ကဗျာ စာတိုများ💙

Hello ကိုမြင့်တို့စာအုပ်ထွက်မဲ့တိုက်ရဲ့ ဘဝထက်စာပေ channel linkလေး ရှိရင် မို့ ကိုပေးလို့ရမလားရှင့်

လူနှစ်ယောက်ရေစက်ကုန်တယ်ဆိုတာ တစ်ယောက်ယောက် အပြီးပျောက်ဆုံးသွားမှ ဖြစ်တာ မဟုတ်ဘူး အချစ်ရဲ့ တစ်ယောက်စိတ်ထဲမှာ တစ်ယောက်မရှိတော့တာမျိုး ဒါမှမဟုတ် တစ်ယောက်ဟာ အခြားတစ်ယောက်ကို စိတ်ထဲထည့်လိုက်တာမျိုးလည်း ရတယ် ။ -ရိပ်ငြိမ်

ပြန်တွေးကြည့်လိုက်တော့ ကိုယ်က စခဲ့တဲ့ ဇာတ်လမ်းကြီး ။ ကိုယ်ပဲ အဆုံးသတ်လိုက်ရင်ပြီးနေပြီ။ ကိုယ်သာ အနားကို မသွားခဲ့ရင် ကိုယ်သာ ချစ်မပေးခဲ့ရင် ကိုယ်သာ မစခဲ့ရင်...အဆုံးမှာ နာကျင်နေစရာမှမလိုတာ။ စ၊လယ်၊ဆုံး မှာ သူက ရပ်နေခဲ့တာ ကိုယ်သာ အတင်းပြေးဝင်လိုက် ၊ ပြန်ထွက်လာလိုက်နဲ့ မောနေရတာ - ညိုတင်

မလာခင်ကတည်းက နှင်ထုတ်ခံရခြင်းပါ မင်းကိုလည်း အပြစ်မမြင်ပါဘူး၊ သတ္တဝါတစ်ခု ကံတစ်ခုပဲလေအချစ်ရယ် မင်းသာမြင့်မြင့်ပျံ ကိုယ်သာနိမ့်နိမ့်ကျန်ခဲ့မယ်။ - စောညို

သူ့ဟာသူ ကွေ့သွားတဲ့မြစ်ကို ‎ဘာအပြစ် မြင်ချင်တာလဲ ‎ဒါမှမဟုတ် ‎ဘာ ချစ်ခင်ချင်တာလဲ ‎ ‎-မောင်ဦး ‎-လွမ်းတဲ့လူမျိုး

ခေတ်ကြီးကြောင့်အိမ်နဲ့ဝေးဝေးလာခဲ့ရ ခေတ်တိုင်းမှာလည်းအိမ်ပြန်နောက်ကျခဲ့တဲ့ သားမိုက်တွေပေါ့ ။ ကျွန်တော်သာ ငှက်ကလေးဖြစ်ခဲ့ရင်လေ ဒီခေတ်ကြီးထဲက ထပျံလိုက်တယ် ။    ။ - နွေသွေးညို

တစ်ယောက်ကိုတစ်ယောက်က ရှိုက်ကြီးတငင် ပွေ့ဖက်ခဲ့ရင်းပဲ ဖြစ်ဖြစ်၊ တစ်ယောက်ကိုတစ်ယောက်က ခြေစုံကန် လက်ပြန်နဲ့ရိုက်ခဲ့ရင်းပဲ ဖြစ်ဖြစ်၊ ထားခဲ့တာဟာ ထားခဲ့တာပါပဲ အချစ်ရယ် ။ - ဆစ်ခ်

အချိန်အကြာကြီးအထိ အတူတူရှိနေနိုင်တာဟာ ကံကြမ္မာမဟုတ်ဘူး။ ချစ်ခြင်းမေတ္တာပဲ။ -အယ်လ်နီလွန်း

ချစ်ခြင်းမေတ္တာဟာ ရိုးရှင်းပါတယ်။ ရရှိတယ် မရရှိဘူးဆိုတာ မေ့ထားတယ် ခနလေးရပ်ကြည့်တာကအစ ဘ၀ကလေးကို လက်လွှတ်ပေးလိုက်တာအဆုံး ကိုယ်ရှုံးမိသမျှ ကိုယ့်စေတနာပါပဲ ကမ္ဘာပေါ်မှာ ပန်းလေးတွေပွင့်တယ်ဆိုတာ ဘယ်သူ့ကို ထိခိုက်ဖူးလို့လဲ။ -ခွန်းညိုသွေး

ဝိညာဉ်အမွှာ --------------------- ငါစောင့်ထိန်းသမျှ သီလဟာ မင်းအတွက် အကာအကွယ်ဖြစ်ပါစေ ငါပြုဖူးသမျှ ဒါနသာ မင်းအတွက် အရိပ်အာဝါသဖြစ်ပါစေ ငါ့အတွက်ဖြင့် ဘဝဆက်တိုင်း မဟုတ်တောင် ည, မနက်တိုင်း မင်းဆံနွယ်လေးထိပြီး အိပ်ခွင့်နိုးခွင့် ရချင်လှတယ် ကောင်းကင်ရောက်ရောက် ငရဲရောက်ရောက် မင်းကို ပိုပြီး ချစ်နေပါ့မယ် ။ ဆန်းကျော်စွာဝင်း

“ငါမရှိတော့တဲ့နေ့” ငါမရှိတော့တဲ့အခါ ငါ့နာမည်တပ်ပန်းတွေ မလိုဘူး အဓိပ္ပါယ်မဲ့ဆုတောင်းသံတွေ မလိုဘူး ငါ့အကြောင်းကို ပြောဖို့ စကားတွေအများကြီးမလိုဘူး ငါ့ကိုလွမ်းဆွတ်နေမယ့် မျက်လုံးတစ်စုံကိုပဲ ငါလိုတယ်။ ငါ့နာမည်ကို ခေါ်တဲ့အခါ အသံတိုးတိုးလေးနဲ့ ရင်ဘတ်ထဲက ခေါ်နိုင်တဲ့သူ အဲ့ဒီလူတစ်ယောက်ရှိရင် ငါ့အသက်က သေသွားလည်း ငါ့အတွက်က မပျောက်သွားဘူး။ - သွယ်မြိတ်

"ကျွန်တော် အမြင့်ကြီးကို ပျံနိုင်တဲ့ အထိ မမ ကျွန်တော့်ကို စောင့်နေပါ။ အဲ့ဒီအခါကျရင် ကျွန်တော့် ပျော်ရွှင်မှုကို ကျွန်တော် ပြန်လာခေါ်မယ် ၊ မမကို ကျွန်တော် ပြန်လာခေါ်မယ်" -လက်ကျန်လရောင် -ပုညခင်

နှလုံးသားရဲ့အနက်ရှိုင်းဆုံးနေရာမှာ ငါမင်းကိုစောင့်နေခဲ့တယ် ။ မင်းက ချစ်တယ်လို့ပြောခဲ့ရင် ငါက ပိုချစ်တယ်လို့ပြောမယ့်လူပါ။ -သွယ်မြိတ်

သူ့ ဒဏ်ရာလည်း ကိုယ် မကြည့်နိုင် ကိုယ့် ဒဏ်ရာလည်း သူမကြည့်နိုင် ဒီလိုနဲ့ ကိုယ်တို့နှစ်ယောက်က ဒဏ်ရာကိုယ်စီနဲ့ အချင်းချင်း စောင့်ရှောက်ခဲ့ကြသည်။ -ပန်းပွင့်ငယ်

တစ်ခုခုဆိုရင် အရင်ဆုံးသတိရမိတာဟာ မင်းပဲ ။အဆင်ပြေတဲ့ အချိန်တွေမှာရော အဆင်မပြေ ဖြစ်ရတဲ့ အချိန်‌တွေမှာရော အရင်ဦးဆုံး အသိပေးချင်တာ မင်းပဲ ဖြစ်မယ် ။ ကိုယ့်မှာ မင်းကလွဲပြီး များများ စားစားမရှိတာ မင်းလည်း သိမှာပါ ။ သိတယ်မဟုတ်လား ။ -ခက်နှောင်

အချစ်ကိုလည်းကြောက်ပါတယ် စစ်ကိုလည်းကြောက်ပါတယ် ကျွန်တော်ဒီနိုင်ငံရဲ့လူဆင်းရဲပါ ။ -ရိပ်ငြိမ်

နာကျင်ခြင်းတွေမှာ ရွေးချယ်ပိုင်ခွင့်မရှိပါဘူး။ ခင်ဗျားမသိလို့  လှောင်ရယ်မိတာပါ။ ခင်ဗျားမသိလို့ ပြက်ရယ်ပြုတာပါ။ ခွင့်ပြုပါတယ် ခွင့်လွှတ်ပါတယ် ။ -ရွက်လှေ

အိပ်စရာမရှိတဲ့ ညတွေမှာ မိုးတွေ သိပ်ရွာတာပဲ အမေရယ် ။    ။ -မောင်ချောနွယ်

Music channel လေးပါရှင့်