ပြည်သူ့အတွက် ဟစ်တိုင်သတင်းစုံ ဂျာနယ်

ဥပဒေဘောင်အတွင်းသို့ ပြန်လည်ဝင်ရောက်လာသည့် PDF အမည်ခံအဖွဲ့ဝင် ၁၀ ဦး တို့အား မိဘအုပ်ထိန်းသူများထံသို့ စနစ်တကျ ပြန်လည်လွှဲပြောင်းပေးအပ် နေပြည်တော်၊ ၂၀၂၆ အောက်တိုဘာ ၉ #SN

အွန်လိုင်းလိမ်လည်မှု (Telecom Fraud) နှင့်  ဒုစရိုက်မှုလုပ်ငန်းများတွင် ဆက်စပ်ပါဝင်ခဲ့ကြသည့်  ထိုင်းနိုင်ငံသား လေး ဦးအား သက်ဆိုင်ရာနိုင်ငံသို့  ထပ်မံလွှဲပြောင်းပေးအပ်နိုင်ခဲ့ပြီး ပြည်ပနိုင်ငံသား ၂၂ ဦး ထပ်မံဖော်ထုတ်ထိန်းသိမ်းနိုင်ခဲ့ကာ ပြည်နှင်နိုင်ရေး စစ်ဆေးနိုင်ခဲ့ နေပြည်တော်၊ အောက်တိုဘာ ၉ #SN

ရွှေကုက္ကိုလ်နယ်မြေ ဒုတိယပိုင်းအတွင်းရှိ အွန်လိုင်းလိမ်လည်လောင်းကစားမှုကျူးလွန်ရာတွင် အသုံးပြုသည့် တရားမဝင်အဆောက်အအုံများအား စနစ်တကျဆက်လက်ဖြိုချဖျက်ဆီး နေပြည်တော်၊ ၂၀၂၆ အောက်တိုဘာလ ၉ ရက်

အစိုးရ၏ Online ဝန်ဆောင်မှုလုပ်ငန်းများ၊ ပုဂ္ဂလိက Online ဝန်ဆောင်မှုလုပ်ငန်းများနှင့် အများပြည်သူအသုံးပြုလျက်ရှိသော ပုဂ္ဂလိကဒီဂျစ်တယ် ငွေပေးချေမှုစနစ်တို့အပေါ် ဆိုက်ဘာတိုက်ခိုက်ခဲ့သူအား ဖမ်းဆီးရမိ #SittNaing

လူမှုကွန်ရက်ပေါ်တွင် တပ်မတော်သားတစ်ဦးကဲ့သို့ အယောင်ဆောင်ကာ ပြည်သူ့ စစ်မှုထမ်းများ ပြန်လည်ထုတ်ပေးနိုင်ကြောင်း လိမ်လည်ဖော်ပြ၍ ငွေကြေးလိမ်လည် နေသူများအား ဖမ်းဆီးရမိ #SittNaing

အဆိုတော် ဆက်နိုင် အသတ်ခံရသေဆုံးသည်ဆိုသည့် သတင်းမှား၊ နေအိမ်သို့ အသက်ရှင်လျက် ပြန်ရောက်လာ မန္တလေး၊ အောက်တိုဘာ ၉ အဆိုတော် ဆက်နိုင် အသတ်ခံရပြီး သေဆုံးသွားပြီဆိုသည့် သတင်းများသည် မှားယွင်းကြောင်းနှင့် ၎င်းသည် နေအိမ်သို့ အသက်ရှင်လျက် ပြန်လည်ရောက်ရှိနေပြီဖြစ်ကြောင်း မန္တလေးတိုင်းဒေသကြီးရဲတပ်ဖွဲ့က အောက်တိုဘာ ၉ ရက် ညပိုင်းတွင် အတည်ပြုပြောကြားသည်။ အဆိုတော် ဆက်နိုင် အသတ်ခံရသည်ဆိုသည့် သတင်းများသည် အောက်တိုဘာ ၉ ရက် နံနက်ပိုင်းမှစတင်၍ လူမှုကွန်ရက်ပေါ်တွင် ပျံ့နှံ့ခဲ့ခြင်းဖြစ်ပြီး အဆိုပါသတင်းနှင့်ပတ်သက်၍ ရဲတပ်ဖွဲ့က စုံစမ်းရှာဖွေမှုများ ပြုလုပ်ခဲ့သည်။ ရဲတပ်ဖွဲ့၏ ပြောကြားချက်အရ တံတားဦးမြို့နယ်တွင် နေထိုင်သည့် အဆိုတော် ဆက်နိုင်သည် အောက်တိုဘာ ၇ ရက်က နေအိမ်မှ ပျောက်ဆုံးခဲ့ခြင်းဖြစ်ပြီး အောက်တိုဘာ ၉ ရက် ညနေ ၆ နာရီ ၂၀ မိနစ်တွင် ၎င်း၏နေအိမ်သို့ ပြန်လည်ရောက်ရှိလာခဲ့ကြောင်း သိရသည်။ လက်ရှိတွင် ၎င်းနေအိမ်မှ ပျောက်ဆုံးခဲ့ရသည့် အကြောင်းရင်းနှင့် အဆက်အသွယ်ပြတ်တောက်ခဲ့ရသည့် အခြေအနေများကို ရဲတပ်ဖွဲ့က ဆက်လက်စစ်ဆေးဆောင်ရွက်လျက်ရှိကြောင်း သိရသည်။ #SittNaing

ရှေ့တန်းပြန်တပ်မတော်သားများအား အောင်သပြေပန်းများဖြင့် ဂုဏ်ပြုကြိုဆို အောက်တိုဘာ ၉ နိုင်ငံတော်တည်ငြိမ်ရေးနှင့် နယ်မြေအေးချမ်းသာယာရေးအတွက် လုံခြုံရေးတာဝန်များ ထမ်းဆောင်ပြီး ပြန်လည်ရောက်ရှိလာသည့် ရှေ့တန်းပြန်တပ်မတော်သားများအား ဂုဏ်ပြုကြိုဆိုပွဲကို အနောက်တောင်တိုင်းစစ်ဌာနချုပ်ကွပ်ကဲမှုအောက်ရှိ နယ်မြေခံတပ်ရင်း၌ ကျင်းပခဲ့သည်။ အခမ်းအနားသို့ အနောက်တောင်တိုင်းစစ်ဌာနချုပ်တိုင်းမှူးနှင့် တာဝန်ရှိသူများ၊ ဌာနဆိုင်ရာတာဝန်ရှိသူများနှင့် ဒေသခံပြည်သူများ တက်ရောက်ကာ ရှေ့တန်းပြန်တပ်မတော်သားများအား အောင်သပြေပန်းများဖြင့် သောင်းသောင်းဖြဖြ ဂုဏ်ပြုကြိုဆိုခဲ့ကြသည်။ #SittNaing

မြန်မာ့ပေါ်ဆန်းဆန် ကမ္ဘာ့အကောင်းဆုံးဆန်ဆု (World’s Best Rice Award)  ရရှိခြင်းအတွက် ဂုဏ်ပြုသဝဏ်လွှာ ဖိလစ်ပိုင်နိုင်ငံ၊ မနီလာမြို့တွင် ကျင်းပသည့် International World Rice Conference 2026 ၌ မြန်မာနိုင်ငံ၏ အရည်အသွေးမြင့် ပေါ်ဆန်းဆန်သည် ကမ္ဘာ့အကောင်းဆုံးဆန်ဆု (World’s Best Rice Award) ကို ဒုတိယအကြိမ်မြောက် ထပ်မံဆွတ်ခူးရရှိခဲ့သည့်အတွက် အထူးဝမ်းမြောက် ဂုဏ်ယူမိပါသည်။ “မြန်မာ့ပေါ်ဆန်း တစ်ခေတ်ဆန်းရမည်”ဆိုသည့် စကားရပ်နှင့်အညီ မြန်မာ့ဆန်၏ အရည်အသွေး၊ အနံ့အရသာနှင့် ထူးခြားကောင်းမွန်မှုတို့ကို ကမ္ဘာက အသိအမှတ်ပြုခြင်း ဖြစ်သကဲ့သို့ မြန်မာနိုင်ငံ၏ ဂုဏ်သိက္ခာ နှင့် အမျိုးသားဂုဏ်ယူမှုကိုလည်း မြှင့်တင်ပေးနိုင်သည့် ထူးခြားသော အောင်မြင်မှုတစ်ရပ် ကို ဖော်ဆောင်နိုင်ခဲ့ကြသည့် မြန်မာ့ဆန်စပါး ကဏ္ဍမှ တောင်သူလယ်သမားများ၊ ဆန်စပါးထုတ်လုပ်သူများ၊ ဆန်စက်လုပ်ငန်းရှင်များ၊ ကုန်သည်များ၊ ပို့ကုန်လုပ်ငန်းရှင်များနှင့် သက်ဆိုင်ရာအဖွဲ့အစည်းများအားလုံးကို အထူးချီးကျူးဂုဏ်ပြုအပ် ပါသည်။ #SittNaing

နိုင်ငံတော်သမ္မတကြီးကို အင်ဒိုနီးရှားနဲ့ ဘရူနိုင်းနိုင်ငံတို့က တရားဝင် ဖိတ်ကြားမည်ဟု သိရှိရသည်။ Presiden akan diundang secara resmi oleh Indonesia dan Brunei Darussalam. #SittNaing

နိုင်ငံတော်သမ္မတကြီးကို အင်ဒိုနီးရှားနဲ့ ဘရူနိုင်းနိုင်ငံတို့က တရားဝင် ဖိတ်ကြားမည်ဟု သိရှိရသည်။ Presiden akan diundang secara resmi oleh Indonesia dan Brunei Darussalam. Presiden akan dijemput secara rasmi oleh Indonesia dan Brunei Darussalam. #SittNaing

ထားဝယ်ရိုးရာသပိတ်မျှောပွဲ အောင်မြင်စွာကျင်းပနိုင်ရေး လုပ်ငန်းညှိနှိုင်းအစည်းအဝေး ကျင်းပ ထားဝယ်၊ အောက်တိုဘာ ၉ ထားဝယ်ဒေသ၏ ရိုးရာယဉ်ကျေးမှုအမွေအနှစ်များကို ထိန်းသိမ်းမြှင့်တင်ပြီး ပွဲတော်ကို စနစ်တကျ၊ လုံခြုံချောမွေ့စွာ ကျင်းပနိုင်ရေးအတွက် ထားဝယ်ရိုးရာသပိတ်မျှောပွဲ အောင်မြင်စွာကျင်းပနိုင်ရေး လုပ်ငန်းညှိနှိုင်းအစည်းအဝေးကို ယနေ့နေ့လယ်ပိုင်းတွင် တိုင်းဒေသကြီးအစိုးရအဖွဲ့ရုံး အစည်းအဝေးခန်းမ၌ ကျင်းပခဲ့သည်။ အစည်းအဝေးတွင် ဝန်ကြီးချုပ်က ရိုးရာပွဲတော်များသည် ယဉ်ကျေးမှုအမွေအနှစ်များကို မျိုးဆက်တစ်ခုမှတစ်ခုသို့ လက်ဆင့်ကမ်းပေးသည့် လုပ်ငန်းစဉ်ဖြစ်သဖြင့် ခေတ်နှင့်အညီ ပြုပြင်မွမ်းမံမှုများ ပြုလုပ်ရာတွင်လည်း ရိုးရာ၏ အဓိကအနှစ်သာရနှင့် ယဉ်ကျေးမှုတန်ဖိုးများ မထိခိုက်စေရန် အလေးထားရမည်ဖြစ်ကြောင်း၊ လူငယ်များ ဒေသရိုးရာကို ပိုမိုသိရှိနားလည်ပြီး တက်ကြွစွာပါဝင်လာစေရေး ပညာပေးလုပ်ငန်းများ ဆောင်ရွက်ရန် လိုအပ်ကြောင်း ပြောကြားခဲ့သည်။ ထို့ပြင် ပွဲတော်ကျင်းပရေး ဦးစီးကော်မတီနှင့် ဆပ်ကော်မတီများအနေဖြင့် လက်တွေ့အကောင်အထည်ဖော်နိုင်မည့် လုပ်ငန်းစီမံချက်များ ချမှတ်ဆောင်ရွက်ရန်၊ ရေပြင်၊ ကမ်းနားနှင့် လူစုလူဝေးနေရာများတွင် လုံခြုံရေးစီမံချက်များ စနစ်တကျရေးဆွဲရန်၊ ရေယာဉ်များ၌ သက်ကယ်အင်္ကျီနှင့် ကယ်ဆယ်ရေးပစ္စည်းများ အသင့်ထားရှိရန်၊ ယာဉ်ကြောပိတ်ဆို့မှုမရှိစေရေးနှင့် အရေးပေါ်အခြေအနေများအတွက် မီးသတ်၊ ကျန်းမာရေးနှင့် ကယ်ဆယ်ရေးအဖွဲ့များ ပူးပေါင်းပြင်ဆင်ထားရန် မှာကြားခဲ့သည်။ ပွဲတော်တွင် အမှိုက်စွန့်ပစ်မှုနှင့် သိမ်းဆည်းမှုစနစ်များကို စနစ်တကျစီမံကာ သဘာဝပတ်ဝန်းကျင်နှင့် လိုက်လျောညီထွေရှိသော Green Event အဖြစ် ဖော်ဆောင်ရန်၊ MSME လုပ်ငန်းရှင်များ၊ ဒေသခံအသေးစားစီးပွားရေးလုပ်ငန်းရှင်များနှင့် လူငယ်များ ပါဝင်ခွင့်ရရှိစေခြင်းဖြင့် ယဉ်ကျေးမှု၊ လူမှုရေးနှင့် စီးပွားရေးတန်ဖိုးများကို မြှင့်တင်ကာ ယဉ်ကျေးမှုအခြေပြု ခရီးသွားလုပ်ငန်း ဖွံ့ဖြိုးတိုးတက်ရေး ဆောင်ရွက်ရန်လည်း ပြောကြားခဲ့သည်။ ထို့အပြင် ပွဲတော်၏ ပုံရိပ်ကောင်း၊ ရိုးရာယဉ်ကျေးမှုတန်ဖိုးနှင့် သမိုင်းနောက်ခံများကို ပြည်တွင်းပြည်ပခရီးသွားများနှင့် လူငယ်များ ကျယ်ကျယ်ပြန့်ပြန့် သိရှိစေရေးအတွက် သတင်းမီဒီယာများနှင့် ပူးပေါင်းကာ Digital Platform များမှတစ်ဆင့် စနစ်တကျ ကြော်ငြာမြှင့်တင်သွားရန် လိုအပ်ကြောင်း ပြောကြားခဲ့သည်။ အစည်းအဝေးသို့ အစိုးရအဖွဲ့ဝင်များ၊ ဌာနဆိုင်ရာတာဝန်ရှိသူများ၊ မြို့မိမြို့ဖများ၊ ယဉ်ကျေးမှုထိန်းသိမ်းစောင့်ရှောက်ရေးအဖွဲ့များ၊ လူမှုရေးအသင်းအဖွဲ့များ၊ စေတနာရှင်ပြည်သူများနှင့် ဖိတ်ကြားထားသော ဧည့်သည်တော်များ တက်ရောက်ခဲ့ကြသည်။ #SittNaing

ပြည်ထောင်စုတရားလွှတ်တော်ချုပ် တရားသူကြီးများ ခန့်အပ်တာဝန်ပေးခြင်း #SittNaing

ဗဟိုဘဏ် ဒု-ဥက္ကဌ တာဝန်မှ အနားယူခွင့်ပြု #SittNaing

ကျန်းမာရေးနှင့် ပညာရေးဝန်ကြီးဌာန မှ ဒု-ဝန်ကြီး နှစ်ဦး တာဝန်မှ အနားယူခွင့်ပြုလိုက်သည်။ #SittNaing

ကျန်းမာရေးဝန်ကြီးဌာန အပြောင်းအလဲဖြစ်ပေါ်၊ ဒေါက်တာသက်ခိုင်ဝင်းအား တာဝန်မှ အနားယူခွင့်ပြုခဲ့ပါတယ်။ #SittNaing

တိုင်းဒေသကြီးဝန်ကြီးချုပ် ကျောက်မျက်ခွဲခြားခြင်းပညာ အောင်လက်မှတ်သင်တန်းဆင်းပွဲ တက်ရောက်၊ ကျောင်းစာကြည့်တိုက်နှင့် ဆက်စပ်အဆောက်အဦများ ဆောက်လုပ်နေမှု ကြည့်ရှုစစ်ဆေး ထားဝယ်၊ အောက်တိုဘာ ၉ တနင်္သာရီတိုင်းဒေသကြီး၏ သဘာဝသယံဇာတများကို သိပ္ပံနည်းကျ၊ နည်းပညာအခြေပြုစနစ်ဖြင့် တန်ဖိုးမြှင့်အသုံးချနိုင်ရေးနှင့် လူ့စွမ်းအားအရင်းအမြစ်များ ဖွံ့ဖြိုးတိုးတက်လာစေရေး ရည်ရွယ်ဖွင့်လှစ်ခဲ့သည့် ကျောက်မျက်ခွဲခြားခြင်းပညာ အောင်လက်မှတ်သင်တန်း (၁/၂၀၂၆) အောင်လက်မှတ်ပေးအပ်ပွဲကို အောက်တိုဘာ ၉ ရက် နံနက်ပိုင်းတွင် ထားဝယ်တက္ကသိုလ် ဘက်စုံသုံးခန်းမ၌ ကျင်းပခဲ့ရာ တိုင်းဒေသကြီးဝန်ကြီးချုပ် တက်ရောက်အမှာစကားပြောကြားခဲ့သည်။ ဝန်ကြီးချုပ်က သဘာဝသယံဇာတများကို အပြည့်အဝတန်ဖိုးမြှင့်အသုံးချနိုင်ရန် ကျွမ်းကျင်သူများ လိုအပ်ကြောင်း၊ ကျောက်မျက်ခွဲခြားစစ်ဆေးရာတွင် တိကျမှန်ကန်မှု၊ ဘက်မလိုက်မှု၊ ပွင့်လင်းမြင်သာမှု၊ ကျင့်ဝတ်နှင့် တာဝန်ယူမှုတို့ကို အလေးထားရန်နှင့် အောင်လက်မှတ်ရရှိခြင်းကို လက်တွေ့လုပ်ငန်းခွင်၌ ပိုမိုတာဝန်ယူဆောင်ရွက်ရမည့် အစပြုခြင်းအဖြစ် ခံယူကြရန် သင်တန်းသားများအား တိုက်တွန်းပြောကြားခဲ့သည်။ ထို့ပြင် သယံဇာတထုတ်ယူသုံးစွဲမှုနှင့် သဘာဝပတ်ဝန်းကျင်ထိန်းသိမ်းမှုတို့ ဟန်ချက်ညီစေရန် လိုအပ်ကြောင်း၊ ကျောက်မျက်အရိုင်းများကို ခွဲခြားခြင်း၊ ဖြတ်တောက်ခြင်း၊ ပုံဖော်ခြင်းနှင့် လက်ဝတ်ရတနာအဖြစ် တန်ဖိုးမြှင့်ထုတ်လုပ်ခြင်းတို့ ဆောင်ရွက်နိုင်ပါက ဒေသခံလူငယ်များအတွက် အလုပ်အကိုင်နှင့် အသက်မွေးဝမ်းကျောင်းအခွင့်အလမ်းများ ပိုမိုရရှိလာနိုင်ကြောင်း ပြောကြားခဲ့သည်။ ယင်းနောက် ဝန်ကြီးချုပ်နှင့် တာဝန်ရှိသူများက သင်တန်းဆင်းအောင်လက်မှတ်များ ပေးအပ်ချီးမြှင့်ခဲ့ကြသည်။ ဆက်လက်၍ တိုင်းဒေသကြီးဝန်ကြီးချုပ်နှင့် တာဝန်ရှိသူများသည် ကျောင်းစာကြည့်တိုက်နှင့် ဆက်စပ်အဆောက်အဦများ ဆောက်လုပ်နေမှုကို မြေပြင်ကွင်းဆင်းကြည့်ရှုစစ်ဆေးခဲ့ပြီး သတ်မှတ်စံချိန်စံညွှန်းများနှင့်အညီ ဆောင်ရွက်ရန်၊ လုပ်ငန်းခွင်အန္တရာယ်ကင်းရှင်းရေးနှင့် သတ်မှတ်ကာလအတွင်း အချိန်မီပြီးစီးရေးတို့အတွက် လိုအပ်သည်များကို လမ်းညွှန်မှာကြားကာ ပေါင်းစပ်ညှိနှိုင်းဆောင်ရွက်ပေးခဲ့ကြောင်း သိရသည်။ #SittNaing

လင်းခေးမြို့တွင် ရှေ့တန်းပြန်တပ်မတော်သားများကို အောင်သပြေပန်းများဖြင့် ဂုဏ်ပြုကြိုဆို ခိုလမ်၊ အောက်တိုဘာ ၉ ရှမ်းပြည်နယ်(တောင်ပိုင်း)၊ လင်းခေးမြို့ရှိ နယ်မြေခံတပ်ရင်း၌ နိုင်ငံတော်တည်ငြိမ်ရေးနှင့် နယ်မြေအေးချမ်းသာယာရေးအတွက် စစ်ဆင်ရေးတာဝန်များ ထမ်းဆောင်ပြီး ပြန်လည်ရောက်ရှိလာသည့် ရှေ့တန်းပြန်တပ်မတော်သားများအား ဂုဏ်ပြုကြိုဆိုပွဲကို ယနေ့နံနက်ပိုင်းတွင် ကျင်းပခဲ့သည်။ အခမ်းအနားသို့ အရှေ့အလယ်ပိုင်းတိုင်းစစ်ဌာနချုပ် ဒုတိယတိုင်းမှူး ဗိုလ်မှူးကြီး အောင်ကျော်သက်နှင့် တာဝန်ရှိသူများ၊ ဌာနဆိုင်ရာတာဝန်ရှိသူများ၊ မြန်မာနိုင်ငံရဲတပ်ဖွဲ့ဝင်များ၊ ပြည်သူ့စစ်(ဌာနေ)တပ်ဖွဲ့ဝင်များနှင့် ဒေသခံတိုင်းရင်းသားပြည်သူများ တက်ရောက်ခဲ့ကြသည်။ ရှေ့တန်းစစ်မျက်နှာများတွင် တာဝန်ထမ်းဆောင်ခဲ့သည့် တပ်မတော်သားများကို အောင်သပြေခက်များဖြင့် ဂုဏ်ပြုကြိုဆိုခဲ့ကြသည့်အပြင် တိုင်းရင်းသားရိုးရာ အတီး၊ အမှုတ်၊ အကအခုန်များဖြင့်လည်း သောင်းသောင်းဖြဖြ ကြိုဆိုခဲ့ကြသည်။ ယင်းနောက် ဒုတိယတိုင်းမှူးက ဂုဏ်ပြုအမှာစကားပြောကြားပြီး ရှေ့တန်းပြန်တပ်မတော်သားများအား ဂုဏ်ပြုချီးမြှင့်ငွေများ ပေးအပ်ခဲ့ကြောင်း သိရသည်။ #SN

သဘာဝရေကန်အတွင်း ရေနစ်သေဆုံးသူအမျိုးသားတစ်ဦး၏ ရုပ်အလောင်းအားရှာဖွေတွေ့ရှိ ‎ ‎အောက်တိုဘာ ၉ ‎ ‎ရန်ကုန်တိုင်းဒေသကြီး၊ တွံတေးမြို့နယ်၊ ကျိုက်ကလဲကျေးရွာ၊ တွံတေး-ကော့မှူးလမ်းဘေးရှိ သဘာဝရေကန်တွင် အမျိုးသားတစ်ဦးရေနစ်သေဆုံးနေကြောင်း သတင်းရရှိသဖြင့် သက်ဆိုင်ရာ မီးသတ်တပ်ဖွဲ့ဝင်များက ရှာဖွေကယ်ဆယ်ရေးလုပ်ငန်းများ လုပ်ဆောင်ခဲ့ပြီး ရုပ်အလောင်းအား ဆေးရုံသို့ပို့ဆောင်ပေးခဲ့ကြောင်း သိရသည်။ ‎ဖြစ်စဉ်မှာ ယနေ့အောက်တိုဘာလ ၉ ရက်နေ့ နံနက် ၉ နာရီ ၄၄ မိနစ်အချိန်ခန့်တွင် တွံတေးမြို့နယ်၊ ကျိုက်ကလဲကျေးရွာ၊ တွံတေး-ကော့မှူးလမ်းဘေးရှိ သဘာဝရေကန်၌ အမျိုးသားတစ်ဦး ရေနစ်နေကြောင်းသတင်းအရ တွံတေးမြို့နယ်မီးသတ်စခန်းမှ တပ်ဖွဲ့ဝင်များသည် မီးသတ်ယာဉ်တစ်စီးဖြင့် အခင်းဖြစ်ပွားရာနေရာသို့ ချက်ချင်းသွားရောက်ကာ ရှာဖွေရေးလုပ်ငန်းများဆောင်ရွက်ခဲ့ကြသည်။ ထိုသို့ရှာဖွေကယ်ဆယ်ခဲ့ရာ မွန်းလွဲ ၁ နာရီ ၇ မိနစ်အချိန်တွင် ရေနစ်သေဆုံးနေသည့် အမျိုးသားတစ်ဦး၏ရုပ်အလောင်းအားရှာဖွေတွေ့ရှိခဲ့သည်။ ‎တွေ့ရှိရေနစ်သေဆုံးသူ၏ ရုပ်အလောင်းအား စိတ္တသုခပရဟိတအသင်း၏သူနာတင်ယာဉ်ဖြင့် တွံတေးမြို့နယ်ပြည်သူ့ဆေးရုံသို့ ပို့ဆောင်ပေးခဲ့ကြောင်း သိရှိရသည်။ #SittNaing ‎