ကဗျာစာတိုလေးများ 🍀

အနေနီးလို့တွေ အနေဝေးလို့တွေလာမပြောနဲ့ အချစ်ရဲ့အကွာအဝေးက ရင်ထဲမှာပဲရှိတယ် မင်းရင်ထဲဘယ်သူရှိလဲဆိုတာတော့ မင်းပဲသိခဲ့မှာပေါ့အချစ်ရာ ငါဘယ်တတ်နိုင်မလဲ ။ -စာတိုငဖြူ

"မမ အသက်ဘယ်လောက်ရှိပြီလဲ " "၂၄ နှစ်လေ မင်းသိသားနဲ့.... " "မသိပါဘူး ကျွန်တော်က ၄၂ နှစ်မှတ်လို့" "အာ ဒီကောင်လေး ငါခေါက်လိုက်ရ" "ခေါက်လေ မမ" "မခေါက်ပါဘူး ငါမေ့သွားလို့ မင်းက ကလေးမှမဟုတ်တော့တာ" "ကလေးမဟုတ်လည်းခေါက်လို့ရပါတယ် မမရဲ့ ခေါက်ပါ...ခေါက်ပါ" - ပုညခင်

မင်းပြန်လာရင် အကယ်၍များ မင်းပြန်လာခဲ့ရင် ငါ ငါ မင်းခြေစုံကို ဦးခိုက်ပြီးငိုပါ့မယ် ပြီးတော့ ထပ်ထွက်မသွားဖို့ မင်းကို ဖွက်ထားမယ်။

တာရာညို

ဘဝမှာ ကိုယ်ရပ်ကျန်နေခဲ့ရင် စောင့်ခေါ်တတ်တဲ့ ပြန်လှည့်လာတတ်တဲ့ချစ်ခြင်းမေတ္တာတွေကိုလည်း တွေ့ကြုံချင်ပါသေးတယ် ။

ခွန်းညိုသွေး

အရုပ်ကလေးကို သွားလေရာတိုင်း လက်ပေါ်က မချစတမ်း ကိုင်ထားတတ်တဲ့ မိန်းမတစ်ယောက်မှာ ဘယ်လိုလွမ်းဆွေးမှုမျိုး ထွေးပိုက်ထားရမယ် ထင်ပါသလဲ။ မမက ဟိုတစ်ယောက်ကို ချစ်တယ် ကျွန်တော်က မမကို ချစ်တယ်။ ။ - မောင်ဆောင်းခ

အလိမ်ခံခဲ့တာမဟုတ်ပါဘူး အချစ်ရယ် တကယ်တော့ ငြိမ်ခံခဲ့တာ ကံကောင်းမလားဆိုတဲ့ အတွေးနဲ့ မျက်လုံးမှိတ်ပြီး ချစ်ကြည့်ခဲ့တာ ။ -ခန့်သွယ် တွေးမိရေးရာကဗျာများမှ

‎သာယာသော ချစ်ခရီးလမ်းကို ‎ကိုယ် ဆုမတောင်း ‎လမ်းတွေမသာခဲ့ရင်တောင် ‎ကိုယ်တို့အချစ်နဲ့ ထိုးဖောက်မယ်။ ‎ ‎-မြတ်နွယ် ‎

နှစ်တွေလည်းကြာချင်တယ် အချစ်တွေလည်း မြဲချင်တယ် တွေ့ဆုံခဲ့ခြင်းက နောက်ကျပေမဲ့ မင်းနဲ့မှ ခက်ခက်ခဲခဲ စခဲ့ရတာမို့ ကိုယ့်ရဲ့ အချစ်တွေကို မင်းနဲ့ပဲ အဆုံးသတ်ချင်ပါတယ်💞

ပျော်အောင်ထားပါ့မယ်လို့ ပြောတဲ့လူဟာ ငိုအောင်လုပ်ရင် လုပ်မိလိမ့်မယ် ပျော်အောင်ထားပါ့မယ် မပြောတဲ့လူက ပျော်အောင်ထားရင် ထားမိလိမ့်မယ် တကယ်တမ်းက စကားလုံးတွေလှအောင်ပြောနေတာထက် အလုပ်နဲ့သက်သေပြတဲ့လူကိုသာ ကျွန်တော်တို့ ပိုလိုအပ်ပါတယ် ။ -Aung Thu Moe

လူတွေက သူတို့မမေ့ချင်တဲ့အရာတွေကို မေ့ဖျောက်လေ့မရှိကြဘူး မင်းက ကိုယ်မမေ့ချင်တဲ့ ပန်းကလေးတစ်ပွင့် ပါပဲ ။ ဒီထက်ပိုရင်တော့ ကိုယ့်ဥယျာဉ်ထဲ ရှားရှားပါးပါး ပွင့်ခဲ့တဲ့ပန်းကလေးပေါ့ ကိုယ်အရူးတယောက်လို တသသဖြစ်ခဲ့တာလည်း မဆန်းပါဘူး ။ #ဂန္ဓမာ #ဖူးပွင့်ဒေလီယာ

ကျွန်မ သိချင်လှပါရဲ့ မောင် ကျွန်မအပါးမှ ထွက်ခွာခဲ့စဉ်က မောင့်ခြေလှမ်းတို့ နာကျင်ခဲ့သေးသလား။ တွန့်ဆုတ်ခဲ့သေးလား။ ဝေခွဲရခက်ခဲ့သေးလား။ နည်းနည်းဖြစ်ဖြစ်လေ။ - ဂျူး

မင်းငါ့ကိုလှည့်မကြည့်တော့တာလဲကောင်းပါတယ် မဟုတ်ရင် နှစ်ယောက်လုံးချစ်လျက်နဲ့ ဝေးကြတယ်လို့ ငါထင်နေဦးမယ် ။ -လင်းလက်ကဘို

တစ်မိုးဟောင်းလို့ တစ်ဆောင်းသစ်ပြန်ပြီ တို့တတွေ ဒီထက်ပိုချစ်ကြရင် အနွေးထည်တောင် ၀တ်စရာမလိုဘူး။ -လှသန်း

ဝေးသွားကြတယ်ဆိုပေမဲ့ တစ်နေ့နေ့တော့... မင်းပြန်လာမှာပါဆိုတဲ့ စိတ်နဲ့ ပြန်ရှင်လာရတဲ့သူမလို့ အသက်ရှိနေတယ်ဆိုရုံလေးပါပဲ ။ ~ စာတိုငဖြူ

အဆင်မပြေတာတွေကို သေသေချာချာစုပီး တစ်နေရာရာမှာ တစ်ရက်လောက်တော့ သွားငိုဦးမယ်  ။    ။ - စစ်ငြိမ်း

အချစ်ရေ... ကမ္ဘာတစ်ပတ် ပတ်ပြီး ရှာမယ် ဆိုရင်တောင်... ကိုယ့်လောက် မင်းကို ချစ်တဲ့သူ ရှာတွေ့မယ် မထင်ဘူးကွယ်...။ -လောင်ချိတ်

"နှစ်တွေ အကြာကြီး ဘယ်လိုများ မြဲအောင်တွဲခဲ့သလဲ"တဲ့ သူက စချစ်တယ် ကိုယ်က ဆက်ချစ်တယ် ဒီလိုပဲပေါ့။ -သွယ်မြိတ်