រដ្ឋបាលខេត្តកំពង់ចាម

អភិបាលរងខេត្តកំពង់ចាម ដឹកនាំកិច្ចប្រជុំបូកសរុបលទ្ធផលការងារ និងត្រៀមដំណើរការផ្តល់ជ័យលាភី «ភូមិ-ឃុំ-សង្កាត់មានសុវត្ថិភាព»

មន្ទីរធម្មការនិងសាសនាខេត្តកំពង់ចាម អំពាវនាវ និងជូនពរដល់បងប្អូនប្រជាពលរដ្ឋក្នុងឱកាសពិធីបុណ្យកាន់បិណ្ឌ និងភ្ជុំបិណ្ឌ

មន្ទីរធម្មការនិងសាសនាខេត្តកំពង់ចាម បានចេញសេចក្តីណែនាំដល់វត្តអារាមទាំងអស់ទូទាំងខេត្តកំពង់ចាម អោយគិតគូរយកចិត្តទុកដាក់លើចំណុចសំខាន់មួយចំនួន ជាពិសេសការឧទ្ទិសកុសលដល់វីរៈកងទ័ពដែលបានពលីជីវិតដើម្បីជាតិមាតុភូមិ

សមរភូមិក្រោយ​និងសមរភូមិមុខគឺតែ១​ ខ្មែររួមសាមគ្គីគ្នា​គឺខ្មែរខ្លាំង នៅថ្ងៃទី២៨ ខែកញ្ញា ឆ្នាំ២០២៦ ក្រុមផលិតមាតិកាខេត្ត បានទទួលអំណោយឧបត្ថម្ភពីបងប្អូនប្រជាពលរដ្ឋ ក្នុងការចូលរួមចំណែកជាមួយរាជរដ្ឋាភិបាលកម្ពុជា ដើម្បីជួយដល់វីរកងទ័ពជួរមុខ ដែលកំពុងឈរជើងការពារអធិបតេយ្យភាព បូរណភាពទឹកដី តស៊ូការពារបន្ទាត់ព្រំដែន(កម្ពុជា-ថៃ ) និងចុះសួរសុខទុក្ខជូនបងប្អូនប្រជាពលរដ្ឋភៀសសឹកដែលកំពុងបន្តស្នាក់នៅតាមមណ្ឌលសុវត្ថិភាព ក្នុងខេត្តព្រះវិហារ។ សូមជូនពរ សូមជួបប្រទះនូវព្រះពុទ្ធពរ ៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។៨

អភិបាលខេត្តកំពង់ចាម អញ្ជើញជួបសាវនាការការងារជាមួយប្រតិភូខេត្ត​ Gyeonggi សាធារណៈ​រដ្ឋកូរ៉េ​ (កំពង់ចាម) នារសៀលថ្ងៃទី២៨ ខែកញ្ញា ឆ្នាំ២០២៦ នេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម អញ្ជើញជួបសាវនាការការងារជាមួយប្រតិភូខេត្ត​ Gyeonggi សាធារណៈ​រដ្ឋកូរ៉េ​ ស្ថិតនៅសាលាខេត្តកំពង់ចាម ដោយមានការចូលរួមពីសំណាក់ អភិបាលរងខេត្ត នាយករដ្ឋបាល និងថ្នាក់ដឹកនាំមន្ទីរ-អង្គភាពពាក់ព័ន្ធមួយចំនួន។ បន្ទាប់ពីសវនាការដ៏ស្និទ្ធស្នាល និងប្រកបដោយផ្លែផ្កា គណៈប្រតិភូទាំងពីរ បានជូនកាដូអនុស្សាវរីយ៍ ដែលជាតំណាងអត្តសញ្ញាណរបស់ខេត្ត ក្នុងការផ្សារភ្ជាប់នូវទំនាក់ទំនង និងកិច្ចសហប្រតិបត្តិការ យូរអង្វែង រវាងខេត្តកំពង់ចាម នៃព្រះរាជាណាចក្រកម្ពុជា និងខេត្ត Gyeonggi នៃសាធារណៈ​រដ្ឋកូរ៉េ​។ នាឱកាសនោះដែរ ឯកឧត្តម អ៊ុន ចាន់ដា អភិបាលខេត្តកំពង់ចាម ក៏បានសម្តែងនូវការស្វាគមន៍យ៉ាងកក់ក្តៅ ចំពោះវត្តមានរបស់គណៈប្រតិភូខេត្ត​ Gyeonggi សាធារណៈ​រដ្ឋកូរ៉េ ដែលបានកំណត់យកខេត្តកំពង់ចាម ជាខេត្តគោលដៅ ក្នុងពង្រឹង ពង្រីកកិច្ចសហការ​ ភាពជាដៃគូវិនិយោគ​ និងឱកាសការងារ ស្របតាមយុទ្ធសាស្ត្របច្ចកោណដំណាក់កាលទី៧ របស់រាជរដ្ឋាភិបាល ក្រោមការដឹកនាំដ៏ឈ្លាសវៃ និងបុិនប្រសព្វ ប្រកបដោយគតិបណ្ឌិតរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា៕ ​

នាព្រឹកថ្ងៃទី២៨ ខែកញ្ញា ឆ្នាំ២០២៦ ឯកឧត្តម ផេន សុផល អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលខេត្តកំពង់ចាម បានដឹកនាំកិច្ចប្រជុំ អនុគណៈកម្មការបច្ចេកទេសប្រណាំងទូក នៃគណៈកម្មការរៀបចំក្នុងពិធីប្រណាំងទុកថ្នាក់ខេត្ត ក្នុងពិធីប្រណាំងទូក “ ង ” ទូកខ្នាតអន្តរជាតិ បណ្ដែតប្រទីប តាំងពិព័រណ៍សមិទ្ធផល និងអុចកាំជ្រួច នៅក្រុងកំពង់ចាម ។ កិច្ចប្រជុំបានធ្វើនៅសាលាខេត្ត ដោយមានការអញ្ជើញចូលរួមពី លោកនាយករង រដ្ឋបាលសាលាខេត្ត, អភិបាលរងក្រុង , ចៅសង្កាត់ទាំង៤ តំណាងមន្ទីរ និងមន្ត្រីជំនាញពាក់ព័ន្ធផងដែរ។

នាព្រឹកថ្ងៃទី២៨ ខែកញ្ញា ឆ្នាំ២០២៦ ឯកឧត្តម ផេន សុផល អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលខេត្តកំពង់ចាម បានដឹកនាំកិច្ចប្រជុំ អនុគណៈកម្មការបច្ចេកទេសប្រណាំងទូក នៃគណៈកម្មការរៀបចំក្នុងពិធីប្រណាំងទុកថ្នាក់ខេត្ត ក្នុងពិធីប្រណាំងទូក “ ង ” ទូកខ្នាតអន្តរជាតិ បណ្ដែតប្រទីប តាំងពិព័រណ៍សមិទ្ធផល និងអុចកាំជ្រួច នៅក្រុងកំពង់ចាម ។ កិច្ចប្រជុំបានធ្វើនៅសាលាខេត្ត ដោយមានការអញ្ជើញចូលរួមពី លោកនាយករង រដ្ឋបាលសាលាខេត្ត, អភិបាលរងក្រុង , ចៅសង្កាត់ទាំង៤ តំណាងមន្ទីរ និងមន្ត្រីជំនាញពាក់ព័ន្ធផងដែរ។

មន្ទីរពេទ្យបង្អែកខេត្តកំពង់ចាម ប្រារព្ធពិធីអបអរសាទរទិវាពិភពលោកសុវត្ថិភាពអ្នកជំងឺ ឆ្នាំ២០២៦ ក្រោមប្រធានបទ «សុវត្ថិភាពនៃការថែទាំសម្រាប់អ្នកជំងឺមិនឆ្លង» កំពង់ចាម៖ នារសៀលថ្ងៃទី២៨ ខែកញ្ញា ឆ្នាំ២០២៦ នៅមន្ទីរពេទ្យបង្អែកខេត្តកំពង់ចាម បានប្រារព្ធពិធីអបអរសាទរទិវាពិភពលោកសុវត្ថិភាពអ្នកជំងឺ ឆ្នាំ២០២៦ ក្រោមប្រធានបទ «សុវត្ថិភាពនៃការថែទាំសម្រាប់អ្នកជំងឺមិនឆ្លង» ក្រោមអធិបតីភាពដ៏ខ្ពង់ខ្ពស់ លោក ឃន ប្រុស អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម។

នាថ្ងៃទី២៨ ខែកញ្ញា ឆ្នាំ២០២៦ លោកជំទាវ ប៉ាង ដានី អភិបាលរងខេត្ត និងជាប្រធានក្រុមប្រឹក្សាសកម្មភាពជនពិការខេត្ត បានចូលរួមដឹកនាំក្រុមការងារក្រុមប្រឹក្សាសកម្មភាពជនពិការខេត្ត បានចុះសួរសុខទុក្ខ និងឧបត្ថម្ភដល់ក្រុមជួយខ្លួនឯង នៃជនមានពិការភាព (ចំនួន ៦ក្រុម) និងសហគមន៍ផលិតសាប៊ូលាងចានស្ត្រីឆ្លាតវៃរបស់ជនមានពិការភាព (ចំនួន ១ក្រុម) សរុបចំនួន ៧ក្រុម នៅស្រុកព្រៃឈរ និងស្រុកបាធាយ ដោយមានការចូលរួមពី លោកស្រីអភិបាលរងស្រុក លោកប្រធានការិយាល័យសង្គមកិច្ច និងសុខុមាលភាពសង្គមស្រុក អាជ្ញាធរមូលដ្ឋាន និងសមាជិកក្រុមទាំង ៧។ ក្រោមការយកចិត្តទុកដាក់គាំទ្រ និងលើកទឹកចិត្តពីសំណាក់ថ្នាក់ដឹកនាំខេត្ត លោកជំទាវ អភិបាលរងខេត្ត បានសំណេះសំណាល នាំនូវប្រសាសន៍ផ្ដាំផ្ញើ និងការគិតគូរ ដល់ក្រុមជួយខ្លួនឯង ប្រមូលនូវបញ្ហាប្រឈម តម្រូវការ និងសំណូមពរនានា ដើម្បីរួមគ្នាស្វែងរកដំណោះស្រាយ ផ្សព្វផ្សាយពីភាពជាគំរូ និងលើកទឹកចិត្តដល់ជនពិការដទៃទៀតឱ្យចងក្រងជាក្រុមសហគមន៍។ ក្នុងឱកាសនោះដែរ លោកជំទាវ បាននាំយកថវិការបស់ឯកឧត្ដមអភិបាល នៃគណៈអភិបាលខេត្ត និងជាប្រធានកិត្តិយសក្រុមប្រឹក្សាសកម្មភាពជនពិការខេត្ត ឧបត្ថម្ភដល់សហគមន៍ និងក្រុមជួយខ្លួនឯង ទាំង៧ក្រុម /ក្នុង ១ក្រុមទទួលបានថវិកាចំនួន ៤០០.០០០ រៀល សរុបចំនួន ២.៨០០.០០០ រៀល ។

គណៈកម្មាធិការរៀបចំដែនដីថ្នាក់ខេត្ត បើកកិច្ចប្រជុំធ្វើបច្ចុប្បន្នភាពអចលនទ្រព្យ និងពិនិត្យការងារគ្រប់គ្រងដីធ្លីនៅទូទាំងខេត្តកំពង់ចាម (កំពង់ចាម)៖ នាព្រឹកថ្ងៃទី២៨ ខែកញ្ញា ឆ្នាំ២០២៦ នៅសាលប្រជុំសាលាខេត្តកំពង់ចាម ឯកឧត្តម អ៊ុន ចាន់ដា អភិបាល នៃគណៈអភិបាលខេត្ត និងជាប្រធានគណៈកម្មាធិការគ្រប់គ្រងដីរដ្ឋថ្នាក់ខេត្ត និងឯកឧត្តម ខ្លូត ផន ប្រធានក្រុមប្រឹក្សាខេត្ត បានអញ្ជើញដឹកនាំកិច្ចប្រជុំគណៈកម្មាធិការរៀបចំដែនដី និងនគរូបនីយកម្មថ្នាក់ខេត្ត ដើម្បីពិនិត្យ និងធ្វើបច្ចុប្បន្នភាពអចលនទ្រព្យរដ្ឋ និងការងារគ្រប់គ្រងដីធ្លីនៅទូទាំងខេត្តកំពង់ចាម។ នាឱកាសនោះ ឯកឧត្តម អ៊ុន ចាន់ដា បានគូសបញ្ជាក់អំពីសារសំខាន់ និងភាពចាំបាច់នៃការគ្រប់គ្រង ការចុះបញ្ជី និងការធ្វើបច្ចុប្បន្នភាពទិន្នន័យអចលនទ្រព្យឱ្យបានច្បាស់លាស់ និងទាន់ពេលវេលា ដើម្បីធានាបាននូវតម្លាភាព សុវត្ថិភាពផ្លូវច្បាប់ និងប្រសិទ្ធភាពខ្ពស់ក្នុងការប្រើប្រាស់ ទាំងពេលចំពោះមុខ និងទៅអនាគត។ ជាមួយគ្នានេះដែរ ឯកឧត្តមអភិបាលខេត្ត ក៏បានផ្តល់ឱកាសជូនតំណាងមន្ទីរ-អង្គភាពជុំវិញខេត្ត លើកឡើងនូវបញ្ហាប្រឈម ការលំបាក និងសំណូមពរនានាទាក់ទងនឹងទីតាំងដីធ្លី ឬទីស្តីការអង្គភាពរបស់ខ្លួន ដើម្បីរួមគ្នាពិភាក្សា ផ្លាស់ប្តូរយោបល់ និងស្វែងរកដំណោះស្រាយសមស្រប។ ឯកឧត្តម អ៊ុន ចាន់ដា បានបន្ថែមថា អាជ្ញាធរខេត្តជានិច្ចកាលតែងតែយកចិត្តទុកដាក់ និងបង្កលក្ខណៈងាយស្រួលដល់គ្រប់មន្ទីរ-អង្គភាពទាំងអស់ ក្នុងការបំពេញភារកិច្ច និងមានទីតាំងធ្វើការងារសមរម្យ។ ឯកឧត្តមក៏បានផ្តាំផ្ញើ និងរំលឹកដល់គ្រប់មន្ទីរ-អង្គភាពពាក់ព័ន្ធ ត្រូវបន្តសហការគ្នាឱ្យបានជិតស្និទ្ធ ស្រាវជ្រាវ ប្រមូលព័ត៌មាន និងផ្ទៀងផ្ទាត់ឯកសារពាក់ព័ន្ធឱ្យបានគ្រប់ជ្រុងជ្រោយ ដើម្បីឱ្យការងាររៀបចំដែនដី និងការគ្រប់គ្រងអចលនទ្រព្យក្នុងខេត្តប្រព្រឹត្តទៅដោយរលូន ជៀសវាងការជាន់ដែនសមត្ថកិច្ច/ដីធ្លីគ្នា និងសម្រេចបានលទ្ធផលល្អប្រសើរតាមផែនការគ្រោងទុក៕