قناة الكابتن مصعب الالوسي

🔴خطتك الذكية للبداية في عالم الرياضة واللياقة 🏋️‍♂️💪 إذا كنت في بداية مشوارك الرياضي، السر مو بالضغط على نفسك من أول يوم، السر في الاستمرارية والترتيب الصح! هذه 7 أساسيات تبني عليها تطورك وتضمن استمرارك بدون استسلام: 🔸حدد هدف واقعي: ابعد عن الأهداف الخيالية مثل خسارة 10 كيلو بشهر! الصواب هو خسارة أو زيادة من 1 إلى 2 كيلو شهرياً بشكل صحي وآمن. 🔸التدرج في الأيام: ابدأ بالتمرين مرتين إلى 3 مرات في الأسبوع فقط، عشان تبني عادة الرياضة بدون ما تحس بإجهاد مفاجئ. 🔸الوقت المعتدل: تمرّن من 10 إلى 15 دقيقة في البداية؛ الوقت القصير يخليك تستمر وما تحس بصعوبة أو ثقل التمرين. 🔸اختيار التكرارات المناسبة: ابدأ بتشغيل عضلاتك بتكرارات خفيفة (من 1 إلى 6 تكرارات) حتى يهيأ جسمك وتتجنب الإصابات. 🔸التدرج في الأوزان: ابدأ أول شهر بتمارين وزن الجسم، وبعدها ادخل أدوات المقاومة مثل الدامبلز أو أشرطة المقاومة (Resistance Bands). 🔸قياس التطور الصح: قلل من الاعتماد على الميزان لأنه يخدع! ركّز على قياسات الجسم (بالشريط) والصور قبل وبعد. 🔸ضبط التغذية والسعرات: 🔺خسارة الوزن: عجز 300 - 500 سعرة حرارية من احتياجك. 🔺زيادة الوزن: زيادة 500 - 800 سعرة حرارية فوق احتياجك. 🔺المحافظة: تناول نفس كمية السعرات الحرارية المقابلة لاحتياجك اليومي. ⚠️أكبر خطأ يقع فيه المبتدئ هو "الحماس الزائد" في أول أسبوع! التغيير الحقيقي يأتي من الخطوات الصغيرة المستمرة، مو من الجهد العالي المفاجئ اللي يتبعه انقطاع. خذ وقتك، اسمع لجسمك، وتذكر إن الاستمرارية هِيَ اللي تصنع الفرق. 💥

🔴التعرق هل كلما تعرق أكثر.. تحرق دهون أكثر؟ (الجواب راح يصدمك!) هواية من عدنا يبدلون ملابسهم مرتين بالتمرين من ورا العرق، ويعتقدون إن الدهون كاعد "تسيح" وتنزل ويه العرق! ⚠️الحقيقة المرة: العرق هو مجرد ماء وجسمك كاعد يفرزه حتى يبرد نفسه مو أكثر. يعني من تعرق، جسمك كاعد يسوي "تبريد ذاتي" مو كاعد يحرق شحم! ♦️لعد الدهون وين تروح؟ الدهون لما تنحرق، تطلع من جسمك عن طريق التنفس (النَفَس/الزفير) بنسبة 84%! والباقي يطلع ويا السوائل. 🔸الخلاصة: لا تنخدع بوزن الميزان اللي ينزل بعد التمرين مباشرة، هذا مجرد ماء وخسرتها وراح ترجع بس تشرب مي. الأساس بحرق الدهون هو عجز السعرات والتمرين الصح، مو كمية العرق! سؤال : "كم مرة لبست نايلون أو ملابس ثقيلة حتى تعرق بالجم؟ @mosaabayad

🔴 نظام الطيبات هواي تجيني رسائل وأسئلة بالخاص: "كابتن شنو رأيك بنظام الطيبات؟"، "صدك يضعف ويعالج الأمراض لو السالفة بيها كلاوات؟" اليوم راح نسولف بيه، ونخلي النقاط على الحروف. السالفة وما بيها، نظام الطيبات يعتمد على وجبتين، ويمنع هواي أكلات بحجة إنها "مو طيبات"، ويسمح بغيرها. الشي الوحيد الزين بي يخليك تقطع اللغف بين الوجبات، ويريح القولون شوية لأن يمنع بعض البقوليات، وبدايته راح تنزل وزن لأن طبيعي سعراتك قلت. ♦️بس تعالوا نحجي بالسلبيات (وهنا الطامة الكبرى): 🔸يمنع أكل رب العالمين الطبيعي: يمعودين النظام يمنع أغلب الخضروات والفواكه، وحتى الدجاج والألبان! لعد منين الجسم يجيب فيتامينات ومعادن؟ مناعة الجسم شلون؟ هاي كارثة صحية وتدمير للجسم على المدى البعيد. 🔸يشجع على الشكر والنشويات: النظام يتساهل مع السكريات والشاي أبو الشكر والخبز بكثرة! هذا الشي يلعب بهرمون الإنسولين طوبة، ويخليك دائماً جوعان وقابل لتخزين الدهون. 🔸تخسر عضلاتك مو دهونك: لأن مصادر البروتين بي محدودة والمسموح قليل، الوزن اللي راح تنزله أغلبه عضل وسوائل مو دهون. وتاليها؟ جسم مترهل، تعب مستمر، ووجه شاحب. 🔸حرمان وتطرف وما بي استمرارية: تكدر تلزم نفسك وتعيش بهالحرمان شهر أو شهرين؟ زين وراها؟ راح تضوج واطك روحك، وترجع تاكل الأخضر واليابس ويرجع وزنك دبل. 🔸كلام خالي من العلم: النظام مو مبني على أي أساس علمي أو طبي رصين، مجرد اجتهادات وتجارب شخصية تتسوق للناس على إنها سحر. 👈الزبدة يا أبطال: لا تدورون سحر ولا طرق ملتوية. أي نزول بالوزن يصير لسبب واحد بس: (عجز السعرات). 🟢تريد تنزل وزنك صح، تحافظ على صحتك، وتشد جسمك بدون حرمان؟ أكل من كلشي يفيدك باعتدال، دخل بروتينك صح، احسب سعراتك، والعب رياضة. غير هذا الحجي، مجرد تضييع وقت وصحة. أكو أحد بيكم مجربه وطاح بهالمطب؟ سولفولنا بالتعليقات خل نستفاد من تجاربكم! وسلامتكم ❤️ @mosaabayad

تريدي صدر مرفوع ؟ تعالي اقري اهم الخطوات للرفع و المحافظة من الترهل ✋ اهم شي لازم تعرفي انو الصدر بي هواي دهون و شوية عضل و غدد يعني دنتعامل وية دهون لذلك 👇 مقاس الحمالة 👌 لازم يكون مضبوط مية مية من ناحية حجم الثدي و من ناحية الحزام الي على الجذع لان اذا اقل رح يسبب نزول و اذا اكثر رح تستمتعي بدهون الظهر و خدود الابط تمارين الكارديو او القفز 🏃‍♀ لبسي حمالة عالية الدعم يعني متعرض الصدر لاهتزاز عالي ✋ حتة ميجي ترهل 😃 24 لازم تكوني لابسة الحمالة طول اليوم و تجنبي النوم على البطن للشد تمرني ٣ او ٤ مرات بالاسبوع فقط ☺️ #الكابتن_مصعب_الالوسي @mosaabayad

🔴| 10 نصائح للتخلص من آلام الظهر والكتفين . ـ〰〰〰〰〰 💢⇇ربما لا يوجد أسوأ من آلام الظهر ، خاصة أنها تمنعك من فعل أي شيء آخر سوى الشعور بالألم ،▧⇇وتحدث عادة نتيجة لسوء وضع الوقوف أو الجلوس 👈 أو بسبب صدمة بسيطة بسبب ممارسة التمارين الرياضية أو لعب الرياضات المختلفة، لذلك إليك بعض النصائح التي تساعدك في التخلص من تلك الآلام. 1⃣-تغيير روتين العمل اليومي، فعادة ما تحدث آلام الظهر نتيجة الحركات المتكررة في العمل، فلابد من الحصول على بعض الأيام للراحة، وكسر هذا الروتين. 2⃣-الراحة التامة في السرير ليست بالفكرة الجيدة لأي نوع من أنواع ألم الظهر، لأن بعض الحركات حتى المشي البسيط مطلوبة لتحفيز جريان الدم. 3⃣-اجلس باعتدال ولا تحدّب جسمك أو تميل إلى جانب واحد بشكل مبالغ. 4⃣-انتبه إلى أن الفرش شديد النعومة أو الوسادات السميكة أيضاً 👈 تتسبب في مشكلة وآلام في الجزء العلوي من الظهر، ▧⇇ وكذلك تجنب النوم على معدتك، حيث أن ذلك سيؤدي إلى التواء الرأس والرقبة، ويسبب تفاقم آلام الظهر. 5⃣-استخدم الثلج على الجزء المصاب من الظهر، فهو فعال لكل الإصابات الخاصة بالعضلات والعظام، 👈 ويخفف من التورم والآلام، فيمكنك استخدام الثلج لمدة 20 دقيقة كل 2-3 ساعات لعدة أيام، ثم تخفيف الوتيرة مع اختفاء التورّم والألم، كما أن وضع الثلج على ظهرك باستخدام ضمادة مرنة قابلة للثني سيساعد على التحكّم في الالتهاب. 6⃣-استحم في ماء دافئ من أملاح إبسوم، حيث تؤدي إلى تخفيف الألم والتورّم بشكل ملحوظ، 👈 خاصة إن كان الألم بسبب الإرهاق العضلي، حيث يساعد المغنيسيوم الموجود في هذه الأملاح على إرخاء العضلات، 👈ومن الأفضل أن يكون الماء دافئا، ولا تنقع نفسك في الحمام لمدة أكثر من 30 دقيقة، لأن الماء المالح يسحب السوائل من الجسم ويؤدي إلى الجفاف. 7⃣-  جرّب إطالة عضلات الظهر المصابة، حيث قد تؤدي الإطالة إلى حل المشكلة، وخاصة إن تعاملت مع المشكلة في مراحلها الأولى 👈 واستخدم حركات بطيئة وثابتة، وخذ أنفاسا عميقة خلال عملية إطالة العضلات، وبشكل عام، حافظ على إطالة العضلة لمدة 30 ثانية وكرّر الأمر 3-5 مرّات يوميًّا. 🔸 الطريقة. اركع على سطح مبطّن مع إراحة الإليتين على باطن القدمين، ثم قم بالانحناء نحو الأمام من منطقة الخصر ووجّه أصابعك نحو الأمام لأقصى حد ممكن مع محاولة لمس الأرض بأنفك. 8⃣-دلّك العضلات لمدة 30 دقيقة مع التركيز على الجزء العلوي من الظهر والجزء السفلي من الرقبة، ويمكنك زيارة مختص للعلاج الطبيعي، واسمح له بالتعمّق على قدر استطاعتك دون التواء جسمك. 9⃣-  تجنّب حمل الحقائب التي يتوزّع فيها الحمل بشكل غير متوازن على الكتفين مثل الحقائب التي تُحمل على كتف واحدة، 👈واستخدم عوضًا عن ذلك حقيبة تمتلك عجلات أو حقيبة تحمل على الكتفين بأشرطة مبطّنة. 🔟-أقلِع عن التدخين لأن التدخين يؤثر سلبا على جريان الدم، 👈مما يؤدي إلى حرمان عضلات العمود الفقري والأنسجة الأخرى من الأكسجين والمغذيات.🔚 #سوي_اعادة_توجية_لاصدقائك @mosaabayad