Dunida Suugaanta✨🥰

ADD YOUR CHANNEL/GROUPS 🌟 Listen. Learn. Grow. 🎙 Shuruudaha:

kaliya channel nadiif ah ayaan aqbalnaa

🚫 cay · 🚫 sex/porno · 🚫 qabyaalad · 🚫 akhlaaq-xumo ✅ Aqoon · xikmad · buugaag · diin 📩 Channel-kaaga soo dir: @Mfaratoon 1️⃣ Aqoon & Fasalo 🎓 • Maanhage · 13k • Farsamada · 27k • Somali English 1 · 15k • Somali English 3 · 28k • Carabi · 11k 2️⃣ Aqoon & Xikmado 🅰️ • Hasan Caashaq · 18k • Dareen Side · 20k • Kobci Aqoontaada · 26k • Qalbi Dhaye · 18k • Xikmado · 42k • Noqo Xiddig · 16k • Dunida Suugaanta · 20k • Aisha Ahmed · 19k 3️⃣ Buugaag & Akhris 📚 • Somali Library · 76k • Somali Books · 160k 4️⃣ Diinta & Duunyada 🌙 • Kalimat Kariim · 15k • Al Xakiim · 20k • Albaani · 16k • Hogaan Dumar · 18k • Nasteex Media · 19k • Etminnan · 17k • Quruxda Islaamka · 26k

Waxaan ilaahay uga mahadcelinay in uu xusuustayda katiray, Qoftii aan Mararka qaarkood moodi jiray inay tahay Ruuxdayda. ~zaki bootaan.

Luggooyada ugu weyn ee xilka dawladdu keeno waxa ka mid ah, in qofku moodo in uuu muhiim yahay. Taasna waxa uu rumaystaa marka uu arko dadka raadinaya ama telefoonkiisa soo wacaya ee danaha kala duwan ka leh. Markaas ayuu qofku is moodaa in uu cirka iyo dhulka kala hayo. Laakiin xaqiiqadu waxa ay tahay, waxa muhiimka ahi adiga ma aha, ee waa kursiga aad ku fadhido. Kursiga ayay dadku soo wacayaan, kursiga ayay dan ka leeyihiin. Imisa ayaa hore kursigan ugu soo fadhiistay, oo maanta suuqyada shaah iskaga cabbaya, cidna aanay lambarkooda xitaa ku soo khaldamayn. Brother, waxa muhiimka ahi waa kursiga aad ku fadhido, ee adiga ma aha. Kolley berri ayaad dadka suuqa ugu iman doontaa adigoo macaan la il daran sidii kuwii kaa horreeyaye, dadka xurmo iyo wanaag sii gasho. W/Q Ismaaciil C Ubax

Waxaanu soo qaadanayaa tusaallaha dhakhtar ka murugooday geerida gabadhiisa oo uu aad u jeclaa. Fg: silicu ma aha mid mahuraan ah si loo gaadho macnaha. Haddii la baajin karo ama la baabiin karayo waa in aynu isku dayno inaynu meesha ka saarno, haddii se uu yahay mid ina huran oo aynaan waxba ka qaban karayn; waa in aynu macne nololleed dhexdiisa ka fadhanaa. • Xurriyadda + Masuuliyada Faraankel waxa uu aaminsanaa masuuliyada iyada oo keligeed ah in aan la qeexin, se lala soo qaato mar kasta masuuliyada. Markaa waa in qofku go’aankiisana aqoonsado, isla markaana ogsoonaado natiijada ka dhalanaysa. Waxa uu ina leeyahay waa in aynaan mar walba nolosheena ka filan waxa aynu doonayno, laakiin waa in aynu is weydiino waxa ay iyadu inaga filayso. • In qofku is-dhaafo Halkanina waa qodob kale oo aad u muhiim ah marka la joogo aragtida Faraankel. Macnaha is-dhaafitaankuna waxa weeyi; in uu qofku u dedaalo oo tamartiisa geliyo wax isaga naftiisa iyo danihiisa ka baxsan, sida; qof kale oo kugu weyn, aragti, aqoon, masuuliyad, iyo hawlqabad macno leh. Farsamooyinka Logotherapy-ga: Labaynu ka soo qaadanaynaa Paradoxsical intension: waa in qofka bukaanka ah wixii uu ka baqanayay si xad dhaaf ah loola kulansiiyo, iyada oo lagu kalifayo in uu ka fikiro ama la macaamilo isla shaygaas doogta ku kicinaya. Dereflection: farsamadan waxa loo adeegsadaa si qofka looga jeediyo in waxa ugu badan ee uu ka fikiraa noqdo naftiisa iyo xaaladdiisa, iyada oo lagu jihaynayo in uu wax kale oo macno leh oo isaga ka baxsan. Waxaana tusaale loo soo qaadan karayaa dhakhtarkii gabadhiisu ka dhimatay ee aadka u murugaysnaa, dabadeedna Faraankel ku yidhi “ka fikir in gabadhaadu halkaaga ku jirtay, oo adiguna aad dhiman lahayd. Ma la jeclaan lahayd in ay sidan aad u murugaysan tahay noqoto, geeridaada darteed?” dabcan maya ayuu ku jawaabay, kadibna waxa uu Faraankel u sheegay in uu helay fursadii ay iyadu weyday, sidaa darteedna iyada darteed u faraxsanaado. Gunnaanad: Buuggani kuuma balanqaadayo in noloshu mar walba ahaanayso mid wada farxad ah, caddaalad leh, oo aad fahmi karayso. Wuxuu se ku siinayaa aduun arag cusub iyo diirad aad nolosha ka dhex eegi karaysid, kaas oo ah; “xiitaa haddii noloshu ina siin weydo waxa aynu doonayno, waxa weli jira wax macno leh oo aynu inagu qaadhaan ahaan ugu darsan karayno!

Waxa uu xasuustaa marka la arko maxbuus roodhidiisii ku soo badashay sigaar, kolkiiba la garan jiray in uu is dhiibay, oo uu doonayo daqiiqadihiisa ugu danbeeya in uu sii raaxaysto. Mar kale waxa uu tilmaamayaa in aan rejadu kelideed qofka nooleynayn, hase ahaate waxa ay keenaysaa in uu qofku u dedaalo sidii uu u badbaadi lahaa isaga oo intii karaankiisa ah is daryeelaya. Xurriyada ugu danbeysa ee qofku leeyahay: doorashada hab-dhaqankiisa Waa qaybaha falsafad ahaa ugu riban buugga oo dhan, waxaanu qaybtan kaga jawaabayaa weydiina ah: dadka gebi ahaan ma waxa xukuma xaaladdaha ku hareeraysan? Faraankel waxa uu leeyahay; Maya. Waxa uu qirayaa in xeryuhu burburin karayaan ku dhawaad wax kasta oo qofka jiraalkiisa dibaddeed ah. hase ahaate waxa uu ku doodayaa in aanay taasi si dhamaystiran aanay u baabiin karayn xurriyada qaadashada go’aannada gudeed ee qofka. Waxa uu qoray: “wax kasta waa laga qaadi karayaa bani aadanka, marka laga reebo hal wax oo ah xurriyadiisa ugu danbeysa; cugashada habka uu u dhaqmayo iyo anshaxa uu la imanayo marka xaaladdo kala duwan uu ka kulmo.” Tusaalle waxa uu u soo qaadanayaa in maxaabiista qaar ay axmaqiin noqdeen daneystayaal ah, halka kuwo kalena cidda xanuusata siinayeen badh kamid ah cuntadooda iyaga oo u baahan. Dadkaasi may ahayn kuwo ladan, se waxay xanuun dheeri ah u qaadayeen si ay qof kale mid uga dul qaadaan. Halkan waxa uu Faraankel inoogu kala saarayaa kala duwanaanshaha u dhexeeya xaaladdaha dibaddeed ee qofka iyo xurriyadda gudeed, waxaanu leeyahay; qofku ma laha awood u si dhamaystiran ugu maamuli karayo wax kasta oo aggihiisa ka dhacaya, se waxa uu mar walba leeyahay awood uu ku dooran karo sida uu uga jawaab celinayo. Waxaanu ku dooddayaa in aan silica si fudud looga bixi karayn, laakiin sidoo kale silicu ma aha mid gaabaynaya qofka shakhsiyadiisa oo dhan. Xurriyada iyo saamaynteeda nafsiga ah: Waxa uu Faraankel sheegayaa dadkii nasiibka lahaa ee ka badbaaday xeryaha xasuuqu, in ay mareen maraaxil kala duwan oo nafsadeed. Waxaana keenay in sannado badan iyaga oo la qabsaday cadaab ba’an, si kadis ah loo soo fasaxay markii dagaalku dhamaaday ee Naasiyiintu jabeen. Marxaladdahaasi waxa ay ahaayeen: • In ay rumaysan waayeen: markii ay soo baxeenba waxa ay ku ciil baxeen cuntada, hurdada iyo in ay xidhaan dhar caadi ah. Socodka ayay miciinsadeen oo meel kasta oo ay tagaanba waxa ay la ahayd mid aad u qurux badan. • In ay dadkii soo baxeen iyaga oo qaba doog, kadibna dadkii kale ay kula dhaceen. • Dadku marka ay xor noqdaan, ciqaabtii ay soo mareen kama dhigto kuwo naxariis badan, ee in ay ciil-qabayaal noqdaan ayaa suure ah. • Ogaanshaha geerida kuwii rejadooda ay ku noolaayeen. Qaybta labaad: Logotherapy Qeexitaan: logotherapy waa nooc kamid ah daaweynta nafsiga ah (psychotherapy) oo uu sameeyay Fiktar Faraankel. Waxaanay ka timi erey oo Giriig ah Logos oo u taagan macne ama u jeedo iyo therapy oo ah dawayn. Waxaana udub dhexaad u ah in nolosha bani aadanka waxa ugu weyn ee shidaaliyaa aanu ahayn raadinta raaxadda sida uu Sigmund Freud sheegay, iyo raadinta awooda sida uu Alfred Alder sheegay; waxa se nolosha qofka shidaaliya waa raadinta macne nololleed. Sidaa daraadeed logotherapt-gu waxa uu isku dayayaa in uu dadka ka caawiyo helitaanka macnaha noloshooda, marka loo eego xaaladdahooda gaarka ah. Qofka bukaanka ah halkii laga waraysan lahaa dhibaatooyinkiisa, waxa laga waraysanayaa macnaha noloshiisa iyo sida uu u heli karayo. Waxa jira saddex qaab oo uu qofku ku heli karo: Shaqo iyo waxqabad: qaabka ugu horeeya waa in uu qofku samaysto wax uu sameeyo ama ka shaqeeyo, kaas oo uu dareemayo in uu agtiisa macne ka leeyahay. Jacaylka iyo samaha: waxa uu Faraakel aaminsanaa in jacaylku qofka u ogolaanayo in uu si qoto dheer u fahmo dadka kale. jacaylku waa ka inoo ogolaanaya in aynu qofka aqoonsano oo keliya aynaan aqoonsan sida uu imika yahay, se sida uu ahaan jiray iyo sida uu noqon karaba muddo kadib. Silica: qaabka saddexaad ee uu qofku macnaha noloshiisa ku heli karayo waxa weeyi sida uu ula macaamilo silica iyo jawaabta uu ka bixiyo.

Faraankel waxa uu sheegayaa in uu ahaa isagu maxbuus 119, 104. Shaqaddaadii hore iyo maamuus kasta oo aad lahaydna waa la tuurayaa cid kuu tixgelinaysaana ma jirto. Cuntada: Meeshaa ay ku xidhnaayeen cuntadu aad ayay ugu yarayd, maalintii oo dhana qofku waxa uu ka dhex shaqaynayaa baraf isaga oo aan dhar munaasib ah xidhnayn, raashinkiisuna waxa uu ahaa midh roodhi ah iyo maraq; waa haddii uu nasiib leeyahaye. Dadku si kala duwan ayay u isticmaali jireen cuntadooda, qaar baa jiray yaryaraysan jiray si ay muddo badan u hayso, kuwo kale markiiba waa ay cuni jireen si ay wakhti kooban uga nastaan dareenka xun ee gaajada. Sheekada ugu badan ee dadka dhex marta marka ay firaaqo helaan waxa ay ahayd cunto iyo xurriyad, oo waxa ay iska waraysan jireen cuntooyinka kala duwan ee ay afka saari doonaan haddii ay badbaadaan. Faraankel waxa uu sheegay in maxaabiista in badan oo kamid ahi ku riyoon jireen cuntooyin kala duwan, isaguna uu kamid ahaa dadkaas, oo uu ku riyoon jiray keeg, sigaar, iyo biyo diiran in uu ku maydhan doono. Waxani may ahayn han weynaan iyo waxyaabo dedaal badan ka xiggo, waxay se ahaayeen waxyaabo caadi ah oo dadka iska ag ooli jiray, meeshan markii la keenay se lama helaan noqday. Nolosha gudeed ee maxaabiista: Waxa uu qoraagu ka waramayaa in maxaabiista badankoodu ay nafis ku meel gaadh ah ka heli jireen xasuusaha, masanuuninta (khayaalka), dabeecadda, iyo fanka. Waxa uu sheegayaa in uu xasuusto mar isaga iyo maxbuus kale oo dhex lugaynaya dhaxantu ay cadceed dhaca ku dhaygageen, iyaga oo muddo yar ilaaway in ay xero joogaan. midabada ka duwan kuwa ay deegaankooda ku arkaan aad ayay u soo jiidan jireen, waanay daawan jireen aalaaba, marka ay wakhti helaan sheeko iyo fan ayay isku dhaafin jireen xanuunka. Waxaanu sheegayaa in aan badanaa cidna soo hadal qaadi jirin dhib haysata, sidii oo ay yihiin kuwa ugu ladan aduunka. Tani waxa ay ina tusaysaa in qofka marka deegaankiisu noqdo mid aan la xamili karayn uu gudihiisa u cararo si uu uga gaashaanto xanuunka dibadeed. Qosolka: Marka qofka noloshiisa illaha farxadda ee dabiiciga ah laga awdo meelo kale ayuu ka raadsadaa, qosolkuna marar badan waa dawwo shaafisa xanuun aan cilankiisa la saari karin. Haddaba fiktor waxa uu sheegayaa intii uu jeelka ku xidhnaa in maxaabiistu wax kasta ku qosli jirtay, oo xiita waxyaabaha ugu yaryar ama kuwo aan laguba qosli karayn ay faydha 12aad uga qosli jireen! qofkana markay noloshiisu xumaato ee uu quus ka istaago ama la qabsado dhacdooyinka dhiilada ah iyaga ayaaba u noqda wax uu ku qoslo. Muhiimadda rejada iyo in uu qofku haysto wax uu u noolaado: Fiktor waxa uu indha-indheeyay maxaabiista, waxaana u soo baxday in aan xaaladdooda jidheed oo keli ahi aanay ku filnayn in ay naftoodu badbaado. Qaar kamid ah kuwa ugu xoogga waaweyn ayaa si aayar ah rabitaankii noloshu uga guurayay kadibna dhimanayay, kuwo kale oo aan iyagu jidh ahaan weynayna waxa ay si joogto ah ula imanayeen sabab ay usii adkaystaan, kuwaasina waa kuwa aalaaba noolaanayay. Buugga dhexdiisa waxa uu Faraankel soo xigganayaa weedh uu leeyahay faylasuufkii weynaa ee Friedrich Nietzche, oo ah: “He who has a Why to live can bear almost anay How” qofka haysta sabab uu u noolaado, waxa uu u adkaysan karayaa si kasta oo loo noloshu noqoto. Sababuhu waxa ay ahaayeen kuwo kala duwan oo qof walba u gaar ah, maxbuuskuna isaga ayaa samaysanayay waxaanay u noqonaysay rejadaasi xadhig nolosha ku haya oo uu ku sii adkaysto. Faraankel isaga waxa u ahaa qoraalkiisii qabyada ahaa ee laga qaaday in uu dhamaystiro; waxa uu masanuunin jiray isaga oo jaamacaddaha looga yeedhay oo khudbado u jeedinaya dadka. Masuuliyad ayuu iska saaray in uu qoraalkaas dhameeyo mustaqbalka, taas oo u noqotay wax uu u sii adkaysto dartii. Waxa uu sheegay in qofku aanu badbaadi karayn haddii aanu sawiran mustaqbalka sugaya xerada kadib iyo masuuliyada nololeed ee saaran. Dhaxalka rejo la’aanta: Waxa uu qoraagu ka waramayaa maxaabiista iska qubtay filashooyinkii ay mustaqbalka ka lahaayeen in ay naftooda waayi jireen.

Waxa uu Fiktor la yaabay in maxaabiista qaar ay markaas niyad sami meesha ku qaabileen iyaga oo rejo naawilaya, sababtuna waxa ay ahayd in ay arkeen bilowgiiba maxaabiis kale oo naax naaxsan caafimaadkooduna taam yahay oo dharka iyo alaabta ka qaaday kolkoo ay soo deggeen; ma ay se ogeyn in ay yihiin Capos ku naaxay dheecaanka walaalahood. Faraankel waxa uu la xidhiidhiyay nayaayiradaas iyo niyadsamidaas xaalad kasmo-nafeedka marka la joogo loo yaqaan (delusion of reprieve), oo noqonaysa ismoodsiiska badbaadada. Taas oo timaada marka uu qof la kulmo masiibo aanu waxba ka qaban karayn, waxaanu qofkaasi si weyn u aaminaa in wax badbaadinayaa dhacayo daqiiqada ugu danbeysa, waxaana aalaaba lagu arkaa dadka dilka lagu xukumo. Kala xulista koowaad: Dadku marka ay yimaadeen waxa loo qaybiyay laba feyl oo rag iyo dumar kala ah. Waxa hor taagan sarkaal SS ah oo aayar fartiisa dhanka uu u jeediyo qofkaasina marayo. Maxaabiista midigta loo diro waa kuwo loo arkayay in ay caafimaad qabaan laguna shaqaysan karo, kuwa bidixda loo diraana waa kuwa xanuusanaya ama aan shaqo tahli karayn; iyaga waxa loo diri jiray baadka (qolkii gaasta) kadibna waa la moofeyn jiray! Faraankel waxa loo diray isaga midigta, mar danbena waxa uu ogaaday in boqolkiiba 90% dadka meesha la keeno loo diro dhanka bidix. Furfurka ahaanshiyaha qofka: Dadkii yaraa ee loortay in ay midigta maraan, waxa loo diray xarun maydhis oo niyaasta ka soo maydha, alaabtoodii baa laga wada qaaday, dharkii baa laga saaray, jidhkoodana waxa laga tirtiray tin walba oo ku taalay. Faraankel oo sitay waraaqo uu ku qoray cilmi uu noloshiisa oo dhan tabcanayay, kaas oo uu aad u ilaalin jiray. Waxa uu weydiiyay maxbuus meesha kaga soo horeeyay waraaqihiisa waxa laga yeelayo, waxaanu u sharaxay muhiimada ay leeyihiin, se maxbuuskii wuu ka maadsaday indho-la’aantiisa. Waxa uu Faraankel buugga ku dhex leeyahay; “Waxba maanu haysan, marka laga reebo jidhkayaga mudh iyo gacanta ah, oo xiita timihii loo quudhi waayay; waxa keliya ee aanu haysanay waa jiraalkayaga qaawan.” Waa halkan halka aynu marka ugu horeysa ka arkayno su’aasha udub dhaxaadka u ah buugga: haddii wax kasta oo dibadda ka jira qofka laga qaado, maxaa u soo hadha? Marxaladaha naftu marayso marka xerada la joogo: Anfariir (shock): waxa uu qoraagu qaybtan ku tilmaamayaa shoodh dadka qabsanaya, oo ay ku dareemayaan u qaadan waa’, naxdin, yaab, iyo burbur ku imanaya aragtidii hore ee uu ka haystay nolosha. Waxa uu arkayay dadkii caadiga ahaa oo la qabsaday xaalado aanay islahay weligood way u adkaysan akrayaan; waxay seexanayeen iyaga oo xaalad raaxada ka fog ku sugan, waxa ay iska noolaayeen iyaga oo aan nadaafad haysan, wax ay la qabsadeen gaajada iyo garaaca joogtada ah. faraankel waxa uu sheegayaa in qof waliba niyada ku hayay maalin walba in uu is dilo oo uu garaa’idka danabaysan ku soo dhego si naftu dhib yaraan ugu dhaafto; kuwo badan waabay sameeyeen, hase ahaate kuwo kale oo badana way ka joogsadeen oo waxa ka qabtay iimaan iyo rejo ay ka leeyihiin dadkoodii iyo noloshoodii hore. Kabuubyo (apathy): waxa qaybtan qofka soo gaadha ka guuraya mashaacirtii, naxariistii iyo ka jawaabistii dhibaatada. Maxaabiistu waxa ay noqdeen kuwo aan dareemin ama aan dhibsan xanuunka, axmaqnimad, bahdilka iyo xiitaa geerida. Sababta ay sidaas u noqdeena ma aha in ay iyagu xumaadeen, waa se difaac uu maankoodu ka samaystay deegaanka xun ee ay joogaan si ay uga gaashaantaan, taas oo beer-nugeylku aanu ka jiri karayn. Waxa uu Faraankel tusaale u soo qaadanayaa jidh-dilka oo markii hore maxbuus kastaaba ka nixi jiray qofka lagu samaynayo isaga oo aan indhaha siin karayn, balse muddo kadib ay caadi la noqotay, oo iyaga oo agtooda lagu dilayo aanay xiita yara jixin jixeyn. Waxa uu qoraagu sidoo kale sheegayaa in xanuunka jidhka ka soo gaadha uu ka xumaa kan bahdilka ah ee loo geysanayo, haddana muddo kadib waa lala wada qabsaday, wixii karaamada ay u yaqaaneena meesha ayuu ka baxay! Magacaaga waad luminaysaa: Marka xerada la joogo qofku siyar siyar ayuu isku waayayaa, waxaana looga bilaabaya in magaciisa tiro lagu beddelo.

Gorfeyn iyo Guudmar Buugga: Man’s search for meaning Qoray: Viktor E. Frankl Soo koobay: Hassan Faacuul_ 30/10/2026 Qoraaga: Viktor E. Frankl waa Neurologist, iyo Psychiatrist Austrian ah oo noolaa (1905-1997) waana mid kamid ah dadkii ka badbaaday xasuuqii yuhuuda ee Holocaust. Waa aasaasaha laan kamid ah daaweynta xanuunnada dhimirka (psychotherapy) oo loo yaqaano Logotherapy, taas oo udub dhaxaadka jiraalka aaddanaha ka dhigaysa raadinta macne nololleed. Dagaalkii labaad ee aduunka intii lagu guda jiray, Frankl waxa qabtay Naasiyiintii waxaana lagu xidhay xeryihii ilaalada adkaa, oo uu kamid ahaa kii caanka ahaa ee Auschwitz. Waxa uu xasuuqaas ku waayay waalidkii, walaalkii iyo xaaskiisa oo uur lahayd. Buugga waxa uu qoray 1945, waxaanu ku dhameeyay nuqulkii koowaad 9 cisho oo qudha, waxaana si rasmi ah loo baahiyay 1946 waxaana laga daabacay ugu horeyntii magaca ah (From death cam to Existentialism) markii danbe ayaa loo beddelay (Man’s search for meaning). Ujeeddada: Buuggan baadi-doonka macnaha nolosha ee uu Viktor qoray ujeedkiisa ugu weyn waa in uu ina tuso noloshu in ay lahaan karto macne ka danbeeya xiita iyada oo lagu jiro wakhtiga ugu xanuunka badan iyo xaaladdaha ugu adagba. Waxa uu inoo sharaxayaa in bani aadanka uu shidaaliyo rabitaan xoogan oo uu ujeeddo nololleed kaga dhex baadhayo shaqaddiisa, jacaylka iyo waabka ay uga jawaabaan saxariirka soo food-saara. Ugu danbeyna waxa uu ina barayaa, inkasta oo aynaan awood u lahayn in aynu maamulno waxa inagu dhacaya, haddana waxa dusha inaga saaran masuuliyadda ka jawaabidooda. Buuggana waxa uu u qaybsan yahay laba qaybood oo waaweyn: Tijaabadii uu ka soo maray xeradii xasuuqa Kasmada Logotherapy oo si kooban loo sharaxayo Qaybta koowaad: tijaabadii uu ka soo maray xeradii xasuuqa: Qaybtan waxa uu Fiktor Faraankel kaga waramayaa mahadhooyinkii iyo masiibadii uu kala kulmay xeryihii Naasiga, se waxa uu bilowgaba inoo sheegayaa in aanu doonayn in sida caadiga ah ee looga waramo xaryahaas waxa ka dhaca isaguna u sheegayn, maxaa yeelay? “In badan ayaad soo aragteen” ayuu leeyahay. Wuxuu se sheegayaa maadana oo uu isagu yahay Kasmo-nafeed yahan, qaybta uu xooga saari doona waxa weeyi in uu sharaxo waxa ku dhaca caqliga basahrka marka qorku uu la kulmo silic, bahdil, macluul, iyo cabsi aad u daran, kuwaas oo weliba ay u raacayso baqo joogto ah oo uu ka qabo geerida u dhaw. Waxa uu ka istaagaya dhanka qofka caadiga ah ee aan sheekadii weligii meel gaadhayn, qofka aan halyeyga ahayn, ama mar la aragga, waxa uu ka waramayaa waxa ku dhaca maanka qof caadiga ah oo noloshiisii iyo qoyskiisii laga soo dhex saaray kadibna cadaabta lagu dhex tuuray. Sheekadu inta ay socoto waa in aynu kala barano saddex qolo: SS: waa gaadhkii Jarmalka ahaa ee xeryaha ilaalinayay. Capos: waa maxaabiis gaadhka u adeegta una qabata shaqooyinka turjumaanka, basaasnimada iyo fataalnimada. Waxaanay intaas ku beddesheen in si ka yara wacan dadka kale loola dhaqmo, cunto ku filana la siiyo oo aanay macluulin iyagu. Maxaabiis caadiga ah: kuwani waa kuwa ugu badan ee xeryaha ku jiray, waxaanay u sii kala qaybsamayeen laba qolo; kuwa rejadda leh iyo muslimiin. Muslimiintuna waxa ay ugu yeedhi jireen maxbuuska nolosha ka quusta ee is dhiiba. Safarkii Auschwitz: Waxa uu Faraankel sheegayaa in tareen lagu qaaday 1500 qof oo uu kamid ahaa, qol kastana ay ku dhex jireen 80 qof, taas oo ka dhigtan mid cidhiidhi ah oo dhaqaaqu qofka ku adkaanayo. Markii hore waxa uu sheegaya in ay rumaysnaayeen in lagu sii wado warshad ay shaqaalle ka soo noqonayaan, balse mar keliya ayay wax waliba is beddeleen markii qof boodh ka akhriyay Auschwitz! Waa meel magaceeda oo qudha aad ka naxaysid, waayo waxa lagu yaqaanaa qololkii gaasta iyo moofooyinkii dadka lagu gubi jiray. kolkii tareenku soo gaadhay waxa markiiba indhahoodu qabteed garaa’id, gidaarpo dhaadeer, gaadh qoryo sita iyo dad midabkii jidhkooda ka guuray oo dhar caddaan iyo madow ah xidhan.

Qofku wax kasta wuu ka gudbi karaa, marka laga reebo murugada qotada dheer ee ka dhalata in lagu hungoobo halkii uu ka filayey xasillooni, kalsooni iyo nabadgelyo nafeed. ~Vincent van Gogh. ( farshaxamaystihii ugu caansanaa uguna saamaynta weynaa taariikhda aadamaha).

Jabbaan waxa ay ku dhawaaqday in cabsida ku salaysan diinta ama khudbahada iyo duruusta diineed ee ku saabsan jahannama iyo jaiixma, maanta laga bilaabo, in ay u aqoonsan yihiin jaad ka mid ah jaadadka tacaddiga nafsadeed—psychological abuse! W/Q Eby Eman

Odeygii Seneca waxa laga sii hayay “ Diimuhu waxay run u yihiin dadka caadiga ah, been ayay u yihiin dadka garaadka leh, Waxayna Waxtar u leedahay dadka awoodda leh.” — SENECA Dadyow isku af ah, isku dhaqan ah, isku diin ah. Ayaan Diinta u arkin si aan isku mid ahayn siyaabo kala Gedisan. Dadka qaar waxay ka qaadayaan iimaan, qanaaco, rayn-rayn, Rejo iyo Qalbi dejin. Wax walba oo dhaca sabab ayay u yeelayaan. Halka kuwo kalena ku dhalinayso Su’aalo ay iska waydiinayaan jiritaanka iyo in ay wax walba Su’aal geliyaan Waa dadka aqoonyahanka inoo ah e kk. Dhanka kale dadka Awooda leh mararka qaar waxay ka dhigtaan aalad ay dadka ku sameeyaan kuna xakameeyaan, Waa wadaadada iyo madaxdeena e kk

Fariinta aad dirayso iyo qofka aad u diraysid waa inay is leeyihiin waayo, hadalka qiimihiisu kuma jiro waxaa la yidhi oo keliya, ee wuxuu ku jiraa cidda lagu yidhi iyo cidda fahmi karta. ~zaki bootaan

Yurub geenyo aniga ahaantayda waxay ila leedahay dadka aan adduunka ugu necbahay dabeecadooda, waa dadka si walba dhibane u ah ee guda ahaan iska burbursan, haddii aad wada joogtaa waa dhibane kala tagaa xanuun ku haya, haddii aaad wada joogtaa waa dhibane laba erey aa tiri baa xanuunijanaya, waa dadka nafsad ahaan isaga samaysan cabashada iyo inay iska calaacalaan. Noloshu inaa wax jeclaato, wanaag filato, suurooto waa dabiici se naftaada haddii aad u ogolaato tabashada xun ee arrinkaa ka dhalata adna is dishay qofkiina dishay. yurub ninkii way is guursadeen ilmay isku dhaleen iyadaa furniinka dalbtay wuu baryay inay la joogto waa ay diiday isla iyadii baa calaacali oo heeso u qaadaysa, inay ku laabato buu codsaday haddana waa diiday wuu guursaday haddana waa kasii xun tahay, wax qabcinaya maleh, waa qof filasho weyn laabta isaga haysatay oo wax walba dhibayaan waa xaalad aad u xun oo ay tahay in qof walba iska ilaaliyo. nolosha dhibane haka noqon wax walba sida ugu fudud ugu enjoy garee kana soco. W/Q Fadumo Ahmed

Fix your sleep, eat healthy, exercise regularly, and be kind. Accept the past, learn from it, and keep improving. Make room for happiness, stay curious, and credit yourself for small steps. Grow at your own pace.

The best app anyone could ever use! (Turath-Dhaxalka culimada) Waa application ay innoo sameeyeen teamka Ishraaq-center,waxaa ku kaydsan cilmi walba oo aad diinta barashadeeda uga baahnayd,waxa ku jira muxaadirooyinkii,kutubtii,fataawooyinkii,iyo dhammaanba dhaxalkii culimada soomaliyeed ee waawayn oo aan tiro lahayn,waxa ku jira tafsiirkii 30-ka juz ee qur'aanka ee sheekh dirir,oo aad adigu naftaada bari kari karto,xilliga aad rabtid iyo goorta aad rabtidna aad dhagaysan kartid. Waa application aan odhan karo uxuu 100% kor u qaadayaa la noolaanshahaga diinta,iyo barashada diinteenna wanaagsan. Sidoo kale doorkan applicationkani uxuu shuruud u yahay dadka doonaya inay is-diwaangeliyaan barnaamjiyada ishraaq center sida tafsiirka,dawradda fiqhiga,iyo casharrada kale ee ka baxaaba inay lasoo dagaan,maadama isaga layska dhex diwaan-gelinyo. Ka faaiidaysi wanaagsan.

Qof wal oo hore ugu shaqayn waayay haka faa’ideeyo fursaddan dahabiga ah. Asxaabtii la dhibanayd in uu u shaqeeyo la wadaag

Note 2 Your environment can influence your habits, but it does not have to determine your ambition. If the people around you settle for less, you can still choose growth. If resources are limited, you can still develop your skills. If the path is unfamiliar, you can still take the next step. Your starting conditions are real but so is your ability to build beyond them. Respect where you started. Never let it decide where you finish.

Ninkan waxa lagu magacaabi jiray Axmed-dheere, welina waa uu isu yaqaannaa sida sheekadiisa ka muuqata, laakiin waxa uu noqday Ina Ciise-guray. Waxa uu koray isaga oo Ogaadeen ah, welina waa uu yahay sida uu sheegay, laakiin haddana waxa uu noqday Ciidagale Yoonis ah. Waxa uu ahaan jiray macallin ka shaqeeya waxbarashada deegaanka Soomaalida ee Itoobiya, laakiin waxa uu is qoray ciidanka Itoobiya si uu uga aarsado wasiirkii waxbarashada deegaanka oo ka duudsiyay mushaharkiisa xilli uu aad ugu baahnaa. Dantii uu ka lahaa askarinimada ee ahayd in uu naftiisa ugu aarsado waxa ka awood badatay dantii ay ka lahayd Itoobiya ee ahayd in ay kaga aarsato Eriteriya oo waxa la geeyay furinta hore ee dagaalkii Eriteriya iyo Itoobiya,1998 - 2000. Dagaalkaas waxa uu kaga soo baxay si Alle iyo dirqi, waxanu ku sii dhex dallacay jaranjarta sarkaal ee milatariga Itoobiya. Sida uu sheegay waxa uu ka soo shaqeeyay dhammaan kilillada Itoobiya, marka laga reebo Benishanguul. Sannadkii 2006, waxa uu ka mid noqday ciidankii Itoobiya ee ku duulay Soomaaliya Muqdishana qabsaday ama, ninba si isleh e, ciidamadii gardaadiyay Dawladda Federaalka Soomaaliya ee suuragaliyay in ay hadda ku shaqeyso Villa Soomaaliya. Waxa uu Muqdisho ku soo qaatay labo sannadood oo ah dagaal wejiyo badan oo uu dhufeys ugu jiray Maxaakiim, Alshabaab, beelaha Hawiye iqk ~ sheekadeeda dib ayaa uu u dhigtay. Mar kale, waxa uu u tagay Alshabaab, isaga oo ah sarkaal Itoobiyaan ah oo hawlo sirdoon loo diray. Waxa uu judhiiba kula kulmay askar uu hore ugu tababaray Dawladda Federaalka oo illeen u wareegay dhanka kale! Saddex sannadood ayaa uu u xidhnaa kooxdaas oo ay rafaad badan mariyeen, laakiin tababarkiisa awgii waa ay soo saari waayeen xaqiiqo ah in uu jaajuus yahay, isaguna sida muuqata waa uu ku qancin kari waayay in uu yahay nin u soo hijrooday 'jihaad' oo ka soo baxsaday Itoobiya ~ waxa uu tilmaamayaa in isaga iyo Alshabaab ay kala badin waayeen. Ugu dambeynna, saddex sannadood ka dib ayaa ay iska sii daayeen iyaga oo doortay in ay, maleha, iska fogeeyaan oo haddii uu jaajuus Itoobiyaan ah yahay ay ka dhigtaan jaajuus labada dhanba u rida, haddii uu daacad yahayna uu iyaga u soo jaajuuso Itoobiya ~ waxa ay dib ugu direen Itoobiya. Mar dambe, isaga oo shaqadiisii ku noqday ayaa waxa dhibsaday maamulkii Cabdi Iley. Sida uu sheegay, waxa uu dib u hubin jiray xogaha sirdoon ee uu maamulka deegaanku la wadaagi jiray midka federaalka Itoobiya, kuwaas oo in badan noqon jiray xogo aan xaqiiq ku saleysnayn. Mar uu, haddaba, shaqo ugu soo baxay Jigjiga ayaa uu xidhay maamulkii Cabdi Iley waxana lagu riday Jeelkii sumcadda xumaa ee Jeel Ogaadeen, Federaalkana waxa lagu wargaliyay in 'sarkaalkaas ay dishay ONLF' oo faylkiisa sidaas lagu xidho. Xilligaas uu jeelka galayay waxa kale oo u bilowday hayaan shakhsi oo ahaa in uu dib isu baadi doono, maaddaama oo, afartan sannadood ka dib, uu aabbihii ku wargaliyay in aanu 'maanta ka dib ahayn inankiisii' iyo 'nin Ogaadeen ah' toona. Isbeddelkii Itoobiya, 2018, ayaa ka soo saaray jeelkii waxana u bilowday geeddigii dib isu helidda oo aad u dareentaabad leh. Sheekadiisu waxa ay muujinaysaa in uu yahay nin soo tijaabiyay rafaadka nolosha, ama ay noloshu ku tijaabisay wejigeeda xun kana qaaday gasariir. Haddana, waa nin dareen dhaw oo aad ka dheehan karto bani-aadannimo badan. Waxa kale oo yaab leh sida uu u noqday qof mihani ah (professional) oo shaqadiisa u jabsan, si aad uga duwan habdhaqanka Soomaaliga.

10 maalmod keliya aya ka harsan deadline ka scholarship ka Chevening e ingiriiska. Waa scholarship fully funded ah, wax kasta ilaa ticket ka laga bixinayo, waana hal sano o master program ah. Dhalinyarada intusan xirmin ha ka faaideystaan, qofka maanta bilaaba isla berri ayuu application ka submit garayn kara, mana adka waxa Lagaga baahanyahay waa information uu qof kasta oo degree bartay heli karo. Fadlan apply gareeya. https://www.chevening.org/. W/Q Abdi Nunow Hussein

“Waxa aan haystaa xasuus iigu filan in aan keligay shaahayga ku cabbo maqaaxi ay dadku u arkaan in ay madhan tahay, laakiin ay ka buuxaan dad iga maqan oo maankayga camirtay." Maxamuud darwiish ~