EFFECT.UZ | Расмий канал

Андижонда танасини ҳаракатланаётган машинадан чиқариб уятли қилиқлар қилган қизга чора кўрилди Андижонда танасини юриб кетаётган машинадан чиқариб уятли қилиқлар қилган 17 ёшли қизга ва ҳайдовчига чора кўрилган. Вилоят ИИБ ЙҲХБ ахборот хизматининг хабар беришича, ҳолат 2024 йил 4 июн куни соат 23:50 ларда содир бўлган. 2004 йилда туғилган К.А. “Жентра”да Андижон шаҳрида ҳаракатланаётганда йўловчи сифатида кетаётган 2007 йилда туғилган Т.М. машина ойнасидан танасини чиқариб уятли ҳаракатлар қилган. Ҳолат тасвирга олиниб, ижтимоий тармоқларга жойланган. Мазкур ҳолат юзасидан, ўтказилган тезкор суриштирув ишлари давомида қоидабузар ҳамда ҳуқуқбузар шахслар аниқланган. Ҳайдовчи машинани тегишли ҳужжатларсиз бошқарган ва ЙПХ ходимининг қонуний талабига бўйсунмаган. Қайд этилишича, ҳайдовчига нисбатан МЖтКнинг 135- ҳамда 194-моддаси билан, қизга эса МЖтКнинг 138-моддаси билан маъмурий баённомалар расмийлаштирилган. @effectuz

Мактабгача ва мактаб таълими вазирлиги томонидан ташкил этилган «Турон» мактаб театри танловининг Республика босқичи 1-кунидан видеолавҳа. Ўқувчилар 2 та шарт асосида куч синашди. @effectuz

Путин Ўзбекистон меваларини мақтади Россия президенти ташрифи вақтида бизнинг қишлоқ хўжалик вазиримизга Ўзбекистон мевалари жуда мазали деб айтди, - деди Экспортчилар уюшмаси раиси ўринбосари Бобур Расулев. Биз бугун қишлоқ хўжалик маҳсулотларимиз сифатини оширишга, уларни Россия ва Европа хавфсизлик стандартларига мослаштиришга ҳаракат қилмоқдамиз.

"Мақсадимиз – маҳсулотларни юқори қўшилган қиймат билан экспортга жўнатиш. Бу шунчаки уларни нархини ошириш дегани эмас, балким сифатини ошириш дегани", деди мутахассис.

Telegram | Facebook | Instagram | YouTube | Sport

"Уларнинг фаолиятини шу бугуннинг ўзидаёқ тўхтатиш ва қаттиқроқ чора кўриш лозим" – Отабек Нурматов  Сенат ишчи гуруҳи Андижон вилоятидаги боғчаларнинг овқатлантириш тизимини салбий баҳолади. Ўрганишлар давомида муассаса ошхоналари таъмирталаб экани, жиҳозлар, идиш-товоқлар етишмаслиги, сифатсиз маҳсулотлар олиб келингани аниқланган. Соғлиқни сақлаш вазирлиги вакили Нурматов Отабеков бундай МТТлар фаолиятини бугуннинг ўзидаёқ тўхтатиш кераклигини таъкидлади.                                                                    

Уларнинг фаолиятини шу бугуннинг ўзидаёқ тўхтатиш керак. Менинг назаримда, айнан шу 4 та тумандаги мутасаддиларга нисбатан бироз қаттиқроқ чора кўрилиши керакки, токи бу бошқа бировларга сабоқ бўлсин”, – деди у.

@effectuz

Бозорлар темир панжаралар билан ўраб олинади — қарор лойиҳаси Бозорлар бўйича Вазирлар Маҳкамасининг қарор лойиҳаси муҳокамага қўйилди. Унда Солиқ қўмитасининг ҳам ваколатлари мустаҳкамланмоқда. Қарор лойиҳасига кўра, Қорақалпоғистон Республикаси, вилоятлар марказлари ва Тошкент шаҳридаги йирик бозорларда жамоат тартибини сақлаш Миллий гвардия томонидан, бошқа ҳудудлардаги йирик бозорларда эса ички ишлар органлари томонидан амалга оширилади. Қарор қабул қилинса, йирик бозорлар ИИВ, Миллий гвардия ёки ФВВ билан қўриқлаш ва ёнғин хавфсизлигини таъминлаш бўйича шартномалар тузишга мажбур бўлади. Солиқ қўмитасига бозор ҳудудида белгиланмаган жойлардаги савдо фаолиятларини бартараф этиш ҳам юклатилмоқда. @effectuz

Мамлакатимиз бўйлаб LTE стандартига умумий 3000дан ортиқ майдонлар ўтказилди “Ўзбектелеком” АК ахборот хизмати раҳбари Тимур Мамаджонов бу ҳақда маълумот берди. “Ўзбекистон – 2030” стратегиясида барқарор иқтисодий ўсиш орқали аҳоли фаровонлигини таъминлаш йўналишида мамлакатни минтақавий “IT-HUB”га айлантиришга қаратилган бир қатор чора-тадбирлар белгилаб берилган. Хусусан, ўтган 2023 йил давомида Компания томонидан республика бўйлаб 60 минг километрдан зиёд оптик толали алоқа линиялари қурилиб, уларнинг умумий узунлиги 233 минг километрга етказилди. Ишлар натижасида мавжуд ижтимоий обектлар 100 фоиз, аҳоли пунктларининг эса 93 фоизи юқори тезликдаги Интернет тармоғи билан қамраб олинди. “Ўзбекистон – 2030” стратегиясида белгиланган асосий вазифалардан яна бири – Тошкент шаҳри, Қорақалпоғистон Республикаси ва вилоятлар марказларини бешинчи авлод алоқа тармоғи – 5Gтехнологияси билан қамраб олиш бўйича ҳам тизимли ишлар олиб борилмоқда. @effectuz

ИҲТ Туризм вазирларининг ХII сессиясини 150 нафар маҳаллий ва хорижий ОАВ вакиллари ёритиб борди Хива шаҳрида “Хива – 2024 йилда Ислом дунёсининг туризм шаҳри” халқаро тадбирини Ўзбекистон, Қозоғистон, Тожикистон, Қирғизистон, Озарбайжон, Туркия, Эрон, Малайзия, Қатар, Кувайт, Покистон, Саудия Арабистони, Миср, Россия ва бошқа мамлакатлардан 150 нафарга яқин журналист ёритиб борди. Натижада мамлакатимиз ва Хива шаҳри 6,7 млрдга яқин аҳолига эга 5 қитъада тилга олинди. Эслатиб ўтамиз, 31 майдан 2 июнгача “Хива – 2024 йилда Ислом дунёсининг туризм шаҳри” халқаро тадбирлари доирасида Туризмни мувофиқлаштириш қўмитасининг 9-йиғилиши, юқори мансабдор шахсларнинг йиғилиши, Туризм вазирлари Ислом конференциясининг (ICТМ) ХII сессияси, “Ислом дунёсининг муқаддас қадамжолари” номли рангтасвир кўргазмаси, ҳамда Хива шаҳрининг “Ичан-қалъа” давлат музей қўриқхонасида “Паҳлавон Маҳмуд – Баҳодирлар ўйини” Халқаро турнири юқори савияда ташкил этилди. @effectuz

Навоийлик аёл уч нафар эгизак дунёга келтирди Зарафшонлик аёл уч эгизак фарзандни дунёга келтирди. Бу ҳақда Соғлиқни сақлаш вазирлиги матбуот хизмати хабар берди. Маълум қилинишича, 2024 йил 3 июнь куни Зарафшон шаҳрида яшовчи 34 ёшли Х. Хамраева ва унинг турмуш ўртоғи А. Аҳмадов бирйўла 3 нафар эгизакнинг ота-онасига айланди. Республика ихтисослаштирилган она ва бола саломатлиги илмий-амалий тиббиёт маркази Навоий вилоят филиалида гўдакларнинг соғлом туғилиши учун барча зарур шарт-шароит ҳозирланди. Кесарча усул туғуруқ амалиёти натижасида 2555, 2115 ва 2055 граммли 3 нафар, бир нафар қиз ва икки нафар ўғил чақалоқ дунёга келди.

«Ҳозирда гўдакларнинг аҳволи яхши. Уларнинг парвариши ҳамда она сути билан озиқланиши неонатолог-шифокор ва ҳамширалар назорати остида. Маълумот ўрнида айтиш лозимки, бу жорий йил Республика ихтисослаштирилган она ва бола саломатлиги илмий-амалий тиббиёт маркази Навоий вилоят филиалида уч нафар эгизаклар туғилиши билан боғлиқ иккинчи ҳолатдир», — дейилади хабарда.

@effectuz

"Олмалиқ КМК" АЖда 5 ойда 232,4 млн долларлик маҳсулотлар экспорт қилинди Жорий йилнинг ўтган 5 ойи давомида барча ишлаб чиқариш прогнозларини бажаришга эришган Олмалиқ кон-металлуригя комбинати экспорт прогноз кўрсаткичлари бўйича ҳам яхши натижаларни қайд этди. Хусусан, 2024 йилнинг январь-май ҳолати бўйича 232.471.000 долларлик маҳсулотлар экспорти амалга оширилиб, прогноз 107% га бажарилди. Маҳсулотлар кесимида таҳлил қиладиган бўлсак, 5 ойда 20069 тонна мис маҳсулотлари, 11 211 тонна рух маҳсулотлари, 310 тонна молибден маҳсулотлари, 8386 тонна қўрғошин концентрати хорижий истеъмолчиларга жўнатилган. Шунингдек, рений, кадмий, мис купороси, паладдий кукуни каби маҳсулотлар экспортида ҳам прогнозлар бажарилиши таъминланган. Айтиш жоизки комбинат маҳсулотлари 20 дан ортиқ давлатларга экспорт қилинмоқда. Йилдан йил маҳсулотлар экспорт географияси кенгаймоқда. Жумладан, 2023 йилда мис катанкаси ва мис купороси экспортида янги бозорлар – АҚШ, Мексика ва Финляндия каби давлатлар ўзлаштирилди. @effectuz

Қозоғистонда болаларга энергетик сотиш тақиқланади Қозоғистонда 21 ёшгача бўлганларга энергетик ичимликлар сотиш тақиқланади. Депутатлар аллақачон тегишли қонун лойиҳасини қабул қилишган. Бу ёшгача бўлган одамларга енергетик ичимликлар (ҳатто сотувчининг иштирокисиз ҳам — масалан, автоматлар орқали) сотишга энди йўл қўйилмайди. @effectuz