UYFC Phnom Penh

ថ្នាក់ដឹកនាំ សមាជិក សមាជិកា និងក្រុមគ្រួសារ សហភាពសហព័ន្ធយុវជនកម្ពុជា រាជធានីភ្នំពេញ សូមអបអរសាទរ និងកោតសរសើរចំពោះ សមាជិក និងសមាជិកា ស.ស.យ.ក. រាជធានីភ្នំពេញ ក្នុងឱកាសទទួលបានអាហារូបករណ៍ និងការអនុញ្ញាតឱ្យចូលសិក្សាថ្នាក់បរិញ្ញាបត្រជាន់ខ្ពស់ នៅ សាលាគោលនយោបាយសាធារណៈលីក្វាន់យូ (Lee Kuan Yew School of Public Policy) នៃសាកលវិទ្យាល័យជាតិសឹង្ហបុរី (National University of Singapore) សម្រាប់ឆ្នាំសិក្សា ២០២៦ រួមមាន៖ - លោក ទេព ង៉ែតពិសាល ជំនាញ រដ្ឋបាលសាធារណៈ (Master in Public Administration) - កញ្ញា ភួង សុធារី ជំនាញ គោលនយោបាយសាធារណៈ (Master in Public Policy) - លោក គី ឌីបូមីង ជំនាញ កិច្ចការអន្តរជាតិ (Master in International Affairs) JOIN 🌐@UYFC Phnom Penh 🌐 | FACEBOOK 🌐 | TIKTOK

សូមអនុមោទនា ពិធី​សិត​ទៀន​ព្រះ​វស្សា 🙏🪷 ថ្ងៃពុធ ៨កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២២ ខែកក្កដា ឆ្នាំ២០២៦ JOIN 🌐@UYFC Phnom Penh 🌐 | FACEBOOK 🌐 | TIKTOK

📣ឱកាសអាហារូបករណ៍សហភាពសហព័ន្ធយុវជនកម្ពុជា រាជធានីភ្នំពេញ ចំនួន ៣១៤ កន្លែង សម្រាប់ឆ្នាំសិក្សា ២០២៦–២០២៧ ស.ស.យ.ក. រាជធានីភ្នំពេញ នឹងផ្តល់ជូនអាហារូបករណ៍ ១០០% ចំនួន ៣១៤កន្លែង សម្រាប់ឆ្នាំសិក្សា ២០២៦-២០២៧ សម្រាប់ការសិក្សាថ្នាក់ បរិញ្ញាបត្ររង បរិញ្ញាបត្រ និងបរិញ្ញាបត្រជាន់ខ្ពស់ ទៅលើមុខជំនាញជាច្រើន នៅតាមបណ្តាគ្រឹះស្ថានសិក្សារដ្ឋ និងឯកជនជាដៃគូរួមមាន៖ - សាកលវិទ្យាល័យភូមិន្ទភ្នំពេញ - សាកលវិទ្យាល័យជាតិគ្រប់គ្រង - សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច - សាកលវិទ្យាល័យអាមេរិកាំងភ្នំពេញ - សាកលវិទ្យាល័យភូមិន្ទកសិកម្ម - វិទ្យាស្ថានខ្មែរជំនាន់ថ្មី 🔗 តំណភ្ជាប់សម្រាប់ពាក្យស្នើសុំអាហារូបករណ៍ https://drive.google.com/drive/folders/1Uqf0q3S8Jo4wvsW-mH9l2U36_vBDFFP2?usp=sharing 🔗 តំណភ្ជាប់សម្រាប់ដាក់ពាក្យស្នើសុំអាហារូបករណ៍ https://forms.gle/q2SeDVSCmoMEe8sL6 JOIN 🌐@UYFC Phnom Penh 🌐 | FACEBOOK 🌐 | TIKTOK

ក្រោមកិច្ចសហការរវាង សហភាពសហព័ន្ធយុវជនកម្ពុជា រាជធានីភ្នំពេញ និង IDP Education កម្មវិធី «សាបព្រោះគ្រាប់ពូជ» នៃ ស.ស.យ.ក. រាជធានីភ្នំពេញ បានចូលរួមផ្សព្វផ្សាយ និងផ្តល់ព័ត៌មានអំពីកម្មវិធីអាហារូបករណ៍របស់ ស.ស.យ.ក. រាជធានីភ្នំពេញ ក្នុងពិព័រណ៍ការសិក្សានៅប្រទេសអូស្ត្រាលី Study in Australia Fair នៅមជ្ឈមណ្ឌលពិព័រណ៍ និងសន្និបាតកោះពេជ្រ នាថ្ងៃទី១១ ខែកក្កដា ឆ្នាំ២០២៦។ ជាមួយគ្នានេះ IDP Education នឹងបន្តរៀបចំពិព័រណ៍ការសិក្សានៅប្រទេសអូស្ត្រាលី Study in Australia Fair នៅខេត្តសៀមរាប នារសៀលនេះផងដែរ 🗓️ ថ្ងៃអាទិត្យ ទី១២ ខែកក្កដា ឆ្នាំ២០២៦ ⏰ ចាប់ពីម៉ោង ២ រសៀល ដល់ ៦ ល្ងាច 📍 សណ្ឋាគារសុខាអង្គរ ខេត្តសៀមរាប 🎟️ ចូលរួមដោយសេរី ដើម្បីទទួលបានព័ត៌មានបន្ថែមអំពីកម្មវិធីអាហារូបករណ៍របស់ ស.ស.យ.ក. រាជធានីភ្នំពេញ សូមតាមដានទំព័រហ្វេសប៊ុក «សាបព្រោះគ្រាប់ពូជ» និងទំព័រហ្វេសប៊ុក «សហភាពសហព័ន្ធយុវជនកម្ពុជារាជធានីភ្នំពេញ»។ JOIN 🌐@UYFC Phnom Penh 🌐 | FACEBOOK 🌐 | TIKTOK

ស.ស.យ.ក. រាជធានីភ្នំពេញ សហការជាមួយអង្គការមូលនិធិសប្បុរសធម៌ ឆឺជី បានចូលរួមលើកកម្ពស់ជីវភាពរស់នៅរបស់បុគ្គលិកជាប់កិច្ចសន្យានៃមន្ទីរសាធារណការ និងដឹកជញ្ជូនរាជធានីភ្នំពេញ ដែលបានចូលរួមយ៉ាងសកម្មក្នុងការថែរក្សាសោភ័ណភាពសាធារណៈ។ JOIN 🌐@UYFC Phnom Penh 🌐 | FACEBOOK 🌐 | TIKTOK

១១ កក្កដា ទិវាជាតិប្រជាជន និងប្រជាជនពិភពលោក - Population Day and World population day រៀងរាល់ឆ្នាំនៅថ្ងៃទី១១ ខែកក្កដា គេតែងតែប្រារព្ធទិវាជាតិប្រជាជន និងប្រជាជនពិភពលោក ដែលទិវានេះ ត្រូវបានបង្កើតឡើងដោយអង្គការសហប្រជាជាតិ និងត្រូវបានកំណត់យកជាទិវាជាតិដោយរដ្ឋាលភិបាលកម្ពុជា ដើម្បីលើកកម្ពស់ការយល់ដឹងអំពីបញ្ហារបស់ប្រជាជនទាំងនៅកម្ពុជា និងទូទាំងពិភពលោក។ JOIN 🌐@UYFC Phnom Penh 🌐 | FACEBOOK 🌐 | TIKTOK

ថ្ងៃនេះ គឺជាខួបលើកទី១ នៃការចុះ «បូជនីយដ្ឋានចងចាំនៃកម្ពុជា៖ ពីទីតាំងឧក្រិដ្ឋកម្មមកជាមណ្ឌលផ្សះផ្សា និងសន្តិភាព» ក្នុងបញ្ជីបេតិកភណ្ឌពិភពលោករបស់អង្គការយូណេស្កូ ១១ កក្កដា ២០២៥ – ១១ កក្កដា ២០២៦ «បូជនីយដ្ឋានចងចាំនៃកម្ពុជា» ដែលរួមមាន អតីតមន្ទីរឃុំឃាំង ម-១៣ សារមន្ទីរឧក្រិដ្ឋកម្មប្រល័យពូជសាសន៍ទួលស្លែង និងមជ្ឈមណ្ឌលប្រល័យពូជសាសន៍ជើងឯក គឺជាសក្ខីភាពនៃសោកនាដកម្មដែលប្រជាជាតិកម្ពុជាបានឆ្លងកាត់ក្រោមរបបប្រល័យពូជសាសន៍។ បន្ទាប់ពីការរំដោះប្រទេសចេញពីរបបខ្មែរក្រហម និងតាមរយៈការអនុវត្តដោយជោគជ័យនៃនយោបាយឈ្នះ-ឈ្នះ ក្រោមការផ្តួចផ្តើម និងដឹកនាំរបស់ សម្តេចអគ្គមហាសេនាបតីតេជោ ហ៊ុន សែន កម្ពុជា បានសម្រេចបាននូវការផ្សះផ្សាជាតិ បង្រួបបង្រួមជាតិ កសាងសន្តិភាព និងប្រែក្លាយទីតាំងនៃសោកនាដកម្មឱ្យទៅជានិមិត្តរូបនៃការចងចាំ ការអប់រំ និងសន្តិភាពសម្រាប់មនុស្សជាតិ។ នៅថ្ងៃទី១១ ខែកក្កដា ឆ្នាំ២០២៥ គណៈកម្មាធិការបេតិកភណ្ឌពិភពលោក បានសម្រេចជាឯកច្ឆន្ទចុះ «បូជនីយដ្ឋានចងចាំនៃកម្ពុជា៖ ពីទីតាំងឧក្រិដ្ឋកម្មមកជាមណ្ឌលផ្សះផ្សា និងសន្តិភាព» ក្នុងបញ្ជីបេតិកភណ្ឌពិភពលោក នាសម័យប្រជុំលើកទី៤៧ នៅទីក្រុងប៉ារីស សាធារណរដ្ឋបារាំង។ JOIN 🌐@UYFC Phnom Penh 🌐 | FACEBOOK 🌐 | TIKTOK

អបអរសាទរ ខួបលើកទី៩ តំបន់ប្រាសាទសំបូរព្រៃគុក ត្រូវបានចុះក្នុងបញ្ជីបេតិកភណ្ឌពិភពលោក របស់អង្គការយូណេស្កូ ៨ កក្កដា ២០១៧- ៨ កក្កដា ២០២៦ តំបន់ប្រាសាទសំបូរព្រៃគុក គឺជាអតីតរាជធានីឦសានបុរៈ នៃអាណាចក្រចេនឡាដែលមានវឌ្ឍនភាពក្នុងចន្លោះចុងស.វ.ទី៦ ដើមស.វ.ទី៧ ដល់សតវត្សទី១១នៃគ.ស កសាងឡើងដោយព្រះបាទឥសានវរ្ម័នទី១។ តំបន់ប្រាសាទសំបូរព្រៃគុក ចែកចេញជាក្រុមប្រាសាទ៤ធំៗគឺ ក្រុមប្រាសាទខាងជើង (ប្រាសាទសំបូរ) ប្រាសាទកណ្តាល (ប្រាសាទតោ) ប្រាសាទខាងត្បូង (ប្រាសាទយាយព័ន្ធ) និងប្រាសាទក្រោលមាស។ តំបន់ប្រាសាទសំបូរព្រៃគុក ត្រូវបានសម្រេចដាក់បញ្ចូលក្នុងបញ្ជីសម្បត្តិបេតិកភណ្ឌពិភពលោក នៅក្នុងកិច្ចប្រជុំកំពូលលើកទី៤១ នៃគណៈកម្មាធិការបេតិកភណ្ឌពិភពលោក នាថ្ងៃទី០៨ ខែកក្កដា ឆ្នាំ២០១៧ នៅទីក្រុងក្រាកូហ្វ ប្រទេសប៉ូឡូញ។ JOIN 🌐@UYFC Phnom Penh 🌐 | FACEBOOK 🌐 | TIKTOK

អបអរសាទរ ខួបលើកទី១៨ នៃការចុះបញ្ជីប្រាសាទព្រះវិហារ ក្នុងបញ្ជីបេតិកភណ្ឌពិភពលោករបស់អង្គការយូណេស្កូ (៧ កក្កដា ២០០៨ – ៧ កក្កដា ២០២៦) ប្រាសាទព្រះវិហារ ត្រូវបានកសាងឡើងចាប់ពីសតវត្សទី៩ និងបញ្ចប់នៅដើមសតវត្សទី១២ ក្នុងសម័យមហានគរ ស្ថិតលើកំពូលភ្នំព្រះវិហារនៃជួរភ្នំដងរែក ដែលមានអាយុកាលជាងមួយពាន់ឆ្នាំ និងត្រូវបានចាត់ទុកជាទីសក្ការៈដ៏ពិសិដ្ឋរបស់ប្រជាជនខ្មែរគ្រប់សម័យកាល។ ដោយសារតម្លៃដ៏វិសេសវិសាលនៃស្ថាបត្យកម្ម និងកេរដំណែលអរិយធម៌ដ៏ឆ្នើម ប្រាសាទព្រះវិហារ បានក្លាយជាកម្មវត្ថុនៃការទន្ទ្រាន និងវិវាទអធិបតេយ្យជាច្រើនលើក។ ដើម្បីការពារសិទ្ធិស្របច្បាប់របស់ជាតិ កម្ពុជាបានដាក់ពាក្យបណ្ដឹងទៅកាន់តុលាការយុត្តិធម៌អន្តរជាតិ (ICJ) នាទីក្រុងឡាអេ នៅថ្ងៃទី៦ ខែតុលា ឆ្នាំ១៩៥៩។ ក្រោមព្រះរាជបូជនីយកិច្ចដ៏ឧត្តុង្គឧត្តម និងព្រះរាជបញ្ញាញាណដ៏ខ្ពង់ខ្ពស់របស់ព្រះករុណា ព្រះបាទសម្ដេចព្រះនរោត្តម សីហនុ ព្រះបរមរតនកោដ្ឋ កម្ពុជាទទួលបានជ័យជម្នះជាប្រវត្តិសាស្ត្រ ដោយតុលាការចេញសាលក្រមនៅថ្ងៃទី១៥ ខែមិថុនា ឆ្នាំ១៩៦២ ទទួលស្គាល់ថា ប្រាសាទព្រះវិហារ ស្ថិតក្រោមអធិបតេយ្យភាពរបស់ព្រះរាជាណាចក្រកម្ពុជា។ ហើយនាថ្ងៃទី៧ ខែកក្កដា ឆ្នាំ២០០៨ គណៈកម្មាធិការបេតិកភណ្ឌពិភពលោកនៃអង្គការយូណេស្កូ បានសម្រេចចុះបញ្ជីប្រាសាទព្រះវិហារ ជាសម្បត្តិបេតិកភណ្ឌពិភពលោក ក្នុងសម័យប្រជុំលើកទី៣២ ដែលប្រារព្ធឡើងនៅទីក្រុងកេបិច ប្រទេសកាណាដា។ ការចុះបញ្ជីប្រាសាទព្រះវិហារក្នុងបញ្ជីបេតិកភណ្ឌពិភពលោក គឺជាសមិទ្ធផលប្រវត្តិសាស្ត្រដ៏ឧត្តុង្គឧត្តម ដែលបញ្ជាក់ពីតម្លៃជាសកលនៃសម្បត្តិបេតិកភណ្ឌវប្បធម៌ខ្មែរ និងពង្រឹងការទទួលស្គាល់ជាអន្តរជាតិចំពោះប្រាសាទព្រះវិហារ ជាបេតិកភណ្ឌរបស់ព្រះរាជាណាចក្រកម្ពុជា ស្របតាមច្បាប់អន្តរជាតិ និងសាលក្រមរបស់តុលាការយុត្តិធម៌អន្តរជាតិ។ កម្ពុជាសូមប្រកាសថ្កោលទោសយ៉ាងដាច់អហង្ការចំពោះការវាយប្រហារដោយអាវុធធុនធ្ងន់លើប្រាសាទព្រះវិហារ ដែលជាសម្បត្តិបេតិកភណ្ឌពិភពលោករបស់អង្គការយូណេស្កូ បណ្តាលឱ្យរងការខូចខាតយ៉ាងធ្ងន់ធ្ងរ នៅក្នុងសង្គ្រាមឈ្លានពានកងទ័ពថៃទាំងពីរលើកក្នុងឆ្នាំ២០២៥។ ទង្វើនេះមិនត្រឹមតែរំលោភបំពានលើអធិបតេយ្យភាព និងបូរណភាពទឹកដីរបស់កម្ពុជាប៉ុណ្ណោះទេ ប៉ុន្តែថែមទាំងជាការរំលោភបំពានយ៉ាងធ្ងន់ធ្ងរលើច្បាប់អន្តរជាតិ និងគោលការណ៍នៃការការពារបេតិកភណ្ឌវប្បធម៌ពិភពលោក។ JOIN 🌐@UYFC Phnom Penh 🌐 | FACEBOOK 🌐 | TIKTOK

🎊 អបអរសាទរ ខួបលើកទី៧៥ នៃការចូលជាសមាជិកអង្គការយូណេស្កូរបស់ព្រះរាជាណាចក្រកម្ពុជា (៣ កក្កដា ១៩៥១ – ៣ កក្កដា ២០២៧) 🎉🇰🇭 ចាប់តាំងពីបានចូលជាសមាជិកអង្គការយូណេស្កូ កម្ពុជាសម្រេចបានសមិទ្ធផលជាប្រវត្តិសាស្ត្រក្នុងការចុះបញ្ជីសម្បត្តិបេតិកភណ្ឌពិភពលោក ដោយមានសម្បត្តិបេតិកភណ្ឌរូបីចំនួន ៥ សម្បត្តិបេតិកភណ្ឌវប្បធម៌អរូបីចំនួន ៧ និងឯកសារក្នុងបញ្ជីស្មារតីចងចាំនៃពិភពលោកចំនួន ៣។ សមិទ្ធផលទាំងនេះ មិនត្រឹមតែជាការទទួលស្គាល់តម្លៃជាសកលនៃអរិយធម៌ និងវប្បធម៌ខ្មែរប៉ុណ្ណោះទេ ប៉ុន្តែថែមទាំងឆ្លុះបញ្ចាំងពីការប្តេជ្ញាចិត្តក្នុងការអភិរក្ស លើកតម្កើង និងបន្តមរតកវប្បធម៌ដ៏ថ្លៃថ្លារបស់ដូនតា សម្រាប់ជាមោទនភាពជាតិ និងជាកេរដំណែលដ៏មានតម្លៃសម្រាប់មនុស្សជំនាន់ក្រោយ។ JOIN 🌐@UYFC Phnom Penh 🌐 | FACEBOOK 🌐 | TIKTOK

📣 ពិព័រណ៍ការសិក្សានៅប្រទេសអូស្ត្រាលីរៀបចំដោយស្ថាប័ន IDP Education និងគាំទ្រដោយស្ថានទូតអូស្ត្រាលីប្រចាំនៅកម្ពុជា 🎓✍️📚 ជួបប្រឹក្សាផ្ទាល់ជាមួយតំណាងមកពីស្ថាប័នអប់រំកម្រិតពិភពលោកនៅប្រទេសអូស្ត្រាលី ដើម្បីស្វែងយល់ពីជម្រើសសិក្សា និងព័ត៌មានអាហារូបករណ៍។ ចុះឈ្មោះចូលរួមដោយឥតគិតថ្លៃ៖ https://infosession.idpevent.org/Reg?id=53 📍 ភ្នំពេញ ថ្ងៃសៅរ៍ ទី១១ ខែកក្កដា ឆ្នាំ២០២៦ ម៉ោង ៩:០០ ព្រឹក–៣:០០ រសៀល មជ្ឈមណ្ឌលសន្និបាត និងពិព័រណ៍កោះពេជ្រ (អគារ A-B) 📍 សៀមរាប ថ្ងៃអាទិត្យ ទី១២ ខែកក្កដា ឆ្នាំ២០២៦ ម៉ោង ២:០០–៦:០០ ល្ងាច សណ្ឋាគារ សុខា អង្គរ JOIN 🌐@UYFC Phnom Penh 🌐 | FACEBOOK 🌐 | TIKTOK

ក្ដីស្រឡាញ់ និងការយកចិត្តទុកដាក់របស់បងប្រុសចំពោះប្អូនស្រី គឺជាកម្លាំងចិត្តដ៏ធំ… 🥰 ថ្ងៃទី២៨ ខែមិថុនា ឆ្នាំ២០២៦, ព្រឹត្តិការណ៍ប្រកួតកីឡាចម្រុះ លើកទី១ ឆ្នាំ ២០២៦ តំណតេលេក្រាម៖ 👉 https://t.me/uyfc_pp JOIN 🌐@UYFC Phnom Penh 🌐 | FACEBOOK 🌐 | TIKTOK

🎓ពិព័រណ៍ការសិក្សា និងអាហារូបករណ៍នៅប្រទេសនូវែលហ្សេឡង់ និងប្រទេសអូស្រ្តាលី ✨អត្ថប្រយោជន៍ដែលអ្នកទទួលបាន៖ ✅ការប្រឹក្សាយោបល់ដោយឥតគិតថ្លៃ ✅ស្វែងយល់ពីការចូលរៀន និងអាហារូបករណ៍ ✅ព័ត៌មានអំពីការរស់នៅ និងសិក្សានៅ នូវែលហេ្សឡង់​ និង​​អូស្ត្រាលី 🗓 ថ្ងៃទី៤ ខែកក្កដា ឆ្នាំ២០២៦ 🕑 ម៉ោង ១:០០– ៥:០០ រសៀល 📍 ទីតាំង៖ អគារ GIA TOWER ជាន់ទី៣៨ (Sky Hall) 🎟 ចូលរួមដោយសេរី 📌 តោះ! ធ្វើការចុះឈ្មោះចូលរួមសិក្ខាសាលាតាមតំណភ្ជាប់ខាងក្រោមនេះ៖ 🔗 https://forms.cloud.microsoft/r/YHbW2tynb3 ☎️ 023 902 903 | 017 54 83 54 | 081 63 63 60 JOIN 🌐@UYFC Phnom Penh 🌐 | FACEBOOK 🌐 | TIKTOK

លោកជំទាវបណ្ឌិត ពេជ ចន្ទមុន្នី៖ «សូមរៀនឱ្យចេះ និងបន្តរៀនសូត្រជាប់ជាប្រចាំ ចំណេះដឹងគឺជាទ្រព្យមិនចេះរីងស្ងួត» ✍️📚 ពិធីបើក «ពិព័រណ៍ជំនាញសិក្សា និងការងារឆ្នាំ២០២៦» ក្រោមប្រធានបទ “អាជីពក្នុងអន្តរកាល” នៅវិទ្យាស្ថានជាតិបច្ចេកវិទ្យាកម្ពុជា, ថ្ងៃទី២៨ ខែមិថុនា ឆ្នាំ២០២៦ JOIN 🌐@UYFC Phnom Penh 🌐 | FACEBOOK 🌐 | TIKTOK

💡៣ ចំណុចសំខាន់ដែលបេក្ខជនប្រឡងបាក់ឌុបគួរយកចិត្តទុកដាក់មុនថ្ងៃប្រឡង ✍️📚 ១. រក្សាស្មារតីឱ្យនឹងនរ និងចៀសវាងការដាក់សម្ពាធលើខ្លួនឯង ២. ថែទាំសុខភាព និងសម្រាកឱ្យបានគ្រប់គ្រាន់ ៣. រៀបចំសម្លៀកបំពាក់ ប័ណ្ណសម្គាល់បេក្ខជន និងសម្ភារចាំបាច់សម្រាប់ការប្រឡងឱ្យបានរួចរាល់ JOIN 🌐@UYFC Phnom Penh 🌐 | FACEBOOK 🌐 | TIKTOK

អាណាព្យាបាល និងកូនៗជាង ១ពាន់នាក់ កំពុងចូលរួមព្រឹត្តិការណ៍ប្រកួតកីឡាចម្រុះ លើកទី១ ឆ្នាំ ២០២៦ ព្រឹត្តិការណ៍ប្រកួតកីឡាចម្រុះ លើកទី១ ឆ្នាំ ២០២៦ បង្កើតឡើងដោយរួមមាន ៥ប្រភេទកីឡាផ្សេងៗគ្នា ដូចជា កីឡាបាល់ទាត់, កីឡាឡើងភ្នំ, កីឡាវាយសី, កីឡាវាយកូនឃ្លីលើតុ និងកីឡាតេក្វាន់-ដូ ដែលកំពុងធ្វើឡើងនៅអគារខេមរានី នៃសហភាពសហព័ន្ធយុវជនកម្ពុជារាជធានីភ្នំពេញ។ JOIN 🌐@UYFC Phnom Penh 🌐 | FACEBOOK 🌐 | TIKTOK

លោកជំទាវ សេង សុមេត្តា អនុប្រធានសហភាពសហព័ន្ធយុវជនកម្ពុជា រាជធានីភ្នំពេញ បានថ្លែងកោតសរសើរ និងវាយតម្លៃខ្ពស់ចំពោះសមត្ថភាព​ និងចំណេះដឹងផ្នែកបច្ចេកវិទ្យា ព្រមទាំងស្មារតីសាមគ្គីភាព និងភាពច្នៃប្រតិដ្ឋក្នុងការធ្វើការងារជាក្រុមរបស់ប្អូនៗសិស្សានុសិស្ស។ ក្នុងឱកាសនោះ លោកជំទាវក៏បានផ្តល់អនុសាសន៍លើកទឹកចិត្តឱ្យសិស្សានុសិស្សតម្រង់ទិសការសិក្សានៅថ្នាក់ឧត្តមសិក្សា ដោយជ្រើសរើសជំនាញឱ្យស្របតាមនិន្នាការវិវត្តយ៉ាងឆាប់រហ័សរបស់ពិភពលោក ជាពិសេសការអភិវឌ្ឍនៃបច្ចេកវិទ្យាបញ្ញាសិប្បនិម្មិត AI ដើម្បីពង្រឹងសមត្ថភាពប្រកួតប្រជែង និងឆ្លើយតបនឹងតម្រូវការនៃទីផ្សារការងារនាពេលអនាគត។ ជាមួយគ្នានេះ លោកជំទាវក៏បានគូសបញ្ជាក់ អំពីសារៈសំខាន់នៃការថែរក្សាសុខភាព ដោយប្រកាន់ខ្ជាប់នូវការទទួលទានអាហារប្រកបដោយអនាម័យ មានតុល្យភាព និងសម្បូរជីវជាតិ ដើម្បីលើកកម្ពស់សុខុមាលភាព កម្លាំងកាយមាំមួន និងការសិក្សាប្រកបដោយប្រសិទ្ធភាព។ កម្មវិធីប្រកួតរ៉ូបូត និងពិព័រណ៍បច្ចេកវិទ្យា និងនវានុវត្តន៍ លើកទី៤ រៀបចំឡើងដោយ Robothink និង TechBot Cambodia, ថ្ងៃទី២៧ ខែមិថុនា ឆ្នាំ២០២៦ JOIN 🌐@UYFC Phnom Penh 🌐 | FACEBOOK 🌐 | TIKTOK

ស.ស.យ.ក. រាជធានីភ្នំពេញ ចាប់ដៃជាមួយអត្តពលិកពិការដើម្បីកីឡាបាល់បោះរទេះជនពិការកម្ពុជា ស្មារតីកីឡានាំមកនូវសាមគ្គីភាព ភាតរភាព និងសុខភាព ដែលជាបេសកកម្ម និងចក្ខុវិស័យរបស់កម្មវិធីកីឡា ស.ស.យ.ក. រាជធានីភ្នំពេញ តែងតែផ្តោតយកចិត្តទុកដាក់ និងអនុវត្តជាប់ជាប្រចាំ។ JOIN 🌐@UYFC Phnom Penh 🌐 | FACEBOOK 🌐 | TIKTOK

លោកជំទាវបណ្ឌិត ពេជ ចន្ទមុន្នី៖ «ទោះបីជាក្មួយៗ រៀនដល់ណាក៏ដោយ មានចំណេះដឹងខ្ពង់ខ្ពស់យ៉ាងណាក៏ដោយ ប៉ុន្តែបើក្មួយគ្មានសុជីវធម៌ គ្មានគុណធម៌ ហើយក្មួយគ្មានមេត្តាធម៌ក្នុងខ្លួនទេ គ្មានអ្នកណាគេគោរពក្មួយនោះទេ» សីលធម៌ គុណធម៌ សុជីវធម៌ និងមេត្តាធម៌ គឺជាសម្ផស្ស និងជាគុណតម្លៃស្នូលរបស់មនុស្សដែលត្រូវប្រកាន់ខ្ជាប់ឱ្យបានមុតមាំ។ JOIN 🌐@UYFC Phnom Penh 🌐 | FACEBOOK 🌐 | TIKTOK

សូមអបអរសាទរដល់ប្អូនៗ ដែលជាជ័យលាភី ទាំង១២៥០នាក់ នៃកម្មវិធី LINKER SCIENTIA CUP។ កម្មវិធីនេះបានផ្តល់ឱកាសឲ្យសិស្សានុសិស្សទូទាំងប្រទេសអាចចូលរួមប្រកួតប្រជែងដើម្បីវាស់ស្ទង់សមត្ថភាពរបស់ខ្លួនលើមុខវិជ្ជាវិទ្យាសាស្ត្រពិតចំនួន៤គឺ គណិតវិទ្យា រូបវិទ្យា គីមីវិទ្យា និងជីវវិទ្យា។ ទីស្តីការក្រសួងរៀបចំដែនដី នគរូបនីយកម្ម និងសំណង់, ថ្ងៃទី២១ ខែមិថុនា ឆ្នាំ២០២៦ JOIN 🌐@UYFC Phnom Penh 🌐 | FACEBOOK 🌐 | TIKTOK