Dire Dawa Government Communication Affairs Office

#ዜና የፌደራል የመጀመሪያ ደረጃ ፍርድ ቤት ባለፍት አመታት በርካታ ስራዎች መሰራቱን አስታወቀ #DGC ሐምሌ 10/2018 የፌደራል የመጀመሪያ ደረጃ ፍርድ ቤት እና የድሬደዋ አስተዳደር ከንቲባ ፅህፈት ቤት የፍርድ ቤት መር አስማሚነት ሥርዓትን በድሬደዋ አስተዳደር ከባህል እና ሽምግልና እንዲሁም ደግሞ ከሃይማኖት ተቋማት ጋር ለማቀናጀት እና በትብብር በጋራ ለመስራት ይቻል ዘንድ በዛሬው እለት የሁለትዮሽ የመግባቢያ ሰነድ ተፈራርመዋል ። ከዚህ ቀደም በማህበረሰቡ እንዲሁም በግለሰቦች መካከል የሚፈጠሩ ግጭቶች በሀይማኖት አባቶች ፣ በሀገር ሽማግሌዎች ፣ በአባገዳዎች እና ኡጋዞች የሚፈቱበት አግባብ መኖሩን የድሬዳዋ አስተዳደር ምክትል ከንቲባ እና የንግድ ኢንዱስትሪና ኢንቨስትመንት ቢሮ ሀላፊ አቶ ሀርቢ ቡህ ተናግረው ይህንንም ሂደት በፍርድ ቤት መር የአስማሚነት ስርዓት መቀየር እንደሚገባም ገልፀዋል ። በዛሬው እለትም በፌደራል የመጀመሪያ ደረጃ ፍርድ ቤት እና በድሬደዋ አስተዳደር ከንቲባ ፅህፈት ቤት መካከል የተደረገው የጋራ ስምምነት በቀጣይ ለሚሰሩት ስራዎች አይነተኛ አስተዋፆ እንደሚኖረውና አስተዳደሩም አስፈላጊውን ድጋፍ እንደሚያደርግም ነው አቶ ሀርቢ ቡህ በእለቱ ያስታወቁት ። የፌደራል የመጀመሪያ ደረጃ ፍርድ ቤት ባለፍት አመታት በርካታ ስራዎችን ከመስራቱም በዘለለ ተቋሙ የፌደራል ፍርድ ቤት ቢሆንም በዋናነት እያገለገለ ያለው የከተማዋን ነዋሪዎች መሆኑን የፌደራል የመጀመሪያ ደረጃ ፍርድ ቤት ፕሬዝዳንት የሆኑት አቶ ፍአድ ኪያር ተናግረው ተቋሙ በቀጣይ ከህብረተሰቡ ጋር በጋራ በመሆን ስራዎችን ለመስራት ይቻል ዘንድ በዛሬው እለት የተደረገው ስምምነት አይነተኛ አስተዋፆ እንዳለውም ነው ያስታወቁት ። በስምምነቱ መሰረትም አስፈላጊ የሆኑ ግብአቶችን ከማመቻቸት አንስቶ የተለያዩ የአቅም ግንባታ ስልጠናዎችን የመስጠት ስራዎች በቀጣይ እንደሚሰራ አቶ ፍአድ ተናግረው አስተዳደሩም ለፌደራል የመጀመሪያ ደረጃ ፍርድ ቤት እያደረጋቸው ላሉት ድጋፎችም አቶ ፍአድ ምስጋናቸውን አቅርበዋል ። በአለማየሁ አበበ ፎቶ :- በአገኘው ሸዋረጋ