистон Республикасининг резиденти бўлган туроператорларнинг хорижий сайёҳларга кўрсатган хизматларига ҚҚСнинг ноль ставкаси қўлланади;   ◾️ юлдузли меҳмонхонага субсидия олиш учун унинг тоифасини тасдиқлашда хорижий компаниялар хулосаси талаб этилмайди. 📋 Шунингдек, мазкур Фармон билан қиймати БҲМнинг 400 бараваридан ошадиган товар ва хизматлар учун тўловлар фақатгина банк карталари ёки электрон тўлов тизимлари орқали амалга оширилиши белгиланди. 🔎 Илгари мазкур миқдор 25 миллион сўм деб белгиланган. 🕊Telegram 📱Instagram 📱Facebook 📺 Youtube

Давлат органи ва тадбиркор ўртасида “тадбиркорлик субъектининг ҳақлилик презумпцияси” амал қилади   📃 Фармонга кўра, давлат органи ва тадбиркор ўртасида юзага келадиган оммавий ҳуқуқий муносабатларда “тадбиркорлик субъектининг ҳақлилик презумпцияси” амал қилади. Унга кўра:   ◾️давлат органи томонидан акси исботланмагунча тадбиркорлик субъекти қонунчиликка мувофиқ ҳаракат қилган ва ўз мажбуриятларини лозим даражада бажарган ҳисобланади;   ◾️ судда ёки низони ҳал қиладиган бошқа маъмурий органда давлат органи томонидан тадбиркорга нисбатан қўлланадиган ҳуқуқий таъсир чорасининг ёки қабул қилинган қарорнинг асосли, қонуний ва мутаносиб эканлигини, шунингдек, ҳуқуқбузарлик содир этилгани фактини исботлаш мажбурияти тўлиқ давлат органи зиммасига юклатилади;   ◾️ қонунчиликда юзага келадиган барча бартараф этиб бўлмайдиган зиддиятлар, ноаниқликлар ва тушунмовчиликлар, шунингдек, низо доирасида давлат органи томонидан тақдим этилган далилларнинг етарли эмаслиги сабабли юзага келадиган ҳар қандай шубҳалар сўзсиз ва тўғридан-тўғри тадбиркорнинг фойдасига талқин қилинади. ❗️Маъмурий суд ҳал қилув қарорларида давлат органи зиммасига ўз қарорини қайта кўриб чиқиш мажбурияти юкланганда, суд ўзининг ҳуқуқий позициясини баён этади ва ушбу позиция қарорни қайта кўриб чиқишда давлат органи томонидан инобатга олиниши мажбурий ҳисобланади.   🕊Telegram 📱Instagram 📱Facebook 📺 Youtube

Тадбиркорлар учун “Иккинчи имкон” иқтисодий амнистияси эълон қилинади 📃 Фармонга кўра, 2026 йил 31 декабргача кичик ва ўрта тадбиркорлик субъектлари учун қуйидагиларни назарда тутувчи “Иккинчи имкон” иқтисодий амнистияси эълон қилинади:   ◾️иқтисодий амнистия эълон қилингунга қадар юзага келган солиқ қарзи (бундан пеня мустасно) 2026 йил 31 декабрга қадар тўлиқ тўланганда, ушбу қарздорлик бўйича ҳисобланган пеня ҳисобдан чиқарилади ва улар билан боғлиқ ижро ишлари тугатилади;   ◾️ аввал тақдим этилган солиқ ҳисоботларига солиқ тўловчи томонидан мустақил равишда тузатиш киритилиб, қўшимча ҳисобланган солиқ суммаси 2026 йил 31 декабрга қадар тўлиқ тўланганда ушбу суммага нисбатан пеня ҳисобланмайди;   ◾️ тадбиркорлик субъектлари солиқлар ва йиғимларни тўлаш учун тўлов топшириқномасини банкка тақдим этмаганлик учун маъмурий жавобгарликдан озод қилинади;   ◾️ иқтисодий амнистия доирасида йўл қўйилган хатоларни мустақил равишда бартараф этганларнинг Тадбиркорлик субъектларининг барқарорлик рейтингидаги баллари туширилмайди; 🗓 2026 йил 1 январга қадар шаклланган қуйидаги қарздорликлар ҳисобдан чиқарилади:   ◾️солиқ ҳисоботини ўз вақтида тақдим этмаганлик учун қўлланган маъмурий жариманинг тўланмаган қисми;   ◾️ қатъий белгиланган миқдордаги айланмадан олинадиган солиқни тўловчи субъектларга қўлланган молиявий жарималарнинг тўланмаган қисми;   ◾️ аввал расмийлаштирилган меҳнат шартномалари Ягона миллий меҳнат тизимига киритилишига рухсат берилади ҳамда кечиктириб киритилганлиги сабабли жарима қўлланмайди. 🕊Telegram 📱Instagram 📱Facebook 📺 Youtube

Тадбиркорларга молиявий жарималар қўллашда “Биринчи хато учун – огоҳлантириш” қоидаси жорий этилади   📃 Фармонга кўра, 2027 йил 1 январдан бошлаб:   🗓 2028 йил 31 декабрга қадар ҳуқуқий эксперимент тариқасида ўрта ва йирик тадбиркорлар томонидан ўз фаолиятини аудиторлик ташкилотини жалб қилган ҳолда солиқ ва йиғимларни тўғри ҳисоблаш ва тўлаш бўйича ташаббус тарзидаги аудитдан ўтказиш ҳамда аудиторлик хулосасини солиқ органи томонидан тан олиш механизми жорий этилади. Бунда:   ◾️аудит ўтказилган давр учун солиқ органлари томонидан солиқ аудити ўтказилмайди;   ◾️ аниқланган хато ва камчиликлар 30 кун муддатда бартараф этилганда тадбиркорлик субъектига нисбатан молиявий жарималар қўлланмайди;   ◾️ мазкур эксперимент доирасида аудит ўтказиши мумкин бўлган ташкилотлар реестри Солиқ қўмитаси томонидан юритилади ва расмий веб-сайтида эълон қилиб борилади;   ◾️ аудиторлик хулосасини тан олиш оқибатида тўланмай қолган солиқ ва йиғимлар аниқланган ҳолатлар бўйича аудиторлик ташкилоти жавобгар бўлади;   ✅тадбиркорлик субъектлари фаолиятида 1 йил давомида ўтказиладиган ҳар қандай такрорий текширув фақат Бизнес-омбудсман рухсати билан амалга оширилади, бундан камерал солиқ текшируви мустасно;   ✅ тадбиркорлик субъектларига молиявий жарималар қўллашда “Биринчи хато учун – огоҳлантириш” қоидаси жорий этилади ва биринчи марта қоида бузган, лекин фуқаролар ҳаёти ва соғлиғи, ўзгалар мулкига зарар етказмаган тадбиркорларга жарима қўлламасдан, дастлаб камчиликни бартараф этиш учун 10 кун муддат берилади. 🕊Telegram 📱Instagram 📱Facebook 📺 Youtube

Кичик тадбиркорлик субъектларини ҳар қандай текширишга 3 йилга мораторий эълон қилинди  

“Ўзбекистон Республикаси Президентининг тадбиркорлар билан VI очиқ мулоқотида белгиланган вазифаларни амалга ошириш чора-тадбирлари тўғрисида”ги Президент Фармони (ПФ–175-сон, 27.08.2026 й.) қабул қилинди.

  📃 Фармонга кўра, кичик тадбиркорлик субъектларининг фаолиятини ҳар қандай текширишга 3 йил муддатга мораторий эълон қилиниши белгиланди (бундан жиноят иши доирасида, инсон соғлиғига таъсирини ўрганиш ва меҳнат қонунчилигига риоя этилиши, фуқаролар мурожаатлари, ҚҚСни қоплаш (қайтариш) ва тадбиркорлик субъекти тугатилиши муносабати билан ўтказиладиган текширишлар мустасно).   ✅ Мораторий амал қилиш даврида:   ◾️кичик тадбиркорлик субъектлари фаолиятини текшириш ноқонуний ҳисобланади ва ушбу ҳуқуқбузарликка йўл қўйган шахслар белгиланган тартибда жавобгарликка тортилади;   Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил (Бизнес-омбудсман) томонидан “Самарали назорат” тадбири ўтказилади. Бунда:   ◾️назорат органларининг охирги 3 йиллик текширув материаллари жойига чиққан ҳолда тўлиқ ўрганиб чиқилади;   ◾️ўрганиш якунлари бўйича назорат органлари томонидан йўл қўйилган қонунбузилишлар бўйича ўз ваколатлари доирасида тегишли чоралар кўрилади;   ◾️текширув ўтказиш тартиби бузилган ҳамда ноқонуний текширувлар аниқланган ҳолларда фаолияти текширилган тадбиркорлик субъектларининг бузилган ҳуқуқларини тиклаш чоралари кўрилади. 🕊Telegram 📱Instagram 📱Facebook 📺 Youtube

Тадбиркорларга “Ўзбекистон Республикаси мустақиллигининг 35 йиллиги” эсдалик нишони топширилди ✔️ Савдо-саноат палатасида Ўзбекистон Республикаси Президентининг тегишли Фармони билан таъсис этилган “Ўзбекистон Республикаси мустақиллигининг 35 йиллиги” эсдалик нишонини топшириш маросими бўлиб ўтди. Палата раиси Даврон Вахабов томонидан “BMC-LLP” МЧЖ таъсисчиси Самандарова Дилфуза Мансуровна ҳамда “Zulya baraka” МЧЖ таъсисчиси Гафуров Хожиакбар Тахировичга мазкур эсдалик нишони тантанали равишда топширилди. Эътироф этилган тадбиркорларга келгуси фаолиятида янги муваффақиятлар, эзгу ташаббуслар ва юртимиз тараққиёти йўлидаги ишларига улкан зафарлар тилаб қолинди. 🕊Telegram 📱Instagram 📱Facebook 📺Youtube

📣📣📣 🇪🇬 МИСРГА БИЗНЕС САФАРИ: ЯНГИ ТАЖРИБА, ЯНГИ ИМКОНИЯТЛАР 🗓 15–20 сентябрь Мисрнинг илғор тажрибасини ўз кўзингиз билан кўриш, замонавий технологиялар билан яқиндан танишиш ва янги бизнес ғояларни олиб келишни истайсизми? Ўзбекистонлик тадбиркорлар учун Миср Араб Республикасига махсус бизнес ва тажриба алмашиш сафари ташкил этилмоқда! Бу сафар давомида сиз: 🌱 Замонавий қишлоқ хўжалиги ва янги ерларни ўзлаштириш технологияларини; 💧 Сув тежамкор суғориш тизимларини; ☀️ Қуёш энергетикаси ва замонавий энергия ечимларини; 🐄 Чорвачилик ва озуқа ишлаб чиқариш технологияларини; 🏭 Заводлар, ишлаб чиқариш корхоналари ва фермер хўжаликлари фаолиятини яқиндан ўрганасиз. Бу — хорижий тажрибани ўрганиш, замонавий ечимларни кўриш ва уларни Ўзбекистондаги бизнесингизда қўллаш учун муҳим имконият! Батафсил маълумот учун: 📞 +998 91 512 58 46 📞 +998 94 699 09 96 🕊Telegram 📱Instagram 📱Facebook 📺Youtube

Ўзбекистон–Гонконг: ҳуқуқий ва бизнес ҳамкорлик 🇺🇿🇭🇰 27 август куни Ўзбекистон Савдо-саноат палатасида Гонконг Адлия департаменти раҳбари — Адлия котиби Пол Лам бошчилигидаги делегация билан учрашув бўлиб ўтди. Унда Ўзбекистон Савдо-саноат палатаси, Адлия вазирлиги, Тошкент халқаро арбитраж маркази (TIAC), мамлакатнинг етакчи адвокатлик фирмалари, шунингдек, Гонконг савдо-саноат палатаси, Бутунжаҳон Гонконг бизнес ассоциациялари федерацияси, ҳуқуқий, молиявий ва бизнес соҳаларида фаолият юритувчи ташкилотлар ва халқаро юридик фирмалар вакиллари иштирок этди. 💬 Учрашув давомида Ўзбекистон ва Гонконг ўртасидаги савдо-иқтисодий ҳамкорликни ривожлантириш, ишбилармон доиралар ўртасида тўғридан-тўғри алоқаларни мустаҳкамлаш, инвестициявий ҳамкорликни кенгайтириш ҳамда ҳуқуқий хизматлар соҳасида амалий ҳамкорликни йўлга қўйиш масалалари муҳокама қилинди. ⚖️ Халқаро арбитраж ва низоларни ҳал этиш соҳасидаги ҳамкорликка алоҳида эътибор қаратилди. Тошкент халқаро арбитраж маркази (TIAC) директори Диана Байзакова таъкидлаганидек, TIAC 2023 йилдан буён Гонконг халқаро арбитраж маркази (HKIAC) билан фаол ҳамкорлик қилиб келмоқда. Икки марказ томонидан ишлаб чиқилган трансинституционал (cross-institutional) арбитраж регламенти халқаро миқёсда эътироф этилган бўлиб, унинг амалиётда қўлланилиши ушбу механизмнинг бизнес учун амалий аҳамиятини кўрсатмоқда. 👍 Учрашувда Гонконгнинг етакчи юридик фирмалари ва Ўзбекистон адвокатлик тузилмалари ўртасида профессионал алоқаларни ривожлантириш, инвестиция лойиҳаларини ҳуқуқий қўллаб-қувватлаш, қўшма корхоналар ташкил этиш ҳамда бизнес субъектларига ҳуқуқий хизматлар кўрсатиш соҳасидаги ҳамкорликни кучайтириш муҳимлиги таъкидланди. Шунингдек, молия ва банк хизматлари, инвестициялар, финтех, рақамли иқтисодиёт, ҳуқуқий хизматлар ва халқаро арбитраж соҳаларида ҳамкорликни кенгайтириш истиқболлари кўриб чиқилди. 👍 Учрашув якунида томонлар ўзаро манфаатли ҳамкорликни изчил давом эттириш, янги қўшма лойиҳаларни амалга ошириш ва Ўзбекистон–Гонконг савдо-иқтисодий муносабатларини янада ривожлантиришдан манфаатдор эканликларини билдирдилар. 🕊Telegram 📱Instagram 📱Facebook 📺 Youtube

“F-Istanbul 2026”: Ўзбекистон миллий павильонида амалий семинар 🇹🇷 Истанбул шаҳрида бўлиб ўтаётган “F-Istanbul 2026” халқаро озиқ-овқат кўргазмасида Ўзбекистон фахрий меҳмон мамлакат сифатида иштирок этмоқда. Кўргазма доирасида Ўзбекистон миллий павильонида маҳаллий тадбиркорларнинг халқаро кўргазмалардаги иштирокини янада самарали ташкил этишга бағишланган амалий ўқув семинари бўлиб ўтди. 👨‍🦱 Семинарда маърузачи Меҳмет Дукканжи кўргазмаларда самарали ишлаш, ташриф буюрувчилар билан ишбилармонлик алоқаларини йўлга қўйиш, маҳсулотларни профессионал тарзда тақдим этиш ҳамда потенциал харидор ва ҳамкорларни жалб қилиш стратегиялари бўйича ўз тажрибаси билан ўртоқлашди. Бундай амалий семинарлар маҳаллий тадбиркорларнинг халқаро кўргазмалардаги иштироки самарадорлигини ошириш, хорижий харидор ва ҳамкорлар билан мустаҳкам бизнес алоқаларини йўлга қўйиш ҳамда Ўзбекистон маҳсулотларининг халқаро бозорлардаги тарғиботини янада кучайтиришга хизмат қилади. 🕊Telegram 📱Instagram 📱Facebook 📺 Youtube

Ҳурматли тадбиркорлар! 🔴 Сизни 9-«Ипак йўли» Хитой маҳсулотлари кўргазмасида иштирок этишга таклиф қиламиз. 🗓 2–4 сентябрь 📍 Central Asia Exhibition Center (CAEx) 🇨🇳Кўргазмада 200га яқин Хитой корхоналари иштирок этиши кутилмоқда. Кўргазма доирасида қуйидаги йўналишларда ҳамкорлик қилиш имкониятлари яратилади: 🟡ақлли ишлаб чиқариш ва рақамли технологиялар; 🟡 яшил энергетика ва энергия тежамкорлиги; 🟡қишлоқ хўжалиги ва қишлоқ хўжалиги техникаси; 🟡қурилиш материаллари ва муҳандислик техникаси; 🟡тиббий асбоб-ускуналар ва соғлиқни сақлаш; 🟡автомобиль эҳтиёт қисмлари; 🟡енгил саноат, тўқимачилик ва истеъмол товарлари. 👍 Тадбир доирасида B2B учрашувлар, саноат форумлари ва соҳавий тақдимотлар ҳам ташкил этилади. Кўргазма савдо-сотиқни ривожлантириш, инвестициявий ҳамкорликни кенгайтириш ва Ўзбекистон ҳамда Хитой тадбиркорлари ўртасида янги бизнес алоқаларини ўрнатиш учун муҳим платформа ҳисобланади. Қўшимча маълумот учун: 📞 +998 78 150 60 06 🕊Telegram 📱Instagram 📱Facebook 📺 Youtube

“Alkim Tekstil”да 500 миллион сўмлик декрет нафақаси Жамғарма ҳисобидан тўланди 👍Тошкент вилояти Чирчиқ шаҳридаги “Alkim Tekstil” корхонасида 2 мингдан ортиқ ходим меҳнат қилади. Уларнинг 1,5 минг нафардан ортиғи — аёллар. Бугунги кунда ҳомиладорлик ва туғиш ҳамда вақтинча меҳнатга лаёқацизлик нафақалари Давлат ижтимоий суғурта жамғармаси томонидан молиялаштирилмоқда. 👛 Бу эса иш берувчилар учун қўшимча молиявий юкни камайтиради. Хусусан, “Alkim Tekstil” корхонаси ходималарига қарийб 500 миллион сўм декрет нафақаси Жамғарма томонидан тўлаб берилди. Энг муҳими, ходималар ўзларига тегишли декрет нафақасини иш берувчи маблағига боғлиқ бўлмаган ҳолда, Давлат ижтимоий суғурта жамғармаси орқали олиш имкониятига эга бўлмоқда. 🎬 Батафсил — видеода 🕊Telegram 📱Instagram 📱Facebook 📺 Youtube

Таклиф — амалдаги ечимга айланмоқда! Озиқ-овқат экспортчилари учун муҳим янгилик! Энди экспорт жараёнида талаб қилинадиган бир нечта алоҳида ветеринария, санитария ва фитосанитария ҳужжатлари ўрнига ягона “саломатлик сертификати” жорий этилади. Яъни, тадбиркор учун камроқ ҳужжат, камроқ сарсонгарчилик ва тезроқ экспорт жараёни.

Энг муҳими, бу ташаббус Ўзбекистон Республикаси Президенти ҳузуридаги Тадбиркорликни қўллаб-қувватлаш бўйича жамоатчилик кенгаши томонидан илгари сурилган таклифлардан бири эди. Ва бугун ушбу масала амалдаги ечимга айланиш сари қадам ташламоқда.

Янги тизим: 👍экспорт жараёнларини соддалаштиради; 👍ортиқча бюрократик босқичларни қисқартиради; 👍тадбиркорларнинг вақти ва ресурсларини тежайди; 👍экспортни янада тез ва қулай амалга оширишга хизмат қилади. Бу, айниқса, ташқи бозорга маҳсулот чиқараётган озиқ-овқат ишлаб чиқарувчилари учун катта енгиллик бўлиши мумкин. 💬 Сиз нима деб ўйлайсиз, ягона сертификат тизими экспортчилар учун ҳақиқатан ҳам катта енгиллик бўладими❓ 🕊Telegram 📱Instagram 📱Facebook 📺 Youtube

#ОАВ_биз_ҳақимизда 🖥 Тадбиркор аёлларнинг муаммолари тингланди 🕊Telegram 📱Instagram 📱Facebook 📺 Youtube

📚Ibragimova Shaxlo Alimbayevnaning iqtisodiyot fanlari bo‘yicha falsafa doktori (PhD) dissertatsiya ishi himoyasi to‘g‘risida 🔻OʻzAning telegram kanallariga aʼzo boʻling O`zbekcha | Ўзбекча | Русская | Илм-фан | Тезкор

Ўзбекистонлик ишлаб чиқарувчилар F-Istanbul кўргазмасида 🇹🇷 Жорий йилнинг 26 август куни Туркиянинг Истанбул шаҳрида жойлашган “Istanbul Fair Center” кўргазма мажмуасида “F-Istanbul” халқаро озиқ-овқат маҳсулотлари кўргазмаси ўз ишини бошлади. ✔️ Кўргазманинг очилиш маросимида Ўзбекистон Савдо-саноат палатаси раиси ўринбосари Шерзод Ибрагимов сўзга чиқиб, бугунги кунда Ўзбекистонда озиқ-овқат саноатини ривожлантириш, маҳаллий маҳсулотларнинг халқаро бозорлардаги рақобатбардошлигини ошириш ҳамда экспорт салоҳиятини кенгайтириш борасида амалга оширилаётган ислоҳотларга тўхталиб ўтди. “F-Istanbul” халқаро кўргазмаси озиқ-овқат маҳсулотларини ишлаб чиқариш, савдо ва экспорт қилиш соҳасидаги энг йирик халқаро майдонлардан бири бўлиб, унда дунёнинг турли мамлакатларидан юзлаб компаниялар ва ишлаб чиқарувчилар иштирок этмоқда. 🇺🇿 Кўргазмада Ўзбекистон Савдо-саноат палатаси ҳамда “Савдони ривожлантириш компанияси” АЖ кўмагида ташкил этилган “Made in Uzbekistan” миллий стенди доирасида юртимизнинг 70 нафар маҳаллий озиқ-овқат маҳсулотлари ишлаб чиқарувчи корхоналари ўз маҳсулотлари билан иштирок этмоқда. Ўзбекистоннинг миллий экспозицияси 800 квадрат метр майдонни эгаллаган бўлиб, унда мамлакатимизда ишлаб чиқарилаётган турли хил сифатли ва экспортбоп маҳсулотлар намойиш этилмоқда. Миллий стенд ва маҳаллий ишлаб чиқарувчилар маҳсулотлари кўргазма иштирокчилари ҳамда хорижлик харидорларда катта қизиқиш уйғотмоқда. 👍 Мазкур нуфузли халқаро тадбир ўзбекистонлик ишлаб чиқарувчилар учун янги ҳамкорлар билан тўғридан-тўғри алоқалар ўрнатиш, экспорт географиясини кенгайтириш, янги бозорларга чиқиш ва “Made in Uzbekistan” миллий брендини жаҳон бозорида кенг тарғиб қилишда муҳим платформа бўлиб хизмат қилмоқда. 🕊Telegram 📱Instagram 📱Facebook 📺Youtube

Президент Шавкат Мирзиёев:

«Қайси соҳа ёки вазифада ишламасин, ўз меҳнатининг муносиб эътирофини кўриш – ҳар бир инсон учун катта бахт».

👔Алишер Шайхов — Ўзбекистон Савдо-саноат палатаси раиси маслаҳатчиси, “Ўзбекистон Республикаси мустақиллигининг 35 йиллиги” эсдалик нишони соҳиби:

«Ишончим комилки, Ўзбекистонни — бизнинг Ватанимизни — энг илғор ва энг кучли мамлакатлардан бирига айлантирамиз. Чунки бизда шундай тадбиркорлар ва шундай Президент бор!»

🕊Telegram 📱Instagram 📱Facebook 📺 Youtube