EFFECT.UZ | Расмий канал

Жиззахда ҳаракатланиб кетаётган Nexia'нинг газбаллони портлади Ҳолат Ғаллаорол туманида содир бўлган. Айни дамда машинада бўлган ҳайдовчи ва йўловчиларнинг сони ва шахсига аниқлик киритилмоқда. @effectuz

Санитария-эпидемиология қўмитаси йўл бўйида сотилаётган музқаймоқларни истеъмол қилмасликка чақирмоқда Хабарга кўра, мазкур турдаги музқаймоқ солинган идишлар маҳсулотни сифатли тарзда сақлаб бера олмайди. Бундан ташқари, у қачон, қаерда , қандай шароитда ишлаб чиқарилгани, унинг таркиби, сақлаш муддати ва шароити тўғрисида ҳеч қандай маълумот йўқ. Сотувчи ўзи сотаётган маҳсулот сифати ва таркиби тўғрисида маълумотга эга эмас.

«Музқаймоқ солинган идишлар санитария-гигиеник ҳолати бугунги кун талабига мутлақо жавоб бермайди. Маҳсулотни кўча-кўйда сотиш учун тегишли рухсатнома ва сертификат йўқ. Сотувчилар махсус кийим билан таъминланмаган. Қолаверса, тиббий кўрик дафтарлари ҳам мавжуд эмас. Талабга кўра, озиқ-овқат маҳсулотлари савдоси билан шуғулланадиган ходимлар ҳар 6 ойда тиббий кўрикдан ўтишлари шарт. Истеъмолчи ушбу сифати кафолатланмаган маҳсулотни истеъмол қилиши оқибатида заҳарланиш эҳтимоли юқори. Шунингдек, юқумли касалликларнинг тарқалишига ҳам замин яратилади», дейилади хабарда.

@effectuz

Рамзан Қодиров отаси Ўзбекистонда ўқиганини эслади Чеченистон Республикаси раҳбари Рамзан Қодиров Тошкентга ташрифи чоғида отаси Аҳмад Ҳожи Қодиров Ўзбекистонда таҳсил олганини таъкидлади. Бу ҳақда у ўзининг Телеграм-каналида маълум қилди.

– «Халқларимиз азалдан бир-бирига ака-укачилик муносабатида бўлиб келган. Бошқа йўл бўлиши мумкин эмас», — деди Қодиров.

Қодиров Ўзбекистонга Россия ва Ўзбекистон минтақалар кенгаши йиғилишида иштирок этиш учун келган эди. @effectuz

Қаршибоев Ғофуржон Яхшибоевич Экология, атроф-муҳитни муҳофаза қилиш ва иқлим ўзгариши вазирлиги ҳузуридаги Ўрмон хўжалиги агентлиги директорининг биринчи ўринбосари этиб тайинланди. Тайинлов Вазирлар Маҳкамасининг тегишли қарори билан амалга оширилди. Ғофуржон Қаршибоев бунга қадар Экология вазирлигининг "Яшил макон" умуммиллий лойиҳасини ташкиллаштириш ва мониторинг бошқармаси бошлиғи лавозимида ишлаган. @effectuz

Сурхондарёда икки минг йиллик тарихга эга шаҳар қолдиқлари топилди Ўзбекистон-Хитой қўшма археологик экспедицияси томонидан Сурхондарё вилояти Узун тумани ҳудудида амалга оширилган тадқиқот ишлари давомида 4 минг йиллик тарихга эга қабрлар ва 2 минг йиллик шаҳар қолдиқлари топилди. Хусусан, изланишлар давомида турли хил сопол идишлар, қурол-аслаҳалар, тақинчоқлар, ҳайкалчалар, шаҳарча миноралари қолдиқлари ҳамда турли қадимий қабрлар аниқланди. Олимларнинг дастлабки хулосаларига кўра ушбу археологик топилмалар эрамиздан аввалги II - эрамизнинг III асрларига оид Қанғ, Кушон ва Юечжи (Массагетлар) даврига тегишли эканлиги аниқланган. Ҳозирда ҳудудда Ўзбекистон-Хитой қўшма археологик экспедицияси томонидан ўрганиш ишлари давом эттирилмоқда. @effectuz

Самарқандда «Ялангтўш Баҳодир» фильми премьераси бўлиб ўтди Самарқанд шаҳрида режиссёр Жаҳонгир Аҳмедов томонидан суратга олинган «Ялангтўш Баҳодир» филми премьераси бўлиб ўтди. Айтишларича, Ялангтўш Баҳодир (Регистон ансамбли асосчиси, Самарқанд ҳокими) ҳақидаги тарихий фильмда Голливуд каскадёрлари ҳам ишлаган. Суратга олиш ишлари павильонда олиб борилган. @effectuz

Қашқадарё вилояти мактабгача ва мактаб таълими бошқармаси шуъба мудири, Давлат кадастрлар палатаси Қарши шаҳар ва Косон тумани бўлими муҳандислари пора олаётганда ушланди @effectuz

“International” меҳмонхонаси сотувга қўйилди Давлат активларини бошқариш агентлиги “InterHotel” МЧЖдаги 100% давлат улуши хусусийлаштиришнинг музокараларга оммавий равишда таклиф қилиш усули асосида савдо жараёнлари бошланганлигини эълон қилди. Меҳмонхона 232 та хоналар, 7 та конференц заллар, 2 та ресторан, барлар, ёзги терраса, фитнес-клуб ва бассейнни ўз ичига олади. Умумий 3 га ер майдонида 44,903 кв.м. бино ва иншоотлар жойлашган. Хусусийлаштириш тегишли дастурларга мувофиқ амалга оширилмоқда. @effectuz

Кредит маблағларини ўзлаштириш ҳолатлари аниқланди Бош прокуратура ҳузуридаги Департаментнинг Шароф Рашидов туман бўлими томонидан ўтказилган терговга қадар текширувда “J.q.” МЧЖ раҳбари Б.Қ. 7 нафар фуқарога тадбиркорлик фаолияти учун ажратилган кредит эвазига таъминотчи корхона сифатида маҳсулотларни етказиб бермасдан 200 млн сўм кредит маблағини ўзлаштирганлиги аниқланган. Департаментнинг Қўрғонтепа туман бўлими томонидан ўтказилган терговга қадар текширувда фуқаро Ш.Н. (муқаддам судланган) фуқаро С.А.ни алдаб, унинг турмуш ўртоғи Ю.У.нинг номига банк филиалидан уй-жой сотиб олиш учун кредит ажратиб бериши эвазига 2 600 АҚШ долларини фирибгарлик йўли билан қўлга киритганлиги, шунингдек банкнинг дастурий иловаси орқали унинг номига 31,7 млн сўм онлайн-микроқарз ажратишга эришиб, ушбу маблағларини ўзининг шахсий эҳтиёжлари учун сарфлаб юборганлиги аниқланган. Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда. @effectuz

Жаҳон чемпионатида тарихий натижа қайд этган пара атлетларимиз тантанали кутиб олинди Жорий йилнинг 17-25 май кунлари Япониянинг Кобе шаҳри мезбонлик қилган пара енгил атлетика бўйича жаҳон чемпионатида муваффақиятли иштирок этиб, 103 мамлакат орасида 3-ўринни эгаллаган терма жамоамиз аъзолари бугун юртимизга қайтиб келишди. Матонатли пара атлетларимиз Тошкент халқаро аэропортида Ўзбекистон Республикаси Спорт вазирлиги ҳамда Ўзбекистон Миллий паралимпия қўмитаси раҳбарияти, оммавий ахборот воситалари ходимлари, кенг жамоатчилик вакиллари ва оила аъзолари томонидан катта тантана билан кутиб олинди. @effectuz