နရီမိုး
Відкрити в Telegram
Показати більше
📈 Аналітичний огляд Telegram-каналу နရီမိုး
Канал နရီမိုး (@nyemoee) у мовному сегменті Бірманська є активним учасником. На даний момент спільнота об'єднує 35 927 підписників, посідаючи 1 781 місце в категорії Релігія і духовність та 4 001 місце у регіоні М'янма.
📊 Показники аудиторії та динаміка
З моменту свого створення невідомо, проект продемонстрував стрімке зростання, зібравши аудиторію у 35 927 підписників.
За останніми даними від 26 серпня, 2026, канал демонструє стабільну активність. Хоча за останні 30 днів спостерігається зміна кількості учасників на -231, а за останні 24 години на -6, загальне охоплення залишається високим.
- Статус верифікації: Не верифікований
- Рівень залученості (ER): Середній показник залученості аудиторії становить 22.96%. Протягом перших 24 годин після публікації контент зазвичай збирає 15.64% реакцій від загальної кількості підписників.
- Охоплення публікацій: В середньому кожен допис отримує 8 249 переглядів. Протягом першої доби публікація в середньому набирає 5 618 переглядів.
- Реакції та взаємодія: Аудиторія активно підтримує контент: середня кількість реакцій на один пост – 516.
📝 Опис та контентна політика
Опис каналу не надано.
Завдяки високій частоті оновлень (останні дані отримано 27 серпня, 2026), канал підтримує актуальність та високий рівень охоплення публікацій. Аналітика показує, що аудиторія активно взаємодіє з контентом, що робить його важливою точкою впливу в категорії Релігія і духовність.
35 927
Підписники
-624 години
-487 днів
-23130 день
Архів дописів
35 933
လက်ရှိ ဂယက်ထနေတဲ့ အနုပညာရှင် တစ်ဦးကို Boycott လုပ်ပါ ဆိုတဲ့ကိစ္စက တဖက်အဖွဲ့အစည်း အတွက်တော့ တဖြည်းဖြည်း ရွာပြင် ရောက်လာတဲ့ ကိစ္စပဲ။
၂၀၂၁ အရေးအခင်း မတိုင်ခင် ၂၀၂၀ မှာ NLD မဲ ရဖို့ ဒီအနုပညာရှင်တွေက ဇာတ်လမ်းတိုတွေရိုက်၊ ပါတီအောင်နိုင်ရေး သီးချင်းတွေ လုပ်ခဲ့ကြတာ မေ့ကုန်ကြပြီ တူရဲ့။ ၂၀၂၁ နောက်ပိုင်း ဘယ်သူစခဲ့တဲ့ ဇာတ်လမ်းမှန်း မသိပေမယ့် ငါ့ပါတီ မထောက်ခံရင် ကြားနေလည်း မရှိဆိုတဲ့ အယူဝါဒကို တော်တော်များများ လက်လန်သွားခဲ့ကြပြီ။
ကိုယ်ထောက်ခံတဲ့ ပါတီကို မထောက်ခံရင် ဒလံ၊ ကိုယ်လုပ်နေတဲ့ တော်လှန်ရေးကို အားမပေးရင် အကြမ်းဖက် အားပေး ဆိုတဲ့ ခေါင်းစဉ်နဲ့ လူတွေ သတ်လာခဲ့ကြတဲ့ အသိုင်းအဝိုင်းက ခုချိန်ထိအောင် မိုက်တွင်း နက်နေဆဲပဲ။ လူချစ်လူခင် ဖြစ်အောင်နေရမယ့်အစား၊ ထောက်ပို့ အသိုက်အဝိုင်းကြီးအောင် ကွန်ရက်တွေ ချဲ့ထွင်ရမယ့်အစား လမ်းဘေးဆန်ဆန် မိုက်ကြေးခွဲ စကားလုံးတွေနဲ့ လုပ်လာကြတော့လည်း နဂိုက ထောက်ခံမိခဲ့ရင်တောင် ခုချိန်မှာ ရဲရဲကြီး ဆန့်ကျင်လာကြတာ မြင်ရတယ်။
ဘာပဲဖြစ်ဖြစ်...ဒီလို လုပ်ရပ်တွေကြောင့်ပဲ အော်ကြောလှန် ရပ်ကွက်အဆင့် ဆိုတာ လူတိုင်းက သဘောပေါက်လာကြတာကလည်း အဆိုးထဲက အကောင်းပဲ။ ရေပေါ်ဆီ အသိုင်းအဝိုင်းပုံစံ၊ ကိုယ့်မထောက်ခံရင် တိရိစ္ဆာန်လို ဝိုင်းကိုက်တတ်ကြတာကတော့ လွန်တာပေါ့။ ဒီလိုနဲ့ပဲ....သူတို့ပြောတဲ့ တော်လှန်ရေးက ပရုပ်လုံး လို လုံးပါးပါးသွားမယ့် သဘောရှိတယ်။
(နရီမိုး)
35 933
ချောင်းဦးမှာ ပလဖ တွေက ရွာဦးကျောင်း ဆရာတော်ကို ဖမ်းပြီး နှိပ်စက်သတ်ပစ်လိုက်ကြတယ်။ တကယ်တော့ သတ်တာတောင် ရိုးရိုး မဟုတ်ဘူး။ သတင်းတွေမှာ ဖတ်ရ၊ မြင်ရတဲ့အခါ .....လက်သည်းခွံတွေ နွှာပြီး သတ်ပစ်လိုက်ကြတာ။
စိတ်ထဲမှာတော့ သင်္ဃာန်းဝတ် ဆရာတော်ကိုတောင် ဒီလို သွေးအေးအေး လုပ်နိုင်ရက်သလားဆိုတဲ့ အတွေး ပေါ်လာတယ်။ တကယ်တော့ ၂၀၂၁ နောက်ပိုင်းမှာ သံဃာအပါး ၁၀၀ လောက်ကို အညာမြေက လူရိုး၊ လူအေး လို့ ဆိုတဲ့ ဗမာ PDF တွေ သတ်ခဲ့ကြပြီးပြီ။
အာဏာရှင်ကို တော်လှန်မယ် ဆိုတဲ့ သူတွေကိုယ်တိုင်....လက်နက်တွေကိုယ်စီ ရှိလာတော့ တရားဥပဒေတွေလည်း မလိုက်နာနိုင်ကြတော့ဘူး။ နေရာတိုင်းမှာ အခွန်ဆက်ကြေးတွေ ကောက်ပြီး သာယာ တတ်လာတယ်။ လူသတ်တဲ့အခါလည်း လက်မရွံ စိတ်ဓာတ်တွေနဲ့။ ပြီးခဲ့တဲ့ ရက်ပိုင်း ဟိုးလေးတကြော်ကြော် ဖြစ်ခဲ့တဲ့ အမျိုးသမီး လူသတ်မှုကလည်း ဒင်း တို့ပဲ။ ဒါတောင် တပ်က လုပ်သလိုလိုနဲ့ မျက်ရည်ခံ ထိုးကြသေးတာ။
ဒီလို အခြေခံ စိတ်ဓာတ် တွေက မကောင်း၊ လူသတ်တာကို တာဝန်ယူမှု၊ တာဝန်ခံမှုက မရှိဆိုတော့....ဒီအဖွဲ့အစည်း ရဲ့ အနာဂတ် လားရာ က မကောင်းနိုင်ဘူး။ ခုလည်း ရဟန်းသံဃာကို ရက်ရက်စက်စက် နှိပ်စက်ပြီးမှ သတ်ပစ်တာမျိုးက ဗုဒ္ဓဘာသာ အယူအရ ဆိုရင်တော့ အတော်လေး ဝဋ်လိုက်ကြဦးမှာပါ။
(နရီမိုး)
35 933
◾ ဗီယမ်နမ်နိုင်ငံခြားရေးဝန်ကြီးရဲ့ နေပြည်တော်ခရီးစဉ်မှာ “ဗီယမ်နမ်နိုင်ငံကို တရားဝင် ချစ်ကြည်ရေး လာရောက်ဖို့ ဖိတ်ကြားချက်ကို သတင်းစကားပါးလိုမှု” ဆိုတဲ့ အသုံးအနှုန်း ကိုကြည့်ရင် အာဆီယံက တောင်နဲ့မြောက် ကွဲပြီးလား ဆိုတဲ့ မေးခွန်းတွေ ဖြစ်လာ စေခဲ့ပြီလို့ပဲ ပြောရမလားပဲ။ ရှေ့မှာ ဘုံသဘောတူညီချက် (၅)ရပ်တွေ ချမှတ်ပြီး ထိပ်တန်း အဆင့် အစည်းအဝေးတွေမှာ မြန်မာကိုဖယ်ကျဉ်ထားခဲ့ကြတဲ့ ဒေသတွင်းအဖွဲ့အစည်း တွေထဲ.. လာအို၊ ထိုင်းနဲ့ လက်ရှိ ဗီယမ်နမ် တို့က မြန်မာနိုင်ငံသမ္မတကို တရားဝင်ချစ်ကြည် ရေးခရီးစဉ်ဖိတ်ခေါ်ရင်းနဲ့ သံတမန်ရေး ခိုင်မာမှုကို ပြနေခဲ့ကြတာလည်း ထူးခြားချက် တစ်ခုပဲ။
---------
◾ တစ်ခုရှိတာက…လာအို၊ ထိုင်း၊ ကမ္ဘောဒီးယားနဲ့ ဗီယမ်နမ်ဆိုတာကလည်း နောက်ကွယ်မှာ လျန်ချန်း-မဲခေါင် ဆိုတဲ့အသိုက်အဝန်းကလည်း ခိုင်ခိုင်မာမာ ရှိထားတယ်။ ဥပမာ- ကမ္ဘောဒီးယား-လာအို-မြန်မာနဲ့ ဗီယက်နမ် တို့ပါတဲ့ (CLMV)နဲ့ ဧရာဝတီ-ကျောက်ဖရားနဲ့ မဲခေါင် စီးပွားရေးပူး ပေါင်းဆောင်ရွက်မှု မဟာ ဗျူဟာ ဆိုတဲ့ (ACMECS)တွေကလည်း ဒီလိုပူးပေါင်းဆောင်ရွက်မှုရဲ့ အကြောင်းတရားတွေ ဖြစ်နိုင် လောက်တယ်။
-----
◾ နောက်ထပ်ဖြစ်နိုင်ချေရှိတာက ထားဝယ်ရေနက်ဆိပ်ကမ်း စီမံကိန်းရဲ့ လားရာပဲ။ ထားဝယ်ရေနက်ဆိပ်ကမ်းစီမံကိန်းက GMS Southern Economic Corridor ရဲ့ အနောက် ဘက် Gateway တစ်ခု ဖြစ်လာနိုင်ခြေ အများကြီးရှိတယ်။ ထားဝယ်ကနေ ထိုင်းနိုင်ငံ၊ ဘန်ကောက်၊ ဖနွမ်းပင်နဲ့ ဟိုချီမင်း အထိ ဆက်သွယ်နိုင်မယ့် Southern Economic Corridor အဖြစ် မျှော်မှန်းထားတာကလည်း ဒီလိုဆက်ဆံရေးကောင်းခြင်းရဲ့ အဓိက သင်္ကေတများဖြစ်လေမလားလို့ ယူဆချင်စရာကောင်းတယ်။ ဒီလိုဖြစ်လာရင်…ထားဝယ် က မဲခေါင်ဒေသရဲ့ အနောက်ဘက် ဝင်ပေါက်တစ်ခုဖြစ်လာတော့မယ်။
----------
◾ ဘာပဲဖြစ်ဖြစ်….ဒီလိုအခင်းအကျင်းကို ကြည့်ရတာ…အာဆီယံဒေသတွင်းနိုင်ငံ တွေထဲမှာ မြန်မာကို လိုလားသူနဲ့၊ ဘယ်သူတွေက ဘာကြောင့် မလိုလားသလဲဆိုတဲ့ အမြင်တွေကို အတိအကျကြီး ဖော်ထုတ်နိုင်ခဲ့သလို မြင်နေရတယ်။ တခြားနိုင်ငံ တွေကလည်း မြန်မာကို အကျိုးစီးပွားနဲ့ချိတ်ဆက်ပြီး ချဉ်းကပ်လာနေကြတာ တွေ့လာ ရတယ်။ အာဆီယံက တောင်နဲ့မြောက် ကွဲပြီလား ဆိုတာထက်…အကျိုးစီးပွားအခြေပြု ချဉ်းကပ်ပုံကတော့ တဖြည်းဖြည်း ကွဲပြားလာနေတာကို ရှင်းရှင်းလင်းလင်း မြင်နေ ရတာတော့ အမှန်ပဲ။ ကြည့်ရတာ....ဘုံသဘောတူညီချက် ၅ ရပ်ကို ခေါက်ထားလိုက်လို့ ရပြီ ထင်တယ်။
(နရီမိုး)
35 933
ငါးပါးသီလကို အားလုံးပြည့်စုံအောင် စောင့်နိုင်ရင် စောင့်၊ မစောင့် နိုင်ဘဲ တစ်ပါးသီလ နှစ်ပါးသီလ တို့ ဆိုရင်တော့ ကျန်တဲ့ ဥစ္စာတွေကဒုက္ခပေးမှာ သေချာတယ်..
သီလဆိုတာ...ကိုယ်ကျင့်တရားပဲ ၊စည်းကမ်း ဘောင် အတွင်းက ပြောဆိုခြင်းနှင့် ပြုလုပ်ခြင်းလို့ ဆိုရမယ်...
သဒ္ဓါရှိရင် သီလလည်း ရှိတတ်တာမို့လို့ မြတ်စွာ
ဘုရားကဆက်ဟောတာ၊ကိုယ်ကျင့် တရား ကောင်းလာရင် ပစ္စည်းဥစ္စာလည်းပဲ ထိုပုဂ္ဂိုလ် ထံ မှာ မြဲလာမယ်။
ပစ္စည်းဥစ္စာ ချမ်းသာသော်လည်းပဲ ကိုယ်ကျင့် တရား မကောင်းဘူးဆိုရင်တော့ ထိုပစ္စည်းဥစ္စာ တွေဟာ အဲဒီပုဂ္ဂိုလ်ထံမှာ မမြဲတတ်ဘူး၊ ကိုယ် ကျင့် တရားပျက်ပြားတဲ့ပုဂ္ဂိုလ်ဟာ စီးပွါးဥစ္စာ ပျက်ပြားသွားတယ် ဆိုတာ လောကမှာ မြင်တွေ့ နိုင် တယ်။
ကိုယ်ကျင့်တရား ဆိုတဲ့ နေရာမှာ လူတွေမှာဘာ အရေးကြီး သလဲဆိုရင် ငါးပါးသီလပေါ့ ၊တစ် ချို့
က ငါးပါးသီလကို တစ်ပါးလောက်စောင့်ရင် ပြီး တယ်၊နှစ်ပါးလောက်စောင့်ရင် ပြီးတယ်။ဒီလိုထင်ကြတယ်၊မဟုတ်ဘူး။ငါးပါးသီလဟာ တစ်ပါးမှ လျှော့စရာမရှိဘူးနော်။
အားလုံးပြည့်စုံအောင် စောင့်နိုင်ရင်စောင့်၊ မစောင့် နိုင်ဘဲ တစ်ပါးသီလ နှစ်ပါးသီလတို့ ဆိုရင်တော့ ကျန်တဲ့ ဥစ္စာတွေကဒုက္ခပေးမှာ သေချာတယ်။
ငါးပါးသီလကို ဝါရိတ္တသီလလို့ ခေါ်တယ်။
ဝါရိတ္တ သီလ ဆိုတာ တားမြစ်ထားတာ ၊မလုပ်ရ ဘူး။
ဘာဖြစ်လို့ မလုပ်ရတာလဲဆိုတော့ စဉ်းစားကြည့်
ပေါ့၊မီးကိုကိုင်ရင် မပူဘူးလား၊ပူမှာပေါ့၊ဘယ်သူ
ကိုင်ကိုင် ပူမှာဘဲ။ထို့အတူဘဲ ငါးပါးသီလကို လွန်ကျူးရင် တော့ ဘယ် သီလကိုပဲ ကျူးလွန် ကျူးလွန်၊ထိုသီလကို ကျူးလွန်တဲ့အပြစ်ကို ခံရမှာပဲ ငါးပါးသီလ နဲ့ ပတ်သက် ပြီးတော့ လူတိုင်းသိကြပါတယ်။
ခုနကတင်ဘဲ ငါးပါးသီလ ဆောက်တည်“ပါဏာတိ ပါတာ ဝေရမဏိ သိက္ခာပဒံသမာဒိယာ”ဆိုတာ သူ များ အသက် သတ်ခြင်းမှရှောင်ကြဉ်ပါ၏တဲ့။
သူများအသက်ကို သတ်ခြင်းမှ ရှောင်ရုံနဲ့ ပြီးရော လား ဆိုတော့ မပြီးသေးဘူးနော်။ရှောင်ရုံရှောင်တယ်ဆိုတာ အဆင်မပြေရင်မရှောင်ဘူးဆိုတာ ရှိလာဦးမယ်၊ရှောင်ကြဉ်တယ်ဆိုတာမလုပ်သင့်တာကို မလုပ်ခြင်းဖြစ်တယ်။
လုပ်သင့်တာက ဘာလဲဆိုတော့ သတ္တဝါတွေ ကို သတ် ဖို့ဆိုတဲ့ဓားတုတ်တွေ ကိုယ့်အိမ်မှာ မထားရ ဘူး တဲ့။ ။
မြတ်စွာဘုရားကတော့ သူတစ်ပါးကို သတ်ဖို့ရာ လက်နက်ဆိုတာ ထားကိုမထားနဲ့တဲ့၊ဒါတင်မက ဘူး မြတ်စွာဘုရားက သတ္တဝါတွေကို သေစေလို တဲ့ စိတ် နဲ့ သတ်ဖြတ်မှုကို ရှက်တတ်ရမယ်။
ကိုယ့်လာသတ်ရင်လည်း သူ့ကိုပြန်မသတ်ရဘူး၊ သတ္တဝါတွေ ရဲ့အသက်ကို သတ်ခြင်းဆိုတာကို ရှက်စရာလို့ မြင်ရမယ်။သတ္တဝါတွေအပေါ်မှာ မေတ္တာတရား အကြင်နာတရား ထားရမယ်၊အေး သီလလုံတယ်ဆိုတာအဲဒါတွေ အကုန်လုံး ပြည့်စုံမှဖြစ်တာကို ပြောတာနော်။
ကဲ နောက်တစ်ခု အဒိဒါန-ဆိုတာ သူများပစ္စည်း မခိုးဘူး၊ဒါတင်မပြီးသေးဘူး၊သူများပေးတာနဲ့ သာ ကျေနပ်တယ်၊ပေးတာကိုသာ ကြိုက်တယ်၊သူများ ပစ္စည်းကို သိ၍ဖြစ်စေ၊မသိဘဲဖြစ်စေ လုံးဝ မယူ ဘူး၊အဲဒါမှသာ အဒိန္နာဒါန လုံတယ်လို့ခေါ်တယ် ၊လုံး ဝကို သန့်ရှင်းရမယ်။
ကာမေသု မိစ္ဆာစာရ နဲ့ပတ်သက်ရင် အမျိုးသား တွေ အတွက်ကတော့ အမျိုးသမီး(၂ဝ)နဲ့ လုံးဝမလွန် ကျူးရဘူး။အမျိုးသမီးတွေ အတွက်က တော့ကိုယ့်ရဲ့ အိမ် ထောင် ဘက် ခင်ပွန်းကလွဲပြီး မလွန်ကျူး ရဘူး၊ ဒါကတော့ ထင်ထင်ရှားရှား ရှိတယ်နော်။
စည်းကမ်းချက် သတ်မှတ်ထားတဲ့ အတိုင်းဖြစ်
တယ်၊။အခြားသူဆိုရင် စိတ်နဲ့တောင်မှ မပြစ်မှားရဘူးဆို တာအထိမှ လုံခြုံတယ်လို့ခေါ်တယ်။ ။
မုသာဝါဒဆိုတာ လိမ်မပြောဘူး၊ဒါပေမယ့်မှန်တာ ကိုမပြောဘူး’ဆိုရင်တော့ မပြည့်စုံသေးဘူး၊မလိမ် ဘူး၊မှန်တာကိုသာ ပြောတယ်ဆိုမှ ပြည့်စုံတယ်။
သစ္စဝါဒီ - မှန်တဲ့စကားကို ပြောရမယ်။
သစ္စသ- ရှေ့စကားလည်း မှန်ရမယ်။၊နောက် စကား လည်း မှန်ရမယ်၊အေး ဒီနေ့တော့ မှန်တာ ပြောတယ်။
နောက်တစ်နေ့ကျတော့ လိမ်ပြောတယ် ဒါမျိုးက လည်း မဟုတ်သေးဘူးနော်၊အမြဲတမ်းအမှန်ချည်း ဘဲ ပြောရမယ်၊စိတ်ချ ယုံကြည်ရတဲ့ ပုဂ္ဂိုလ်မျိုး ဖြစ်ရမယ်။
အသံဝါဒကော လောကဿ လောကကြီးကို ဘယ် တော့ မှ လွဲချော်အောင် မလုပ်ရဘူး၊ ပတ်ဝန်းကျင် က ဒီလူဟာ ဘယ်တော့မှမဟုတ်တာ မမှန်တာ မပြောဘူး ဆိုပြီး လုံးဝယုံကြည်ရတဲ့ သူမျိုးဖြစ် အောင် လုပ်ရမယ်။အဲဒီတော့မှမုသာဝါဒ သိက္ခာပုဒ်ဟာ ပြည့်စုံတယ်။
သုရာမေရယ မဇ္ဇပ္ပမာဒဌာနာ ဝေရမဏိ ဒီသိက္ခာ ပုဒ်ကို စောင့်ထိန်းတဲ့ နေရာမှာလည်း ခြွင်းချက် မရှိ စေရဘူး၊တစ်ချို့ကတော့ ဆေးဖြစ်ဝါးဖြစ် လေး ဆိုပြီးတော့ သောက်ချင်ကြသေးတယ်။ခန္ဓာကိုယ်နဲ့ဦးနှောက်ကို ထိခိုက်စေနိုင်တယ်တဲ့။
မူးယစ်ဆေးဝါးကို သုံးစွဲရာမှာ မိမိရော သူတစ်ပါး
ရော မိမိ သူတစ်ပါး နှစ်ဦးစလုံးကိုရော ထိခိုက်စေ မယ် ဆိုရင် အပြစ်ရှိတယ်လို့ သတ်မှတ်ရမယ်။တစ်ချို့က ပြောကြတယ် သူများကို မထိခိုက်ဘူး
ဆိုရင် ဘာမှ မဖြစ်ပါဘူးတဲ့၊ကိုယ့်ကိုယ်ကို ထိခိုက်
နေတာကို မသိလို့ပါ။
သေရည်သေရက်ဟာ သုံးစွဲသူတွေမှာ သွေးမှ တစ် ဆင့် ခန္ဓာကိုယ်ထဲရှိ ဦးနှောက်စတဲ့ အစိတ်အပိုင်း တွေ ထဲကို ရောက်သွားပြီဆိုရင် စိတ်တွေဟာ ထိုင်း မှိုင်းလာပြီး ကုသိုလ်ကောင်းမှုတွေကို ပြု လုပ် ဖို့ မေ့လျော့လာမယ်။ပညာ ဥစ္စာ စီးပွား ဆိုတဲ့ အကျိုးတွေကို ဆုတ် ယုတ် လာစေတယ်။
ဒါကြောင့်မို့ သုရာမေရယဆိုတဲ့ မူးယစ်နဲ့ပတ်သက်
တဲ့ အရာတွေကို ရှောင်ကြဉ်တာဟာအကောင်းဆုံး
ပါပဲ။သောတာပန်တွေကျတော့ မူးယစ်ဆေးဝါး မှန် သမျှ အားလုံးကို လုံးဝ ရှောင်ကြဉ်လိုက်နိုင်ပြီ။
အရက်နဲ့ရေ ရောတိုက်ရင်တောင်မှ ရေဘဲဝင်ပြီး
အရက်လုံးဝမဝင်ဘူးလို့ အဆိုရှိတယ်။သောတာပန်ဖြစ်ရင် မူးယစ်ဆေးဝါးဆိုတာကို လုံးဝ ရှောင်ကြဉ်နိုင်ကြပြီ။
အဲဒီလို ငါးပါးသီလနဲ့ပြည့်စုံရင် မြတ်သောဥစ္စာ တစ်မျိုး ကိုယ့်မှာပြည့်စုံတာဖြစ်တယ်။ ။လောကမှာသီလကို ဘာနဲ့ ဥပမာပေးထားသလဲ ဆိုရင် သိဂီရွှေခွက်နဲ့ ဥပမာပေးထားတယ်။
တန်ဖိုးရှိတဲ့ ခြင်္သေ့ဆီဟာ သိဂီရွှေခွက်ထဲမှာ တည် နိုင် သလို လူတွေရဲ့ သန္တာန်မှာရှိတဲ့ ကုသိုလ်တရား တွေဟာ သီလလို့ဆိုတဲ့ ရွှေခွက်နဲ့ ခံထားမှ သာ လျှင် တည်နိုင်တယ်။
သီလပျက်တာနဲ့တစ်ပြိုင်နက် ကုသိုလ်တရား တွေ အားလုံး ပျက်တာပါပဲ။အေး ဒါကြောင့် ကုသိုလ်တွေ အားလုံးရဲ့ တည်ရာမှီရာဟာ သီလ ဖြစ်တယ်လို့ စာပေကျမ်းဂန် တွေ မှာ ဆိုထားတယ်နော်။
" လူ့အရည်သွေးတွေ အားလုံးဟာ သီလပေါ်မှာပဲ မှီတည်နေတယ်၊သီလပျက်တာနဲ့ တစ်ပြိုင်နက် လူ့ ရဲ့အရည်သွေးတွေ အားလုံးဟာ သွားရောပါပဲ၊"
ဒါ ကြောင့်မို့ သီလဆိုတဲ့ ပစ္စည်းဥစ္စာဟာ လူသား တွေ ရဲ့သန္တာန်မှာ ရှိထားရမယ့် မြတ်သော ဥစ္စာ တစ်ခု ဖြစ်တယ်။
ကျေးဇူးတော်ရှင် ပါမောက္ခချုပ်ဆရာတော်ကြီး
ဒေါက်တာ အရှင်နန္ဒမာလာဘိဝံသ
35 933
🍀 မင်္ဂလာရှိသော နံနက်ခင်း ဖြစ်ပါစေ။ အကုသိုလ်ကင်းသော နေ့ရက်များ ပိုင်ဆိုင်ကြပါစေ။
🍀စိတ်၏ချမ်းသာ၊ ကိုယ်ကျန်းမာခြင်း ရှိကြပါစေ။ အသက်ရှည်ပါစေ။ ဘုန်းကြီးနိုင်ပါစေ။
🍀ဘေးအန္တရာယ်ကင်းရှင်းပါစေ။ အနာမျိုး ၉၆ ပါး ကင်းဝေးပါစေ။ စားရေရိက္ခာ ပေါကြွယ်ဝပါစေ။
🍀 စာဖတ်သူအပေါင်း ဘေးအန္တရာယ် ကင်းပါစေ🙏🙏🙏
35 933
လက်ရှိ နီပေါ နိုင်ငံမှာ ဖြစ်ခဲ့တဲ့ မိုးများပြီး ရေကြီးခဲ့တဲ့ ရုပ်သံ အခြေအနေလေး။
ခန့်မှန်း လူပေါင်း ၄၀၀ လောက် ပျောက်သွားတယ်လို့လည်း သတင်းတွေမှာ ဖော်ပြနေကြတယ်။
တောင်ကျရေဖြစ်တဲ့အတွက်ကြောင့်လည်း ပှောင်တိမ်းချိန် မရခဲ့တာမျိုး ဖြစ်မယ်။
(နရီမိုး)
35 933
"ထားဝယ်ရေနက်ဆိပ်ကမ်းနှင့် မဟာဗျူဟာမြောက် မြန်မာ့စီးပွားရေး အလားအလာ"
✅ထားဝယ်ရေနက်ဆိပ်ကမ်း စီမံကိန်းက ဘာကြောင့် ဒေသတွင်း စီးပွားရေးကို အလှုပ်အခတ် ဖြစ်စေတာလဲ။
✅ထားဝယ်ရေနက်ဆိပ်ကမ်းကနေ ဒေသတွင်း စီးပွားရေး စင်္ကြံကို ဘယ်လို ချိတ်ဆက်နိုင်မလဲ။
✅ဒီစီမံကိန်းက ထိုင်း -မြန်မာ အတွက် ဘယ်လိုအကျိုးအမြတ် ရှိစေနိုင်မလဲ။
အပြည့်အစုံကို မနက်ဖြန်ထွက်မယ့်. Trend News Journal - Vol (5)၊ No (32) မှာ ဖတ်ရှုနိုင်ပါသည်။
(နရီမိုး)
35 933
ရုရှားခရီးစဉ်ကနေ နျူးကလီးယား စီမံကိန်းအတွက် အကြမ်းဖျင်း Road map ချပြလာခဲ့တယ်။ ဒီစီမံကိန်းကို ၂၀၂၇ မှာ စမယ်ပေါ့။ နျူးကလီယား စီမံကိန်း နေရာက မြေငလျင်ကြော လွတ်ရမယ်။ ရေနဲ့ နီးရမယ်။ လူနေထူထပ်လွန်းတာလည်း မဟုတ်တဲ့ နေရာမျိုး ဖြစ်ရမယ်။ စက်မှုဇုန်ကိုလည်း အထောက်အပံ့ပေးနိုင်ရမယ်။ အဓိကကတော့ ဒီစီမံကိန်း စနိုင်ဖို့ နယ်မြေ အေးချမ်းတည်ငြိမ်မှုကို ကိုယ်တွေဘက်က အာမခံချက်ပေးနိုင်ဖို့က အဓိက ပဲ။
ဒီတော့ ရွေးချယ်စရာ နှစ်မျိုးရှိတယ်။ လက်နက်ကိုင်တွေကို ဥပဒေဘောင်ထဲရောက်အောင် ညှိနှိုင်း မလား။ ပြတ်ပြတ်သားသား ကိုင်တွယ်မလား။ ဒီ နည်းလမ်း နှစ်ခုပဲ ရှိတယ်။ အရင် မြန်မာ့နိုင်ငံရေးမှာ ကရင် ကြွရင်၊ ရှမ်းမြောက်ငြိမ်သလို၊ ရှမ်းမြောက်ငြိမ်ရင် ကရင်ဘက်က ကြွတာကလည်း ကလင်ဒါကျပဲ။ တချို့ စီမံကိန်းတွေက အရင်း အနှီးကြီးတယ်။ စကတည်းက ဆောက်နဲ့ ထွင်းတာမျိုး ဖြစ်ရင်....ဘယ်လောက်ကြီးကြီး Return ဖြစ်သွားနိုင်တယ်။
နောက်....လက်နက်ကိုင် အဖွဲ့တိုင်းကို EAO အမည်ခံပြီး ငြိမ်းချမ်းရေး အကုန်ဆွေးနွေးဖို့ကလည်း မဖြစ်နိုင်ဘူး။ ဒီနိုင်ငံက လက်နက်ကိုင်တွေဆိုတာ လက်နက်မဖြုတ်ချင်ဘဲ စီးပွားရှာချင်လို့ကို ၂၀၀၈ ခြေဥကို အသဲအသန် ငြင်းနေကြတာ။ ဒါကို ဘယ်လောက်အထိ စိတ်ရှည်မလဲ။ ဒါကို ဘယ်လို ဖြေရှင်းကြမလဲ ဆိုတာက အဓိက မေးခွန်းပဲ။
မဖြစ်မနေတွက်ရမှာက ဒီစီမံကိန်းတွေက ၅ နှစ်စာ စီမံကိန်းတွေမဟုတ်ဘူး။ နျူကလီးယားပဲဖြစ်ဖြစ်၊ ကျောက်မီးသွေး စက်ရုံပဲ ဖြစ်ဖြစ်၊ ထားဝယ်ပဲ ဖြစ်ဖြစ်၊ မြစ်ဆုံပဲ ဖြစ်ဖြစ်၊ CMEC ပဲဖြစ်ဖြစ်....အားလုံးက နှစ်ရှည်စီမံကိန်းတွေ။ မြန်မာ့နိုင်ငံရေးမှာ ရေရှည်နိုင်ငံရေးပဲ လုပ်လို့မရဘူး။ ပြည်သူ့အတွက်၊ သားစဉ်မြေးဆက်အတွက် အကျိုးရှိတယ်ဆိုပေမယ့် နောက်တဆက် ကိုယ်တွေ အစိုးရ မဖြစ်ရင် ၊ ဒါမှမဟုတ် နောက်လူက ပေါက်ကရ ထလုပ်ရင်လည်း ဒီစီမံကိန်းတွေက အချိန်မရွေး ရပ်သွားနိုင်တယ်။
ဖြစ်နိုင်ရင်တော့ ....နိုင်ငံရေး အရ ရေရှည်ရော၊ ရေတိုရော ယှဉ်တွဲ လုပ်စေချင်တယ်။ လက်ရှိရင်ဆိုင်နေရတဲ့ ရေဘေးကိစ္စတွေမှာ အင်တိုက်အားတိုက်နဲ့ အောင်မြင်မှု ရှိအောင် လုပ်စေချင်တယ်။ ကုန်ဈေးနှုန်း ကိစ္စတွေ၊ သွင်းကုန်၊ ပို့ကုန်ကိစ္စတွေမှာ အစိုးရ၊ ပြည်သူနဲ့ စီးပွားရေးသမား ၃ ဖက် ၃ တန် အဆင်ပြေမယ့် လမ်းကြောင်းတွေ ဖြစ်စေချင်တယ်။ လူကြီးက စေတနာကောင်းပေမယ့် အောက်က လိုက်လုပ်နေတဲ့သူတွေက တလွဲလုပ်ရင်လည်း မူဝါဒ ပျက်တာပဲ။ လက်ရှိ စာသင်ကျောင်းတွေမှာ သစ်သျှူး ငှက်ပျော ကိစ္စပဲ ကြည့်ပေါ့။
(နရီမိုး)
35 933
◾ နိုင်ငံရေးမှာတော့…အမြင်မတူတာတွေက ဖြစ်လေ့ဖြစ်ထရှိတဲ့ ထုံးစံပဲ။ ရှုထောင့် ဆိုတဲ့ နေရာမှာလည်း တာဝန်ယူရတဲ့သူနဲ့ ၊ ဘေးကကြည့်နေတဲ့သူ၊ တာဝန် မယူရတဲ့ သူ… စသဖြင့် အမျိုးမျိုး အထွေထွေ ရှိကြလို့…အမြင်ကွဲနေတဲ့ကိစ္စက မထူးဆန်းဘူး။ လက်ရှိ ထားဝယ်နဲ့ ပတ်သက်ပြီး အမြင်အမျိုးမျိုးရှိကြတာလည်း ဖတ်ရတယ်။ ဒီနေရာမှာ လူတိုင်း ကတော့…သူ့အမြင်နဲ့သူပဲရှိကြမှာပဲ။ ဒါပေမယ့် တစ်ချို့ ရှုထောင့်အမြင်တွေက စိတ်ကူး တောင်မယဉ်ကြည့်ဖို့ ပြောတာမျိုးကတော့…အဆိုးမြင်ဝါဒကြောင့်ပဲ ဖြစ်မယ်။
--------
◾ တကယ်က ထားဝယ်ရေနက်ဆိပ်ကမ်းစီမံကိန်းဆိုတာ…စင်ကာပူ ကျော်ဖို့၊ စင်ကာပူ ယှဉ်ဖို့အတွက်မှမဟုတ်ဘဲ။ ဒါကို လက်ရှိ စင်ကာပူဆိပ်ကမ်းရဲ့ အောင်မြင်မှုကို စံထားပြီး ထားဝယ်ကို တိုင်းတာတာကတော့ မဖြစ်သင့်ဘူးလို့မြင်တယ်။ သူတို့ပြောသလို စင်ကာပူ ဆိုတာကလည်း နှစ်ပေါင်း ရာချီကျော်ဖြတ်ပြီးမှ ဒီအဆင့်ကို ရောက်လာတာပဲ မဟုတ်ဘူး လားပေါ့။ တကယ်တော့…ထားဝယ်ဆိုတာက စင်ကာပူကို အစားထိုးဖို့ထက် ကိုယ်ပိုင် Regional Logistics Route တစ်ခု ဖန်တီးနိုင်ဖို့က ပိုအရေးကြီးပါတယ်။
---------
◾ နောက် …မလက္ကာအရေးကိစ္စက ဘယ်သူမှ ကြိုမပြောနိုင်တဲ့အရာပါ။ ကြိုမပြောနိုင်တဲ့ အရာကို မဖြစ်နိုင်ဘူးလို့ ကောက်ချက်ချလို့ မရနိုင်ဘူး။ တကယ်လို့သာ ပိတ်သွားခဲ့ရင် ဆိုတဲ့ မှန်းဆချက်နဲ့ တစ်ချို့ကိစ္စတွေကို အရံစီမံကိန်းပုံစံမျိုး တွက်ချက်ကြတာပါ။ ထားဝယ် ရေနက်ဆိပ်ကမ်းစီမံကိန်းက မလက္ကာပိတ်မှ တန်ဖိုးရှိတဲ့ပုံစံမျိုးလည်း မဟုတ်ဘူး။ ဆိုပါစို့…ထားဝယ်ရှိနေရင်…အိန္ဒိယသမုဒ္ဒရာကနေ အာဆီယံကို တိုက်ရိုက် ကုန်သွယ်ရေး လမ်းကြောင်းတစ်ခု ပွင့်လာမယ်။ ထိုင်း-မြန်မာ-ကမ္ဘောဒီးယားနဲ့ ဗီယမ်နမ်ဆိုတဲ့ ကုန်တွင်းလမ်းမကြီးတစ်ခုပွင့်မယ်။ ထားဝယ်မှာ စွမ်းအင်နဲ့ပတ်သက်ပြီး တည်ဆောက်နိုင်ရင်….ဒေသတွင်းနိုင်ငံတွေအတွက် စွမ်းအင်လုံခြုံရေး ရွေးချယ်စရာ တစ်ခုဖြစ်လာမယ်။ ဆိုလိုတာက…ထားဝယ်က စင်ကာပူကို ပုံတူကူးချတဲ့ စီမံကိန်းမျိုး မဟုတ်နေတာပါပဲ။ သဘောက…စင်ကာပူက သူနည်းသူဟန်နဲ့ အားသာချက်ရှိနေရင်… ထားဝယ်ကလည်း သူ့နည်းသူ့ဟန်နဲ့ အားသာချက်ရှိအောင် ဆွဲဆောင်နိုင်ဖို့ကသာ ပိုအရေးကြီးတာပါ။
--------
◾ ကုန်လမ်းနဲ့ အဆင့်ဆင့်သယ်ရတာက အချိန်ကုန်ပြီး ကုန်ကျစရိတ်များလို့ စီမံကိန်း မဖြစ်နိုင်ဘူးလို့ သုံးသပ်တာကလည်း အချိန်နည်းနည်းစောပါသေးတယ်။ လက်ရှိ ကုန်ကျစရိတ်ကိုကြည့်ပြီး အနာဂတ် Demand ကို ဆုံးဖြတ်လို့ မရပါဘူး။ ထားဝယ်ရဲ့ အနေအထားက မပြည့်စုံသေးဘူးဆိုပေမယ့်…နိုင်ငံတိုင်းရဲ့ စီမံကိန်းတွေတိုင်းက အခြေခံ အဆင့်ဖြစ်တဲ့ သုညကနေပဲ စကြရတာပါပဲ။ လက်ရှိ စင်ကာပူလည်း ဒီလို အနေအထားမျိုး ဖြစ်လာဖို့ လွန်ခဲ့တဲ့ ၁၈၁၉ လောက်ကတည်းက TEU သန်းချီနဲ့စတင်ခဲ့တာမှမဟုတ်ဘဲ။ ဒီနေ့ စင်ကာပူကို မယှဉ်နိုင်တာက မနက်ဖြန်လည်းမယှဉ်နိုင်ဘူးလို့ ဆုံးဖြတ်တာက… သိပ် တော့ ယုတ္တိမရှိနေဘူး။ နောက်…ဆိပ်ကမ်းအောင်မြင်ဖို့ သဘာဝဓာတ်ငွေ့ ရှာတွေ့မှ ဖြစ်မယ်ဆိုတာမျိုးနဲ့ကောက်ချက်ချတာမျိုးကတော့ နည်းနည်း လွန်တာပေါ့။ လက်ရှိ သဘောတူညီထားတဲ့ နျူကလီးယားစက်ရုံ အငယ်စားစီမံကိန်းတွေ၊ ကျောက်မီးသွေး စက်ရုံ၊ ရေနံချက်စက်ရုံ၊ စက်မှုဇုန်၊ ဆိပ်ကမ်းနဲ့ ထောက်ပံ့ရေးကွင်းဆက်တွေနဲ့လည်း Value chain တစ်ခု တည်ဆောက်ဖို့ ဖြစ်နိုင်ပါသေးတယ်။
--------
◾ ထားဝယ်ရေနက်ဆိပ်ကမ်းဖြစ်လာဖို့ ကြီးမားတဲ့စိန်ခေါ်ချက်တွေရှိတာ သာမန် စာဖတ်သူတွေတောင်သိနိုင်တဲ့အရာပါ။ ဆိပ်ကမ်းအတွက် ရထားလမ်းတွေ၊ အခြေခံ အဆောက်အအုံတွေ၊ သင်္ဘောပြုပြင်ရေးနေရာတွေ၊ ဘဏ်နဲ့ အာမခံစနစ်တွေ၊ အစိုးရ အုပ်ချုပ်ရေးစနစ်တွေနဲ့ Transshipment network တွေ…စသဖြင့် အများကြီး လိုအပ် ချက် ရှိနေသေးတာလည်း အမှန်ပဲ။ ပြီးပြည့်စုံတဲ့ ecosystem ရဲ့အစကိုတောင် မရောက်သေးတဲ့ စီမံကိန်းတစ်ခုလို့ပြောရင်လည်းမမှားဘူး။ ဒါပေမယ့် ထားဝယ်က စင်ကာပူရေနက်ဆိပ်ကမ်းကို ယှဉ်ပြိုင်ဖို့ စိတ်ကူးမယဉ်နဲ့ဆိုတာမျိုးအထိတော့… အဆိုးမြင်နဲ့ ပြောဖို့အချိန်မတန်သေးဘူးလို့ ထင်တယ်။ အဓိက…မြန်မာအစိုးရ အနေနဲ့ ပထမဆုံးအချက် ထားဝယ်ရေနက်ဆိပ်ကမ်းဖြစ်လာဖို့၊ ဒုတိယ…ဘယ်လိုစနစ်တကျ Run နိုင်မလဲ။ ဘယ်လို သက်သက်သာသာနဲ့ ဝန်ဆောင်မှုပေးနိုင်မလဲ…။ ဒါတွေလုပ်နိုင်ရင်… မလေးကျွန်းဆွယ်မပတ်ချင်သူတွေလည်း ထားဝယ်ကို အားကိုးချင် အားကိုးမပေါ့။
-----------
◾ ထားဝယ်က နေ့ခြင်း၊ ညခြင်းနဲ့တော့ စင်ကာပူအဆင့် မရောက်ဘူး။ ပထမဆုံး စွမ်းအင်နဲ့ စက်မှုဇုန်တွေ၊ ဒုတိယအဆင့် ထားဝယ်နဲ့ ထိုင်း ဆက်သွယ်နိုင်ဖို့၊ တတိယအဆင့် စက်မှုဇုန်တွေနဲ့ ထောက်ပံ့ရေးကွင်းဆက်တွေ၊ နောက်ပိုင်း တဖြည်းဖြည်းနဲ့ အိန္ဒိယ သမုဒ္ဒရာနဲ့ အာဆီယံချိတ်ဆက်ဖို့…စသဖြင့် ဆင့်ကဲသွားနိုင်တဲ့ အရာတွေ အများကြီး ဖြစ်လာနိုင်အောင် လုပ်လို့ရနိုင်ခြေရှိတယ်။ ထားဝယ်မှာ TEU သန်း ၄၀၊ ၅၀ ချမှ အောင်မြင်တဲ့ ဆိပ်ကမ်းလို့ ပြောလို့မရဘူး။ ဆင်လည်း ဆင်အထွာ၊ ဆိတ်လည်း ဆိတ်အထွာမျိုးပေါ့။ အနည်းဆုံးတော့…တနင်္သာရီတိုင်းမှာ လျှပ်စစ်မီးရမယ်။ ဒေသတွင်း MSME လေးတွေ အဆင်ပြေမယ်။ ထိုင်းတောင်ပိုင်းက စက်မှုဇုန်တွေနဲ့ချိတ်ပြီး ကုန်သွယ် ရေး အလားအလာကောင်းတွေရမယ်။ ဆိုတော့…ထားဝယ်ဖြစ်လာရင်..ရလာမယ့် အားသာချက်လေးတွေကိုလည်း နှိုင်းယှဉ်သုံးသပ်ဖို့တော့ လိုတာပေါ့။
---------
◾ တကယ်တော့…စိတ်ကူးယဉ်တယ်ဆိုတာ…ဖြစ်လာနိုင်စွမ်းအတွက် ပထမဆုံး တည်ဆောက်ကြတဲ့ လက်တွေ့ကျတဲ့ ခြေလှမ်းပါ။ ငှက်တွေကိုကြည့်ပြီး လေယာဉ်ပျံ တည်ဆောက်ကြတယ်။ လကမ္ဘာကိုသွားနိုင်ဖို့ လူတွေ ကြိုးစားကြတယ်။ ဒါတွေ အားလုံးက စိတ်ကူးယဉ်မှုဆိုတဲ့ အတွေးကနေပဲ ပေါ်ပေါက်ခဲ့ကြတာမျိုးပါ။ စိတ်ကူးယဉ်ရုံ နဲ့ ဆိပ်ကမ်းတစ်ခု မဖြစ်လာနိုင်ဘူးဆိုပေမယ့် ဒီလိုအခက်အခဲနဲ့စိန်ခေါ်မှုတွေကို ကြည့်နေပြီးတော့လည်း အနာဂတ် အလားအလာကို ပယ်ချလိုက်လို့ မရနိုင်ဘူး။ ထားဝယ် ဆိုတာ စင်ကာပူကို အစားထိုးဖို့ မဟုတ်သလို စင်ကာပူနဲ့ မတူတဲ့ အားသာချက်ကို တည်ဆောက်နိုင်ရင်…အောင်မြင်မှု ရနိုင်မယ့် အလားအလာတွေ ရှိပါတယ်။ အစိုးရ အတွက်က အဆင့်လိုက် လုပ်ဆောင်ရမယ့် ရင်းနှီးမြုပ်နှံမှုတွေ၊ လမ်းပန်းဆက်သွယ်ရေး နဲ့လုံခြုံရေး အာမခံချက်ပေးနိုင်ဖို့တွေ၊ ကုန်သွယ်ရေးစနစ် ခိုင်မာဖို့နဲ့ နိုင်ငံရေးတည်ငြိမ်မှုကို ဖြေရှင်းပြီး စနစ်တကျ အကောင်အထည်ဖော်နိုင်ရင်…ဒီခရီးက မဝေးပါဘူး။ ဒီချိန်မှာ တော့…တာဝန်ယူရတဲ့သူ ၊ ဘေးကကြည့်နေတဲ့သူ၊ တာဝန် မယူရတဲ့ သူတွေက ကိုယ်မြင် ရတဲ့ ရှုထောင့်ကနေ မျိုးစုံ မှတ်ချက်ပေးနေကြမှာပါပဲ။ ထားဝယ်ရေနက်ဆိပ်ကမ်းလို့ ပြောလိုက်ရုံနဲ့ စင်ကာပူကို မှီနိုင်စရာ မရှိပါဘူးဆိုပြီး အပိတ်သဘောမျိုး ယူဆတာကလည်း သူတို့ အမြင်ပါ။ ဒါပေမယ့် ထားဝယ်ဟာ ဆိပ်ကမ်း တခုတည်းကိုပဲ မှီခိုမယ့် စီမံကိန်း မဟုတ်တာတော့ သေချာပါတယ်။
(နရီမိုး)
35 933
◾ ဒီကနေ့မှာ ဗီယမ်နမ် နိုင်ငံခြားရေးဝန်ကြီးက နေပြည်တော်မှာ ကျင်းပမယ့် နှစ်နိုင်ငံ ပူးပေါင်းဆောင်ရွက်ရေး ပူးတွဲကော်မတီရဲ့ ၁၀ ကြိမ်မြောက် အစည်းအဝေးမှာ ပူးတွဲ ဥက္ကဋ္ဌ အဖြစ်နဲ့ ဆောင်ရွက်မယ်ဆိုပြီး သတင်းတွေကြားနေရတယ်။ ဘာပဲဖြစ်ဖြစ်…၂၀၂၁ ခုနှစ် နောက်ပိုင်း ဗီယမ်နမ်နိုင်ငံခြားရေးဝန်ကြီးအဆင့် ရောက်လာတာကတော့ မြန်မာ့နိုင်ငံရေး အတွက် ထူးခြားမှု တစ်ခုပါပဲ။ ဒီတော့ ဒီခရီးစဉ်ကနေ ဘာတွေဆက်ဖြစ်လာနိုင်မလဲဆိုတဲ့ သုံးသပ်ချက်တွေလည်း ရှိလာခဲ့တယ်။
--------
◾ ၂၀၂၁ နောက်ပိုင်း…. အာဆီယံက မြန်မာကို အဆင့်မြင့် အစည်းအဝေးတွေ ကနေ ကန့်သတ်ထားခဲ့တယ်ဆိုပေမယ့်…၂၀၂၅ ခုနှစ် ရွေးကောက်ပွဲကျင်းပပြီး အလွန်မှာတော့ တစ်ချို့ အနေအထားလေးတွေက ပြောင်းလဲစ ပြုလာပြီလို့ပဲ ပြောရမှာပဲ။ နိုင်ငံတကာ ဆက်ဆံရေးမှာ အိန္ဒိယ၊ တရုတ်၊ လာအို၊ ထိုင်း၊ ရုရှားနဲ့ ဘီလာရုစ်နိုင်ငံတွေကို သွားရောက်ပြီး သံတမန် ဆက်ဆံရေးအခြေအနေ မြှင့်တင်နိုင်ခဲ့တဲ့ မြန်မာက အရင်လို အာဆီယံရဲ့ ထုတ်ပြန်ချက်တွေအပေါ် ချက်ခြင်း တုံ့ပြန်ချက်တွေ ထုတ်ပြန်တာကလည်း ထူးခြားမှုတစ်ခုပဲ။ အာဆီယံ -မြန်မာ ဆက်ဆံရေးမှာလည်း ပြီးခဲ့တဲ့ ဇူလိုင်လ ၁၂ ရက်တုန်းက နိုင်ငံခြားရေးဝန်ကြီးတွေ အလွတ်သဘော တွေ့ဆုံခဲ့ကြတာလည်း ရှိခဲ့ သေးတယ်။ ခုလို ဗီယမ်နမ်နိုင်ငံခြားရေးဝန်ကြီး ရောက်လာတယ်ဆိုတာကလည်း တော်ရုံ နောက်ကွယ်က အကြောင်းတရားတွေ မရှိဘဲနဲ့တော့ ရောက်လာနိုင်စရာ အကြောင်း မရှိဘူးလို့ပဲ မြင်တယ်။
---------
◾ ပထမဆုံး ဗီယမ်နမ် အနေနဲ့ မြန်မာနိုင်ငံအပေါ် ဘယ်လိုသဘောထားသလဲဆိုတဲ့ သူ့ရဲ့ မူဝါဒက အဓိက ပိုကျနိုင်မလားပဲ။ သေချာတာကတော့…မြန်မာကို အာဆီယံရဲ့ အဖွဲ့ဝင် နိုင်ငံတစ်နိုင်ငံ ပုံစံမျိုး သဘောထားမယ်။ အာဆီယံ မူဘောင်ထဲကနေ Isolate လုပ်ထား တာထက်…ထိတွေ့ဆက်ဆံရေးဆိုတဲ့ မူကိုပိုပြီး တွန်းအားပေးနိုင်မယ့် သဘောရှိတယ်။ ဒါမှလည်း အာဆီယံရဲ့ ပဋိညာဉ်နဲ့လည်း ကိုက်ညီမှာပေါ့။ လက်ရှိ အနေအထားအရ ဆိုရင်…သံအမတ်အသစ်တွေ အပြန်အလှန်ခန့်အပ်ပြီး တစ်လအကြာမှာ ခုလိုမျိုး နိုင်ငံခြားရေးဝန်ကြီးအဆင့် တိုက်ရိုက်ဆက်သွယ်မှုတွေ လုပ်လာတာမျိုးက …ဗီယမ်နမ် အစိုးရရဲ့သဘောထားတွေကိုလည်း မှန်းဆကြည့်လို့ ရမယ်ထင်ပါတယ်။
--------
◾ ဖြစ်နိုင်၏ ၊ မဖြစ်နိုင်၏ ဆိုတာနောက်ထား… ထားဝယ်ရေနက်ဆိပ်ကမ်းနဲ့လည်း ဆက်စပ်မှု ရှိနိုင်သလားဆိုတဲ့ မှန်းဆချက်တွေလည်းရှိနေခဲ့တယ်။ မော်စကိုမှာ ကျင်းပခဲ့တဲ့ ရုရှား-မြန်မာ စီးပွားရေးဖိုရမ်မှာ ထားဝယ်ဆိပ်ကမ်းက မလက္ကာ ရေလက်ကြားကို ရှောင်ပြီး အိန္ဒိယသမုဒ္ဒရာနဲ့ ပစိဖိတ် ကုန်သွယ်ရေးလမ်းကြောင်းအတွက် ရွေးချယ်စရာ လမ်း ကြောင်းတစ်ခု ဖြစ်နိုင်ခြေများတယ်ဆိုပြီး ပြောခဲ့တာကိုလည်း သတိချပ်ဖို့ ကောင်းတယ်။ တကယ်လို့ ထားဝယ် ဖြစ်လာခဲ့ရင်…ထားဝယ်၊ ဘန်ကောက်၊ ဖနွမ်းပင်၊ ဟိုချီးမင်း အထိ ချိတ်ဆက်နိုင်မယ့် GMS တောင်ဘက်ပိုင်းစီးပွားရေးစင်္ကြံကို ပြည့်စုံသွားစေနိုင်မလားပဲ။
---------
◾ ဘယ်လိုပဲဖြစ်ဖြစ်…ပထမအဆင့်အနေနဲ့ ဗီယမ်နမ်-မြန်မာရဲ့ အဆင့်မြင့်နိုင်ငံခြားရေး ဆက်ဆံမှု ပြန်တည်ဆောက်မှုရဲ့ လမ်းစ ဖြစ်ပါတယ်။ အာဆီယံကြားမှာ နှစ်နိုင်ငံကြား ဆက်ဆံရေးတိုးမြှင့်မှုက တွန်းအားတစ်ခု ဖြစ်စေနိုင်သလို စီးပွားရေးအရလည်း အကျိုးစီးပွား ချိတ်ဆက်နိုင်ရင်…လျန်ချန်း-မဲခေါင် နိုင်ငံတွေအနေနဲ့ စုစည်းသွားနိုင်ခြေ များတယ်။ အကုန်လုံးကို ပြောဖို့စောနေသေးပေမယ့်… အာဆီယံ ဒေသတွင်းနိုင်ငံတွေ ထဲက နိုင်ငံတစ်ချို့နဲ့ ဆက်ဆံရေးကောင်းတွေ ပိုပြီးတည်ဆောက်လာနိုင်မယ့် အနေအထားမျိုးလည်း မြင်နေရတယ်။
(နရီမိုး)
35 933
မြတ်စွာဘုရား ရဲ့ အဆုံအမ တွေ ဟာ မှန်ကန်ပြီး
ပြည့်စုံတယ်။ကိုယ်တိုင်သိပြီး အမှန်အတိုင်း ဟောလို့
လိုအပ်ချက်မရှိပြည့်စုံတယ်။မြတ်စွာဘုရားက
ဘုရား ဟောတဲ့တရားက စာအုပ်ထဲပါတာ၊အစဉ်အလာ
ကို ကြည့်ပြီး ဟောတာမဟုတ်ဘူး။ကိုယ်တိုင်သိပြီး ဟောတာ ဟောတာ အမှားအယွင်းမရှိသည့်အတွက်
လိုက်နာတဲ့ပုဂ္ဂိုလ် ဟာ အကျိုးရနိူင်တယ်။
ဗုဒ္ဓတရားတော်ဟာ လုံးဝမလွဲတဲ့ လမ်းကြောင်းပဲ။
အဲဒီ့လမ်းကြောင်းဟာဗုဒ္ဓကိုယ်တိုင် ကျင့်ကြံလို့
ရရှိခဲ့တဲ့လမ်းစဉ်ပဲ။စရဏတရား (၁၅)ပါးရှိတယ်။
(၁၅)ပါးထဲမှာ ဗုဒ္ဓဘာသာတွေလိုက်နာရမှာ(၄)ချက်ပဲရှိတယ်။များသောအားဖြင့်ဘာသာတရားတွေက
ဆု တောင်းတာများတယ်။ဗုဒ္ဓကတော့ လမ်းညွှန်တယ်။
လိုအပ်ချက်ကဘာလဲ။လမ်းပြထားလို့ရှိရင် ကိုယ်ကိုယ်
တိုင် လျောက်ရမယ်။ ပြောင်းပြန် လျှောက်ရင်တော့
မရဘူး။မှန်မှန်ကန်ကန် လျောက်ရင်တော့ရမယ်။
ကိ လေသာချုပ် တော့ ကံချုပ်တယ်။
ကံ ချုပ် တော့ ကိလေသာမဖြစ် တော့ဘူး။
သခါရမရှိတော့ဘူး။သခါရမရှိတော့မှ ပြောင်းလဲမူ့
ရပ်မယ်။အဲဒီ့လမ်းစဉ်မှတ်ထားပြီး လိုက်နာကျင့်သုံး
ရမယ်။လိုက်နာရမယ့် အချက် ၄ချက်
#သီလ(သီလဆိုတာကုသိုလ်အားလုံးရဲ့ foundation
ပဲ။မ ပြောသင့်တာ မပြော၊ ပြောသင့်တာ ပြော၊လုပ်သင့်
တာလုပ်၊မလုပ်သင့်တာ မလုပ်။လူတစ် ယောက်ဟာ
မလုပ်သင့်တာ လည်းမလုပ်ရဘူး။လုပ်သင့်တာလည်း
လုပ်ရမယ်။ဝစီပိတ်လို့မရဘူး။ကောင်းတာကို ဝစီပိတ်
လို့ရပေမယ့်၊မကောင်းတာကို ဝစီပိတ် နေရင် အကျိုး
မရဘူး။ကိုယ်ကျင့်သီလပြည့်စုံရင် ချက်ချင်းရတဲ့အကျိုး
ဟာ အပြစ်ကင်းတဲ့ချမ်းသာရတယ်။ဗုဒ္ဓဘာသာ တွေ
အနေနဲ့ ကိုယ်ကျင့်သုံးလိုရတာ။
#အိန္ဒြေ (ဒွါရ၆ပါး)မှာ လောဘ၊ ဒေါသ၊ မောဟမဖြစ်
ရဘူး။ ကောင်းတာဆိုရင် စိတ်ကညွတ်သွားတယ်။
မ ကောင်းတာဆိုရင် ဒေါသထွက်သွားတာ။သတိ(၂)မျိုး
တွေကြုံတဲ့အခါ မမေ့မလျော့တဲ့သတိ၊ဖြစ်စဉ် ပေါ်မှာ
မမေ့မလျော့တဲ့သတိ။သိလကိုကာကွယ်ဖို့ သတိနဲ့နေပါ။
အစာအဟာရစားတဲ့အခါ သတိနဲ့ နေပါ။မတည့်တာမစားနဲ့
စားရင်ပညာနဲ့စား၊ဆင်ခြင်တုံတရား နဲ့စား။စားတဲ့အတိုင်း
အတာကို သိရမယ်။လူတိုင်းလုပ်နိူင်လားဆို တော့
ရခိုင်နှုန်းနည်းပါတယ်။ပညာက အားပျော့တယ်။လောဘ
က အားများတယ်။
#ဝီရိယ (နိုးနိုးကြားကြား အားထုတ်ပါ။ကိုယ်မှာ
သဒ္ဓါတရားရှိလား မရှိ သေးရင် ရှိအောင်လုပ်။
ကောင်းတဲ့အရေအသွေး တိုးတတ် အောင်လုပ်ပါ။
ဒီ၄ချက်နဲ့ နေဖို့ လိုတယ်။ဒီ၄ချက်နဲ့ နေရင်
လူဖြစ်ရကြိုး နပ်သွားပြီ။
#ပါချုပ်ဆရာတော်ဘုရားကြီး
35 933
🍀 မင်္ဂလာရှိသော နံနက်ခင်း ဖြစ်ပါစေ။ အကုသိုလ်ကင်းသော နေ့ရက်များ ပိုင်ဆိုင်ကြပါစေ။
🍀စိတ်၏ချမ်းသာ၊ ကိုယ်ကျန်းမာခြင်း ရှိကြပါစေ။ အသက်ရှည်ပါစေ။ ဘုန်းကြီးနိုင်ပါစေ။
🍀ဘေးအန္တရာယ်ကင်းရှင်းပါစေ။ အနာမျိုး ၉၆ ပါး ကင်းဝေးပါစေ။ စားရေရိက္ခာ ပေါကြွယ်ဝပါစေ။
🍀 စာဖတ်သူအပေါင်း ဘေးအန္တရာယ် ကင်းပါစေ🙏🙏🙏
35 933
ဖက်ဒရယ် ခေါင်းစဉ်အောက်ကနေ လူမျိုးစုကောင်းစားရေး ဘာညာသာရက ဆိုပြီး အော်နေကြတာက စစ်မှန်တဲ့ တောင်းဆိုမှု မဟုတ်နေတာ တွေ့ရတယ်။ ဖက်ဒရယ်ကို သီအိုရီအရပဲ ချိန်ထိုးထိုး၊ ပြည်နယ်ဖွဲ့စည်းပုံနဲ့ တောင်းဆိုချက်တွေက ဖြစ်သင့်တဲ့ နှုန်းထား တစ်ခုကို မကျော်ကြတာ မြင်ရလိမ့်မယ်။
ဒီနိုင်ငံမှာ ဖက်ဒရယ်ခေါင်းစဉ်တပ်အော်ပြီး လက်နက်ကိုင် လုပ်ချင်ရာ လုပ်ခွင့်ရနေတော့ ဘယ် လက်နက်ကိုင်ကမှ ဖက်ဒရယ်အတိုင်း မသွားလိုကြတော့ဘူး။ လက်ရှိ NCA ကို အားပျော့အောင် လုပ်တာကလည်း ဒီအချိုးပဲ။
တချို့ကိစ္စတွေက ခပ်ရှင်းရှင်းလေး လုပ်လို့ရပါရက်နဲ့ ဝှေ့ဝိုက်နေတာ အများကြီး။ ဥပမာ ရှမ်းလက်နက်ကိုင်တွေကိုပဲကြည့်။ ဒီလက်နက်ကိုင်တွေသာ ရှမ်းလူမျိုးရေး ဦးစားပေးရင် နှစ်ဖွဲ့ကွဲစရာ လိုလား။ ဒီလက်နက်ကိုင်တွေသာ သန္ဓေမှန်ရင် ရှမ်းပြည်မှာ တခြားပါတီ အနိုင်ရဖို့ လွယ်မလား။ ခုက ရှမ်းလူထု အတွက် ၊ ပင်လုံ စာချုပ်အရ ဘာညာ ဆိုပြီး ခေါင်းစဉ်တပ် လက်နက်ကိုင်၊ ဒီနှစ်ဖွဲ့ ညီညွှတ်ရေး အတွက်တောင် မလုပ်နိုင်ကြဘူး။ အစိုးရက ငြိမ်းချမ်းရေး ဆွေးနွေးပါပြီတဲ့။ ဘယ်အဖွဲ့က ရှမ်းလူထုကို ကိုယ်စားပြုသလဲ။ ဘယ်လက်နက်ကိုင်က ရှမ်းပြည်နယ် တခုလုံးကို ကိုယ်စားပြုသလဲ။ အကုန်လုံးက ဆက်ကြေး ကောက်လိုက် ၊ လူသစ်စုလိုက်နဲ့ သံသရာ လည်နေခဲ့တာလည်း ကြာခဲပြီ မဟုတ်ဘူးလားပေါ့။
ဒါက ရှမ်း တဖွဲ့တည်းမှ မဟုတ်ဘူး။ ရခိုင်လည်း အတူတူပဲ။ ကရင်လည်း အဖွဲ့ပေါင်း သောင်းခြောက်ထောင် ရှိတယ်။ ဒါတွေအကုန်လုံးကို All inclusive ဖြစ်အောင် လုပ်ပြီး သဘောတူညီချက် ရဖို့ဆိုတာ သိကြားမင်း ဆင်းလုပ်တောင် ငြိမ်းချမ်းရေးက သဘောတူညီချက် ရဖို့ မလွယ်ဘူး။
လက်ရှိ အခင်းအကျင်းအရ ပြည်နယ်အသစ် ရလိုတဲ့အဖွဲ့တွေရှိတယ်။ ဥပမာ ရှမ်းနီလိုမျိုး။ ဒေသခံတွေရဲ့ အသံ၊ လူမျိုးစု နေထိုင်ရာ ဒေသတွေ ခြုံငုံပြီး ပေးနိုင်၊ မပေးနိုင် စဉ်းစားရတော့မယ်။ တချို့ ဖွဲ့စည်းပုံအရ ကိုယ်ပိုင်အုပ်ချုပ်ခွင့်ရဒေသတွေ ရှိကြတယ်။ ဒါကို အထူးဒေသ ပုံစံနဲ့ ပြန်သွားလိုသူတွေလည်း ရှိကြတယ်။ အဓိကတော့ လက်နက်ကိုင်ပြီး စီးပွားရှာချင်ကြတဲ့ အရသာကို မစွန့်လွှတ်နိုင်ကြတာပါပဲ။ ဒါ့ကြောင့်လည်း ပြည်ထောင်စုထဲမှာတော့ နေတယ်။ ဗဟိုအုပ်ချုပ်မှုနဲ့ ဥပဒေ သက်ရောက်မှုကို မခံယူလိုတဲ့ သဘော မြင်ရတယ်။
ဒီတိုင်း တဒင်္ဂ အပစ်အခတ်ရပ်စဲ၊ ငြိမ်းချမ်းရေး လုပ်ထားရုံက လူသစ်စုဖို့၊ အင်အားကြီးဖို့အတွက် အခွင့်အလမ်း ပေးသလိုပါပဲ။ တကယ်ဆို ၁၀၂၇ မတိုင်ခင် MNDAA ရော၊ UWSA ရော နေပြည်တော်မှာ ငြိမ်းချမ်းရေးတွေ ဆွေးနွေးခဲ့ဖူးတာပဲ။ လက်နက်ကိုင်ပြီး စစ်ဘုရင် ဝါဒနဲ့သွားတာက အဖွဲ့တဖွဲ့အတွက် စီးပွားရေး အရ အကျိုးအမြတ် ရှိတယ် ဆိုပေမယ့် တိုင်းပြည်နာပါတယ်။ ဥပမာ KIA လိုမျိုးပေါ့။ မြေရှားထွက်တဲ့ နေရာတွေကို မောင်ပိုင် စီးထားပေမယ့် ဖက်ဒရယ်ရပိုင်ခွင့်ဖြစ်တဲ့ တခြား လူမျိုးစု ငယ်တွေအတွက်ကတော့ ဘာအကျိုး အမြတ်မှ မရနေဘူး။ ဒါပေမယ့် ဆိုးကျိုးဖြစ်တဲ့ မြေပြိုမှုတွေ၊ သဘာဝပတ်ဝန်းကျင် ထိခိုက်မှုတွေကိုတော့ ပြည်ထောင်စုက ခံပေးရတဲ့သဘော။
ပြည်ထောင်စု တစ်ခုလုံး တိုးတက်ဖို့ဆိုတာ လက်နက်ကိုင်တွေ မရှိမှ ဖြစ်မှာပါ။ နယ်စပ်ကုန်သွယ်ရေး လမ်းကြောင်း ပွင့်ဖို့ဆိုတာ G t G ခြင်း သွားနိုင်ဖို့ အရေးကြီးတာပါ။ စီးပွားရှာချင်တယ်။ လက်နက်လည်း မစွန့်ချင်ဘူး ဆိုတာက လက်ရှိ EAO တွေ ကြုံနေရတဲ့ အဓိက ပြဿနာပါ။ ဒါ့ကြောင့်လည်း ၂၀၀၈ ခြေဥကို တူးတူးခါးခါး ငြင်းနေတာပေါ့။
သွားရမယ့် လမ်းကြောင်းက လုပ်ပိုင်ခွင့်တွေ တောင်းဆို၊ သဘောတူညီချက်ရရင် ခြေဥပြင်ဆင်သတ်မှတ်၊ အစိုးရက သဘောတူရင် ပြည်နယ် ဝန်ကြီးချုပ်တွေ ရနိုင်ပေမယ့် ရေရှည် အကျိုးစီးပွားကို မက်တော့ ဒီလမ်းကြောင်းထက် သူတို့အုပ်ချုပ်ခွင့်ရမယ့် နယ်မြေ သတ်မှတ်ပေး၊ လက်နက်မစွန့်ဘူးဆိုတဲ့ အချိုးမျိုး ချိုးလာနေကြတာ။ ဒါ့ကြောင့်လည်း NCA က အားနည်းလာတာမြင်ရလိမ့်မယ်။
အကောင်းဆုံးက ပေးနိုင်တာကို လိုက်လျောပြီး မဖြစ်နိုင်တာ တောင်းဆိုနေတဲ့အဖွဲ့တွေကို ကြိတ်ဖို့ လိုနေတာပါပဲ။ အရမ်း သဘောထားကြီးပြနေရင်...ငြိမ်းချမ်းရေးက အေရွ့ဖြစ်ဖို့ ကန့်သက်ချက်ရှိနိုင်တယ်။ အစိုးရအတွက်က အချိန် ၅ နှစ်ပဲ ပေးထားချက်ရှိပေမယ့် EAO တွေဆိုတာက လက်နက်ကိုင်ထားသရွေ့ တိုင်းရင်းသားအရေး လုပ်နေဦးမှာပါပဲ။
(နရီမိုး)
35 933
တချို့စိတ်ဒဏ်ရာတွေက
အချိန်ကြာလာရင် ပျောက်သွားတာမဟုတ်ပါဘူး။
အဲဒီအရာကို ပြန်တွေးတိုင်း
ကိုယ့်စိတ်က ပြန်နာကျင်နေတတ်ပါတယ်။တရားသဘောအရတော့
“မဖြစ်ခဲ့ရင်ကောင်းမယ်” လို့ တွေးနေတာထက်
“ဖြစ်ပြီးသွားပြီ… ပြန်မပြောင်းနိုင်တော့ဘူး” လို့
လက်ခံတတ်ဖို့လိုပါတယ်။
အတိတ်ကို ပြန်မပြင်နိုင်ပေမယ့်
အတိတ်ကြောင့် ယနေ့စိတ်ကို
ဆက်ပြီး မနာကျင်အောင်တော့
ကိုယ့်စိတ်ကို လွှတ်ချတတ်အောင် လေ့ကျင့်နိုင်ပါတယ်။
လွှတ်ချတတ်တဲ့စိတ်က
အေးချမ်းခြင်းရဲ့ အစပါ။
ပါမောက္ခချုပ်ဆရာတော်ဘုရားကြီး ဒေါက်တာနန္နမာလဘိဝံသ🙏🙏🙏
35 933
🍀 မင်္ဂလာရှိသော နံနက်ခင်း ဖြစ်ပါစေ။ အကုသိုလ်ကင်းသော နေ့ရက်များ ပိုင်ဆိုင်ကြပါစေ။
🍀စိတ်၏ချမ်းသာ၊ ကိုယ်ကျန်းမာခြင်း ရှိကြပါစေ။ အသက်ရှည်ပါစေ။ ဘုန်းကြီးနိုင်ပါစေ။
🍀ဘေးအန္တရာယ်ကင်းရှင်းပါစေ။ အနာမျိုး ၉၆ ပါး ကင်းဝေးပါစေ။ စားရေရိက္ခာ ပေါကြွယ်ဝပါစေ။
🍀 စာဖတ်သူအပေါင်း ဘေးအန္တရာယ် ကင်းပါစေ🙏🙏🙏
35 933
ထိုင်း တောင်ပိုင်း အတိုက်ခံရတဲ့ ကိစ္စက ဒီလောက်ကြီး မရိုးရှင်းပါဘူး။ မြန်မာ့နိုင်ငံရေးသမားတွေ အိမ်စာ လုပ်တတ်ရင် ရခိုင်ဖြစ်စဉ်နဲ့ ချိန်ထိုးပြီး မီဒီယာပေါ်မှာ ခပ်ပါးပါးလေး စာထုတ်လို့ ရပါတယ်။
တကယ်တော့ တဖက်အဖွဲ့အစည်းက တယူသန် ယူစသလို ထိုင်းကို မြန်မာအစိုးရ ဖိတ်ခေါ်တာက နိုင်ငံရေး အရ အသိအမှတ်ပြုတာထက်ကို ပိုပါတယ်။ ထိုင်းရဲ့ လျှပ်စစ်ကဏ္ဍအတွက် မြန်မာ့ ကမ်းလွန်က အဓိကအသက်ပါ။ လက်ရှိ လည်း ထိုင်း ကုမ္ပဏီတွေက မြန်မာ့ကမ်းလွန်မှာ ရှိနေဆဲပါပဲ။
မြန်မာ သမ္မတကို ထိုင်း ကို ဖိတ်တယ်။ မြန်မာသမ္မတ ရုရှား မသွားခင်မှာ ထိုင်း နိုင်ငံခြားရေးက ရုရှား ရောက်လာတယ်။ မြန်မာ သမ္မတကြီး ရုရှားရောက်နေချိန်မှာ တပ်ချုပ်ကြီးကို ထိုင်း ကို ဖိတ်တယ်ဆိုတာ သာမန် ဆက်ဆံမှု ပုံစံမျိုး မဟုတ်နေဘူး။
သမ္မတ နှစ်ဦးကြား၊ ရုရှား စီးပွားရေးဝန်ကြီးရဲ့ ပြောကြားချက်ကိုကြည့်ရင် ထားဝယ်က အဓိက Key point ပါ။ မလက္ကာကို ၆ ရက်လောက် ကြာချိန်လျှော့ချနိုင်မယ့်အရေးနဲ့ ထားဝယ်ကနေ ထိုင်း၊ ထိုင်း ကနေ ဗီယမ်နမ် နန်းကျင်းအထိ ပေါက်မယ့်ကိစ္စကို ဒီနိုင်ငံတွေက ဘာကြောင့် မနှစ်သက်ရမှာလဲ။ နောက် အင်ဒို-ပစိဖိတ်နဲ့ အရှေ့တောင်အာရှမှာ တရုတ်နဲ့ အမေရိကန်ကလည်း အမြဲလိုလို တင်းမာမှု ရှိနေတာပဲ မဟုတ်ဘူးလား။ တရုတ်ရဲ့ မျဉ်း ၉ မျဉ်း ကိစ္စ၊ ထိုင်ဝမ် ပြဿနာ၊ ဖိလစ်ပိုင်နဲ့ အငြင်းပွားမှုတွေကို ချိနါထိုးရင်....မလက္ကာမှာ ပြဿနာ တက်လာနိုင်ခြေက တဖြည်းဖြည်း မြင့်မားလာနိုင်ခြေ များတယ်။
အဓိက ထိုင်းက မြန်မာကို ပေါင်းတယ်ဆိုတာက ထားဝယ်ပွင့်ရင် ပင်လယ် ထွက်ပေါက် တခု ရလိမ့်မယ်။ ရုရှားအတွင်ကလည်း ထားဝယ်မှာ LNG စက်ရုံတည်နိုင်ရင် ရေနံစိမ်းတွေကို ထားဝယ်မှာ ချက်ပြီး ဒေသတွင်းကို ပိုဖြန့်နိုင်လိမ့်မယ်။ စွမ်းအင် အတွက်တင်လား ဆိုတော့ မဟုတ်သေးဘူး။ ထားဝယ်မှာ ရင်းနှီးမြုပ်နှံမှုတွေ ဝင်လာရင် ....တခြား ကဏ္ဍပေါင်းစုံပါ လုပ်နိုင်တဲ့ နယ်ပယ် တစ်ခု ထပ်ရလိမ့်မယ်။ အရေးကြီးတာက ....အသစ် ဖော်ထုတ်တွေ့ထားတဲ့ ကမ်းလွန် လုပ်ကွက်တွေက ထားဝယ်နဲ့ ၄၅ ကလီမီတာလောက်ပဲ ဝေးတယ်။ ဆိုတော့ ရုရှားအတွက် တစ်ချက်ခုတ် ၊ နှစ်ချက်ပြတ်ပဲ။။
ခြုံပြောရရင်....ထိုင်း တောင်းပိုင်းအရေးက လက်ရှိပြဿနာတွေဆိုတာ ချိန်သားကိုက် ပေါ်လာတဲ့ နိုင်ငံရေး ပြဿနာပါ။ ထားဝယ် ပေါ်လာရင် စင်ကာပူနဲ့ မလေးလည်း အထိုက်အလျောက် အကျိုးစီးပွား ထိခိုက်မှာပါပဲ။ ထိုင်းက မြန်မာနဲ့ ပိုကပ်သွားနိုင်ခြေ ရှိသလို ကမ္ဘောဒီးယားနဲ့ ဗီယမ်နမ်တွေဆီကိုလည်း သမ္မတကြီးရဲ့ ခရီးစဉ်တွေ ထပ်ရှိလာနိုင်ခြေ များပါတယ်။ ထားဝယ် ရေနက်ဆိပ်ကမ်းက ဒီ Game ရဲ့ အဓိက အသက်ပါ။ ထားဝယ်လုပ်နိုင်ရင် မြန်မာ့နိုင်ငံရေး အလှည့်အပြောင်းက အများကြီး ဖြစ်လာပါလိမ့်မယ်။
(နရီမိုး)
35 933
ကံမကောင်းဘူး ဆိုရင်....
ဘုရားရှိခိုးရမယ်။
ဗုဒ္ဓဂုဏ်တော်ပွားရမယ်။
ပုတီးစိတ်ရမယ်။
မေတ္တာပို့ရမယ်။
သမထ_ဝိပဿနာ_ကမ္မဌာန်းအားထုတ်တာ
အကောင်းဆုံးပဲဖြစ်တယ်။
မနက် နေ့ ည ဘုရားရှိခိုးရင်
ကံကောင်းလာမယ်။
အဆောင်ပစ္စည်းက အားကိုးမရဘူး။
ဘုရား တရား သံဃာ ဂုဏ်တွေကသာ
အားကိုးရတာ။
မေတ္တာများများပွား ဒါတွေကို
ပရောဂသမ္ပတ္တိလို့ ခေါ်တယ်။
ကောင်းတာများများ
လုပ်ရင် ကံကောင်းလာမယ်။
မိမိသည်သာလျင်
မိမိရဲ့ကိုးကွယ်ရာပဲ။
ကံမကောင်းရင် စိတ်ဓာတ်
မကျနဲ့။
ဘယ်ကိစ္စပဲဖြစ်ဖြစ် ကြိုးစားရမယ်။
ကြိုးစားတဲ့သူက အနိုင်ရစမြဲပဲ။အဓိကကတော့စိတ်ဓာတ်မကျဖို့ပဲ။
(ပါမောက္ခချုပ်ဆရာတော်ဘုရားကြီး)
35 933
🍀 မင်္ဂလာရှိသော နံနက်ခင်း ဖြစ်ပါစေ။ အကုသိုလ်ကင်းသော နေ့ရက်များ ပိုင်ဆိုင်ကြပါစေ။
🍀စိတ်၏ချမ်းသာ၊ ကိုယ်ကျန်းမာခြင်း ရှိကြပါစေ။ အသက်ရှည်ပါစေ။ ဘုန်းကြီးနိုင်ပါစေ။
🍀ဘေးအန္တရာယ်ကင်းရှင်းပါစေ။ အနာမျိုး ၉၆ ပါး ကင်းဝေးပါစေ။ စားရေရိက္ခာ ပေါကြွယ်ဝပါစေ။
🍀 စာဖတ်သူအပေါင်း ဘေးအန္တရာယ် ကင်းပါစေ🙏🙏🙏
35 933
ကီဇီးမြို့ဆိုတာက တူဗာရဲ့ မြို့တော်ပါ။ ဒီမြို့လေးရဲ့ အထူးခြားဆုံး ပထဝီဝင်အချက်ကတော့ Great Yenisei (Bii-Khem) နဲ့ Little Yenisei (Kaa-Khem) ဆိုတဲ့မြစ်နှစ်စင်း ဆုံပြီး Yenisei မြစ် အဖြစ် ဆက်လက်စီးဆင်းသွားတဲ့ နေရာလေးမှာ မြို့တည်ထားတာ တွေ့ရတယ်။ အဲ့ဒီမြစ်ဘေးနားမှာ အာရှတိုက်ရဲ့ ဗဟိုချက်ဆိုတဲ့ အထိမ်းအမှတ်ရုပ်တုလေးလည်း ရှိနေတယ်။
ပထဝီဝင်အနေအထားအရ တောင်တန်းရှိသလို မြစ်ကြီး ၂ စင်းဆုံတဲ့ နေရာဖြစ်လို့ ရာသီဥတုကလည်း အပြောင်းအလဲ မြန်တဲ့ သဘောရှိတယ်။
ဒီမြို့လေးက ရုရှားရဲ့ တောင်ဘက် ဆိုကိဘေးရီးယား၊ မွန်ဂိုလီးယားနဲ့ နီးစပ်တော့ မြင်း၊ သိုး ၊ ဆိတ်တွေ မွေးမြူထားကြတာကလည်း ဒီဒေသလေးရဲ့ ထူးခြားချက် တစ်ခုပဲ။ ဗုဒ္ဓဘာသာကို ကိုးကွယ်သူ များသလို ယဉ်ကျေးမှု အပိုင်းမှာလည်း သမ္မတကြီးကို ကပြ ဖျော်ဖြေခဲ့တဲ့ လည်ချောင်းသံ နဲ့ သီဆိုတဲ့ ရိုးရာအက က ကီဇီးတို့ရဲ့ အဓိက ကမ္ဘာကျော် ရိုးရာ ဂီတလေး ဆိုတာ သတိထားမိတယ်။
ဘာပဲဖြစ်ဖြစ်...သမ္မတကြီးရဲ့ ရုရှား ၊ ဘီလာရုစ် ခရီးစဉ်က အာရှရဲ့ ဗဟိုချက်၊ ရုရှားတို့ရဲ့ ဗုဒ္ဓဘာသာ ဒေသ တစ်ခုမှာ အဆုံးသတ်ရင်း အောင်မြင်တဲ့ ခရီးစဉ်တစ်ခုကို ပြီးမြောက်ခဲ့ပြီလို့ ဆိုရမယ်။
(နရီမိုး)
35 933
CRPH ဆိုပြီး ၂၀၂၀ ရွေးကောက်ပွဲရလဒ်ကို ဆုပ်ကိုင်ထားနိုင်ဖို့ လက်ကျန်ပြည်ပြေး ကိုယ်စားလှယ်တွေနဲ့ စဖွဲ့ကြတယ်။ နောက်ပိုင်း သူတို့ကိုယ်သူတို့ NUG အစိုးရ ဆိုပြီး ဖွဲ့ကြပြန်တယ်။ အစိုးရလို့သာ ဆိုပေမယ့် ကျားဖြန့် မဖြစ်ခင်အထိ၊ ၁၀၂၇ မပေါ်လာသေးခင်အထိ KIA နဲ့ KNU လည်း NUG ကို ထောက်ခံကြောင်း မပြောသေးဘူး။
၁၀၂၇ ပေါ်လာတော့ EAO နဲ့ NUG က ဘယ်သူက ပိုလည်သလဲ ဆိုပြီး ပြိုင်ကြတယ်။ မြောက်ပိုင်း လက်နက်ကိုင်တွေကလည်း ဒါကနွေဦးတော်လှန်ရေး အစိတ်အပိုင်း ဆိုပြီး ဂျင်းကျွေးတယ်။ NUG ကလည်း EAO တွေကိုမှီပြီး သူတို့ပဲ နယ်မြေသိမ်းသလိုလို ဂျင်းထည့်တယ်။ နောက်ဆုံး MNDAA နဲ့ TNLA တို့က နွေဦးတော်လှန်ရေးကနေ ခွာပြဲသွားတဲ့အခါ....AA ကို SCEF ထဲ ထည့်နိုင်ဖို့ ကြိုးစားကြတယ်။
KNU ဆိုတာကလည်း ကျားဖြန့်ဂိုဏ်းတွေ နှိမ်နင်းခံရမှ အစိုးရကို တော်လှန်ကြတဲ့သူတွေပဲ။ ရှေ့က သတင်းစာရှင်းလင်းပွဲတွေမှာ KNU အဖွဲ့အစည်းက တာဝန်ရှိသူတွေကိုယ်တိုင် မြေငှားစာချုပ်နဲ့ လုံခြုံရေးအပိုင်းတွေမှာ သဘောတူစာချုပ်တွေရှိခဲ့တာကလည်း ငြင်းမရတဲ့ သက်သေအဖြစ်နဲ့ ချပြထားပြီးသား မဟုတ်လား။
လက်ရှိ အဟော့ဆုံးကတော့ NUG ရဲ့ CWC ကနေ အောင်ကြည်ညွန့်က နုတ်ထွက်တယ်ဆိုသတဲ့။ ရှေ့မှာ..... တာဝန်မယူနိုင်ဘဲ တော်လှန်ရေးကို အဓွန့်ရှည်အောင် လုပ်လာခဲ့ပြီးကာကြမှ....ယောင်ပြ နုတ်ထွက်ပြတာမျိုးက နိုင်ငံရေးမှာတော့ ကလေးကုလား ဆန်ပါတယ်။ အာဏာထိန်းတော့ Taxi ငှားပြီး ပြေးရတယ်ဆိုတဲ့ ဒေါက်တာ ဆာဆာတို့လည်း ချင်းလူထုအရေးပဲ လုပ်တော့တယ်။ ဘင်္ဂလီဝန်ကြီးကလည်း NUG နဲ့ အလုပ်မဖြစ်တော့ နုတ်ထွက်သွားသလို လူ့အခွင့်အရေးဝန်ကြီးဌာနကလည်း ဖျက်သိမ်းလိုက်တာ တွေ့ရပြန်တယ်။အတွင်းဝန်က အဂတိမှုမဖြေရှင်းဘဲ ကင်ဆာ ဖြစ်တယ်ပြောလိုက်ရုံနဲ့ သင်ပုန်းချေ လိုက်သလို ဒေါ်ညိုညိုသင်း ကိစ္စကလည်း ဒီတိုင်းပဲ ပြီးသွားတော့မယ် ထင်ရဲ့။
အဆိုးဆုံးကတော့ ....သံရုံးဘဏ်အကောင့်ထဲက ၂.၆ သန်းကိစ္စကို မရှင်းနိုင်ဘဲ မြန်မာနိုင်ငံကိုယ်စားပြု ကုလသမဂ္ဂ ကိုယ်စာလှယ်အဖြစ်နဲ့ ဆက်လုပ်ချင်ကြတဲ့သူတွေကလည်း ခုချိန်ထိတိုင် မျက်နှာပြောင်တိုက်နေဆဲပဲ။ တချို့သူတွေဝေဖန်ကြသလို လုပ်စားသမားတွေအတွက်တော့ ဒီတော်လှန်ရေးကြီး ပြီးမှာကိုယ်တောင် ကြောက်နေကြတယ် ဆိုတာ အမှန်ပဲ ဖြစ်လိမ့်မယ်။
ဒီ ၅ နှစ်တာကာလမှာ ဒေါ်စု နာမည်နဲ့ လုပ်စားကြ၊ နွေဦးတော်လှန်ရေးဆိုတဲ့ ခေါင်းစဉ်နဲ့ လူငယ်တွေရဲ့ အသက်တွေ၊ ဘဝတွေနဲ့ လုပ်စားကြ၊ တပ်မတော်ကို အပြုတ်တိုက်ဖို့ဆိုပြီး အလှူခံ Project တွေနဲ့ False Hope တွေပေးပြီး အနေအစားချောင်ချောင်နဲ့ မဲဆောက်တိုင်းပြည်မှာ နေရတာ.....၊ပြည်ပနိုင်ငံတွေမှာ နေရတာ လိပ်ပြာ လုံရဲ့လားလို့ မေးရမှာပဲ။ဒါနဲ့များ....တော်လှန်ရေးက ၃ လ မကြာဘူးဆိုပဲ။ တကယ့်ကို ပြောရဲ ဆိုရဲ ရပ်ကွက်တွေပဲ။
(နရီမိုး)
