ជី សុផាត - Sophat CHY

ហូបកាហ្វេឬនៅបងប្អូន?

ដំណើរកម្សាន្តអធិប្បាយទៅជីផាត អារ៉ែង អូរសោម ខ្នងកញ្ចក់ និងបាត់ដំបង | Cambodia Motorcycle Adventure | ភាគទី១ https://youtu.be/pnILKPCklJ4 ស្ដាប់មុនដេក!​ ដំណើរកម្សាន្តមួយ មិនមែនវាស់ត្រឹមចម្ងាយដែលយើងបានជិះនោះទេ ប៉ុន្តែវាស់តាមរឿងរ៉ាវ បទពិសោធន៍ និងអ្វីដែលយើងបានរៀនតាមផ្លូវ។

ការវែកញែកក្នុងបណ្ដាញសង្គមបច្ចុប្បន្ន តើយើងកំពុងពិភាក្សា ឬកំពុងឌឺដងគ្នា? ប៉ុន្មានរយយៈចុងក្រោយនេះ ខ្ញុំសង្កេតឃើញថា ការឆ្លងឆ្លើយនៅលើបណ្ដាញសង្គមបានផ្លាស់ប្ដូរច្រើន។ មិនមែនអ្នកគ្រប់គ្នាទេ ប៉ុន្តែមានមួយចំនួនដែលធ្វើឱ្យការពិភាក្សាបាត់បង់គុណភាពដ៏មានតម្លៃ។ នៅពេលមានមតិផ្ទុយគ្នា ជំនួសឱ្យការលើកហេតុផល ការស្ដាប់គ្នា និងការផ្ដល់ទស្សនៈដោយការគោរព យើងបែរជាឃើញការឌឺដង ផ្លែផ្កា ប្រមាថ ឬនិយាយបញ្ឆិតបញ្ឆៀងដើម្បីឱ្យអ្នកម្ខាងទៀតឈឺចាប់។ ពេលខ្លះ គោលបំណងមិនមែនដើម្បីស្វែងរកដំណោះស្រាយទេ ប៉ុន្តែដើម្បីឈ្នះការជជែក ឬទាក់ទាញការចាប់អារម្មណ៍ពីអ្នកមើល។ អ្វីដែលគួរឲ្យគិតនោះគឺ មនុស្សជាច្រើនដែលអាចសរសេរពាក្យធ្ងន់ៗនៅលើអ៊ីនធឺណិត បើជួបគ្នានៅខាងក្រៅវិញ ប្រហែលជាមិនហ៊ាននិយាយបែបនោះឡើយ។ នេះបង្ហាញថា បណ្ដាញសង្គមបានផ្ដល់អារម្មណ៍ថាមាន "របាំង" មួយ ដែលធ្វើឱ្យមនុស្សខ្លះភ្លេចថា នៅម្ខាងទៀតនៃអេក្រង់ ក៏ជាមនុស្សដែលមានអារម្មណ៍ និងសេចក្ដីថ្លៃថ្នូរដូចគ្នា។ ការមានមតិខុសគ្នា មិនមែនជាបញ្ហាទេ។ ផ្ទុយទៅវិញ វាជារឿងធម្មតាក្នុងសង្គមមួយ ឱ្យយើងរៀនពីទស្សនៈផ្សេងៗ។ បញ្ហាកើតឡើងនៅពេលយើងវាយប្រហារ វាយតប ជំនួសឱ្យការពិភាក្សាលើគំនិត។ ការវែកញែកដែលមានគុណតម្លៃ គឺការលើកហេតុផល មានភស្តុតាង ស្ដាប់គ្នា ទទួលស្គាល់ចំណុចដែលអ្នកដទៃនិយាយត្រូវ និងអាចរក្សាភាពគួរសម ទោះបីជាមិនយល់ស្របក៏ដោយ។ ការនិយាយដោយសុជីវធម៌ មិនមែនជាសញ្ញានៃភាពទន់ខ្សោយទេ ប៉ុន្តែជាសញ្ញានៃភាពចាស់ទុំ និងការគោរពគ្នាទៅវិញទៅមក។ ក្នុងវប្បធម៌ខ្មែរ យើងតែងតែបង្រៀនអំពីការគោរព ការសន្ទនាដោយសុភាពរាបសារ និងការរក្សាសេចក្ដីថ្លៃថ្នូររបស់ខ្លួន។ បើសិនជាយើងអាចយកតម្លៃទាំងនេះមកប្រើនៅលើបណ្ដាញសង្គមបាន នោះការពិភាក្សានឹងក្លាយជាកន្លែងសម្រាប់ការរៀនសូត្រ មិនមែនជាសមរភូមិនៃការចំអក និងការបំបាក់ទឹកចិត្តគ្នានោះទេ។ មុននឹងសរសេរ Comment មួយ សាកសួរខ្លួនឯងបីសំណួរ៖ - តើអ្វីដែលខ្ញុំកំពុងសរសេរ នឹងជួយឱ្យការពិភាក្សាប្រសើរឡើងដែរឬទេ? - តើបើខ្ញុំនិយាយពាក្យនេះទល់មុខគ្នា ខ្ញុំនៅតែហ៊ាននិយាយដែរឬទេ? - តើខ្ញុំកំពុងពិភាក្សាលើគំនិត ឬកំពុងវាយប្រហារលើមនុស្ស? បណ្ដាញសង្គម គួរតែជាកន្លែងសម្រាប់ការផ្លាស់ប្ដូរចំណេះដឹង ការចែករំលែកបទពិសោធន៍ និងការស្វែងរកដំណោះស្រាយរួម។ ប្រសិនបើយើងគ្រប់គ្នាចាប់ផ្ដើមពីការគោរពគ្នា ស្ដាប់គ្នា និងប្រើពាក្យសម្ដីដោយសុជីវធម៌ នោះវប្បធម៌នៃការពិភាក្សារបស់យើងក៏នឹងផ្លាស់ប្ដូរទៅក្នុងទិសដៅល្អប្រសើរផងដែរ។ អ្នកវិញយល់យ៉ាងណា? តើបច្ចុប្បន្ននេះ យើងកំពុងប្រើបណ្ដាញសង្គមដើម្បីពិភាក្សា និងស្វែងរកការយល់ដឹង ឬគ្រាន់តែប្រើវាដើម្បីឌឺដង និងយកឈ្នះគ្នាប៉ុណ្ណោះ? ខ្មែរយើងគ្រប់ជំនាន់ទាំងអស់ មិនដែលបែងចែកជំនាន់ដូចសម័យនេះទេ

ឃើញមានគ្នាយើងស្រង់ព្រឹត្តិការណ៍សំខាន់ៗ គិតរកកន្លែងណាសង្ខេបព្រឹត្តិការណ៍សិន សរុបព្រឹត្តិការណ៍ក្នុងខែមិថុនា ១ : សម្បកទុរេន ២ : អ្នកលក់បង្គាទំនើង ៣ : លុប Video ស្តីពីសុខភាព ៤ : ស្អុយរបស់អ្នកមើលមែន ៥ : លួចថតក្នុងបន្ទប់ទឹកជារឿងធម្មតា ៦ : សាម៉ុន បន្លំ ត្រោត ៧ : រឿងបង់ពន្ធ ៨ : សញ្ញាប័ត្រ Fake ៩ : Vanda មានសង្សារថ្មី -ពូចក់ថ្លើមធំចង់ចាប់ផ្កាយ ១០ : រៀន៣ឆ្នាំមិនស្គាល់គ្រូ ១១ : វាយតម្លៃតាម Facebook ១២ : IELTS 8.5 ១៣ : Skin care 5 មុខ មានផ្ទុកជាតិគីមី បារត ១៤ : តារាកប្លែងយកស្រីធ្វើ Content ១៥ : K01 ១៦ : លក់ដី១ប្លង់ ទិញទ្បាន១០....... អរគុណអ្នកសង្ខេបព្រឹត្តិការណ៍នេះមក ខ្ញុំស្រង់ពីគាត់មកទេ រឿងខ្លះខ្ញុំតាមអត់ទាន់ដែរ ជួយពន្យល់ផងបងប្អូនអើយ ចង់យករណីខ្លះមកធ្វើជាករណីសិក្សា

ពេលខ្លះ ការមិនធ្វើអ្វីសោះ គឺជាវិធីល្អបំផុតក្នុងការប្រើប្រាស់បណ្ដាញសង្គម នៅលើបណ្ដាញសង្គមសព្វថ្ងៃ មនុស្សជាច្រើនតែងតែនិយាយថា៖ «ខ្ញុំស្អប់មាតិកាបែបនេះណាស់!» ប៉ុន្តែអ្វីដែលគួរឱ្យចាប់អារម្មណ៍នោះគឺ ពួកគេមិនត្រឹមតែមើលទេ តែថែមទាំងចូលទៅ Comment ជេរ ឌឺដង ប្រមាថ ឬចែករំលែកដើម្បីរិះគន់ទៀតផង។ បញ្ហាគឺ Algorithm មិនអាចដឹងថា Comment នោះជាការសរសើរ ឬការជេរទេ។ វាដឹងតែរឿងមួយគត់ គឺ អ្នកបានចំណាយពេលលើមាតិកានោះ និងមានអន្តរកម្មជាមួយវា។ សម្រាប់ Platform ដូចជា Facebook, TikTok, YouTube ឬ Instagram អ្វីដែលសំខាន់គឺ Engagement។ - រយៈពេលមើល ឬទស្សនា - អ្នកចុច Like - អ្នក Comment - អ្នក Share - អ្នកចុចចូលអាន Comment អ្នកត្រលប់មកមើលម្ដងទៀត ទាំងអស់នេះសុទ្ធតែជាសញ្ញាប្រាប់ Algorithm ថា៖ "មាតិកានេះកំពុងទាក់ទាញមនុស្ស។ គួរតែបង្ហាញឱ្យអ្នកផ្សេងទៀតមើលបន្ថែម។" មានន័យថា ពេលអ្នកចូលទៅជេរមាតិកាមួយ អ្នកអាចនឹងកំពុងជួយឱ្យមាតិកានោះល្បីជាងមុន ដោយមិនដឹងខ្លួន។ បើមិនចូលចិត្ត តើគួរធ្វើដូចម្តេច? ពេលខ្លះ វិធីដែលមានប្រសិទ្ធភាពជាងគេ គឺ៖ - កុំចុច Like - កុំ Comment - កុំ Share - កុំឈប់មើលយូរ - រំលង (Scroll) ទៅមាតិកាផ្សេង ឬ Unfollow / Mute ប្រសិនបើអ្នកមិនចង់ឃើញទៀត នៅពេលដែលមនុស្សជាច្រើនឈប់មានអន្តរកម្មជាមួយមាតិកាមួយ Algorithm នឹងយល់ថា មាតិកានោះមិនសូវទាក់ទាញទៀត ហើយវានឹងបង្ហាញតិចទៅៗដោយស្វ័យប្រវត្តិ។ Comment អាក្រក់ ក៏ជាកញ្ចក់ឆ្លុះបញ្ចាំងខ្លួនឯងដែរ ការបញ្ចេញមតិដោយសុភាព និងមានហេតុផល គឺជារឿងល្អ ព្រោះវាជួយបង្កើតការពិភាក្សាដែលមានប្រយោជន៍។ ប៉ុន្តែការជេរ ការប្រមាថ ឬការឌឺដងដោយគ្មានខ្លឹមសារ មិនបានបង្ហាញថាអ្នកមានហេតុផលខ្លាំងជាងអ្នកដទៃទេ។ ផ្ទុយទៅវិញ វាអាចធ្វើឱ្យអ្នកដទៃមើលឃើញពីរបៀបដែលយើងគ្រប់គ្រងអារម្មណ៍ និងការគោរពអ្នកដទៃ។ នៅលើអ៊ីនធឺណិត មតិដែលយើងបន្សល់ទុក គឺជាដានឌីជីថល (Digital Footprint) ដែលអាចស្ថិតនៅបានយូរ។ មនុស្សជាច្រើនអាចវាយតម្លៃយើង តាមរយៈរបៀបដែលយើងសរសេរ និងឆ្លើយតបលើបណ្ដាញសង្គម។ Algorithm មិនមានអារម្មណ៍ទេ វាមិនដឹងថាអ្នកខឹង ឬសប្បាយទេ។ វាមិនដឹងថាអ្នកកំពុងសរសើរ ឬជេរទេ។ វាដឹងតែថា អ្នកបានផ្តល់ការយកចិត្តទុកដាក់ (Attention) ហើយសម្រាប់ Platform ការយកចិត្តទុកដាក់ គឺជាសញ្ញាថាមាតិកានោះគួរតែបន្តផ្សព្វផ្សាយ។ ដូច្នេះ បើអ្នកពិតជាមិនចូលចិត្តមាតិកាមួយ កុំជួយឱ្យវាល្បីដោយមិនដឹងខ្លួន។ ពេលខ្លះ ការរំលងមួយដង មានប្រសិទ្ធភាពជាងការជេររាប់សិប Comment។

តើអ្នកជា Content Creator… ឬជាអ្នកជំនាញដែលកំពុងប្រើ Content ដើម្បីចែករំលែកចំណេះដឹង? ប៉ុន្មានឆ្នាំចុងក្រោយនេះ ពាក្យ Content Creator បានក្លាយជាពាក្យដែលយើងឮស្ទើររាល់ថ្ងៃ។ ឱ្យតែមានទូរស័ព្ទមួយ កាមេរ៉ាមួយ និងគណនីបណ្ដាញសង្គមមួយ មនុស្សជាច្រើនក៏អាចហៅខ្លួនឯងថាជា Content Creator បាន។ ប៉ុន្តែខ្ញុំចាប់ផ្តើមសួរខ្លួនឯងថា... តើពាក្យ Content Creator កំពុងក្លាយជាអត្តសញ្ញាណពិតប្រាកដរបស់យើង ឬក៏កំពុងលាក់បាំងជំនាញដែលយើងគួរតែមាន? ខ្ញុំមិនគិតថា Content Creator ជារឿងអាក្រក់នោះទេ។ ផ្ទុយទៅវិញ វាជាវិធីដ៏ល្អបំផុតមួយក្នុងការចែករំលែកចំណេះដឹង បទពិសោធន៍ និងគំនិតទៅកាន់មនុស្សជាច្រើន។ ប៉ុន្តែអ្វីដែលខ្ញុំគិតថាសំខាន់ជាងពាក្យ Creator គឺ ជំនាញ និង ក្រមសីលធម៌។ ព្រោះនៅពេលអ្នកមានអ្នកតាមដានរាប់ពាន់ ឬរាប់លាននាក់ អ្នកមិនត្រឹមតែផលិតវីដេអូទេ... អ្នកកំពុងបង្កើតឥទ្ធិពលលើការគិត។ អ្នកកំពុងប៉ះពាល់ដល់ការសម្រេចចិត្តរបស់មនុស្ស។ ហើយពេលខ្លះ អ្នកកំពុងកំណត់អ្វីដែលសង្គមជឿ។ ដូច្នេះ មុនពេលសួរថា... "តើខ្ញុំអាចក្លាយជា Creator បានទេ?" ប្រហែលជាយើងគួរសួរថា... "តើខ្ញុំមានជំនាញគ្រប់គ្រាន់ហើយឬនៅ?" "តើខ្ញុំមានក្រមសីលធម៌គ្រប់គ្រាន់ហើយឬនៅ?" "តើមាតិកាដែលខ្ញុំផលិត កំពុងជួយសង្គម ឬគ្រាន់តែដេញតាម Views?" នេះមិនមែនជាការរិះគន់អ្នកណាម្នាក់ឡើយ។ តែជាសំណួរមួយដែលខ្ញុំគិតថា អ្នកផលិតមាតិកាគ្រប់រូប រួមទាំងខ្ញុំផង គួរសួរខ្លួនឯងជារៀងរាល់ថ្ងៃ។ នេះគ្រាន់តែជាចំណុចមួយប៉ុណ្ណោះ ដែលខ្ញុំនឹងលើកមកពិភាក្សាក្នុង Phatcast EP10 – ក្រមសីលធម៌នៃការផលិតមាតិកា។ វីដេអូពេញ៖ https://youtu.be/OeYk8EMzeik ខ្ញុំមិនចង់ឱ្យវគ្គនេះក្លាយជាការវាយប្រហារនរណាម្នាក់ទេ។ ខ្ញុំគ្រាន់តែចង់បើកកិច្ចសន្ទនាមួយថា... នៅក្នុងសម័យដែលអ្នកណាក៏អាចក្លាយជា Content Creator បាន តើយើងគួរបង្កើតស្តង់ដារអ្វី ដើម្បីរក្សាទំនុកចិត្តរបស់សង្គម? តើអ្នកគិតយ៉ាងណាដែរ?

UGREEN CM919 Smart Finder (USB-C Rechargeable) បាត់សោ? បាត់កាបូប? ឬភ្លេចវ៉ាលីពេលធ្វើដំណើរ? UGREEN CM919 ជួយឱ្យអ្នកស្វែងរករបស់សំខាន់ៗបានយ៉ាងងាយស្រួលតាមរយៈ Apple Find My។ លក្ខណៈពិសេស -គាំទ្រ Apple Find My (iPhone, iPad និង Mac) - មិនចាំបាច់ដំឡើង App បន្ថែម - សាកថ្មតាម USB-C -ប្រើបានយូររហូតដល់ 12 ខែ (អាស្រ័យលើការប្រើប្រាស់) - មានសំឡេង ដើម្បីងាយស្រួលស្វែងរក - ជូនដំណឹងពេលអ្នកភ្លេចទុករបស់ - អាចដាក់លើសោ កាបូប វ៉ាលី កាបូបស្ពាយ ឬរបស់សំខាន់ៗផ្សេងទៀត - តម្លៃ៖ 19$ 🚚 ដឹកជញ្ជូនឥតគិតថ្លៃ ទូទាំងប្រទេស Comment មកកាន់ខ្ញុំដើម្បីបញ្ជាទិញ។ #UGREEN #CM919 #AppleFindMy #SmartFinder #Tracker #Gadget #Cambodia

មានអ្នកស្ដាប់ ផាតខាស់នៅទីនេះទេ តើមានប្រធានបទអ្វីចង់ដឹងដើម្បីជជែកគ្នា? ជួយដាក់មតិយោបលផង

តើពាក្យថា Content Creator កំពុងតែជួយលាក់កំបាំងអ្នកជំនាញពិតប្រាកដមែនទេ? ត្រោត ឬសាលម៉ុន? បច្ចុប្បន្ននេះ ពាក្យថាអ្នកបង្កើតមាតិកា ឬដែលយើងតែងតែហៅថា Content Creator បានក្លាយជាពាក្យពេញនិយមខ្លាំងមែនទែន។ ឱ្យតែមានកាមេរ៉ា មីក្រូហ្វូន ទូរស័ព្ទមួយគ្រឿង ឬមានទំព័រហ្វេសប៊ុក ទីកតុក និងយូធូបនៅក្នុងដៃ ហើយឧស្សាហ៍បង្ហោះវីដេអូ ឬរូបភាព នោះអ្នកណាក៏អាចហៅខ្លួនឯងថាជា Content Creator បានដែរ។ ប៉ុន្តែសំណួរដែលយើងគួរគិតបន្តិចជ្រៅជាងនេះគឺ តើគ្រាន់តែមានឧបករណ៍ និងផលិតវីដេអូបានខ្លះ គ្រប់គ្រាន់ បង្ហោះអោយបានញឹកញាប់ជា Content Creator ពិតប្រាកដហើយឬនៅ? នោះនាំអោយបគ្គលបានជះឥទ្ធិពលទៅមនុស្សច្រើនដោយមិនបានវាយតម្លៃមែនទេ? តើពាក្យថា Content Creator មិនត្រូវការវិជ្ជាជីវៈ ឬមុខជំនាញផ្ទាល់នោះទេមែនទេ? គ្រាន់តែជាតួនាទី ឬវិធីសាស្ត្រក្នុងការបញ្ចេញចំណេះដឹង និងជំនាញដែលមានទៅកាន់ពិភពលោកតែប៉ុណ្ណោះ មែនទេ? អ្នកអាចជាអ្នកស្រាវជ្រាវបច្ចេកវិទ្យា អ្នកបណ្ដុះបណ្ដាល អ្នកនិពន្ធ អ្នកថតរូប អ្នកធ្វើម្ហូប ជាងកាត់សក់ គ្រូបង្វឹកកាយសម្បទា ឬអ្នកគ្រប់គ្រងគម្រោង យើងចាក់ចូលអ្នកផលិតមាតិការទេ? នៅពេលដែលអ្នកយកជំនាញស្នូលទាំងនោះមកកែច្នៃជាវីដេអូ អត្ថបទ ឬរូបភាពដើម្បីចែករំលែក នោះទើបអ្នកដើរតួជា Content Creator? ត្រូវចាំថា ជំនាញពិតប្រាកដរបស់អ្នក គឺជាអត្តសញ្ញាណដែលមានតម្លៃជាងពាក្យថា Content Creator។ សាកសង្កេតមើលឧទាហរណ៍ទាំងនេះ៖ - អ្នកបណ្ដុះបណ្ដាល ប្រើវីដេអូដើម្បីពង្រីកថ្នាក់រៀនអប់រំ។ - អ្នកថតរូប ប្រើមាតិកាដើម្បីចែករំលែកបច្ចេកទេស និងបទពិសោធន៍។ - វិស្វករ បង្កើតមាតិកាដើម្បីសម្រាយរឿងបច្ចេកវិទ្យាពិបាកៗឱ្យងាយយល់។ ពួកគេមិនមែនគ្រាន់តែរស់ដោយសារពាក្យ Content Creator នោះទេ ប៉ុន្តែពួកគេគឺជាអ្នកជំនាញក្នុងវិស័យរបស់ខ្លួន ដែលឆ្លាតវៃក្នុងការប្រើប្រាស់មាតិកាជាស្ពានចម្លងចំណេះដឹងទៅកាន់មហាជន។ ចុះចំណែកពាក្យថា Influencer វិញ? តំណែងជា Influencer មិនមែនកើតឡើងដោយសារការប្រកាសតាំងខ្លួនឯងនោះទេ។ វាកើតឡើងដោយស្វ័យប្រវត្តនៅពេលដែលមាតិកា គំនិត ទស្សនៈ ឬសកម្មភាពរបស់អ្នក មានទម្ងន់អាចកែប្រែការគិត ការសម្រេចចិត្ត ឬអាកប្បកិរិយារបស់អ្នកដទៃក្នុងន័យវិជ្ជមាន។ និយាយឱ្យចំគឺ អ្នកដទៃ និងសហគមន៍ជាអ្នកផ្តល់តម្លៃ និងទទួលស្គាល់អ្នកថាជា Influencer មិនមែនអ្នកដើរដាក់ឈ្មោះឱ្យខ្លួនឯងនោះឡើយ។ ដូច្នេះ បើគេសួរថាតើអ្នកណាជាអ្នកកំណត់ថា យើងជា Content Creator ឬជា Influencer? ចម្លើយគឺមិនមែនយើងម្នាក់ឯងនោះទេ គឺសហគមន៍ ទស្សនិកជន អតិថិជន និងវិស័យដែលយើងកំពុងធ្វើការជាមួយ គឺជាអ្នកវាយតម្លៃពិតប្រាកដ ឬមានការវាយតម្លៃដោយស្ថានបនដោយការចុះបញ្ជី? ផ្លាស់ប្តូររបៀបណែនាំខ្លួន ដើម្បីបង្ហាញតម្លៃពិត នៅពេលអ្នកចូលរួមកម្មវិធី សិក្ខាសាលា ឬត្រូវណែនាំខ្លួននៅក្នុងចំណោមមនុស្សម្នា សូមជ្រើសរើសពាក្យដែលបង្ហាញពីជំនាញពិតប្រាកដ និងឯកទេសរបស់អ្នកជាមុនសិន។ ឧទាហរណ៍និយាយថា សួស្តី ខ្ញុំជា Content Creator ម្នាក់ ព្រោះវាមើលទៅទូទៅពេក និងមិនទាន់បង្ហាញពីតម្លៃស្នូលរបស់អ្នក។ ប៉ុន្តែសាកល្បងប្តូរមកនិយាយបែបនេះវិញ៖ - សួស្តី ខ្ញុំជាអ្នកបណ្ដុះបណ្ដាលផ្នែកសុវត្ថិភាពឌីជីថល ហើយខ្ញុំផលិតមាតិកាអប់រំតាមបណ្ដាញសង្គម។ - ខ្ញុំជាអ្នកថតរូបអាជីព និងជាអ្នកផលិតមាតិកាបង្ហាញពីតំបន់ទេសចរណ៍។ - ខ្ញុំជាអ្នកស្រាវជ្រាវបច្ចេកវិទ្យា និងផលិតមាតិកាវិភាគស៊ីជម្រៅលើឧបករណ៍ឌីជីថល។ មើលទៅខ្ញុំក៏គួរនិយាយថា ខ្ញុំ​ឈ្មោះជាសុផាត អ្នកស្រាវជ្រាវ បណ្ដុះបណ្ដាលអក្ខរកម្មឌីជីថល និងជាអ្នកផលិតមាតិកាឌីជីលថ អ្នកណាក៏អាចក្រោកពីគេងមក ក្លាយជាអ្នកបង្កើតមាតិកាបានដែរ ប៉ុន្តែមិនមែនអ្នកបង្កើតមាតិកាគ្រប់រូប សុទ្ធតែមានជំនាញឯកទេសច្បាស់លាស់ និងស៊ីជម្រៅដូចអ្នកនោះឡើយ។ សូមអ្នកតាមដានក៏ត្រូវយល់ដែរ ថាគួរញ៉ាំត្រីត្រោត ឬសាលម៉ុន ហើយក៏ចេះវាយតម្លៃលើជំនាញរបស់អ្នកផលិត មុនពេលទទួលឥទ្ធពលផងដែរ។ សូមបញ្ជាក់ថាខ្ញុំសរសេរនេះគ្មានគោលបំណងវាយប្រហារអ្នកណាម្នាក់ទេ គ្រាន់តែជាអ្វីដែលជជែកគ្នាលើការប្រើប្រាស់ពាក្យ និងតម្លៃរបស់ការប្រើប្រាស់ពាក្យប៉ុណ្ណោះ សូមដាក់មតិដោយសុជីវធម៌

នៅពេលដែលក្រុមនិយាយអំពីឡាន មិនហ៊ានទទួលយក អំពីឡាន គិតម៉េចទៅ?

កូនសិស្សខ្ញុំនៅចាំខ្ញុំឬទេ? ចាំដោយសាអ្វី?

Phatcast EP9 - Google Maps មិនមែនគ្រាន់តែជាផែនទីទេ! https://youtu.be/Wbs3sfmUcsg?si=1l7z_TCwQ7QMHU-y