Education Channel 🇲🇲🇲🇲🇲🇲🇲🇲🇲🇲

Відкрити в Telegram

You can discuss educational knowledge, taste and feelings. https://www.youtube.com/@educationchannel2019

📈 Аналітичний огляд Telegram-каналу Education Channel 🇲🇲🇲🇲🇲🇲🇲🇲🇲🇲

Канал Education Channel 🇲🇲🇲🇲🇲🇲🇲🇲🇲🇲 (@educationalchannelmm) у мовному сегменті Бірманська є активним учасником. На даний момент спільнота об'єднує 23 121 підписників, посідаючи 8 566 місце в категорії Освіта та 6 114 місце у регіоні М'янма.

📊 Показники аудиторії та динаміка

З моменту свого створення невідомо, проект продемонстрував стрімке зростання, зібравши аудиторію у 23 121 підписників.

За останніми даними від 06 липня, 2026, канал демонструє стабільну активність. Хоча за останні 30 днів спостерігається зміна кількості учасників на 3 349, а за останні 24 години на 133, загальне охоплення залишається високим.

Статус верифікації: Не верифікований
Рівень залученості (ER): Середній показник залученості аудиторії становить 26.11%. Протягом перших 24 годин після публікації контент зазвичай збирає 11.59% реакцій від загальної кількості підписників.
Охоплення публікацій: В середньому кожен допис отримує 6 016 переглядів. Протягом першої доби публікація в середньому набирає 2 670 переглядів.
Реакції та взаємодія: Аудиторія активно підтримує контент: середня кількість реакцій на один пост – 28.

📝 Опис та контентна політика

Автор описує ресурс як майданчик для висловлення суб'єктивної думки:
“You can discuss educational knowledge, taste and feelings. https://www.youtube.com/@educationchannel2019”

Завдяки високій частоті оновлень (останні дані отримано 07 липня, 2026), канал підтримує актуальність та високий рівень охоплення публікацій. Аналітика показує, що аудиторія активно взаємодіє з контентом, що робить його важливою точкою впливу в категорії Освіта.

23 121

Підписники

+13324 години

+6947 днів

+3 34930 день

6 016

Перегляди допису

~ 2 67024 години

~ 3 39748 годин

26.11%

Коефіцієнт залучення

~ 9

Дописів на день

Ads index

beta

Архів дописів

23 144

၂၀၂၆-၂၀၂၇ ပညာသင်နှစ် ၊သီတင်းကျွတ်ပိတ်ရက် (၂၅-၁၀-၂၀၂၆)မှ(၁-၁၁-၂၀၂၆)ထိ (၈)ရက်။ ဒီဇင်ဘာပိတ်ရက် (၂၂-၁၂-၂၀၂၆)မှ(၂၇-၁၂-၂၀၂၆)ထိ (၆)ရက်

23 144

■ မန္တလေးတိုင်းဒေသကြီးတွင် အစိုးရကျောင်း၁၂ခု အား အဆင့်လျှော့ချ မန္တလေးတိုင်းဒေသကြီးတွင် အစိုးရကျောင်း၁၂ ခုအား အဆင့်လျှော့ချခဲ့ကြောင်း တိုင်းပညာရေးမှူးရုံးမှ သတင်းရရှိသည်။ ကျောင်းပေါင်းစည်းရေးစီမံချက်အရ အထက်တန်းအဆင့်မှအလယ်တန်းအဆင့်သို့ လျှော့ချခဲ့သည့်ကျောင်း၂ကျောင်း၊ အထက်တန်း အဆင့်မှ မူလတန်းအဆင့်သို့လျှော့ခဲ့ကျောင်း ၁ကျောင်း၊ မူလတန်းလွန်မှ အမက အဆင့်သို့လျှော့ချခဲ့သည့်ကျောင်း ၇ကျောင်း၊အလယ်တန်းမှ မူလတန်းသို့လျှော့ချခဲ့သည့်ကျောင်း ၂ကျောင်း စုစုပေါင်း ၁၂ကျောင်းရှိသည်ဟု သိရသည်။ " ကျောင်းပေါင်းစည်းရေးစီမံချက်အရ လုပ်နေတာကြာတော့ကြာပါပြီ။ ခုမှ စာရင်းထွက်လာတာပေါ့။ လျှော့ချရတဲ့အကြောင်းရင်းကတော့ ကျောင်းသားဦးရေတွေ လျော့သွားတာကြောင့်ပါ။ ဆရာ၊ ဆရာမတွေလည်းအများကြီးပိုနေတာတွေလည်းရှိတာမို့ ပိုလာတဲ့ဆရာ၊ ဆရာမတွေကို လိုအပ်တဲ့ကျောင်းတွေဆီ ပို့မည့်အစီအစဉ်ရှိပါတယ်။ ဥပမာ အထက၁၅ ဆိုလို့ရှိရင် အထက်တန်း ကျောင်းသားဦးရေ ၁၆ဦး၊ အလယ်တန်းမှာ၂၄ဦးပဲရှိတော့ စုစုပေါင်း၄၀ပဲရှိတယ်။အဲဒီကျောင်းသား၄၀ကို သူနဲ့ကပ်လျက်ရှိတဲ့ကျောင်းတွေဖြစ်တဲ့ အထက၂၊ အလက၇၊ အထက၁၄ ကျောင်းတွေမှာ ကျောင်းပြန်တက်ဖို့ စီစဉ်ထားပါတယ်" ဟု ဒုတိယညွှန်ကြားရေးမှူးချုပ် ဒေါက်တာစိုးမြင့်ထွန်းက ကျောင်းများအဆင့်လျှော့ချခြင်းနှင့်ပတ်သက်ပြီး ပြောကြားခဲ့သည်။ မန္တလေးမြို့၊ ချမ်းအေးသာစံမြို့နယ်ရှိ အစိုးရအထက်တန်းကျောင်း၃ခုအနက် အထက၁၅အား မူလတန်းအဆင့်၊ အထက၆နှင့် အထက၂၃အား အလယ်တန်းအဆင့်သို့လည်းကောင်း လျှော့ချခဲ့ခြင်းဖြစ်ပြီး ချမ်းအေးသာစံမြို့နယ်အတွင်းရှိ အလယ်တန်းကျောင်း ၂ကျောင်းအပါအဝင် တိုင်းဒေသကြီးအတွင်းရှိ ဝမ်းတွင်း၊ညောင်ဦး၊ ကျောက်ပန်းတောင်းမြို့နယ်များမှ ကျောင်း ၉ကျောင်းတို့အား အဆင့်လျှော့ချခဲ့ခြင်းဖြစ်သည်။ ► ပုံစာ - မန္တလေးမြို့ရှိ အထက်တန်းကျောင်း တစ်ကျောင်းကို တွေ့ရစဉ်

23 144

အခြေခံပညာဦးစီးဌာန ၂၀၂၆-၂၀၂၇ ပညာသင်နှစ် တတ်မြောက်မှုစစ်ဆေးအကဲဖြတ်ခြင်းလုပ်ငန်း ဆောင်ရွက်မည့် အစီအစဥ်နှင့် အခြေခံပညာ အဆင့်အလိုက် တတ်မြောက်မှုစစ်ဆေးရန် ဖြေဆိုချိန်နှင့်ပေးမှတ် သတ်မှတ်ချက်

23 144

#ခြေစုံကန်ရာ ရင်ခွင်တစ်စုံ #မူလတန်းက ဆရာ/မ တွေကို အလယ်တန်းရောက်တော့ မေ့ကုန်ကြတယ်........ #အလယ်တန်းက ဆရာ/မ တွေကို အထက်တန်းရောက်တော့ မေ့သွားကြတယ်။ #အခြေခံက ဆရာ/မ တွေကိုလည်း ဘော်ဒါတွေ/ကျူ ရှင်တွေရောက်တော့ မေ့သွားကြပြန်ရော………။ #ဆယ်တန်းအောင်စာရင်းတွေထွက်တော့ ကလေးတွေက ဘော်ဒါ တွေ နေလို့အောင်တာတဲ့။ ကျူ ရှင်တွေနေလို့ အောင်တာတဲ့..... ဟုတ်ပါတယ်။ ကလေးတွေတော်တာ ဘော်ဒါတွေ တော်လို့ပါ။ ကျူ ရှင်တွေ အသင်အပြကောင်းလို့ပါ။ ဘော်ဒါ တွေ ကျူ ရှင်တွေမနေဘဲနဲ့ ဆယ်တန်းကို အောင်လာတဲ့သူတွေလည်း ဒုနဲ့ဒေးပါပဲ..... ဘော်ဒါထားမှ ကျူရှင်ထားမှ ဆယ်တန်း အောင်တာမဟုတ်ပါဘူး..... #ဘာသာစုံးဂုဏ်ထူးနဲ့အောင်တော့ ငါးဘာသာနဲ့အောင်တဲ့သူကိုမေ့နေတယ်.... #ငါးဘာသာနဲ့အောင်တော့ လေးဘာသာနဲ့အောင်သူကိုမေ့တတ်တယ်..... #လေးဘာသာနဲ့အောင်တော့ သုံးဘာသာနဲ့အောင်သူကိုမေ့တတ်တယ်.... #သုံးဘာသာနဲ့အောင်တော့ နှစ်ဘာသာနဲ့အောင်သူကိုမေ့တတ်တယ်.... #နှစ်ဘာသာနဲ့အောင်တော့ တစ်ဘာသာအောင်သူကိုမေ့တတ်တယ်.... #တစ်ဘာသာနဲ့အောင်တော့ ရိုးရိုးအောင်တဲ့သူတွေကိုမေ့တတ်တယ်... #ရိုးရိုးအောင်တဲ့သူတွေအောင်တော့ ဆယ်တန်းမအောင်တဲ့သူတွေကို မေ့တတ်တယ်..... ဒါတွေကလူ့သဘာဝတွေပါ...... #ဝမရှိဘဲ ဝိ မဖြစ်ပါဘူး..... အိမ်တစ်လုံးကိုဆောက်မယ်ဆိုရင် အခြေခံအုတ်မြစ် ခိုင်ခံ့ဖို့လိုပါတယ်နော်.... #လှေကားတစ်ခုကနေအပေါ်ကို တက်မယ်ဆိုရင် အောက်ဆုံးထစ်ကနေပြီး တက်ရပါတယ်........ ခုံပျံ ကျော်လွှားပြီး ပြေးတက်လို့မရပါဘူး။ #ကကြီး ခခွေး လက်ရေးလှလေးသင်ပေးတာ..... #A, B, C, D အက္ခရာလေးတွေ လှလှလေးရေးတတ်အောင်လက်ကလေးကိုင်ပြီး သင်ပြခဲ့တာ..... ၁ ။ ၂ ။ ၃ ။ ၄ သင်ပေးခဲ့တာ ဘော်ဒါတွေကလား …ကျူ ရှင်ကလား...... #စာမရ လို့ အိမ်ပြန်လွှတ်တာ အစိုးရကျောင်းတွေက မဟုတ်ပါဘူးနော်..... #ငွေကြေးမပြည့်စုံလို့ ကျောင်းမတက်ရတာ အခြေခံပညာ အစိုးရကျောင်းတွေမှာမဟုတ်ပါဘူး။ အခြေခံပညာကကျောင်းတွေဆိုတာ သူတောင်းစားလွယ်အိတ်ကလေးလိုပါပဲ။ ဟိုက တောင်းလို့ရတာ ထည့်.... ဒီကတောင်းလို့ရတာလည်းထည့်ပေါ့.... ဘယ်မိဘမှ သားဆိုးသမီးဆိုး စွန့်ပစ်ရိုးထုံးမရှိပါဘူး..... အခုတော့ တက္ကသိုလ်ဝင်စာမေးပွဲ အောင်စာရင်းတွေထွက်တဲ့အချိန်တိုင်း မူလတန်း ၊ အလယ်တန်း ၊ အထက်တန်းက သင်ဆရာတွေမှာတော့ လူမသိပဲ တံခါးပိတ် ငိုနေခဲ့ကြတာလေ..... #ကလေးတွေစာမေးပွဲအောင်လို့ ဝမ်းသာခဲ့ရတဲ့ မျက်နှာက တစ်ခြမ်း ကလေးတွေ စာမေးပွဲ ကျ လို့ ဝမ်းနည်းခဲ့ရတဲ့ မျက်နှာက တစ်ခြမ်း လူတစ်ကိုယ် စိတ်နှစ်မျိးနဲ့အသက်ရှင်နေတာ အခြေခံက သင်ဆရာတွေပါ..... #အခြေခံပညာအစိုးရကျောင်းဆိုတာ တော်တဲ့သူနဲ့ညံ့တဲ့သူတွေကို ခွဲခြားထားတာလည်းမဟုတ်ပါဘူး။ ချမ်းသာသူနဲ့ ဆင်းရဲသူတွေကိုလည်း ခွဲခြားထားတာမဟုတ်ပါဘူး။ ဘယ်ကလေးကိုမှ ဘက်မလိုက်ဘဲ သာတူညီမျှ ကိုယ့်ကျောင်းဂုဏ်ရောင် တိုးတက်ဖို့ ကြို းစားသင်ပေးနေတဲ့ ကျောင်းတွေပါ..... #ပြီးတော့ စာကိုပဲသင်တဲ့ကျောင်းလည်း မဟုတ်ပါဘူး… စာကိုလည်းသင် လူကိုလည်းပြင်တဲ့ ကျောင်းလေးတွေပါ။ ဘက်စုံတော်အောင်သင်ပေးတဲ့ကျောင်းပါ။ စာတတ်အောင်သင်ပေးတာမဟုတ်ဘူး ပညာတတ်အောင်သင်ပေးတဲ့ကျောင်း။ ဝန်ထမ်းအပြည့်အစုံနဲ့ သင်ပေးရတဲ့ ကျောင်းလည်းမဟုတ်ပါဘူး။ လိုအပ်ချက်ပေါင်းများစွာနဲ့သင်ပေးနေရတဲ့ ကျောင်းလေးတွေပါ။ တစ်ပွဲတိုးသင်ပေးတဲ့ကျောင်းမဟုတ်ပါဘူး တစ်ဘဝစာအတွက် သင်ပေးတဲ့ကျောင်းပါ။ ဂုဏ်ထူးတွေ တန်းစီ အောင်ချက်တွေ မိုးထိုးနေတဲ့ ဘော်ဒါတွေ ကျူ ရှင်တွေမြင်ရ တော့ ပျော်ပါတယ်..... ဘာလို့လည်းဆိုတော့ တပည့်တွေမျက်နှာ ပြုံးပန်းဝေနေလို့ပေါ့...... #မင်းတို့လေးတွေ အတွက် ဂုဏ်ယူပါတယ်။ အခြေခံက သင်ဆရာတွေကတော့ အောင်တဲ့သူတွေအတွက် အားပေးရဦးမယ် ကျ တဲ့သူတွေအတွက် နှစ်သိမ့်ပေးရဦးမယ်။ #လဲနေသူ ထူမပေးရဦးမယ်လေ..... တို့တွေကတော့ တပည့်ဆိုးတွေကိုလည်း သွန်သင်ရမယ် တပည့်မိုက်တွေကိုလည်းပဲ့ပြင်ရဦးမယ်..... #ဒီကျောင်းကြီးထဲကနေ မင်းတို့တွေ ခြေစုံကန်လို့ ထွက်ခွါသွားလည်း အပြုံ းများနဲ့ ချီ တက်နေဆဲပါ...... #တို့တွေရဲ့ ဘဝတွေက သူငယ်တန်းသင်ဆရာတွေကစလို့ ဒဿ မတန်းသင်ဆရာတွေအထိဟာ အမြဲတမ်း အစွန့်ပစ်ခံဘဝတွေပါ။ အမြဲတမ်းအပါယ်ခံဘဝတွေပါ။ #မင်းတို့ ကောင်းစားသွားတော့ ဘော်ဒါ တွေ ကျူ ရှင်တွေကပဲ ကောင်းစားပြီး နာမည်ရကြတာပါ..... #ငယ်ငယ်က မင်းတို့ခြေရာတွေ အက်ကြောင်းထပ်နေတဲ့ မိခင်ကျောင်းတော်ကြီးကတော့ အငိုမျက်လုံးအပြုံးမျက်နှာနဲ့ အနာဂတ်အတွက် ခရီးဆက်နေဆဲပါ..... #Credit #ဆုမြတ်(ပညာရေး) မည်သူ့ကိုမျှမရည်ရွယ်ပါ🤍

23 144

🏫🆚🏢 ဘာသာစုံ ဂုဏ်ထူးရှင်ရတဲ့ ကိုယ်ပိုင်ကျောင်း ၁၆ ကျောင်းနဲ့ အထက ၄ ကျောင်းပဲ ပါဝင်နိုင်ခဲ့တဲ့ ပညာရေးရလဒ်ပိုင်း ကွာဟချက်အပေါ် ဘယ်လိုမြင်ကြလဲ 🏆 ● ၂၀၂၆ ခုနှစ် တက္ကသိုလ်ဝင်စာမေးပွဲ၏ အဓိကအသက်မွေးဝမ်းကျောင်းလိုင်းများဖြစ်သည့် သိပ္ပံနှင့် ဝိပ္ပံဘာသာတွဲ အမှတ်အများဆုံးနဲ့ ဘာသာစုံ ဂုဏ်ထူးရှင် (၁၀) ဦးစီ ထိပ်ဆုံးစာရင်းများကို ကြည့်မည်ဆိုပါက ကိုယ်ပိုင်ကျောင်း (ကပက) များမှ ကျောင်းသား (၁၆) ဦးအထိ ပါဝင်နေပြီး အစိုးရအထက်တန်းကျောင်း (အထက) များမှ ကျောင်းသား (၄) ဦးသာပါဝင်တာကို တွေ့ရှိရပါတယ်၊၊ ထိုသို့ သိပ္ပံနှင့် ဝိပ္ပံအတွဲများတွင် အစိုးရကျောင်းများ အဘယ်ကြောင့် ရလဒ်ပိုင်း ခြေလှမ်းပျက်နေရသနည်းဟူသော မေးခွန်းအပေါ် လူထုကြား ရေပန်းစားနေသော်လည်း အမှန်တကယ်တွင်မူ ဤရလဒ်သည် ကျောင်းနှစ်ခု၏ သင်ကြားရေးအရည်အချင်း ကွာခြားမှုတစ်ခုတည်းကြောင့် မဟုတ်ဘဲ နောက်ကွယ်က စနစ်ပုံစံ ကွဲပြားခြားနားမှုများကြောင့် ဖြစ်ပါတယ်၊၊ ● ပထမဆုံး ကွာခြားချက်မှာ ကျောင်းသားလက်ခံသည့် စနစ်ပင် ဖြစ်ပါတယ်၊၊ နာမည်ကြီး ကိုယ်ပိုင်ကျောင်းများသည် ကလေးများ၏ အရည်အချင်းကို အစကတည်းက စနစ်တကျ စိစစ်ပြီး၊ အတော်ဆုံး၊ အညွန့်ဆုံးကလေးများကိုမှ ရွေးချယ်ကာ ဝင်ခွင့်ဖြေဆိုခိုင်းပြီး လက်ခံကြခြင်း ဖြစ်ပါတယ်၊၊ တစ်ဖက်တွင်မူ အခြေခံပညာအစိုးရကျောင်းများမှာမူ တပည့်များကို ရွေးချယ်ပိုင်ခွင့်၊ ငြင်းဆန်ပိုင်ခွင့် လုံးဝမရှိပါ၊၊ မြေပြင်က ဆရာမများ၏ ရင်ဘတ်ထဲကလာသည့် စကားအတိုင်း "ဘယ်သူလာလာ ငါ့သားသမီးတွေပဲ" ဟု ဆိုကာ မည်မျှအခြေခံအားနည်းသည့် ကလေးဖြစ်ပါစေ မေတ္တာတရားဖြင့် ပေါင်းစုံရင်ခွင်ဖွင့် လက်ခံသင်ကြားပေးနေရသဖြင့် အောင်ချက်နှင့် ရလဒ်ပိုင်းတွင် ကိုယ်ပိုင်ကျောင်းများက အစကတည်းက အသားစီးရနေခြင်း ဖြစ်ပါတယ်၊၊ ● အဓိကအကျဆုံး အကြောင်းရင်းတစ်ခုမှာ မနေ့က ကျောင်းအုပ်ကြီးအချို့၏ ရင်ဖွင့်ချက်များအရ အစိုးရကျောင်းများတွင် မူလတန်း၊ အလယ်တန်းကတည်းက ဆရာမများ သွေးသားလို ပြုစုပျိုးထောင်လာခဲ့ပြီး တက္ကသိုလ်ဝင်တန်းရောက်လျှင် သေချာပေါက် ဂုဏ်ထူးများစွာ ထွက်မည့် ထူးချွန်ကျောင်းသားများသည် Grade-11 နှင့် Grade-12 (အထက်တန်းအဆင့်) ရောက်သည့်အခါ နာမည်ကြီး ကိုယ်ပိုင်ကျောင်းများနှင့် ဘော်ဒါဆောင်များသို့ ပြောင်းရွှေ့သွားကြခြင်း ဖြစ်ပါတယ်၊၊ ထိုသို့ ပြောင်းရွှေ့သည့်အခါ ကျောင်းအုပ်ကြီးများအနေဖြင့် တားပိုင်ခွင့်မရှိသလို၊ ကျောင်းပြောင်းလက်မှတ် (T.C) ထုတ်မပေးဘဲ နေ၍လည်း မရပါ၊၊ ထို့ကြောင့် အစိုးရကျောင်းက အခြေခံကောင်းအောင် ပျိုးထောင်ပေးလိုက်သည့် လက်ရွေးစင်များကို ဆွဲခေါ်ပြီးမှ ရရှိလာသည့် အောင်ချက်အပေါ် အခြေခံကာ အစိုးရကျောင်းများကို စာသင်ညံ့သည်ဟု ဝေဖန်၍မရနိုင်ကြောင်း ပကတိအရှိတရားက သက်သေပြနေပါတယ်၊၊ ● သို့သော်လည်း တစ်ဖက်တွင်မူ ပညာရေးရလဒ်ဆိုသည်မှာ ငွေကြေးတတ်နိုင်ခြင်း၊ မတတ်နိုင်ခြင်းတစ်ခုတည်းပေါ်တွင် မူတည်နေသည်မဟုတ်ဘဲ ကလေး၏ ကိုယ်တိုင်ကြိုးစားအားထုတ်မှုကသာ အဓိကကျကြောင်း ဆွေးနွေးထားကြပါတယ်၊၊ အဘယ်ကြောင့်ဆိုသော် ကိုယ်ပိုင်ကျောင်းထားဖို့၊ ဂိုက်ကျူရှင်စရိတ်ပေးဖို့ မတတ်နိုင်သော်လည်း မိမိခြေထောက်ပေါ်မိမိရပ်ကာ အစိုးရကျောင်းပညာရေးဖြင့်သာ ကြိုးစားအားထုတ်ပြီး တစ်နိုင်ငံလုံး ထိပ်တန်းစာရင်းဝင်လာခဲ့သည့် လှိုင်သာယာက ဆင်းရဲနွမ်းပါးသည့် ကလေးငယ်များ၏ အောင်မြင်မှုက သက်သေပြနေပြီး၊ ထိုကဲ့သို့သော ထူးချွန်သူ ကြယ်ပွင့်ကလေးများ၏ စစ်မှန်သော တန်ဖိုးကို လူ့အဖွဲ့အစည်းတစ်ခုလုံးက ပြန်လည်အသိအမှတ်ပြုရန် လိုအပ်နေပြီ ဖြစ်ပါတယ်။ ကိုယ်ပိုင်ကျောင်းတွေနဲ့ ယှဉ်ရင် အစိုးရကျောင်းတွေ ပညာရေးရလဒ်ပိုင်းမှာ အခုလို ကွာဟချက် ရှိနေရတဲ့အပေါ် ပရိသတ်ကြီးအနေနဲ့ရော ဘယ်လိုထင်မြင်ယူဆကြလဲ... ဘယ်လိုအချက်တွေကို ပြုပြင်ပြောင်းလဲဖို့ လိုအပ်နေပြီလဲဆိုတာ ဆွေးနွေးပေးခဲ့ကြပါဦး...။ #MSSK #မောင်စွယ်စုံကျမ်း #ဗဟုသုတ #၂၀၂၆တက္ကသိုလ်ဝင်စာမေးပွဲ #ပညာရေးဆောင်းပါး #ထိပ်တန်းဆယ်ဦး #အစိုးရကျောင်းနှင့်ကိုယ်ပိုင်ကျောင်း #ပညာရေးစနစ်

23 144

အမှန်တရားအတွက် မငြင်းခုံပါနဲ့ ပညာရေး ------------------------------------------- ၁။ သိပ္ပံတွဲ အမှတ်အများဆုံး ကပက တွေ အစိုးရကျောင်း တစ်ကျောင်းပဲပါတယ်... ၂။ ဝိပ္ပံတွဲ အစိုးရကျောင်း ၈ကျောင်း ကပက ၃ကျောင်း ၃။ ဝိဇ္ဇာတွဲ အစိုးရကျောင်း ၉ကျောင်း ပြင်ပဖြေ ၁ဦး တော်တဲ့သူတွေ သိပ္ပံတွဲယူတယ် Eng မလိုက်နိုင်ရင် Eco ယူတယ်။ ညံ့ရင် ဝိဇ္ဇာယူတယ်... ကပကကျောင်းတွေကပိုတော်တယ်ဆိုတာမျိုး.... Data နဲ့ ချိန်ထိုးကြည့်ရင် ကိုယ်ရတဲ့ကျောင်းသားနဲ့ပဲဆိုင်တယ်။ Top 10 ထဲဝင်တဲ့ ကျောင်းသား အချိန်ပြည့်ကျောင်းမှာပဲနေသလား...ဘယ်လောက်ကျောင်းက ဦးစားပေးထားသလဲ... သီးခြားပံ့ပိုးရသလား ... မူလကတည်းက တောက်မည့်မီးခဲက တရဲရဲပါ။ မြန်မာနိုင်ငံမှာ မလှိုင်ရယ် မဟော်သဓာရယ် တက်ရင် ဂုဏ်ထူးထွက်ကိုထွက်မယ်ဆိုတာမျိုး မတက်နိုင်လို့ ပြန်ထွက်လာသူတွေ ထုနဲ့ဒေး.... သေချာတာတစ်ခုက အဲံဒီမှာတက်တဲ့ကလေးတွေ စည်းကမ်းသေဝပ်မှုကွာတယ်... စာကျက်ရတဲ့ ပုံစံ မကြိုက်သူတွေအများကြီး... ဝိဇ္ဇာတွဲ ဘာကြောင့်အစိုးရကျောင်းပဲထွက်သလဲ... ဘယ်မှတက်မရလို့ အဲဒီတစ်နေရာပဲရှိလို့ပါ။ သိပ္ပံတွဲ သင်တဲ့ ဆရာ ခက်ခဲတဲ့နေရာတွေမှာ များသောအားဖြင့် ဝိဇ္ဇာတွဲပဲယူကြရတာ...မို့ပါ။ ကပကကျောင်းတွေကနိုင်ငံတော်ကပေးတဲ့ ဆုယူရင် အစိုးရကျောင်းလို အဖြူအစိမ်းပဲဝတ်ပါဆိုတာမျိုး ကန့်သတ်လာပြီး၊ လူကြီးတွေကို အမှန်အတိုင်းသိမှာကြောက်လာတယ်.... ကပကကျောင်းတွေမှာ တရားဝင်ဝတ်စုံရှိပြီးသား မို့ ဖုံးကွယ်စရာမှမဟုတ်တာ... မှန်ကန်တဲ့ ယှဉ်ပြိုင်မှုပဲဖြစ်စေချင်ပါတယ်။ စိတ်ထဲမှာ ကပကကျောင်းတွေ မရှိဘူးလို့ တွေးကြည့်ရင် ကျောင်းသားတွေအတွက် အစိုးရကျောင်းမှာ နေရာလုံလောက်ရဲ့လား အရင်တွေးရပါလိမ့်မယ်... နိုင်ငံရဲ့ အရင်းအမြစ် ပညာရေးကို တူတူလျှောက်လှမ်းပံ့ပိုးနေကြတဲ့ ပညာရေးမိသားစု ကြီးလို့ တွေးလိုက်ရင် ဝိဝါဒတွေ မကွဲတော့ပါဘူး။ ဘယ်ကတော်တော် တို့နိုင်ငံက ကလေးတွေပါပဲ....

23 144

ပြည်နယ်နှင့်တိုင်းဒေသကြီးများမှ ဘာသာတွဲအလိုက် အမှတ်အများဆုံး ရရှိသူများစာရင်း။

23 144

Huge congratulations to our incredible students who secured positions in the Top 10 in the exam results! 🌟 Your dedication, sleepless nights, and relentless hard work have officially paid off. You didn’t just set the bar; you raised it. We could not be prouder to celebrate this massive milestone with you. 🤝 The future looks incredibly bright for these young minds. Drop a ❤️ or a comment below to send them your warmest congratulations! 👇

23 144

G1 မှ G3 သည် စာမေးပွဲမရှိ သို့ပေမယ့်အတန်းတွင်း စစ်ဆေးခြင်းတော့ရှိတယ်........ မူအောက်ဆင့်ပုံစံ အတန်းတွင်းစစ်ဆေးပုံစံ Item or Rubric ပြုစု၍ (က) အလွန်ကောင်း၊ကောင်း၊ထပ်မံကြိုးစားရန်လို (ဦးရေပေါင်း)မှတ်တမ်းရလဒ် (ခ) တစ်နေ့ချင်းစစ်ဆေးရလဒ်မှတ်တမ်း (ဦးရေအလိုက်) ( ဂ ) တစ်နေ့ချင်းရလဒ် ၅ရက်ရလဒ်ကို ထည့်သွင်းရတဲ့ သီတင်းပတ် ၄ပတ်ဖော်ပြရတဲ့ (လအလိုက်ထည့်သွင်း)ရလဒ်မှတ်တမ်း (ဃ) တစ်လထည့်သွင်းပြည့်သွားတဲ့အခါ ၂လတစ်ကြိမ် ရလဒ် ၊ ၃လတစ်ကြိမ်ရလဒ် အချုပ်ပုံစံ ရလဒ်မှတ်တမ်း (င) 5Cs ရလဒ်ပေးမှတ်တမ်း (စ) (ဃ)ပုံစံရလဒ်ကို QCPR ထဲထည့် ......................... မူထက်ဆင့် မှလယ်ဆင့် ပုံစံတကျစစ်ဆေးခြင်းဖြစ်၍စာမေးပွဲရှိ မေးခွန်းပြုစုပြီး (က) စာဖြေသူစာရင်းပုံစံ (ခ) ရှိဖြေပျက်စာရင်းပုံစံ (ဂ) စာမေးပွဲမှတ်တမ်း ပုံစံ၅မျိုး (ဃ) ကျောင်းခေါ်ကြိမ်အလိုက်ပြ ပုံစံ (ယခင်၊ယခု၊စုစုပေါင်း၊ပျမ်းမျှ) (င) ကျောင်းလုပ်ငန်းအမှတ်ပေးပုံစံ (စ) 5Cs ရလဒ်ပေးမှတ်တမ်း (ဆ) QCPR ထဲရလဒ်ကူးပြောင်း ............................... ကုန်ကျမှုနှုန်းမြင့့်လာတဲ့အခါ....မှတ်တမ်းအချို့လျှော့တော့မယ်ဆိုပြန်တော့ ပြန်တွေးကြည့်ပြန်တော့မပြည့်မစုံတော့ကိုယ်တိုင်လည်းဘဝမကျ.....သင်ကြားရေးတွေဘက်ကကြည့်ပြန်တော့လည်း သူတို့ခမျာလည်း သင်ကြားရေးရောဒီစာရင်းတွေရော..နေ့စဥ်မှတ်တမ်းတွေနဲ့ရောဆိုတော့မနားရဘူး....ဒီတော့ဖိုက်တင်းထားပါဆရာမတို့ရေ....ကျနော်ကလျှော့ပေးချင်ပေမယ့်စာရင်းစစ်က ရမှာမဟုတ်...သူတို့ဘက်မှာလည်းအချက်အလက်အဆင့်လိုက်စစ်ဆေးရတာဆိုတော့.....လုပ်လိုက်ကြပါဆရာဆရာမတို့ရေပေါ့...ကိုယ့်လူတွေကိုအားပေးရင်ကိုယ်ကိုယ်တိုင်ပါ အားတင်းထားရတယ် ရငွေနဲ့ထွက်ငွေမမျှနေခြင်းတွေကိုပေါ့။ ကဲ......... ပုံမှန်အလုပ်တွေဆိုပေမယ့်လည်း 0320 မလောက်တော့တဲ့အခါ အခြားခေါင်းစဥ်ကနေခွဲယူသုံးစွဲလိုက်ရသည့်အခါ ခွဲဝေယူသုံးခြင်းခံလိုက်ရတဲ့ခေါင်းစဥ်ကို အဝယ်စနစ်အသုံးစနစ်ပြ၍ထည့်သွင်းလိုက်ရသည့်အခါ......ကျောင်းအုပ်ကြီးများကလိမ်လည်သုံးစွဲနေပါသတဲ့ဆိုပြီး ပြောဆိုခံရပါသတည်း။ ဦးစစ်နိုင်(ရွှေလင်းမြေပညာရေး)

23 144

2026-2027ပညာသင်နှစ် ဝါတွင်းကာလ ကျောင်းပိတ်ရက်များကို ၇ လပိုင်း ၂၂ နှင့်၂၉ ၈လပိုင်း ၆ ၁၃ ၂၁ ၂၈ ရက်များ ၉လပိုင်း ၅ ၁၁ ၁၉ ၂၆ ရက်များ ၁၀လပိုင်း ၁၉ ရက် အဖြစ် သတ်မှတ်ထားပါသည်။

23 144

ကျောင်းဆရာမတစ်ဦးဖြစ်ရခြင်း၏ အကျိုးကျေးဇူးများ။ ======================================= (၁) စိတ်ရောလူပါနှစ်၍လုပ်ရသောအလုပ်ဖြစ်သဖြင့် စာသင်ချိန်တစ်ချိန်ပြီးတိုင်း အလွန် ပင်ပန်းနွမ်းနယ်ခြင်း ။ (၂) ကျောင်းသားပေါင်းစုံ၏အကျင့်စရိုက်ကိုလိုက်၍ ချော့ရ ခြောက်ရ အော်ရ ငေါက်ရ သောကြောင့် စိတ်အတက်အကျမြန်လာခြင်း ။ (၃) နေ့စဉ်နေ့တိုင်း အများကြားအောင် အော်ပြောနေရသဖြင့် ရောက်လေရာအရပ်တွင် အသံဗြဲကြီးနှင့် အော်ပြောတတ်လာခြင်း ။ (၄) သင်ခန်းစာများကို အရိုးကြေကြေ အရေခမ်းခမ်းသင်ပြီးသော်လည်း စာပြန်မေးလျှင် အတိတ်မေ့သလိုလို ရွှေပျောက်သလိုလို လုပ်ပြနေသော‌ ကျောင်းသားများကြောင့် ဒေါသများငယ်ထိပ်တက်ကာ စိတ်တိုရခြင်း ။ (၅) ထစ်ကနဲရှိ စိတ်တိုကာ မိမိ၏ချစ်သူကို ဒေါသဖြင့်အော်ဟစ်ပြောဆိုမိသောကြောင့် စစ်ပွဲများ မကြာခဏဆင်နွှဲရခြင်း ။ (၆) နေ့စဉ်နေ့တိုင်းအော်ဟစ်ပြောဆိုကာ ဘီးလူးဆိုင်းတီးနေရသဖြင့် ပတ်ဝန်းကျင်မှ မိမိ ကို အဖြူအစိမ်းဝတ်ထားသော ဘီလူးမကြီးဟု မြင်လာခြင်း ။ (၇) မိမိ၏သားသမီးအခြေအနေကိုမသိဘဲ စာမရလျှင် ဆရာမအပြစ်ဟု သတ်မှတ်ကြ သော ကျောင်းသားမိဘအချို့ကြောင့် မိမိကိုယ်က်ု ပြန်လည်သုံးသပ်ကာ စာသင်ကြားမှုစွမ်းရည်တိုးတက်အောင် သင်ကြားနည်း(၂၁)ထဲ မည်သည့်သင်ကြားနည်း သုံးရမည်ကို စဉ်းစားရသဖြင့် ဆံပင်များကျွတ်လာပြီး နဖူးပြောင်လာခြင်း ။ (၈) လစဉ်လတိုင်း လမကုန်ခင် လစာကြိုကုန်သဖြင့် Anonymous ၏ 'ထားလိုက်ပါ' သီချင်းထဲက စာသားကဲ့သို့ စစ်မရောက်ခင်မြှားကုန်သည့်ဒဏ်ကို ခံနိုင်ရည်ရှိလာခြင်း။ စသည် စသည် စသည် တို့ ဖြစ်ကြပါသည် ။ ။

23 144