EOTC TV (በኢትዮጵያ ኦርቶዶክስ ተዋሕዶ ቤተ ክርስቲያን የመገናኛ ብዙኃን ሥርጭት አገልግሎት ድርጅት)

የርእሰ ገዳማት ወአድባራት ጣና ቅዱስ ቂርቆስ አንድነት ገዳም በኢትዮጵያ የተመሠረተበትን የሦስት ሺህ (፴፻) (3,000) ዓመት በድምቀት ተከበረ። ዘጋቢ መ/ር አቤል አሰፋ (#EOTCTV መስከረም ፲ ቀን ፳፻፲፱ ዓ.ም ጣና ቂርቆስ) የርእሰ ገዳማት ወአድባራት ጣና ቅዱስ ቂርቆስ አንድነት ገዳም " የሦስት ሺህ (፴፻) ዓመቱ ሕያው ገዳም ጣና ቂርቆስና የነገ ልእልናው " በሚል መሪ ቃል የምሥረታ በዓሉ ተከበረ። በክብረ በዓሉ ብፁዕ አቡነ እንድርያስ የሊቃውንት ጉባኤ የበላይ ሓላፊ ሊቀ ጳጳስ፣ ብፁዕ አቡነ ሚካኤል የደቡብ ጎንደር ሀገረ ስብከት ሊቀ ጳጳስ ፣ ቀሲስ ግርማ ባቱ (ረዳት ፕሮፌሰር) የመንበረ ፓትርያርክ ጠቅላይ ቤተ ክህነት የኢኮኖሚ እና ማኅበራዊ ዘርፍ ምክትል ሥራ አስኪያጅ መምህር አባ ገብረሥላሴ የርእሰ ገዳማት ወአድባራት ጣና ቅዱስ ቂርቆስ አንድነት ገዳም አበምኔት ፤ መምህር ዳንኤል ሰይፈ ሚካኤል (ረዳት ፕሮፌሰር) የመንበረ ፓትርያርክ ጠቅላይ ቤተክህነት የጥናት እና ምርምር መምሪያ ሓላፊ፣ መጋቤ ሐዲስ ኃይለእግዚእ አሰፋ የሰንበት ትምሕርት ቤቶች ማደራጃ መምሪያ ሓላፊ ፣ ርዕሰ ሊቃውንት አባ ገብረኪዳን ግርማ የገዳሙ የ፬ቱ ጉባኤያት መምህር ፣ የመንበረ ፓትርያርክ የየመምሪያው ምክትል ሓላፊዎች እና የዋና ክፍለል ኃላፊዎች ፣ የደቡብ ጎንደር ሀገረ ስብከት የሥራ ሓላፊዎች ፣ የታላላቅ ገዳማትና አድባራት አስተዳደሪዎችና አበምኔቶች ጥሪ የተደረገላቸው እንግዶች እና በርካታ ምእመናን ተገኝተዋል። በክብረ በዓሉ የኢትዮጵያ ኦርቶዶክስ ተዋሕዶ ቤተክርስቲያን ታሪክን የተመለከተ የጥናት ጽሑፍ ቀሲስ ግርማ ባቱ (ረዳት ፕሮፌሰር) የመንበረ ፓትርያርክ ጠቅላይ ቤተ ክህነት የኢኮኖሚ እና ማኅበራዊ ዘርፍ ምክትል ሥራ አስኪያጅ አቀርቧል ። መምህር ዳንኤል ሰይፈ ሚካኤል (ረዳት ፕሮፌሰር) የመንበረ ፓትርያርክ ጠቅላይ ቤተክህነት የጥናት እና ምርምር መምሪያ ሓላፊ የርእሰ ገዳማት ወአድባራት ጣና ቅዱስ ቂርቆስ አንድነት ገዳምን የሦስት ሺህ (፴፻) ዓመት ታሪክ የሚዳስስ ጥናታዊ ጽሑፍ አቅርበዋል ። ርዕሰ ሊቃውንት አባ ገብረ ኪዳን ግርማ የገዳሙ የ፬ቱ ጉባኤያት መምህር "የሦስት ሺህ (፴፻) ዓመቱ ሕያው ገዳም ጣና ቂርቆስና የነገ ልእልናው "በሚል የገዳሙን መንፈሳዊ እና ማኅበራዊ አገልግሎት የተመለከተ ገለጻ አቅርበዋል ። በበዓሉ ገዳሙ የለተለያዩ ሊቃውንት በማሳተፍ ያዘጋጀው "ቤተክርስቲያን ዘኢትዮጵያ የሦስት ሺህ ዓመት ታሪክ አስተዋጽኦ እና አስተምህሮ " የሚል መጽሐፍ እና " የሦስት ሺህ (፴፻) ዓመቱ ሕያው ገዳም ጣና ቂርቆስና የነገ ልእልናው" የተሸኘ መጽሔት በብፁዓን አበው ሊቃነ ጳጳሳት ተመርቋል። በክብረ በዓሉ የደቡብ ጎንደር ሀገረ ስብከት፤ የመንበረ ፓትርያርክ ጠቅላይ ቤተክህነት ፣ የኢትዮጵያን ኦርቶዶክስ ተዋሕዶ ቤተክርስቲያን ገዳማት ኅብረት መልዕክት አስተላልፈዋል ። በበዓሉ አስተዋጽኦ ለነበራቸው ተቋማት እና ግለሰቦች የምስጋና የምስክር ወረቀት ተሰጥቷል። በመጨረሻም በዓሉ በብፁዕ አቡነ እንድርያስ ጸሎተ ቡራኬ ተጠናቋል። የርእሰ ገዳማት ወአድባራት ጣና ቅዱስ ቂርቆስ አንድነት ገዳም 350 መናንያን የሚገኙበት የእናቶች እና አባቶች አንድነት ገዳም ሲሆን ገዳሙ የድጓ ትምህርት ቤት ፣ የቅዳሴ ትምሕርት ቤት ፣ የ ፬ ጉባዔያት ምስክር ት/ቤት ያሉት ታሪካዊ ገዳም ነው። ገዳሙ የቃል ኪዳኑ ታቦት (ታቦተ ጽዮን) ለብዙ ዓመታት በላይ መኖሪያ እንደነበረ እንዲሁም እመቤታችን ቅድስት ድንግል ማርያም፤ ዮሴፍ፣ ሰሎሜ እና ሕፃኑ ልጇ ኢየሱስ ክርስቶስ ይዛ ፫ ወራት ከ፲ ቀናት ማረፊያ እንደነበረ ታሪክ ለአብነት ይነገራል። የኢትዮጵያ ኦርቶዶክስ ተዋሕዶ ቤተክርስቲያን የዜማ ሊቅ ቅዱስ ያሬድ ምልክት የሌለውን የመጀመሪያውን የድጓ መጽሐፍ የደረሰውና የጻፈው በዚህ ገዳም ውስጥ እንደሆነ ይታመናል። የእርሱ መጽሐፍና የነሐስ መስቀልም በገዳሙ ቤተመዘክር ውስጥ ይገኛል። የኢኦተቤ መገናኛ ብዙኀን አገልግሎት ሥርጭት ድርጅት/ EOTC Broadcasting Service Agency/

ሊመረቅ ነው...

«ሕንጻው ግን ለእግዚአብሔር ለአምላክ እንጂ ለሰው አይደለም፤ ሥራውም ታላቅ ነው።» — 1ኛ ዜና መዋዕል 29፥1 ከ15 ዓመታት በላይ የፈጀው የሻሸመኔ ሊቀ መላእክት ቅዱስ ሚካኤል አዲስ ሕንፃ ቤተክርስቲያን ሊመረቅ ነው! በተለያዩ ፈተናዎችና እልህ አስጨራሽ ተግዳሮቶች ውስጥ አልፎ፣ ከ15 ዓመታት በላይ የፈጀው የሻሸመኔው ሊቀ መላእክት ቅዱስ ሚካኤል አዲስ ሕንጻ ቤተክርስቲያን ተጠናቆ ከመስከረም 10–12 ቀን 2019 ዓ.ም. በታላቅ መንፈሳዊ ድምቀት ሊመረቅ ነው። በሻሸመኔ ከተማ ምስረታ ጋር ብዙም የማይራራቅ የታሪክ ትስስር ያለው ይህ ቤተክርስቲያን፣ በልዩ የሕንጻ ዲዛይኑ፣ በግዝፈቱና በሃይማኖታዊ ተምሳሌቶቹ የተለየ መልክ ይዞ ተገንብቷል። ባለ ሰባት ጉልላት የሆነው ይህ ሕንጻ ከመንፈሳዊ አገልግሎቱ ባሻገር ለሻሸመኔና ለአካባቢው እንዲሁም ለኢትዮጵያ በቱሪዝምና በባህል ዘርፍ የሚኖረው አስተዋፅኦ ከፍተኛ ነው። የሕንፃው መጠን • በ 2,512 ካሬ ሜትር ስፋት ላይ ያረፈ • ከመሬት ወለል በላይ 49 ሜትር ከፍታ ያለው • ልዩ የሆነ ባለ ሰባት ጉልላት የሕንፃ አቀማመጥ ያለው የምረቃ ጥሪ በዚህ ታላቅ መንፈሳዊ ዝግጅት ላይ ቅዱስ ፓትርያርኩ፣ ሊቃነ ጳጳሳት፣ የወንጌል መምህራን፣ ዘማሪያን እንዲሁም ከመላው ኢትዮጵያና ከዓለም የሚመጡ ምዕመናን ይገኛሉ። በመሆኑም በመላው ዓለም የምትገኙ ምዕመናን፣ በብርቱ ፈተናዎች ውስጥ አልፎ በሞገስ የተጠናቀቀውን የሻሸመኔ ሊቀ መላእክት ቅዱስ ሚካኤል አዲስ ሕንፃ ቤተክርስቲያን ምረቃ በአካል ተገኝታችሁ እንድትባርኩ ቤተክርስቲያኗ በታላቁ መላእክት ስም የፍቅር ጥሪዋን ታቀርባለች። የድጋፍ ጥሪ የቤተክርስቲያኑን ቀሪ ሥራዎች ለማጠናቀቅ፣ ለምንጣፍ፣ ለውጭ ወንበሮች ማሰሪያ፣ ለታቦት ማክበሪያ መንበር ማጠናቀቂያና ለተለያዩ ቀሪ ክፍያዎች የሚውል የአቅማችሁን ድጋፍ በሚከተለው የደብሩ የባንክ ሒሳብ ማስገባት ትችላላችሁ። የኢትዮጵያ ንግድ ባንክ ሂሳብ ቁጥር፦ 1000767827257 እንደ አቅማችን እንሳተፍ፤ ለትውልድ የሚያልፍ መንፈሳዊና ባህላዊ አሻራ እንተው። ቅዱስ ሚካኤል ይጠብቀን!

የርእሰ ገዳማት ወአድባራት ጣና ቅዱስ ቂርቆስ አንድነት ገዳም። በኢትዮጵያ የተመሠረተበትን የሦስት ሺህ (፴፻) (3,000) ዓመት እያከበረ ነው። ዘጋቢ መ/ር አቤል አሰፋ (#EOTCTV መስከረም ፲ ቀን ፳፻፲፱ ዓ.ም ጣና ቂርቆስ) የርእሰ ገዳማት ወአድባራት ጣና ቅዱስ ቂርቆስ አንድነት ገዳም " የሦስት ሺህ (፴፻) ዓመቱ ሕያው ገዳም ጣና ቂርቆስና የነገረ ልእልናው " በሚል መሪ ቃል የምሥረታ በዓሉን በማክበር ላይ ይገኛል ። ገዳሙ “የሦስት ሺህ (፴፻) ዓመቱ ሕያው ገዳም ጣና ቂርቆስና የነገ ልእልናው " በሚል መሪ ቃል የምሥረታ በዓሉን ሲያከብር ብፁዕ አቡነ እንድርያስ የሊቃውንት ጉባኤ የበላይ ሓላፊ ሊቀ ጳጳስ፣ ብፁዕ አቡነ ሚካኤል የደቡብ ጎንደር ሀገረ ስብከት ሊቀ ጳጳስ ፣ ቀሲስ ግርማ ባቱ (ረዳት ፕሮፌሰር) የመንበረ ፓትርያርክ ጠቅላይ ቤተ ክህነት የኢኮኖሚ እና ማኅበራዊ ዘርፍ ምክትል ሥራ አስኪያጅ መምህር አባ ገብረሥላሴ የርእሰ ገዳማት ወአድባራት ጣና ቅዱስ ቂርቆስ አንድነት ገዳም አበምኔት ፤ መምህር ዳንኤል ሰይፈ ሚካኤል (ረዳት ፕሮፌሰር) የመንበረ ፓትርያርክ ጠቅላይ ቤተክህነት የጥናት እና ምርምር መምሪያ ሓላፊ፣ መጋቤ ሐዲስ ኃይለእግዚእ አሰፋ የሰንበት ትምሕርት ቤቶች ማደራጃ መምሪያ ሓላፊ ፣ ርዕሰ ሊቃውንት አባ ገብረኪዳን ግርማ የገዳሙጠየ፬ቱ ጉባኤያት መምህር ፣ የመንበረ ፓትርያርክ የየመምሪያው ምክትል ሓላፊዎች እና የዋና ክፍለል ኃላፊዎች ፣ የደቡብ ጎንደር ሀገረ ስብከት የሥራ ሓላፊዎች ፣ የታላላቅ ገዳማትና አድባራት አስተዳደሪዎችና አበምኔቶች ጥሪ የተደረገላቸው እንግዶች እና በርካታ ምእመናን ተገኝተዋል። የበዓሉ ዋና ዓላማ የኢትዮጵያ ኦርቶዶክስ ተዋሕዶ ቤተክርስቲያን ከብሉይ ኪዳን እስከ ሐዲስ ኪዳን ያላትን ዘመናት የታሪክ፣ የቅርስና የጥበብ ጉዞ ለትውልድ ማስተዋወቅ መሆኑ ተነግሯል ። በበዓሉ ሥርዓተ ማኅሌት የተከናወነ ሲሆን ሥርዓተ ቅዳሴው በብፁዕ አቡነ ሚካኤል የደቡብ ጎንደር ሀገረ ስብከት ሊቀ ጳጳስ እየተመራ ተከናውኗል ። በዐውደ ምሕረቱ ጉባኤ ሊቃውንት ያሬዳዊ ዜማ ያቀረቡ ሲሆን በሊቃውንት ቅኔ ቀርቧል። በኢትዮጵያ ኦርቶዶክስ ተዋሕዶ ቤተ ክርስቲያን የርእሰ ገዳማት ወአድባራት ጣና ቅዱስ ቂርቆስ አንድነት ገዳም በጣና ሐይቅ ላይ ከሚገኙት የተቀደሱና ታሪካዊ ደሴቶች አንዱ እና ዋነኛው ነው:: ገዳሙ የቃል ኪዳኑ ታቦት (ታቦተ ጽዮን) ለብዙ ዓመታት በላይ መኖሪያ እንደነበረ እንዲሁም እመቤታችን ቅድስት ድንግል ማርያም፤ ዮሴፍ፣ ሰሎሜ እና ሕፃኑ ልጇ ኢየሱስ ክርስቶስ ይዛ ፫ ወራት ከ፲ ቀናት ማረፊያ እንደነበረ ታሪክ ለአብነት ይነገራል። የኢትዮጵያ ኦርቶዶክስ ተዋሕዶ ቤተክርስቲያን የዜማ ሊቅ ቅዱስ ያሬድ ምልክት የሌለውን የመጀመሪያውን የድጓ መጽሐፍ የደረሰውና የጻፈው በዚህ ገዳም ውስጥ እንደሆነ ይታመናል። የእርሱ መጽሐፍና የነሐስ መስቀልም በገዳሙ ቤተመዘክር ውስጥ ይገኛል። በበዓሉ ጥናታዊ ጽሑፎች ይቀርቡበታል ተብሎ ይጠበቃል ። የበዓሉን አከባበር ይዘን እንመለሳለን። የኢኦተቤ መገናኛ ብዙኀን አገልግሎት ሥርጭት ድርጅት/ EOTC Broadcasting Service Agency

መስከረም 11 12 አይቀርም

የብራና መጻሕፍት ዝግጅት ላይ ሊቃውንቱ አስተያየት

የአዲስ አበባ ሀገረ ስብከት ዋና ሥራ አስኪያጅ የመስቀል ደመራ በዓል መዝሙር ጥናት ጎበኙ

የአንድነት ገዳማት ኅብረት አባቶች የዐዲስ ዓመት መልካም ምኞት