Yerevan Live!

🔵Տիգրան Ավինյանը փորձարկում է «Kärcher» մեքենան

⚫️Ստամբուլում մահացել է քաղաքագետ Ռիչարդ Կիրակոսյանը Տարածաշրջանային հետազոտությունների կենտրոնի (RSC) տնօրեն Ռիչարդ Կիրակոսյանը մահացել է Ստամբուլում, սեպտեմբերի 19-ին։ Նա Ստամբուլ էր մեկնել գործնական հանդիպման մասնակցելու նպատակով, սակայն վերջին շաբաթվա ընթացքում նրա ինքնազգացողությունը վատացել էր, նրան հոսպիտալացրել էին։ Կիրակոսյանի մոտ արձանագրվել է ուղեղային արյունազեղում։

🔵Արևաշատ գյուղում հորատող «ԶԻԼ-130»-ի վարորդի գլուխն արգելափակվել է մետաղական կառուցատարի արանքում. նա տեղում մահացել է Այսօր՝ սեպտեմբերի 20-ին, ողբերգական դեպք է տեղի ունեցել Արմավիրի մարզում։ Ժամը 11։15-ի սահմաններում ՀՀ ներքին գործերի նախարարության 112 օպերատիվ կառավարման կենտրոն ահազանգ է ստացվել, որ Արևաշատ գյուղում արտեզյան ջրի հորատող տեխնիկան ընկել է քաղաքացու վրա։ Այս մասին հայտնում է Shamshyan.com-ը։ Տեղում պարզվել է, որ հորատող «ԶԻԼ-130» մակնիշի ավտոմեքենայի ճնշման յուղի խողովակը վնասվել է, ինչի հետևանքով վարորդի գլուխն արգելափակվել է հորատող տեխնիկայի մետաղական կառուցատարրի արանքում ու տեղում մահացել։ Համայնքային ոստիկանները և պարեկները պարզել են, որ մահացածը Արմավիրի մարզի բնակիչ 38-ամյա Արամայիս Առաքելյանն է։

🔵Երեւանում ՌԴ դեսպանատան դիմաց կիլոմետրանոց հերթ է. ՌԴ քաղաքացիները եկել են քվեարկության

🔵«Մալվինները Արգենտինայինն են»․ Ֆոլկլենդյան կղզիների շուրջ երկդարյա վեճն ու անավարտ հակամարտությունը Մանրամասներն ու տեսանյութը՝ հղմամբ

🔵Պարգև սրբազանն ԱՄՆ–ում EB-1 ներգաղթային վիզա է ստացել Արցախի թեմի նախկին առաջնորդ Պարգև արքեպիսկոպոս Մարտիրոսյանն ԱՄՆ–ում EB-1 ներգաղթային վիզա է ստացել։ Այս մասին իր ինստագրամյան էջում հայտնել է ամերիկաբնակ փաստաբան Քրիստինե Պարիկյանը։ Նա լուսանկար է հրապարակել, որում ինքն ու Պարգև սրբազանը ձեռքում պահում են ստացված վիզան։ Պարիկյանի խոսքով՝ սա բացառիկ դեպքերից է, քանի որ հոգևորականները սովորաբար ստանում են այլ կատեգորիայի վիզա՝ EB-4 (աշխատանքային չորրորդ նախապատվության կարգավիճակ ունեցող մշտական բնակության (Green Card) վիզա, որը նախատեսված է հատուկ ներգաղթյալների համար)։ Հիշեցնենք, որ 2021 թվականի hունվարի 21-ին Պարգև սրբազանն ազատվեց Արցախի թեմի առաջնորդի պաշտոնից և նշանակվեց հատուկ հանձնարարություններով Հայրապետական նվիրակ։ 2023թ-ից նա ապրում է Միացյալ Նահանգներում։

🔵Բանակի հատուկ նշանակության ստորաբաժանման զինծառայողների պարապմունքները՝ «Բաստիոն» զրահամեքենաների ներգրավմամբ

🇦🇲🇧🇷Արման Ծառուկյանը առաջին ռաունդի հենց վերջում նոկաուտի է ենթարկել բրազիլացի Մաուրիսիո Ռուֆիին

🔴Տիրադավ հոգևորականը խաղում է կազինոյում․ «Հրապարակ» Այս տարվա հունվարին Շվեյցարիայի Հայոց թեմի առաջնորդական տեղապահ Գուսան վարդապետ Ալճանյանը հայտարարություն արեց և միացավ 10 տիրադավ եպիսկոպոսներին, ապա հեռավար հարցազրույց տվեց Պետրոս Ղազարյանին՝ հայտարարելով, թե Նիկոլ Փաշինյանի նախաձեռնությունը «երկար սպասված էր» և թե «եկեղեցին ծանր վիճակում է, այն հարկավոր է բարեփոխել»: Նա խոսում էր բարեվարքությունից, եկեղեցականների օրինավորությունից, պետության դեմ դուրս գալու անթույլատրելիությունից: Այսօր Հրապարակ-ին են տրամադրել կադրեր, տեսանյութ, թե ինչ ոգևորությամբ է շվեյցարական կազինոյում Գուսան վարդապետը խաղում:

🔵«ՀԵԼԻՔՍ»-ը մուտք է գործել Հայաստանի շուկա․ Երևանում բացվել է «ՀԵԼԻՔՍ» Լաբորատոր համալիրը Երևանում տեղի ունեցավ «ՀԵԼԻՔՍ» բժշկական Լաբորատոր համալիրի պաշտոնական բացման արարողությունը։ «ՀԵԼԻՔՍ» միջազգային բժշկական լաբորատորիան մուտք է գործել Հայաստանի շուկա՝ բացելով սեփական տեխնոլոգիական հարթակը և մեկնարկելով ֆրանշիզային մոդելով ախտորոշիչ կենտրոնների ցանցի, ինչպես նաև կորպորատիվ ուղղության զարգացումը։ Մանրամասներն ու տեսանյութը՝ հղմամբ

🔴Ստեփանակերտ. Համազգային լռության րոպել (2022 թ., սեպտեմբեր)

🔴Թող Տիրոջ օրհնությունները հեղվեն մեր ժողովրդի կյանքից ներս, որպեսզի ազգս ապրի խաղաղ. Վեհափառ

🔵Վեհափառը տնկեց Բյուրեղավանի նոր եկեղեցու բակի առաջին եղևնին

🔵Քիչ առաջ պտտահողմ է դիտվել Սևանա լճի վրա Գագիկ Սուրենյան

🔵Սպանության մեջ մեղադրվող քրեական հեղինակություն Ուջանիկը՝ Արտյոմ Մովսեսյանն ազատ է արձակվել կալանքից. «Հրապարակ» «Հրապարակ» օրաթերթը գրում է. Սպանության մեջ մեղադրվող քրեական հեղինակություն Ուջանիկը՝ Արտյոմ Մովսեսյանը, մեր տեղեկություններով, վերջերս ազատ է արձակվել կալանքից։ Դատարանը փոխել է նրա խափանման միջոցը՝ կիրառելով տնային կալանք եւ 10 միլիոն դրամ գրավ։ Ուջանիկի փաստաբան Ռոբերտ Խաչատրյանը հաստատեց մեր տեղեկությունը՝ նշելով, որ իր պաշտպանյալը «Նուբարաշեն» ՔԿՀ-ից է ազատ արձակվել։ «Այս տարի ԱԱԾ-ում եղել է, հետո տեղափոխել են «Նուբարաշեն» ՔԿՀ։ Վերաքննիչ դատարանի որոշմամբ բեկանվել է առաջին ատյանի դատարանի որոշումը, ազատ է արձակվել՝ կիրառվել է տնային կալանք եւ 10 միլիոն դրամ գրավ»,- ասաց փաստաբանը։ Սակայն Ուջանիկի նկատմամբ նոր քրեական վարույթ է նախաձեռնվել։ Մեր տեղեկություններով՝ դատական նիստի ընթացքում Մովսեսյանը հայհոյանքներ է հնչեցրել եւ վիրավորել դատարանին ու հանրային մեղադրողին, ինչից հետո նրա նկատմամբ նոր վարույթ է նախաձեռնվել։ Փաստաբան Ռոբերտ Խաչատրյանից փորձեցինք ճշտել նաեւ այս միջադեպի հանգամանքները։ Նա ասաց․ «Հայհոյանք ասելը ճիշտ չէ։ Այո, կա նմանատիպ վարույթ»։ Ի դեպ, մեր տեղեկություններով՝ ԱԱԾ մեկուսարանում գտնվելու ժամանակահատվածում Արտյոմ Մովսեսյանը խուցը կիսել է պատգամավոր Դավիթ Ղազինյանի հետ։ Նշենք, որ վերը նշված՝ 2022 թվականին տեղի ունեցած սպանության գործի շրջանակում Ուջանիկը 2024-ին շուրջ 10 ամիս պահվել է ԱԱԾ մեկուսարանում։ Այնուհետեւ Արմավիրի մարզի առաջին ատյանի դատարանը նրա կալանքը փոխել էր տնային կալանքով։ Դատախազության բողոքարկումների արդյունքում նա կրկին հայտնվել է բանտում եւ ահա՝ նորից դուրս է եկել այնտեղից։ Արտյոմ Մովսեսյանը սպանության մեղադրանքը չի ընդունում։

🔵Հնդկական դրոնները հաղթել են. «Հրապարակ» «Հրապարակ» օրաթերթը գրում է. Պաշտպանության նախարարությունում, մեր տեղեկություններով, շարունակում են ուշադիր հետեւել այլ երկրներում անօդաչու տեխնոլոգիաների զարգացմանը։ Չնայած արդեն համագործակցում են անօդաչու թռչող սարքերի հայրենական արտադրողների հետ, որոշել են ավելի զանգվածային մատակարարումներ ապահովել ՀՀ զինված ուժերի համար։ ՊՆ փորձագետների կարծիքով՝ առաջին հերթին անհրաժեշտ է հարվածային դրոնների (մինչեւ 500 կմ հեռահարությամբ) քանակը մեծացնել։ Այս կապակցությամբ ՊՆ-ում իրականացվել է միջին հեռահարության ԱԹՍ-ների առավել հեռանկարային արտասահմանյան նմուշների համեմատական վերլուծություն՝ գնումների հարմար տարբերակները գտնելու համար։ Դիտարկվել են ԱՄՆ-ում, Ֆրանսիայում, Իրանում, Ուկրաինայում, Իսրայելում, Հնդկաստանում, Չինաստանում եւ Ռուսաստանում արտադրվող անօդաչուները։ Ռազմական փորձագետներն առավել հարմար տարբերակ են համարել հնդկական Divyastra MK-1-ը։ Այն ռեկորդային ցածր արժեք ունի, արհեստական բանականության օգտագործման հնարավորություն եւ զանգվածային խմբերի կազմում կիրառում։ Այս ցուցանիշներն այն դարձնում են առավել նախընտրելի նմուշ՝ համեմատած մյուս նմուշների հետ։ Օրինակ, ռուսական Orion-ն առանձնանում է միայն մեծ մարտական ծանրաբեռնվածությամբ, իրանական Meraj-532-ը՝ պատրաստման մեկնարկային արագությամբ, ամերիկյան LUCAS-ը՝ իր դասի ավելցուկային հեռահարությամբ, իսկ ուկրաինական Palianytsia-ն՝ թռիչքի ավելի մեծ արագությամբ։ Ընդ որում, զինվորականների կարծիքով, անօդաչու տեխնոլոգիաների ոլորտում այդ երկրների հետ համագործակցությունը որոշակի քաղաքական խնդիրներ է պարունակում։ Եթե Հայաստանը դրոններ գնի Ռուսաստանից, ապա դժգոհություն կառաջանա Եվրոպայից, եթե ԱՄՆ-ից` Իրանից, եթե Ուկրաինայից` Ռուսաստանից, եւ այլն։ Այնպես որ, Հնդկաստանի հետ համագործակցությունն առավել հավասարակշռված եւ շահավետ լուծում է։

🔵Ի՞նչ փոփոխություններ կկատարվեն հողատարածքների միավորման ծրագրում, և որքա՞ն կկազմի փոխհատուցումը. «Փաստ» «Փաստ» օրաթերթը գրում է. Էկոնոմիկայի նախարարությունն առաջարկում է փոփոխություններ կատարել կառավարության 2022 թվականի օգոստոսի 4-ի թիվ 1220-Լ որոշման մեջ։ Հողատարածքների միավորման ծրագրի մեկնարկից մինչև 2026 թվականի օգոստոսի 8-ն ընկած ժամանակահատվածում նախարարությունը ստացել է ծրագրին մասնակցության 28 հայտ։ Նշված շահառուների հետ կնքվել են փոխհատուցման տրամադրման պայմանագրեր, սակայն նրանցից 15-ի հետ պայմանագրերը լուծվել են իրենց դիմումների համաձայն, կամ ծրագրի պահանջները խախտելու ու ծրագրով սահմանված ժամկետում կոնսոլիդացում չիրականացնելու պատճառով։ Ծրագրի երկարաձգման արդյունքում մեկ շահառու ստացել է 11մլն 103 462 դրամ փոխհատուցում՝ Արմավիրի մարզի Արաքս համայնքի Արտիմետ բնակավայրում 5,94 հա (16 կտորից) ընդհանուր մակերեսով հողատարածք միավորելու համար։ Եվս մեկ շահառու դիմել է փոխհատուցում ստանալու համար Արարատի մարզի Վեդի համայնքի Եղեգնավան բնակավայրում 4,26 հա (5 կտորից) ընդհանուր մակերեսով հողատարածք միավորելու նպատակով, որի փոխհատուցման գումարը կկազմի 17 մլն 439 437 դրամ։ Ներկայում շահառուների փոխհատուցումը հաշվարկվում է կադաստրային արժեքի 50 տոկոսի չափով, որը հանրապետության շատ տարածքներում էապես զիջում է իրական շուկայական գներին՝ շահառուի վրա թողնելով ֆինանսական բեռի մեծ մասը։ Բացի այդ, տարբեր պատճառներով, այդ թվում՝ հողերի միավորման ծրագրի մասին տեղեկանալով, հարակից հողակտորների սեփականատերերը հաճախ արհեստականորեն բարձրացնում են հողի շուկայական գները, ինչն էլ իր հերթին խոչընդոտում է ծրագրի առաջընթացին։ Հանրապետությունում գյուղատնտեսական նշանակության հողերի կադաստրային արժեքը ջրովի և անջրդի վարելահողերի համար միջինը կազմում է 2 մլն 293 հազար դրամ: Ներկայացված փոփոխությունների հիմնական նպատակն է պետական աջակցության մասնաբաժնի ավելացմամբ և որոշ պահանջների մեղմացմամբ բարձրացնել ծրագրի գրավչությունն ու արդյունավետությունը, նվազեցնել շահառուների ֆինանսական բեռն ու ներդրումային ռիսկերը, ինչպես նաև ապահովել ծրագրի շարունակականությունը երկարաժամկետ հատվածում։ Մասնավորապես, նախագծով առաջարկվում է կադաստրային արժեքի փոխհատուցման չափը 50 տոկոսից բարձրացնել 70 տոկոսի, ինչը լրացուցիչ խթան կդառնա ֆերմերների համար՝ հարակից մասնատված հողակտորները գնելու և խոշոր հողատարածքներ ձևավորելու համար։ Հողերի կոնսոլիդացիայի գործընթացը խթանելու, ինչպես նաև հողային շուկան զարգացնելու նպատակով՝ պայմանագրի գործողության ընթացքում հողամասը նպատակային օգտագործելու, գյուղատնտեսական մշակաբույսերով մշակելու և չմասնատելու պահանջի ժամկետը հինգ տարուց կրճատվել է՝ դառնալով երեք տարի: Նախագծի ընդունմամբ 2026 և 2027թթ. պետբյուջեում լրացուցիչ ծախսեր չեն նախատեսվում, ծրագիրը կիրականացվի էկոնոմիկայի նախարարությանը 2026 և 2027 թվականի համար պետբյուջեով նախատեսված հատկացումների հաշվին, իսկ հետագա տարիների համար, կախված ստացված դիմումներից, անհրաժեշտ կանխատեսվող ֆինանսավորումը կներկայացվի միջնաժամկետ ծախսային ծրագրի բյուջետային հայտի շրջանակում։ Մասնավորապես, ծրագրի շրջանակում թիրախային ցուցանիշ է սահմանվել 400 հա հողատարածքի միավորումը՝ միջին կադաստրային արժեքով հաշվարկված 70 տոկոս փոխհատուցման պարագայում աջակցության ընդհանուր գումարը կկազմի մոտ 642 մլն դրամ: Քանի որ հողերի միավորման համար ծրագրով սահմանված է երկու տարվա ժամկետ, կանխատեսվում է, որ այս միջոցները հիմնականում անհրաժեշտ կլինեն 2028 թվականից, ուստի ֆինանսավորման հայտերը կներկայացվեն՝ ըստ փաստացի ծախսերի:

🔵ՔՊ խմբակցությունում շատերից ալկոհոլի հոտ է փչում. գինարբուքներ խորհրդարանում. «Հրապարակ» «Հրապարակ» օրաթերթը գրում է. Երեկ խորհրդարանում լրագրողները նկատել-զգացել են, որ ՔՊ-ական պատգամավոր, փարաքարցի Լյուդվիգ Գյուլնազարյանը ոգելից խմիչքի ազդեցության տակ է գտնվում, այնպես, որ նույնիսկ հեռվից զգացվել է «բույրը»։ Ժամանակին ընդդիմադիր Փաշինյանը հաճախ էր բարձրաձայնում ՀՀԿ-ական օդիոզ դեմքերի խորհրդարանական գինարբուքների մասին: Այս մի գործոնով էլ իր թիմակիցներն արդեն չեն զիջում նախկին քեֆչիներին, որոշ այլ նախասիրությունների հարցում նրանցից մի բան էլ առաջ են անցնում։ Գլուլնազարյանը, ի դեպ, միակը չէ իշխանական ֆրակցիայում` կեսօրից հետո շատերից է ալկոհոլի հոտը բուրում։ Նրանք այն խավն են, որ առանց մի բաժակ բան խմելու` ընդմիջում չեն կարողանում անել: Հիշեցնենք, որ, հեղափոխական կառավարության որոշմամբ, հաջորդ տարվանից պետական պաշտոնյաների, ինչպես նաեւ ԱԺ պատգամավորների աշխատավարձերը կրկնակի, երբեմն՝ բազմակի կբարձրանան: Պատգամավորները, օրինակ, 1.5 միլիոն դրամ են ստանալու։

🔵Ընդդիմությունը միավորվում է Գորիսի ընտրություններին ընդառաջ. ձևավորվել է «Ապրելու քվե» դաշինքը. «Փաստ» «Փաստ» օրաթերթը գրում է. Գորիս համայնքում սպասվող ՏԻՄ ընտրություններին ընդառաջ քաղաքական դաշտում ուշագրավ միավորում է տեղի ունեցել։ «Ապրելու երկիր» և «Հայկական քվե» կուսակցությունները որոշում են կայացրել հոկտեմբերի 25-ին կայանալիք ընտրություններին հանդես գալ միասնական ձևաչափով՝ ձևավորելով «Ապրելու քվե» դաշինքը։ Քաղաքական ուժերի տարածած հայտարարության համաձայն, նոր ձևավորված դաշինքով Գորիսի ընտրողին առաջարկվում է միասնական քաղաքական թիմ և համայնքի զարգացմանն ուղղված հստակ այլընտրանքային օրակարգ։ Ընդդիմադիր գործիչները վստահ են, որ ուժերի համախմբումն ու մեկ ընդհանուր ճակատով ներկայանալը նոր ազդակ կհաղորդեն նախընտրական պայքարին և էապես կազդեն Գորիսում քաղաքական դասավորվածության վրա։