Dire Dawa Government Communication Affairs Office

#ዜና | በድሬዳዋ አስተዳደር ምክር ቤት የበጀት ኢኮኖሚ ንግድ እና ኢንዱሰትሪ ጉዳዮች ቋሚ ኮሚቴ የአስተዳደሩን ገንዘብና ኢኮኖሚ ልማት ቢሮን የእቅድ አፈጻጸም ገመገመ ። #DGC | ሰኔ 22/2018 ​የድሬዳዋ አስተዳደር የፋይናንስና ኢኮኖሚ ልማት ቢሮ በ2018 በጀት ዓመት ያከናወናቸውን አበይት የልማትና የፋይናንስ ተግባራትን የሚያሳይ ዓመታዊ ሪፖርት አቅርቧል። ቢሮው ባቀረበው ዕቅድና ሪፖርት መሠረት በሥሩ የሚገኙ አስፈጻሚ መሥሪያ ቤቶችንና የድጋፍ ሰጪ የሥራ ሂደቶችን በማስተባበር ውጤታማ ሥራዎችን ማከናወኑን አስታውቋል። የአስተዳደሩን የልማት ጥያቄዎች ለመመለስ የመንግሥት ታክስ፣ የውስጥ ገቢና ከማዘጋጃቤታዊ የገቢ ምንጮች ሰፊ የገቢ ማሰባሰብ ሥራ እንዳከናወነ እና ግልጽነትና ተጠያቂነት የሰፈነበት ዘመናዊ የፋይናንስ አስተዳደር ሥርዓትን ለመዘርጋትና የቴክኖሎጂ አጠቃቀምን ለማሳደግ በርካታ ተግባራት በትኩረት መሰራታቸው ተገልጿል ። የሕዝብና የመንግሥት ሀብት በአግባቡ ጥቅም ላይ እንዲውል ለማድረግ የውስጥ ኦዲት አሰራርን የማጠናከርና የተገኘ ጉድለትን ወደ መንግሥት ካዝና ተመላሽ የማድረግ ሥራዎች መከናወናቸወን በሪፓርቱ ተመላክቷል ። በተጨማሪም ከምክር ቤት የተሰጡ ግብረ መልሶችን መሠረት በማድረግ፣ በግዥና ንብረት አስተዳደር፣ በዲጂታል አሰራር እንዲሁም በበጀት ዝግጅት ዙሪያ ለብዙ ባለሙያዎች ሰፊ የአቅም ግንባታ ሥልጠናዎችውን እና በአስተዳደሩ ሥር ከሚገኙ የልማት አጋሮችና ለጋሽ ድርጅቶች የሚገኙ የውጭ ሀብቶችን በማስተባበርና ፕሮጀክቶችን በክትትልና ድጋፍ በመምራት ረገድ በርካታ የካፒታል ፕሮጀክቶች የተጠናቀቁ ሲሆን፣ ቀሪዎቹ ደግሞ ወደ ቀጣዩ በጀት ዓመት እንዲሸጋገሩ መደረጋቸው ተነስቷል ። በፉአድ አሊ ምስል ያብስራ ተክሌ