Грэка-католікі Беларусі

27 траўня - 28 чэрвеня 2024: ПЯТРОЎСКІ ПОСТ

Сёння пачынаецца Пятроўскі пост Чацвёртая царкоўная запаведзь («Захоўвай прадпісаныя Царквой перыяды ўстрымання ад мясной ежы і пасты») вызначае перыяды аскетычнага жыцця і пакаяння, якія рыхтуюць нас да літургічных святкаванняў і спрыяюць таму, што мы набываем уладу над сваімі інстынктамі і свабоду сэрца. (ККЦ 2043) Перыяды і дні пакаяння на працягу літургічнага года з'яўляюцца ў Царкве асаблівым часам практыкі пакаяння. Гэтыя перыяды найбольш падыходзяць для духоўных практыкаванняў, пакаяльных набажэнстваў, паломніцтваў пакаяннага характару, а таксама для добраахвотных самаабмежаванняў, такіх, як пост і міласціна, і для таго, каб па-братэрску дзяліцца з іншымі (дабрачынныя і місіянерскія справы). (ККЦ 1438)

ГРЭКА-КАТАЛІЦКАЯ ПАРАФІЯ МАЦІ БОЖАЕ ФАЦІМСКАЙ, ГАРОДНЯ вул. Гараднічанская 32а РАСКЛАД НАБАЖЭНСТВАЎ на 27 траўня - 2 чэрвеня панядзелак-серада 18.00 – Літургія св. Яна Залатавуснага 30 траўня, чацвер 18.30 – св. Імша і працэсія па вуліцах горада (катэдральны касцёл св. Францішка Ксаверыя) 31 траўня, пятніца 18.00 – Літургія св. Яна Залатавуснага 2 чэрвеня, нядзеля Усіх святых беларускага народу 10.00 – Літургія св. Яна Залатавуснага - Ружанец

Вялікая Вячэрня з Ліцьцёй на Нядзелю ўсіх сьвятых http://cssr.by/2019-03-04-08-41-21/chasaslou/180-usich-sviatych.html

У нашай сённяшняй рубрыцы айцец Андрэй Крот працягвае знаёміць з рэлігійнымі матывамі ў рамане пісьменніка Андрэя Мрыя “Запіскі Самсона Самасуя”.

+У той жа чацвер, 23 траўня 2024 г., Папа Францішак прыняў у Апостальскім палацы дзяржаўна-царкоўную дэлегацыю Паўночнай Македоніі. Найперш Папа прыняў Прэзідэнта Паўночнай Македоніі спадарыню Гардану Сіляноўска-Даўкаву. Размова доўжылася 35 хвілін, а затым Прэзідэнта Сільяноўска-Даўкову прыняў Дзяржаўны сакратар Святога Пасаду кардынал П'етро Паролін. =Каталіцкую Царкву у Македоніі (у рамках дзяржаўнай дэлегацыі) прадстаўляў протаіерэй стаўрафор доктар Зоран Стаянаў (з візантыйскай епархіі Струміца-Скоп'е). =Дэлегацыю Македонскай Праваслаўнай Царквы - Ахрыдскай Архіепіскапіі ўзначалілі Мітрапаліт Дэбарска-Кічаўскі Цімацей і Мітрапаліт Еўрапейскі Пімен.

+Найперш Яго Святасць Папа Францішак прыняў на аўдыенцыі Прэзідэнта Балгарыі спадара Румена Радзева і балгарскую дэлегацыю, якая традыцыйна прыбыла ў Рым з нагоды Дня святых братоў Кірыла і Мятода. =У склад дзяржаўна-царкоўнай дэлегацыі ўвайшоў і новапрызначаны біскуп візантыйска-славянскага абраду (ардынарый епархіі Св. Яна ХХІІІ ў Сафіі) - Уладыка Петко Валов.