Education Channel 🇲🇲🇲🇲🇲🇲🇲🇲🇲🇲

#ကျောင်းအုပ်ကြီး ပျော်တဲ့ကျောင်းဟာ ကျောင်းဥပဓိရုပ် တိုးတက်သည်။ ဘာ့ကြောင့်ဆို သူ ကျောင်းအတွက် အလုပ်ကောင်းကောင်း လုပ်ချင်သည်ကိုး သူ စိတ်ကြည်လင်နေတော့ လုပ်ပေးချင်စိတ် ထက်သန်သည်ကိုး....... #လက်ထောက်ဆရာဆရာမတွေ ပျော်တဲ့ကျောင်းဟာ စာသင်ကောင်းသည် ပညာရေးကောင်းသည် အဘယ့်ကြောင့်ဆိုသော် သူတို့ ခွင့်ယူသူနည်းသည် ကျောင်းမြဲသည် စာသင်ပြမှန်သည် စေတနာထားသင်ကြားပြသကြသည်။ #ကျောင်းသား ပျော်တဲ့ကျောင်းသည် ပညာထူးချွန်ကြသည် မည်သို့ဆိုမူ သူတို့သည် ကျောင်းစည်းကမ်းကိုလိုက်နာသည် ဆရာဆရာမတွေကိုချစ်ခင်ရိုသေကြသည် စာသင်ရာတွင် စိတ်အားတက်သန်ကြသည် အပြိုင်အဆိုင် စာကြိုးစားကြသည် စာရိတ္တပိုင်း ကောင်းမွန်ကြသည် အနိုင်မခံအရှုံးမပေးလိုသည့် စိတ်ဓာတ်ရှိကြသည်။ #ကျောင်းသားမိဘ အထောက်အပံ့ကောင်းသော ကျောင်းသည်တိုးတက်သည် ကျောင်းဟူသည် ဝန်ထမ်းများ တက်ရောက်ပညာသင်ကြားပေး နေသည့်နေရာ ပြင်ပအထောက်အပံ့ လိုအပ်ချက်ရှိစမြဲပင် ကျောင်း၏လိုအပ် ချက်များကို မိဘများက ကြည်ဖြူစွာပါဝင် ထောက်ပံ့ပေးပါက ကလေးများအတွက်ရော ကျောင်းအတွက်ပါ ကောင်းမွန်စေမည် ထိုအခါ ကျောင်းအုပ်ကြီး နှင့် ဆရာဆရာမများသည်လည်း လုပ်လိုကိုင်လိုစိတ်ဖြစ်လာပြီး တိုးတက်ကောင်းမွန် စေပါသည်။ #ရပ်ရွာတာဝန်ခံလူကြီးပိုင်း ကျောင်းအပေါ် စိတ်ဝင်စားမှုရှိပါက သာလွန်စည်ပင်ပါသည် ရပ်ရွာတာဝန်ခံ လူကြီးပိုင်းမှ ကျောင်းအုပ်ကြီးနှင့် မကြာခဏ တွေ့ဆုံပြီး ကျောင်းအခြေအနေကို စိတ်ဝင်တစား ဆွေးနွေးမှုပြုလုပ်ကြမည် အကြံပြုတင်ပြကြမည် လက်တွဲကူညီကြမည် ဆိုပါလျှင် ထိုရွာကျောင်း ဤမြို့ကျောင်း တို့မှာ သာလွန်ကောင်းမွန်စေပါလိမ့်မည်။ #စာသင်ကျောင်း ဟူသည် ၎င်းမြို့ ၎င်းရွာ၏ အညွန့်အဖူးလေးများ စုဝေး ရောက်ရှိပြီး အနာဂတ်အတွက် ကောင်းမွန်စေမည့် ကောင်းကျိုး ဖြစ်ထွန်းမည့် ကိစ္စရပ်များ ပညာရပ် များကို သင်ကြားပို့ချ သင်ယူကြရသော ကျက်သရေဆောင် ဗိမာန်တော်ကြီးဖြစ်ပါသည်။ ဤနေရာမှသည် ခက်လက်ဖြာဝေမည့် နိုင်ငံ့သားကောင်းသမီးကောင်းတွေ ပေါ်ထွန်းစေမည့်နေရာလည်းဖြစ်ပေသည်။ ထို့ကြောင့် ဤနေရာသည် ဤနေရာသို့ရောက်ရှိလာသူတိုင်းကို ပျော်ရွှင်မှု အပြည့်အဝပေးစွမ်းနိုင်လျှင် ကောင်းမွန်ပြီးပြည့်စုံသော အနာဂတ်ကို ပေးစွမ်းနိုင်သည့် ဘုံဗိမာန်တစ်ခုပင်ဖြစ်ပါသည် ဟု သိမှတ်ပြီး ထောက်ပံ့ကူညီပေးသင့်ပါသည်။ crd; DD UHN@

" ဝါထပ်ရခြင်းအကြောင်း " ~~~~~~~~~ ကမ္ဘာက,နေကို လှည့်ပတ်ရာ၌ ၃၆၅-ရက် ၆-နာရီ ၁၂-မိနစ် ၃၇-စက္ကန့် ကြာ၏။ ထို့ကြောင့် အင်္ဂလိပ်နှစ် တစ်နှစ်ကို ၃၆၅-ရက်ထား၏။ ၆-နာရီအစွန်းအတွက် ၄-နှစ်တစ်ကြိမ် တစ်ရက်တိုး၏။ မြန်မာက ၂၉-ရက်ကို ၆-လ ၃၀-ရက်ကို ၆-လ ထားသဖြင့် မြန်မာနှစ်တစ်နှစ်မှာ ၃၅၄-ရက်သာရှိ၏။ ထို့ကြောင့် အင်္ဂလိပ်တစ်နှစ်ပြည့်ရန် သို့မဟုတ် ကမ္ဘာတစ်ပတ်ပြည့်ရန် မြန်မာနှစ် တစ်နှစ်မှာ ၁၁-ရက်လို၏။ (မြန်မာက တစ်လကို ၂၉-ရက် ၃၀-ရက် ထားရခြင်း အကြောင်းကို နောက်မှ ပြောပါအုံးမယ်) ဝါထပ်ရခြင်းအကြောင်းကို ၈-နှစ်ဖြင့် ပြောပြမှသာ မြင်လွယ်ပါလိမ့်မယ်။ ဒါ့ကြောင့် ရှစ်နှစ်ဖြင့်ပြောပြပါမယ်။ အင်္ဂလိပ်နှစ်က လေးနှစ်လျှင် တစ်ရက်တိုး၏။ ရှစ်နှစ်နေလျှင် နှစ်ရက်တိုး၏။ မြန်မာနှစ်က အင်္ဂလိပ်တစ်နှစ်ပြည့်ရန် သို့မဟုတ် ကမ္ဘာတစ်ပတ်ပြည့်ရန် တစ်နှစ်လျှင် ၁၁-ရက် လိုသဖြင့် ရှစ်နှစ်ဆိုလျှင် ၈၈-ရက်လို၏။ အင်္ဂလိပ် ရက်ထပ် ၂-ရက်ဖြင့် ပေါင်းသော် ၉၀-ရက်လို၏။ ယင်းလိုသော ရက် ၉၀ ကို ပြည့်မှီအောင် ရှစ်နှစ်လျှင် ဝါသုံးကြိမ် ထပ်ပေးဖို့ လိုအပ်၏။ ထို့ကြောင့် သုံးနှစ်တစ်ကြိမ် ဝါနှစ်ခါထပ်ပြီး နှစ်နှစ်တစ်ကြိမ် ဝါတစ်ခါ ထပ်ပေးရ၏။ ဒီနှစ် ဝါထပ်သင့် မထပ်သင့် စဉ်းစားပုံကို ပြောပြပါအုံးမယ်။ များသောအားဖြင့် ဧပြီ ၁၇ ရက်နေ့သည် မြန်မာနှစ်ဆန်းတစ်ရက်နေ့ ဖြစ်၏။ ခြွင်းချက် အနေဖြင့် ဧပြီ ၁၆ ရက်နေ့မှာ မြန်မာနှစ်ဆန်းတစ်ရက် ရှိခဲ့ဘူး၏။ နှစ်တစ်ရာ ပြက္ခဒိန်ကိုပြန်ကြည့်လျှင် သိနိုင်၏။ သင်္ကြန်ရက်သည် တန်ခူးလမှာသာ ထားရ၏။ ကဆုန်လဆန်းထဲမှာ တစ်ရက် နှစ်ရက် ပါမယ်ဆိုက ပါလို့ရ၏။ တပေါင်းလမှာကား လုံးဝ မထားရဘူး။ အကယ်၍ ဒီနှစ် ၁၃၈၂ ခုနှစ်မှာ ဝါထပ်မပေးလျှင် ၁၃၈၃ ခုနှစ် သင်္ကြန်ရက်သည် တပေါင်းလထဲမှာ ရောက်သွားနိုင်၏။ ထို့ကြောင့် ဒီနှစ်မှာ မဖြစ်မနေ ဝါထပ်ပေးရ၏။ "မြန်မာတစ်လလျှင် ၂၉-ရက် ၆-လ ၃၀-ရက် ၆-လထားရပုံ" မြန်မာက ရက်လနှစ် သတ်မှတ်ရာ၌ လကို အခြေခံ၍ သတ်မှတ်၏။ အင်္ဂလိပ်လို နေကို အခြေခံ၍ မသတ်မှတ်ပါ။ မြန်မာလပြည့်နေ့ဝန်းကျင်ဆိုလျှင် လသည် ပြည့်ပြည့်ဝဝ ရွှန်းမြနေပြီး လကွယ်နေ့ ဝန်းကျင်ဆိုလျှင် လက,မသာပဲကွယ်ပနေ၏။ လက ကမ္ဘာကို လှည့်ပတ်ရာ၌ တစ်ပတ်ပြည့်ရန် ၂၉-ရက် ၁၂-နာရီ ၄၇-မိနစ် ၃- စက္ကန့် ကြာ၏။ အလွယ်ပြောရမယ်ဆိုလျှင် ၂၉-ရက်ခွဲကြာ၏။ ထို့ကြောင့် တစ်လကို ၂၉-ရက်တစ်ခါ ၃၀-ရက် တစ်ခါထားရ၏။ "ဝါကြီးထပ် ဝါလေးထပ် ခေါ်ဆိုပုံ" နယုန်လ,မှာ ၃၀-ရက်ထားလျှင် ဝါကြီးထပ်ခေါ်၍၊ ၂၉-ရက်ထားလျှင် ရိုးရိုးဝါထပ် သို့မဟုတ် ဝါလေးထပ်ဟု ခေါ်၏။ နယုန်လသည် ပုံမှန်အားဖြင့် ၂၉-ရက်သာ ရှိ၏။ ဝါကြီးထပ်သော နှစ်မှသာ ၃၀-ရက်ထား၏။ အဘယ့်ကြောင့် နယုန်လမှာ ၃၀-ရက်ထား၍ ဝါကြီးထပ်ရပါသနည်းဆိုသော်လက ကမ္ဘာကို လှည့်ပတ်ရာ၌ တစ်ပတ်ပြည့်ရန် ၂၉-ရက် ၁၂-နာရီ ၄၇-မိနစ် ၃-စက္ကန့် ကြာသောကြောင့် အစွန်းမိနစ်များသည် လချီနှစ်ချီကြာလျှင် တစ်ရက်တိုးသွား၏။ ထိုတိုးသွားသော ရက်များကို အစားဖြည့်ရန် နယုန်လကို ၃၀-ရက် အပြည့်ထား၍ ဝါကြီး ထပ်ပေးရ၏။ အကယ်၍ နယုန်လမှာ တစ်ရက်တိုး၍ ဝါကြီးထပ် လုပ်မပေးလျှင် နှစ်ကြာလာသောအခါ လပြည့် လကွယ် မှားသွားနိုင်၏။ ထို့ကြောင့် မဖြစ်မနေ ဝါကြီးထပ် လုပ်ပေးရ၏။ မြန်မာနှစ်မှာ ရက်တိုး ဝါကြီးထပ် လုပ်ပေးရသလို အင်္ဂလိပ်နှစ်မှာလဲ ပုံမှန် လေးနှစ်တစ်ကြိမ် တစ်ရက်တိုးအပြင် နှစ် ၁၁၅-နှစ်မှာ တစ်ရက်တိုးဖို့ လိုအပ်ပြန်ပါသေး၏။ ဥပမာအနေနဲ့ ၁၁၅-နှစ်ကို ၁၂-မိနစ်အစွန်းနဲ့ တွက်ပြပါအံ့။ 11512=1380-မိနစ်။ 138060=23-နာရီ။ ၁၁၅-နှစ်ကို ၃၇-စက္ကန့်အစွန်းနဲ့ တွက်ပြပါအံ့။ 11537=4255-စက္ကန့်။ 425560=709-မိနစ်။ 71-မိနစ်နီးပါး တနည်းအားဖြင့် တစ်နာရီ 11-မိနစ်နီးပါးရှိပါတယ်။ ၁၂-မိနစ် ၃၇-စက္ကန့်အစွန်းသည် ၁၁၅-နှစ် ကြာလျှင် ၂၄-နာရီ ၁၁-မိနစ်ကျော်ကျော် တိုးသွား၏။ ထို့ကြောင့် ၁၁၅-နှစ် သို့မဟုတ် ၁၁၄-နှစ် ကြာလျှင် အင်္ဂလိပ်နှစ်မှာလဲ တစ်ရက်တိုးဖို့လိုအပ်ပြန်သည်။ ဤကား ဝါထပ်ပုံအကြောင်း တစ်စေ့တစ်စောင်းကိုမိမိသိသလို မြင်သလို ပြောပြခြင်းမျှသာဖြစ်ပါသည်။ #ပြန်လည်မျှဝေပေးခြင်းဖြစ်ပါသည်။

၂၀၂၇ ပညာသင်နှစ်အတွက် (၅-၁-၂၀၂၇)ရက်နေ့တွင် ဖွင့်လှစ်မည့် သူနာပြု-သားဖွားဒီပလိုမာ (၃)နှစ်သင်တန်းနှင့် ဘက်စုံသားဖွားဒီပလိုမာ (၂)နှစ်သင်တန်းသို့ တက်ရောက်ရန် အောက်ပါသတ်မှတ်ချက်များနှင့် ကိုက်ညီသူများ လျှောက်ထားနိုင်ပါကြောင်း အသိပေးအပ်ပါသည်။

"အောင်စာရင်းကို အမြန်ဆုံး ကြေညာပေးချင်ပေမယ့် စနစ်တကျ တိကျမှန်ကန်ဖို့ လုပ်ထုံးလုပ်နည်းအတိုင်း အချိန်ယူ လုပ်ဆောင်ရခြင်း ဖြစ်ပါတယ်။ အသင့်ဖြစ်တာနဲ့ အကြောင်းမဲ့ ဆွဲထားခြင်းမရှိဘဲ ချက်ချင်း ထုတ်ပြန်ပေးသွားမှာမို့လို့ စိတ်အေးအေးထားပြီး တရားဝင် ဝက်ဘ်ဆိုက်မှာပဲ စောင့်မျှော်ကြည့်ရှုကြပါရန် လေးနက်စွာ နှိုးဆော်အပ်ပါတယ်ခင်ဗျာ" အောင်စာရင်းထွက်ရင် မိမိတို့ရဲ့ ခုံအမှတ်နဲ့ တိုက်ရိုက်ရှာဖွေကြည့်ရှုနိုင်ဖို့ https://result.dme.gov.mm ဝက်ဘ်ဆိုက်မှာ လွှင့်တင်ပေးဖို့ စီစဉ်နေပါတယ်။ • ယခင်နှစ်များနည်းတူ စာစစ်ဌာနအလိုက် အောင်စာရင်းတွေကြည့်နိုင်မယ့် ဝက်ဘ်ဆိုက်လည်း ရှိနေမှာဖြစ်ပါတယ်။ မြန်မာနိုင်ငံစာစစ်ဦးစီးဌာန Website Link: 👉 https://www.myanmarexam.org ပညာရေးဝန်ကြီးဌာန Website Link: 👉 https://www.moe.gov.mm တွေမှတဆင့် ဝင်ရောက်ကြည့်ရှု့နိုင်ပါတယ်။ (မြန်မာနိုင်ငံစာစစ်ဦးစီးဌာန ဖော်ပြချက်အား ပြန်လည်မျှဝေသည်။)

• အောင်စာရင်းထွက်ရင် မိမိတို့ရဲ့ ခုံအမှတ်နဲ့ တိုက်ရိုက်ရှာဖွေကြည့်ရှုနိုင်ဖို့ https://result.dme.gov.mm ဝက်ဘ်ဆိုက်မှာ လွှင့်တင်ပေးဖို့ စီစဉ်နေကြောင်းသိရှိရပါတယ်။ • ယခင်နှစ်များနည်းတူ စာစစ်ဌာနအလိုက် အောင်စာရင်းတွေကြည့်နိုင်မယ့် ဝက်ဘ်ဆိုက်လည်း ရှိနေမှာဖြစ်ပါတယ်။ မြန်မာနိုင်ငံစာစစ်ဦးစီးဌာန Website Link: 👉 https://www.myanmarexam.org ပညာရေးဝန်ကြီးဌာန Website Link: 👉 https://www.moe.gov.mm တွေမှတဆင့် ဝင်ရောက်ကြည့်ရှု့နိုင်ပါတယ်။

လစဥ်ကျောင်းခေါ်ကြိမ်မှတ်တမ်းချုပ်နှင့် မူအောက်ဆင့် တစ်ပတ်စာအတန်းတွင်းစစ်ဆေးပုံစံ (တစ်နေ့ခြင်းစစ်ဆေးသွားမယ်ဆိုလည်းဒီပုံစံအတိုင်းဆိုလည်းရပါတယ်) ဦးစစ်နိုင်(ရွှေလင်းမြေပညာရေး SM)

တက္ကသိုလ်ဝင်စာမေးပွဲအောင်စာရင်းကို ၁၀ နှစ်တာ ကာလအတွင်း ဘယ်နေ့တွေမှာ ထုတ်ပြန်ခဲ့သလဲ။ ၁၀ နှစ်တာအတွင်း အောင်စာရင်းထုတ်ပြန်ခဲ့တဲ့ရက်တွေကို ပုံမှာ နှိုင်းယှဉ်ဖော်ပြပေးထားပါတယ်။ ထူးခြားဖြစ်စဉ်ရှိခဲ့တဲ့ ၂၀၂၀ ပြည့်နှစ် (ကိုဗစ်ကပ်ရောဂါ)နဲ့ ၂၀၂၅ ခုနှစ် (မန္တလေးငလျင်) တွေမှအပ ဇွန်လအတွင်းမှာပဲ နှစ်စဉ် ထုတ်ပြန်လေ့ရှိတာကို တွေ့မြင်နိုင်ပါတယ်။ ၂၀၂၆ ခုနှစ်အတွက်ကရော ဘယ်တော့လဲ ❓❓❓❓❓ နှစ်စဉ်မေးနေကြမို့လို့ မေလကတည်းက ကြိုဖြေပေးထားပါတယ်။ 👉 https://www.facebook.com/share/p/1BavQGTE5h/ အလိမ်မခံရဖို့ ဒါကိုဖတ်ပါ။ 👉 https://www.facebook.com/share/p/1Fshkn5E2x/ Official မှ Official ဆိုရင်တော့ မြန်မာပြည် အစိုးရဒိုမိန်း gov. mm နဲ့ လွှင့်တင်ထားတဲ့ ဒီ Website ကိုဝင်ကြည့်ပါ။ 👉 https://result.dme.gov.mm/

အသိပေးကြေညာချက် အကြောင်းအရာ။ တက္ကသိုလ်ဝင်စာမေးပွဲ အောင်စာရင်းများနှင့်ပတ်သက်၍ မသမာသူများ၏ လိမ်လည်လှည့်ဖြားမှုများအား သတိပြုရှောင်ကြဉ်နိုင်ပါရန် အသိပေးခြင်း။ ၁။ လတ်တလောကာလတွင် အများပြည်သူ၏ တက္ကသိုလ်ဝင်စာမေးပွဲ အောင်စာရင်းအပေါ် စိတ်ပါဝင်စားမှု မြင့်မားခြင်းကို အခွင့်ကောင်းယူ၍ လူမှုကွန်ရက်စာမျက်နှာများပေါ်တွင် "အောင်စာရင်းနှင့် အမှတ်စာရင်းများကို ကြိုတင်ကြည့်ရှုပေးမည်" ဟူသော ဆွဲဆောင်မှုများဖြင့် အခကြေးငွေ လိမ်လည်တောင်းခံနေသည့် မသမာသူများကို တွေ့ရှိရပါသည်။ ၂။ ၎င်းမသမာသူများသည် အစပိုင်းတွင် "ပညာဒါနအဖြစ် အခမဲ့ကြည့်ရှုပေးမည်" ဟုဆိုကာ ဆွဲဆောင်ပြီး စာမေးပွဲဖြေဆိုသူများ၏ ခုံအမှတ်များကို ရယူကြပါသည်။ ထို့နောက် ခုံအမှတ်လာရောက်မေးမြန်းသူများအား "စာမေးပွဲကျရှုံးသဖြင့် ငွေပေးပါက အောင်မြင်အောင် ဆောင်ရွက်ပေးမည်" သို့မဟုတ် "ဂုဏ်ထူးရရှိအောင် လိုက်လံဆောင်ရွက်ပေးမည်" ဟုဆိုကာ ငွေကြေးများ လိမ်လည်တောင်းခံလေ့ရှိပါသည်။ ထို့ပြင် ပိုမိုဆိုးရွားသော လိမ်လည်သူများသည် လူမှုကွန်ရက်အကောင့်တု ၃၊ ၄ ခုခန့်ကို စနစ်တကျအသုံးပြုကာ မူရင်းလိမ်လည်မည့်အကောင့်ကို တိုက်ရိုက်မကြော်ငြာဘဲ အခြားအကောင့်တစ်ခုမှ "မိမိအမျိုးအဆွေများ၏ အောင်စာရင်းကို ကြည့်ရှုပေးသည့် ဆရာဖြစ်ကြောင်း" လမ်းညွှန်အယုံသွင်း၍ အဆင့်ဆင့် လိမ်လည်လှည့်ဖြားလျက်ရှိပါသည်။ ၃။ ဤကဲ့သို့ အောင်စာရင်းကိုအကြောင်းပြု၍ လိမ်လည်မှုများသည် နှစ်စဉ်ကြုံတွေ့ရလေ့ရှိပြီး စာမေးပွဲဖြေဆိုသူများနှင့် မိဘများသည်လည်း နှစ်စဉ်အသစ်ဖြစ်သဖြင့် မသိနားမလည်မှုများကြောင့် အလိမ်ခံရခြင်းမှ ကာကွယ်နိုင်ရန် နှစ်စဉ် သတိပေးနှိုးဆော်ရခြင်းဖြစ်ပါသည်။ "အောင်စာရင်းများကို မြန်မြန်ထုတ်ပြန်ပေးရန်" မှတ်ချက်ပြုတောင်းဆိုမှုများရှိသည်ကိုလည်း မိဘပြည်သူများနည်းတူ ဌာနအနေဖြင့် သိရှိနားလည်ပါသည်။ ဤဌာနအနေဖြင့်လည်း အောင်စာရင်းနှင့်ပတ်သက်သည့် ကြီးလေးသောတာဝန်များကို သယ်ပိုးထားရခြင်းဖြစ်၍ အခြားသူများထက် အောင်စာရင်းကို အမြန်ဆုံး ကြေညာပေးလိုပါသည်။ သို့ရာတွင် စာမေးပွဲအောင်စာရင်းလုပ်ငန်းစဉ်များကို သတ်မှတ်ထားသည့် လုပ်ထုံးလုပ်နည်း၊ စည်းကမ်းချက်များနှင့်အညီ စနစ်တကျ တိကျမှန်ကန်စွာ ဆောင်ရွက်ရသဖြင့် လိုအပ်သည့်အချိန်ကို ရယူဆောင်ရွက်ရခြင်း ဖြစ်ပါသည်။ အောင်စာရင်းထုတ်ပြန်ရန် အသင့်ဖြစ်သည်နှင့် တစ်ပြိုင်နက် အကြောင်းမဲ့ ထိန်းသိမ်းထားခြင်းမရှိဘဲ နှစ်စဉ်ထုတ်ပြန်ကြေညာပေးလျက်ရှိပါသည်။ ၄။ မိဘပြည်သူများနှင့် ကျောင်းသား၊ ကျောင်းသူများ တက္ကသိုလ်ဝင်စာမေးပွဲ အောင်စာရင်းကို လွယ်ကူစွာ ရှာဖွေကြည့်ရှုနိုင်ရေးအတွက် မြန်မာနိုင်ငံစာစစ်ဦးစီးဌာနအနေဖြင့် တရားဝင်ဝက်ဘ်ဆိုက် (Official Website) များကို အသုံးပြု၍သာ ထုတ်ပြန်ကြေညာပေးလျက်ရှိပါသည်။ စာစစ်ဌာနအလိုက် အောင်စာရင်းဖိုင်များကို ဒေါင်းလုဒ်ရယူကြည့်ရှုနိုင်သည့် စနစ်အပြင် ပြီးခဲ့သည့် ၂၀၂၅ ခုနှစ်မှစတင်ကာ မိမိတို့၏ ခုံအမှတ်ကို ရိုက်ထည့်၍ တိုက်ရိုက်ရှာဖွေကြည့်ရှုနိုင်သော ဝက်ဘ်ဆိုက်စနစ်သစ်ကိုလည်း မိတ်ဆက်ပေးခဲ့ပါသည်။ ဤကဲ့သို့ တရားဝင်ဝက်ဘ်ဆိုက်များမှတစ်ဆင့် ကြေညာပေးခြင်းမှအပ ဌာနအနေဖြင့် မည်သည့်အောင်စာရင်းကြည့် Application ကိုမျှ ထုတ်ဝေထားခြင်း မရှိပါ။ လက်ရှိတွင် အောင်စာရင်းကြည့်ရှုနိုင်သည်ဟု ဆိုကာ ပျံ့နှံ့နေသော Application များအားလုံးသည် ပြင်ပမှ အလွတ်သဘောရေးဆွဲထားသော App များသာဖြစ်ပြီး အချက်အလက် တိကျမှန်ကန်စွာ ကြည့်ရှုနိုင်ခြင်း ရှိ/မရှိအတွက် အာမခံချက် လုံးဝမရှိသည့်အပြင် မိမိတို့၏ ကိုယ်ရေးကိုယ်တာအချက်အလက် လုံခြုံမှုဆိုင်ရာ ဘေးအန္တရာယ်များ ရှိနိုင်သဖြင့် အထူးသတိပြုဆင်ခြင်ကြရန် လိုအပ်ပါသည်။ ယခုနှစ် တက္ကသိုလ်ဝင်စာမေးပွဲ အောင်စာရင်းထုတ်ပြန်ရာတွင်လည်း မိမိတို့၏ ခုံအမှတ်ဖြင့် တိုက်ရိုက်ရှာဖွေကြည့်ရှုနိုင်မည့်စနစ်ကို https://result.dme.gov.mm ဝက်ဘ်ဆိုက်တွင် လွှင့်တင်ပေးနိုင်ရေး စီစဉ်ဆောင်ရွက်လျက်ရှိပါသည်။ ၅။ အထူးသတိပြုရန်မှာ မြန်မာနိုင်ငံစာစစ်ဦးစီးဌာန၏ စနစ်တကျ ထိန်းသိမ်းဆောင်ရွက်ထားရှိမှုအရ အများပြည်သူသို့ တရားဝင်တစ်ပြိုင်တည်း ထုတ်ပြန်ကြေညာခြင်းမပြုမီ အောင်စာရင်းများ ကြိုတင်ပေါက်ကြားရန် လုံးဝ(လုံးဝ) ဖြစ်နိုင်ခြေမရှိပါ။ သို့ဖြစ်ပါ၍ "အောင်စာရင်း ကြိုတင်ကြည့်ရှုပေးမည်" ဟူသော ပြောဆိုချက်များသည် ရာနှုန်းပြည့် လိမ်လည်လှည့်ဖြားခြင်းသာ ဖြစ်ကြောင်း မိဘပြည်သူများနှင့် ကျောင်းသား၊ ကျောင်းသူများအနေဖြင့် အထူးသတိပြုကြပါရန်နှင့် မိမိတို့၏ အယုံလွယ်မှုကြောင့် မသမာသူများ၏ လိမ်လည်မှုများတွင် နစ်နာဆုံးရှုံးမှုမရှိစေရေး မိမိကိုယ်တိုင် သတိပြုဆင်ခြင် စောင့်ကြည့်ကြပါရန် လေးနက်စွာ အသိပေးနှိုးဆော်အပ်ပါသည်။ မြန်မာနိုင်ငံစာစစ်ဦးစီးဌာန

ဌစ အလွယ် မှတ်နည်း :-) :-) :-) :-) :-) :-) :-) :-) ဌစ ဌစ အတော်မှတ်ရ သွင်းရ နှုတ်ရ ပြင်ရ ချိန်ရ ချိန်ဆရ ---------- ၁။ငွေထုတ်စာရင်းဖွင့်လှစ်လျှင် ဌစ ၁ကိုပြင် ၂။လွှဲအပ်စာရင်းပြင်ဆင်ခြင်း ဌစ ၂ကိုသွင်း ၃။လွှဲအပ်လိုလျှင် ဌစ ၃ ကိုမြင် ၄။ချက်လက်မှတ်သိုလှောင် ဌစ ၄ ကိုဆောင် ၅။ငွေစာရင်း ကိစ္စအဝဝ ဌစ ၅ မှာပြ ၆။လက်ကျန်ငွေဖော်ပြလျှင် ဌစ ၆ မှာတင် ၇။ရ ငွေမှန်သမျှ ဌစ ၇ မှာပြ ၈။ပေးရန်အ ရေး ဌစ ၈ မှာရေး ၉။ခေါင်းစဉ်အလိုက်အ ခြေပြ ဌစ ၉ မှာပြန် ရှာကြ ၁၀။ရှင်းတမ်းအသွယ်သွယ် ဌစ ၁၀ မှာရေးကြမယ် ၁၁။လစဉ်ဘဏ်နဲ့ညှိ ဌစ ၁၁ မှာကြည့် ၁၂။ကြွေးမြီတင် စာရင်း ဌစ ၁၂ မှာရှင်း ၁၃။အ သေးဖွဲသုံး ဌစ ၁၃ ၁၄။ကြိုတင် ထုတ်ပေး ဌစ ၁၄ ၁၅။အပ်ငွေမှတ်ပုံ ဌစ ၁၅မှာစုံ ၁၆။အထွေထွေယာယီ ဌစ ၁၆ မှာအတည် လိုအပ်ပါက ဖြည့်သွင်းတတ်ရန် လေ့လားသိရှိအပ်ဖို့လိုအပ်ပေမည်။ ဘီလ် TF အကြောင်း :-) :-) :-) :-) :-) :-) ငွေတောင်းခံလွှာပြုပြင် ရေးဆွဲရာတွင် အသုံးပြုရန် ငွေတိုက်ပုံစံများ ၁.အရာရှိလစာတောင်းခံလွှာ - TF-17 ၂. အရာရှိမဟုတ်သူ ဝန်ထမ်းများလစာတောင်းခံလွှာ - TF-18 ၃. နောက်ဆုံးထုတ် လစာလက်မှတ် LPC - TF-24 ၄. အရာရှိခရီးစရိတ်တောင်းခံလွှာ TF-45 ၅. အရာရှိမဟုတ်သူ ဝန်ထမ်းများခရီးစရိတ် တောင်းခံလွှာ - TF-46 ၆. ရိုးရိုးငွေတောင်းခံလွှာ (ကြိုတင်) - TF- 74 ၇. ပြင်ဆင်ထိန်းသိမ်းစရိတ် - TF-129 ၈. အသေးအဖွဲအသုံးစရိတ် ငွေတောင်ံးလွှာ - TF-131 ၉. ငွေလုံးငွေရင်းအသုံးစရိတ် - TF-136 TF - 129 နှင့် TF - 131 တို့၏ အသုံးပုံစံ ပိုမိုထိတွေ့ကြရပေမည် ဟုထင်မြင်မိပါသည်။ ဌစကိုအလွယ်နားလည်စေတဲ့ ဇယား အား ဖော်ပြ လိုက်ပါတယ်:-)

🇲🇲 "မြန်မာ့ကျောင်းဝတ်စုံ “အဖြူအစိမ်း” နောက်ကွယ်က လူသိနည်းတဲ့ သမိုင်း........ မြန်မာနိုင်ငံက ကျောင်းသား၊ ကျောင်းသူတိုင်း ရင်းနှီးကျွမ်းဝင်နေတဲ့ “အဖြူအစိမ်း” ကျောင်းဝတ်စုံဟာ ရှေးယခင်ကတည်းက ရှိခဲ့တဲ့ အစဉ်အလာတစ်ခုလို့ လူအများ ထင်မှတ်လေ့ရှိကြပါတယ်။ ဒါပေမယ့် အမှန်တကယ်တော့ ဒီဝတ်စုံဟာ ယနေ့ခေတ်မှာ လူအများထင်သလို ရာစုနှစ်များစွာ သက်တမ်းရှိခဲ့တာ မဟုတ်ဘဲ ၁၉၆၆ ခုနှစ်နောက်ပိုင်းမှ တစ်နိုင်ငံလုံးအတွက် စံသတ်မှတ်ခဲ့တဲ့ ဝတ်စုံတစ်ခု ဖြစ်ပါတယ်။ ၁၉၆၆ ခုနှစ်မတိုင်မီက မြန်မာနိုင်ငံမှာ ကျောင်းတိုင်းဟာ ကိုယ်ပိုင်ဝတ်စုံတွေ အသီးသီး ရှိခဲ့ကြပါတယ်။ အမျိုးသားကျောင်းများ၊ သာသနာပြုကျောင်းများ၊ အင်္ဂလိပ်ကျောင်းများနဲ့ ပုဂ္ဂလိကကျောင်းများဟာ ကိုယ်ပိုင်အရောင်၊ ကိုယ်ပိုင်ဒီဇိုင်းတွေကို အသုံးပြုခဲ့ကြပြီး ယနေ့လို တစ်နိုင်ငံလုံး တူညီတဲ့ ကျောင်းဝတ်စုံမျိုး မရှိခဲ့ပါဘူး။ စိတ်ဝင်စားဖို့ကောင်းတာက လက်ရှိအသုံးပြုနေတဲ့ အဖြူအစိမ်းဝတ်စုံဟာ အစိုးရက အသစ်ဖန်တီးခဲ့တဲ့ ဒီဇိုင်းတစ်ခု မဟုတ်ပါဘူး။ ရန်ကုန်မြို့ရှိ မြို့မအမျိုးသားကျောင်း (Myoma Co-Educational National High School) ရဲ့ ကျောင်းဝတ်စုံပုံစံကို အခြေခံပြီး တစ်နိုင်ငံလုံးအတွက် စံသတ်မှတ်အသုံးပြုခဲ့တာ ဖြစ်ပါတယ်။ ၁၉၆၆ ခုနှစ် ဖေဖော်ဝါရီလ ၁၄ ရက်နေ့မှာတော့ အစိုးရက အဖြူအစိမ်းကျောင်းဝတ်စုံကို တရားဝင် ပြဋ္ဌာန်းခဲ့ပါတယ်။ အဲဒီအချိန်က ပညာရေးစနစ်ကို တစ်နိုင်ငံလုံး တူညီစေရန် ပြုပြင်ပြောင်းလဲမှုများ ပြုလုပ်ခဲ့ပြီး ကျောင်းဝတ်စုံ တစ်မျိုးတည်း အသုံးပြုရေးဟာလည်း အဲဒီအစီအစဉ်ရဲ့ အစိတ်အပိုင်းတစ်ခု ဖြစ်ခဲ့ပါတယ်။ မြန်မာ့ကျောင်းဝတ်စုံရဲ့ ထူးခြားချက်တစ်ခုကတော့ ကျောင်းသား၊ ကျောင်းသူများသာမက ဆရာ၊ ဆရာမများပါ အဖြူအစိမ်းပုံစံကို ဆက်လက်ဝတ်ဆင်ကြတာ ဖြစ်ပါတယ်။ နိုင်ငံအများစုမှာ ဆရာ၊ ဆရာမတွေက သီးသန့်အလုပ်ဝတ်စုံတွေ ဝတ်ဆင်လေ့ရှိပေမယ့် မြန်မာနိုင်ငံမှာတော့ ကျောင်းသားတွေနဲ့ ဆင်တူတဲ့ ပုံစံကို အသုံးပြုကြတာ တွေ့ရပါတယ်။ ထို့အပြင် အထက်တန်းအဆင့်ရောက်လာတဲ့အခါ ယောကျ်ားလေးတွေ ပုဆိုး၊ မိန်းကလေးတွေ ထမီဝတ်ဆင်ရတာဟာလည်း မြန်မာနိုင်ငံရဲ့ ထူးခြားတဲ့ ပညာရေးယဉ်ကျေးမှုတစ်ရပ် ဖြစ်ပါတယ်။ ကျောင်းဝတ်စုံကနေတစ်ဆင့် မြန်မာ့ရိုးရာဝတ်စားဆင်ယင်မှုကို ထိန်းသိမ်းပေးနေတဲ့ သဘောလည်း ရှိနေပါတယ်။ ဒီနေ့ခေတ်မှာ အဖြူအစိမ်းဝတ်စုံဟာ ကျောင်းဝတ်စုံတစ်ခုထက် ပိုတဲ့ အဓိပ္ပာယ်ကို ရရှိနေပါပြီ။ ဆယ်စုနှစ် ၆ ခုကျော်ကြာ အသုံးပြုလာခဲ့တာကြောင့် “အဖြူအစိမ်း” ဆိုတဲ့ စကားလုံးကို ကြားလိုက်တာနဲ့ မြန်မာကျောင်းသားဘဝ၊ သူငယ်ချင်းတွေ၊ စာသင်ခန်းတွေ၊ ကျောင်းအမှတ်တရတွေကို ပြေးမြင်မိကြပါတယ်။ ရုပ်ရှင်တွေ၊ ဝတ္ထုတွေ၊ သီချင်းတွေထဲမှာလည်း အဖြူအစိမ်းဟာ မြန်မာကျောင်းသားဘဝရဲ့ သင်္ကေတတစ်ခုလို ဖြစ်လာခဲ့ပါတယ်။ စိတ်ဝင်စားစရာအကောင်းဆုံးအချက်ကတော့ ၁၉၃၆ ကျောင်းသားသပိတ်၊ လွတ်လပ်ရေးကြိုးပမ်းမှုကာလတွေအတွင်း ပါဝင်ခဲ့ကြတဲ့ ကျောင်းသားခေါင်းဆောင်တွေဟာ ယနေ့မြင်တွေ့ရတဲ့ အဖြူအစိမ်းဝတ်စုံကို မဝတ်ခဲ့ကြပါဘူး။ သူတို့ခေတ်တုန်းက ကျောင်းအသီးသီးရဲ့ ကိုယ်ပိုင်ဝတ်စုံတွေကိုသာ ဝတ်ဆင်ခဲ့ကြတာ ဖြစ်ပါတယ်။ ဒါကြောင့် လူအများထင်ထားသလို အဖြူအစိမ်းကျောင်းဝတ်စုံဟာ ရှေးဟောင်းအစဉ်အလာတစ်ခု မဟုတ်ဘဲ ၁၉၆၆ ခုနှစ်နောက်ပိုင်းမှ စတင်ပေါ်ပေါက်လာခဲ့တဲ့ ပညာရေးစနစ်ရဲ့ သင်္ကေတတစ်ခုဖြစ်ပြီး ယနေ့အချိန်မှာတော့ မြန်မာကျောင်းသားဘဝကို ကိုယ်စားပြုတဲ့ ယဉ်ကျေးမှုအမှတ်အသားတစ်ခုအဖြစ် ဆက်လက်တည်ရှိနေဆဲ ဖြစ်ပါတယ်။ "အဖြူအစိမ်း" ကျောင်းဝတ်စုံဟာ သာမန်အဝတ်အစားတစ်စုံ မဟုတ်ပါဘူး။ ၁၉၆၆ ခုနှစ်ကတည်းက မြန်မာကျောင်းသားဘဝကို ကိုယ်စားပြုလာတဲ့ သင်္ကေတတစ်ခု ဖြစ်ပါတယ်။ ၁၉၃၆ ကျောင်းသားသပိတ်က ကျောင်းသားတွေတောင် ဒီဝတ်စုံကို မဝတ်ခဲ့ရပေမယ့် ဒီနေ့ခေတ်မှာတော့ အဖြူအစိမ်းဟာ မြန်မာပညာရေးရဲ့ အမှတ်အသားတစ်ခု ဖြစ်လာခဲ့ပါတယ်။ ဒါကြောင့် အခုခေတ် TikTok ပေါ်မှာ ကျောင်းဝတ်စုံဝတ်ပြီး မသင့်လျော်တဲ့ အကတွေ၊ အပြုအမူတွေနဲ့ Content တွေ ရိုက်ကူးတင်နေတာတွေကို မြင်ရတဲ့အခါ စိတ်မကောင်းဖြစ်မိပါတယ်။ ပြဿနာက အကကတာ မဟုတ်ပါဘူး။ ဘယ်လိုအကြောင်းအရာနဲ့ တင်ဆက်သလဲဆိုတာ ဖြစ်ပါတယ်။ ကျောင်းဝတ်စုံဆိုတာ ကိုယ့်တစ်ယောက်တည်းကို ကိုယ်စားပြုတာ မဟုတ်ဘဲ ကျောင်းသား၊ ကျောင်းသူအားလုံးနဲ့ ပညာရေးဂုဏ်သိက္ခာကို ကိုယ်စားပြုနေတာ ဖြစ်ပါတယ်။ လွတ်လပ်မှုရှိသလို တာဝန်ယူမှုလည်း ရှိဖို့လိုပါတယ်။ Trend တစ်ခုအတွက် ခဏတာ View ရနိုင်ပေမယ့် သမိုင်းရှိတဲ့ သင်္ကေတတစ်ခုရဲ့ တန်ဖိုးကိုတော့ မလျော့သင့်ပါဘူး။ အဖြူအစိမ်းဟာ Fashion မဟုတ်ဘူး။ မြန်မာကျောင်းသားဘဝရဲ့ သမိုင်းတစ်စိတ်တစ်ပိုင်း ဖြစ်တယ်။ #ကျောင်သား #ကျောင်းသူ #မြန်မာ့ကျောင်းသား #ကျောင်းဝတ်စုံ #အမျိုးသားစည်းကမ်းအစစာသင်ကျောင်းက

၂၀၂၆-၂၀၂၇ ပညာသင်နှစ် တတ်မြောက်မှုစစ်ဆေးအကဲဖြတ်ခြင်းလုပ်ငန်း ဆောင်ရွက်မည့် အစီအစဥ်

၂၀၂၆-၂၀၂၇ ပညာသင်နှစ် တတ်မြောက်မှုစစ်ဆေးအကဲဖြတ်ခြင်းလုပ်ငန်း ဆောင်ရွက်မည့် အစီအစဥ်

၂၀၂၆-၂၀၂၇ ပညာသင်နှစ်၊ အထက်တန်းအဆင့် (Grade 10, 11, 12) များအတွက် တတ်မြောက်မှုစစ်ဆေးခြင်း Grade 10 အခန်းဆုံး (ဇူလိုင်) - စာသင်ချိန်(၁)ချိန် ၊ ၂၅ မှတ် နှစ်ဝက်ဆုံး (အောက်တိုဘာ) - ၂ နာရီ၊ ၁၀၀ မှတ် အခန်းဆုံး (ဒီဇင်ဘာ) - စာသင်ချိန် (၁)ချိန် ၊ ၂၅ မှတ် နှစ်ဆုံး (ဖေဖော်ဝါရီ) - ၂ နာရီ၊ ၁၀၀ မှတ် Grade 11 အခန်းဆုံး (ဇူလိုင်) - စာသင်ချိန် (၁)ချိန် ၊ ၂၅ မှတ် နှစ်ဝက်ဆုံး (အောက်တိုဘာ) - ၂ နာရီ၊ ၁၀၀ မှတ် အခန်းဆုံး (ဒီဇင်ဘာ) - စာသင်ချိန် (၁)ချိန် ၊ ၂၅ မှတ် နှစ်ဆုံး (ဖေဖော်ဝါရီ) - ၂ နာရီ၊ ၁၀၀ မှတ် Grade 12 အခန်းဆုံး (ဇူလိုင်) - စာသင်ချိန် (၁)ချိန် ၊ ၂၅ မှတ် နှစ်ဝက်ဆုံး (အောက်တိုဘာ) - ၃ နာရီ ၃၀ မိနစ်၊ ၁၀၀ မှတ် အခန်းဆုံး (ဒီဇင်ဘာ) - စာသင်ချိန် (၁)ချိန် ၊ ၂၅ မှတ် နှစ်ဆုံး (ဖေဖော်ဝါရီ) - ၃ နာရီ ၃၀ မိနစ်၊ ၁၀၀ မှတ် (Grade 12 (တက္ကသိုလ်ဝင်စာမေးပွဲ ) ဖြေဆိုမည့်ကာလကို ထပ်မံကြေညာမည်။) မှတ်ချက် အခန်းဆုံးစစ်ဆေးခြင်းများတွင် တစ်ရက်လျှင် (၂) ဘာသာနှုန်းဖြင့် စစ်ဆေးရန် ဖြစ်သည်။ နှစ်ဝက်ဆုံးစစ်ဆေးခြင်း (Grade 4) တွင် တစ်ရက်လျှင် (၂) ဘာသာနှုန်းဖြင့် စစ်ဆေးရန် ဖြစ်သည်။ နှစ်ဝက်ဆုံးစစ်ဆေးခြင်း (Grade 5, 6, 7, 8, 9, 10, 11, 12) တွင် တစ်ရက်လျှင် (၁) ဘာသာနှုန်းဖြင့် စစ်ဆေးရန် ဖြစ်သည်။ နှစ်ဆုံးစစ်ဆေးခြင်း (Grade 4) တွင် တစ်ရက်လျှင် (၂) ဘာသာနှုန်းဖြင့် စစ်ဆေးရန် ဖြစ်သည်။ နှစ်ဆုံးစစ်ဆေးခြင်း (Grade 5, 6, 7, 8, 9, 10, 11, 12) တွင် တစ်ရက်လျှင် (၁) ဘာသာနှုန်းဖြင့် စစ်ဆေးရန် ဖြစ်သည်။

၂၀၂၆-၂၀၂၇ ပညာသင်နှစ်၊ အထက်တန်းအဆင့် (Grade 10, 11, 12) များအတွက် တတ်မြောက်မှုစစ်ဆေးခြင်း Grade 10 အခန်းဆုံး (ဇူလိုင်) - စာသင်ချိန်(၁)ချိန် ၊ ၂၅ မှတ် နှစ်ဝက်ဆုံး (အောက်တိုဘာ) - ၂ နာရီ၊ ၁၀၀ မှတ် အခန်းဆုံး (ဒီဇင်ဘာ) - စာသင်ချိန် (၁)ချိန် ၊ ၂၅ မှတ် နှစ်ဆုံး (ဖေဖော်ဝါရီ) - ၂ နာရီ၊ ၁၀၀ မှတ် Grade 11 အခန်းဆုံး (ဇူလိုင်) - စာသင်ချိန် (၁)ချိန် ၊ ၂၅ မှတ် နှစ်ဝက်ဆုံး (အောက်တိုဘာ) - ၂ နာရီ၊ ၁၀၀ မှတ် အခန်းဆုံး (ဒီဇင်ဘာ) - စာသင်ချိန် (၁)ချိန် ၊ ၂၅ မှတ် နှစ်ဆုံး (ဖေဖော်ဝါရီ) - ၂ နာရီ၊ ၁၀၀ မှတ် Grade 12 အခန်းဆုံး (ဇူလိုင်) - စာသင်ချိန် (၁)ချိန် ၊ ၂၅ မှတ် နှစ်ဝက်ဆုံး (အောက်တိုဘာ) - ၃ နာရီ ၃၀ မိနစ်၊ ၁၀၀ မှတ် အခန်းဆုံး (ဒီဇင်ဘာ) - စာသင်ချိန် (၁)ချိန် ၊ ၂၅ မှတ် နှစ်ဆုံး (ဖေဖော်ဝါရီ) - ၃ နာရီ ၃၀ မိနစ်၊ ၁၀၀ မှတ် (Grade 12 (တက္ကသိုလ်ဝင်စာမေးပွဲ ) ဖြေဆိုမည့်ကာလကို ထပ်မံကြေညာမည်။) မှတ်ချက် အခန်းဆုံးစစ်ဆေးခြင်းများတွင် တစ်ရက်လျှင် (၂) ဘာသာနှုန်းဖြင့် စစ်ဆေးရန် ဖြစ်သည်။ နှစ်ဝက်ဆုံးစစ်ဆေးခြင်း (Grade 4) တွင် တစ်ရက်လျှင် (၂) ဘာသာနှုန်းဖြင့် စစ်ဆေးရန် ဖြစ်သည်။ နှစ်ဝက်ဆုံးစစ်ဆေးခြင်း (Grade 5, 6, 7, 8, 9, 10, 11, 12) တွင် တစ်ရက်လျှင် (၁) ဘာသာနှုန်းဖြင့် စစ်ဆေးရန် ဖြစ်သည်။ နှစ်ဆုံးစစ်ဆေးခြင်း (Grade 4) တွင် တစ်ရက်လျှင် (၂) ဘာသာနှုန်းဖြင့် စစ်ဆေးရန် ဖြစ်သည်။ နှစ်ဆုံးစစ်ဆေးခြင်း (Grade 5, 6, 7, 8, 9, 10, 11, 12) တွင် တစ်ရက်လျှင် (၁) ဘာသာနှုန်းဖြင့် စစ်ဆေးရန် ဖြစ်သည်။

၂၀၂၆-၂၀၂၇ ပညာသင်နှစ်၊ တတ်မြောက်မှုစစ်ဆေးခြင်းလုပ်ငန်းစဉ်များ အခြေခံပညာကျောင်းများ၏ ၂၀၂၆-၂၀၂၇ ပညာသင်နှစ် တတ်မြောက်မှုစစ်ဆေးခြင်းဆိုင်ရာ အစီအစဉ်များ အခန်းဆုံး တတ်မြောက်မှုစစ်ဆေးခြင်း စစ်ဆေးမည့်ကာလ - ဇူလိုင်လ (နောက်ဆုံးပတ်) စစ်ဆေးမည့်သင်ခန်းစာများ - ဇွန်လမှ ဇူလိုင်လထိ သင်ခန်းစာများ နှစ်ဝက်ဆုံး တတ်မြောက်မှုစစ်ဆေးခြင်း စစ်ဆေးမည့်ကာလ - အောက်တိုဘာလ (သီတင်းကျွတ်ကျောင်းပိတ်ရက် မတိုင်မီရက်သတ္တပတ်) စစ်ဆေးမည့်သင်ခန်းစာများ - ဇွန်လမှ စက်တင်ဘာလထိ သင်ခန်းစာများ အခန်းဆုံး တတ်မြောက်မှုစစ်ဆေးခြင်း စစ်ဆေးမည့်ကာလ - ဒီဇင်ဘာလ (ဒီဇင်ဘာလ ကျောင်းပိတ်ရက် မတိုင်မီရက်သတ္တပတ်) စစ်ဆေးမည့်သင်ခန်းစာများ - အောက်တိုဘာလမှ ဒီဇင်ဘာလထိ သင်ခန်းစာများ နှစ်ဆုံး တတ်မြောက်မှုစစ်ဆေးခြင်း စစ်ဆေးမည့်ကာလ - (တတ်မြောက်မှုစစ်ဆေးမည့်ကာလကို ဆက်လက်ညွှန်ကြားပါမည်။) စစ်ဆေးမည့်သင်ခန်းစာများ - Grade 5၊ Grade 9 နှင့် Grade 12 - ဇွန်လမှ ဖေဖော်ဝါရီလထိ သင်ခန်းစာများ ကျန်တန်းများ - အောက်တိုဘာလမှ ဖေဖော်ဝါရီလထိ သင်ခန်းစာများ

၂၀၂၆-၂၀၂၇ ပညာသင်နှစ်၊ တတ်မြောက်မှုစစ်ဆေးခြင်းလုပ်ငန်းစဉ်များ အခြေခံပညာကျောင်းများ၏ ၂၀၂၆-၂၀၂၇ ပညာသင်နှစ် တတ်မြောက်မှုစစ်ဆေးခြင်းဆိုင်ရာ အစီအစဉ်များ အခန်းဆုံး တတ်မြောက်မှုစစ်ဆေးခြင်း စစ်ဆေးမည့်ကာလ - ဇူလိုင်လ (နောက်ဆုံးပတ်) စစ်ဆေးမည့်သင်ခန်းစာများ - ဇွန်လမှ ဇူလိုင်လထိ သင်ခန်းစာများ နှစ်ဝက်ဆုံး တတ်မြောက်မှုစစ်ဆေးခြင်း စစ်ဆေးမည့်ကာလ - အောက်တိုဘာလ (သီတင်းကျွတ်ကျောင်းပိတ်ရက် မတိုင်မီရက်သတ္တပတ်) စစ်ဆေးမည့်သင်ခန်းစာများ - ဇွန်လမှ စက်တင်ဘာလထိ သင်ခန်းစာများ အခန်းဆုံး တတ်မြောက်မှုစစ်ဆေးခြင်း စစ်ဆေးမည့်ကာလ - ဒီဇင်ဘာလ (ဒီဇင်ဘာလ ကျောင်းပိတ်ရက် မတိုင်မီရက်သတ္တပတ်) စစ်ဆေးမည့်သင်ခန်းစာများ - အောက်တိုဘာလမှ ဒီဇင်ဘာလထိ သင်ခန်းစာများ နှစ်ဆုံး တတ်မြောက်မှုစစ်ဆေးခြင်း စစ်ဆေးမည့်ကာလ - (တတ်မြောက်မှုစစ်ဆေးမည့်ကာလကို ဆက်လက်ညွှန်ကြားပါမည်။) စစ်ဆေးမည့်သင်ခန်းစာများ - Grade 5၊ Grade 9 နှင့် Grade 12 - ဇွန်လမှ ဖေဖော်ဝါရီလထိ သင်ခန်းစာများ ကျန်တန်းများ - အောက်တိုဘာလမှ ဖေဖော်ဝါရီလထိ သင်ခန်းစာများ