Guide4U

Digital Smart မီတာအသစ်များကို Website မှ လျှောက်ထားခြင်းအပေါ် ဌာနမှ ဝန်ဆောင်မှု ဆောင်ရွက်ပေးနေသည့် အခြေအနေများအား အသိပေးကြေညာ #EnergyIndustryGuide

အီရန်နှင့် အိုမန်တို့သည် ရေလမ်းကြောင်းဆိုင်ရာ သဘောတူညီချက်၏ အသေးစိတ်အချက်အလက်များကို လုပ်ဆောင်နေဆဲဖြစ်ကြောင်း အကြီးတန်းသတင်းရင်းမြစ်တစ်ခုက ပြောကြားသည်။ Source reuters  #LogisticsIndustryGuide 

အီရန်နိုင်ငံ အမျိုးသားလုံခြုံရေးကောင်စီ၏ အတွင်းရေးမှူး မိုဆန် ရီဇာအီက ဟော်မုဇ်ရေလက်ကြားကို ပြန်လည်ဖွင့်လှစ်ရန် စည်းကမ်းချက်များစာရင်းကို ပြင်ဆင်နေကြောင်း၊ ကြားဝင်ညှိနှိုင်းသူများက အီရန်အား စည်းကမ်းချက်များ သတ်မှတ်ပေးရန် တောင်းဆိုခဲ့ကြကြောင်း၊ ဒေသတွင်းစစ်ပွဲကို အဆုံးသတ်ရန် စည်းကမ်းချက်များလည်း ပါဝင်‌ကြောင်း ပြောကြားသည်။ အီရန်သည် အိုမန်နှင့် ရေလက်ကြားတစ်လျှောက် သင်္ဘောလမ်းကြောင်းတစ်ခု ရေးဆွဲရန် သဘောတူထားပြီး လမ်းကြောင်း၏ အစိတ်အပိုင်းအချို့ကို အိုမန်ရေပိုင်နက်တွင် ရှိပြီး အစိတ်အပိုင်းအချို့ကို အီရန်ရေပိုင်နက်တွင် ထားရှိမည်ဟု ရီဇာအီက ပြောကြားသည်။  အမေရိကန်သည် အီရန်၏ စည်းကမ်းချက်များကို ဖြည့်ဆည်းပေးပါက သင်္ဘောများသည် သတ်မှတ်ပေးထားသော ဗဟိုလမ်းကြောင်းကို အသုံးပြုမည်ဖြစ်ကြောင်း Al Manar ရုပ်မြင်သံကြားနှင့် အင်တာဗျူးတွင် ဘာသာပြန်သူတစ်ဦးမှတစ်ဆင့် ၎င်းက ပြောကြားခဲ့သည်။ ဗုဒ္ဓဟူးနေ့တွင် အီရန်တော်လှန်ရေးအစောင့်တပ်များက အီရန်နှင့် အိုမန်တို့သည် ရေလက်ကြားနှင့် ၎င်း၏ဝင်ငွေများကို မည်သို့မျှဝေထိန်းချုပ်ရမည်ကို သဘောတူညီခဲ့ကြသည်ဟု ပြောကြားသည်။ . .

ကုမ္ပဏီ၏ ဝင်ငွေစီးဆင်းမှုများကို ကားနှင့် အီလက်ထရွန်းနစ် ဌာနခွဲများအလိုက် ခွဲထားသည်- ကားနှင့် ဆက်စပ်ထုတ်ကုန်များ-  ဝင်ငွေ ယွမ် ၂၇၅.၃၄ ဘီလီယံ (အမေရိကန်ဒေါ်လာ ၄၀.၄ ဘီလီယံ) ခန့်ရှိပြီး ယခင်နှစ်ထက် ၈.၉၈% ကျဆင်းကာ စုစုပေါင်းဝင်ငွေ၏ ၇၉.၈၅% ရှိသည်။   ၂၀၂၄ ခုနှစ် ပထမနှစ်ဝက်တွင် ရခဲ့သော ယွမ် ၃၀၂.၅၀၆ ဘီလီယံ (ကန်ဒေါ်လာ ၄၄.၅ ဘီလီယံ) ထက် နည်းပါးသော်လည်း ၂၀၂၅ ခုနှစ် ပထမနှစ်ဝက်တွင် ရခဲ့သော ယွမ် ၂၂၈.၃၁၇ ဘီလီယံ (အမေရိကန်ဒေါ်လာ ၃၃.၆ ဘီလီယံ) နှင့် နှိုင်းယှဉ်ပါက ပြန်လည်ဦး‌မော့လာခြင်း ဖြစ်သည်။ အီလက်ထရွန်းနစ်နှင့် အခြားထုတ်ကုန်များ-  ဝင်ငွေ ၀.၉၆% အနည်းငယ် တိုးပြီး ယွမ် ၆၉.၄၀၅ ဘီလီယံ (ကန်ဒေါ်လာ ၁၀.၂ ဘီလီယံ) ခန့် ရှိကာ စုစုပေါင်းဝင်ငွေ၏ ၂၀.၁၃% ရှိသည်။ ၂၀၂၆ ခုနှစ် ဇန်နဝါရီလမှ ဇွန်လအထိ ပထမနှစ်ဝက်တွင် BYD ၏ စုစုပေါင်း ရောင်းအားမှာ အစီးရေ ၁.၈၀၈၅ သန်းခန့်ရှိပြီး ယခင်နှစ်ထက် ၁၅.၇၂% ကျဆင်းခဲ့သည်။ BYD ဥက္ကဋ္ဌ (Chairman)နှင့် ဥက္ကဋ္ဌ (President) Wang Chuanfu က ရောင်းအား ကျရသည်မှာ ပစ္စည်းပေးသွင်းကွင်းဆက်တွင် အကန့်အသတ်များ ရှိနေခြင်းကြောင့်ဖြစ်ကြောင်း ပြောကြားသည်။ အဓိကအားဖြင့် ဒုတိယမျိုးဆက် “Blade Battery” ၏ ထုတ်လုပ်မှုစွမ်းရည် မလုံလောက်သဖြင့် အလျဉ်မီအောင် ထုတ်လုပ်နိုင်ခြင်း မရှိသော‌ကြောင့် ဖြစ်ကြောင်း ပြောကြားသည်။  ယခုနှစ်ရောင်းအားသည် ဘက်ထရီထုတ်လုပ်နိုင်စွမ်းအပေါ် မူတည်ပါသည်ဟု Wang က မှတ်ချက်ပြုခဲ့သည်။  BYD ၏ flash-charging လုပ်ငန်းမှ ဝန်ထမ်းတစ်ဦးက ဘက်ထရီ ထုတ်လုပ်ရေးလိုင်းများတွင် ခြောက်လကြာ အဆင့်မြှင့်တင်မှုများ ပြုလုပ်ပြီးနောက် ထုတ်လုပ်မှုစွမ်းရည် မြင့်တက်လာသော်လည်း အလျဉ်မမီဖြစ်နေဆဲဟု ပြောကြားသည်။ ပြည်တွင်း၌ လေဆန် ရေဆန် အခက်အခဲများ ရှိနေသော်လည်း BYD ၏ ပြည်ပရောင်းအား မြှင့်တင်ခြင်းနှင့် ပရီမီယံမော်ဒယ်များ ထုတ်လုပ်ရောင်းချခြင်း မဟာဗျူဟာသည် အရှိန်အဟုန်ဖြင့် တိုးတက်လာနေပါသည်။  တရုတ်နိုင်ငံ မော်တော်ယာဉ်ထုတ်လုပ်သူများ အသင်း China Association of Automobile Manufacturers မှ အချက်အလက်များအရ BYD သည် ၂၀၂၆ ခုနှစ် ပထမနှစ်ဝက်တွင် ကားအစီးရေ ၇၉၂,၀၀၀ တင်ပို့ခဲ့ပြီး ယမန်နှစ်ထက် ၆၇.၈% တိုးလာခဲ့သည်။  ယခုအခါ ပြည်ပရောင်းအားသည် စုစုပေါင်းရောင်းအား၏ ၄၄% နီးပါးရှိသည်။  Wang Chuanfu က ကုမ္ပဏီသည် ၎င်း၏ တနှစ်တာ ပြည်ပရောင်းအား ရည်မှန်းချက်ဖြစ်သော အစီးရေ ၁.၅ သန်းကို ကျော်လွန်နိုင်မည်ဟု ယုံကြည်မှုရှိကြောင်း ပြောကြားသည်။ ကုမ္ပဏီ၏ ဈေးနှုန်း အမြင့်တန်း ပရီမီယံ ကားအမှတ်တံဆိပ်များဖြစ်သော Denza၊ Fang Cheng Bao နှင့် YangWang တို့သည်လည်း ရောင်းအား ကြီးထွားကြသည်။ ၎င်းကားအမှတ်တံဆိပ်များ၏  စုစုပေါင်းရောင်းအားသည် အစီးရေ ၂၂၈,၀၀၀ ခန့်အထိ ရောက်ရှိခဲ့ပြီး ယမန်နှစ်ထက် ၆၁% တိုးလာကာ ယခုအခါ စုစုပေါင်းရောင်းအား၏ ၁၂.၆% ကို ကိုယ်စားပြုသည်။ Source carnewschina  #AutomobileIndustryGuide@Guid4U

BYD သည် ၂၀၂၆ ခုနှစ်အတွက် ၎င်း၏ ကြားဖြတ်အစီရင်ခံစာကို သြဂုတ်လ ၂၈ ရက်နေ့တွင် ထုတ်ပြန်ခဲ့သည်။ ပထမနှစ်ဝက်အတွက် ဝင်ငွေနှင့် အသားတင်အမြတ် နှစ်မျိုးလုံး ကျဆင်းသွားကြောင်း ဖော်ပြထားပြီး ပြည်ပတင်ပို့မှုတွင် အကြီးအကျယ် မြင့်တက်လာသည်ကို ဖော်ပြထားသည်။ ၂၀၂၆ ခုနှစ် ပထမနှစ်ဝက်အတွက် ကုမ္ပဏီသည် လုပ်ငန်းလည်ပတ်ဝင်ငွေ ယွမ် ၃၄၄.၈၁၅ ဘီလီယံ (ကန်ဒေါ်လာ ၅၀.၆ ဘီလီယံ) ခန့် ရရှိခဲ့ပြီး ယခင်နှစ်ထက် ၇.၁၃% ကျဆင်းခဲ့သည်။  BYD က အသားတင်အမြတ်ငွေ ကျဆင်းမှုသည် အဓိကအားဖြင့် ငွေလဲနှုန်းအတက်အကျ ရေတိုပြဿနာနှင့် နိုင်ငံခြားငွေလဲလှယ်မှုတွင် ဆုံးရှုံးမှုများကြောင့်ဖြစ်ကြောင်း ရှင်းပြခဲ့ပြီး ၎င်း၏ အမြတ်အစွန်းမှာ တည်ငြိမ်နေဆဲဖြစ်ကြောင်း အခိုင်အမာ ပြောကြားသည်။  ပထမနှစ်ဝက်အတွက် အသားတင်အမြတ် ကျဆင်းသော်လည်း ဒုတိယသုံးလပတ်တွင် အသားတင်အမြတ်ငွေ ၃၀% တိုခဲ့ပြီး အမြတ်မာဂျင်မှာ တစ်နှစ်တာတွင် အမြင့်ဆုံးဖြစ်သည့်  ၁၈.၉% ရှိသည်။ . .

MITT က ဘက်ထရီများ၊ အဆင့်မြင့် ယာဉ်မောင်းအကူအညီပေးသည့် နည်းပညာနှင့် တံခါးလက်ကိုင်များအပေါ်  ပိုမိုတင်းကျပ်သော စံနှုန်းများ ချမှတ်ပြဋ္ဌာန်းထားသည်။ တရုတ်နိုင်ငံတွင် ဖွံ့ဖြိုးတိုးတက်မှုအချိန်ကာလ နှစ်နှစ်အတွင်း မော်ဒယ်အသစ်များကို ဈေးကွက်သို့ ရောက်ရှိနေခြင်းကြောင့် ထုတ်လုပ်သူများအား ဘေးကင်းရေးနှင့် အရည်အသွေး စမ်းသပ်မှုတို့တွင် အားလျော့နေနိုင်သည်ဟု အာဏာပိုင်တို့က စိုးရိမ်မကင်း ဖြစ်ကြသည်။  တရုတ်ကားထုတ်လုပ်သူများသည် ဥရောပ၊ လက်တင်အမေရိကနှင့် အရှေ့တောင်အာရှသို့ အလျင်အမြန် တိုးချဲ့လာနေချိန်တွင် ဘေးကင်းရေး ယုတ်လျော့ခြင်း အပါအဝင် အရည်အသွေး ပြဿနာများ ပေါ်ပေါက်ပါက တရုတ်ကားလုပ်ငန်းကဏ္ဍ တရပ်လုံး၏ ဂုဏ်သတင်းကို ထိခိုက်စေမည်ဖြစ်ပြီး ပြည်ပဈေးကွက်များကို လွှမ်းမိုးရန် ရည်မှန်းချက်များကို နောက်ပြန်လန်ကျ စေနိုင်သည်။ စစ်ဆေးရေးစနစ်အသစ်တွင် တပ်ဆင်စက်ရုံများ၊ အစိတ်အပိုင်းပေးသွင်းသူများနှင့် အရောင်းကိုယ်စားလှယ်များကို ရုတ်တရက် ရှောင်တခင် စစ်ဆေးခြင်းများ ပါဝင်မည်ဖြစ်သည်။ အမြန်ခွင့်ပြုချက် အမြန်ရရှိရန် ဖိအား‌ပေးခဲ့ရသော စစ်ဆေးရေးလုပ်ငန်းများကိုလည်း စစ်ဆေးမည်ဖြစ်သည်။  အစီရင်ခံစာများ လိမ်လည်ထုတ်ပြန်ခြင်း၊ ဒီဇိုင်းတွင် ရှိနေနိုင်သည့် ဘေးအန္တရာယ်များကို လျစ်လျူရှုခြင်း ပြုသည့် မည်သည့်ကုမ္ပဏီမဆို လိုင်စင် ချက်ချင်းရုပ်သိမ်းခံရမည်ဖြစ်သည်။ အမိန့်အသစ်အရ စံချိန်စံညွှန်းများ မပြည့်မီဟု ဆုံးဖြတ်ထားသော ကုမ္ပဏီများ၊ ယာဉ်ပိုင်ရှင်တို့၏ တိုင်ကြားမှုများ များစွာ ရရှိသော ထုတ်လုပ်သူများသည် ၎င်းတို့၏ ထုတ်လုပ်မှုခွင့်ပြုချက်ကို ရပ်ဆိုင်းခံရခြင်း သို့မဟုတ် မဖြစ်မနေ ပြန်လည်သိမ်းဆည်းခံရခြင်းတို့နှင့် ရင်ဆိုင်ရနိုင်သည်။  အစိုးရသည် ဒေသခံအာဏာပိုင်အား ယာဉ်မှတ်ပုံတင်ခြင်းကို ရပ်ဆိုင်းထားရန်လည်း အမိန့်ပေးနိုင်ပြီး ဝယ်ယူသူများထံ ကားပေးအပ်ခြင်း မပြုရန် တားမြစ်ခံရနိုင်သည်။ စည်းမျဉ်းထိန်းသိမ်းရေးအဖွဲ့များသည် ကားထုတ်လုပ်သူများအား ယာဉ်၏ယုံကြည်စိတ်ချရမှုနှင့် ကြံ့ခိုင်မှုကို ၎င်းတို့ ကိုယ်တိုင် စစ်ဆေးမှုများ ပြုလုပ်ရန်လည်း အမိန့်ပေးထားသည်။ #AutomobileIndustryGuide

တရုတ်နိုင်ငံသည် ကားထုတ်လုပ်မှုစံနှုန်း အဆင့်အတန်းကို ကြပ်မတ်ရန် အရှိန်အဟုန်မြှင့်လုပ်ဆောင်လျက်ရှိသည်။  စျေးနှုန်းစစ်ပွဲကို ဆင်နွှဲနေကြသော တရုတ် ကားထုတ်လုပ်သူများသည် မော်ဒယ်အသစ်များကို အချိန်တိုတိုအတွင်း တသောသော ထုတ်လုပ်နေကြသဖြင့် စည်းကမ်းထိန်းသိမ်းရေးအဖွဲ့များသည် ယာဉ်တာရှည်ခံမှုနှင့် ထုတ်လုပ်မှု အရည်အသွေး တသတ်မတ်တည်းဖြစ်ခြင်းတို့အပြင် လျှပ်စစ်ကားများတွင် ယာဉ်မောင်းအကူအညီနှင့် ဉာဏ်ရည်တုဆိုင်ရာ အင်္ဂါရပ်များအပါအဝင် နယ်ပယ်များကို စစ်ဆေးသွားမည် ဖြစ်ကြောင်း စက်မှုနှင့် သတင်းအချက်အလက်နည်းပညာဝန်ကြီးဌာန Ministry of Industry and Information Technology MITT နှင့် နိုင်ငံတော် စျေးကွက်စည်းမျဉ်းဆိုင်ရာ ညွှန်ကြားမှုဦးစီးဌာန State Administration for Market Regulation အပါအဝင် တရုတ်အစိုးရ၏ ထိပ်တန်းအဖွဲ့အစည်းလေးခုမှ ပူးတွဲညွှန်ကြားချက် ထုတ်ပြန်ထားသည်။ ၎င်းဌာနများသည် ကားများကို ယာဉ်မောင်းများ မောင်းနှင်ရန် လွယ်ကူ‌စေရန်နှင့် အစွန်းရောက်အခြေအနေများကို ခံနိုင်ရည် ရှိစေရန် လုပ်ဆောင်ပေးထားခြင်း ရှိမရှိကိုလည်း စစ်ဆေးမည်။ တည်ဆောက်ပုံဒီဇိုင်းများကိုလည်း အကဲဖြတ်မည်။ . .

အိမ်ထောင်စုကြွေးမြီမြင့်မားခြင်းနှင့် အိမ်ရာချေးငွေရရှိမှု တင်းကျပ်ခြင်းသည် ပြည်တွင်းဝယ်လိုအားကို ကန့်သတ်ထားသောကြောင့် REIC က ထိုင်းအိမ်ရာဈေးကွက်သည် လာမည့်နှစ်အထိ “စိန်ခေါ်မှု” များ ဆက်လက်ရှိနေမည်ဟု ခန့်မှန်းထားသည်။  ဖူးခက်နှင့် ချွန်ဘူရီရှိ ခရီးသွားဗဟိုချက်များရှိ ကွန်ဒိုများသည် ရောင်းအားအလားအလာကောင်းသည် ဟု REICက ပြောကြားသည်။ #ConstructionIndustryGuide

ထိုင်းနိုင်ငံ၏ ကွန်ဒိုဈေးကွက်သည် အိမ်ထောင်စုကြွေးမြီ မြင့်မားနေသဖြင့် အိမ်ရာဝယ်ရန် ဘဏ်ချေးငွေ ရရှိရန် ခက်ခဲနေသည့် ထိုင်းအိမ်ထောင်စုများ၏ ဝယ်လိုအား လျော့ကျနေစဉ် ဝယ်လိုအားအတွက် အားကိုးအားထားပြုရသည့် တရုတ်နိုင်ငံသားဝယ်သူများသည် ထိုင်းနိုင်ငံ၏ ကွန်ဒိုဈေးကွက်မှ ဆုတ်ခွာနေကြသဖြင့် developer များအတဠက် ဝယ်လိုအားရင်းမြစ် အားနည်း‌နေသည်။ အိမ်ခြံမြေသတင်းအချက်အလက်စင်တာ Real Estate Information Center REIC ၏ အဆိုအရ ဇန်နဝါရီလမှ ဇွန်လအထိ နိုင်ငံခြားသားဝယ်သူများသည် ၆၅၃၃ ယူနစ် ဝယ်ယူခဲ့ကြပြီး ယခင်နှစ်ထက် ၈.၈% ကျဆင်းခဲ့သည်။ စုစုပေါင်းတန်ဖိုးမှာ ၁.၅% ကျဆင်းပြီး ဘတ် ၂၈.၃ ဘီလီယံ (ဒေါ်လာ ၁.၀၉ ဘီလီယံ) ရှိသည်။ အစဉ်အလာအရ ထိုင်းကွန်ဒိုများ၏ အများဆုံးနိုင်ငံခြားဝယ်ယူသူများဖြစ်သည့် တရုတ်နိုင်ငံသားဝယ်သူများသည်  ၂၇.၇% လျော့ကျခဲ့သည်။ မြန်မာနိုင်ငံသားများ ဝယ်ယူမှုမှာ ၁၆.၂% ကျဆင်းခဲ့သည်။  ရုရှားနိုင်ငံသားများသည်အထူးသဖြင့် အပန်းဖြေမြို့ ပတ္တရားတည်ရှိရာ ဖူးခက်နှင့် ချွန်ဘူရီတို့တွင် အဝယ်များကြပြီး ၎င်းတို့၏ ဝယ်လိုအားသည်၇၅.၉% မြင့်တက်ခဲ့သည်။ . .

၂၀၂၆ ဇူလိုင်လတွင် Toyota နှင့် Lexus အမှတ်တံဆိပ်ရောင်းအားသည် တရုတ်နိုင်ငံတွင် ယခင်နှစ်ထက် ၂၄% ကျဆင်းခဲ့သည်။ အီရန်စစ်ပွဲကြောင့် အရှေ့အလယ်ပိုင်းရောင်းအားမှာ ၄၅% နီးပါးကျဆင်းခဲ့သည်။ မြောက်အမေရိကတွင် ရောင်းအားမှာ တည်ငြိမ်နေပြီး ဂျပန်နှင့် ဥရောပနိုင်ငံအများစုတွင် မြင့်တက်နေခဲ့သည်။ အဓိကအားဖြင့် ဓာတ်ဆီ-လျှပ်စစ် ဟိုက်ဘရစ်ကားများ၏ ပြန်လည်ရေပန်းစားလာမှုကြောင့်Toyota ၏ ဟိုက်ဘရစ်ကားများ ရောင်းအား မြင့်တက်သည်။ Toyota သည် အရှေ့အလယ်ပိုင်းသို့ နှစ်စဉ် ကားအစီးရေ ၅၀၀,၀၀၀ မှ ၆၀၀,၀၀၀ ခန့် တင်ပို့သည်။ Toyota က ထိုပမာဏ၏ ထက်ဝက်နီးပါး ထိခိုက်မည်ဟု မျှော်လင့်ကြောင်း မေလတွင် ပြောကြားခဲ့သည်။ ပြီးခဲ့သည့်လ ဇူလိုင်က Toyota သည် ၂၀၂၇ ခုနှစ် မတ်လတွင် ကုန်ဆုံးမည့် ဘဏ္ဍာရေးနှစ်အတွက် ၎င်း၏ အမြတ်အစွန်းအလားအလာကို ယန်း ၃.၄ ထရီလီယံအထိ မြှင့်တင်ခဲ့သည်။ အမေရိကန်၏ ဟိုက်ဘရစ်ကားများအတွက် ဝယ်လိုအား မြင့်တက်ခြင်းနှင့် ဂျပန် ယန်းငွေ တန်ဖိုးကျဆင်းမှုကြောင့် အမြတ် ပိုမိုအားကောင်းလာသည်။  ယခုပြက္ခဒိန်နှစ်အတွင်း ပထမဆုံးအကြိမ်အဖြစ် ဟိုက်ဘရစ်ကားရောင်းအားသည် အစီးရေ ငါးသန်းကျော်သို့ ရောက်ရှိလာမည်ဟု Toyota က ပြောကြားသည်။  Source reuters  #AutomobileIndustryGuide

တရုတ်နိုင်ငံတွင် ဓာတ်ဆီဈေးနှုန်းများ မြင့်တက်လာခြင်းကြောင့် လျှပ်စစ်မဟုတ်သော ကားများအတွက် ဝယ်လိုအား မြင့်တက်လာပြီး အင်ဂျင်ကားများ ရောင်းအားကျဆင်းခြင်းကြောင့် အင်ဂျင်ကားများ  အဓိကအားဖြင့် ရောင်းချလျက်ရှိသည့် Toyota Motor Corp ၏ ကားရောင်းအားသည် ခြောက်လဆက်တိုက် ကျဆင်းသွားခဲ့သည်။ ကမ္ဘာ့အကြီးဆုံး ကားဈေးကွက်ဖြစ်သော တရုတ်နိုင်ငံတွင် Toyota သည် ဖေဖော်ဝါရီလမှစ၍ ဈေးကွက်ဝေစု ဆုံးရှုံးနေခဲ့သည်။ ကုမ္ပဏီခွဲ Daihatsu Motor Co အပါအဝင် ဇူလိုင်လတွင် ကမ္ဘာ့ရောင်းအားသည် ယခင်နှစ်ထက် ၅.၃% ကျဆင်းပြီး ၉၁၂,၆၈၃ စီး ရှိကြောင်း ကုမ္ပဏီက သောကြာနေ့ (ဩဂုတ် ၂၈)တွင် ကြေညာသည်။ ကမ္ဘာတလွှား ထုတ်လုပ်မှု ၁.၄% ကျဆင်းပြီး ၉၃၄,၉၅၃ စီး ရှိသည်။ . .

လေဖိအားနည်းရပ်ဝန်းအခြေအနေ ၂၀၂၆ ခုနှစ်၊ ဩဂုတ်လ ၂၉ ရက် မြန်မာစံတော်ချိန် ၁၂:၃၀ နာရီအချိန် တိုင်းထွာချက်များအရ ဘင်္ဂလားပင်လယ်အော်အနောက်မြောက်ပိုင်းနှင့် ယင်းနှင့် ဆက်စပ်လျက်ရှိသော အိန္ဒိယနိုင်ငံ၊ အနောက်ဘင်္ဂလားပြည်နယ်- ဩရိဿပြည်နယ်မြောက်ပိုင်းကမ်းခြေတို့တွင် ဖြစ်ပေါ်နေသော လေဖိအားနည်းရပ်ဝန်း(Low Pressure Area) သည် ဆက်လက်တည်ရှိနေပါသည်။  အဆိုပါ လေဖိအားနည်းရပ်ဝန်းသည် နောက် ၄၈ နာရီအတွင်း အနောက် - အနောက်မြောက်ဘက်သို့ ရွေ့လျားနိုင်ပြီး အိန္ဒိယနိုင်ငံ၊ ဩရိဿပြည်နယ်မြောက်ပိုင်း - အနောက်ဘင်္ဂလားပြည်နယ်တို့သို့ ဖြတ်ကျော်နိုင်သည်ဟု ခန့်မှန်းရပါသည်။ မိုးဇလ #Guide4U

အမည်မဖော်လိုသူ SIA အမှုဆောင်အရာရှိတစ်ဦးက Air India အတွက် "annus horribilis (ဆိုးရွားသောနှစ်)" ဟု ခေါ်ဆိုခဲ့ကြောင်း Financial Times သတင်းစာက ယခင်က ဖော်ပြခဲ့သည်။ Air India သည် လေကြောင်းလိုင်း၏ သမိုင်းတလျှောက် မကြုံစဖူး အကြီးအကျယ် အပြောင်းအလဲကို လုပ်ဆောင်ရန် ကြိုးစားနေချိန်တွင် အခြားပြဿနာများအားလုံးကိုလည်း ကိုင်တွယ်ဖြေရှင်းနေကြောင်း ၎င်းက ပြောကြားသည်။ Air India သည် ၎င်း၏ အဓိကရှယ်ယာရှင်များထံမှ အရင်းအနှီး ထိုးသွင်းပေးရန် တောင်းဆိုမှုနှင့်ပတ်သက်သည့် သတင်းများ ဧပြီလကတည်းက စတင်ထွက်ပေါ်လာခဲ့ခြင်း ဖြစ်သည်။ Air India ကို အိန္ဒိယ၏ အကြီးဆုံး ကုမ္ပဏီစုကြီး Tata Sons က ၇၅% ပိုင်ဆိုင်ပြီး SIA က ၂၅% ပါသည်။ Tata Sons သည် Air India ကို အစိုးရထံမှ ရယူရန် စူးစမ်းလေ့လာစဉ်က SIA က အကြံပေးအဖြစ် နောက်ကွယ်မှ ပါဝင်ခဲ့သည်။ ၂၀၂၁ တွင် Air India ကို အစိုးရပိုင် အဖြစ်မှ ပုဂ္ဂလိကပိုင်အဖြစ် ပြောင်းလဲခဲ့ပြီး Tata Sons လက်ထဲသို့ လေကြောင်းလိုင်း ရောက်ရှိလာသောအခါ SIA က ရှယ်ယာ ၂၅% ဝယ်ယူခဲ့ရာ Air India တွင် အရင်းအနှီး စင်ကာပူဒေါ်လာ ၈၂၂ သန်း ထည့်ဝင်ခဲ့သည်။ ၂၀၂၅ မတ်လတွင် နောက်ထပ် စင်ကာပူဒေါ်လာ ၁၆၇ သန်း ထည့်ဝင်ခဲ့သည်။ ယခုအခါ SIA က ရှယ်ယာ ၂၅.၁% ပိုင်ဆိုင်ပြီး Tata Sons မှတဆင့် Tata Group က ၇၄.၉% ပိုင်ဆိုင်သည်။ SIA သည် ၎င်း၏ဝန်ထမ်းများကို Air India လေကြောင်းလိုင်းသို့ ပြောင်းရွှေ့ကာ တာဝန်ထမ်း‌ဆောင်စေခဲ့ပြီး ယခုအခါ SIA ၏ အမှုဆောင်အရာရှိများသည် ပျံသန်းမှုဆိုင်ရာ လုပ်ငန်းများ၊ အင်ဂျင်နီယာနှင့် ပြုပြင်ထိန်းသိမ်းမှုတို့တွင် အဓိကနေရာများ၌ လုပ်ကိုင်လျက် ရှိသည်။ SIA သည် Air India ကြောင့် အရှုံးပေါ်နေသော်လည်း Air India တိုးတက်ကောင်းမွန်လာအောင်  အသွင်ကူးပြောင်းမှုတွင် ပံ့ပိုးကူညီရန် Tata နှင့် လက်တွဲလုပ်ဆောင်ရန် အခိုင်အမာ ကတိပြုထားဆဲဖြစ်ကြောင်း SIA က ပြောကြားခဲ့သည်။ #LogisticsIndustryGuide

Air India သည် ၂၀၂၅-၂၆ ဘဏ္ဍာနှစ်တွင် ကန်ဒေါ်လာ ၂ ဘီလီယံကျော် (စင်ကာပူဒေါ်လာ ၂.၅ ဘီလီယံကျော်) အရှုံးပေါ်ခဲ့ပြီး လအနည်းငယ်အကြာတွင် ပိုင်ရှင်များ ဖြစ်ကြသည့် Singapore Airlines SIA နှင့် Tata Sons တို့ထံမှ အမေရိကန်ဒေါ်လာ ၁.၅ ဘီလီယံ (စင်ကာပူဒေါ်လာ ၁.၉ ဘီလီယံ) ထပ်မံရင်းနှီးမြှုပ်နှံပေးရန် တောင်းခံထားကြောင်း ရိုက်တာ သတင်းဌာနက ဖော်ပြသည်။ လေကြောင်းလိုင်း၏ စံချိန်တင်အရှုံးသည် တနွယ်ငင် တစင်ပါ SIA ၏ အမြတ်အစွန်းများကို ပါ ထိခိုက်စေခဲ့သည်။ စင်ကာပူအမျိုးသားလေကြောင်းလိုင်းသည် Air India လေကြောင်းလိုင်းတွင် ၂၅% ရင်းနှီးမြှုပ်နှံမှု ပြုလုပ်ခဲ့ပြီး နှစ်နှစ်မပြည့်မီတွင် စင်ကာပူဒေါ်လာ ၁ ဘီလီယံနီးပါး အရှုံးပေါ်ခဲ့သည်။ Air India သည် ရန်ပုံငွေများကို ချက်ချင်းလိုချင်သော်လည်း ရင်းနှီးမြှုပ်နှံမှုကို အရစ်ကျခွဲဝေ ရှိရန် အလားအလာရှိသည်။ စင်ကာပူလေကြောင်းလိုင်းသည် အဆိုပြုထားသော ရင်းနှီးမြှုပ်နှံမှုတွင် ၎င်း၏ဝေစုကို ပံ့ပိုးပေးရန် လိုအပ်မည်ဖြစ်သည်" ဟု သတင်းရင်းမြစ်တစ်ခုက Reuters သို့ ပြောကြားခဲ့သည်။ ဆွေးနွေးမှုများ ဆက်လက်လုပ်ဆောင်နေပြီး တောင်းဆိုချက်အပေါ် ဆုံးဖြတ်ချက် မချရသေးပါ။ . .

ရန်ကုန်အဝေးသင်တက္ကသိုလ် ရုံးလုပ်ငန်းသုံးမြန်မာစာသင်တန်း ဝင်ခွင့်လျှောက်လွှာခေါ်ယူ #EducationIndustryGuide

ရုရှားနိုင်ငံမှ နိုင်ငံပိုင် နျူကလီးယားကော်ပိုရေးရှင်း Rosatom သည် ယခုနှစ်ကုန်တွင် မြန်မာနိုင်ငံတွင် ကနဦး အင်ဂျင်နီယာဆိုင်ရာ ဆာဗေးများအတွက် ကန်ထရိုက်စာချုပ်တစ်ရပ်ကို လက်မှတ်ရေးထိုးရန် မျှော်မှန်းထားပြီး ၂၀၂၇ ခုနှစ်တွင် လုပ်ငန်းခွင်၌ လုပ်ငန်းစတင်မည်ဖြစ်သည်။ ၂၀၂၅ ခုနှစ် မတ်လတွင် ရုရှားနိုင်ငံသို့ နိုင်ငံတော်ခရီးစဉ်အတွင်း မြန်မာနိုင်ငံတွင် မော်ဂျူလာဓာတ်ပေါင်းဖိုငယ်နှစ်ခုပါဝင်သည့် ၁၁၀ မဂ္ဂါဝပ်စီမံကိန်းတစ်ခု ဖွံ့ဖြိုးတိုးတက်ရေးဆိုင်ရာ ပူးပေါင်းဆောင်ရွက်ရန် အစိုးရအချင်းချင်း သဘောတူညီချက် လက်မှတ်ရေးထိုးခဲ့သည်။ အစီအစဉ်မှာ နျူကလီးယား ရေခဲခွဲသင်္ဘောများတွင် အသုံးပြုသည့် RITM-200 အမျိုးအစားကို ပြုပြင်မွမ်းမံထားသော ဖိအားပေးရေသုံး ဓာတ်ပေါင်းဖိုများဖြင့် ဓာတ်ပေါင်းဖို တခုလျှင် 55 MW စီ ထုတ်လုပ်ရန် ဖြစ်သည်။ ယူနစ်များ ပိုမိုတိုးချဲ့နိုင်ပြီး မဂ္ဂါဝပ်စွမ်းရည် ၃၃၀ အထိ တိုးချဲ့နိုင်သည်။ Source wnn #EnergyIndustryGuide 

အသိပေးထားရာ၌ မော်ဒယ်အမည်များကို မဖော်ပြဘဲ ယာဉ်အမှတ်အသားကုဒ်များကိုသာ ဖော်ပြထားသည်။ အသိပေးချက်တွင် ဖော်ပြထားသော ယာဉ်အမှတ်အသားကုဒ် JL7001BEV71 သည် Geely မှ ထုတ်လုပ်သည့် Xingyuan မော်ဒယ်၏ ကုဒ်ဖြစ်သည်။ ထုတ်လုပ်သည့်ကား၏ ခါးအလျားသည် တင်ပြထားသည့် အတိုင်းအတာနှင့် ကွဲလွဲနေရာ၌ ခွင့်ပြုထားသည့် ကွဲလွဲမှု ၁% ကို ကျော်လွန်နေသည်။ Xingyuan မော်ဒယ် ကားများကို Geely ၏ ထုတ်လုပ်ရေးလုပ်ငန်း Zhejiang Haoqing Automobile Manufacturing Co Ltd မှ ထုတ်လုပ်သည်။ ကြေညာချက်တွင် ဖော်ပြထားသည့် နောက်ထပ် အိမ်စီးကားမော်ဒယ်၏ ယာဉ်အမှတ်အသားကုဒ်မှာ BYD7153WT6HEV ဖြစ်ပြီး BYD ၏ Qin L DM-i ပလပ်ထိုးအားသွင်း ဟိုက်ဘရစ် ဆီဒင် ဖြစ်သည်။ ယာဉ်၏ လောင်စာဆီ သုံးစွဲနှုန်းသည် ကြေညာထားသည့်ထက် ပိုများနေသည်ဟု ကြေညာချက်တွင် ဖော်ပြထားသည်။  အမှန်တကယ် လောင်စာဆီသုံးစွဲနှုန်း၊ ကွဲလွဲသည့် ပမာဏ၊ Qin L DM-i မော်ဒယ်၏ မည်သည့်မူကွဲ စသည်တို့ကို ဖော်ပြထားခြင်း မရှိပါ။ Geely နှင့် BYD တို့ကို မည်သို့ အရေးယူမည်ဆိုသည်ကိုလည်း ဖော်ပြထားခြင်း မရှိပါ။ ကျန်သည့် ‌မော်ဒယ် ၅ ခုမှာ လုပ်ငန်းသုံးယာဉ်များ ဖြစ်သည်။ #AutomobileIndustryGuide@Guid4U

တရုတ်နိုင်ငံသည် ထုတ်လုပ်ရောင်းချရန် ခွင့်ပြုချက် လျှောက်ထားစဉ်က တင်ပြထားသည့်အတိုင်း ထုတ်လုပ်မှု ကိုက်ညီမှုရှိခြင်းအပေါ်  ကြီးကြပ်မှုကို အားကောင်းစေရန်အတွက် ၁ နှစ်ကြာ မော်တော်ကား အရည်အသွေး မြှင့်တင်ရေး လှုပ်ရှားမှုကို အစိုးရ ဌာန ၄ ခုက စတင်ခဲ့ပြီးနောက် စစ်ဆေးတွေ့ရှိချက်များကို တရုတ်နိုင်ငံ စက်မှုလုပ်ငန်းနှင့် သတင်းအချက်အလက်နည်းပညာဝန်ကြီးဌာန Ministry of Industry and Information Technology (MIIT)မှ ကြေညာချက် ထုတ်ပြန်ခဲ့သည်။ Geely Auto မှ Xingyuan နှင့် BYD မှ Qin L DM-i တို့သည် စည်းမျဉ်းစည်းကမ်းကြီးကြပ်သည့် အဖွဲ့အစည်းထံ တင်ပြထားသည်နှင့် အချက်အလက်နှင့် ကွဲလွဲနေကြောင်း ကြေညာချက်တွင် ဖော်ပြထားသည်။ MIIT သည် သောကြာနေ့ (ဩဂုတ် ၂၉)တွင် ၎င်း၏ ၂၀၂၅ ခုနှစ် စွမ်းအင်သစ်သုံးယာဉ် new energy vehicle (NEV) ထုတ်လုပ်မှု နှင့် ဝန်ကြီးဌာနထံ တင်ပြထားသည့် အချက်အလက်တို့ ကိုက်ညီမှု ရှိမရှိ စစ်ဆေးမှုရလဒ်များကို ထုတ်ပြန်ခဲ့ပြီး ယာဉ်မော်ဒယ် ၇ ခုနှင့်ပတ်သက်သည့် ပြဿနာများကို အများပြည်သူသိရှိနိုင်ရန် တင်ပြထားသည်။  . .

ကုန်သည်၊ ပွဲစား၊ စက်ပိုင်များ မဟာကထိန်တော်အသင်း ကုန်စည်ဒိုင် မုံရွာမြို့ သတင်းနှင့် ပြန်ကြားရေးအဖွဲ့မှ ထုတ်ဝေသည့် ကုန်ပေါက်ဈေးနှုန်း #FoodIndustryGuide 

လက်ရှိပြေးဆွဲပေးနေသည့် အဓိက လမ်းကြောင်းကြီး (၃) ခု • ရန်ကုန် - မန္တလေး • ရန်ကုန် - မော်လမြိုင် • ရန်ကုန် - ပြည် ခရီးစဉ်များ၏ ထွက်ခွာ/ဆိုက်ရောက်ချိန်၊ ရထားအမျိုးအစားနှင့် အတန်းအစားအလိုက် ကျသင့်ငွေများ #TravelerGuide