ကဗျာ စာတိုများ💙

ချစ်ခြင်းမေတ္တာဟာ ရိုးရှင်းပါတယ်။ ရရှိတယ် မရရှိဘူးဆိုတာ မေ့ထားတယ် ခနလေးရပ်ကြည့်တာကအစ ဘ၀ကလေးကို လက်လွှတ်ပေးလိုက်တာအဆုံး ကိုယ်ရှုံးမိသမျှ ကိုယ့်စေတနာပါပဲ ကမ္ဘာပေါ်မှာ ပန်းလေးတွေပွင့်တယ်ဆိုတာ ဘယ်သူ့ကို ထိခိုက်ဖူးလို့လဲ။ -ခွန်းညိုသွေး

ဝိညာဉ်အမွှာ --------------------- ငါစောင့်ထိန်းသမျှ သီလဟာ မင်းအတွက် အကာအကွယ်ဖြစ်ပါစေ ငါပြုဖူးသမျှ ဒါနသာ မင်းအတွက် အရိပ်အာဝါသဖြစ်ပါစေ ငါ့အတွက်ဖြင့် ဘဝဆက်တိုင်း မဟုတ်တောင် ည, မနက်တိုင်း မင်းဆံနွယ်လေးထိပြီး အိပ်ခွင့်နိုးခွင့် ရချင်လှတယ် ကောင်းကင်ရောက်ရောက် ငရဲရောက်ရောက် မင်းကို ပိုပြီး ချစ်နေပါ့မယ် ။ ဆန်းကျော်စွာဝင်း

“ငါမရှိတော့တဲ့နေ့” ငါမရှိတော့တဲ့အခါ ငါ့နာမည်တပ်ပန်းတွေ မလိုဘူး အဓိပ္ပါယ်မဲ့ဆုတောင်းသံတွေ မလိုဘူး ငါ့အကြောင်းကို ပြောဖို့ စကားတွေအများကြီးမလိုဘူး ငါ့ကိုလွမ်းဆွတ်နေမယ့် မျက်လုံးတစ်စုံကိုပဲ ငါလိုတယ်။ ငါ့နာမည်ကို ခေါ်တဲ့အခါ အသံတိုးတိုးလေးနဲ့ ရင်ဘတ်ထဲက ခေါ်နိုင်တဲ့သူ အဲ့ဒီလူတစ်ယောက်ရှိရင် ငါ့အသက်က သေသွားလည်း ငါ့အတွက်က မပျောက်သွားဘူး။ - သွယ်မြိတ်

"ကျွန်တော် အမြင့်ကြီးကို ပျံနိုင်တဲ့ အထိ မမ ကျွန်တော့်ကို စောင့်နေပါ။ အဲ့ဒီအခါကျရင် ကျွန်တော့် ပျော်ရွှင်မှုကို ကျွန်တော် ပြန်လာခေါ်မယ် ၊ မမကို ကျွန်တော် ပြန်လာခေါ်မယ်" -လက်ကျန်လရောင် -ပုညခင်

နှလုံးသားရဲ့အနက်ရှိုင်းဆုံးနေရာမှာ ငါမင်းကိုစောင့်နေခဲ့တယ် ။ မင်းက ချစ်တယ်လို့ပြောခဲ့ရင် ငါက ပိုချစ်တယ်လို့ပြောမယ့်လူပါ။ -သွယ်မြိတ်

သူ့ ဒဏ်ရာလည်း ကိုယ် မကြည့်နိုင် ကိုယ့် ဒဏ်ရာလည်း သူမကြည့်နိုင် ဒီလိုနဲ့ ကိုယ်တို့နှစ်ယောက်က ဒဏ်ရာကိုယ်စီနဲ့ အချင်းချင်း စောင့်ရှောက်ခဲ့ကြသည်။ -ပန်းပွင့်ငယ်

တစ်ခုခုဆိုရင် အရင်ဆုံးသတိရမိတာဟာ မင်းပဲ ။အဆင်ပြေတဲ့ အချိန်တွေမှာရော အဆင်မပြေ ဖြစ်ရတဲ့ အချိန်‌တွေမှာရော အရင်ဦးဆုံး အသိပေးချင်တာ မင်းပဲ ဖြစ်မယ် ။ ကိုယ့်မှာ မင်းကလွဲပြီး များများ စားစားမရှိတာ မင်းလည်း သိမှာပါ ။ သိတယ်မဟုတ်လား ။ -ခက်နှောင်

အချစ်ကိုလည်းကြောက်ပါတယ် စစ်ကိုလည်းကြောက်ပါတယ် ကျွန်တော်ဒီနိုင်ငံရဲ့လူဆင်းရဲပါ ။ -ရိပ်ငြိမ်

နာကျင်ခြင်းတွေမှာ ရွေးချယ်ပိုင်ခွင့်မရှိပါဘူး။ ခင်ဗျားမသိလို့  လှောင်ရယ်မိတာပါ။ ခင်ဗျားမသိလို့ ပြက်ရယ်ပြုတာပါ။ ခွင့်ပြုပါတယ် ခွင့်လွှတ်ပါတယ် ။ -ရွက်လှေ

အိပ်စရာမရှိတဲ့ ညတွေမှာ မိုးတွေ သိပ်ရွာတာပဲ အမေရယ် ။    ။ -မောင်ချောနွယ်

Music channel လေးပါရှင့်

သွေးထွက်နေတဲ့ ကျွန်မနှုတ်ခမ်းဟာ ကျွန်မကိုယ်တိုင်ကိုက်ဖဲ့ထားတာဘဲ မောင် ၊ အဆင်ပြေချင်ယောင်ဆောင်ပြီး ငိုနေတာတွေကို မောင်တော့သိမယ်မထင်ဘူး ၊ လက်သည်းတွေဖြတ်လိုက်တယ် ၊ ဆံပင်တွေညှပ်လိုက်တယ် ၊ မပျော့ညံ့ဘဲ သတ္တိရှိသလိုနေနေပေမယ့် "ကျွန်မပြိုလဲနေတယ် မောင်" ၊ မောင်ဆွဲထူလိမ့်မယ်လို့တော့ ကျွန်မမမျှော်လင့်ဘူး ၊ "မောင့်လက်နှစ်ဖက်လုံးဟာ အခြားမိန်းမဆီမှာကိုး" ။ -လင်းညို

လူတစ်ယောက်ဟာ လူဖြစ်ရှုံးကြောင်း ပြသဖို့ လူ့ဘဝကို စွန့်လွှတ်ရမှာလား ။ ငယ်ငယ်တုန်းက လူကြီးတွေကို အားကျတယ် အသက်ကြီးလာတော့ ကလေးတွေကို အားကျတယ် ။ -လှသန်း

ပင်ပန်းစရာတွေ ပိုလာတဲ့အခါ မင်းကိုပဲ အရင်ဆုံး သတိရတယ် ။ အသိပေးချင်တယ် မျှဝေခံစားပေးစေချင်တာမျိုးမဟုတ်ဘဲ မင်းရှိနေရင် ပင်ပန်းစရာ‌တွေ မေ့ထားလို့ရတယ် ပြေပျောက်ရတယ် ၊ နွေးထွေးရတယ် ။ အဲဒီခံစားချက်လေးကို ကိုယ်လည်း သိသလို မင်းလည်း သိမယ် ထင်ပါတယ် ။ - ခက်နှောင်

ပြန်မလိုချင်တော့ဘူး ပြောပြီး ပြန်လာမလား စောင့်မျှော်နေတတ်တဲ့ မိုးတိမ်ဟာ ကိုယ်ပဲ။ -လင်းညီ

“အခက်အခဲတွေကြားက တူတူတွဲပြီး တိုးထွက်မှာပေါ့"တဲ့။ ဘာမှမရှိတဲ့ ဘဝထဲကို ဘာမှမကြည့်ဘဲ ဝင်ရဲတယ်ဆိုတာ ချစ်ခြင်းမေတ္တာမှာပဲရှိတဲ့ အနှစ်သာရပါပဲ။ -ဂျူး

အချိန်အခါမဟုတ် မိုးတွေရွာတော့ အတိတ် မေ့သူများ ပြန်သတိရ ။ -ဂန္ဓမာ

ခင်များက ကျွန်တော့်ရဲ့ နွေဦးလေးပဲ ခင်များ ရောက်လာတာနဲ့ ကျွန်တော့်ကမ္ဘာတစ်ခုလုံး ပန်းတွေပွင့်တော့တာပဲ။ -ဖရော်ဆန်