ပြည်သူ့အတွက် ဟစ်တိုင်သတင်းစုံ ဂျာနယ်

ရွှေကုက္ကိုလ်နယ်မြေအတွင်း အွန်လိုင်းလိမ်လည်လောင်းကစားမှုကျူးလွန်ရာတွင် အသုံးပြုခဲ့သည့် တရားမဝင် ၃ ထပ်လူနေအဆောက်အအုံ ၂ လုံး အား စနစ်တကျ ထပ်မံဖြိုချဖျက်ဆီး၊ တရားမဝင်အဆောက်အအုံ ၅၈ လုံးဖြိုချဖျက်ဆီးပြီးဖြစ် နေပြည်တော်၊ ၂၀၂၆  ဇွန် ၁၂

နိုင်ငံတော်နှင့် တပ်မတော်၏ ငြိမ်းချမ်းရေးလုပ်ငန်းစဉ်များကို လက်ခံယုံကြည်သည့်   PDF အမည်ခံအဖွဲ့ဝင် အမျိုးသား ၁၆ ဦးနှင့် အမျိုးသမီး ၇ ဦးတို့သည် လက်နက်၊ ခဲယမ်းများနှင့်အတူ ဉပဒေဘောင်အတွင်းသို့ ဝင်ရောက် နေပြည်တော်၊ ၂၀၂၆ ဇွန် ၁၂

နိုင်ငံတော်တည်ငြိမ်ရေးနှင့် နယ်မြေအေးချမ်းသာယာရေးအတွက် စစ်ဆင်ရေးတာဝန်များကို ထမ်းဆောင်ခဲ့သည့် ရှေ့တန်းပြန် နိုင်ငံ့သားကောင်း တပ်မတော်သားများအား သောင်းသောင်းဖြဖြ ဂုဏ်ပြုကြိုဆို   နေပြည်တော်၊ ၂၀၂၆ ဇွန် ၁၂

ဓာတ်အားလိုင်း ထိန်းသိမ်းပြုပြင်ခြင်း လုပ်ငန်းများကို ဓာတ်အားပိတ် ဆောင်ရွက်မည် နေပြည်တော် ဇွန် ၁၂ ၂၃၀ ကေဗွီ နမ့်စန်-မိုင်းပျဉ်း နှစ်ထပ် ဓာတ်အားလိုင်းသည် ရှမ်းပြည်နယ် (အရှေ့ပိုင်း)ရှိ ခရိုင်၊ မြို့ဧရိယာများသို့ စဉ်ဆက်မပြတ် ဓာတ်အားပို့လွှတ်ဖြန့်ဖြူးပေးနိုင်ရေးအတွက် အရေးပါသည့် ဓာတ်အားလိုင်းဖြစ်ပြီး ယင်းဓာတ်အားလိုင်းကို တာဝန်ယူထိန်းသိမ်းသည့် မဟာဓာတ်အား လိုင်းမှူးရုံး(ကျိုင်းတုံ)မှ ဓာတ်အားလိုင်း အသေးစိတ်စစ်‌ဆေးခြင်းလုပ်ငန်းများ ဆောင်ရွက်ခဲ့ရာ မိုင်းပျဉ်းမြို့နယ်၊ တာကော် (၇)မိုင်ကျေးရွာအနီးရှိ တာဝါတိုင်အမှတ်(၃၃၀)တွင် မိုးကြိုး လျှပ်စီးကြောင့် ကြွေသီးတွဲ မီးပန်းထားသည်ကို စစ်ဆေးတွေ့ရှိရသဖြင့် ကြွေသီးတွဲအသစ် အစားထိုး လဲလှယ်ခြင်း လုပ်ငန်းဆောင်ရွက်သွားရမည်ဖြစ်သည်။ အဆိုပါလုပ်ငန်း ဆောင်ရွက်ခြင်းဖြင့် ဓာတ်အားစနစ် တည်ငြိမ်မှုကိုမြှင့်တင်နိုင်ပြီး မလိုလား အပ်သည့် ဓာတ်အားပြတ်တောက်မှုများကို ကာကွယ်နိုင်မည်ဖြစ်သဖြင့် ဇွန် ၁၄ ရက် နံနက် ၈ နာရီမှ နံနက် ၁၁ နာရီအထိ ၃ နာရီကြာ ယာယီဓာတ်အားပိတ်၍ လုပ်ငန်းဆောင်ရွက်သွားမည်ဖြစ်ရာ လုပ်ငန်း‌ဆောင်ရွက်နေစဉ်အတွင်း မိုင်းပျဉ်းမြို့၊ ကျိုင်းတုံမြို့၊ လွယ်မွေမြို့၊ မိုင်းခုတ် မြို့၊ မိုင်းဆတ်မြို့နှင့် မိုင်းခတ်မြို့များ ယာယီဓာတ်အားပြတ်တောက်နေမည်ဖြစ်ကြောင်း၊ ကျိုင်းတုံမြို့ရှိ ဌာနဆိုင်ရာ ရုံးများ၊ ဆေးရုံများကို အသေးစားရေအားလျှပ်စစ်စက်ရုံများ၏ ဓာတ်အား ထုတ်လုပ်မှုဖြင့် ဝန်အားထိန်းညှိ ဖြန့်ဖြူးပေးထားမည်ဖြစ်ကြောင်း၊ ဓာတ်အားပြတ်တောက်မည့် အခြေအနေများအတွက် သက်ဆိုင်ရာ အဖွဲ့အစည်းများ၊ စက်ရုံ၊ အလုပ်ရုံများနှင့် အများပြည်သူများကို ကြိုတင်အသိပေး အကြောင်းကြားထားပြီးဖြစ်ကြောင်း သိရသည်။ ထို့အတူ ၁၃၂ ကေဗွီ တောင်ကြီးပင်မဓာတ်အားခွဲရုံမှ ဓာတ်အားပို့လွှတ်ထားသော ၆၆ ကေဗွီ တောင်ကြီး-အောင်သပြေ ဓာတ်အားလိုင်းတစ်လျှောက် သစ်ပင်သစ်ကိုင်း ခုတ်ထွင်ရှင်းလင်းခြင်းနှင့် အောင်သပြေဓာတ်အားခွဲရုံတွင် လိုအပ်သော ထိန်းသိမ်းပြုပြင်ခြင်း လုပ်ငန်းများကို ဇွန် ၁၄ ရက် နံနက် ၉ နာရီမှ မွန်းလွဲ ၃ နာရီအထိ ဓာတ်အားပိတ်၍ ဆောင်ရွက်သွားမည်ဖြစ်သည်။ အဆိုပါ လုပ်ငန်းများ ဆောင်ရွက်နေချိန်အတွင်း နောင်ကား၊ နောင်ခဲ၊ ကျောက်တလုံးကြီး၊ ဆီဆိုင်၊ ဆိုက်ခေါင်၊ ဘန်းယဉ်၊ စက်မှုဇုန်(၁၊ ၂)၊ ရှမ်းရိုးမဘိလပ်မြေ စက်ရုံ၊ ဟိုတယ်ဇုန်ခွဲရုံ၊ စံကား ခွဲရုံ၊ တောင်ကြီး အမှတ်(၁)ခွဲရုံတို့မှ ဓာတ်အားပေးထားသော စဝ်စံထွန်း ဆေးရုံကြီးနှင့် အရေးကြီး နေရာများ၊ မြို့ပေါ် (၉) ရပ်ကွက်နှင့် ကျေးရွာ (၄၀၅)ရွာတွင် ယာယီဓာတ်အားပြတ်တောက်နေမည်ဖြစ်ကြောင်း၊ ဓာတ်အားပိတ် ဧရိယာများရှိ ဓာတ်အားသုံးစွဲသူ အများပြည်သူများကို ကြိုတင် အသိပေး အကြောင်းကြားထားပြီးဖြစ်ကြောင်း သိရသည်။   အလားတူ ၂၃၀/၆၆/၁၁ ကေဗွီ ဘားအံပင်မ ဓာတ်အားခွဲရုံမှ ဓာတ်အားဖြန့်ဖြူး ပေးထားသည့် ၆၆ ကေဗွီ စက်မှုဇုန်-လှိုင်းဘွဲ့ဓာတ်အားလိုင်းကို လျှပ်စစ်အန္တရာယ် ကင်းရှင်းစွာ ဓာတ်အားဖြန့်ဖြူးပေးနိုင်ရေး၊ ဓာတ်အားပြတ်တောက်မှု လျော့နည်းစေရေးနှင့် ဓာတ်အားကြံ့ခိုင် ကောင်းမွန်စေ ရေးအတွက် ဇွန် ၁၄ ရက် နံနက် ၈ နာရီမှ ညနေ ၅ နာရီအထိ ဓာတ်အားပိတ်၍ ထိန်းသိမ်း ပြုပြင်ခြင်းလုပ်ငန်း ဆောင်ရွက်သွားမည်ဖြစ်သည်။ အဆိုပါ လုပ်ငန်းဆောင်ရွက်နေစဉ် ၆၆/၃၃/၁၁ ကေဗွီ လှိုင်းဘွဲ့ (ချမ်းသာ) ဓာတ်အားခွဲရုံမှ ဓာတ်အားဖြန့်ဖြူးပေးထားသည့် လှိုင်းဘွဲ့၊ ပိုင်ကျုံ၊ မြိုင်ကြီးငူ၊ ကမမောင်းမြို့တို့ရှိ မြို့ပေါ်ရပ်ကွက်အားလုံးနှင့် ကျေးရွာ ၈၃ ရွာတို့တွင် ဓာတ်အား ယာယီပြတ်တောက်နေမည်ဖြစ်ကြောင်း၊ ဓာတ်အားပြတ်ဧရိယာများရှိ ဓာတ်အားသုံးစွဲသူ အများပြည်သူများကို ကြိုတင် အသိပေး အကြောင်းကြားထားပြီးဖြစ်ကြောင်း လျှပ်စစ်နှင့်စွမ်းအင်ဝန်ကြီးဌာနမှ သိရသည်။ သတင်းစဉ်

ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့် အခြေခံပညာဦးစီးဌာနတို့ ပူးပေါင်းကျင်းပသည့် လူငယ်စကားဝိုင်း ကျင်းပပြုလုပ် Jun 12th ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့် အခြေခံပညာဦးစီးဌာနတို့ ပူးပေါင်း၍ လူငယ်စကားဝိုင်းကို ကျင်းပပြုလုပ်ခဲ့ရာ အ.ထ.က (ပေါင်းတည်) မှ ကျောင်းသားကျောင်းသူများ ပါဝင်ဆွေးနွေးခဲ့ကြသည်။ အဆိုပါ စကားဝိုင်းတွင် Grade-11 (A) မှ မခင်အိန္ဒြာမင်းက “လူငယ်နှင့် ပညာသင်ကြားခြင်း” ခေါင်းစဉ်ဖြင့်လည်းကောင်း၊ Grade-10 (A) မှ မဖြိုးပြည့်ပြည့်ကျော်က “လူငယ်နှင့် အောင်မြင်မှုနည်းလမ်းများ” ခေါင်းစဉ်ဖြင့်လည်းကောင်း၊ Grade-9 မှ မသဲသိမ့်သိမ့်သူက “လူငယ်နှင့် လူမှုကွန်ရက်” ခေါင်းစဉ်ဖြင့်လည်းကောင်း၊ Grade-12 (A) မှ မယွန်းနန္ဒာဝေက “လူငယ်နှင့် ခေတ်မီမူးယစ်ဆေးအန္တရာယ်” ခေါင်းစဉ်ဖြင့်လည်းကောင်း ဦးဆောင်ဆွေးနွေးပြောကြားခဲ့ကြသည်။ ထို့နောက် တက်ရောက်လာသည့် ကျောင်းသားကျောင်းသူများက သိရှိလိုသည့်အချက်များကို မေးမြန်းဆွေးနွေးခဲ့ကြရာ ဦးဆောင်ဆွေးနွေးသူများက အသီးသီး ပြန်လည်ရှင်းလင်းဖြေကြားပေးခဲ့ကြကြောင်း သိရသည်။ #SN

လက်ပံခုံကျေးရွာ ရေရရှိရေးလုပ်ငန်း ရာနှုန်းပြည့်ပြီးစီး အုတ်တွင်း ဇွန် ၁၂ အုတ်တွင်းမြို့နယ် လက်ပံခုံကျေးရွာတွင် ရေရရှိရေးလုပ်ငန်းအား တိုင်းဒေသကြီးရန်ပုံငွေ ကျပ် ၁.၇၀ သန်းဖြင့် ဆောင်ရွက်ခဲ့ရာ ရာနှုန်းပြည့်ပြီးစီးပြီဖြစ်ကြောင်း သိရသည်။ အဆိုပါလုပ်ငန်းပြီးစီးမှုကြောင့် ကျေးရွာရှိ အိမ်ခြေ ၂၀၇ အိမ်၊ လူဦးရေ ၇၃၆ ဦးနှင့် တိရစ္ဆာန်များ သန့်ရှင်းသော သောက်သုံးရေ ဖူလုံစွာရရှိနေပြီဖြစ်ကြောင်း သိရသည်။ #SN

ဒိုက်ဦးမြို့နယ် အောင်မြင်ကွင်းကျေးရွာ၌ ဘက်စုံသုံးခန်းမတည်ဆောက်ပြီးစီးမှု စစ်ဆေး ဒိုက်ဦး၊ ဇွန် ၁၂ ပဲခူးတိုင်းဒေသကြီး၊ ညောင်လေးပင်ခရိုင်၊ ဒိုက်ဦးမြို့နယ်၊ ဆင်ဇလုပ်ကျေးရွာအုပ်စု၊ အောင်မြင်ကွင်းကျေးရွာ၌ ကျေးရွာဖွံ့ဖြိုးတိုးတက်ရေးလုပ်ငန်းစီမံကိန်း (VDP) ရန်ပုံငွေနှင့် ကျေးရွာပြည်သူထည့်ဝင်ငွေတို့ဖြင့် ဆောက်လုပ်သည့် ဘက်စုံသုံးခန်းမ တည်ဆောက်ပြီးစီးမှုအခြေအနေကို ဇွန် ၁၂ ရက် နံနက်ပိုင်းက တာဝန်ရှိသူများ ကွင်းဆင်းစစ်ဆေးခဲ့ကြောင်း သိရသည်။ ကွင်းဆင်းစစ်ဆေးရာတွင် ညောင်လေးပင်ခရိုင် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ခရိုင်ဦးစီးမှူး ဦးရန်နိုင်ညွှန့်၊ ဒိုက်ဦးမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ မြို့နယ်ဦးစီးမှူး ဦးအောင်မြင့်ထွန်းနှင့် အင်ဂျင်နီယာဝန်ထမ်းများက ကျေးရွာကော်မတီဝင်များနှင့်အတူ ဘက်စုံသုံးခန်းမ ဆောက်လုပ်ပြီးစီးမှုအခြေအနေများကို ကြည့်ရှုစစ်ဆေးခဲ့သည်။ ထို့နောက် ခရိုင်ဦးစီးမှူးက ကျေးရွာတာဝန်ရှိသူများနှင့် ကော်မတီဝင်များအား ခန်းမကို အကျိုးရှိစွာ အသုံးပြုကြရန်နှင့် ရေရှည်တည်တံ့စေရေးအတွက် သက်ဆိုင်သူများအားလုံး ပူးပေါင်းထိန်းသိမ်းကြရန် မှာကြားခဲ့ကြောင်း သိရသည်။ အဆိုပါ ဘက်စုံသုံးခန်းမမှာ အလျား ၆၀ ပေ၊ အနံ ၂၅ ပေ၊ အမြင့် ၁၁ ပေရှိပြီး ကျေးရွာဖွံ့ဖြိုးတိုးတက်ရေးလုပ်ငန်းစီမံကိန်း (VDP) ရန်ပုံငွေကျပ် ၁၅၀ သိန်းနှင့် ကျေးရွာပြည်သူထည့်ဝင်ငွေကျပ် ၅၅၀ သိန်း စုစုပေါင်း ကျပ် ၇၀၀ သိန်းဖြင့် ဆောင်ရွက်ခဲ့ခြင်းဖြစ်သည်။ အဆိုပါစီမံကိန်းကို ၂၀၂၆ ခုနှစ် ဧပြီ ၂၆ ရက်မှ စတင်အကောင်အထည်ဖော်ခဲ့ပြီး ယခုအခါ ရာနှုန်းပြည့်ပြီးစီးနေပြီဖြစ်ကြောင်း သိရသည်။ ယင်းခန်းမအား အောင်မြင်ကွင်းကျေးရွာရှိ အိမ်ခြေ ၆၃ အိမ်၊ လူဦးရေ ၂၆၀ ခန့်၏ ပညာရေး၊ ကျန်းမာရေး၊ စီးပွားရေးနှင့် လူမှုရေးကိစ္စရပ်များအတွက် အသုံးပြုနိုင်မည်ဖြစ်ကြောင်း သိရသည်။ #SN

သနပ်ပင်မြို့နယ် ဖရဲကျေးရွာတွင် RBF စီမံကိန်းရန်ပုံငွေ ကျပ်သိန်း ၃၀၀ ထုတ်ချေး သနပ်ပင်၊ ဇွန် ၁၂ သနပ်ပင်မြို့နယ် ဖရဲကျေးရွာ၌ ကျေးလက်စီးပွားမြင့်မားရေးရန်ပုံငွေထူထောင်ခြင်းလုပ်ငန်းစီမံကိန်း (RBF) ဒုတိယအကြိမ်အဖြစ် ရေလုပ်ငန်းဆောင်ရွက်သည့် Lucky Fish၊ Golden Fish၊ Star Fish နှင့် Yellow Fish အဖွဲ့ ၄ ဖွဲ့အား တစ်ဖွဲ့လျှင် ကျပ် ၇၅ သိန်းစီဖြင့် စုစုပေါင်း ကျပ်သိန်း ၃၀၀ ထုတ်ချေးပေးခဲ့ကြောင်း သိရသည်။ အခမ်းအနားတွင် ပဲခူးခရိုင်နှင့် သနပ်ပင်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန တာဝန်ရှိသူများက စီမံကိန်းလမ်းညွှန်ချက်များ၊ စည်းကမ်းသတ်မှတ်ချက်များနှင့် စီမံကိန်းမှ ရရှိမည့် အကျိုးကျေးဇူးများကို ရှင်းလင်းပြောကြားခဲ့ကြောင်း သိရသည်။ #SN

သာယာဝတီခရိုင် ကျေးလက်ဖွံ့ဖြိုးရေးဦးစီးဌာနမှ ကျေးရွာ ၃ ရွာသို့ မြစိမ်းရောင်ရန်ပုံငွေ ထုတ်ချေး ဇွန် ၁၂ရက် ပဲခူးတိုင်းဒေသကြီး သာယာဝတီခရိုင် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ သာယာဝတီမြို့နယ်ရှိ ကရင်ဝက်လူး၊ မြန်မာဝက်လူးနှင့် ပြည်တော်သာကျေးရွာ ၃ ရွာတွင် မြစိမ်းရောင်စီမံကိန်းအရ လည်ပတ်ရန်ပုံငွေ ကျပ် ၄၂.၆ သန်း ကို ဇွန် ၁၁ ရက်က ထုတ်ချေးပေးခဲ့ကြောင်း သိရသည်။ အခမ်းအနားတွင် သာယာဝတီခရိုင် ကျေးလက်ဒေသဖွံ့ဖြိုးတိုးတက်ရေးဦးစီးဌာန ခရိုင်ဦးစီးမှူး ဦးညွန့်ဇော် နှင့် သာယာဝတီမြို့နယ် ခေတ္တမြို့နယ်ဦးစီးမှူး ဒေါ်လေးလေးလွင် တို့က စီမံကိန်းရည်ရွယ်ချက်၊ ရန်ပုံငွေထုတ်ချေးစည်းကမ်းနှင့် အတိုး/အရင်းပေးဆပ်ကာလများကို ရှင်းလင်းပြောကြားခဲ့သည်။ ထို့နောက် စိုက်ပျိုးရေးလုပ်ငန်းလုပ်ကိုင်သူ ၁၀၈ ဦး၊ မွေးမြူရေးလုပ်ငန်းလုပ်ကိုင်သူ ၁၄ ဦးနှင့် အသေးစားစီးပွားရေးလုပ်ငန်းလုပ်ကိုင်သူ ၁ ဦး စုစုပေါင်း ၁၂၃ ဦး အား အတိုးနှုန်းသက်သာစွာဖြင့် ရန်ပုံငွေ ထုတ်ချေးပေးခဲ့ကြောင်း သိရသည်။ #SN

တောင်ငူခရိုင်အတွင်း ကျေးလက်လမ်းလုပ်ငန်းအား တာဝန်ရှိသူများ ကွင်းဆင်းစစ်ဆေး တောင်ငူ  ဇွန် ၁၂             ပဲခူးတိုင်းဒေသကြီး၊ တောင်ငူခရိုင်၊ ဖြူးမြို့နယ်အတွင်းရှိ ကျေးလက်လမ်းဖွံ့ဖြိုးရေးဦးစီးဌာနမှ ၂၀၂၆-၂၀၂၇ ဘဏ္ဍာရေးနှစ်အတွင်းဆောင်ရွက်မည့် ကျေးလက်လမ်း၊ တံတားလုပ်ငန်းများနှင့် ဒေသဖွံ့ဖြိုးရေးဆောင်ရွက်ရန်လိုအပ်သည့် လုပ်ငန်းများအား တာဝန်ရှိသူများက ကွင်းဆင်းကြည့်ရှုစစ်ဆေးခြင်းကို ယနေ့နံနက်ပိုင်းက ဆောင်ရွက်ခဲ့သည်။ ထိုသို့ ကွင်းဆင်းကြည့်ရှုရာတွင် သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ကျေးလက်လမ်းဖွံ့ဖြိုးရေးဦးစီးဌာန(ရုံးချုပ်)မှ ဒုတိယညွှန်ကြားရေးမှူးချုပ် ဦးရဲခေါင်ထွန်းနှင့် တောင်ငူခရိုင်ကျေးလက်လမ်းဖွံ့ဖြိုးရေးဦးစီးဌာန တာဝန်ရှိသူများက ကြည့်ရှုစစ်ဆေးပြီး သတ်မှတ်ကာလအတွင်း လမ်းဒီဇိုင်း စံချိန်စံညွှန်းများနှင့် အညီ အချိန်မီပြီးစီးအောင် ဆောင်ရွက်ရန် လမ်းညွှန်မှာကြားခဲ့ကြောင်း သိရသည်။

ပဲခူးတိုင်းဒေသကြီးလွှတ်တော်သို့ အရှိုချင်းစာပေယဉ်ကျေးမှုအဖွဲ့ လာရောက်လေ့လာ ပဲခူး ဇွန် ၁၂ ၁၂.၆.၂၀၂၆ ရက်နေ့တွင် ပဲခူးတိုင်းဒေသကြီးလွှတ်တော်သို့ ပဲခူးတိုင်း​ဒေသကြီး အရှိုချင်းစာ​ပေယဥ်​ကျေးမှုအဖွဲ့ ဥက္ကဋ္ဌ ဦးဆလိုင်း​အေးပိုင်ပါ (၃၅) ​ယောက်မှ လာရောက်လေ့လာခဲ့ရာ ပဲခူးတိုင်းဒေသကြီးလွှတ်တော်ဥက္ကဋ္ဌ၊ ဒုတိယဥက္ကဋ္ဌတို့ ရင်းနှီးနွေးထွေးစွာ ကြိုဆိုနှုတ်ဆက်ခဲ့ပါသည်။ ဆက်လက်၍ ပဲခူးတိုင်းဒေသကြီးလွှတ်တော်ဥက္ကဋ္ဌမှ လွှတ်တော်၏ လုပ်ငန်းဆောင်ရွက်ချက်များ၊ လွှတ်တော်ကိုယ်စားလှယ်များ၏ လုပ်ငန်းဆောင်ရွက်များအား ရှင်းလင်းပြောကြားခဲ့ပါသည်။ #SN

ပဲခူးတိုင်းဒေသကြီးလွှတ်တော်၌ စိစစ်ရေးကော်မတီ လုပ်ငန်းညှိနှိုင်းအစည်းအဝေး ကျင်းပ ပဲခူး၊ ဇွန် ၁၂ လွှတ်တော်ကိုယ်စားလှယ်များ စိစစ်ရေး၊ အစိုးရ၏ အာမခံချက်များ၊ ကတိများနှင့် တာဝန်ခံချက်များ စိစစ်ရေးကော်မတီ ဥက္ကဋ္ဌ ဦးတင်မျိုးဝင်း ဦးဆောင်၍ ကော်မတီအဖွဲ့ဝင် (၇) ဦးနှင့်အတူ ၂၀၂၆ ခုနှစ် ဇွန်လ ၁၂ ရက်နေ့တွင် ပဲခူးတိုင်းဒေသကြီးလွှတ်တော် ရေးရာကော်မတီအစည်းအဝေးခန်းမ၌ လုပ်ငန်းညှိနှိုင်းအစည်းအဝေး ကျင်းပပြုလုပ်ခဲ့ကြောင်း သိရသည်။ အဆိုပါ အစည်းအဝေးတွင် ကော်မတီ၏ လုပ်ငန်းဆောင်ရွက်မှုများနှင့် ပတ်သက်၍ ညှိနှိုင်းဆွေးနွေးမှုများ ပြုလုပ်ခဲ့ကြောင်း သိရသည်။ #SN

ခရမ်းချဉ်သီးတင်ယာဉ်တိမ်းမှောက်၍ အမျိုးသမီး ၃ ဦး ဒဏ်ရာရ Jun 12th စစ်ကိုင်းတိုင်းဒေသကြီး၊ စစ်ကိုင်းမြို့၊ မန္တလေး–မုံရွာလမ်းမကြီး၊ အင်္သခရာအဝိုင်းပတ်အနီးတွင် ယနေ့ ဇွန် ၁၂ ရက် မွန်းလွဲ ၁၂ နာရီ ၈ မိနစ်ခန့်က ခရမ်းချဉ်သီးတင်ဆောင်လာသည့် ယာဉ်တစ်စီး တိမ်းမှောက်ခဲ့ပြီး အမျိုးသမီး ၃ ဦး ထိခိုက်ဒဏ်ရာရရှိခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။ ဖြစ်စဉ်နေရာသို့ စစ်ကိုင်းမြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များ သွားရောက်ကာ ကယ်ဆယ်ရေးလုပ်ငန်းများ ဆောင်ရွက်ခဲ့သည်။ ဒဏ်ရာရရှိသူ ၃ ဦးမှာ မစိုးရိမ်ရအခြေအနေဖြစ်ပြီး အိုးဘိုလူမှုကူညီရေးအသင်းယာဉ်ဖြင့် စစ်ကိုင်းမြို့နယ် ကုတင် ၃၀၀ ဆံ့ဆေးရုံသို့ ပို့ဆောင်ကုသထားကြောင်း သိရသည်။ #SN

တပ်မတော်စစ်ကြောင်းများက ချောင်းဦး - ရေစကြို လမ်းကြောင်းတစ်လျှောက်နယ်လုံခြုံရေးလုပ်ငန်းများဆက်လက်ဆောင်ရွက်၊ မင်းခေါင်ကျေးရွာအနီးတစ်ဝိုက်၌ အကြမ်းဖက်သောင်းကျန်းသူများက အပြစ်မဲ့ပြည်သူများအား ဖမ်းဆီးနှိပ်စက်ရန်ဆောက်လုပ်ထားသည့် မြေအောက်အချုပ်ခန်းများနှင့် စခန်းအားထပ်မံတွေ့ရှိ နေပြည်တော်၊ ၂၀၂၆ ဇွန် - ၁၂

လမ်းဘေးမှ ဘဏ်စာအုပ်နှင့်ငွေသားများကောက်ရသဖြင့် လာရောက်အပ်နှံသူအား ရိုးသားမှုကိုဂုဏ်ပြုချီးမြှင့် ပဲခူး ဇွန် ၁၂       ပဲခူးမြို့နယ်စစ်မှုထမ်းဟောင်းရုံး၌ ဇွန်လ(၁၂)ရက်နေ့ မွန်းလွဲပိုင်းအချန်က လမ်းဘေးမှ ဘဏ်စာအုပ်နှင့်ငွေသားများကောက်ရသဖြင့် လာရောက်အပ်နှံသူအား  ပဲခူးမြို့နယ်စစ်မှုထမ်းဟောင်းအဖွဲ့ဝင် ကွယ်လွန်သူ ဒုတပ်ကြပ်အောင်ကျော်(ငြိမ်း)၏ဇနီးဖြစ်သူအရန်အဖွဲ့ဝင်ဒေါ်မိုးမိုးစန်းအား ရိုးသားမှုကိုဂုဏ်ပြုချီးမြှင့်ပွဲ ပြုလုပ်ပေးခဲ့ကြောင်းသိရသည်။     ဖြစ်စဉ်မှာ ပဲခူးမြို့နယ်စစ်မှုထမ်းဟောင်းအဖွဲ့ဝင် ကွယ်လွန်သူဒုတပ်ကြပ်အောင်ကျော် (ငြိမ်း)၏ဇနီးဖြစ်သူ အရန်အဖွဲ့ဝင်ဒေါ်မိုးမိုးစန်းသည် ဇွန်လ(၁၂)ရက်နေ့ နေ့လည်(၁၂)နာရီအချိန်ခန့်က မြို့နယ်စစ်မှုထမ်းဟောင်းအဖွဲ့ရုံးသို့လာရောက်ချိန်တွင် ရုံးရှေ့ကားလမ်းဘေး ပလက်ဖေါင်းတွင်အထုပ်တစ်ထုပ်ကောက်ရခဲ့ကြောင်းသိရသည်။      အဆိုပါကောက်ရသည့်အထုပ်အား ဖွင့်ကြည့်ရာ ငွေကျပ်သိန်းလေးဆယ်နှင့် မုံလယ်တောရဘုန်းတော်ကြီးကျောင်း၏ ဘဏ်ငွေထုတ်စာအုပ်အားတွေ့ရှိခဲ့သဖြင့် သူမ၏ရိုးသားမှုနှင့်ဘာသာရေးယုံကြည်မှုတို့ကြောင့် ၎င်းငွေများနှင့်ဘဏ်စာအုပ်တို့ကို မြို့နယ်စစ်မှုထမ်းဟောင်းဥက္ကဌထံအပ်နှံပေးခဲ့ကြောင်းသိရသည်။         မြို့နယ်စစ်မှုထမ်းဟောင်းဥက္ကဌ ဗိုလ်ကြီးလှတင်ဦး(ငြိမ်း)က သက်ဆိုင်ရာဆရာတော်ထံဆက်သွယ်ပြီး အဆိုပါ ငွေကျပ်သိန်းလေးဆယ်နှင့်ဘဏ်စာအုပ်တို့ကို မွန်းလွဲ(၃)နာရီအချိန်တွင် ပြန်လည်အပ်နှံပေးခဲ့‌ကြောင်းသိရသည်။      ငွေကျပ်သိန်းလေးဆယ်နှင့်ဘဏ်စာအုပ်တို့ကိုကောက်ရသဖြင့် လာရောက်အပ်နှံပေးသူ  ပဲခူးမြို့နယ်စစ်မှုထမ်းဟောင်းအဖွဲ့ဝင် ကွယ်လွန်သူဒုတပ်ကြပ်အောင်ကျော် (ငြိမ်း)၏ဇနီးဖြစ်သူ အရန်အဖွဲ့ဝင်ဒေါ်မိုးမိုးစန်းအား သူမ၏ရိုးသားမှုကို ဂုဏ်ပြုသောအားဖြင့် ဆရာတော်မှ ငွေ၅၀၀၀၀ကျပ်နှင့်မြို့နယ်စစ်မှုထမ်း‌ဟောင်းအဖွဲ့ ဥက္ကဌဗိုလ်ကြီးလှတင်ဦး(ငြိမ်း)မှ ငွေ၃၀၀၀၀ကျပ်တို့ကို ပြန်လည်၍ဂုဏ်ပြုချီးမြှင့်ပေးခဲ့ကြောင်းသတင်းရရှိသည်။

တရုတ်သမ္မတဖိတ်ကြားချက်အရ နိုင်ငံတော်သမ္မတ ဦးမင်းအောင်လှိုင် တရုတ်နိုင်ငံသို ဇွန် ၁၅ ရက်မှ ၁၉ ရက်အထိ နိုင်ငံတော်အဆင့် ချစ်ကြည်ရေးခရီးစဉ် သွားရောက်မည် Jun 12th တရုတ်နိုင်ငံ သမ္မတရှီကျင့်ဖျင်၏ ဖိတ်ကြားချက်အရ မြန်မာနိုင်ငံတော် သမ္မတ ဦးမင်းအောင်လှိင်သည် လာမည့် ဇွန်လ ၁၅ ရက်နေ့မှ ၁၉ ရက်နေ့အထိ တရုတ်နိုင်ငံသို နိုင်ငံတော်အဆင့် ချစ်ကြည်ရေးခရီးစဉ် (State Visit) သွားရောက်မည်ဖြစ်ကြောင်း တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူက သောကြာနေ့တွင် ကြေညာခဲ့သည်ဟု တရုတ်နိုင်ငံပိုင် ဆင်ဟွာသတင်းဌာနက ယခု သတင်းထုတ်ပြန်ဖော်ပြသည်။ #SN

၁၂ ၆ ၂၀၂၆နေ့ပြည်သူ့လွှတ်တော်အစည်းအဝေးစတင်ကျင်းပလျှက်ရှိရာအစည်းအဝေးခွင့်ပန်ခြင်းနှင့်အစည်းအဝေးတက်ရောက်မှု့အားလွှတ်တော်ဥက္ကဌကြီးမှရှင်းလင်းတင်ပြခြင်းဖြစ်ပါတယ် အမှန်တရားသတင်းစုံ(SH)

ပဲခူးတိုင်းဒေသကြီးလွှတ်တော် ဒုတိယပုံမှန်အစည်းအဝေး (နဝမနေ့) ကျင်းပ ပဲခူး၊ ဇွန် ၁၂ တတိယအကြိမ် ပဲခူးတိုင်းဒေသကြီးလွှတ်တော် ဒုတိယပုံမှန်အစည်းအဝေး (နဝမနေ့) ကို ဇွန် ၁၂ ရက် နံနက်ပိုင်းက တိုင်းဒေသကြီးလွှတ်တော်အစည်းအဝေးခန်းမ၌ ကျင်းပခဲ့သည်။ အစည်းအဝေးသို့ တက်ရောက်ခွင့်ရှိသူ လွှတ်တော်ကိုယ်စားလှယ် ၇၆ ဦးအနက် ၇၃ ဦး တက်ရောက်ခဲ့ပြီး တက်ရောက်မှုရာခိုင်နှုန်း ၉၆.၀၅ ရာခိုင်နှုန်းရှိကြောင်း လွှတ်တော်ဥက္ကဋ္ဌ ဦးအောင်ချိုဦးက ကြေညာသည်။ အစည်းအဝေးတွင် လွှတ်တော်ကိုယ်စားလှယ်များ မေးမြန်းသည့် ကြယ်ပွင့်ပြမေးခွန်း ၉ ခုကို သက်ဆိုင်ရာ တိုင်းဒေသကြီးအဆင့် အဖွဲ့အစည်းဝင်များက ပြန်လည်ဖြေကြားခဲ့သည်။ ထို့ပြင် လွှတ်တော်ကိုယ်စားလှယ်များစိစစ်ရေး၊ အစိုးရ၏အာမခံချက်များ၊ ကတိများနှင့် တာဝန်ခံချက်များစိစစ်ရေးကော်မတီ၏ ဆောင်ရွက်ချက်များကို ကော်မတီဥက္ကဋ္ဌ ဦးတင်မျိုးဝင်းက တင်ပြခဲ့ပြီး လွှတ်တော်က မှတ်တမ်းတင်ခဲ့ကြောင်း သိရသည်။