Грэка-католікі Беларусі

ГРЭКА-КАТАЛІЦКАЯ ПАРАФІЯ МАЦІ БОЖАЕ ФАЦІМСКАЙ, ГАРОДНЯ вул. Гараднічанская 32а РАСКЛАД НАБАЖЭНСТВАЎ на 14 ліпеня – 4 жніўня 21 ліпеня, нядзеля 10.00 – Літургія св. Яна Залатавуснага 28 ліпеня, нядзеля 10.00 – Абедніца 4 жніўня, нядзеля 10.00 – Літургія св. Яна Залатавуснага - Ружанец

У нашай рубрыцы "Хрысціянства і літаратура" айцец Андрэй Крот працягвае знаёміць з хрысціянскімі матывамі ў творчасці Адама Бабарэкі.

Вялікая Вячэрня на 8-ю нядзелю па Св. Тройцы, Айцоў шасці сусветных сабораў, 14 ліпеня http://cssr.by/2019-03-04-08-41-21/chasaslou/204-vyachernya-ton-7.html

11 ліпеня Рыма-Каталіцкая Царква адзначае памяць св. Бенядыкта Нурсійскага (каля 480 – 547), якога прынята лічыць Айцом заходняга манаства. Яго намаганнямі ўзнік і распаўсюдзіўся на Захадзе першы манаскі ордэн - бенедыктынцы, а ўкладзены ім манаскі ўстаў стаў для Захаду тым жа, чым Устаў св. Васіля Вялікага для Усходу. Менавіта гэты святы надаў манаству форму і цвёрдую аснову, забяспечыў яго сапраўдны размах. Яму ж належыць знакаміты прынцып ora et labora («маліся і працуй») як дэвіз усяго манаскага служэння. Папа Павел VI абвясціў св. Бенядыкта Заступнікам Еўропы з прычыны вялізнай ролі гэтага святога і манахаў заснаванага ім ордэна ў станаўленні хрысціянскай цывілізацыі. Грэка-Каталіцкая Царква ўшаноўвае св. Бенядыкта 14 сакавіка.

Госпад сярод шматлікага натоўпу, якому кажа гэтыя словы, шукае сваіх супрацоўнікаў і яшчэ раз паўтарае: «Хто той чалавек, які ўпадабаў жыццё і любіць доўгія дні, каб бачыць дабро?» (Пс 34, 13). Калі, пачуўшы гэтае, адкажаш: «Я», - Бог скажа табе: «Паколькі хочаш мець праўдзівае і вечнае жыццё, сцеражы язык свой ад злога і вусны свае ад словаў падступных, адвярніся ад зла і рабі дабро, шукай міру і трымайся яго (пар. Пс 34, 14-15). Калі гэта зробіце, Мае вочы будуць скіраваныя на вас, а вушы Мае будуць адкрытыя на вашыя просьбы. І перш, чым паклічаце Мяне, Я адкажу: “Вось Я”». Што ж для нас наймілейшае, дарагія браты, за гэтае запрашэнне? У сваёй ласкавасці Госпад паказвае нам дарогу жыцця. Таму падпярэжам сцёгны верай і выкананнем добрых учынкаў, пойдзем сцежкамі Госпада пад кіраўніцтвам Евангелля, каб мы былі годныя сузіраць Таго, Хто паклікаў нас у Сваё валадарства. Калі мы прагнем пасяліцца ў гэтым валадарстве і ў Святыні Госпада, мы павінны бегчы дарогаю добрых учынкаў, бо інакш туды не патрапім. Св. Бенядыкт

11 ліпеня 1705 г. у Сафійскім саборы ў Полацку расійскі цар Пётр І разам са світай закатаваў 5 манахаў-базылянаў. Тагачасная Еўропа ўздрыганулася ад бессэнсоўнай жорсткасці каранаванай асобы, аднак з большага прамаўчала. Толькі Апостальская Сталіца публічна кінула расійскаму цару, пераможцу пад Палтавай, цяжкае абвінавачанне за пераслед Уніяцкай Царквы. Гэта быў ці не адзіны голас выразнага асуджэння Пятра І, стваральніка Расійскай імперыі, якога ўжо баяліся і лічылі за лепшае не сварыцца з ім і якога пазней так уславілі гісторыкі. http://cssr.by/slova/publikatsyi/200-polatskiya-pakutniki.html

🌿 Полацкія мучанікі манахі-базыльяне, забітыя 11 ліпеня 1705 году царом Пятром І і ягонымі спадручнымі ў катэдры сьв. Сафіі: ▫️Вікары (намесьнік) Полацкага манастыра а. КАНСТАНЦІН (Заячкоўскі) – забіты царом ля галоўнага алтара. ▫️Прапаведнік а. ТЭАФАН (Калбячынскі) – забіты царом і ягоным фаварытам Аляксандрам Меншыкавым ля алтара сьв. Язафата. ▫️Рэгэнт царкоўнага хору а. ЯКУБ (Кнышэвіч) – пасечаны расейскімі афіцэрамі і пазьней памёр. ▫️Былы супэрыёр (старэйшы) Полацкага манастыра а. ЯКУБ (Кізікоўскі) – забіты царом у сваёй кельлі. ▫️Закрыстыянін ЯЗЭП (Анкудовіч) – моцна пасечаны расейскімі афіцэрамі. Вайскоўцы палічылі, што манах хутка памрэ, але той выжыў. 👉 Чытаць болей: https://pawet.net/library/history/bel_history/bautovich/002/%D0%BF%D0%BE%D0%BB%D0%B0%D1%86%D0%BA%D1%96%D1%8F_%D0%BF%D0%B0%D0%BA%D1%83%D1%82%D0%BD%D1%96%D0%BA%D1%96.html

11 ліпеня – успамін мучаніцтва Полацкіх манахаў-базыльянаў. У гэты дзень у 1705 годзе ў катэдры сьв. Сафіі ў Полацку расейскі цар Пётар, які імкнуўся зьнішчыць Унію, разам з сьвітай учыніў жорсткае забойства 5 манахаў-базыльянаў. 🌿 МАЛІТВА ЗА ПРАСЛАЎЛЕНЬНЕ ПОЛАЦКІХ МУЧАНІКАЎ Хрысьце Божа наш, ушаноўваем Тваю бясконцую веліч, славім Тваю нязьменную міласэрнасьць. Складаем падзяку Табе, што Ты даў нам мужных вызнаўцаў веры – Полацкіх мучанікаў. Яны ахвяравалі жыцьцё для сваёй Царквы і сваіх вернікаў. Просім Цябе праславіць іх той жа славаю, у якой жылі працавалі ў сваім жыцьці і аддалі яго за Цябе. Праз іх заступніцтва пакорліва Цябе просім аб ласцы ... – у надзеі на Тваю міласэрнасьць, што Ты прымеш нашу малітву. Бо Ты міласэрны Бог, і Табе славу аддаем, Айцу, і Сыну, і Сьвятому Духу цяпер, і заўсёды, і на вякі вякоў. Амін.

І хто не ведае, што чалавек - істота таварыская і сацыяльная, а не дзікая і самотная? Нішто так не адпавядае нашай прыродзе, як супольнасць жыцця, узаемадапамога і любоў у людзей!  Св. Васіль Вялікі

Духоўнае настаўленне: -Святы Дух, сваёй пастаяннай прысутнасцю на шляху Царквы, выпраменьвае святло надзеі ў вернікаў: Ён падтрымлівае яго, як паходню, якая не згасае, каб падтрымліваць і ажыўляць наша жыццё. Сапраўды, хрысціянская надзея не падманвае і не расчароўвае, бо заснавана на ўпэўненасці, што нішто і ніхто ніколі не зможа адлучыць нас ад Божай любові. Папа Францішак, Була "Spes non confundit" (Надзея не расчароўвае), 3.