ជី សុផាត - Sophat CHY

ថ្ងៃនេះចេញពីភ្នំពេញម៉ោង ៥ព្រឹក ហើយមកដល់សៀមរាបប្រហែល ៥ល្ងាច។ ដំណើរជាង ៣០០គីឡូម៉ែត្រនេះ មិនសូវស្រួលប៉ុន្មានទេ ព្រោះម៉ូតូរលត់អស់ប្រហែល ៤ដង តាមផ្លូវ។ 😅 ដំបូងជិះបានប្រហែល ៨០គីឡូម៉ែត្រ ខ្ញុំឈប់ផឹកកាហ្វេម្ដងនៅតំបន់ស្គន់ និងចាក់សាំងបំពេញ រួចបន្តដំណើរទៅមុខ។ ដល់ប្រហែល ១៥០គីឡូម៉ែត្រ នៅតំបន់សន្ទុក ចម្ងាយប្រហែលជាង ១០គីឡូម៉ែត្រពីទីរួមខេត្តកំពង់ធំ ម៉ូតូស្រាប់តែរលត់ ខណៈដែលខ្ញុំកំពុងជិះធម្មតា។ ខ្ញុំបានបណ្ដើរម៉ូតូមកមុខបន្តិច ហើយសំណាងល្អបានជួបជាងម៉ូតូចាស់ម្នាក់ឈ្មោះ ជាង សែ ។ គាត់ធ្វើភាគច្រើនតែម៉ូតូតូចៗ ប៉ុន្តែមានបទពិសោធន៍ច្រើន ហើយអ្វីដែលធ្វើឲ្យខ្ញុំភ្ញាក់ផ្អើល គឺហាងនៅតាមផ្លូវបែបនេះ ប៉ុន្តែគាត់មានឧបករណ៍ពិនិត្យ និងវាស់ប្រព័ន្ធភ្លើងគ្រប់គ្រាន់មែនទែន។ 📍 ទីតាំងជាង សែ៖ https://maps.app.goo.gl/SQWu1Gtugt5EDqcj9 គាត់បានជួយពិនិត្យម៉ូតូ ចាប់ផ្ដើមពីដូរប៊ូស៊ី វាស់ភ្លើង ពិនិត្យធុងសាំង និងមើលប្រព័ន្ធប៊ិច។ គាត់ឃើញថាប៊ិចដំណើរការមិនសូវល្អ ក៏ដោះលាងសម្អាតដោយមានឧបករណ៍ត្រឹមត្រូវ។ ពេលនោះក៏មានការសង្ស័យថាអាចជាបញ្ហាប៊ិច ដូច្នេះគាត់បានឌុបខ្ញុំចូលក្រុងកំពង់ធំដើម្បីស្វែងរកប៊ិចជំនួស ប៉ុន្តែរកមិនបាន ពួកយើងក៏ត្រឡប់មកវិញ ហើយបន្តពិនិត្យម្ដងទៀត។ អ្វីដែលខ្ញុំគោរពគាត់ គឺគាត់ប្រាប់ខ្ញុំច្រើនដងថា៖ «ខ្ញុំមិនសូវចេះម៉ូតូធំ ប្រភេទដូចនេះទៀតមិនដែលឃើញទេ» ប៉ុន្តែគាត់នៅតែព្យាយាមជួយ និងពិនិត្យមួយចំណុចម្ដងៗ។ ចុងក្រោយ គាត់បានដោះមើលផ្នែកប្រព័ន្ធភ្លើងមួយចំនួន ហើយប្រទះឃើញ ដុំភ្ជាប់មួយ ឬដុំដោតភ្លើងមួយមានស្នឹម។ ខ្ញុំមិនចាំឈ្មោះបច្ចេកទេសរបស់វាទេ ប៉ុន្តែស្រដៀងជាផ្នែកដែលពាក់ព័ន្ធនឹងការបញ្ជាប្រព័ន្ធភ្លើង។ គាត់បានដោះសម្អាត រួចសាកម្ដងទៀត ហើយម៉ូតូអាចឆេះឡើងវិញបាន។ ខ្ញុំខូចម៉ូតូតាំងពីប្រហែល ៨ព្រឹក ហើយបានចេញពីកន្លែងជាង សែ ប្រហែល ម៉ោង១ជាងរសៀល។ តាំងពីព្រឹកមក ខ្ញុំបានទាក់ទងជាមួយខាងក្រុមហ៊ុនរួចហើយ ហើយជាងរបស់ក្រុមហ៊ុនក៏បានជួយណែនាំតាមទូរស័ព្ទទៅជាងដែលកំពុងជួយខ្ញុំនៅកំពង់ធំផងដែរ។ ដោយសារថ្ងៃនេះខ្ញុំមាន Meetup របស់ Siem Reap Local Guides ដែលមែនទែនទៅគ្រោងធ្វើជួបផ្ទាល់នៅសៀមរាប ខ្ញុំក៏ព្យាយាមជិះឲ្យកៀកសៀមរាបតាមដែលអាចធ្វើបាន។ ប៉ុន្តែដោយសារបញ្ហាម៉ូតូធ្វើឲ្យខ្ញុំយឺតពេល ខ្ញុំត្រូវប្ដូរ Meetup ទៅជា Online ជំនួស។ នៅសល់ប្រហែលជាង ៥០គីឡូម៉ែត្រ ទៀតដល់សៀមរាប ខ្ញុំឈប់ចូល Meetup តាម Online ដល់ម៉ោងប្រហែល ៣ជាង Meetup ចប់ ខ្ញុំក៏បន្តដំណើរ។ ជិះបានមិនយូរប៉ុន្មាន…រលត់ម្ដងទៀត ពេលនោះគិតក្នុងចិត្តថា៖ ចប់ហើយអាញ! 😅 ប៉ុន្តែសាកចុច និងពិនិត្យបន្តិច វាក៏ឆេះឡើងវិញ។ ខ្ញុំបន្តជិះទៅមុខបានប្រហែល ២០គីឡូម៉ែត្រទៀត ជិតដល់សៀមរាបហើយ ក៏ រលត់ឈឹងម្ដងទៀត។ ដល់ចំណុចដែលនៅសល់ជិត ២០គីឡូម៉ែត្រនេះ ខ្ញុំគិតថា ប្រហែលត្រូវឲ្យខាងក្រុមហ៊ុននៅសៀមរាបមកយកម៉ូតូហើយ។ ប៉ុន្តែខ្ញុំក៏សាកដោះពិនិត្យដុំ connector ដែលជាងបានសម្អាតនៅកំពង់ធំម្ដងទៀត ហើយ… វាឆេះឡើងវិញ! ចុងក្រោយ ខ្ញុំអាចជិះវាចូលដល់កន្លែងជួសជុលរបស់ក្រុមហ៊ុននៅសៀមរាបបាន ប្រហែល ម៉ោង៥:១៥ល្ងាច។ ខ្ញុំបានទាក់ទងទៅខាងក្រុមហ៊ុនឲ្យជួយរង់ចាំបន្តិច ព្រោះថ្ងៃស្អែកថ្ងៃសៅរ៍ ពួកគេធ្វើការតែមួយព្រឹក។ ខ្ញុំក៏បានរៀបរាប់ប្រវត្តិបញ្ហាទាំងអស់ ចាប់ពីព្រឹករហូតដល់មកដល់សៀមរាប ដើម្បីឲ្យជាងមានព័ត៌មានគ្រប់គ្រាន់សម្រាប់ពិនិត្យបន្ត។ សរុបមក៖ ៥ព្រឹក ចេញពីភ្នំពេញ ៥ល្ងាចដល់សៀមរាប ជិះៗ រលត់ៗ ត្រដាបត្រដួសពេញមួយថ្ងៃ តែទីបំផុតក៏មកដល់។ 😅 សម្រាប់មូលហេតុពិតប្រាកដនៃការខូច នៅមិនទាន់ដឹងច្បាស់នៅឡើយទេ ចាំមើលខាងក្រុមហ៊ុនពិនិត្យ ហើយខ្ញុំនឹង Update បន្តទៀត។ ជាពិសេស សូមអរគុណ ជាង សែ នៅកំពង់ធំ ដែលទោះបីគាត់ប្រាប់ថាមិនសូវស្គាល់ម៉ូតូប្រភេទនេះ ក៏នៅតែព្យាយាមជួយ ស្វែងរកបញ្ហា ឌុបខ្ញុំទៅរកគ្រឿង និងចំណាយពេលជួយរហូតម៉ូតូអាចបន្តដំណើរបាន អ្វីដែលខ្ញុំរៀនសូត្រពីដំណើរថ្ងៃនេះ មិនមែនតែរឿងម៉ូតូទេ ប៉ុន្តែគឺទឹកចិត្តយើងដែលនៅតែចេះជួយគ្នា សូមអរគុណការជួយដោះស្រាយពីក្រុមហ៊ុនផងដែរ។ ពេលខ្លះនៅតាមផ្លូវ យើងមិនដឹងថានឹងជួបបញ្ហាអ្វីទេ ហើយក៏មិនដឹងថានឹងជួបមនុស្សល្អណាម្នាក់មកជួយយើងដែរ។ អរគុណច្រើនអ្នកទាំងអស់គ្នា។ 🙏 ខ្ញុំមកដល់សៀមរាបដោយសុវត្ថិភាពហើយ។

🚀 Sophat.Space Update ថ្មី! ឥឡូវនេះ ខ្ញុំកំពុងបន្តអភិវឌ្ឍ Sophat.Space ឱ្យអាចប្រើបានកាន់តែងាយស្រួលតាមច្រើន Channel ជាងមុន៖ Website, Telegram Bot និង Mobile App។ 🌐 Website ចូលប្រើបាននៅ៖ https://sophat.space/ អាចធ្វើ Digital Health Check-up, រៀនអំពីសុវត្ថិភាពឌីជីថល និងតាមដានពិន្ទុរបស់ខ្លួន។ 🤖 Telegram Bot កំពុងធ្វើឱ្យបទពិសោធន៍ប្រើប្រាស់កាន់តែងាយ ដើម្បីឱ្យអ្នកអាចធ្វើ Check-up និងផ្ញើពិន្ទុចូលក្នុង Sophat.Space បានដោយផ្ទាល់ពី Telegram។ 📱 Mobile App កំពុងស្ថិតក្នុងដំណាក់កាលសាកល្បង។ ខ្ញុំបានចាប់ផ្តើមផ្ញើ សារតាម Gmail ដោយផ្ទាល់ទៅអ្នកសាកល្បង App ដើម្បីឱ្យជួយសាកល្បង និងផ្តល់មតិយោបល់មុនពេលដាក់ឱ្យប្រើប្រាស់ទូលំទូលាយ។ នេះជាជំហានមួយទៀតក្នុងការធ្វើឱ្យ Sophat.Space ក្លាយជាកន្លែងសម្រាប់ពិនិត្យសុខភាពឌីជីថល រៀន អនុវត្ត និងជួយឱ្យគ្នាមានសុវត្ថិភាពជាងមុននៅលើអ៊ីនធឺណិត។ Website ✅ Telegram Bot ✅ Mobile App 🧪 Testing សូមរង់ចាំ Update បន្ទាប់ ❤️ #SophatSpace #DigitalHealth #DigitalSafety #TelegramBot #MobileApp #AndroidApp #CambodiaTech

Sophat.Space Bot ឥឡូវនេះមាននៅលើ Telegram ហើយ! បន្ថែមពីលើ Website និង Mobile App ឥឡូវនេះអ្នកក៏អាចប្រើ Sophat.Space តាម Telegram បានផងដែរ ដើម្បីធ្វើ Digital Safety Check-up ពិនិត្យមើលសុវត្ថិភាពឌីជីថលរបស់អ្នក តាមរយៈសំណួរងាយៗ និងទទួលបានលទ្ធផលជាមួយការណែនាំអំពីចំណុចដែលគួរកែលម្អ។ 🔐 ពិនិត្យសុវត្ថិភាពឌីជីថល 💡 ស្វែងយល់ពីគន្លឹះសុវត្ថិភាព 📊 ទទួលបានលទ្ធផលផ្ទាល់ខ្លួន 💬 ប្រើប្រាស់បានងាយៗក្នុង Telegram ស្វែងរក Bot៖ @SophatSpace_bot នេះគឺជាជំហានមួយទៀតរបស់ Sophat.Space ក្នុងការធ្វើឱ្យចំណេះដឹង និងឧបករណ៍សុវត្ថិភាពឌីជីថល កាន់តែងាយស្រួលប្រើ និងអាចចូលប្រើបានពីគ្រប់ទីកន្លែង។ Sophat.Space — Learn • Check • Stay Safer 🛡

ជួយចុចមើលបន្តិចបានទេ https://sophat.space/ ព្រោះ Update backend

មុខងារថ្មី​មួយបង្កើតឡើងដើម្បីឱ្យអ្នកដែលបានធ្វើ Digital Health Check-up អាចមើលឃើញពិន្ទុរបស់ខ្លួន និងប្រៀបធៀបលទ្ធផលជាមួយសហគមន៍ផ្សេងៗបានកាន់តែងាយស្រួល។ នៅក្នុង Score Board អ្នកអាចមើលបានទាំង ពិន្ទុខ្ពស់បំផុត, Top 3, ចំនួនអ្នកចូលរួម, ពិន្ទុមធ្យម ហើយអាច Filter តាម Today, This Week, This Month និង All Time។ ក៏អាចបែងចែកតាមប្រធានបទ ឬ Full Health Check ផងដែរ។ ខ្ញុំចង់ឱ្យ https://sophat.space/l មិនមែនត្រឹមតែជាកន្លែងចូលមក “ធ្វើតេស្ត” ហើយចប់នោះទេ ប៉ុន្តែឱ្យវាក្លាយជាកន្លែងដែលមនុស្សអាច ពិនិត្យសុខភាពឌីជីថលរបស់ខ្លួន រៀនពីចំណុចខ្វះខាត និងលើកទឹកចិត្តគ្នាក្នុងសហគមន៍។ តើអ្នកអាចឡើងដល់ Champion បានទេ? សាកល្បង Digital Health Check-up និងមើលពិន្ទុរបស់អ្នកនៅ៖ Sophat.Space

https://sophat.space/ ចាប់ផ្តើមដំណើរការហើយ បន្ទាប់ពីធ្វើ និងកែសម្រួលមួយរយៈ ខ្ញុំចង់ចែករំលែក គម្រោងថ្មីមួយដែលខ្ញុំកំពុងបង្កើត៖ Sophat.Space ៖ កន្លែងតូចមួយសម្រាប់ជួយអ្នកប្រើប្រាស់ពិនិត្យសុខភាពឌីជីថលរបស់ខ្លួន និងស្វែងយល់ពីវិធីការពារគណនីអនឡាញឱ្យមានសុវត្ថិភាពជាងមុន។ នៅលើ Sophat.Space អ្នកអាចចាប់ផ្តើមពី Digital Health Check ដើម្បីពិនិត្យមើលថា គណនីសំខាន់ៗរបស់អ្នកដូចជា Facebook, Telegram និងទូរស័ព្ទ មានចំណុចណាខ្លះដែលគួរតែពិនិត្យ ឬពង្រឹងបន្ថែម។ គោលបំណងរបស់ខ្ញុំមិនមែនចង់ឱ្យមនុស្ស “ខ្លាច” បច្ចេកវិទ្យាទេ ប៉ុន្តែចង់ឱ្យយើង យល់ពីហានិភ័យ ប្រើប្រាស់ដោយប្រុងប្រយ័ត្ន និងបង្កើតទម្លាប់ Digital Safety ឱ្យបានល្អជាងមុន។ នេះនៅតែជាជំហានដំបូង ហើយខ្ញុំនឹងបន្តបន្ថែមមេរៀន ឧបករណ៍ និងមុខងារថ្មីៗបន្តទៀត។ https://sophat.space/ បើបានសាកប្រើហើយ សូមប្រាប់ខ្ញុំផងថា តើមានអ្វីគួរបន្ថែម ឬកែសម្រួល។ Feedback របស់អ្នកនឹងជួយឱ្យ Sophat.Space កាន់តែមានប្រយោជន៍សម្រាប់អ្នកប្រើប្រាស់ខ្មែរ។ #SophatSpace #DigitalSafety #DigitalLiteracy #OnlineSafety #CyberSecurity #Cambodia

https://www.facebook.com/reel/4370247599892953 សាកពិនិត្យ Digital Health របស់អ្នកនៅទីនេះ៖ https://sophat.space/ ពិនិត្យសុវត្ថិភាព Facebook, Telegram និងទូរស័ព្ទរបស់អ្នកជាជំហានងាយៗ។

ខ្ញុំបានព្យាយាមបន្តការងារ Cambodia Local Guides Community តាមលទ្ធភាពរបស់ខ្ញុំ ដូចជា រៀបចំ Meetup, ចែករំលែកចំណេះដឹងអំពី Google Maps, កត់ត្រាបញ្ហានៅលើផែនទី និងធ្វើការស្រាវជ្រាវមួយចំនួនសម្រាប់សហគមន៍។ ការងារទាំងនេះក៏ត្រូវការចំណាយខ្លះៗដែរ ជាពិសេសសម្រាប់ការបន្ត Domain និង Hosting របស់ cambodialocalguides.net និងចំណាយសម្រាប់ការងារសហគមន៍មួយចំនួន។ 💻 ខ្ញុំដឹងថា រឿងការប្រមូលថវិកា ឬនិយាយពីរឿងលុយ អាចធ្វើឲ្យយើងមានអារម្មណ៍ដូចជាមិនសមរម្យទេ។ ដូច្នេះ ខ្ញុំចង់និយាយឲ្យច្បាស់ថា នេះមិនមែនជាកាតព្វកិច្ចទេ តែជាលទ្ធភាព និងភាពរីករាយក្នុងការចូលរួម។ 🙏 អ្វីដែលខ្ញុំចង់ឃើញពីការចូលរួមលើកនេះ គឺមិនមែនចង់ឲ្យមនុស្សម្នាក់ៗចូលរួមច្រើនទេ ប៉ុន្តែចង់ឃើញ កម្លាំងសាមគ្គីពីមនុស្សច្រើនៗ ដែលចូលរួមតិចតួចតាមលទ្ធភាព។ ទោះបីជា $1, $2 ឬច្រើនតិចតាមដែលអាចធ្វើបាន ក៏សុទ្ធតែមានតម្លៃសម្រាប់សហគមន៍។ 💰 ហើយខ្ញុំសូមបញ្ជាក់ថា ថវិកានេះមិនទាក់ទងនឹងការធ្វើដំណើរ ការស្នាក់នៅ ឬចំណាយផ្ទាល់ខ្លួនរបស់ខ្ញុំទេ។ គោលបំណងគឺសម្រាប់បន្ត Domain, Hosting និងការងារដែលពាក់ព័ន្ធនឹងសហគមន៍តែប៉ុណ្ណោះ។ សូមកុំដាក់សម្ពាធលើខ្លួនឯង បើមិនអាចចូលរួមថវិកាបាន ការចែករំលែក ការចូល Meetup ការចូលរួមជួយពិនិត្យផែនទី ឬការគាំទ្រសកម្មភាពសហគមន៍ ក៏មានតម្លៃដូចគ្នា។ 🤝 Cambodia Local Guides សម្រាប់ខ្ញុំ មិនមែនត្រឹមតែជាការប្រើ Google Maps ទេ ប៉ុន្តែជាការបង្កើតសហគមន៍ ចែករំលែកចំណេះដឹង និងជួយឲ្យព័ត៌មានឌីជីថលអំពីកម្ពុជាកាន់តែប្រសើរ។ សូមអរគុណចំពោះការគាំទ្រគ្នាកន្លងមក សង្ឃឹមថា បន្ទាប់ពីខ្ញុំត្រឡប់មកវិញ សៀមរាប យើងនឹងបានជួបគ្នាក្នុង Meetup ឆាប់ៗនេះ។ 🇰🇭🗺

និយាយច្រើន ខុសច្រើន នេះប្រហែលជាមូលហេតុមួយដែលធ្វើឱ្យមនុស្សជាច្រើនជ្រើសរើសមិននិយាយ។ អ្វីដែលខ្ញុំសង្កេតឃើញកាន់តែច្រើននៅលើបណ្ដាញសង្គម គឺនៅពេលមានមតិខុសគ្នា យើងមិនសូវជ្រើសរើសការជជែកគ្នា ដើម្បីស្វែងយល់ពីហេតុផលរបស់គ្នាទេ។ ជាច្រើនដង វាប្រែទៅជាការមិនពេញចិត្ត ការប្រកែក ការចង់ឈ្នះគ្នា រហូតដល់ការប្រើពាក្យអសុរោះ ការប្រមាថ និងការចោទប្រកាន់ ទាំងមិនទាន់បានពិនិត្យមើលសាច់រឿង ឬយល់ពីបរិបទទាំងមូលផង។ នៅលើបណ្ដាញសង្គម ពេលខ្លះយើងអាចឃើញត្រឹមរូបភាពមួយ វីដេអូខ្លីមួយ អត្តបទ (Caption) មួយ ឬប្រយោគមួយដែលត្រូវបានដកចេញពីបរិបទ ប៉ុន្តែការវាយតម្លៃលើមនុស្សម្នាក់អាចកើតឡើងបានយ៉ាងលឿន។ ពេលរឿងបែបនេះកើតឡើងញឹកញាប់ វាមិនត្រឹមតែធ្វើឲ្យការពិភាក្សាមួយបរាជ័យទេ ប៉ុន្តែអាចបង្កើតទម្លាប់មួយនៅលើឌីជីថល គឺស្តាប់តិច ប្រតិកម្មលឿន វាយតម្លៃមុនស្វែងយល់ និងមើលមតិផ្ទុយដូចជាការប្រឆាំងគ្នា។ ចុងក្រោយ មនុស្សមួយចំនួនក៏អាចជ្រើសរើសស្ងៀម មិនមែនព្រោះគេគ្មានមតិទេ ប៉ុន្តែព្រោះគេមិនចង់ក្លាយជាគោលដៅនៃការវាយប្រហារ ដោយសារតែការបញ្ចេញមតិដែលខុសពីអ្នកដទៃ។ អ្វីដែលធ្វើឲ្យខ្ញុំគិតបន្តទៀត គឺយើងកំពុងរស់នៅក្នុងសម័យដែលទិន្នន័យឌីជីថលកាន់តែមានតម្លៃ ហើយ AI ក៏កាន់តែអាចវិភាគភាសា អារម្មណ៍ របៀបប្រតិកម្ម និងទំនាក់ទំនងរបស់មនុស្សនៅលើអ៊ីនធឺណិតបានកាន់តែច្រើន។ អ្វីដែលយើងបង្ហោះ Comment ចែករំលែក ឬរបៀបដែលយើងឆ្លើយតបទៅកាន់មនុស្សផ្សេងៗ សុទ្ធតែបន្សល់ទុកជា Digital Footprint។ បើថ្ងៃណាមួយ អ្នកស្រាវជ្រាវលើឌីជីថល ឬប្រព័ន្ធ AI ប្រើទិន្នន័យសាធារណៈទាំងនេះ ដើម្បីសិក្សាពីរបៀបដែលមនុស្សនៅក្នុងសង្គមមួយទំនាក់ទំនងគ្នា តើពួកគេនឹងមើលឃើញអ្វីពីយើង? បើអ្វីដែលលេចធ្លោជាងគេគឺការប្រមាថ ការចោទប្រកាន់ ការវាយតម្លៃលឿន ការបែងចែកគ្នាតាមមតិ និងការមិនទទួលស្តាប់គ្នា តើរូបភាពឌីជីថលដែលត្រូវបានបង្កើតឡើងពីទិន្នន័យទាំងនេះ នឹងប្រាប់រឿងអ្វីអំពីសង្គមខ្មែរ? តែយើងក៏ត្រូវប្រុងប្រយ័ត្នក្នុងការសន្និដ្ឋានដែរ ព្រោះអ្វីដែលយើងឃើញនៅលើ Facebook ឬ TikTok មិនអាចតំណាងឲ្យអត្តចរិតរបស់ប្រជាជនទាំងមូលបានឡើយ។ មនុស្សដែលជេរ ឬឈ្លោះខ្លាំងអាចលេចធ្លោជាងមនុស្សរាប់ពាន់នាក់ដែលគ្រាន់តែអាន និងស្ងៀម។ ដូច្នេះ បញ្ហាមិនមែនថា AI អាចកំណត់ថា «ខ្មែរមានអត្តចរិតបែបណា» បានត្រឹមត្រូវនោះទេ ប៉ុន្តែសំណួរគឺថា ទិន្នន័យដែលយើងកំពុងបន្សល់ទុករាល់ថ្ងៃ កំពុងបង្កើតរូបភាពបែបណាអំពីយើង? សម្រាប់ខ្ញុំ សំណួរសំខាន់ជាងគេមិនមែនថា អ្នកណាត្រូវ អ្នកណាខុស ទេ ប៉ុន្តែគឺថា តើយើងចេះរស់នៅជាមួយមតិដែលខុសពីខ្លួនឯងបានប៉ុណ្ណា? នៅពេលមិនយល់ស្របជាមួយនរណាម្នាក់ តើយើងសួរហេតុផលគាត់មុន ឬវាយតម្លៃគាត់មុន? នៅពេលឃើញរឿងមួយ តើយើងពិនិត្យប្រភព និងបរិបទមុន ឬប្រញាប់ Comment តាមអារម្មណ៍? ហើយនៅពេលមនុស្សម្នាក់មានកំហុស តើយើងរិះគន់លើគំនិត និងសកម្មភាពរបស់គាត់ ឬយើងបំផ្លាញតម្លៃមនុស្សទាំងមូលរបស់គាត់? បណ្ដាញសង្គមគ្រាន់តែជាបច្ចេកវិទ្យា ប៉ុន្តែអត្តចរិតដែលកើតឡើងនៅក្នុងនោះ គឺជាអ្វីដែលយើងម្នាក់ៗចូលរួមបង្កើត។ ដូច្នេះខ្ញុំចង់ទុកជាសំណួរមួយថា៖ តើយើងត្រូវការពេលប៉ុន្មានទៀត ដើម្បីរៀនថា “មតិផ្ទុយគ្នា” មិនមានន័យថា “យើងត្រូវប្រឆាំងគ្នា”? ហើយបើថ្ងៃណាមួយ AI អ្នកស្រាវជ្រាវ ឬមនុស្សជំនាន់ក្រោយមើលត្រឡប់មកការជជែករបស់យើងនៅថ្ងៃនេះ តើយើងចង់ឲ្យពួកគេឃើញសង្គមដែលចេះស្តាប់គ្នា ឬសង្គមដែលគ្រាន់តែរង់ចាំវេនដើម្បីឆ្លើយតបគ្នា? នេះគ្រាន់តែជាការសង្កេតពីជ្រុងតូចមួយ និងជាការយល់ឃើញផ្ទាល់ខ្លួនរបស់ខ្ញុំប៉ុណ្ណោះ។ បងប្អូនម្នាក់ៗអាចមានបទពិសោធន៍ និងការយល់ឃើញខុសៗគ្នា ហើយការមានមតិខុសគ្នានោះឯង គួរតែជាឱកាសឲ្យយើងស្តាប់ និងស្វែងយល់ពីគ្នាបន្ថែម។

ជួបគ្នានៅសៀមរាប! បង្កើតសហគមន៍ Local Guides និងស្វែងយល់ Google Maps អោយកាន់តែស៊ីជម្រៅ នៅថ្ងៃទី ១៨ ខែកញ្ញា ឆ្នាំ២០២៦ ខាងមុខនេះ ខ្ញុំនឹងរៀបចំការជួបជុំសាធារណៈមួយនៅ ក្រុងសៀមរាប ដើម្បីជួបអ្នកដែលចាប់អារម្មណ៍លើ Google Maps, Local Guides, ការថតរូប និងការចូលរួមកែលម្អព័ត៌មានទីតាំងឌីជីថលក្នុងសហគមន៍។ គោលបំណងនៃកម្មវិធី គោលបំណងសំខាន់នៃការជួបជុំនេះ គឺដើម្បី កសាង និងពង្រឹងសហគមន៍ Local Guides នៅសៀមរាប ដោយភ្ជាប់អ្នកដែលចាប់អារម្មណ៍លើផែនទីឌីជីថល ទេសចរណ៍ ការថតរូប និងការផលិតមាតិកាឌីជីថល។ យើងចង់បង្ហាញថា Google Maps, Digital Tourism និង Digital Content អាចធ្វើការជាមួយគ្នា ដើម្បីជួយអភិវឌ្ឍទេសចរណ៍នៅសៀមរាប។ ចំណុចសំខាន់ៗរួមមាន៖ - ប្រើ Google Maps ដើម្បីកែលម្អព័ត៌មានទីតាំងសម្រាប់ភ្ញៀវទេសចរ - បង្កើតរូបភាព Review និងព័ត៌មានទីតាំងដែលមានប្រយោជន៍ - ប្រើផែនទី និងមាតិកាឌីជីថល ដើម្បីគាំទ្រទេសចរណ៍ក្នុងតំបន់ - ភ្ជាប់ Local Guides ជាមួយមគ្គុទ្ទេសក៍ទេសចរណ៍ អ្នកដំណើរ អ្នកថតរូប Content Creator និងអាជីវកម្មក្នុងតំបន់ - បង្កើតសកម្មភាពបន្ត ដូចជា Photo Walk, Mapping Trip, Tourism Content និង Community Meetup - កសាងបណ្តាញសហគមន៍ដែលអាចជួយឲ្យភ្ញៀវស្វែងរក និងស្គាល់សៀមរាបបានកាន់តែងាយ និងត្រឹមត្រូវ ពេលនេះខ្ញុំក៏កំពុងស្វែងរកទីតាំងតូចមួយសម្រាប់រៀបចំកម្មវិធីនេះ ដូចជា Café, Co-working Space, Training Room ឬកន្លែងសហគមន៍ ដែលអាចទទួលអ្នកចូលរួមបានប្រហែលមួយក្រុមតូច។ បើមានអាជីវកម្ម ឬអង្គភាពណាមួយនៅសៀមរាប ចង់គាំទ្រតិចតួចជាមួយ ទីតាំង ភេសជ្ជៈ អាហារសម្រន់ ឬការគាំទ្រផ្សេងៗ សម្រាប់សកម្មភាពសហគមន៍នេះ ខ្ញុំរីករាយទទួលការសហការ។ នេះជាកម្មវិធីតូច ប៉ុន្តែគោលបំណងគឺចង់អោយមានសហគមន៍ដែលអាចជួយកែលម្អព័ត៌មានឌីជីថល សម្រាប់ប្រជាជនក្នុងស្រុក អាជីវកម្ម និងទេសចរណ៍នៅសៀមរាប។ បើមានទីតាំង ឬចង់គាំទ្រ អាចទាក់ទងខ្ញុំបាន។ ជួបគ្នានៅសៀមរាប ចុះឈ្មោះ https://www.localguidesconnect.com/.../in-person.../578285 ចុច "Yes"

សម័យឌីជីថលហើយ ហេតុអ្វីសិស្សនៅតែតម្រង់ជួរដាក់ពាក្យចូលរៀន? https://www.facebook.com/reel/1630435855404388

ពីជ្រុងមួយរបស់សិស្សបាក់ឌុបប្រឡងអាហារូបករណ៍នៅភ្នំពេញ ។ ទើបលឺគេថា ពាក្យស្នើសុំអាហាររូបរណ៍ ៥ម៉ឺនរៀល ដាក់ពាក្យដោយសរសេរដៃហើយដាក់ពាក្យទៅវិញ 3ម៉ឺនរៀល https://www.facebook.com/reel/936547719504271

ជាងជួសជុលតេឡេក្រាមលឿនរបស់គេមែន តិចថាអត់ដឹង! តេឡេក្រាមគាំងមួយភ្លេតមិញនេះ តេឡេក្រាមគាំងសោះ ទៅបន្ទោសប្រព័ន្ធសេវាទូរស័ព្ទ 🫠 អ្នកណាខ្លះ?

យើងជួសជុលតេឡេក្រាមលឿនរបស់គេមែន

https://www.youtube.com/watch?v=kTYvo1gLo3g&t Phatcast EP15 - បាក់ឌុប (BacII) បង្ហាញថ្ងៃខែឆ្នាំកំណើត តើប៉ះពាល់ ឯកជនភាព (Digital Privacy) ដែរឬទេ?

ថ្ងៃនេះ ពេលលទ្ធផលប្រឡងបាក់ឌុបត្រូវបានផ្សព្វផ្សាយ ខ្ញុំមានចំណុចមួយចង់លើកឡើងអំពី ឯកជនភាពទិន្នន័យរបស់សិស្ស។ ក្នុងបញ្ជីលទ្ធផល យើងអាចឃើញមិនត្រឹមតែឈ្មោះសិស្សទេ ប៉ុន្តែមានទាំង ថ្ងៃ ខែ ឆ្នាំកំណើត ផងដែរ។ ចំណុចនេះធ្វើឲ្យខ្ញុំគិតថា៖ ខណៈដែលយើងកំពុងបង្រៀនសិស្សអំពីអក្ខរកម្មឌីជីថល ថា «កុំបង្ហាញព័ត៌មានផ្ទាល់ខ្លួនច្រើនពេកលើអ៊ីនធឺណិត» តើហេតុអ្វីការប្រកាសលទ្ធផលជាសាធារណៈនៅតែចាំបាច់បង្ហាញថ្ងៃ ខែ ឆ្នាំកំណើតពេញលេញ? ខ្ញុំមិននិយាយថា ក្រសួងមិនត្រូវការទិន្នន័យនេះទេ ក្រសួងប្រាកដជាត្រូវការវាសម្រាប់ការគ្រប់គ្រង និងផ្ទៀងផ្ទាត់អត្តសញ្ញាណសិស្ស។ ប៉ុន្តែ “ការរក្សាទុកទិន្នន័យ” និង “ការបង្ហាញទិន្នន័យជាសាធារណៈ” គឺជារឿងពីរផ្សេងគ្នា។ ក្នុងសម័យឌីជីថល យើងអាចមានវិធីល្អជាងនេះ។ ឧទាហរណ៍៖ ប្រើលេខបេក្ខជន ឬលេខសម្គាល់សិស្សសម្រាប់ស្វែងរកលទ្ធផល ហើយបន្ទាប់មកឲ្យសិស្សផ្ទៀងផ្ទាត់ព័ត៌មានមួយចំនួនមុនចូលមើលលទ្ធផលផ្ទាល់ខ្លួន ឬបង្ហាញតែព័ត៌មានអប្បបរមាដែលចាំបាច់សម្រាប់ការប្រកាសជាសាធារណៈ។ គោលការណ៍សាមញ្ញមួយក្នុងការការពារទិន្នន័យគឺ Data Minimization បង្ហាញតែទិន្នន័យដែលចាំបាច់ប៉ុណ្ណោះ។ បើគោលបំណងគ្រាន់តែឲ្យសិស្សដឹងថា ខ្លួនប្រឡងជាប់ ឬបាននិទ្ទេសអ្វី តើថ្ងៃ ខែ ឆ្នាំកំណើតពេញលេញ ចាំបាច់ត្រូវឲ្យមនុស្សគ្រប់គ្នាមើលឃើញដែរឬទេ? ការធ្វើទំនើបកម្មឌីជីថល មិនមែនគ្រាន់តែយកបញ្ជីក្រដាសទៅដាក់លើអ៊ីនធឺណិតទេ វាគួរតែជាឱកាសក្នុងការរចនាប្រព័ន្ធថ្មីដែល ងាយប្រើ សុវត្ថិភាព និងគោរពឯកជនភាពរបស់អ្នកប្រើប្រាស់ជាងមុន។ នេះមិនមែនជាការរិះគន់ដើម្បីបន្ទោសទេ ប៉ុន្តែជាសំណូមពរមួយសម្រាប់ការកែលម្អប្រព័ន្ធផ្សព្វផ្សាយលទ្ធផលប្រឡងនៅពេលអនាគត។ យើងបង្រៀនកុមារឲ្យការពារទិន្នន័យផ្ទាល់ខ្លួន ដូច្នេះប្រព័ន្ធដែលយើងបង្កើតសម្រាប់ពួកគេ ក៏គួរជួយការពារទិន្នន័យរបស់ពួកគេដែរ។ #DigitalPrivacy #DigitalLiteracy #DataPrivacy #BacII

អ្នកកំពត Comment តិចមើល! 😍 បឹងគីឡូមាត់ទឹកណាខ្លះ ស្ងប់ស្ងាត់ ខ្យល់ល្អ ទេសភាពស្អាត សម្រាប់អង្គុយលេង និងមើលថ្ងៃលិច? 🌿🌅 ជួយណែនាំកន្លែងសម្ងាត់ៗម្នាក់មួយផង! 👇

Phatcast EP14 - ពេលមនុស្សគ្រប់គ្នាក្លាយជា Content Creator តើអ្នកណាទទួលខុសត្រូវលើព័ត៌មានដែលយើងបង្ហោះ? https://youtu.be/BFrZ2JCVwWg?si=yZzycNCNQM_FMZyg