Yerevan Live!

🔴Բաքվում արդեն 5.5 տարի պահվող հայ ռազմագերի Լյուդվիգ Մկրտչյանի առողջական վիճակը վատթարացել է, նրա փաստաբան Լուսիանա Մինասյանը հրատապ և հրապարակային կերպով դիմել է Իլհամ Ալիևին: «Թույլ տվեք Լյուդվիգ Մկրտչյանին անհապաղ զանգահարել կնոջը՝ Հրանուշ Շահբազյանին։ Բավական է լռությունը։ Բավական է անորոշությունը»,- գրել է Մինասյանը` նշելով, որ Մկրտչյանի առողջական վիճակը գնալով վատթարանում է, իսկ ընտանիքը տեղեկություն չունի նրանից:

🔵Իրանն Ադրբեջանի պետական հեռուստաալիքը ներառել է «թշնամական ԶԼՄ-ի» ցանկում Ինչպես հայտնում են իրանական ԶԼՄ-ը, որոշման պատճառ կարող էին դառնալ, ինչպես ազգային անվտանգությանը հակասող կեղծ լուրերի հրապարակումը, այնպես էլ Իսրայելի հետ հարաբերություննրերը։

🔵Եղվարդի ապօրինի հրաձգարանում մի ողջ զինանոց է հայտնաբերվել ՆԳՆ

🔵Գագիկ Ծառուկյանի աջակիցները «Ազատություն» գրառմամբ պաստառներով Իրանի դեսպանատան մոտ են

Վրաերթի ենթարկվածը «Վեոլիա Ջուր» ընկերության աշխատակից էր, հայտնում է shamshyan.com-ը Վրարեթը տեղի է ունեցել այն ժամանակ, երբ 62-ամյա Սեդրակ Ի.-ին Իսակովի պողոտայից դեպի Սեբաստիայի փողոց տանող հատվածում աշխատում էր կոյուղատարի վթարը վերացնելու նպատակով։

Մահվան ելքով վրաերթ է տեղի ունեցել Երևանում, հայտնում է shamshyan.com-ը Ժամը 10:40-ի սահմաններում Երևանի բնակիչ, 21-ամյա Արսեն Խ.-ն, իր վարած «Lexus» մակնիշի ավտոմեքենայով Իսակովի պողոտայում՝ «Երեքնուկ» կամրջի վրա, վրաերթի է ենթարկել հետիոտն, Կոտայքի մարզի բնակիչ, 62-ամյա Սեդրակ Ի.-ին։ Շտապօգնության բժիշկներն արձանագրել են վերջինիս մահը։ Վարորդը եղել է սթափ։

🇺🇸 Արտակարգ դեպք Սիէթլում. «Սփեյս Նիդլ» աշտարակի մոտ հրաձգության հետևանքով կան զոհեր և վիրավորներ ԱՄՆ Սիէթլ քաղաքում՝ «Սփեյս Նիդլ» աշտարակի մոտ անցկացվող փառատոնի ժամանակ տեղի ունեցած հրաձգության հետևանքով 2 մարդ սպանվել է, առնվազն 5-ը վիրավորվել են, այդ թվում՝ 2 տարեկան երեխա։ Ձերբակալվել է երկու կասկածյալ, սակայն ոստիկանությունը չի բացառում այլ հարձակվողների առկայությունը։

🔵30-ամյա կինը ոստիկաններին հայտնել է, որ իր 41-ամյա ընկերոջ 46-ամյա եղբայրը մի քանի անգամ ձեռքով հարվածել է իր դեմքին, այնուհետև հրելով գցել է անկողնու վրա և իր կամքին հակառակ սեռական հարաբերություն է ունեցել իր հետ։

🔵Ռոստովը՝ տարերային աղետից հետո․ մեկ մարդ մահացել է, 28-ը՝ տուժել Նախօրեին ուժգին փոթորիկն ու հորդառատ անձրևները տապալել են մոտ 1000 ծառ, վնասել տանիքներն ու մեքենաները։

🚒Ողբերգական ավտովթար-հրդեհ Արարատի մարզում. բախվել են «Toyota»-ն, «Lada»-ն ու «Volkswagen»-ը. վերջինում հրդեհ է բռնկվել, կրակը մարելուց հետո հայտնաբերվել է 3 մոխրացած մարմին, կան վիրավորներ

🔵Ուկրաինական ԶԼՄ-ները հրապարակել են Կրիվոյ Ռոգի հիպերմարկետի վրա ռուսական հարվածի հետևանքների կադրերը

🔵Թումանյան փողոցի շենքերից մեկում հայտնաբերվել է 32–ամյա տղամարդու մարմինը՝ կախված վիճակում Այսօր՝ հուլիսի 26-ին, առեղծվածային մահվան դեպք է տեղի ունեցել Երևանում։ Ժամը 16:30-ի սահմաններում օպերատիվ տեղեկություններն են ստացվել, որ Թումանյան փողոցի շենքերից մեկի բնակարանի բնակիչը տևական ժամանակ է դռան և հեռախոսազանգերի չի պատասխանում։ Ինչպես հայտնում է ֆոտոլրագրող Գագիկ Շամշյանը, փրկարարները, բացելով տան դուռը, լոգարանում հայտնաբերել են երիտասարդ տղայի մարմինը՝ կախված վիճակում։ Ֆոտոլրագրողի տեղեկություններով՝ մահացածը 32-ամյա Դավիթ Ա.-ն է։

🔵Բախվել են երկու ջրային սկուտեր․ ջրափրկարարները քաղաքացիներին դուրս են բերել լճից Հուլիսի 26-ին՝ ժամը 15:02-ին, Սևանա լճի 3-րդ հանրային լողափում հերթապահություն իրականացնող ջրափրկարարները նկատել են, որ միմյանց են բախվել երկու ջրային սկուտեր․ քաղաքացիները հայտնվել են ջրում։ Ջրափրկարարները լճից դուրս են բերել երկու քաղաքացու․ նրանց կյանքին վտանգ չի սպառնում։ Հարգելի՛ քաղաքացիներ, հորդորում ենք պահպանել զգոնություն, ջրային տրանսպորտից օգտվել միայն սթափ վիճակում՝ պահպանելով անվտանգության կանոնները։

✈️Թեհրան–Երևան չվերթը չեղարկվել է, իսկ ևս 9 չվերթ հետաձգվել է, տեղեկացնում են «Զվարթնոց» օդանավակայանից Ուշացումով սպասվում է 6 չվերթ Ռուսաստանից՝ Նիժնի Նովգորոդից, Կազանից, Եկատերինբուրգից, ինչպես նաև երեք չվերթ` Մոսկվայից: Հետաձգվել են նաև Թել Ավիվից, Տիվատից և Շարմ Էլ Շեյխից եկող չվերթերը:

🔵Ուժեղացված հսկողություն Երեւանում` փողոցային առեւտրի դեմ Ավան վարչական շրջանում առգրավվել է մոտ 3 տոննա 200 կգ տարբեր ապրանքատեսականի, ինչպես նաև թվով 300 ծաղիկ, իսկ Դավթաշեն վարչական շրջանում մոտ 3 տոննա 600 կգ ապրանքատեսականի։

🚌🚑Զեստափոնի-Քութայիսի մայրուղում ավտոբուսը դուրս է եկել ճանապարհի երթևեկելի հատվածից, ինչի հետևանքով վիրավորվել է 13 զբոսաշրջիկ։ Նրանք տեղափոխվել են հիվանդանոց։

⚽️Ինչո՞ւ է «Շախտյորում» Անդրեյ Տոտովիցկին վախեցել Հենրիխ Մխիթարյանից Դոնեցկի «Շախտյորի» սան Անդրեյ Տոտովիցկին կիսվել է իր մտքերով, թե ինչու իրեն այդպես էլ չհաջողվեց ամրապնդվել «հանքափորների» հիմնական կազմում: Ուկրաինացի նախկին ֆուտբոլիստը, վերլուծելով իր կարիերան, հատկանշական կերպով ընդգծել է Հայաստանի ազգային հավաքականի նախկին ավագ Հենրիխ Մխիթարյանի գործոնը: Այս մասին գրում է Armsport.am-ը։ ««Շախտյորում» ինձ մոտ չստացվեց, բայց հիմա հասկանում եմ, որ կարող էի հանգիստ խաղալ այնտեղ։ Լուչեսկուի օրոք մի պահ կար, երբ ես բավականին լավ անցկացրի ուսումնամարզական հավաքները, բայց այն ժամանակ պարզապես չէի հավատում ինքս ինձ: Չէի հավատում, որ կարող եմ մրցակցել այնպիսի ֆուտբոլիստների հետ, ինչպիսիք են Մխիթարյանն ու Տեյշեյրան… Ներքուստ չէի հավատում, որ նրանց դուրս կմղեմ կազմից կամ գոնե կպայքարեմ իմ տեղի համար։ Բայց հիմա, երբ վերլուծում եմ իրավիճակը, հասկանում եմ, որ ունեի պահանջվող ներուժը։ Այդ անվստահությունն ինձ որոշ չափով կործանեց «Շախտյորում»»,- Տոտովիցկու խոսքն է մեջբերում ուկրաինական մամուլը։ Հիշեցնենք, որ Հենրիխ Մխիթարյանը դոնեցկյան ակումբի գույները պաշտպանել է 2010-ից 2013 թվականներին։ Ինչ վերաբերում է Տոտովիցկուն, ապա նա պայմանագրով «Շախտյորին» է պատկանել 2010-2020 և 2022-2025 թվականներին, սակայն այդ երկարամյա ընթացքում գլխավոր թիմի կազմում անցկացրել է ընդամենը 16 պաշտոնական հանդիպում։ Հուլիսի սկզբին 33-ամյա կիսապաշտպանը պաշտոնապես ավարտել է մարզական կարիերան։

🔵Ի՞նչ եղանակ է սպասվում հուլիսի 26-ից մինչև 31-ը Հուլիսի 26-31-ը Արարատյան դաշտում և Երևանում, Արագածոտնի, Կոտայքի և Վայոց ձորի նախալեռներում, Սյունիքի հովտային շրջաններում սպասվում է բարձր կարգի հրդեհավտանգ իրավիճակ։ Երևան քաղաքում հուլիսի 26-ի ցերեկը, 27-28-ին 30-31-ին սպասվում է առանց տեղումների եղանակ։ Հուլիսի 29-ի երեկոյան ժամերին քաղաքի առանձին հատվածներում հնարավոր է կարճատև անձրև և ամպրոպ։ Հուլիսի 26-31-ին երեկոյան ժամերին սպասվում է քամու ուժգնացում՝ 14-17մ/վ։ Հանրապետության տարածքում հուլիսի 26-ի ցերեկը, 27-28-ին, 30-31-ին սպասվում է առանց տեղումների եղանակ։ Հուլիսի 29-ի երեկոյան ժամերին առանձին շրջաններում սպասվում է կարճատև անձրև և ամպրպոպ։ Քամին`հարավարևմտյան` 2-5 մ/վ։ Հուլիսի 26-31-ին Արմավիրի մարզում, Արագածոտնի և Կոտայքի նախալեռներում, Շիրակի մարզի առանձին հատվածներում երեկոյան ժամերին սպասվում է քամու ուժգնացում՝ 15-18մ/վ։ Օդի ջերմաստիճանը հուլիսի 27-ի ցերեկը կնվազի 2-3 աստիճանով։

🔵Գեղարքունիքում խոշոր ավտովթար է տեղի ունեցել Երեկ՝ հուլիսի 25-ին, ավտովթար է տեղի ունեցել Գեղարքունիքի մարզում։ Ժամը 19։50-ի սահմաններում Սևան-Մարտունի-Գետափ ավտոճանապարհի 18-րդ կմ հատվածում բախվել են «Toyota Camry» և «Hyundai ix35» մակնիշների ավտոմեքենաները, ինչի հետևանքով երկուսն էլ բախվել են երկաթե արգելապատնեշներին։ Վթարի հետևանքով 2 հոգի մարմնական վնասվածքներով տեղափոխվել են «Գավառ» բժշկական կենտրոն։ Վթարի փաստով քննչական վարչությունում նախաձեռնվել է քրեական վարույթ, որտեղ էլ պարզվում են ավտոմեքենաների սեփականատերերի, վարորդների և վիրավորների ինքնությունները։

🚒Ֆրանսիայում անտառային հրդեհների պատճառով տարհանված մարդկանց թիվը հասել է 220,000-ի, հաղորդում է BFMTV-ն։ Մակրոնի խոսքով՝ այս ամռանը երկիրը բախվել է Երկրորդ համաշխարհային պատերազմից ի վեր անտառային հրդեհների ամենաբարձր թվին։